ДПМНЕ

За СДС буџетот беше начин народните пари да се ставаат во џебови на поединци, реагира ВМРО-ДПМНЕ

„За време на владата предводена од СДС кога на дневен ред ќе дојдеше планирање на државната каса или буџетот, тие размислуваа кај кого ќе завршат народните пари. За време на СДС кога станува збор за буџетот на ум им беа матни тендери или криминал“, реагира ВМРО-ДПМНЕ на прес-конференција на Сања Лукаревска.„За време не СДС се трошеа милиони суми кои никој не знаеше каде завршуваат. За разлика од тоа време сега Владата на ВМРО-ДПМНЕ има јасно проектирана државна каса.За прв пат во историјата предвидени се средства за капитални инвестиции во висина од 50,5 милијарди денари.Во 2025 година според проекциите се очекува раст од 8,1% на бруто-инвестициите, односно истиот ќе биде поттикнат од засилената реализација на големите инфраструктурни проекти, вложувања во патна и железничка инфраструктура, како и инвестиции во енергетиката, земјоделството, здравството и образованието.СДС до пред една година имаше можност да прави буџети, нивната работа доби црвен картон. Сега Владата на ВМРО-ДПМНЕ има историски висока сума за капитални инвестиции за прецизни проекти. Сето ова ќе води кон повисок животен стандард“, се додава во реакцијата на ВМРО-ДПМНЕ.

Македонија | пред 1 година

(Видео) Лефков: Владата го зголеми Буџетот за земјоделие, фокус модернизацијата и наводнувањето

„Предлог Буџетот за 2025 година предложен од Владата во делот на МЗШВ е зголемен за 5% во однос на Буџетот од оваа година. Владата со Буџетот за 2025 година става акцент на земјоделието и неговата модернизација. До година преку МЗШВ продолжуваат активностите за рехабилитација и модернизација на системите за наводнување, проширување на постоечките и изградба на нови системи за наводнување“, рече Миле Лефков, пратеник и член на ИК на ВМРО-ДПМНЕ.„Во 2025 година се предвидува реализација на инвестиции и проекти од областа на водостопанството, како што се изградба на: брана Конско, изградба на брана на Оризарска Река и ХМС Равен – Речица, Полог.Се предвидува рехабилитација и изградба на четири системи за наводнување во рамки на речниот слив на Вардар ХС Лисиче, ХС Конско, ХС Пепелиште и ХС Јужен Вардар.Со поголема достапност на вода за наводнување до земјоделците, го правиме земјоделското производство поконкурентно и порентабилно.Владата ќе продолжи со исплаќање на заостанатите субвенции од време на СДС во наредниот период, а од до година субвенциите правовремено ќе завршуваат на сметка на земјоделците.Владата на ВМРО-ДПМНЕ работи за подобро земјоделие и враќање на достоинството на земјоделецот“, изјави Миле Лефков, пратеник и член на ИК на ВМРО-ДПМНЕ.

Македонија | пред 1 година

Мицкоски најави историско понижување на трудот на здравствените работници, реагира СДСМ

„Денеска Христијан Мицкоски објави историско понижување на трудот на здравствените работници! Неговата најава е за минимално односно историски најниско зголемување од 10% во споредба со досегашниот раст на платите“, реагира СДСМ.„Вкупните примања на лекарите специјалисти од 2017 до 2024 година, заедно со дежурства се зголемени меѓу 100-160%. по корекцијата на коефициентите од страна на СДСМ.Основната плата на лекарите специјалисти СДСМ ја зголеми за 40 проценти, на медицинските сестри ја зголемивме помеѓу 20 и 23 проценти, на општите лекари за 25 проценти, на здравствени соработници за 15 проценти. Минатата година во октомври се потпиша и Спогодбата со здравствениот синдикат за ново зголемување на платите на здравствените работници кое требаше да биде над 20% и тоа сега веднаш а не Мицкоски да прави лоша математика.Здравствените работници заслужуваат почит и плати за достоинствен живот.Дали целта на Мицкоски му е да ги избрка да работат по странство или по приватните клиники?Реално а не лажно зголемување е прашање за грижата за здравјето на нашите граѓаните и на целото наше општество но Мицкоски тоа нема капацитет ниту да го разбере ниту пак знаење нешто да преземе“, се додава во реакцијата на СДСМ на изјавата на Христијан Мицкоски.

Македонија | пред 1 година

Три години од мандатот, Арсовска наместо да работи во интерес на градот и жителите, како на производна лента менуваше само директори, реагира ВМРО-ДПМНЕ

„Данела Арсовска да се сврти за себе и да види што направи за жителите на Скопје во изминатите три години на чело на градот. И секако штом се сврти назад, Арсовска ќе види дека за цели три години локална власт во Скопје не направи ништо за Скопје и скопјани. Во своите три години власт, Арсовска во неработењето за градот и жителите го надмина и нејзиниот претходник“, реагира ВМРО-ДПМНЕ на соопштението на Град Скопје.„За цели три години власт го остави градот да се дави во смет и ѓубре. Скопје е толку валкан, што е по нечист град дури и од во времето на Шилегов, кој е синоним за неработење.Јавниот превоз е во ужасна состојба. Граѓаните со часови чекаат на автобуските постојки на овие ниски зимски температури за да им дојде автобус на ЈСП. Кај што нема автобуси, така и тие што ги има Арсовска не ги одржува и постојано се расипуваат. А дел од нив поради нередовното сервисирање, возејќи се запалуваат, така што го загрозуваат животот на патниците и воопшто на сите граѓани.Но, сепак има нешто што на Арсовска и оди и во што е рекордер. За не цели три години од мандатот, како на производна лента смени 30 директори на јавни претпријатија и институции под надлежност на Град Скопје и тројца секретари на градот, кои самата ги постави. А во моментов не се знае дали ни дали Скопје има Генерален секретар.Значи, наместо да работи за подобрување на состојбите во градот, Арсовска три години од нејзиниот мандат добиен од граѓаните се занимавала со лични и персонални праша за раководителите на институциите избрани токму од нејзе.И сето ова покажува дека нејзиното делување е на граница на лудоста што ја загрозува безбедноста и животот на граѓаните“, се додава во реакцијата.

Скопје | пред 1 година

СДС го уништи домашното производство на струја, заради нив е потребно да се увезува струја, реагира ВМРО-ДПМНЕ

„СДС го уништи домашното производство на струја, заради нив е потребно да се увезува струја. Да инвестираше СДС во нови производствени капацитети изминативе седум години или да се потрудеше да ги одржува подобро постојните, увозот на струја не би бил толкав“, реагира ВМРО-ДПМНЕ на соопштението на СДСМ.„Наместо развој на енергетскиот сектор, АД ЕСМ е затекнато со доспеани и неплатени долгови од 82 милиони евра, нула инвестиции во нови производни капацитети, прекумерно и неплански трошен хидропотенцијал. Потоа, затекната е катастрофална состојба во рудниците во РЕК Битола, без откривка на јаглен, несоодветно направени ремонти или воопшто неизвршени техничко технолошки зафати во пресрет на грејната сезона, увоз на скап и неквалитетен јаглен што предизвика оштетување на термо постројките, сомнежи за злоупотреби при јавните набавки. Ова се само дел од состојбите кои ги создаде СДС со неговото менаџирање во енергетиката. Само декларираните „шампиони во енергетиката“ го доведоа енергетскиот систем пред колапс.Функционерите во СДС, кои го ограбуваа енергетскиот сектор во Македонија, кои сега се кријат зад партиски соопштенија да се подготват за одговорност. Јавноста брзо ќе дознае како оваа партија се однесувала кон државниот имот и зошто домашното производство на електрична енергија никогаш не било во полоша состојба“, се додава во реакцијата на ВМРО-ДПМНЕ.

Македонија | пред 1 година

Нема фотографија

Стојаноски: Креираме буџет кој ќе финансира директни инвестиции кои се конкретно видливи и создаваат додадена вредност

Во емисијата „Утринско еспресо“, на Радио Лидер утрово се дебатираше на актуелни економски теми или поконкретно како ќе се трошат народните пари, при што свој осврт и видување даде пратеникот од редовите на ВМРО-ДПМНЕ, Бојан Стојаноски.Тој јасно прецизира дека за разлика од минатиот период во кој доминантни компоненти беа корупцијата и дузина негативни ситуации кои кај граѓаните создаваа едно негативно чувство кога станува збор за менаџирањето со јавните финансии, сега актуелната Влада, прави една промена и изготвува економски документ кој комплетно ќе ја промени нашата економска филозофија.„Овој пат ние одлучивме да направиме еден програмски документ, односно крвна слика на нашата економска филозофија и комплетно да ја промениме. За прв пат можеби, од поодамна, да биде буџет кој ќе финансира директни инвестиции коишто прво ќе бидат конкретно видливи, а потоа ќе создаваат додадена вредност“, потенцира Стојаноски.Според него граѓаните не треба да слушаат што се зборува, туку едноставно да гледаат по актите и постапките како се однесуваат политичарите. Во овој контекст напоменува дека споредено со првите квартали од оваа година кога економскиот раст изнесува само 1%, што би се остварил, пластично кажано без никаква активност и заложба од страна на владините функционери кои и онака немаа помрднато со прст, во третиот и четвртиот квартал пак, се очекува раст од 2,5% односно 3% соодветно.„Во наредните три месеци од новата година 350 милиони евра ќе бидат веќе ефектуирани во општините, а тие 830 милиони евра капитални инвестиции кои се врзани за капитални инвестиции ќе се интензивираат како што се интензивираа во последниве шест месеци и имаме намера со покачување на платите и пензиите да ја поттикнеме потрошувачката. Понатаму, тие инвестиции што ги договори Владата, досега се осум, овој месец ќе склучат договор со уште две и декември со уште две, барем за сега тоа е договорено како пакет потпишано и заклучено. Значи, дванаесет инвестиции ќе отпочнат со сериозни градежни активности во првите три месеци наредната година и затоа и на тоа ние го темелиме растот“, појаснува Стојаноски.

Македонија | пред 1 година

По 7 години урнисана економија од СДС и ДУИ предлог буџетот за 2025 година ги интегрира најсуштинските потреби на граѓаните, велат од ВМРО-ДПМНЕ

„По 7 години урнисана економија од СДС и ДУИ предлог буџетот за 2025 година ги интегрира најсуштинските потреби на граѓаните. По 7 години отсуство на развоен концепт и стратешко планирање предлог буџетот за 2025 претставува концепт и суштинска промена во водењето на јавните финансии“, велат од ВМРО-ДПМНЕ.„Владата со буџетот за 2025 одвојува над 25% повеќе средства од тоа што владата на СДС и ДУИ имаа предвидено за 2024 година. Со буџетот за 2025 година кој е предложен од Владата до Собранието се одвојуваат 7.5 милијарди денари за здравството, во споредба со 5.9 за оваа година.Владата на ВМРО-ДПМНЕ го реализира ветеното и инвестира во здравството и подобрување на условите во здравството.Со буџетот за 2025 година ќе има повеќе средства за набавка на медицинска опрема за потребите на јавните здравствени установи, изградба, реконструкција и доградба на објектите во јавните здравствени установи.Владата на ВМРО-ДПМНЕ вложува во реконструкции на следните ЈЗУ: Општа болница Кичево, Специјална болница за ортопедија и трауматологија „Св. Еразмо“ - Охрид и Клиника за хируршки болести „Св. Наум Охридски“ – Скопје.Исто така предвидено е да продолжи изградбата на Клиничката болница во Штип, проект кој беше и предизборно ветување на ВМРО-ДПМНЕ.Со буџетот за 2025 година се планираат и средства за градежни активности и реконструкции во Здравствен дом Скопје, Kлиниката за психијатрија и други установи.ВМРО-ДПМНЕ ги реализира ветувањата и вложува во суштински реформи и промени во здравството каде пациентите и граѓаните се на прво место.ВМРО-ДПМНЕ работи на трансформација на здравството во Македонија“, соопшти ВМРО-ДПМНЕ.

Македонија | пред 1 година

(Видео) Лефков: Во Буџетот за 2025 година 25% повеќе пари за здравството од оваа година, владата на ВМРО-ДПМНЕ го реализира ветеното

„Владата со Буџетот за 2025 одвојува над 25% повеќе средства од тоа што владата на СДС и ДУИ имаа предвидено за 2024 година. Имено со предлог Буџетот за 2025 година кој е предложен од владата до Собранието се одвојуваат 7.5 милијарди денари за здравството, во споредба со 5.9 за оваа година“, рече Миле Лефков пратеник и член на ИК на ВМРО-ДПМНЕ.„Здравството и подобрување на условите во здравството се високо на агендата на владата на ВМРО-ДПМНЕ, се планираат голем број на инвестиции.Инвестициите се насочени кон набавка на медицинска опрема за потребите на Јавните здравствени установи, изградба, реконструкција и доградба на објектите во Јавните здравствени установи.Владата за 2025 година планира реконструкции на следните ЈЗУ: Општа болница Кичево, Специјална болница за ортопедија и трауматологија „Св Еразмо“ - Охрид и Клиника за хируршки болести „Св. Наум Охридски“ – Скопје.Предвидено е да продолжи изградбата на Клиничката болница во Штип, проект кој беше и предизборно ветување на ВМРО-ДПМНЕ.Со Буџетот се планираат и средства за градежни активности и реконструкции во Здравствен дом Скопје, Kлиника за психијатрија и други установи.ВМРО-ДПМНЕ спроведува политики за трансформација на Македонија“, изјави Миле Лефков пратеник и член на ИК на ВМРО-ДПМНЕ.

Македонија | пред 1 година

Попов: УМС на ВМРО ДПМНЕ е единствена младинска политичка сила во Македонија која го слуша гласот на младите

Во денешната емисија „Дејли Клик“ на Телевизија 21 гостуваше претседателот на Унија на млади сили и пратеникот од редовите на ВМРО ДПМНЕ, Сергеј Попов кој истакна дека младите гледаат во УМС како партнер кој ги остварува интересите и се стреми кон остварување на потребите на студентите, односно на сите млади со тоа што се слуша нивниот став и се реализираат проекти во интерес на младите луѓе.„За УМС можам да кажам дека ние сме еден голем политички подмладок ,имаме навистина многу членови многу активисти, многу обемна и комплексна структура. Така да, навистина можам, нескромно, да кажам да навистина луѓето не препознаваат кога се движиме на самиот терен. Најмногу не препознаваат младите луѓе и би рекол дека младите луѓе најмногу гледаат партнер во нас, бидејќи сметам дека сме политички подмладок со најголема сила, со најдобро организирана структура, којашто може сите оние барања и потреби на младите луѓе да ги канализираме, како што впрочем и се случи“, посочи Попов.Во оваа емисија тој нагласи дека поддршката од младите луѓе е добиена со самата понуда која што била понудена од страна на ВМРО ДПМНЕ и дека сите оние потреби од младински интерес одат во нагорна насока, а сето тоа се гледа од досегашното владеење со што се креираат младински политики со наизменично комуницирање со предлози и идеи со младите членови.„Ние поддршката од младите луѓе за изборите ја баравме преку понудата која што ја дававме кон тие млади луѓе и еве сега преку двајцата пратеници кои УМС ги има во рамки Собранието на Република Македонија, како ниедна друга политичка партија, како ниеден друг политички подмладок во државата имаме прилика да видиме и како дел од тие работи во првите неколку месеци во владеењето на ВМРО ДПМНЕ веќе се реализираат“, изјави Попов.Тој, исто така, ги повикува сите млади да се приклучат во рамките на УМС, сметајќи дека тука се реализираат сите суштествени потреби на младите во општеството, како и за студентите со реконструирање на студентски домови и подобри услови за живот, посочувајќи дека единствено во Унија на млади сили на ВМРО ДПМНЕ се слуша гласот на младите.„Оваа прилика сакам да ја искористам да ги повикам сите млади да и се приклучат на УМС на ВМРО-ДПМНЕ бидејќи, би рекол дека, е единствената младинска политичка сила во Македонија којашто реално на терен и низ пракса ги менува работите во нашето општество. Ние сме седум месеци на власт, студентските домови веќе за некој месец ќе ги отвориме. Така да, слушање на гласот на младите е дали за младите се реализираат проекти, а не колку млади имаме директори или колку млади имаме на функција“, рече Попов.

Македонија | пред 1 година

Студентскиот стандард ќе се зголемува со повеќе од 30 милиони евра, се реконструираат студентските домови, велат од ВМРО-ДПМНЕ

„Владата предводена од ВМРО-ДПМНЕ го зголемува студентскиот стандард со повеќе од 30 милиони евра, односно се зголемува за 18% повеќе од лани. За енергетски ефикасна рехабилитација се издвоени шест милиони евра. Се работи на реконструкција на студентските домови, за кои се очекува да бидат ставени во функција следната година“, велат од ВМРО-ДПМНЕ.„Во однос на ученичкиот стандард, Владата предвидува зголемување од 12% споредбено со минатиот буџет. Предлог Буџетот за 2025 година на Владата предводена од ВМРО-ДПМНЕ е развоен во делот на млади и образование. Насочен е да се подобрат условите за учење, студирање и живот на младите. За оваа цел, се предвидуваат три милијарди денари повеќе во Буџетот за образование.Образовните работници ќе добијат покачување на платите во март од 7%. Платите ќе продолжат да растат и во следните години од мандатот, ќе се зголемат за 46%.Во однос на 2024 година, капиталните инвестиции ќе се зголемат за 115 милиони денари. Средствата ќе бидат насочени за изградба и обнова на училишта, обезбедување на подобри услови за нашите ученици и модернизација на образовната инфраструктура.Врвен приоритет на Владата на ВМРО-ДПМНЕ се младите и образованието, а тоа ќе се зголемува секоја година“, се наведува во соопштението на ВМРО-ДПМНЕ.

Македонија | пред 1 година

Трајков: Реформската агенда, во чиј процес се вклучени и младите, ќе обезбеди основа за забрзана и суштинска интеграција на Македонија во ЕУ

Во поткастот „ВМРО-ДПМНЕ Зборува“ заменик министерката за европски прашања, Викторија Трајков која воедно е и заменик главен преговарач за ЕУ, стави акцент на приоритетните области од Реформската агенда, со што би се забрзал процесот на интеграција и унапредување на економијата и ги наведе областите во кои би се спровеле реформите, како и улогата на младите во самиот процес.Таа посочи дека Владата изминатите пет месеци има направено многу на дипломатски план и како и досега, Македонија останува да биде пред се и над се.„Реформската агенда, тоа е нешто најактуелно во моментот што се зборува, нешто за кое што навистина упорно и напорно работеше Министерството за европски прашања, а претходно Секретаријат за европски прашања и морам да кажам дека нашата Реформска агенда е една од најдобрите, односно најдобра во регионот со што и не пофалија од Европската комисија дека добро сме ја сработиле. Она што сега во моментот следува како следна фаза е да ја реализираме баш онака како што е испланирана и напишана“, изјави Трајков.Таа образложи на што се темели Реформската агенда, односно областите кои ќе бидат опфатени и каде ќе се спроведат реформите, како што се јавната администрација, дигитализацијата, развојот на човечкиот капитал, а во фокусот на реформите го стави владеењето на правото, односно справување со корупцијата, така што тоа би довело до успешно справување со предизвиците кои ги носи иднината, сметајќи дека сето ова е клучно за подобрување на стандардот на граѓаните и обезбедување долгорочна стабилност и напредок на државата.„Најважно е да се зајакне капацитетот на јавната администрација, но и еден процес којшто е многу важен е дигитализацијата, да речам прво на администрацијата, па сите останати државни процеси. Она што е особено важно, а мислам и дека најголем акцент ќе се даде е реформата во владеењето на правото, како една партија којашто имаше навистина огромна поддршка од граѓаните, мислам дека таа реформа мора да се случи и конечно во оваа држава секој да биде еднаков пред законот, да нема ваши и наши, туку тој што ќе си погреши да си одговара, односно ќе се фокусираме на борбата против корупцијата“, наведе Трајков.Исто така, таа посочи дека младите се дел од процесот на Реформската агенда во донесувањето на разни одлуки, потенцирајќи дека е од огромно значење да се слушне нивниот став и мислење за одредено прашање и дека тие ќе бидат вклучени со присуство на разни дебати и настани.„Младите и невладиниот сектор ни се навистина многу важни и мислам дека во цел овој процес за реформската агенда ќе бидат вклучени како дел од расправи, тркалезни маси, така што ние не ги напуштивме младите ни претходно како политичка партија. Но и сето она коешто денес е, да речам, суштински важно да бидат дел од процесот и може да се виде дека на секоја една стратегија на секој еден состанок каде што се покровители или организатори Владата на нашата земја, апсолутно има присутност на младите и тоа го поздравувам дека таа пракса треба и понатаму да се продолжи“, заклучи Трајков.

Македонија | пред 1 година

Предлог буџетот за 2025 предвидува 50,5 милијарди денари за капитални инвестиции што значи работа и подобар животен стандард, вели ВМРО-ДПМНЕ

„ВМРО-ДПМНЕ постојано работи на развој и економски раст што резултира со подобар животен стандард на граѓаните. Во предлог буџетот за 2025 година на Владата предводена од ВМРО- ДПМНЕ предвидени се рекордни 50,5 милијарди денари за капитални инвестиции“, соопшти ВМРО-ДПМНЕ.„Во оваа сума колку за илустрација вклучени се проекти како патната инфраструктура за коридорите 8 и 10д, потоа експресни патишта, железници, изградба на објекти.Во работата на овие капитални инвестиции ќе бидат вклучени сите надлежни министерства.Дека Владата е насочена кон развој се гледа и од основниот податок за зголемување на средствата за Министерството за транспорт за речиси 70 проценти или околу 7 милијарди денари повеќе. Потоа најголем дел од предвидените расходи се за капиталните проекти.Владата на ВМРО-ДПМНЕ со буџетот за 2025 планира инвестиции во инфраструктура, училишта, градинки, болници и други јавни објекти.ВМРО-ДПМНЕ работи на реализација на капитални инвестиции кои водат кон економска трансформација на Македонија и подобар животен стандард на граѓаните“, соопшти ВМРО-ДПМНЕ.

Македонија | пред 1 година

Станковиќ: Планираните приходи од над 358 милијарди денари во Буџетот за 2025 година се реално остварливи

Денес на Комисијата за финансии и буџет, на која се расправа Предлог- буџетот за 2025 година, се обрати Малиша Станковиќ, пратеник од коалицијата предводена од ВМРО-ДПМНЕ, кој зборуваше детално за буџетот и посочи дека граѓаните мора да се запознаат со бројките околу буџетот, затоа што на крајот од денот тие треба да ценат дали е добар или не.Тој се осврна на областа од буџетот, која се однесува на приходната ставка, односно на предвидувањето на Владата за приходувањето, со средства кои се прибираат од даноци но и од донации или заеми, при што додаде дека цифрата која што е предвидена е достижна за остварување, а тој има позитивно гледиште на сето тоа.„358,8 милијарди денари државата планира да прибере како средства, тие вообичаено се прибираат од даноци, акцизи и друг вид на царински давачки. Дел од овие средства се обезбедуваат и како донации или заеми. Од овие 358,8 милијарди денари ако можевте да видите уште пред буџетот да влезе во Собранието, има експерти што зборуваа дека малку оваа цифра е нереална, мене ако ме прашувате од она што можевме да го видиме во изминатото тромесечје видовме дека енормно се зголемило наплатата во управата за јавни приходи и наплатите во царина како два органи коишто, пред се, се грижат за фискалната политика односно на прибирањето на средствата во државата. Тоа ни дава умерен оптимизам дека оваа цифра е достижна, така да овие 358,8 милијарди денари колку што е предвидено дека ќе се приходуваат во текот на 2025 година, сметам дека се достижни и оттаму можеме да бидеме оптимисти дека барем приближно оваа цифра ќе ја обезбедиме“, изјави Станковиќ.Исто така тој наведе дека ребалансот е работа која е сосема нормална во секоја држава и со помош на ребалансот ќе се има увид на состојбата во една земја и сите средства би биле соодветно распоредени во зависност од тоа во која насока се движат работите и во која област треба да се наменат, па така не треба да се критикува тука да се сфати за нормален дел од функционирањето на државата.„Зборуваат често колегите дека има ребаланс. Да ребалансот не е лоша работа, со ребалансот се проверува до каде е стигната состојбата, секоја држава прави ребаланс и секоја држава гледа како тој ребаланс би влијаел. Вие можете да имате состојба каде што ќе приходувате повеќе, па со ребалансот ќе ги предвидите приходите коишто сте ги обезбедиле да ги распоредите по соодветни ставки. Така да, ребалансот не треба да се разбере како лоша работа напротив, ако треба да се критикува за ребалансот кога ќе дојде ребалансот, не треба да ги плашиме граѓаните што ќе има ребаланс, не сме измислиле топла вода, секоја држава во текот на годината има ребаланс“, посочи Станковиќ.

Македонија | пред 1 година

(Видео) Попов: Со новиот буџет има повеќе пари за повисок младински стандард

Во текот на денешната Комисија за финансирање и буџет за 2025 година, од собраниската говорница се обрати и Сергеј Попов, пратеникот од редовите на ВМРО-ДПМНЕ кој потенцира дека новите буџети и ребалансите на истите претставуваат одлична прилика да се согледаат намерите на една влада кон одредените таргет групи и колку се тие реални или паушални ветувања.Според него ова претставува исклучителна прилика за согледување на разликите во односот кон младите и младинскиот стандард помеѓу изминатиот период додека владата беше предводена од СДС и сега, кога ВМРО-ДПМНЕ е на власт.„Порано, драги млади и почитувани пратеници, многу се ветуваше, ништо не се реализираше, а не се реализираше затоа што ветувањата се даваа паушално без за тоа да се обезбедат средства во буџетот, што неминовно не води до констатацијата дека младите седум години биле манипулирани“, концизен е Попов.Тој појаснува дека во изминатите 7 години државата за едни беше мајка, а за други маќеа и дека сите пресови, реакции и поднесени амандмани беа за бадијала зошто Владата предводена од СДС парите за младите сепак ги насочуваше за други ставки преку кои се богатеа одредени поединци од власта.„Затоа изборите завршија како што завршија и затоа поддршката од младите за Социјалдемократскиот сојуз е толкава колкава што е или во превод, на ниво на статистичка грешка. Почитувани, младите се почитуваат со дела, а токму овој буџет со сигурност ќе донесе повисок младински стандард, а сега дозволете ми со факти да презентирам и зошто“, вели Попов.Во овој контекст, Попов појаснува дека Владата на ставката студентски стандард предвидува средства кои се за 18% повеќе споредно со буџетот за 2024 година, додека пак за ученичкиот стандард се предвидени 12% повеќе во однос на буџетот од минатата година, кој беше креиран од другата влада и за ставката високо образование 17% повеќе споредено со претходниот период.Тој исто така напоменува дека веќе е отпочната реконструкцијата на студентските домови и во текот на наредната година истите ќе бидат ставени во функција, а истовремено се предвидува и реконструкција на средни училишта.

Македонија | пред 1 година

Стаменкоска Трајкоска: Заврши времето на нетранспарентна распределба на средства и донесување штетни политики, данокот нема да го плаќаат граѓаните

„Колега Џафери ве слушав внимателно и навистина во вашиот говор имавте еден интересен заклучок, спомнавте сиромаштија, спомнавте ниски плати, спомнавте брзи кредити. Не спомнавте дека 22 години на власт беше вашата политичка партија и не спомнавте исто така дека не успеавте да ја завршите работата“, истакна пратеничката на ВМРО-ДПМНЕ Бети Стаменкоска Трајкоска на денешната собраниска Комисија за финансирање и буџет.Стаменкоска Трајкоска посочи за нетранспарентната распределба на средствата која се правела и за штетата која ја предизвикувале со ваквиот начин на однесување директно на товар на граѓаните.„Не спомнавте исто така дека доколку не се трошеа пари нетранспарентно, доколку парите се трошеа одговорно ќе имаше за сите и за народот како што има сега во предлог буџетот. Не ја спомнавте „Соравија“, „Арберија“, ЕТЦ травел“ и сите оние милиони евра кои беа потрошени во тој правец“, децидна беше Стаменкоска Трајкоска.Стаменкоска Трајкоска напомена дека апсурдно е што говореле за поделба на финансирање на проекти по однос на фаворизирање на општини. Фактите говорат дека нема поделба, постои транспарентна распределба на државните пари.„Ги спомнавте општините и почнавте да ја делите работата за едни има за други нема. Сите 80 општини аплицираа на повикот за проекти, одобрени 357 проекти, дали знаете каква поделба има таму? Нема поделба. Транспарентно и одговорно распределба на државните народни пари“, изјави Стаменкоска Трајкоска.Стаменкоска Трајкоска потенцираше дека ќе следуваат промени во корист на граѓаните, зголемување на животен стандард и ова ќе биде реалност од која ќе нема отстапување.„И ќе кажам, да ќе нема сиромаштија ќе нема брзи кредити кога граѓаните ќе имаат повисоки плати, а ќе имаат, кога пензионерите ќе имаат повисоки пензии, а ќе имаат, тоа е новата реалност која ќе се случува“, заклучи Стаменкоска Трајкоска.

Македонија | пред 1 година

СДС како хумористичен стрип со 200 амандмани, реагира ВМРО-ДПМНЕ

„СДС нема кредибилитет да го критикува буџетот за 2025 кој го донесе Владата, кога тие буџетот за 2024 го оставија неликвиден. СДС толку добро „работеше“, што од економијата во Македонија направија циркус, а државните каси ги оставија празни. Сега со крокодилски солзи и 200 амандмани, се прават дека се „загрижени“ за економијата, но прашањето е: Зошто не ги применуваа сите „генијални“ решенија додека имаа шанса“, прашува ВМРО-ДПМНЕ.„ВМРО-ДПМНЕ го менаџира буџетот со јасен фокус на намалување на дефицитот и зголемување на капиталните расходи со што ќе донесе вистински развој на државата.Дефицитот е на ниво 4% во износ од 41 милијарда денари и номинално е понизок за 3,3%За време на СДС изнесуваше околу 4,7% и ова е јасен показател колку лошо ја менаџирале економијата, или пак само краделе, целата екипа на СДС се како хумористичен стрип.Капиталните расходи се на ниво 50,6 милијарди денари кои бележат раст од 6 милијарди денари во однос на ребаланс на буџетот.СДС недомаќински и неодговорно ги трошеа народните пари, ги оставија учениците без учебници, а студентите без оброци.ВМРО-ДПМНЕ кога станува збор за образованието, постигна договор за раст на платите во образованието. Покачени беа платите на просветните работници, и ова покачување не е само 5% оваа година. Во следните 4 години нивните плати ќе се покачуваат за 7.5-10%, а за 2026, 2027 и 2028 година од 10-12.5%, што значи најмалку 46% покачување за 4 години.Со буџетот се обезбедени средства и за поддршка на животниот стандард. Пензиите од март ќе се зголемат за 2500 денари. За таа намена се обезбедени дополнителни 15 милијарди денари.ВМРО-ДПМНЕ води сметка за сите граѓани од сите категории, особено за ранливите каде има зголемување 500 милиони денари.СДС комплетно ги исклучи земјоделците, со ниски откупни цени за производство, работниците на АД Водостопанство и ЈП Македонски шуми ги остави без плати.ВМРО-ДПМНЕ работи за граѓаните, со цел да им обезбеди подобар животен стандард, и ниедна категорија на граѓани да не биде запоставена“, се наведува во реакцијата на ВМРО-ДПМНЕ на прес-конференцијата на Јована Тренчевска.

Македонија | пред 1 година

Изградбата на когенеративната централа значително ќе го намачи загадувањето на воздухот и ќе обезбеди здрава животна средина, велат од ВМРО-ДПМНЕ

„Седум години СДС на власт системски ја уништуваше државата. Нема поле и област кои во нивно седумгодишно владеење направиле нешто корисно за општото добро на сите. Така и по однос на проблемот со загадениот воздух со кој се соочува Македонија, а посебно главниот град Скопје. Загадувањето на воздухот не е проблем од вчера и за кој може да се изнајдат инстант решенија кои магично ќе го прочистат“, соопшти ВМРО-ДПМНЕ.„Тоа е комплексен проблем кој бара системски и долгорочен пристап, со конкретни мерки и проекти, и поголеми вложувања во животната средина со цел намалување на загадувањето.Но, состојбата со загадениот воздух, посебно во Скопје, е таква каква што е затоа што СДС седум години на власт ништо не направија во овој поглед. Освен што на предизборните митинзи, после кои и ја преземаа власт, викајќи на цел глас „ајро, ајро, нема воздух“ ветуваа чист воздух за македонските граѓани, седум години на власт со прст не мрднаа.За седумгодишното владеење, единствена мерка што СДС ја преземаше против загадениот воздух, е тоа што на македонските граѓани, особено на скопјани им делеше совети да не проветруваат и да не ги отвораат прозорците од домовите.Решавањето на проблемот со загадувањето на амбиенталниот воздух бара системското делување и големите вложувања во заштита на животната средина кои ќе ги исклучат главните фактори на загадување.ВМРО-ДПМНЕ е одговорна партија и тоа се гледа во практикувањето на власта, затоа ќе преземе големи системски мерки и ќе спроведе детален план кој ќе резултира со намалување на загаденоста на воздухот и здрава животна средина.Главен столб во тој план е и стратешка инвестиција на гасна когенеративна централа, која ќе обезбеди топлинска енергија со значително и драстично намалување на загаденоста, а во исто време ќе произведува електрична енергија која ќе се користи во стопанството. И за таа намена, Владата ќе даде значителни субвенции кои ја поттикнат и забрзаат изградбата на централата.Не сме сите исти, тоа се гледа и во пристапот на решавањето на најгорливите проблеми, како што е и загадениот воздух. Промените веќе се случуваат и за период од околу еден и пол мандат власт на ВМРО-ДПМНЕ ќе се почувствуваат резултатите со почиста животна средина и почист воздух“, се наведува во соопштението на ВМРО-ДПМНЕ.

Македонија | пред 1 година

Мисајловски: Македонија како полноправна членка на НАТО носи бројни придобивки за безбедноста и економијата

Во поткастот „ВМРО-ДПМНЕ Зборува“, министерот за одбрана и потпретседател на ВМРО ДПМНЕ, Владо Мисајловски се осврна како членството на Македонија во НАТО, има значителни придобивки, не само за безбедноста на Македонија, туку и за економскиот развој.„Круцијално е што добива Македонија со членството во НАТО, а тоа се пред се колективна безбедност. НАТО е најголемиот политички воен сојуз, и се подразбира дека прво и основно е стабилноста на сите граѓани“, кажа Мисајловски.Мисајловски истакна дека нашата земја е во добра позиција, затоа што одлучува рамо до рамо со големите светски сили. Членството на Македонија во НАТО, ја позиционира земјата во силна и сигурна алијанса, што и овозможува да донесува одлуки заедно со најголемите светски сили.„Што се случува околу нас, поготово во Украина, блискиот исток, нови жаришта, постојано се наоружуваат земјите, но ние сме во системот каде што заеднички седиме на маса со најсилните држави во светот. Една од придобивките е тоа што можеме постојано да имаме контакт со тие луѓе, да бидеме пријатели, да разменуваме искуство, но исто така е многу важно со обврските што сме во НАТО, да одвојуваме над 2% од буџетот и да се модернизираме“, рече Мисајловски.Мисајловски говореше за тековната модернизација на армијата, и насоките во кои се движи оваа модернизација.„Секоја земја си има одреден степен на модернизација, насочување, што се нивни способност и цели, и во моментот сме насочени кон лесната пешадиска баталјонска група, каде што се вложува за модернизација“, посочи МисајловскиМисајловски потенцираше дека членството во НАТО може да влијае и позитивно на нашата економија и го спомена НАТО пазарот и што тоа може да значи за нас.Мисајловски истакна и дека со зголемената безбедност, се отвораат и нови можности за инвестиции во Македонија, а компаниите имаат пристап до НАТО пазарот.„Она што го добиваме од НАТО, а не се политичките моменти, она што е колективно е безбедност, а влијае и врз економијата. Многу компании може да учествуваат и на НАТО пазарот со отворање нов спектар на можности. Од друга страна со самото тоа што сме членка во НАТО зголемување на безбедноста се отвора и ново поле во економијата, односно многу компании сакаат да инвестираат и поради таа причина што е многу добро за нашата економија. Придобивките се огромни, поготово во момент каде што има многу жаришта околу нас, и многу е важно да ги следиме сите оние трендови на модернизација и на други земји, како и ние да се модернизираме и да гледаме да се подобруваме, и да обезбедуваме средства за човечки ресурси“, потенцираше Мисајловски.Мисајловски додаде дека Владата, предводена од ВМРО-ДПМНЕ, обезбедува во континуитет 2% од буџетот, со што ќе овозможи бројни проекти за модернизација и подобрување на инфраструктурата.

Македонија | пред 1 година

(Видео) Причината за загадениот воздух има име и презиме - СДС и ДУИ, вели Марковска Илиевска

„Седум години власта на СДС и ДУИ не мрдна со прст во однос на загадувањето на воздухот во Скопје. Скопје се гуши подолг период, а последните скоро една деценија градот е на врвот на листите на градови со најзагаден воздух, рамо до рамо до Мумбаи, Киншаса или други градови од по десетици милиони жители од делови на Африка и Азија“, Анета Марковска Илиевска, советник во Совет на Град Скопје.„СДС во 2017 година дојде на власт со ветување дека ќе го исчисти воздухот во Скопје. Тогашниот лидер на СДС на партиски митинг во Аеродром на цел глас велеше ајродром, ајро, ајро. 7 години подоцна Скопје никогаш не било со позагаден воздух.7 години се доволен период за ако почнат да се преземаат мерки за намалување на загадувањето, тие и да вродат со плод.Проблемот е што 7 години ништо не е преземено. А тие што 7 години имаа можност да преземат нешто и да го намалат загадувањето, сега се најгласни во хипокризијата.Причината за загадениот воздух има име и презиме, и тоа е СДС и ДУИ.Клучот е во системското делување и во големите вложувања во заштита на животната средина кои ќе ги исклучат главните фактори на загадување.Во таа насока владата на ВМРО-ДПМНЕ ќе преземе големи системски мерки кои ќе придонесат за намалување на загаденоста на воздухот, спроведување на детален план кој ќе резултира со чист воздух и здрава животна средина.Главен столб во тој план е и стратешка инвестиција на гасна когенеративна централа, која ќе обезбеди топлинска енергија со значително и драстично намалување на загаденоста, и електрична енергија која ќе се користи во стопанството.Владата за таа намена како што најави премиерот Мицкоски ќе даде значителни субвенции кои ја поттикнат изградбата на централата.Промените се случуваат и ќе резултираат со почиста животна средина и почист воздух. Решението нема да дојде за 1 годинa, но во период од еден ипол мандат тоа и како ќе биде приметливо и ефективно“, изјави Анета Марковска Илиевска, советник во Совет на Град Скопје.

Скопје | пред 1 година

Нема фотографија

Лефков: За седум години власт на СДС немало ниту едно кривично дело кое што се однесувало на загадувањето на животната средина

На вечерашното гостување на Канал 5, во емисијата „Само Вистина” присуствуваше пратеникот од ВМРО ДПМНЕ, Миле Лефков и се зборуваше за актуелната тема во моментов која е загадениот воздух при што нагласи дека загадувањето е сложен проблем кој во голема мера е предизвикан од начинот на затоплување како на домаќинствата така и на јавните институции.Во насока на решавање на овој голем проблем кој бара сеопфатно системско решение, Лефков посочи дека министерството за здравство веќе најави дека во десет болници ќе се промени начинот на загревање кој што моментално е на мазут.„Загадувањето е еден сложен проблем кој што доаѓа и од начинот на греење на јавните институции и енергетските коишто се користат во управувањето со ѓубрето. Многу важно за ова е да се реализираат оние проекти кои што се однесуваат на промена на начинот на загревање на јавните институции, нешто што видовме дека го најави министерот за здравство, дека во десет болници ќе се промени начинот на греење на мазут затоа што тоа загадува дополнително”, рече Лефков.Тој потенцираше дека е важно да продолжат проектите на Европската Унија за изградба на регионални депонии како и секаде во светот кои што функционираат со селекција на отпад со инсенeратор.„Важно е да продолжат проектите на Европската Унија за изградба на регионални депонии затоа што од Италија до Шведска и насекаде на тој начин функционираат со селекција на отпад со инсенератор. А, важно е да напоменеме дека повикот за изградбата на регионалната депонија во источниот регион веќе е отворен, постои и го има на ЕУ тендер објавен е и трае до втори февруари. Има рок на изградба во неколку фази и вкупен рок на изградба во рок од 900 дена, односно три години и тоа е единствен начин постепено во државата, преку замена на горивата коишто се користат“, посочи Лефков.Лефков истакна дека во изминатите седум години при анализа на извештаите на јавното обвинителство по структура на криминалитет на кривични дела немало ниту едно кривично дело кое што се однесувало на животната средина.„Јас тоа го наоѓам како забелешка кога ќе ги погледнете извештаите на јавното обвинителство по структура на криминалитет на кривични дела кои што се гонат во изминативе седум години од кривичните дела кои што се однесуваат на животната средина имаше нула кривични дела за кои што се постапува, неколку години во кои воопшто не се водеше грижа“ рече Лефков.

Македонија | пред 1 година

ВМРО-ДПМНЕ: Владата е во потрага по партнер за изградба на неколку когенеративни централи за производство на електрична енергија и гас со што ќе се намали загадувањето за 60 проценти, СДС во меѓувреме...

„СДС 7 години буквално ништо не направи во однос на загадувањето. Доколку изминатите 7 години СДС имаше барем една мерка против загадувањето до ваква ситуација можеби и немаше да дојде. Владата предводена од ВМРО-ДПМНЕ работи на сеопфатна стратегија која на долг рок ќе даде резултати“, велат од ВМРО-ДПМНЕ.„ВМРО-ДПМНЕ интензивно работи на спречување на загадувањето на воздухот во државата.Мeѓу најголемите проблеми со загадувањето е начинот на коишто се затоплуваат домовите каде сеуште се користат дрва и се останато како паркет, стар мебел и тн. Тоа се 60 проценти од причините зошто имаме загадување и тоа не се решава преку ноќ бидејќи во изминатите години ништо не е направено.Владата предводена од ВМРО-ДПМНЕ е во потрага по партнери коишто на основа на пазарни услови, заеднички со владата, ќе вложат во систем на затоплување на домовите кој ќе биде на резултат на согорување на природен гас. Односно когенеративни централи коишто ќе произведуваат и електрична енергија и гас.Владата предводена од ВМРО-ДПМНЕ има во план да направи неколку такви централи и на тој начин за 60% ќе биде намалено загадувањето.Владата предводена од ВМРО-ДПМНЕ работи да направи еколошки, конкурентен и стабилен енергетски систем кој се темели на принципите на сигурност ефикасност и одржливост со што ќе се подобри квалитетот на воздухот.A што прави СДС? СДС наместо да освести по дебаклот го враќа Јани Макрадули кој кон крајот на 2017 година кога беше заменик министер за екологија, си протестираше сам против себе или како функционер протестираше против владата од која беше дел.Тоа време заврши! ВМРО-ДПМНЕ има план и стартува со негова реализација“, соопшти ВМРО-ДПМНЕ.

Македонија | пред 1 година

(Видео) Петрушевски: Клиниките во време на СДС и ДУИ набавувале лекови вредни милиони без тендер

„Набавка на лекови од 8.6 милиони денари без тендер извршила Клиниката за детски болести, во 2022 година, констатира Извештајот на Државниот завод за ревизија. Клиниката за детски болести во време на СДС и ДУИ набавила лекови од 8.6 милиони денари на реверс, кои потоа ги вратила на истата фирма откако го добила тендерот“, изјави Бране Петрушевски, пратеник на ВМРО-ДПМНЕ.„Клиниката за детски болести во време на СДС и ДУИ целосно неодговорно се однесувала и кон лековите кои ги добивале како донација, па така за две донации не е запишана сумата на која истите се проценуваат.Имено според податоците во Извештајот примени се лекови за ретки болести во вредност од 200 милиони денари, а неискористени останале лекови вредни над 50 милиони.Како што напоменува Извештајот бројките можеби се и поголеми, затоа што во два договори за донација не е наведена вредноста.Нејасно е како СДС и ДУИ управувале со здравствените установи. Ниту парите на граѓаните се штеделе, ниту донациите се управувале домаќински. СДС и ДУИ во здравството направија целосен хаос. Неспособноста заврши со нив. И одговорност мора да има“, соопшти Бране Петрушевски, пратеник на ВМРО-ДПМНЕ.

Македонија | пред 1 година

Нема фотографија

Милошоски: ВМРО-ДПМНЕ рационално се насочува и кон домашни проекти и кон меѓународна репутација на државата

На поткастот „На кавга со Иван“ што се емитува на Канал 5 телевизија, гостуваше пратеникот и член на ИК на ВМРО-ДПМНЕ Антонијо Милошоски, кој зборуваше за повеќе теми од кои фокусот го стави на многуте остварени локални проекти од страна на Владата, но и на евроинтегративниот процес како актуелна тема.„Прво сметам дека не е целата енергија насочена кон евроинтегративниот процес, еве би одел и со тој дел, за прв пат имаме Влада која големи средства вложува во локалната самоуправа, значи Македонија во следниот период на шест, седум, осум месеци на локално ниво ќе биде едно мало градилиште, сето тоа ќе го видиме, најавите се добри“, изјави Милошоски.Во оваа емисија пратеникот Милошоски истакна дека можностите кои ги направил ВМРО-ДПМНЕ се од голема корист за општините, за подобар развој во иднина, со оглед на тоа каков буџет е наследен од претходната власт, и дека оваа Влада им нуди помош и проекти кои ќе придонесат да има подобри услови за живот на граѓаните во целост.„Дел од општините во Македонија и навистина немаат толку многу ресурси за да направат нешто многу самите ова од страна на Владата сметам дека е добар потег и солидарен и продуктивен. Буџетот беше во една голема дупка сега е веќе консолидиран, заемот со Унгарија исто така се преговараше и се стигна до одредена цифра која што треба да биде од голема помош за Македонија“, посочи Милошоски.Покрај ова пратеникот се осврна и на евроинтегративниот процес како актуелна тема и наведе дека како и на домашно поле така и во оваа област се гледа напредокот на Владата и успешното раководење во изминатите месеци.„Се гледа дека оваа Влада за разлика од претходната има добри релации во Европа и Вашингтон, со разните средби од кои и средбата со Макрон. Разговараме за навистина вложени напори од страна на ВМРО-ДПМНЕ да ја подобри позицијата на Македонија на меѓународната сцена“, заклучи Милошоски.

Македонија | пред 1 година

ЈО да не чека, веднаш да постапи по Извештајот на ДЗР и да истражи каде завршиле над 200 илјади евра од Детска клиника, бара ВМРО-ДПМНЕ

„СДС и ДУИ на власт, институциите и државните ресурси ги гледаа само како место од каде ќе испумпаат државни пари во нивни приватни џебови. Недомаќинското работење со институциите на системот од страна на СДС и ДУИ секојдневно излегува на површина“, велат од ВМРО-ДПМНЕ.„Тоа го потврдуваат и релевантните институции, како Државниот завод за ревизија. Таков е и примерот со Извештајот за работата на Клиниката за детски болести за 2022 година.Во него може да се види дека вредноста на материјалните средства, од материјалната евиденција на Клиниката е за 13.9 милиони денари помала од вредноста искажана во сметководствената евиденција, а на крајот на годината била помал за 12 милиони денари.Се поставува прашањето, зошто се јавува толкава разлика во материјалната евиденција во споредба со сметководствената?Ова отвора сомнежи и индиции за сторен криминал во вредност од над 200 илјади евра.Дали над 200 илјади евра, место за инвестиции во клиниката и третман на нај чувствителната категорија граѓани, децата, завршиле во приватни џебови?Ова е состојба само во една здравствена установа и тоа само за една календарска година, а кој знае што правеле СДС и ДУИ во останатите установи во текот на нивното седум годишно владеење.За ваквото недомаќинско и криминално управување со државните институции мора да има одговорност.Го повикуваме Јавното обвинителство да не чека, веднаш да постапи по наводите во Извештајот на ДЗР и да испита каде завршиле над 200 илјади евра од детска клиника“, соопшти ВМРО-ДПМНЕ.

Македонија | пред 1 година

„ДУИ и СДС останаа на празни зборови за загадениот воздух, Владата на ВМРО-ДПМНЕ стартуваше со ветерен парк, доделување на инверетери, се работи и на гасификација“, велат од ВМРО-ДПМНЕ

„Владата на СДС и ДУИ не направи ништо за аерозагадувањето. И самиот Зоран Заев постојано викаше на цел глас аеро, аеро и ветуваше чист воздух. Јани Макрадули од СДС кон крајот на 2017 година како заменик министер во ресорното министерство протестираше за почист воздух. Или Јани протестираше против Јани“, реагира ВМРО-ДПМНЕ на соопштението на СДСМ.„ДУИ кои се прокламираа како зелена партија немаат ниту З од зелена агенда. А што имаше во време на СДС и ДУИ? Мерните станици честопати беа расипани и не функционираа.СДС во изминатите 7 години трошеа милионски буџети, а за подобрување на квалитетот на воздухот не вложија ништо.Проблемот со загадувањето е голем и потребно е сеопфатна стратегија која на долг рок ќе даде резултати.ВМРО-ДПМНЕ има системски решенија за квалитетен воздух и намалување на урбаното загадување.ВМРО-ДПМНЕ има план за екоиновации за одржлив развој каде преку зелениот фонд ќе се поддржува посебни програми за поддршка на стартап компании и иновации кои ќе работат на проекти за помало загадување и заштита на животната средина.ВМРО-ДПМНЕ стартуваше со ветерен парк во источниот дел на Македонија.Владата на ВМРО-ДПМНЕ додели ваучери за инвертер клими за нешто повеќе од 6 илјади граѓани.Владата на ВМРО-ДПМНЕ работи на гасификација на целата држава.Визијата на ВМРО-ДПМНЕ е еколошки, конкурентен и стабилен енергетски систем кој се темели на принципите на сигурност ефикасност и одржливост.И ова е само старт! „Зелениот“ ДУИ и СДС иако отидоа и сами против себе како Јани Макрадули останаа само на празни зборови!“, се додава во соопштението на ВМРО-ДПМНЕ.

Македонија | пред 1 година