демократски сојуз

ЛДП и ДС се за една изборна единица, ВМРО-ДПМНЕ ги поддржува

По трет пат ЛДП предлага Македонија да биде една изборна единица.Ова досега беше одбивано во претходните два парламентарни состави.Од ЛДП сега очекуваат поддршка од пратениците.„И денес, како и претходно, даваме силна поддршка за воведување на една изборна единица, отворени листи, како и вклучување на предлозите од граѓанскиот сектор за независни листи во креирање на новиот Изборен законик. Ова не е нова иницијатива на ЛДП. Ја нагласуваме потребата од праведен и транспарентен изборен модел, кој ќе обезбеди еднаквост на гласот и директно на граѓаните во изборот на нивните претставници. Цврсто веруваме дека оваа промена ќе донесе поголема транспарентност, поголема одговорност на избраните претставници, како и посилна демократија во нашата земја”, вели Љубен Аврамовски портпарол на ЛДП.„Ваквите измени ќе значат силен поттик на демократизација на изборниот процес и на државата во целина, како и демонтажа на еднопартискиот систем на владеење и зголемување на одговорноста на извршната и законодавната власт“, вели лидерот на Демократскиот сојуз, Павле Трајанов.Во врска отворените листи, Трајанов вели дека искуствата во другите држави покажале многу слабости. Предлагаат на претстојните локални избори да се почне со отворени листи за советници само во неколку општини и тоа Центар, Струга и Гевгелија.Премиерот Христијан Мицкоски за предлогот на ЛДП за воведување една изборна единица во новиот Изборен законик рече дека пратеничката група на ВМРО -ДПМНЕ ќе поддржи предлог за една изборна единица со право да гласа и дијаспората.

Македонија | пред 6 месеци

Демократски сојуз: Ветингот на Али Ахмети го спроведуваат САД

Демократски сојуз смета дека сите што се на црната листа на САД поради криминал, треба да понесат политичка и кривична одговорност, како и нивните налогодавачи.„Криминалот и влијанието врз судовите не е само самостојна определба и одлука на Артан Груби и Енвер Беџети, туку зад сите овие мафијашки однесувања стои лидерот на ДУИ Али Ахмети.Демократскиот сојуз повикува Парламентот да усвои Закон за политичка одговорност за сите што се на црната листа на САД за да се создаде законска основа за поведување постапка за кривична одговорност“, велат од ДС.„САД покажаа дека лажните бранители на албанскиот јазик во суштина продаваат магла и манипулираат со чувствата на Албанците за да си ја спасат сопствената кожа.Водството на ОНА наместо во ХАГ, дваесет години ја ограбува Македонија и нејзините граѓани и Албанци и Македонци.Очекуваме оставки и акција од државата“, соопшти ДС.

Македонија | пред 1 година

Демократски сојуз: Етно-национализамот е поттикнат од опозиционите партии

Демократски сојуз најостро го осудува палењето и кинењето знамиња на Македонија, на прославата на Денот на Албанското знаме и бара продлабочена истрага и одговорност од директните учесници и од поттикнувачите на овие антидржавни и антимакедонски активности.„ДУИ подолго време преку дезинформации за наводна незастапеност на Албанците во власта, укинување на балансерот за кој тие се залагаа, за наводна загрозеност на употребата на албанскиот јазик, етничко чистење на институциите итн., поттикнува етно-национализам насочен кон дестабилизација и блокирање на институциите да работат на откривање и документирање на криминалот во кој се вклучени и нивни кадри“, велат од ДС.„Демократски сојуз бара многу поорганизиран и неселективен пристап во борбата против тешките облици на криминал кои ги блокираат реформите, владеење на правото и развојот на државата.Овие настани ја детерминираат и потребата од брзи реформи на судскиот систем и кадровското екипирање на виталните државни институции.Овие националистички испади со палења на знамиња и пукање по плоштадите и улиците ги загрозува и евроинтеграциите на Македонија“, соопшти ДС.

Македонија | пред 1 година

Ставањето на Мерко на црната листа на САД е сериозна опомена против политичката мафија која владее со Македонија, велат од Демократски Сојуз

Ставањето на Рамиз Мерко на црната листа на САД е сериозна опомена против политичката мафија која владее со Македонија и против која никој не се осмелува да започне системска „војна“ сѐ до нејзино искоренување, реагираат од Демократскиот сојуз.Водачите на овој октопод, кој го разорува целокупниот систем, додаваат од партијата, ја уништуваат државата и надежта на младите е етаблирана во партиите, Владата, судовите, обвинителствата и институциите задолжени за откривање и сузбивање на криминалот и високата корупција.Оценуваат дека државата ни е во колапс, партизацијата и неподготвеноста да се изградат независни институции надвор од партиските влијанија и центрите на моќ, го суспендира владењето на правото и законитоста.„Потребен ни е генерален ремонт на државата, но тој процес ќе потрае сѐ до следните парламентарни и претседателски избори и донесување на нов Устав на Македонија. Инаку, Уставот го гуши демократскиот развој и одговорноста, како предуслови за државата да се движи напред. Во меѓувреме, повикуваме најитно Парламентот да го донесе Законот за борба против тешките облици на организиран криминал и висока корупција, со што ќе започне жестока борба и справување со криминалот што го прават функционерите. Инаку овој закон пред неколку дена во првата фаза го поддржаа пратениците од сите партии“, се додава во реакцијата од Демократскиот сојуз.Наместо министрите да се чудат за тоа како Мерко се нашол на црната листа, да погледнат околу себе, велат од Демократскиот сојуз, и да видат дека се бетер од Мерко и да се повлечат од функциите, а не еуфорично да ги повикуваат институциите да делуваат, кои во суштина се блокирани од самите нив.

Македонија | пред 2 години

Демократскиот сојуз повика на темелни реформи во судскиот систем

Демократскиот сојуз повика на темелни реформи во судскиот систем.Од партијата велат дека подолго време инсистирале на темелни реформи на судскиот систем, но дека СДСМ и ДУИ ги кочеле.„Главна цел на овие партии им е преку целосна партизација да имаат целосна контрола над Судскиот совет и судиите во целина.Во функција на итни реформи предлагаме: Прво, да се направи ревизија над работата на секој судија и на членовите на Судскиот совет: професионалниот однос спрема работата, коруптивноста, поврзаноста со политичките партии, имотната состојба и други елементи клучни за извршување на функцијата.Второ, Собранието по сеопфатна расправа да донесе заклучоци членовите на Судскиот совет да поднесат оставка, во спротивно да донесе законски измени со кои на сите членови на Судскиот совет ќе им престане мандатот и спроведе постапка за избор на нови членови врз основа на цврсти критериуми и транспарентна постапка.Трето, да се направат измени на Уставот со кој ќе се брише амандманот за судијата да не одговара кривично за донесена одлука.Четврто, да се донесе Предлог -Законот за преиспитување на факти и докази користени во судска постапка, со што ќе се создадат законски услови за обнова на монтираните политички – судски процеси. Преку повторување на постапката ќе се види улогата на секој судија, обвинител, припадник на МВР и моќниците од политичкиот врв. Тоа ќе биде сериозна основа за поширока кадровска обнова. Корумпирани судии и обвинители, како и без интегритет, подложни на влијанија од партиите или други центри на моќ, треба да понесат одговорност“ појаснуваат од партијата.Од Демократскиот сојуз ја обвинуваат власта од СДСМ и ДУИ дека три години го блокираат предлог-законот за преиспитување на факти и докази во Собранието.Демократскиот соуз предлага Министерството за правда, во најкус рок, да подготви законски решенија за реформи во правосудниот систем во целина.

Македонија | пред 2 години