ГЛАВНИ-ВЕСТИ

Мицкоски: Заев вети дека ќе прави метла, но наместо тоа отиде на одмор

Лидерот на ВМРО-ДПМНЕ денеска оствари средба со скопјани во општина Гази Баба.„Нема застанување, нема калкулации, имаме задача да ја кренеме земјата од пепелот во кој ја оставаат и пустошот кој го прави оваа власт со секој поминат ден. Реалноста значи дека имаме работа со луѓе кои се измамници, луѓе кои ги искористија, прокоцкаа сите шанси и сите дадени можности“, порача Мицкоски.Според лидерот на опозицијата, се знае дека нема подобро со оваа власт и дека „метлата” во која се колнеше премиерот Заев е само уште една проѕирна лага.„Откако во првиот круг ги виде резултатите од изборите, на кои претходно велеше дека блескаме, вети дека ќе прави метла. Завршија изборите, наместо метла отиде на одмор. А таквата, метлата ќе ја правел по еден месец. Но, не е до метлата, туку до тој што треба да измете. Тој човек треба да си замине. Ова се луѓе кои уништуваат, уриваат, кои со својата непринципиелност оставаат зад себе чемер и јад и неморал кој ги урива вредностите. Ние сме тие кои заедно со народот ја имаме обврската да се избориме за иднината на земјата, да обезбедиме напредок, и решавање на проблемите. И ние тоа ќе го направиме. Заедно и силно, за нашата Македонија!“, порача Мицкоски.

Македонија | пред 6 години

Сугаревски за лошата перцепција за капиталните инвестиции: Сигурно има вина и кај нас

Министерот за транспорт и врски, Горан Сугаревски во вечерашното гостување на телевизија Телма рече дека за лошата перцепција што ја има во јавноста за состојбата со капиталните инвестиции има вина и кај власта.За лошата перцепција, ќе бидам искрен, сигурно има и кај нас вина, но тврдам дека свесно кочење нема. Во моментов над 30 патишта се реконструираат. Ќе речете тоа е само реконструкција, но тоа се патишта кои 50 години не биле реконструирани. 40 водоводни канализации прави само Министерството. Можеби ние недоволно сме го презентирале тоа, но се прави, рече Сугаревски.За само четири месеци годинава реализацијата на капиталните инвестиции во гасоводната мрежа е 27,6 отсто од предвидените 1,5 милијарди денари, а лани вкупно биле реализирани 400 милиони денари.-Мајската ситуација ќе биде сериозно добра за гасфикацијата зашто таа влегува во вториот квартал, нагласи Сугарески, потсетувајќи дека на денот кога станал министер, лотот од Неготино до Битола 98 проценти не бил експроприран.Според него, оваа Влада во целост стои зад двата експресни патишта: Ранковце – Крива Паланка и Штип – Радовиш, во должина од по нешто над 40 километри. Три милијарди денари е реализацијата на Јавното претпријатие за државни патишта (ЈПДП) во првиот квартал годинава, а лани била 987 милиони.

Македонија | пред 6 години

Заев: Ја повикувам македонската дијаспора да гласа за Тамара

Премиерот Зоран Заев попладнево на својата официјална Фејсбук страница ја поддржа нашата претставничка на Евровизија, Тамара Тодевска.-Навиваме денеска за Тамара и ѝ ја посакуваме целата среќа, како наш претставник на Евровизија 2019 во Тел Авив, Израел. Се надевам сите ќе нѐ направи горди или како што самата кажува во песната, „Raise your voice and say it loudly – I am #PROUD“ (Кренете го вашиот глас и кажете гласно – Се гордеам). Ја повикувам македонската дијаспора да ја поддржи Тамара и да гласа за број , на втората полуфинална вечер, која ќе започне вечерва во 21:00, напиша Заев.

Магазин | пред 6 години

(ВИДЕО) Автобус непречено се возел низ чаршијата во Струга

Видео снимка на која се гледа како автобус поминува низ чаршијата  во Струга кружи на интернет.Автобуост слободно поминува низ шеталиштето каде е забранет сообраќај, а на една од фотографиите се гледа и автомобил кој се движи пред автобусот.Граѓаните реагираат дека покрај тоа што се разочарани од целиосниот колапс на државниот апарат и институциите кои како да не постојат, сега се веќе истоштени од се што им се случува околу нив во секојдневието и дека се помалку гледаат надеж дека некој ќе успее да воведе барем елементарен ред во државата.ВИДЕО:https://www.facebook.com/skopje1mk/videos/1692882254191176/

Македонија | пред 6 години

Величковски: Случајот “Павле Богоевски” потврдува дека прислушкувањето продолжува

Претседателот на Либерална Партија, Ивон Величковски се огласи на Фејсбук во врска со пратеникот Богоевски и прислушкувањето.„Со случајот “Павле Богоевски”, се постигнати 4 ефекти:– пратеникот Богоевски е дискредитиран;– претседателот на Мандатно-имунитетската комисија Богоевски, која ќе одлучува за мандатот на Груевски и самиот нејзин состав е дискредитиран(а);– Шарената револуција од каде тој потекнува е додискредитирана;– По втор пат (со аудио-запис) станува јасно дека и натаму се прислушкува и по 27 април 2017, а за цело тоа време министерот (и до 2017 заменски) е ист.Заклучок: Реформи на службите? Владеење на правото? Ма #Оставкабре ,напиша Величковски на Фејсбук.

Македонија | пред 6 години

Хан: Македонија направи многу и неправедно е некој, кој силно се ангажирал да биде казнет

Еврокомесарот за проширување, Јоханес Хан, во интервју за „Дојче веле“, истакна дека нашата држава направила многу во полето на надворешна политика и треба да се одржи ветувањето кон Македонија.„Мојата цел е двете земји истовремено да добијат датум за почеток на преговори, затоа што истовремено го претставуваме и извештајот. Но не можам да го предвидам процесот на донесување одлуки во земјите-членки. Факт е дека Северна Македонија направи многу и притоа, не само во рамките на она што ние го баравме, туку исто така и со решавањето на спорот за името, но и со решавањето на билатералниот конфликт со Бугарија. Северна Македонија создаде еден предуслов со што стана единствената земја во регионот која нема конфликт со ниту еден сосед. Нашиот став отсекогаш е дека секој одделен процес, односно преговорите за проширување, се процес кој се базира врз заслуги и постигнувања на секоја одделна земја. Нема да биде фер доколку една земја треба да чека некоја друга, ако таа не испорачува. Тоа е основата. Секако, би било идеално, кога сите шест (земји од Западниот Балкан, н.з.) се приклучат во исто време, но тоа е нереално. Истовремено, неправедно е некој, кој силно се ангажирал, кој изнаоѓал решенија, кој е подготвен на компромис, кој донесува тешки одлуки, сега да биде казнет, затоа што е подобар“, истакна Хан.

Македонија | пред 6 години

Собранието усвои три закони кои Иванов не сакаше да ги потпише

Собранието на Република Македонија денеска во рамки на 97. седница усвои три закони во трето читање што беа вратени во Парламентот зашто поранешниот претседател Ѓорѓе Иванов одби да ги потпише указите за нивно стапување во сила.На седницата беа усвоени Законите за Судскиот совет на Република Северна Македонија, Законот за слободен пристап до информации од јавен карактер и Закон за инспекциски надзор.

Македонија | пред 6 години

Законот за Богоевски не важи, според обвинителство купување дрога не е кривично дело

Пратеникот од шарената револуција Павле Богоевски – Пајо денеска бил во скопското Јавно обвинителство да се пријави откако призна дека набавувал, наводно, масло од канабис за негов близок пријател. Според извори на „Фокус“ во скопското Обвинителство одбиле да му земат исказ на Богоевски и да покренат постапка, бидејќи сметаат дека нема кривично дело во случајот.Со ваквата постапка Обвинителството покажува дека законот сепак не важи за Пајо. Иако тој ја потврди автентичноста на снимката и кажа дека набавувал наводно масло од канабис, иако целата јавност се соменева дека станува збор за кокаин, Обвинителство одлучило да не му земе исказ. Но без разлика дали стануав збор за марихуана или кокаин, сепак очигледно кривично дело е сторено, кое и сторителот го призна. Богоевски истакна дека набавувал на нелегален начин масло од канабис, што е казниво со закон.

Македонија | пред 6 години

Мајката која си го остави новороденчето во парк е малолетна е и неможе да се грижи за бебето , еве ги деталите

Полицијата ја пронашла мајката која го остави своето новороденчето во парк до скопската населба Топанско Поле. Таа е малолетна и рекла дека неможе да се грижи за бебето. Според нејзината изјава бебето нема друг родител. Во присуство на нејзината мајка која и е законски старател, девојчето било однесено на лекар, објавува Слободен Печат.– Малолетната мајка даде изјава дека не е во можност да се грижи за своето дете поради што, откако ќе се стабилизира неговата здравствена состојба, тоа ќе биде префрлено во згрижувачко семејство. Мајката има рок од три месеци да се предомисли, а ако тоа не се случи, бебето ќе биде дадено на посвојување – вели Наташа Станојевиќ, директорка на Цетарот за социјални работи во Скопје.Полицијата треба да се изјасни дали мајката ќе одговара затоа што детето го оставила во паркот веднаш по породувањето.Инаку бебето пред два дена беше пронајдено во парк во Топанско Поле од случаен минувач. Потоа беше пренесено на Клиниката за детски болести каде му е дадена неопходната медицинска грижа и тоа е во добра општа состојба. 

Скопје | пред 6 години

Бошњаковски наместо портпарол, одсега генерален секретар во Кабинетот на Пендаровски

Портпарол на Владата Миле Бошњаковски, ја напушта оваа функција, отсега ќе биде генерален секретар во кабинетот на претседателот, Стево Пендаровски.  Медиумите објавија дека Бошњаковски го напушта секторот за односи со јавноста при Владата пред неколку дена, кога новиот шеф на државата почна со екипирање на својот кабинет, но тогаш тој изјави дека ништо не е официјално.Бошњаковски дури денеска ја потврди информацијата.„Ми беше чест две години да соработувам со сите вас новинари, сниматели и фоторепортери. Се надевам дека соработката ќе продолжи во наредниот период во една друга форма“, изјави денеска Бошњаковски, на својата последна прес конференција како владин портпарол. 

Македонија | пред 6 години

Кумановската група до судијата: Зборувај албански, тука е Албанија

Со една минута молчење за паднатите другари во населбата Диво Насеље, започна судската расправа во Апелациониот суд во Скопје во случајот “Диво Насеље“.Судењето започна во напната атмосфера и со револт изразени од страна на членовите на Кумановската група, известува новинарот од Лајм од седницата во Апелација. Тие не и дозволија на судијката да зборува на македонски.– Кумановската Група и се обрати на македонската судијка: Зборувајте албански, тука е Албанија, вие “избеглици”, сте дојдени овде, рече Вал Зекај од Кумановската група, не дозволувајќи и на судијката да зборува. Него го поддржаа и другите членови на Групата. Тие добија овластување на адвокатите и ја напуштија седницата.

Македонија | пред 6 години

Во понеделник ќе се одлучува за мандатот на Груевски

Во понеделник е закажана седницата на комисија за деловнички и имунитетно мандантни прашања на која ќе се расправа за одземање на пратеничкиот мандат на поранешниот премиер Никола Груевски.Вчера претседателот на Собранието на Република Македонија Талат Џафери ја информираше Комисија за деловнички и мандатно-имунитетни прашања дека пратеникот Никола Груевски отсуствува од работа повеќе од шест месеци без оправдување. Со ова се исполнуваат условите Собранието да започне постапка за одземање на неговиот мандат.Груевски не присуствува на собраниските седници од почетокот на ноември лани откако побегна од државава.

Македонија | пред 6 години

Законите кои Иванов одби да ги потпише по трет пат пред пратениците

Пратениците во Собранието денеска на пленарна седница треба по трет пат да изгласаат неколку закони што претходниот претседател на државата Ѓорге Иванов одби да ги потпише и ги врати во законодавниот дом.На повторно, трето гласање, пред пратениците денеска се законите за Судскиот совет на Република Северна Македонија, за слободен пристап до информации од јавен карактер, за инспекциски надзор, за ратификација на Конвенцијата на Советот на Европа за кинематографска копродукција, за изменување и дополнување на Законот за задолжителни резерви на нафта и нафтени деривати, за изменување и дополнување на Законот за Црвениот крст, Законот за прекинување на бременоста и Законот за електронски документи, електронска идентификација и доверливи услуги.Се очекува овие закони откако повторно ќе бидат изгласани во Парламентот со мнозинство гласови од вкупниот број пратеници, да бидат објавени во Службен весник.Новиот претседател Стево Пендаровски најави дека една од првите обврски по презмеањето на должноста ќе му биде да ги потпише законите кои неговиот претходник Иванов ги врати во Собранието.

Македонија | пред 6 години

Сите прашања околу „бомбите“ водат до Заев, смета Зеколи

Екс дипломатот и аналитичар Арсим Зеколи поставува неколку прашања во врска со “бомбите” меѓу кои и последната објавена за пратеникот Павле Богоевски која покрена лавина коментари.- Скандалот Павле и негови џанки-адвокати е помалку битен момент. Ре-легализацијата на бомбите во јавноста е клучната тема. Како доаѓаат до јавноста? Кој ги чувал? Нели сите биле дадени на ЗЗ т.е. СЈО? Кој ги давал наоколу? Сите прашања водат до Заев, смета Зеколи.

Македонија | пред 6 години

Апасиев до Богоевски: Од наши пари шмркате, кога оставка бе копук?

Членот на презедиумот на Левица, Димитар Апасиев, по објавата на прислушкуваниот разговор каде се слуша гласот на пратеникот Павле Богоевски, а со наслов „Пајо нарачува кокаин“, на социјалните мрежи побара оставка од народниот избраник.„Белото да го вратите. Шала на страна, патец во средина... Пајо кога оставка бе копук? Од наши пари шмркате“, напиша Апасиев.Објавата на разговорот предизвика лавини рекации во јавноста. Дел го поддржуваат Богоевски кој објасни дека нарачувал масло од канабис за негова блиска личност, а останатите со негативни критики бараат пратеникот да ја напушти функцијата. Професорката Мирјана Најчевска побара пратениците и функционерите да се проверуваат од страна на органите за да се види дали користат наркотични средства.

Македонија | пред 6 години

Најчевска за Богоевски: Сум за легализирање на марихуаната, но во Собранието сакам луѓе со чисти глави

Професорката Мирјана Најчевска напиша дека е за легализација на марихуаната, но и дека во Собрание сака луѓе со чисти глави.„Јас мислам дека сите пратеници и високи функционери во власта треба барем два пати годишно да бидат проверени за употреба на психотропни супстанци.Функциите носат привилегии, мора да носат и ограничувања.Јас лично сум за леализирање на марихуаната и еден сосема поинаков пристап кон консумирањето на психотропни сусптанци, меѓутоа, во Собранието сакам луѓе со чисти глави.Јас исто така мислам дека треба да има и тестови за општа интелегенција.Навистина ми е преку глава од “народни претставници“ со пола грам мозок кој не можат да соберат 2+2, а камоли да разберат што пишува во законските предлози за кои дигаат рака“, стои во објавата.

Македонија | пред 6 години

Апелација денес ќе одлучува по жалбите на осудените во „Диво Насеље“

Апелација денеска и утре ќе донесе одлука по жалбите на 33-та осудени лица за крвавата престрелка во кумановско Диво Насеље.По жалбите на 33-та осудени денеска и утре ќе заседава второстепениот суд. Седумина од обвинетите добија доживотен затвор, 13 беа осудени на по 40 години, шестмина на 20 година, еден на 18, двајца добија по 14, други двајца по 13, а уште двајца беа осудени на по 12 години. Четворица добија ослободителни пресуди. Обвинителството тогаш бараше доживотен затвор за сите, пренесе МКД.МК.Инаку, македонските безбедносни сили се судрија со добро организирана терористичка група, во таа борба загинаа осум припадници на безбедносните сили, го дадоа својот живот за Македонија, а 37  припадници на безбедносните сили беа повредени.

Македонија | пред 6 години

Македонија мора да отвори преговори со ЕУ во јуни

Добивањето датум за почеток на преговори со ЕУ во јуни е клучен момент, беше порачано од конференцијата во Берлин на која учествуваше шефот на македонската дипломатија Димитров. Врвен аргумент е Преспанскиот договор.Во вторникот вечерта (14.05), како и пред две недели на конференцијата за Западниот Балкан, сите беа сложни околу една констатација: Северна Македонија во моментов е „ин“ и може да му послужи како пример на остатокот од регионот за решавање на спорови со соседите. Тоа беше видливо и на предавањето на македонскиот министер за надворешни работи Никола Димитров на кое во парламентарниот објект покрај зградата на Рајхстагот се собраа повеќе пратеници во Бундестагот, претставници на дипломатскиот кор и други претставници на политичкиот живот во Берлин.Преговорите мора да бидат отворени во јуниДискусијата ја отвори пратеникот на Зелените во Бундестагот, Мануел Сарацин, кој е и потпретседател на Друштвото за Југоисточна Европа, истакнувајќи го напредокот на Северна Македонија во реформскиот процес и договорот за името со Грција - еден од ретките светли моменти во историјата на овој дел од Европа последниве години. Димитров, по излагањето полно со анегдоти од процесот на преговори со Грција, се сврте кон иднината, а таа, како и за сите останати земји од регионот, барем декларативно, е во ЕУ.Тука беше отворено најважното прашање за датумот за почеток на пристапните преговори.„ЕУ едноставно не може, а да не го награди напредокот на Северна Македонија“, рече Димитров. Европската комисија на Советот на ЕУ на крајот на мај ќе препорача отворање на преговори со Албанија и Македонија. Но, како што можеше повторно да се слушне во Берлин, постојат големи противници на почеток на преговори, а тоа се пред сѐ Франција и Холандија, кои стравуваат од јакнење на десничарите во нивните земји.MdB Manuel Sarrazin Die Grünen (Imago/allefarben-foto)"Одлуката за отворање преговори мора да се случи на самитот на ЕУ во јуни“, вели Мануел СарацинСарацин, како и повеќето германски парламентарци, за тоа има јасно мислење.„Одлуката за отворање преговори мора да се случи на самитот на ЕУ во јуни“, дециден е Сарацин. „Таа одлука мораше одамна да биде донесена“. Тој објасни дека Северна Македонија одамна исполни сѐ што се бараше од неа. „Остатокот може да се проверува низ преговарачкиот процес кој може да потрае со години“, рече пратеникот на Зелените.Притоа, Сарацин ја отфрли можноста Северна Македонија и Албанија да одат во пакет во преговорите по секоја цена.„Тука важи правилото на регата, а не на воз. Оној кој е подобар, тој побрзо ќе стигне до целта“, заклучи Сарацин.А што доколку преговорите сепак не започнат?„Тогаш сѐ е можно“, предупреди Димитров, иако сите присутни истакнаа дека не сакаат да веруваат во такво нешто.Прашањето на КосовоПотенцијални жаришта на нестабилност не недостасуваат во регионот.„Ние веќе еднаш доживеавме како војната на Косово, така да речам, се прелеа и на тогашна Македонија. Значи, стабилноста во регионот зависи од помирувањето и изнаоѓањето решение за Косово“, смета Сарацин. Но, тоа за Северна Македонија во овој момент е од второстепено значење.Deutschland Westbalkan-Gipfel (Getty Images/M. Schmidt)На Конференцијата за Западниот Балкан во Берлин, на 29 април, Северна Македонија беше издвоена како позитивен пример„Патот на Северна Македонија не зависи од тоа што ќе се случува во нејзиното соседство. Нерешавањето на овој проблем е пречка за Србија и Косово, а не за Северна Македонија“, рече Сарацин.Но, истовремено не може да се негира дека Скопје се наоѓа во многу деликатен дипломатски расчекор, меѓу желбата да ги задржи добрите односи и со Приштина и со Белград. Тоа беше видливо и на конференцијата за Западниот Балкан пред две недели, кога српскиот претседател Александар Вучиќ го критикуваше македонскиот премиер Зоран Заев поради тоа што на состанокот ги оправдувал косовските царини.На директно прашање на Дојче веле на оваа тема, Димитров одговори со цитат од поранешниот германски канцелар Хелмут Кол кој по германското обединување рече дека Германија „конечно е опкружена со пријатели“.„Така е и со Северна Македонија. Ние со сите соседи имаме добри односи, без оглед на некои изјави или проблеми. Кого и да прашате во Белград тој ќе ви рече: Да, ние сме пријатели со Северна Македонија. И јас можам да кажам: Ние навистина немаме ниту едно големо отворено прашање со Србија“, рече Димитров.Но и Димитров признава дека односот на Скопје кон северните соседи е дипломатски танц по жица.„Косовското прашање е товар за целиот регион. Најголем секако за оние кои се директно вклучени. Нашиот интерес е стабилност во целиот регион, но ние нема да се мешаме. Доколку можеме да бидеме од помош, ќе бидеме на располагање, но нема да се мешаме“, заклучи Димитров.DW.COM

Македонија | пред 6 години

Синот на Горан Стефановски сподели многу за неговиот татко: Зборуваше на ист начин со амбасадори и претседатели, јас научив дека со „добар ден“ може да се постигне многу

Игор, син на драматургот Горан Стефановски, се огласи на својот профил на социјалната мрежа Фејсбук, каде раскажа спомени од неговото дество со татка си, а споредли и детали за смртта. Целиот текст ви го пренесуваме во целост:Пред и после прославата на животот на татко ми Горан Стефановски, што се оддржа во Дебар Маало на 27ми април, добив неколку понуди за интервјуа што за жал не можев да ги прифатам. Но, еве решив дека ако има интерес да кажам нешто за него, тогаш најдобро да го напишам. Некако е најсоодветно.Сепак, прво би сакал од сè срце да им се заблагодарам на сите што дојдоа на настанот на 27ми, како и оние што помогнаа околу организацијата. Се створи една многу убава енергија тоа попладне, незаборавна за мене а мислам и други, која се надевам ќе се шири од година в година на тоа место и пошироко.Пред многу години, К15 го поканија тато на ручек на кој имав среќа да присуствувам и јас. Памтам дека во еден момент тој им кажа дека се поголеми, поважни и посакани од што имаа претстава. Им рече, ,,Не можете да знаете зашто не можете самите да се видите, тоа го правиме ние”. Мислам дека слично е и со Горан. Сигурен сум дека не знаеше дека неговата смрт толку длабоко ќе се осети кај толку многу луѓе.Велат дека децата не ги слушаат родителите, туку ги имитираат. Јас од него научив дека сите, без исклучок, си имаат свои приказни за раскажување, научив дека со едно ‘добар ден’, ‘молам’ и ‘благодарам’ може многу да се постигне, дека секогаш треба да се има време за нештата во животот што нè прават среќни и весели, дека треба да се биде добар према сите што ќе ги запознаеш зашто нема втора шанса за прв впечаток, дека не го добиваш она што го заслужуваш туку она што ќе го договориш, и, можеби пред сè, дека секој треба да си биде горд на својата приказна и да ја изживее до крај.Кога ни требаа совети, често нè убедуваше со сестра ми дека макотрпната работа е секогаш поважна од вродениот талент. Но, таквиот вид на работа бара и многу дисциплина, а тој ја имаше, за скоро сè, од чување платени сметки до одење пеш од Дебармаало накај дома, но особено кога се работеше за пишување. Затоа над неговата работна маса има едно парче хартија со рачно напишан цитат: “Writing’s easy, just stare at a blank page until your forehead bleeds!” (Пишувањето е лесно, само зјапај во празна страница додека не ти прокрвари челото!). Секој нов проект му висеше над глава и му тежеше, но тој ќе си седнеше да чита и да учи со недели, па потоа ликовите сами прозборуваа — тој само ги запишуваше нивните зборови.Зборуваше со сите на ист начин, од комшии и таксисти, до амбасадори и претседатели; отворено и искрено, без маска или фасада. Тој навистина сакаше да ги слуша приказните на луѓето, и тие ги споделуваа со него токму поради неговата отвореност и искреност. Потоа, некои од тие приказни, споделени на пример при фрлањето ѓубре на контејнерите пред зграда, знаеше да ги искористи во своите драми.Ми беше најдобар другар. Секогаш имаше време, за совет, шега, музика, дискусија, без ниту еден пат да се наметне, и секогаш беше подвижен, дури и кога не правеше ништо. Морам да ја споделам со вас последната шега што ми ја направи, три дена пред да почине. Тој лежи во болница, таму сме со мајка ми и сестра ми, претходната вечер ни рекоа дека можеби нема да ја преживее ноќта, а ете го другиот ден се буди. Гладен. Што има за јадење? Чили кон карне. Топ, многу си сакаше, и ете тоа му беше последното јадење.Го прашувам:- Имаш ли болка?- Не се вика така, туку ‘те боли нешто’?- Ок, те боли нешто?- ДА.- Што?Мислам дека знаете што ми кажа, краток збор, именка, машка, почнува со К… Се разбира сите се утепавме од смеење. Како ништо да не му беше, курнас атанас. Сакашe да ми покаже кој е кој, и што е што, јас сум таткоко а ти синот, немој да си мислиш дека нешто се променило поради тоа што лежам тука. Но, уште поважно, ни даде до знаење дека сè е во ред, дека работите испаднале точно како што требало, и дека буквално не треба да се плашиме за него. Едноставно К го боли!И ова е најважното што треба да го знаете. Горан почина на убав начин, колку и да звучи чудно тоа. Имаше голема среќа што си отиде без мака, што околу него постојано беа луѓето кои најмногу го сакаа, што со денови му ја пуштавме неговата најсакана музика, а ние имавме среќа што имавме време да се збогуваме како што треба. Сè беше како во холивудски филм, а тој, со последното шегачење, ни кажа на сите да го памтиме со насмевка наместо солзи.

Македонија | пред 6 години

Сведоштво за несреќата кај Драчево: Вработените од Бензиските ги вадеа патниците

Јованче Лазаревски од Драчево е возачот кој вчера го управувал автомобилот, кој според Обвинителството, вегол во спротивна лента и удрил во камион на Комунална хигиена. Откако се слушнал ударот, први на помош стигнале вработените во околните бензиски пумпи. Сликата била прелоша, а автомобилот бил смачкан.Вработените велат дека максимално се труделе да им помогнат на повредените, но и дека било тешко да се извадат од автомобилот, бидејќи авомобил немало, туку само остатоци од лим. Прво што слушале била силна врева.Направиле се што можеле, велат сведоци на несреќата. Автомобилот се движел од Драчево кон центарот на Скопје, а несреќата се случи 20 минути пред полноч. Во сообраќајката возачот Ј.П. и сопатниците во реното, С.Н., А.Т.(54) од Скопје, Е.Т.(37) од Скопје и И.А.(40) од Скопје починале на местото.

Македонија | пред 6 години

(ФОТО) Другарите се простуваат од полицаецот кој загина во сообраќајката во Драчево

На социјалните мрежи на страната ТВРДОКОРНИ, беше поставена фотографија од загинатиот полицаец Јованче Лазаревски познат под надимак Шиљо, кој е една од жртвите во синоќешната сообраќајка. Со него во возилото беа уште четворица негови блиски.Несреќата се случи вчера доцна вечерта. Сообраќајната несреќа се случила помеѓу товарно возило марка ‘мерцедес’ со скопски регистарски ознаки, кое било управувано од М. Ј. (44) од Скопје и патничко возило ‘рено 5’ со скопски регистарски ознаки, управувано од Ј. Л. (43) од Скопје. Во несреќата возачот Ј. П. и сопатниците возилото ‘рено’, С. Н., А. Т. (54) од Скопје, Е. Т. (37) од Скопје и И. А. (40) од Скопје починале на местото. Додека, возачот на камионот М.Ј. се здобил со повреди и бил пренесен во Градската општа болница ‘Св. Наум Охридски’ каде му била укажана лекарска помош и бил задржан на понатамошно лекување. Увид на местото извршил Јавен обвинител и увидна екипа на СВР Скопје. По наредба на Јавен обвинител телата на починатите биле предадени за обдукција“, соопштија од МВР.Во сообраќајката настрада поранешен полицаец Јованче Лазаревски, вработен во ПС Драчево. 

Скопје | пред 6 години

Дивата платформа на Матка доби ограда, клупи и маси

Постизборно се доградува дивата платформа на Матка во првиот залив по браната, додека од Општина Сарај сè уште се чека одговор на барањето за нејзина легализација. Поставена е дрвена ограда на платформата, а покрај малиот објект се поставени маси и клупи.Градоначалникот на општина Сарај, Блерим Беџети, не одговара на прашањата дали барањата за легализација на платформите на Матка стигнале на ред за разгледување и дали инспекцијата постизборно излегла на терен за да направи увид во уредувањето на платформата. 

Скопје | пред 6 години

(ФОТО) Богоевски: Ме снимал таксистот додека разговарам

Пратеникот Павле Богоевски тврди дека разговорот кој вчера беше објавен од него, го снимил всушност таксист додека тој се возел во такси.Ова го обелодени самиот пратеник одговарајќи на прашања во коментари на неговиот Фејсбук профил.Тој претходно потврди дека е негов гласот на снимката, но дека не нарачувал кокаин, туку масло од канабис.„Очекувам службите многу сериозно да го истражат овој случај. Ова не е снимка од телефонски разговор кој некако „протекол“. Поради тоа, не подложи на заштита согласно Законот за заштита на приватноста од 2015г., кој се однесува на снимките по кои постапува СЈО. Но, ова е Неовластено прислушкување и тонско снимање, предвидено со чл. 151 од Кривичниот законик и очекувам дека сторителот ќе биде изведен пред правдата“, напиша претходно Богоевски.

Македонија | пред 6 години

Бебето кое беше оставено на улица е во добра здравствена состојба

На Клиниката за детски болести вчера со возило на итна медицинска помош е донесено новородено најдено во скопската населба Топанско поле.– Се работи за машко новородено, со родилна тежина 2.400 гр, згрижено е на одделот за неонатологија, неговата здравствена состојба е добра, превземени се сите неопходни мерки за вакви случаеви, соопштија од Клиниката за детски болести.

Скопје | пред 6 години

Започна постапката за одземање на пратеничкиот мандат на Груевски

Претседатеот на Собранието Талат Џафери ја извести Комисијата за деловнички и мандатно-имунитетни прашања дека пратеникот Никола Груевски неоправдано отсуствува од работа во Собранието повеќе од шест месеци.Според членот 59 од Деловникот,предлог за одземање на мандатот на пратеник поднесува Комисијата за деловнички и мандатно-имунитетни прашања, во рок од 15 дена од денот на добивањето на известувањето од претседателот на Собранието.Според овој член, за пратеникот кој неоправдано отсуствувал од седниците на Собранието повеќе од шест месеца, претседателот на Собранието ја известува Комисијата за деловнички и мандатно-имунитетни прашања. Предлог за одземање на мандатот на пратеник како што е случајот со Груевски поднесува Комисијата за деловнички и мандатно-имунитетни прашања. Претседателот на Комисијата Павле Богоевски сега треба да ја закаже седницата на која ќе се расправа по прашањето. Ако комисијата препорача одземање на мандатот, потоа на пленарна седница е потребно двотретинско мнозинство за да му се одземе мандатот на Груевски.Претресот може да заврши со донесување одлука за одземање на мандатот на пратеникот или со заклучок дека нема елементи за одземање на мандатот на пратеникот. 

Македонија | пред 6 години