ГЛАВНИ-ВЕСТИ

Џафери: Законот за ратификација на договорот со Грција ќе биде испратен без потпис од Иванов

Ќе има ли годишно обраќање на претседателот Ѓорге Иванов? Засега неизвесно е дали претседателот Ѓорге Иванов ќе го одржи редовното годишно обраќање во Собранието на Макеоднија. Терминот не е договорен, а како што информира на средба со новинарите собранискиот спикер Талат Џафери, од кабинетот на Иванов досега не е испратено писмо за одредување термин за негово обраќање пред пратениците.Џафери вели дека Иванов нема обврска да се обрати во Парламентот туку дека тоа е негово право. Во декември Собранито има планирано три седници, евентуално четири до пет, вклучувајќи и за обраќање на Иванов, доколку побара.Мандатот на Иванов истекува на 2 мај наредната година, а претседателските избори ќе бидат распишани највератно на крајот на јануари или почетокот на февруари, информира Џафери.Во врска со Договорот од Преспа, за кој законот за ратификација нема потпис од претседателот на државата, и не е доставен во Службен весник, Џафери рече дека ќе биде испратен без потпис на Иванов, но не прецизираше кога.

Скопје | пред 7 години

„Да, тоа е гаф“ - Шилегов се покаја

Скопскиот градоначалник, Петре Шилегов откако се најде на мета на критики, откако се појави ведеото како тој игра на својот мобилен телефон додека во Собранието се расправа за загадувањето, во изјава за „Независен“ признава дека оваа постапка е гаф и им се извинува на граѓаните.„Да, тоа е гаф. Но, тоа не е мојот однос ниту кон проблемот на загадувањето, ниту кон граѓаните ниту кон Собранието. Затоа им се извинувам на граѓаните. Тоа е мојот однос кон Влатко Ѓорчев, кон паушалните изјави лицемерните и лажни политички пароли паушалниот поглед на проблемите на Ѓорчев и ДПМНЕ се причината што овој град е таму каде што е. До моето доаѓање на оваа позиција тие го водеа градот и живееме во последиците на паушалните политики и говори и пристап кон градот. Ѓорчев и ДПМНЕ од мене не заслужуваат повеќе“.

Скопје | пред 7 години

Додека Димитров шета, вработените спијат

Додека Министерот Никола Димитров се шета по светот и денеска е во посета на Будва, на состанок со колегите министри за надворешни работи од регионот неговиот кабинет буквално спие со сите четри во вис. Додека министерот е на пат, вработените во неговиот кабинет, се со засукани ракави со боси нозе на биро и по се изгледа спијат . Некои од нив и буквално, а не се малкумина. Односно, во кабинетот за поддршка на активностите на министерот Димитров се вработени точно 17 луѓе, од шеф на кабинет, до три секретарки, лица за односи со медиумите, началници за координација со владата, претседателот и собранието, неколку советници, соработници итн.На фотографијата можеме да го забележиме Владимир Сарафов, близок соработник на Никола Димитров за национални приоритети, дијаспора и малцински прашања како спие со сите четри во вис, раскомотен со засукани ракави и боси нозе качени на бирото. Со ваков кабинет на министерот за надворешни Никола Димитров не е ни чудо што Македонија доби катастрфоално решение за проблемот со името олицетворено во Договорот од Преспа. Не е ни чудо што Македонија доживеа пораз во поглед на националните приоритети и сега во Уставот треба да се откаже од македонските малцинства во соседството.Додека на Манчевски устата му е полна со ефикасна администрација, тој очигледно не погледна во своите редови, не погледнал кого неговите министри и назначени директори на јавни институции вработиле во институциите со кои раководат.

Македонија | пред 7 години

Независен: Мијалков не се предава пред очите на јавноста

Иако сите очекуваа да го видат поранешниот прв човек на тајната полиција Сашо Мијалков со лисици на рацете, како што ги спроведуваат во суд сите обвинети од затворот во Шутка, затворското комбе го внесе директно во гаражата во судот, а јавноста влезе во судница кога веќе на Мијалков му беа извадени лисиците. Сликата во судницата беше иста како и на претходните судења кога Мијалков доаѓаше во суд со автомобил и сопствено обезбедување.Кога новинарите влегоа во судницата, поранешниот прв човек на УБК седеше и разговараше со своите адвокати облечен во костум и бела кошула, како што доаѓаше и досега. Со неговиот израз на лицето и вообичаеното однесување како да сакаше да испрати порака дека, иако сега е во Шутка, нема да потклекне пред јавноста, која го доживува како моќник кој повеќе од десет години управуваше со политиката и бизнисот во Македонија.Затворското комбе со кое беше спроведен Мијалков го следеа три полициски џипа со специјалци, а додека траеше судското рочиште неколку специјалци со автоматски пушки стоеја пред судницата.Од Министерството за внатрешни работи велат дека специјалците го чувале Мијалков согласно пропишаните стандарди и безбедносните проценки. Внатре во судницата, пак, рочиштето на својот шеф го следеа неговите седуммина обезбедувачи.Мијалков беше приведен на 20 ноември минатата недела во хотелот „Мериот“ во центарот на Скопје, а досега во јавноста нема излезено снимка од неговото апсење. По бегството на неговиот братучед, поранешниот премиер Никола Груевски, Специјалното јавно обвинителство побара притвор за Мијалков како обвинет во предметот „Тврдина - Таргет“ кој се однесува на масовното прислушување и уништување на системите за следење на комуникациите. Одбраната на Мијалков поднесе жалба на одлуката за притвор до Апелацискиот суд, но второстепениот суд сè уште нема закажано јавна седница. На седницата свои аргументи зошто бара да излезе од притвор би требало да даде лично и поранешниот шеф на УБК.

Македонија | пред 7 години

Една од осумте пратеници: Не бев со Мијалков кога го апсеа

Пратеничката Нола Исмајлоска-Старова во вечерашното госување на телевизија Телма ги демантираше информациите дека таа била со Сашо Мијалков во Мериот кога го апсеа. Во јавноста излегоа информации дека во моментот на приведување, Мијалков бил во друштво на пратениците Исмајлоска-Старова, Сашо Василевски и Крсто Мукоски.-Помирувањето беше подадена рака од Зоран Заев, за која јас сметав дека треба да биде прифатена и затоа јас сум дел од телото за помирување. Целтата за вистина за 27 април не е целосно излезена. Јас верувам дека колегите пратеници немале лоша намера, а и дека веруваат дека треба да одиме понатаму. Не бев пристуна кога го апсеа Сашо. Слушнав за тие информации, но не бев таму. Не негирам дека сум се сретнала, но кога го апсеа бев на друго место, рече Исмајлоска-Старова.

Македонија | пред 7 години

Макрадули во одбрана на Планот за чист воздух: Тој е реален и ќе даде резултат

Работата на инспекторите и на индустриските капацитети, како и управувањето со отпадот, се прашањата кои најмногу се повторуваа на првиот онлајн „разговор“ на заменик-министерот Јани Макрадули со граѓаните. Со одговорите тој го промовираше новиот ткн. План за чист воздух, кој треба да даде решение за аерозагадувањето. Сепак, половина час не беше доволно да се одговорат ниту половина од поставените прашања на Фејсбук и Твитер.Макрадули посочи дека ги лоцирале загадувачите во транспортот и градежништвото. Тој во неколку наврати нагласи дека најголемиот фактор за загадувањето на воздухот се токму домаќинствата, со употреба на јаглен и други средства кои ја зголемуваат калоричната моќ на неефикасните печки.„Социјалните случаи кои се греат на нееколошки средства ќе добијат помош од државата и директна замена на она што го користат“, вети заменик-министерот.Но, прво заменување на нееколошките системи за загревање ќе има во градинките и училиштата.„Недозволиво е едно училиште, или градинка да троши 30 000 евра во зимскиот период некогаш и до 40 000 евра за нафта“, рече тој.„Некои домаќинства ќе добијат инвертори, некои топлотни пумпи, а некои повторно ќе ги приклучиме на парното греење“, истакнувајќи дека еден инвертор чини 250 евра.Дел од коментарите на јавноста се однесуваа и на буџетот одвоен за справувањето со аерозагадувањето.„Ние сакаме да се справиме со загадувачите, а не да им купиме маски на сите луѓе. Маската не е решение за справување со загадувањето“, одговори тој на едно од прашањата упатени на социјалните мрежи.Заменик-министерот појасни дека 1,6 милиони евра ќе бидат само за намалување на аерозагадувањето, а 22 милиони за останатите области од животната средина. Сепак, признава дека овие средства не се доволни, но според него е добар почеток, надевајќи се на неколку најавени меѓународни финансиски институции.„И со овие средства ќе покажеме дека постојат резултати“, рече Макрадули.Во однос на субвенциите за возила – појасни дека при субвенционирањето нема да се прави разлика меѓу правни и физики лица, односно 3000 евра ќе изнесуваат субвенциите за хибридно возило, а 5000 за електрично. Надополни и дека до некои органи на владата веќе има барање да користат еколошки превозни средства. За налепниците, пак, повтори дека се добиваат врз основа на нивото на емисии што ги ослободуваат, а не според годината на производство.Инспектори, проверки и работа на индустриските капацитетиЕдна од работите кои најмногу ја интересираше јавноста беше и работата на инспекторите и на индустриските капацитети.„Во Македонија има вкупно 396 компании со легални дозволи, од кои 160 со А, од кои пак 125 се активни и 236 со Б дозволи. Има и компании кои работат со усогласување на оперативниот план, како Југохром, според кој од 2014година не успеа да се усогласи, да набави филтри и сега не работи“, рече Макрадули.За инспекторите, пак, одговори: „Секогаш инспектори нема, но тројца инспектори кои постоеја во Град Скопје до 2017 година, сега се 18. Има уште нови 5 во Државниот инспекторат“.Информираше дека во моментов на Електронскиот регистар на прописи – ЕНЕР е поставен Законот за инспекциски совет, кој ќе биде чадор на сите инспектори и како што рече, ќе овоможи поголема моќ за интервенција и ќе спречи избегнување на одговорност.Во однос на проверките кои ги прават инспекторите, Макрадули рече дека може да бидат редовни, или вонредни. Информира дека во изминатиов период се зачестени.„Инспекторите на Градот Скопје ги проверија вонредно сите компании коишто имаат Б дозвола, и во месеците септември и октомври, годинава, се изречени дупло повеќе казни од лани“, нагласи Макрадули.За мерењата на штетните емисии кои ги испуштаат индустриските капацитети, заменик-министерот одговори дека нив ги вршат акредитирани лаборатории.„Во моментов се врши акредитација на лаборатријата што постои во Министерството за животна средина. За таа цел се набави скапа вага која беше расипана“, соопшти тој.За поголемите индустриски капацитети како „Макстил“ и „Усје“ тврди дека постојано се мерат.„За една инсталација да добие дозвола, мора да има мерен инструмент и тие ги мераат податоците и ги доставуваат до Министерството или ги објавуваат на веб страницата“, рече Макрадули.„Се вршат редовни и строги контроли“, забележа тој.„Со новиот закон за индустриски емисии уште повеќе ќе се зголемат тие контроли“, ветува заменик-министерот.Информира дека РЕК Битола потпиша договор со компанијата „МЗТ Инженеринг“ за 22 милиони денари да најде решение за прашината, која долг период ги покриваше почвата и земјоделските поседи во околината.„Ќе почне и процесот на обнова на електростатските филтри, ќе се заседат 50 00 багреми, а досега се засадени 20 000“, вети тој.

Македонија | пред 7 години

Нема фотографија

За Мијалков секој ден се подготвува оброк во Мериот

Сашо Мијалков во затворот во Шутка не јаде од истата храна како останатите притвореници. За него, секој ден се подготвува топол оброк во кујната на хотел Мериот – дознава 1ТВ. Мијалков го поседува овој хотел и беше приведен токму таму на 20 месецов. Како што дознаваме, за поранешниот шеф на УБК секој ден се подготвува оброк во Мериот и се носи во хашкото одделение во Шутка каде е сместен Мијалков. Тој само две вечери спиел во обичното притворско одделение, а потоа биле преместени други притвореници за да се ослободи простор во хашкото. Од хотелот Мериот љубезно ни одговорија дека ќе добиеме одговор на прашањето, но до овој момент се уште не го испратија. Директорот на затворот во Шутка Ѓоко Котевски ниту ја потврди, ниту ја одрече информацијата, само не упати прашањата поврзани со притворот да ги бараме од судот.Мијалков не е единствениот чии гастрономски желби се исполнуваат за време на притворот. Според нашите извори во Шутка, и желбите на поранешниот директор на БЈБ, Митко Чавков биле почитувани. Во периодот кога јавноста мислеше дека Чавков штрајкува со глад, за него се носело маслиново масло и здрава храна во хашкото одделение. Претходно, сличен третман имаше и Љубе Бошковски кој добиваше оброци од ресторанот Рагуза.

Македонија | пред 7 години

Нема фотографија

Светска Банка со загрижувачки бројки: Една четвртина од Македонците се сиромашни, само 50 проценти од работоспособните вработени

Загрижувачки бројки за економската состојба во Македонија. Една четвртина од населението живее во сиромаштија, само 50 проценти од работоспособните се вработени, велат извештаите на Светска Банка за нашата држава. 25 проценти од македонските домаќинства живеат со помалку од пет долари дневно, објави Алфа.-Една четвртина од населението во Македонија живее во сиромаштија. Тоа е компатибилно со бројките од статистите на Светската Банка каде се класифицираат домаќинствата во кои се живее со помалку од пет долари на ден, изјави Марко Хернандез од Светската Банка.Според Светската банка реформите што ги спроведува власта во Македонија не ги даваат посакуваните резултати. Се изразува и сомнеж околу прогресивното оданочување кое власта ќе го имплементира од следната година.-Има пречки во однос на капацитетите за приходи за имплементирање на политиките. Ние сметаме дека има простор за подобрување на ефикасноста, кога станува збор за оданочувањето, но, исто така, кога го гледаме прогресивното оданочуваме забележуваме дека има една маргина и дека може да се биде попрогресивен без притоа да се поткопува ефикасноста, рече Марко Мантованели, директор на Светска Банка за Македонија.Еден од најгорливите проблеми во нашата држава е и образованието, според Светската банка младите не добиваат доволно познавања во однос на годините кои ги минуваат во училишните клупи.-Многу е важно да се подобри квалитетот на образованието. Тоа е еден од приоритетите за кои дискутиравме со Владата и за акциите кои треба да се преземат за подобрувањето на неговиот квалитет. Една од работите кои ги детектиравме е дека децата кои одат многу го години во училиште добиваат многу помало знаење во однос на годините колку што се образуваат. Критично важно е како да се подобри силата на образованието, изјави Линда Ван Гелдер, регионален директор на Светска Банка за Западен Балкан.Светската банка предупредува и за системските проблеми по кои Македонија заостанува зад останатите земји, како што се политичката нестабилност, владеење на правото, контрола на корупцијата.Извор:Алфа  

Македонија | пред 7 години

Нема фотографија

Историски час за „Улогата и значењето на АВНОЈ во создавањето на македонската држава“

Општинската организација на Сојузот на борци од НОАВМ 1941 – 1945 и на граѓаните продолжувачи во општините Охрид и Дебрца, по повод јубилејот 75 години од Второто заседание на АВНОЈ од 29 Ноември 1943 година, денеска во големата сала на Општина Охрид, организира историски час на тема  „ Улогата и значењето на АВНОЈ во создавањето на македонската држава “.На трибината, на која учествуваа градоначалникот Јован Стојаноски и претседателката на Советот на Општина Охрид Живка Ангелоска, за овој важен историски настан зборуваше професорот по историја  Наце Иваноски.

Македонија | пред 7 години

Фејсбук статус на Игор Дурловски: Една година од како ме одведоја во Шутка

Помина точно една година и еден ден од утрото на 28ми ноември кога дванаесет припадници на МВР, специјалци во полна опрема влегоа во мојот дом, утрото во пет часот. Моите три деца и денес се навраќаат на таа сцена, кога уште несвесни дали се работи за јаве или сон, разбудени од крици, движења и звуци кои не се вообичаени за нормален детски свет, сликата која прва ја гледаат - нивниот татко го носат од дома непознати луѓе во униформи, како на филм, како на лоша претстава, со тоа што овојпат е вистинско, ладно, мрачно, гадно, нема пауза помеѓу чинови, само една длабока траума со која без никаква нивна вина се соочени од најмали.Моите деца тој ден не отидоа на школо.Мене ме одведоа во Шутка.Истиот ден го прочитав обвинението. Терористичко загрозување на уставниот поредок. Уставниот поредок на Република Македонија...Македонија...единствената вистина за која сум се борел покрај семејството и блиските, Македонија. Македонија, последната светла точка во секој разговор со моите татко и мајка, раскажувајќи за маките со кои биле соочени во минатото, бегалци, борејќи се секојдневно со предизвиците на сиромаштијата, единствено најблиските, семејството, и Македонија беа Вистината, смислата. Сепак, дојде време да се соочам и со ...според мене одекот, ехото на... секој еднаш во животот ќе мора да се соочи со судбината.Покрај фактот дека поголемиот дел од мојот живот може да го поминам во затвор, се соочив и со обвинувањето дека единственото нешто за кое искрено сум се борел – сум го загрозил, и тоа терористички. А обвинението? Сакам да пишувам за тој ден, 27 април, за Вистината, соочена наспроти напишаното со заслепувачка омраза.Запишано е дека сум држел потпалувачки говори за да повикам народ. А фактите за кои и обвинителството е запознаено се следниве:После пеењето на химната, пред Владата на Република Македонија, заминувам со мојот тогаш 9 годишен син на ракометен натпревар.Се наоѓам пред "Јане Сандански" кога дознавам дека народот кој беше пред нас 82 дена, веќе е влезен во Собранието, го одвезувам син ми и се упатувам натаму. После половина час од влегувањето, се појавувам во Собранието, каде неколку илјади се веќе присутни, ме пречекуваат, ...се упатувам накај пленарната сала, застанувам до моите колеги со кои протестиравме изминатите денови...Горди луѓе кои пејат родољубиви песни.Обвинителството не поседува ниедна снимка, ниеден цитат нити доказ од било каков потпалувачки говор, моето присуство таму е чин на лојалност и поддршка на неколкуте илјади искрени поддржувачи на мирната борба за зачувување на Република Македонија. Информациите за настанот на друго место во зградата на собранието ги добивам пред моето излегување од зградата, и навраќајќи се од оваа перспектива на тие моменти, сигурен во своите проценки и постапки, тврдам дека моето присуство таму е со чиста мотивација и искрена желба да се заштити а не да се загрози, да се заштити а не да се нападне, да се биде со своите, заради чест, заради љубов, заради верба во луѓето.Од оваа перспектива, после година дена преиспитување, борба со чувствата и практичните проблеми, меѓународната кариера која е стопирана, секојдневна состојба на неизвесност, адвокати, обвинители, судии... семејството... притворот како една посебна драма во мојот живот и во животите на моите деца и мојата сопруга, траумите кои им ги нанесов на моите најблиски, преиспитувањето на се што било и се што треба да дојде, сето тоа мене лично ми беше една животна лекција, едно искушение, една борба, најголема, после која сум уште поубеден, посилен, со почиста мисла. Но тоа е лично, тоа ќе си го носам јас и ќе си го носат моите најблиски како товар до крајот на животот.Тоа што деновиве е актуелно, е таканареченото помирување, помилување, простување... Христијански е да се прости. Простувањето е највисокиот чин на моралните. Во случајов прашањето кое си го поставувам е кому треба да простам и кој мене треба да ми прости?Треба ли да им простат на стотиците луѓе кои искрено ми пристапуваат, ме прегрнуваат, се фотографираат со мене на улица, ми даваат поддршка да истраам во овие премрежија...или треба да им простам на тие кои со злокобна радост и лиги ги читаат гнасните обвиненија за мене и други, жедни за крв и одмазда, омраза кон замислен душман, потсвесно конструиран лик кој треба да ја надокнади нивната немоќ да се соочат со реалноста? Милост не барам, само ПРАВДА!Да, подготвен сум да му простам на еден бивш министер, кој ја саботираше свесно претставата "Турандот" набргу после моето излегување од Шутка...Простете им на моите поддржувачи кои покажаа доблест и храброст таа вечер да го извикаат моето име од публиката иако во тој период беше екстремно ризично да се биде покрај мене таму...Подготвен сум да им простам на раководството во мојата матична куќа МОБ, мојот втор дом, кои се правдаа зошто ме ангажирале да го правам тоа што знам – да пејам.Нека му биде простено и на бившиот синдикалец, сегашен директор на македонската филхармонија, кој трудејќи се да ви се допадне сакаше да го откаже настапот на мојата сопруга...Подготвен сум да и простам и на бившата револуционерка, претседателот на УО, која денеска напаѓајќи го истиот директор, го споменува нашето име, ако и помага?Им простувам на сите оние луѓе на кои сум им помагал во животот искрено, кои во тие моменти беа на сигурна дистанца од мене...дали тоа ќе им помогне денес?Простувам и на сите мои блиски пријатели, кои се плашеа да стават лајк на постовите за моја поддршка, простувам и на дел од моите роднини, луѓето од кои очекуваш да бидат блиску кога е најтешко...Простувам на македонските колеги кои за разлика од странските ја преспаа неправдата врз мене и моето семејство. Простувам и на поголем дел од новинарите, кои свесно објавуваа и пишуваа, гласно извикуваа работи за кои знаат и самите дека се невистини...Ви простувам на сите за тоа што моите деца спиеја на моето место додека јас ја делев ќелијата во Шутка, ви простувам на сите за стресот кој и денеска децата го имаат кога ќе го напуштам домот и ме прашуваат дали го понесов мојот мобилен телефон. Ви простувам и за нивната мака и нивната траума, се надевам дека еден ден и тие ќе пораснат, ќе разберат, сфатат дека човечки е да се простува... Ви простувам, ја разбирам вашата слабост и уште ќе бидам тука за вас, на сцената и во публиката...Тоа што сакам да остане запомнето од овој мрачен период е храброста, љубовта и искрената верба на оние кои останаа до мене во најтешките моменти, бидејќи уште еднаш ми докажаа дека борбата за доброто на сите има смисла и истата е вредна за секој искажан збор, гест и постапка. Ми ја сочуваа надежта дека човекот се гради со секое искушение во подобар, поголем...А за разнебитувањето... Молете се идните генерации да ви простат.Сакам да ви се заблагодарам на сите што бевте со мене со вашиот збор, присутност во моја близина, допаѓање или коментар на мојот профил, на оние кои ги познавам лично и не сум имал чест да ги запознаам, на сите оние кои сте биле или не сте биле во можност на било каков начин да се вклучите во оваа борба.Живеејќи го ова лудило, успеав да ја сочувам честа и достоинството, имајќи покрај мене една посебна, голема жена, жена – лавица, жена – мајка, жена херој...на која јавно и се заблагодарувам што беше силна покрај мене, мојата сопруга Ана.Простете ми но јас ќе завршам со една фраза која ја употребував на секој протест.Да живее Македонија!Ваш Игор.  

Македонија | пред 7 години

Битолчанец признал дека ги оштетил граничните камења на границата со Грција

Регионалниот центар за гранични работи Југ го расчистил настанот од 23 овој месец кога беа оштетени и поместени граничните камења помеѓу Македонија и Грција.„По преземени мерки констатирано е дека сторител на кривичното дело ‘оштетување туѓи предмети’ е Б.М.(36) од сeлото Гермијан, Битола. Во полициска станица извршен е разговор со Б.М. и тој го признал кривичното дело“, соопшти полицијата.Во координација со Основното јавно обвинителство Битола и по целосно документирање на случајот, против лицето ќе биде поднесена кривична пријава. 

Македонија | пред 7 години

Нов случај на напад на кучиња скитници, искасани малолетно дете и жена

Малолетно дете и жена биле нападнати од кучиња во Скопје. Првиот случај се случил во вторникот, кога Б.Т. била искасана од куче околу 13,00 часот на улица „Антон Попов” во Скопје.Вчеравечер, пак, А.Ж.С.(36) од Скопје пријавила дека околу 20.30 часот на улица „Бојмија” во Скопје нејзиното малолетно дете било каснато од куче-скитник.

Скопје | пред 7 години

Укината затворската казна за дедото на малата Тамара , судот одлучи судењето да почне одново

Aпелациониот суд донесе одлука да му ja укине затворската казна од 7,5 години на дедото на малата Тамара кој пукаше во Никола Тодоров поранешниот министер за здраство. По жалба на одбраната на Љупчо Стојановски, судот одлучи судењето да почне одново.Стојановски пукаше во Тодоров непосредно пред тој да ја предаде должност на новиот министер Арбен Таравари на 1 јуни минатата година.За поседување на оружје му беше одредена казна затвор од една година. 

Скопје | пред 7 години

Скопје годинава ќе биде најскапо украсен – склучен договор за 260.000 евра

Бирото за јавни набавки го објави договорот меѓу Град Скопје и фирмата „Линк медиа плус“ за досега најскапото новогодишно украсување на градот, кое ќе чини околу 260 илјади евра со ДДВ.Оваа фирма редовно го добива тендерот за украсување на главниот град, но во претходните години украсувањето беше видно поевтино.Според договорите за јавни набавки, минатата година за оваа намена биле платени 195 илјади евра, исто колку и во 2016 година додека градоначалник беше Коце Трајановски. Во 2015 година украсувањето чинело најмалку, околу 170 илјади евра.Според договорот, за овие 260.000 евра што ќе се одвојат од буџетот, Скопје ќе добие новогодишна елка што ќе биде поставена на плоштадот Македонија и на неколку други локации, а предвиден е и огномет за новогодишната ноќ. Во договорот од минатата година склучен со фирмата „Линк медиа плус“, пак, не бил предвиден огномет.Минатата недела градоначалникот на Скопје, Петре Шилегов, изјави дека „граѓаните мора да добијат нешто што не го добивале досега“.„Во текот на декември на плоштадот Македонија првпат ќе осамне новогодишна населба, нешто што во Скопје досега го немало. Нашиот план е населбата со име Винтерленд (Зимска земја) за граѓаните да се отвори на 7 декември. Во неа ќе има куќички украсени во новогодишен амбиент и мала сцена на која секојдневно ќе се организираат настани кои ќе го привлечат интересот на сите граѓани, без разлика на возраста. Ќе има и топ за создавање вештачки снег, со што ќе се дополни зимската слика. Во селото ќе има и катчиња за детски игри, како и разновидни содржини од новогодишен карактер“, рече тој. 

Скопје | пред 7 години

Советник во Собрание со крајно навредлива ФБ порака за смртта на академик Блаже Ристовски

Лице вработено како советник во Собранието на Република Македонија на коментар на објава за смртта на академик Блаже Ристовски напиша недоличен коментар. Коментарот “цркнал конечно” го напишал од својот ФБ профил , а админите на страницата каде беше напишан го отсраниле. Но сепак твитер заедницата го виде и крена аларм за однесувањето на кадри вработени во Собрание од албанската полулација.

Скопје | пред 7 години

Заев: Можна е инвестиција на Facebook и Google во Македонија, ако е извесно членството во НАТО и ЕУ

„Колку сте задоволен од инвестицијата на интернет гигантите Facebook и Google во Македонија“? Запраша иронично на денешната седница за пратенички прашања, пратеникот од редовите на ВМРО-ДПМНЕ Антонио Милошоски.„На 12 септември 2017 година на 24 вести изјавивте дека директно работите со овие две мултинационални компании, дека за разлика од Швајцарија и Ирска кои им бараат данок на добивка од 23 проценти, односно 19 проценти вие им нудите данок на добивка од 3 проценти и дека истите ќе дојдат во Македонија со 30 милијарди евра добивка. Три дена подоцна во Топ Тема кажавте дека сте во напредна фаза на преговори со Фејсбук и Гугл, а на 19 септември имавте средба со господинот Коен еден од директорите на овие компании, по што изјавивте дека сте поставиле добри основи за соработка и инвестирање во Македонија. Моето прашање е како сте задоволен од реализацијата на најавените инвестиции на Фејсбук и Гугл во Република Македонија“, праша Милошоски.Заев одговори дека инвестициите на Фејсбук и Гугл се посакувани во секоја земја, но дека таквите инвестиции зависат од извесноста на членството на Македонија во ЕУ и НАТО:„Верувам дека таква инвестиција можно е да се рализира во Македонија. Очекувам Македонија да има сигурна иднина со членството во НАТО и ЕУ, почнуваме со скринингот и разговори. Ова е извесна можност да се случи во Македонија, ќе продолжиме да разговараме и кога ќе имаме нешто конкретно ќе го соопштиме. Негувам надеж ако Македонија ги заокружи политичките процеси и тоа се потврди со уставните амандмани и стане извесно членството во ЕУ, сите заедно ќе помогнеме бордот на директори да донесат одлука за инвестиција“ , рече Заев.Милошоски, незадоволен од одговорот, го обвини Заев дека Владата ширела лажна пропаганда и лажни ветувања, и дека кога ги најавувал инвестициите премиерот не спомнал ништо за членството во ЕУ и НАТО. Според Милошоски, Владата работи единствено на тоа да создаде привид дека работи, а членството во овие организации го користи само како алиби за својот неуспех. „Вработување на нови 50 луѓе во Владата за да ви ставаат лајкови на вашите постови – тоа е единствената инвестиција што сте ја направиле од Фејсбук“, заклучи пратеникот на ВМРО-ДПМНЕ.  

Скопје | пред 7 години

Нема фотографија

Рација во седиштето на „Дојче банк“ поради скандал со перење пари

Германското обвинителство влезе во главното седиште на „Дојче банк“ во Франкфурт, во рамки на истрагата за перење пари, јавуваат германските медиуми.Германскиот јавен обвинител тврди дека двајца вработени во банката им помогнале на одделни клиенти да перат пари од криминални активности.Другите канцеларии на „Дојче банк“ во градот исто така биле претресени во операција која вклучувала околу 170 полицајци и службеници.Акциите на „Дојче банк“ паднаа за 3 отсто откако се појавија вестите за рацијата. Компанијата потврди дека полицијата извршила рации во неколку локации во Германија и дека целосно соработувала со истрагата.Документи и електронски фајлови се заплетени од страна на службениците за време на рациите на имотот на банката.Истрагата почна со откритијата во 2016 година „Панама пејперс”, кога огромна количина информации протекоа од една од најтајинствени компании во светот, панамска адвокатска фирма наречена „Мосак Фонсека“.

Свет | пред 7 години

Нема фотографија

Компанија испуштала отровни хемикалии во Брегалница

Полицијата поднесе кривична пријава против две лица од компанија во Делчево поради загадување на водата и опасност за опстанокот на животинскиот свет.МВР наведе дека од објектот на првопријавеното правно лице, во кое второпријавениот е управител, преку цевката за отпадни води, во реката Брегалница биле испуштени отпадни води со хемиски агенси кои се отровни за животинскиот свет, со што предизвикале опасност за опстанокот на рибите во реката Брегалница. 

Македонија | пред 7 години

Нема фотографија

Притвор за двајца разбојници кои ограбија и претепаа жена во Кривопаланечко

Основното јавно обвинителство од Куманово донесе наредба за спроведување истражна постапка против две лица за кои постои сомнение дека сториле кривично дело „разбојништво“.Како што информираат оттаму, осомничените на 16 октомври минатата година насилно влегле во семејна куќа во селото Конопница, Крива Паланка и физички ја нападнале сопственичката удирајќи ја неколкупати по главата и телото со дрвен стап и обраќајќи и се со зборовите „каде се парите“.Притоа, со употреба на сила и сериозна закана од жената одзеле пари во износ од 20.000 денари и една златна паричка.Против двајцата осомничени, Основното јавно обвинителство Куманово до судија на претходна постапка поднесе предлог за определување притвор.Судијата со решение го уважил предлогот на обвинителството и определил притвор за двајцата осомничени во времетраење од 30 дена. 

Македонија | пред 7 години

Нема фотографија

Работник почина при одрон на земјиште во Припор

Вчера на улицата Христо Татарчев во скопската населба Припор дошло до одронување на земјиштето, при што биле потрупани двајца работници, од кои едниот починал, соопшти полицијата.„Ѓ.Ѓ (57) од Скопје починал на местото на настанот, додека Ш.Ш.(52) од Куманово со возило на Итната медицинска помош бил пренесен во Градска општа болница ‘Св. Наум Охридски’“, велат од МВР.Извршен е увид на местото на настанот и се работи на расчистување на случајот. 

Македонија | пред 7 години

Нема фотографија

Пронајдена марихуана кај две лица од Скопје

Полицијата поднесе кривични пријави против две лица од Скопје, од кои едниот на 20, а другиот 29-годишна возраст, поради сомнение дека сториле кривично дело „неовластено производство и пуштање во промет наркотични дроги, психотропни супстанции и прекурзори“.При извршен преглед и легитимирање кај лицата пронајдена била марихуана, соопшти МВР. 

Скопје | пред 7 години

ВМРО-ДПМНЕ: Европратениците рекоа дека ни се потребни реформи на секое поле

Координаторот на пратеничката група на ВМРО-ДПМНЕ, Никола Мицевски, како дел од собраниска делегација учествува на настанот „Тркалезна маса на високо ниво за процесот на евроинтеграција на Западниот Балкан во регионален поглед во Брисел“.Мицевски во Брисел остварил повеќе средби меѓу кои со европрениците: Алојз Петерле, Кнут Флекенштајн, Едуард Кукан, Иво Вајгл и Рајнхард Бутихофер, соопшти Центарот за комуникации на ВМРО-ДПМНЕ.„На средбите се разговараше за евроинтеграцискиот пат на Република Македонија, при што од европратениците беше посочено дека за членство во ЕУ ни се потребни вистински реформи на секое поле“, велат од ВМРО-ДПМНЕ.Опозицијата појаснува дека европратениците ја посочиле потребата од реформи во правосудството и јавната администрација, како и во безбедносните служби. Заемно заклучиле дека борбата против криминалот и корупцијата е исто така важен сегмент во насока на нашите евроинтеграции. 

Македонија | пред 7 години

О2 Иницијативата ја повика МПЦ да ја подари парцелата во Центар за парк

О2 Иницијативата преку јавен повик побара Македонската православна црква да се откаже од парцелата спроти „Холидеј ин“ и место згради таму да се изгради парк. О2 ја повикува црквата да не ги осудува децата на живот во гасни комори и да не дозволи материјалното да го засени духовното.„Ве повикуваме плацот што го поседувате во строгиот центар на Скопје да го донирате за парк што ќе биде симбол на вера и љубов, она што на овој народ во овој момент покрај чистиот воздухот му е најпотребно. Практикувајте го она што го проповедате, вратете ја надежта на луѓето во добрината и духовноста. Не осудувајте ги нашите деца на живот во гасни комори, бебиња на борба за живот уште неродени, не нè терајте да молиме за воздух. Во име на тие деца и нивната иднина не правете ја оваа грешка, не давајте материјалното да го засени духовното. Конечно, и вие некогаш некому, на својот народ или на Бога, ќе треба да одговорите која е потребата на духовни лидери да се опкружуваат со материјални работи. Која е потребата до вашите црковнички титули да стојат суми испишани во евра? Во вашиот земски живот правевте добро или зло?“, стои во јавниот повик објавен на „Фејсбук“.Од Иницијативата нагласуваат дека надежта е алката која во ова руинирано општество сè уште колку-толку ни ја држи главата над водата. Надежта за квалитетен живот, љубовта кон својот град и верата во добрината на сограѓаните.Македонската праволсвна црква по пат на денационализација стана сопственик на парцела од 3.766 квадратни метри спроти „Холидеј ин“, кои ги отстапила на фирмата „Обновители“, која, пак, за возврат треба да изгради зграда во која МПЦ ќе има канцеларии. Сопственикот на „Обновители“, Зоран Антиќ, е сопственик и на „МГ Фешн“ која, пак, од државата ја откупи соседната парцела од 9 000 квадратни метри по цена од 312 евра за квадратен метар.На земјиштето спроти „Холидеј ин“, иако почна расчистувањето на времените објекти, сè уште не може да се гради поради мораториумот за градење и ревидирањето на 30 детални урбанистички планови во општина Центар меѓу кои е и планот за ова земјиште. Граѓаните сметаат дека поради ревидирањето постои можност да побараат на просторот да се предвиди парк. Градоначалникот, пак, на општина Центар, Саша Богдановиќ, вчера изјави дека дали ќе се градат згради кои би биле со помала катност од сегашните 60 ката или, пак, просторот ќе добие друга намена ќе зависи од планот кој во моментов се подготвува. Тој најави дека нацрт-планот ќе биде изложен и граѓаните ќе имаат можност за забелешки. Треба да биде изготвен во следните два-три месеци.Пренамена на двете парцели спроти „Холидеј ин“ јавно побара и ексдиректорот на Институтот за земјотресно инженерство и инженерска сеизмологија, Михаил Гаревски, кој ги повика граѓаните да го одбранат просторот од згради по примерот на одбраната на ГТЦ од барок кога се организираше гушкање на трговскиот. Тој смета дека на просторот спроти „Холидеј ин“, кој сега се користи како паркинг, треба да се изгради плоштад.

Скопје | пред 7 години

Издадени седум нови решенија за отстранување урбана опрема во општина Центар

Секторот за инспекциски работи на Општина Центар во изминатиот период врши засилени контроли и инспекции, особено на локациите каде што има поставено дива и нелегална урбана опрема (затворени тераси, маси, столови…).„Издадени се 7 нови решенија за отстранување на урбаната опрема на правни лица кои се наоѓаат на територија на општината. Решенијата се веќе дадени на понатамошна обработка, а согласно со законската регулатива во Република Македонија, правните лица имаат определен рок во кој самите треба да постапат по решенијата и да ја отстранат урбаната опрема. Доколку не го сторат истото, општината ќе постапи по решенијата, во рамките на својата законска ингеренција“, велат од Општина Центар.Општина Центар и градоначалникот Саша Богдановиќ уште еднаш апелираат до сите засегнати страни и правните лица да се придржуваат до и да ги почитуваат правилата и процедурите за издавање одобрение за поставување урбана опрема и заградување на просторот.

Скопје | пред 7 години

Одржани политички консултации меѓу Македонија и Бразил

Во Бразилија вчера беа одржани политички консултации помеѓу Република Македонија и Федеративната Република Бразил. Делегациите на двете земји ги предводеа државниот секретар на Министерството за надворешни работи на Република Македонија, Виктор Димовски, и генералниот потсекретар при бразилското МНР, амбасадорот Алесандро Кардеас. Политичките консултации коиндицидираат со одбележувањето на дваесетте години од воспоставувањето дипломатски односи меѓу Македонија и Бразил.Димовски и Кардеас го истакнаа задоволството од позитивниот тренд на развојот на билатералните односи меѓу двете пријателски држави, при што беше нагласен заемниот интерес за продолжување и продлабочување на политичкиот дијалог и соработка, со посебен акцент на унапредувањето на економската и парламентарната соработка, како и соработката во областа на културата, образованието, туризмот и другите области од заемен интерес. Особено внимание беше посветено на продолжувањето на соработката на двете земји во рамките на мултилатералните организации.Воедно, беа разменети мислења и за актуелни теми од меѓународните односи, внатрешно-политичките и економски состојби во двете земји, како и за регионалните прашања во Југоисточна Европа и во Јужна Америка.Согласувајќи се дека одржувањето на политичките консултации помеѓу двете земји треба да стане редовна пракса, Димовски и Кардеас изразија надеж дека набргу ќе биде реализирана најавата за отворање на Амбасадата на Бразил во Скопје.

Македонија | пред 7 години