ѓорче

Таксист натепан пред ресторан во Ѓорче Петров

На 23 август 2025 година во 23:15 часот во СВР Скопје, 41-годишниот Ѓ.П. од Скопје пријавил дека вечерта околу 22:40 часот пред угостителски објект на подрачјето на Ѓорче Петров, вработен во такси-компанија бил физички нападнат.Според пријавата, нападот се случил по претходна расправија со патник во неговото возило, кој заедно со своите пријатели физички го нападнал таксистот.Од Министерството за внатрешни работи информираат дека се преземаат мерки за целосно расчистување и документирање на случајот.

Скопје | пред 4 месеци

(Видео) Автомобил се преврте на патот кон Волково, кој стои раскопан повеќе од половина година

Автомобил се превртел на патот од скопско Ново село кон Волково, кој стои раскопан повеќе од година и половина, а жителите велат и дека е небезбеден. Засега не е позната состојбата на возачот и евентуалните патници, а возилото излетало од патот во приватен двор. Не е познато ни која е причината поради која возачот изгубил контрола над своето возило и излетал.„Сообраќајка денес во Волково, човекот излетал од патот, пошто година дена е крш ненаправен со дупки и скршил ограда, и на кров е превртен. Сааат време немаше никој дојдено да ја преврти колата“, стои во дописот на читателка односно жителка на Волково до „Скопје1“.Инаку, патот е раскопан откако таму се градеше атмосферска канализација од Град Скопје. Градоначалничката Данела Арсовска рече дека го решава долгогодишниот проблем на граѓаните. Работниците завршија, но патот не беше вратен во првобитна состојба.[caption id="attachment_327214" align="alignnone" width="1513"] Објавата на градоначалничката дека гради канализација на патот кој сега е раскопан[/caption]За ваквата состојба на улицата која поврзува четири населени места со Општина Ѓорче Петров имаше низа реакции. Возачите на автомобилите избегнуваат да возат во делот каде патот е раскопан, па неретко, кога се разминуваат со поголеми возила патот станува тесен, е можноста да несреќа - голема.[caption id="attachment_327209" align="alignnone" width="693"] Screenshot[/caption]

Скопје | пред 8 месеци

(Видео) Градејќи нова, урнале ѕид од зграда: инцидент во Ѓорче, станари велат дека ова е загрозување на нивната сигурност и здравје

Под притисок на бетонска маса од соседна зграда чија изградба е во тек, се урнал ѕид кај соседите. Ова го јавуваат жители од булеварот „Партизански одреди“ 165. Тие посочуваат дека за време на истурање на бетон, ѕидот им попуштил и паднал на скалите. Станарите случајот го пријавиле во полиција, како и во општината Ѓорче Петров. Станари сведочеа дека се среќни што не настрадал човек, а во моментот кога се случило ова – во ходникот немало никој.„Спроти нашата зграда моментално се гради нов објект, и утрово, за време на истурање бетон, дојде до рушење на ѕид од внатрешниот дел на нашата зграда. Под притисокот на бетонската маса, ѕидот целосно попушти и падна во заедничкиот простор на скалите, нанесувајќи голема штета. Дополнително, оштетени се инсталации (електрични и водоводни), што претставува сериозна закана по безбедноста на сите станари во зградата. Ова не е само материјална штета – туку и директно загрозување на нашата сигурност и здравје“, вели жител на зградата.Од Општина Ѓорче Петров велат дека ова предизвикало загриженост кај нив. Утврдиле дека инвеститорот и изведувачот направиле штета.„За истата, тие ќе бидат веднаш, без никакво одлагање, задолжени да ја санираат. Дополнително, согласно законските прописи, против нив ќе биде изречена соодветна казна. Сакаме да нагласиме дека Општината нема да дозволи несовесно градење и постапки кои го загрозуваат квалитетот на живеење и безбедноста на граѓаните. Бидејќи се работи за штета со можен основ за надомест, жителите имаат право да побараат и дополнителна правна заштита преку надлежните судови“, велат Општина Ѓорче Петров.

Скопје | пред 8 месеци

Шестгодишно дете е жртвата во училиштето во Ѓорче: наставничка суспендирана, четири имаат дисциплинска, директорот се повлече

Шест годишно дете било жртва на булинг за време на одмор во основно училиште во општината Ѓорче Петров, дознава „Скопје1“. Настанот кој бил пријавен од таткото, во МВР е заведен како физички напад со обид за полово дејствие. Според информации на „Скопје1“, детето било нападнато од соученик кој бил на иста возраст и второ дете кое било трето одделение. Полицијата испитува дали сѐ се случило како резултат на детска игра.Градоначалникот на Ѓорче Петров, Александар Стојкоски, изрази жалење и упати осуда за настанот. Четири наставници добија дисциплиска постапка, а еден наставник е веќе супспендиран. В.Д. директорот на училиштето, сам се повлекол од морални причини.„Изразувам жалење и најсилна осуда за немилиот настан во едно од нашите ООУ, во која се инволвирани ученици од најмалите одделенија. Информираме дека сме во постојана комуникација од моментот на пријавување на настанот со сите инволвирани институции, МВР, МОН, социјални служби и обвинителство. Општината и училиштето соодветно ги презедоа сите мерки согласно Законот за основно образование и Законот за наставници и стручни соработници, како и согласно Упатството за постапката за пријавување и заштита на ученици жртви на насилство, злоупотреба и занемарување.Во рамките на овие активности, е формирана комисија која ќе поведува дисциплинска постапка против четири наставници, а веднаш е суспендиран еден наставник, одговорен за одделението. Во текот на денешниот ден оставка од лични и морални причини поднесе и директорот на училиштето, а веднаш е именуван и нов ВД директор. По утврдувањето на одговорноста на секој од нив, зависно од дејствијата кои ги презеле или пропуштиле, соодветно ќе бидат санкционирани. Педагошко-психолошката служба активно постапува во согласност со упатството, со цел да се обезбеди безбедна и поддршка средина за нашите ученици. Настанот мора да биде расветлен во целост и да биде лоцирана одговорноста на секој инволвиран во случајот“, напиша градоначалникот Стојкоски.

Скопје | пред 1 година

Наместо зграда, катна гаража ќе се гради до пазарчето во Ѓорче

Со мнозинство гласови советот на Општина Ѓорче Петров изгласа отпочнување на постапка за измена и дополнување на ДУП за Градска четврт СЗ 15, Блок СЗ 15.03, за обезбедување локација за нова катна гаража!„По години на недостаток на паркинг простор во Реонскиот центар, конечно се преземаат конкретни чекори за решавање на овој проблем кој го мачи секојдневниот живот на жителите. Катната гаража ќе биде лоцирана непосредно до Реонскиот центар, на местото кое сега се користи како паркинг, и ќе обезбеди повеќе паркинг места!Ова е само дел од напорите на општината да ги подобри условите за живот и инфраструктурата во нашиот град. Заедно ја градиме иднината на Ѓорче!“, напиша градоначалникот, Александар Стојкоски.

Скопје | пред 1 година

(Видео) „Преку глава ми е“, Стојкоски се налути откако со комбе во вреќи исфрлаа отпад среде Ѓорче

Засилени контроли се прават од општинските служби на Ѓорче Петров поради одлагање на кабаст отпад на несоодветни места, како и правење на мини-депонии покрај контејнерите. Вчера, градоначалникот на општината, Александар Стојкоски и лично затекнал лица кои исфрлале вреќи со отпад покрај контејнери, по претходни дојави од граѓани.Од снимките кои ги направиле жителите се гледа како лицата прво се расправаат со градоначалникот, на што тој повикува инспектори кои треба да постапат. За да избегнат одговорност, трите лица ги собираат вреќите со смет и ги враќаат назад во возилото со кое ги донеле. Градоначалникот Стојкоски им укажува дека му е преку глава од вакво однесување, а им најавува и дека за ова ќе понесат правна одговорност.„Преку глава ми е...“, им вели Стојкоски, кој повикал инспектори.Ова е уште еден проблем кој го има низ Градот Скопје, покрај преполните контејнери на кои скоро сите граѓани беа сведоци изминативе месеци. Дополнително, неретко, ЈП Комунална хигиена и одбива да го собира отпадот покрај контејнерите, без разлика што е оставен бидејќи истите биле преполни.И Град Скопје, најави засилени контроли со кои сака да стави ред при одлагање на отпадот, иако, главниот проблем е недостаток на камиони и работници кои истиот би го собирале.

Скопје | пред 1 година

(Видео) Прогнозата е 55-56 пратеници за ВМРО-ДПМНЕ, на митинзите излегуваат лица кои ги немам претходно видено, вели Стојкоски

Градоначалникот на Ѓорче Петров, Александар Стојкоски во подкастот „Претрес со Ландов“ зборуваше за митингот на ВМРО-ДПМНЕ во неговата општина.„Ме издрадува тоа што по подолг период на години, видов лица кои ги немам забележано по митинзите. Тоа ми сигнализира дека ВМРО-ДПМНЕ има силна поддршка кај луѓето, има добро расположение, јас тоа го гледам и по активностите на терен, имаме рекорден број на активисти и ни се приклучуваат многу повеќе луѓе“, посочи Стојкоски.Според него, тоа бил последниот позитивен сигнал, кој ќе биде нивна ѕвезда водилка во текот на кампањите.?t=6231

Македонија | пред 1 година

(Видео) Со многу полиција: Урнат хангар во Ѓорче Петров, го градеа на државно земјиште без дозвола

Хангарот кој се градеше близу скопската обиколница во насока кон Тетово, на државно земјиште - утрово беше целосно урнат од Општина Ѓорче Петров. Ова доаѓа по неколку предупредувања и барања да се отстрани објектот кој е нелегално поставен, кои инвеститорот ги игнорирал. Општината избра фирма на тендер и денеска го спроведе уривањето. На местото имаше големо присуство на униформирани полицајци, кои беа распоредени околу местото.Објектот е целосно нелегален, а станува збор за метална конструкција која е затворена со лимови. Истовремено, изградена била и друга тврда градба од бетон. Со багери – сѐ беше срамнето до темел. Лимените конструкции кои беа вадени, веднаш со камиони беа транспортирани во отпад. Кај објектот не се појави сопственикот, ниту инвеститорот.Нелегалниот објект се протегаше на две парцели кои се државно земјиште, на површина од околу 10 илјади метри квадратни. Извршувањето на уривањето се одлагаше бидејќи предметот беше ревидиран и од Државниот инспекторат за градежништво, со кој раководи Фатмир Арифи, кадар на ДУИ.

Македонија | пред 1 година

(Видео) Стојкоски од Ѓорче по уривањето на хангарот: Завршија деновите на провлекување и "дупки во законот"

По акцијата за рушење на хангарот кој е лоциран на скопската обиколница во Ѓорче Петров, градоначалникот на Општината, Александар Стојкоски посочи дека ова е чекор против урбаната мафина, и најави стопирање на изградба на дивоградбите. Тој вели: „Законот мора да важи за сите“.„Нема да дозволиме провлекување на поединци кои мислат дека се над законот. Денеска тоа го докажавме со отпочнување постапка за рушење дивоградба на државно земјиште. На странката и беше даден предвидениот рок да постапи, но истата ги игнорираше нашите предупредувања. Законската регулатива важи за сите исто. Нема заштитени или повластени кои си играат детски игри на сметка на сите нас, градејќи бесправно изградени објекти, без дозвола“, вели Стојкоски.Тој посочува дека согласно законската регулатива, донеле Решение за отстранување на објектот и нема да отстапат од намерите правдата да биде задоволена и еднаква за сите. „Доаѓаат нови, добри и праведни времиња. Завршија деновите на провлекување и "дупки во законот" за правните и физички лица по разни основи и непочитување на правото. Цврсто стоиме на ставот да се справиме со сите кои ќе намислат слично да постапуваат. Имајте во предвид дека никој нема да биде поштеден!“, додава тој.Претходно, објавивме детали од уривањето:

Македонија | пред 1 година

Стојкоски од Ѓорче: Буџетската каса е во добра финансиска кондиција, благодарение на домаќинското управување со Буџетот

„Советниците на ВМРО-ДПМНЕ и коалицијата и Демократски Сојуз во Советот на Општина Ѓорче Петров денеска ја усвоија завршната сметка на Буџетот за 2023 година“, објави Александар Стојкоски, градоначалник на Ѓорче Петров.Тој додава: Буџетската каса е во добра финансиска кондиција, благодарение на домаќинското управување со Буџетот. Може да се утврди дека вкупно планираните приходи во 2023 година се реализирани со 77 проценти, или остварени се приходи во вкупен износ од 641.595.939 денари од кои 313.825.725 денари се однесуваат на основниот буџет што е за 109.541.294 денари повеќе во однос на минатата година.Во однос на 2022 година, вкупните основни приходи бележат зголемување во даночните приходи, капиталните приходи и трансфери и други даноци.Во делот на основните расходи, пак, најголемо учество имаат капиталните расходи (реконструкција и изградба на улици, изградба на пречистителни станици и колектори, подготовка на проекти за улици и училишни згради и детски градинки и сл.) стоките и услугите.Продолжуваме да работиме исклучиво во интерес на граѓаните и во насока на реализација на проекти кои имаат една и единствена цел - подобрување на квалитетот на животот на ѓорчепетровци.

Скопје | пред 1 година

(Видео) Слаб одзив на протестот во Ѓорче „против бетонизација“ и веќе чуени пораки

Слаб одзив и чуени пораки на протестот кој беше насловен како „против бетонизација“ во Ѓорче Петров. Собирот требаше да биде на кружниот тек кај црквата, но се одржа во црковниот двор. Меѓу присутните и политички активисти кои во локалната самоуправа се опозиција, кои сметаат дека ДУП-от треба да се укине, но таквиот обид им пропадна. Обвинуваат дека ќе се градат многу згради и ќе се доселат нови жители. На собирот имаше стотина присутни, од над 30 илјади жители кои живеат на територија на општината. Истите пораки од протестот, ги кажуваа и советниците на СДСМ за време на седниците во Општина Ѓорче Петров. „Градоначалникот Стојкоски го бетонизира Ѓорче. Донесе ДУП со кој ќе се изградат повеќе од 30 згради на 20 ката и 4.000 нови станови во кои ќе се доселат 12.000 жители“, посочија организаторите кои се претставуваат како граѓански активсти.Градоначалникот Стојкоски веќе посочи дека протестот не е граѓански туку партиски. Објави и снимка од советник на СДСМ како го носи пултот „Не за бетонизација на Ѓорче“, кој го содржи истото лого, како и истиот слоган.„На лагата и се кратки нозете. Обично, лично не реагирам на неосновани напади кои имаат една цел - ефтини политички поени, но овојпат мора да искоментирам. Ова е она кога имаш проблем со идентитетот. Или пократко кажано: дал сум советник, дал сум граѓански активист. Непартиски. Ама едно е сигурно: ако има уште некој на кој не му е јасно, еве кој е против тоа Ѓорче да биде модерно и урбано. И уште посигурно, срамно е да глумите „граѓански активисти“ кои повикуваат на протест, а "граѓаните" всушност се партиски активисти на СДСМ.Да не беше смешно, ќе беше трагично. Ама сигурно е трагикомично. ПС: Ова пултов малку ви се распаѓа, како и вашите обиди Ѓорче да го направите пустелија“, напиша Стојкоски.

Скопје | пред 1 година

(Фото) Опасниот отпад од скопско Орман се расчистува

„Стартувавме со процесот за целосна дислокација на опасниот отпад од акумулаторски батерии-оловна згура во селото Орман кој неодамна беше откриен од страна на инспекциската служба на Општина Ѓорче Петров во координација со Државен Инспекторат за заштита на животна средина“, објави градоначалникот на Ѓорче Петров, Александар Стојкоски.Тој додава:„Јавно сакам да се заблагодарам на Државен Инспекторат за Заштита на Животна Средина за одличната комуникација и координација на активностите.Здравјето на граѓаните ни е најважно и нема да дозволиме ништо да ни застане на патот кон елиминирање на штетните влијанија и кон создавањето на здрава, квалитетна и еколошки одржлива животна средина.Опасниот отпад ќе биде дислоциран по сите стандарди на друга локација која е предвидена за таков вид отпад. За таа намена, посебно е изработен и басен со бетонска подлога го геотекстил и геомембрана. Очекувам за околу две недели целосно расчистување на локацијата. Наш приоритет остануваат исклучиво интересите на жителите на Ѓорче Петров“.

Скопје | пред 1 година

Нема фотографија

(Видео) Стојкоски со снимка: Ова пултов ви се распаѓа, како и вашите обиди Ѓорче да го направите пустелија

Градоначалникот на Ѓорче Петров, Александар Стојкоски, на неколку часа пред најавениот протест во Ѓорче Петров против донесениот ДУП, за кој СДСМ рекоа дека носи бетонизација, објави видео на кое се гледа советник како носи пулт и го внесува во партиското седиште. Протестот беше најавен како граѓански, но сепак, според Стојкоски, зад него стои СДСМ.„На лагата и се кратки нозете. Обично, лично не реагирам на неосновани напади кои имаат една цел - ефтини политички поени, но овојпат мора да искоментирам. Ова е она кога имаш проблем со идентитетот Или пократко кажано: дал сум советник, дал сум граѓански активист. Непартиски. Ама едно е сигурно: ако има уште некој на кој не му е јасно, еве кој е против тоа Ѓорче да биде модерно и урбано. И уште посигурно, срамно е да глумите „граѓански активисти“ кои повикуваат на протест, а "граѓаните" всушност се партиски активисти на СДСМ. Да не беше смешно, ќе беше трагично. Ама сигурно е трагикомично. ПС: Ова пултов малку ви се распаѓа, како и вашите обиди Ѓорче да го направите пустелија“, напиша Стојкоски.

Скопје | пред 1 година

(Фото) Арсовска тврдеше дека открила екоцид, ама нека и ја покаже некој еколошка бомба се прави од несобраниот отпад во Ѓорче

Градоначалничката Данела Арсовска со прст не мрда по низата реакции од граѓаните дека контејнерите во Ѓорче Петров остануваат затрупани во смет. Граѓаните кога немаат каде да исфрлат отпад, тоа го прават покрај нив.Комунална хигиена, јавно претпријатие со кое раководи кадар на Арсовска, го остава таму каде што е оставено. Жителите потсетуваат дека таа се изнасликала со депонија и посочувала дека открила екоцид, па ја прашуваат: „Ова што е? Еколошка бомба? Среде населени места?“.И ваква е сликата постојано. Најстрашното, според жителите, е што доаѓа лето. Ќе се фрла сѐ повеќе храна која се умирисува, а со тоа ќе се шири лоша миризба. Велат дека плаќаат постојано комунални трошоци, а добиваат игнорирање од градот во кој живеат.Без разлика на реакциите, Комунална хигиена крева раце поради хаосот во Ѓорче Петров со отпадот. Истовремено, за да не остане и да скапува отпадот, го собираат општинските служби.

Скопје | пред 1 година

Во Ѓорче запалени две возила, изгореле „смарт“ и „Сеат“

На 04.10.2022 во 02.22 часот во Полициска станица Ѓорче Петров било пријавено дека во с.Волково настанал пожар на патничко возило „смарт“, сопственост на Л.М.(33) и патничко возило „сеат толедо“, сопственост на М.Ѓ.(54) од Скопје, двете со скопски регистарски ознаки, кои биле делумно опожарени.Пожарот е изгаснат од противпожарната единица Скопје, а повредени лица нема. Увид на местото извршила екипа од СВР Скопје.

Скопје | пред 3 години