ГЛАВНИ-ВЕСТИ

Мицкоски: Сакам да бидеме политичари кои наместо да газат по црвени теписи, ќе се спуштаат со проектите на терен

Претседателот на ВМРО-ДПМНЕ, Христијан Мицкоски во своето гостување во емисијата „200“ на Алсат М телевизија, говореше за својата историска улога како политичар во Македонија.Тој истакна дека сака да даде една нова понуда кај граѓаните која ќе е симбол за политичари кои наместо да газат црвени теписи, ќе се спуштат кај граѓаните и ќе им понудат проекти.-Сакам да понудам една нова понуда кај граѓаните која ќе е симбол за политичари кои наместо да газат црвени теписи, ќе земат со проекти и ќе се спуштат доле кај граѓаните. Јас ова го сметам како моја лична историска улога.

Македонија | пред 6 години

ОЈО: Прегазениот пешак во Ново Лисиче не поминувал на пешачки

Дежурен јавен обвинител од Основното јавно обвинителство Скопје, заедно со увидни екипи на Министерството за внатрешни работи и претставници на Институтот за судска медицина, криминалистика и медицинска деонтологија, вечерва изврши увид на булеварот „Видое Смилевски – Бато“ во скопската населба Ново Лисиче, каде во сообраќајна несреќа еден пешак го загуби животот.Според првичните сознанија, несреќата се случила кога 57-годишниот пешак излегол на булеварот надвор од обележан пешачки премин. Притоа, на него налетало возило Шкода октавиа со германски регистарски таблички, управувано со полномошно од македонска државјанка. Од ударот, пешакот починал на лице место.По наредба на јавен обвинител, телото на починатото лице е предадено на обдукција, а ќе се испитува и присуство на алкохол во крвта и урината на возачот на автомобилот. Од Министерството за внатрешни работи е побарано да изврши проверка на снимките од видео надзорот на околните објекти и на системот „Безбеден град“ со цел да се утврди дали камерите го регистрирале настанот. Во насока на утврдување на фактичката состојба ќе биде издадена и наредба за сообраќајно-техничко вештачење.

Скопје | пред 6 години

Нема фотографија

Облачно со врнежи од дожд и засилен ветер

Времето денеска ќе биде променливо облачно и нестабилно со локални врнежи од дожд проследени со грмежи и засилен ветер, особено во источните делови. Повеќе сончеви периоди ќе има во западните делови.Утринската температура ќе се движи од три до 10 степени, а дневната температура од 10 до 22 Целзиусови степени.Во Скопје ќе биде променливо облачно и нестабилно со локални врнежи од дожд проследени со грмежи и засилен ветер, особено во источните делови.Утринската температура ќе достигне до осум, а дневната температура до 18 степени.Утре ќе настапи преодно стабилизирање, а потоа следува период во кој ќе преовладува променливо облачно и нестабилно време со локални врнежи од дожд, повремено поинтензивни и претежно во попладневните часови.

Македонија | пред 6 години

Прегазен велосипедист во Ново Лисиче

 Трагедија вечерва во скопско Ново Лисиче- почина прегазен маж кој се движел со велосипед.Според информациите кои за Канал 5 ги потврдија од полицијата, прегазен е средовечен маж, кој им подлегнал на повредите. Тој возел велосипед , кога на него налетала Шкода Октавија на булеварот „Видое Смилевски Бато“ управувано од 49-годишниот М.Ц.Станува збор за машко лице на возраст од околу 50 год. По доаѓање на итната медицинска помош констатирана е смрт кај велосипедистот.Телото е пренесено на обдукција

Скопје | пред 6 години

(ВИДЕО) Додека Костадин Костадинов, бара одговори, од белиот дворец ечи песната за „Костадин Војводата“

ВМРО ДПМНЕ го пречекаа портпаролот на СДСМ Костадин Костадинов со музика. На денешната пресс конференција на која Костадинов  од пред седиштето на ВМРО-ДПМНЕ бараше одговор за луксузните лустери кои завршија како донација во црквата во селото Љубанци, од „Белата палата“ му ја пуштија песната „Слушам кај шумат шумите“ во која се раскажува судбината на „Костадин Војводата“.Музиката беше толку гласна, што Костадинов мораше да вика за да го слушнат новинарите.

Македонија | пред 6 години

Наместо да запре, говорот на омраза се разгорува, Тричковски на ФБ: Му предлагам на Антонијо да умре!

Се разгорува говорот на омраза на социјалните мрежи, а МВР засега молчи. Долгогодишниот гласноговорник на СДСМ, Бранко Тричковски, преку фејсбук  му посака смрт на пратеникот на ВМРО-ДПМНЕ, Антонио Милошоски.Тој напиша:Му предлагам на Антонијо да умре!Да можам да го чкртнам на некоја читуља.Да го убијам како мртовецИ да го оживеам како будала!Инаку ова не е прв пат Бранко Тричковски на својот ФБ профил објави шокантен статус . Тој на 23 февруари на својот ФБ профил  напиша:-А да го киднапираме Мицкоски и да му ги извадите сите партиски органи? 

Македонија | пред 6 години

Повредените во автобуската несреќа на 13 февруари ослободени од партиципација за здравствено лекување

На оваа своја седница Владата ja разгледа и усвои Информацијата за ослободување од обврската за плаќање на учество (партиципација) при користење на здравствените услуги од страна на повредените патници во сообраќајната несреќа која се случи на 13.02.2019 година на патот Скопје - Тетово, кај селото Ласкарци, во знак на солидарност и сочувство со фамилиите на починатите и повредените.

Македонија | пред 6 години

Владата започнува проект за изградба на 14 пливачки базени

Владата на РСМ на оваа своја седница ја разгледа и усвои Информацијата за реализација на Проектот за изградба на 14 пливачки базени во Република Северна Македонија, со што е одобрено отпочнување на постапка за склучување Договор за повеќегодишна јавна набавка за изградба на 14 пливачки базени во Република Северна Македонија, а средствата потребни за оваа намена во тековната 2019 година во вкупен износ од 30.000.000,00 денари да се вклопат во рамки на расположливиот Буџет на Агенцијата за млади и спорт за 2019 година.Дополнително, со заклучок на Владата на РСМ, Агенцијата за млади и спорт е задолжена во наредните 3 години да ги планира и вклучи средствата потребни за реализација на договорот во буџетското барање за 2020, 2021, и 2022 година, а на општинитe Штип, Чаир, Струмица, Велес, Неготино, Прилеп, Битола, Гостивар, Карпош, Аеродром, Ѓорче Петров, Кисела Вода, Тетово и Кичево, им препорача да изберат и предложат локација, за која треба дa побараат и обезбедат Одобрение за градба.

Македонија | пред 6 години

ГАЛЕРИЈА: На Скопје му се случи невиден спектакл, а на Саша настап за кој ќе се зборува со години

На Скопје му се случи нешто што одамна му требаше, а тоа е вистински спектакл. Спрската ѕвезда Саша Ковачевиќ на концертот кој го одржа во Борис Трајковски успеа сите да ги крене на нозе, но и да пејат заедно со него, а со тоа да уживаат во бескрајно добрата атмосфера. Концертот беше во организација на „Балкан медиа“.Концертот на Ковачевиќ започна со „Још ти се надам“, која наместо тој, ја пееше публиката. Атмосферата се загреа за нецела минута откако тој излезе на сцена.Оние кои беа во првите редови пред Саша, со кренати раце се обидуваа да се поздрават него, додека останатите, со кренати телефони правеа снимки за на социјалните мрежи.Уште во првите минути откако Ковачевиќ излезе на сцена кажа дека по три години се враќа на нов концерт во Скопје, оти најомилената публика му е во Македонија. Тој додаде дека кога и да пее во нашата држава, атмосферата е секогаш посебна.Публиката се прилагодуваше на темпото на неговите ултра познати композиции, иако репертоарот беше измешан, а песните одеа брза, спора, брза. Концертот не можеше да заврши без песните како „За мало твој“, „Температура“, „Браним“, „Кажеш не“, „Како после нас“. Премиерно, Саша за публиката ја испеа и „Преварена“, композиција која ја објави пред неколку денови.Публиката коментираше дека за концертот на Саша во Скопје ќе се зборува уште долго. На сцената му се придружи и Љуба Станковиќ, кој ја отпеа „Бато“ од Калиопи, а потоа настапи и неговата сестра.https://www.facebook.com/skopje1mk/videos/304568990215493/?v=304568990215493

Магазин | пред 6 години

СЈО ќе стане историја, опозицијата ќе го предложи јавниот обвинител? Што се договорија Мицкоски и Заев

Премиерот Зоран Заев и министерката за правда, Рената Дескоска, синоќа оствариле средба со лидерот на ВМРО-ДПМНЕ, Христијан Мицкоски, и адвокатот Тони Менкиковски, кој го предводи преговарачкиот тим на опозицијата, околу прашањето за постоењето на Специјалното Јавно обвинителство.На средбата разговарале за Законот за јавно обвинителство со кој се решава и судбината на СЈО, но се договориле да не излегуваат со детали во јавноста додека да се постигне некаков договор.Извори и од владејачката, но и од опозициската партија за Скопје 1 велат дека Заклучено било  СЈО  да не  продолжи да функционира во оваа форма како досега, но и дека начелно е договорено опозицијата да предложи нов Јавен обвинител. Останало да се договори временска рамка во која тоа ќе се реализира.Разговорите меѓу групите продолжуваат .

Македонија | пред 6 години

Пронајден мртов 23 годишниот син на поранешниот градоначалникот на Штип

Ноќеска во викендичка во Делчево бил пронајден мртов Александар Захариев, 23-годишниот син на поранешниот градоначалникот на Штип, Илчо Захариев,.Од СВР Штип сè уште не ја потврдат информацијата, но најавија повеќе детали во текот на денов. Неофицијално смртта настанала со бесење, а на телото нема траги на насилство.Телото е предадено на обдукција.

Македонија | пред 6 години

(ВИДЕО) Камион со приколка удри во надвозник кај Песочан

Товарно возило на подизведувач на автопатот во изградба Охрид – Кичево, утрово удрил со приколката во надвозник кај селото Песочан. Најверојатно приколката на возилото не била спуштена.Причината за несреќата во која е предизвикана голема матријална штета ќе треба да се утврди.Дали возачот заборавил да ја спушти, или станува збор за дефект ќе покаже истрагата. 

Македонија | пред 6 години

Силјановска: Ќе ги привлечеме разочараните од СДСМ и „Шарената револуција“ да гласаат за мене

Добровечер бројни роднини, зошто дома сум, им се обрати на почетокот на митингот претседателскиот кандидат Гордана Силјановска Давкова на Кичевци. Таа му се заблагодари на ВМРО-ДПМНЕ што отвори врата за неа иако не е член на партијата.– Иако сум непартиски кандидат, ВМРО-ДПМНЕ го направи вистинскиот чекор, демократски, реформски, победнички, зошто заедно ќе ги привлечеме не само членовите и симпатизерите на ВМРО-ДПМНЕ, туку и членовите и симпатизерите на коалициските партнери на коалицијата „За подобра Македонија“, но и неутралните членови, како и разочараните членови од СДСМ, разочараните од „Шарената револуција“ – рече Силјановска.Таа додаде дека Македонија и географски и културно, и историски секогаш била дел од Европа. Силјановска потсети дека за Западен Балкан велат дека е Ахилова пета на ЕУ.– Ама јас која предавам, не само Уставно право туку и Европско Уставно право ги убедувам студентите тоа е нашиот заеднички дом. И дека не се оди во ЕУ качени на „Ориент Експрес“ кон Брисел. Туку по ЕУ стандардите се носи дома. Тоа ќе го направиме ние – посочи Силјановска Давкова.Според неа, единствената промена што ја направила власта, закитени со придавката „реформска влада“ е промената на името.– Од владеење на правото јас не гледам ни траг, ни глас. Нема владеење на правото без поделба на власта. А, кај нас власта е концентрирана во рацете на извршната власт. Во рацете на премиерот. Тогаш не може да има спреги и кочници. Тогаш нашите слободи и права се загрозени. Зошто ние учиме дека секоја власт се заканува да ве корумпира. Апсолутната власт апсолутното. Затоа секој ден се соочуваме со скандали. Станавме скандалозна земја. Меѓутоа мора да го смениме ова – нагласи Силјановска Давкова.Таа повтори дека по нејзината победа на претседателските избори премиерот мора да распише итно предвремени парламентарни избори.

Македонија | пред 6 години

(ВИДЕО) Внуката на Садам Хусеин: Одлучив да ја кажам вистината

Луѓето имаат погрешна претстава за она што се случило во Ирак, изјави внуката на поранешниот ирачки лидер Садам Хусеин, Харер Хусеин Камел која се надева дека нејзината нова книга ќе ја расветли вистината за нејзината земја и семејство.– Избрав да напишам книга за да ја кажам вистината. Историјата на мојата земја е погрешно претставена, рече Харер Хусеин Камел објаснувајќи дека се чувствува одговорна да го разјасни начинот на кој бил прикажан Ирак и нападите на нејзиното семејство.Садам Хусеин владеел со Ирак речиси 25 години, додека не бил отстранет во текот на инвазијата под водство на САД во 2003-та година, а подоцна и погубен. Тој е обвинет за бројни кршења на човекови прави во текот на својот мандат.САД пратиле трупи во земјата, тврдејќи дека Хусеин имал оружје за масовно уништување, како и врски со Ал Каеда. Двете обвиненија подоцна биле докажани како лажни.

Свет | пред 6 години

За само 1.000 евра Трајановски купил фирма, а „гратис“ добил парцела со куќа

„360 Степени“ открива нови елементи во случајот што пред неколку дена го објави порталот „Призма“ за новата куќа на поранешниот градоначалник на Скопје, Коце Трајановски, во Ќерамидница, на самиот кеј на реката Вардар.„Призма“ обелодени дека градежната дозвола е издадена во март 2017-та, во период кога Трајановски е градоначалник, а сопственик на парцелата е фирмата „Природна органска храна“.Трајановски и неговата сопруга ја купуваат оваа фирма, а со тоа и парцелата на која веќе се градела куќа, во јуни 2018-та.Договорот за целосно преземање на фирмата, според „360 степени“ води до нов сомнителен податокот, а тоа е дека екс скопскиот градоначалник и сопругата ја купиле фирмата, а со тоа и парцелата со куќа, за само 1.000 евра.

Скопје | пред 6 години

Зеколи до Пендаровски: Единствените „твои” гласови се криминалците од ДУИ

Поранешниот амбасасор и политички жаналитичар Арсим Зеколи реагираше на изјавата на претседателскиот кандидат на СДСМ и ДУИ Стево Пендаровски дека Река ќе ги освоел неговите гласови на претседателските избори.„Кој се тие “твои” гласови? Единствените “твои” гласови се криминалците од ДУИ и потрчковците им од Алтернатива. На кои други гласови мисли човеков?Река ќе ги земе „моите“ гласови во првиот круг, велиПендаровски“, пишува Зеколи на Твитер.

Македонија | пред 6 години

Мицковски: Пендаровски е во филм од 2014-та, некој комплекс има на изгубена победа

Ивор Мицковски ја коментира изјавата на претседателскиот кандидат Стево Пендаровски дека противкандидатот Блерм Река ќе му ги земе гласовите во првиот круг на Претседателските избори закажани за 21 април.„Пендаровски: Река ќе ги земе моите гласови во прв круг.Река ќе ги земе своите и на ДУИ гласовите.Е дали после ќе ти ги даде е друго прашање.Твоите ќе ги земе во мал дел Силјановска, а во најголем дел ќе си останат „твои“.Човеков е во филм од 2014-та, некој комплекс има на изгубена победа.“, стои во објавата на Фејсбук.

Македонија | пред 6 години

Пендаровски: Во мојот мандат нема да амнестирам криминалци

Стево Пендаровски, заедничкиот кандидат за претседател, на трибина во Ѓорче Петров, говореше за евроатлантските интеграции, за иднината на младите, за концептот-едно општество за сите.„Пред две години дојде нова генерација политичари, меѓу кои се сметам и јас, кои не се грижеа за политичкиот рејтинг туку  работеа да ги отворат вратите за младите да имаат поубав живот и стандард. Направивме чекори кои не донесоа поблиску до Европа. Склучени се договорите со Бугарија и со Грција, ако продолжиме ќе добиеме  датум за почеток на преговори во јуни. За две години постигнат е  голем успех бидејќи овие политичари водат  сметка  не за партијата, туку за народот. За нас најважната партија е Република Северна Македонија“, рече Пендаровски.Потсети дека зад неговата кандидатура застанале граѓаните, пратеници и 30 политички партии од сите етнички заедници.„Неколкумина украдоа се,  ги наполнија торбите и заминаа и уште се бориме со финансиската руина која ни ја оставија. Многу сме блиску до мнозинство за  Закон за СЈО за да се продолжи со гонењето  на криминалците  кои треба и да ги вратат парите на народот. Во Кабинетот на оној  кој се уште е таму, пристигнале барања за амнестија за упадот во Собранието. Ветувам, во мојот мандат нема шанса да амнестирам криминалци, особено не на оние кои сакаат да убиваат граѓани“, рече Пендаровски.Пендаровски  рече дека Иванов 8 години бил нем посматрач а последните две години кочи се што власта прави за доброто на народот. Вети дека се ќе биде поправено во првите денови на неговиот мандат и ќе му биде вратено на народот она што му припаѓа.

Македонија | пред 6 години

Тасевски: Нажален татко ќе ви влезе со калаш и бомби, нема да можат да ве состават

Актерот Сашо Тасевски на својот Фејсбук профил реагираше на веста дека Апелација му ја намалила затворската казна на пијаниот возач кој ја усмрти студентката Фросина на пешачки премин кај Универзална сала.„Само три години затвор за оној што мртов пијан прегази девојка на Партизанска и тоа на пешачки премин. Апелација ја намалила првичната пресуда за триипол години. Знаете што сакате? Да почнеме сами да го земаме законот у свои раце. Тоа изгледа сакате мамицата... Некој нажален татко еден ден ко ќе ви влезе со калаш и бомби, нема да можат да ве состават. Која е поентата? Родителите останаа без дете, а тој убиецот пак ќе биде на улица и ќе смее да вози по една година. За каква правда зборувате?“, напиша Тасевски.

Македонија | пред 6 години

Комеморација за Билјана Беличанец во Драмски театар

Драмски театар-Скопје денеска од 10 часот ќе одржи комеморација за актерката Билјана Беличанец која почина во саботата.Билјана Беличанец (1973-2019) беше актерка во Драмскиот театар од 1997 година, а три години претходно работеше во Прилепскиот театар. Од дипломирањето на ФДУ во 1994 Беличанец имаше голем број театарски улоги и награди на фестивали.Играше во претставите: „Заводникот од западниот свет“; „Свадбата на Фигаро“; „Кандид во земјата на чудата“; „Тетовирани души“; „Три сестри“; „Домот на Бернарда Алба“; „Демонот од Дебар Маало“;  „Кинегонда во Карлаленд“; „Грев или шприцер“; „Последните Македонци“; „Љубовници“…, како и во филмовите „Мајки“ и „Од денес до утре“. Беше дел од ТВ-проектот „Здраво генијалци“, а во последните години го позајмуваше гласот за ликови во турски ТВ-серии.

Македонија | пред 6 години

Димитров во работна посета на Берлин

Mинистерот за надворешни работи, Никола Димитров, во наредните два дена ќе престојува во работна посета на Берлин.Димитров денеска ќе оствари средби со повеќе пратеници во германскиот Бундестаг, меѓу кои и со работната група за надворешна политика на ЦДУ/ЦСУ, како и со претставници на Канцеларијата на германската канцеларка, Ангела Меркел.Во активностите на вториот ден од посетата ќе се вклучи и Бујар Османи, при што планиран е заеднички брифинг пред парламентарната Комисија за европски прашања во Бундестагот, на која ќе го ги презентираат напредокот и подготвеноста на земјата за почеток на пристапните преговори со Европската Унија во пресрет на јунскиот совет на ЕУ. Предвидени се и средби со министерот за Европа, Михаил Рот, и новата лидерка на ЦДУ/ЦСУ, Анегрет Крамп-Каренбауер

Македонија | пред 6 години

(ВИДЕО) Познат е идентитетот на човекот кој се закануваше на член од ВМРО ДПМНЕ

Лицето кое попладнево со пцовки и закани нападнал активист на УМС на ВМРО ДПМНЕ е долгогодишен член на владајачката партија СДСМ, дознава Скопје 1 од упатени извори во политичките партии. Лицето за кое активистот на ВМРО ДПМНЕ тврди дека ги отстранувал плакатите од претседателскиот кандидат на ВМРО ДПМНЕ, Гордана Силјановска Давкова е пријавено во МВР.Според наши извори, станува збор за Димче А., на воздраст од 68 години и бил член на избирачки одбори од СДСМ.Непознат е мотивот зошто тој се одлучил да ги отстранува плакатите во општина Аеродром.Се очекува МВР да го комплетира случајот по што треба да одлучи дали Димче А. ќе добие кривична пријава за отстранување на плакати, но и за упатување на закани кон активист на ВМРО ДПМНЕ.Во видеото се слуша како приврзаникот на СДСМ му вели на активистот дека ќе го најде на друго место, што пак од јавноста беше сфатено дека станува збор за закана.Се очекува МВР да излези со детали за случајот и да го потврди идентитетот.https://www.facebook.com/skopje1mk/videos/437103387025380/?v=437103387025380

Македонија | пред 6 години

(ФОТО) Комеморација по повод трагичната смрт на поранешната градоначалничка Билјана Беличанец

Во новоизградениот Дом на културата КВК во Општина Кисела Вода се одржа комеморација по повод трагичната смрт на поранешната градоначалничка на Општината, Билјана Беличанец.На комеморацијата присуствуваа градоначалникот Филип Темелковски, претседателот на Советот на Општината, Дарио Шимиќ, секретарот Александар Алексовски, поранешни и сегашни членови на Советот на Општина Кисела Вода, Цветанка Ласкова и Роберт Алаѓозовски, советници на премиерот, Дарко Каевски, директор на Агенцијата за млади и спорт и поранешни градоначалници. Присутни беа и блиски роднини, пријатели и колеги од театарот на Билјана Беличанец.За ликот и делото на Билјана Беличанец пред присутните говореа градоначалникот Филип Темелковски и поранешниот претседател на Советот на Општина Кисела Вода, Трајче Донев. Говореа и нејзините блиски колеги од театарот, познатите македонски актери, Дејан Лилиќ и Весна Петрушевска.- Со тага и неверување ја примив веста за смртта на мојата претходничка, поранешната градоначалничка на Општина Кисела Вода, г-ѓата Билјана Беличанец. Нема зборови со кои може да ги утешиме најблиските, посебно кога личноста што замина имаше само 45 години, зрачеше со елан, и од неа се очекуваше уште многу. Кога зборувам за г-ѓа Билјана Беличанец, зборувам за маркантна и уникатна личност, со која иако  доаѓаме од различна политичка провиненција, секогаш сме имале коректен однос полн со взаемна почит. Кога зборувам за неа, мислам на професионалец, мислам на градоначалник – визионер, со визија за урбана и модерна општина Кисела Вода, општина центар на културните збиднувања, мислам на актерка која често со задоволство сум одел да ја гледам во театарот.  И не случајно ја избравме оваа локација за нејзината комеморација. Таа го сакаше театарот, таа ја сакаше Кисела Вода.  Прерано беше за збогување, г-ѓа Беличанец! Од мене, бескрајна почит и вечна слава! – кажа во своето обраќање градоначалникот Филип Темелковски-Биле за тебе никогаш повеќе во животот нема да зборуваме во минато за тебе секогаш ќе зборуваме во сегашност затоа што ти ќе бидеш секогаш овде и овде кај нас. Билјана,  ние немаме друга Билјана Беличанец ти си една и единствена и таква и ќе останеш забележана во меморијата на сите нас затоа што си голем човек, чесен човек, искрен работник кој не бара ни пари, ни слава, ни награди, туку сака да го работи тоа што го работи. Четири години беше во оваа општина и знам дека многу направи за неа знам дека направи многу за македонскиот театар и затоа никогаш нема да те заборавиме и младите генерации ќе учат од тебе како е да се биде вистински професионалец на сцена.  Билјана да знаеш дека сето она што го имаш направено ние што бевме од самите почетоци со тебе како генерација ќе го пренесуваме понатаму затоа што заслужуваш. Една и единствена Билјана Беличанец нема да се роди, ни актерка, ни човек . Ова овде е твое дело и пред да те испратиме од твојот и од нашиот драмски театар знам дека на сцената ти никогаш не глумеше туку ти живееше, живееше со сета душа, со сето срце, живееше за себе , за твоите партенери, за твоите партнерки и за твојата публика. Нека ти е вечна слава драга моја – кажа Дејан Лилиќ.-Билјана беше нашата принцеза, ја паметам беше ведра, видра, многу вредна и многу наша, многу сакаше да учи, да пее, да зборува ноќе на телефон. Кога и честитав нова година и реков ајде годинава нова улога оти ни недостасуваш фалиш во македонскиот театар. Таа ми врати ова е најубавата честитка што некој можел да ми ја испрати. Таа беше нашето вечно девојче, девојчето со игриви очи со тажен поглед и со скриена насмевка, често пати разговаравме и ја прашував зошто и е потребно сето ова, таа ми рече имам само една идеја тоа е ова каде што сме сега тука да направам еден мал театар за да може да уживаат децата, да гледаат претстави децата. Зборовите денеска ќе поминат ние ќе го изразиме нашето сочуство, но има една работа која што треба сите да ја запаметиме колку почесто ја спомнуваме толку повеќе ќе живее Билјана во овој свет . Билјана беше храбар човек, Билјана беше достоинствен човек, Билјана беше човек. Бог да ја прости вечна и слава и да го негуваме споменот за неа. - кажа познатата актерка, Весна Петрушевска.-Драга наша Билјана, пријатели колеги, зашто сум убеден дека Билјана беше посебна, беше единствена. Најмалку јас можам овде да говорам каков актер си била кога ќе кажам каков соработник и другар си била, се запознавме во 2012 година, срдечно те пречекавме со тим од млади луѓе и низ изминатите години успешно работевме, години кои секогаш ќе остават трага врз мене и секојпат ќе се сеќавам на тебе, ќе кажеше можеме ли ова да го направиме. Со огромна болка денес сме овде собрани на ова место КВК токму ова место во целост е нејзино дело, нејзино творештво кое го изгради и поткрена, како и безброј други дела кои успеа да ги реализира затоа што беше голем борец, искрен пријател, добар соработник, најголем другар. Засекогаш ќе останеш во нашите мисли, почивај во мир, биди меѓу ангелите зашто ти го заслужуваш тоа.  – кажа поранешниот претседател на Советот  на Општина Кисела Вода, Трајче Донев.На комеморацијата беа прочитани и телеграмите со сочуство од претседателот и премиерот на Република Северна Македонија, Ѓорге Иванов и Зоран Заев.Билјана Беличанец беше позната македонска актерка и градоначалник на Општина Кисела Вода од 2013 до 2017 година.

Скопје | пред 6 години

ВОЗНЕМИРУВАЧКО ВИДЕО: Непознат човек кинел плакати од Силјановска, потоа нападна член на УМС со пцости и закани

На социјалните мрежи се појави видео во кое непознат човек ги кине плакатите од кандидатот за претседател на ВМРО-ДПМНЕ, Гордана Силјановска Давкова.На истото може да се забележи како тој со упатува пцости и закани кон член на УМС.https://www.facebook.com/skopje1mk/videos/437103387025380/

Скопје | пред 6 години

Нема фотографија

Заев не очекува Иванов да ги помилува осудените за „27 април“

Премиерот Зоран Заев не очекува аболиција од претседателот Ѓорге Иванов за осудените за 27 април. Тој денеска одговарајќи на новинарско прашање истакна дека аболицијата од Иванов не ја очекува пред се, како што рече, бидејќи тоа не постои повеќе како законска можност.-Со последното давање на аболицијата се потврди непостоењето на соодветните членови кои не постојат во законот за претседателот да го искористи тоа право, истакна Заев.До кабинетот на претседателот Иванов во петокот попладнето пристигнало барање од дел од осудените во случајот „27 април“ за нивно аболирање.

Македонија | пред 6 години