ГЛАВНИ-ВЕСТИ

21 сообраќајка во Скопје за време на викендот, загинат еден пешак

Пешак загинал, едно лице се здобило со тешки телесни повреди, а 13 лица се полесно повредени во вкупно 21 сообраќајка случени во текот на изминатиот викенд  на подрачјето на СВР Скопје. Во 10 сообраќајки била причинета материјална штета.Од МВР информираат дека викендов сообраќајната полиција открила и санкционирала поголем број прекршоци. Санкционирани се 148 возачи кои се движеле со брзина поголема од дозволената, 16 возачи  поминале на крстосница на црвено светло, шест возачи не дале првенство на минување на пешаците на обележан пешачки премин, двајца возачи за неправилно престројување, тројца возачи за неправилно престигнување, двајца возачи не дале пренство на минување на возила во зона на крстосница, седум за не поседување зимска опрема во возилата, 17 возачи за не носење сигурносен појас и 23 возачи користеле мобилен телефон за време на управување на моторно возило.Од сообраќај биле исклучени 42 возачи кои го управувале возилото под дејство на алкохол, 45 возачи пред да се стекнат со право на управување на моторно возило и 15 возачи почетници, како и едно технички неисправно возило и 25 нерегистрирани возила.Затекнати биле 276 непрописно паркирани возила, а со специјалното возило пајак биле отстранети 183 возила.

Скопје | пред 7 години

Ново рочиште за предметот на СЈО „Тврдина 2“

Во Кривичниот суд за денеска е закажано ново рочиште за предметот на Специјалното јавно обвинителство „Тврдина 2“.Во случајот „Тврдина 2“, првообвинет е екс-началникот на Петтата управа, Горан Грујовски, и шест вработени во УБК.На обвинетите им се суди за фалсификување службена исправа и за уништување службена документација поврзано со незаконското прислушување. Документацијата е поврзана со двата система од нелегалното прислушување, кои соред СЈО, биле уништени во текот на 2014 година.

Македонија | пред 7 години

Прекината седницата на која се одлучуваше за одземање на имунитетот на пратеникот Трајко Велјановски

Во тензична атмосфера Талат Џафери ја прекина седницата на која се одлучуваше за одземање на имунитетот на пратеникот Трајко Велјановски. Тој истата ја прекина две минути после полноќ и најави дека за продолжение дополнително ќе извести иако продолжението е неизвесно бидејќи истече рокот од три дена за одлука по барањето на судот за одземање на имунитетот на Велјаноски.До прекинување на седницата дојде откако пратениците на ВМРО-ДПМНЕ, како и координаторот на пратеничката група, Никола Мицевски бараа 45 минути пауза која Џафери не ја даде.Мицевски процедурално побара да се обрати, по што Џафери му даде збор и до тој момент истече рокот, 12 часот на полноќ, до кога требаше да се гласа за одземање на имунитетот на Вељаноски.Претходно комисијата за мандатно-имунитетни прашања претходно во текот на попладнето по долга расправа со 4 гласа „за“ и 4 „против“ не донесе одлука за одземање на имунитетот на Вељаноски.

Македонија | пред 7 години

Судот му го укина притворот на Сашо Мијалков за Таргет-Тврдина

Притворот за ексшефот на тајната полиција, Сашо Мијалков, за предметот „Таргет-Тврдина“ на предлог на специјалното јавно обвинителство е укинат, потврдуваат од кривичниот суд за „Макфакс“. Оттаму информираат дека СЈО во исто време кога побарало нов притвор од 30 дена за истрагата за „Империја“, предложило да му биде укинат притворот на Мијалков за обвинението за масовното прислушување, а судот го прифатил ваквиот предлог.Тоа значи дека за Мијалков на сила останува новиот притвор од 30 дена кој му беше изречен синоќа за истрагата во случајот „Империја“, а притворот за обвинението за масовното прислушување кој му беше изречен на 20 ноември му е укинат. Следнава недела во Апелацискиот суд во Скопје требаше да се одржи седница по жалбата на Мијалков да се брани од слобода.Адвокатскиот тим на Мијалков има 24 часа да поднесе жалба на решението до кривичниот совет на скопска единица за притворот во случајот „Империја“. За Мијалков во моментов има 4 активни обвиненија за случаите: „Таргет-Тврдина“, „Тортура“, „Трезор“ и „Титаник 2“.Во „Империја“ триесетдневен притвор добија пет осомничени лица. Во затворот „Скопје“ во Шуто Оризари се бизнисменот Јордан Камчев, неговите соработници Ненад Јосифовиќ и Зорица Арсовска, директорот на Пелагонија Цветан Панделески, како и директорот на фирмата Ексико Тодор Мирчевски.Во овој случај, СЈО поради основано сомнение за сторени кривични дела злосторничко здружување, оштетување или повластување доверители, злоупотреба на службената положба и овластување, измама и перење пари и други приноси од казниво дело, гони 14 лица, а истрагата најавија дека ќе се проширува.

Скопје | пред 7 години

Панел дискусија во чест на поранешниот претседател Борис Трајковски

По повод одбележување на 15 години од трагичната смрт на претседателот Борис Трајковски, денес во хотел „Холидеј Инн“ со почеток во 15:30 часот, ќе биде одржана панел дискусија на тема „Лидерство засновано на вредности – од принципи до реализација“.На оваа панел дискусија која ќе ја предводи министерот за надворешни работи Никола Димитров ќе присуствуваат истакнати политичари односно поранешни претседатели на држави и влади кои претходно соработувале со претседателот Борис Трајковски, како што се поранешниот претседател на Република Албанија, Алфред Мојсиу, поранешниот претседател на Република Хрватска, Стјепан Месич, поранешниот претседател на Романија, Емил Константинеску, поранешниот претседател на Украина, Леонид Кучма, поранешнитe претседатели на Република Бугарија Георги Прванов и Петар Стојанов како и други политичари од регионот и светот.

Македонија | пред 7 години

Умерено облачно време со слаб до умерен североисточен ветер

Денес времето ќе биде умерено облачно со слаб до умерен североисточен ветер. Температурата ќе се движи од -5 до 7 степени.Во Скопје слично време со температура од -7 до 5 степени.Следува период на претежно стабилно време со ниски утрински температури, а дневните ќе бидат во пораст. Ќе дува умерен северен ветер.

Македонија | пред 7 години

Промена на режимот на сообраќај на Автопатот А1

Сообраќајот на државните патишта се одвива непречено по претежно суви коловози.Виадукт Трејд известува дека на ден 25.02.2019-понеделник и 26.02.2019-вторник ќе се изведуваат градежни работи при поставување на индуктивни јамки за броење на возила на Автопат А1, делница Велес-Градско за што ќе се изврши промена на режимот на сообраќај.Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони.

Македонија | пред 7 години

Нема фотографија

Собранието заседава за одзедемање на пратеничкиот имунитет на Трајко Велјаноски

Закажаната седница за одземање на имунитетот на поранешниот претседател на Собранието Трајко Вељаноски започна со половина час задоцнување. На седницата на дневен ред има само една точка, а тоа е барањето од судот за одземањето на имунитетот на пратеникот.Претходно Комисија за деловнички и мандатно имунитетни прашања заврши со четири гласови „За“ и четири „Против“ против одземање на имунитетот на Трајко Вељановски.Според спикерот на собранието Талат Џафери, За свикување на седница, како основа се зема извештајот со заклучоци. Деловникот не ги предвидува овие ситуации. Јас ќе свикам седница, но за што ќе се гласа во истата? Нема заклучок од Комисијата. За што да расправаме? За што гласаме, за земање или не- земање на имунитет? Не може судот да му предложи на Собранието бидејќи за што е концептот на Комисијата за деловнички прашања, мандат и имунитет? Овие специфички ситуации не ги предвидува Деловникот“.

Македонија | пред 7 години

(ФОТО) Ирена Ристиќ со пријтелите од „Министерството за безживотна средина“ го исчистија ѓубрето на МВР

Загрозена е благосостојбата на Република Северна Депонија. Денес, параѓубреџиската формација НЕ БИДИ ЃУБРЕ на чело со Ирена Ристиќ украдоа една мини депонија пред МВР пакувајќи ја во 80 вреќи. Ова е голем удар за Министерството за безживотна средина бидејќи е изгубен влогот на нашето мило депонерство и јавно го осудуваме овој вандалски чин, велат од „Министерството за безживотна средина“ .Потегот кој го чистеа, со години очигледно никој не го чепнал, па вредните активисти собраа над 80 црни вреќи секаков отпад.Срам за граѓаните кои немаат грам лична култура и вработените во Одделение за лични документи при МВР зад МТВ и нивниот началник, кои секој ден се тука и НИКОГАШ не им текнало , ниту покажале иницијатива овој фреквентен дел да го исчистат, односно да организираат чистење.Потегот на Ристиќ и пријателите од „Министерството за безживотна средина“ , треба да ги усрами надледнижните, но и да ги охрабри останатите. Ова е добар показател дека што оние кои што им е работа и земаат плата за да ја одржуваат животната средина , ако не го прават тоа, тогаш треба да им покажеме како треба.

Скопје | пред 7 години

(ФОТО) Голем пожар во близина на скопскиот аеродром - пожарникарите и мештаните се борат со огнената стихија

Голем пожар во моментов во близина на скопскиот аеродром, а според неофицијалните информации пожарот е во близина на семејни куќи.Во гаснењето на пожарот учествуваат повеќе возила на противпожарните екипи, а во борбата со огнената стихија се вклучило и месното население.

Скопје | пред 7 години

Заев и Ахмети се договорија: Ќе има етничка графа на пописот

Зоран Заев и Али Ахмети се договорија – граѓаните ќе се изјаснат и за етничката припадност на пописот следната година, потврдуваат за тв 24 од двете партии. Неофицијално законот е во финална фаза, според планираното се очекува уште неделава да помине на влада. Предвидено е новото пребојување на населението да ги чини граѓаните 8,5 милиони евра.Дека има договор за најжешкото прашање-етничката графа во 24 анализа и официјално потврди министерот за аминистрација кој беше дел од преговорите. И од ДУИ потврдуваат дека се усогласени клучните позиции. Порачуваат дека етничка графа ќе има, но велат за деталите треба докрај да се прецизира текстот на законот. Од заводот за статистика кој што ќе ги спроведе пописот идната година, а кој што беа вклучени во преговорите не сакаа да откријат детали за законот. Но, кусо велат дека најдоброто во идниот попис е што нема да има пописна комисија која што е политичка, но и дека ќе се користат повеќе регистри и нема да има можност за злоупотреби. Последен пат успешен попис имаше во 2002, по 2011 по низа политички контроверзии и обвинувања беше прекинат неколку дена пред крајот. Тогашниот премиер Никола Груевски обвини за фалсификат, а пописниот материјал беше уништен.

Македонија | пред 7 години

Финишира откупот на тутунот, откупени 25 милиони килограми тутун по просечна цена од 214,34 денари

Откупот на тутунот од реколтата 2018-та е при крај и досега се откупени 90% од договорените количини. Заклучно со 22 февруари откупени се околу 25 милиони килограми, со просечна цена од 214,34 денари по килограм. Од страна на откупните претпријатија на тутунопроизводителите досега им се исплатени над 5 милијарди денари, односно високи 96% од откупените количини тутун. Законскиот рок за завршување на откупот е 15-ти март.Во годинешната реколта се засеани 14.802 хектари со тутун, а склучени се 34.104 договори со 9 откупни претпријатија. Подрачните единици на Министерството за земјоделство, шумарство и водостопанство, пријавија 23.430 издадени евидентни листови. Вкупната договорена количина за откуп изнесува над 29.000 тони тутун, а откупот завршува на 15 март. Споредено со реколтата 2017, за новото производство на тутун се издадени 57 евидентни листови повеќе од лани, и се склучени над 4.700 повеќе догвори. Годинава има и зголемување на засадените површини со тутун, и тоа за 387 хектари.За зголемениот интерес големо влијание имаше високата откупна цена на тутунот од реколтата 2017 која изнесуваше 217,60 денари за килограм, како и новиот модел на зголемени субвенции според кој субвенцијата за прва класа е 80 денари за килограм, 70 денари за втора класа, и 60 денари за трета класа и дополнителните класи.Новата производствена реколта ќе стартува според постоечкиот Закон за тутун и тутунски производи, односно и оваа година ќе се издаваат евидентните листови односно т.н „бели картони“.Новиот Закон за тутун, производи од тутун и сродни производи е во собраниска процедура, и новото законско решение предвидува укинување на евидентните листови или т.н „бели картони“, процес кој ќе започне да се применува од 2020 година. Со оваа законска одредба МЗШВ значајно ќе ги намали административните процедури за тутунарите на начин што, тутунарите ќе склучуваат договори директно со откупните претпријатија. Исто така Предлог Закон за тутун, производи од тутун и сродни производи се проширува опфатот на уредувањето во однос на постоечкиот Закон за тутун и тутунски производи со три нови глави во кои се предлагаат одредби за уредување на сродните тутунски производи и тоа:несогорливи производи од тутун, електронски цигари и растителни (билни) производи за пушење. Производителите и увозниците кои ставаат во промет електронски цигари и/или контејнери за еднократно или повеќекратно полнење, поднесуваат барање за пуштање во промет до Министерството за здравство, за што добиваат одобрение. Производителите и увозниците на несогорливи производи од тутун должни се да достават известување до Министерството за земјоделство, шумарство и водостопанство за сите несогорливи производи од тутун кои што имаат намера да ги стават во промет.Одредбите од законот кои се однесуваат на поимите дефинирани за несогорлив тутун и електронска цигара ќе бидат употребени за определување на надоместок согласно Законот за акцизите од 1 јули 2019 година.Новите законски одредби ќе овозможат транспарентност во врска со содржината на договорите кои треба јавно да се објават најдоцна до 28 февруари во тековната година на огласна табла во седиштето на откупувачот и на локалната веб страната на откупувачот. Воедно, ќе се создаде можност за дополнително отворање на откупни пунктови во текот на откупот, како и други придобивки за подобрување на квалитетот на услугите и задоволството на тутунопроизводителите, откупувачите, производителите на тутунски и сродни производи, потрошувачите и бизнис заедницата од работењето на тутунското стопанство. Истовремено, овој закон предвидува понатамошно усогласување со европските директиви и најдобри примери од ЕУ во контекст на прилагодување кон европските стандарди.

Македонија | пред 7 години

Командат Малишева до Мицкоски: Ние со нашите пушки ве симнавме од власт вас и вашите руски поддржувачи

Еден од обвинетите за тероризам во судскиот предмет Диво Насеље, Мухамед Красниќи познат под прекарот Командат Малишева, преку својот фејсбук профил упати контроверзна порака до раководството на ВМРО-ДПМНЕ.„Драги пријатели, мојот Фејсбук е хакиран и ми избришале некои статуси, особено последниот. Денес на вестите на Алсат-М дознавме дека Христијан Мицкоски не нарекува кукавици и во служба на Зоран Заев. Сакам да му кажам на Мицкоски дека кукавици се тие, од Груевски па надолу, бидејќи бегаат од одговорноста, кукавици и криминалци сте вие раководството на ВМРО, вие сте и крадци кои ја доведовте државата во оваа ситуација, вие заслужувате затвор не ние. Ние бевме тие кои со нашите пушки ве симнавме од власт вас и вашите руски поддржувачи, а вие се обидовте со сила и терор да ја задржите власта, правејќи досега невиден терор. Е сега вие сте терорист кој ја тероризира демократијата и се спротиставува на гласот на граѓанинот или ние кои го паднавме вашиот режим на чело со најголемиот криминалец и терорист Никола Груевски, дали ние сме тие кои го бранат нашиот народ од вас или вие лие сте криминалци кои го ограбуваат својот народ. Ние сме херои а вие сте кукавица. Ние не сме во служба ниту на Заев ниту на Ахмети, ние и служиме на правдата. А оние твоите колеги ги заслужија тупаниците затоа што не навредија на етничка основа. Ние имаме проблем само со вас од раководството на ВМРО и со вашите соработници. Ние немаме проблем ниту со вашиот народ ниту со другите“, стои во неговиот Фејсбук статус.Инаку тој е познат како еден од водечките лидери за настаните од Диво Насеље, при што беа убиени осум полицајци, а 38 беа повредени. Во дводневната престрелка беа убиени и 10 припадници на групата за која се смета дека ја предводел токму тој.

Македонија | пред 7 години

(ВИДЕО) Андре Риу подготвен за концерот во Македонија, ја засвири „Македонско девојче“

Андре Риу, со видео порака до македонската публика го најави својот концерт во Скопје, кој ќе се одржи на 6-ти јуни. 4 месеци пред концертот тој со својот оркестар покажа дека ја вежбаат песната „Македонско девојче“.„Мојот фантастичен оркестар и јас сме особено почестени што прв пат доаѓаме во вашата убава земја Македонија. Затоа ќе ви го отсвириме ова. Се гледаме на концертот“, порача Риу.

Магазин | пред 7 години

Таксист пронајден мртов во Скопје

Таксист вечерва е пронајден мртов под Железничката станица во Скопје. Случајот во полиција во 18.30 часот го пријавил случаен минувач кој го приметил неподвижниот возач на семафорите кај Железничка станица.По увидот е констатирано дека починатиот немал траги на насилство, а повеќе информации се очекуваат во текот на утрешниот ден.Станува збор за 58-годишно лице.

Скопје | пред 7 години

(ВИДЕО) Силјноска Давкова ги собра потребните 10 илјади потписи- „Од срце ви благодарам“, рече преку ФБ

Откако за само неколку часа професорката Гордана Силјановска Давкова ги собра потребните 10 илјади потписи од граѓани за кандидатурата на претстојните претседателски избори, таа преку својот Фејсбук профил изрази благодарност до граѓаните.https://www.facebook.com/gordana.siljanovska.71/videos/117181956086445/

Македонија | пред 7 години

Мицкоски: Заканите од кумановската група се уште еден обид јавноста се дефокусира од сите овие злодела

Мицкоски се потпиша на кандидатурата на професорката Гордана Силјановска Давкова и одговраше на новинарски прашања.Прашање од новинар: Како го коментирате писмото што е објавено во весникот Лајм каде се праќаат закани од кумановската група до вашите поранешни функционери?Одговор на Христијан Мицкоски: Како можам да го коментирам освен да кажам дека тоа е уште еден обид да јавноста се дефокусира од сите овие злодела кои ги прави оваа криминална непотистичка и насилничка власт луѓето претпоставувам се обидуваат од внатре да му слугуваат на деспотот Заев притоа надевајќи се гледајќи каква е реалноста дека он може да измени закони доколку тоа му е неопходно на него и на тие околу него претпоставувам бараат определена милост од деспотот Заев за да може што побрзо да излезат од таму или нешто друго да се случи. Инаку како човек грозоморно и монструозно е да воопшто коментираме едни такви изјави од луѓе кои што се соочуваат со затворска казна која што е резултат на она што тие го сторија за време на кумановските настани односно на местото Диво Насеље. Обично кукавици преку фејсбук се закануваат по луѓе и по политичари и по граѓани еве како сакате земете, а притоа се обидуваат да му слугуваат на владетелот за да добијат што помала казна. Сте сториле нешто има да одговарате.Прашање од новинар: Рековте дека нема да гласате за реформските закони и во процесот Жан Моне, доколку не се поддржи вашиот предлог за Јавен обвинител. Што доколку власта тоа не го дозволи и не ги ослободи, мислам, овие за кои се бара одземање на имунитетот за пратениците?Одговор на Христијан Мицкоски: Јас и во мојата изјава кажав дека, денеска Македонија како правна држава функционира по принципот, дајте ми човек ќе му смислам обвинение. Отприлика на тоа се сведува правото, и одприлика на тоа се сведува обвинителството и судството во Република Македонија. Ние како политичка партија нема да поддржиме ниту еден производ кој што ќе произлезе од оваа криминална непотистичка и насилничка Влада, предводена од деспотот Заев, се до оној момент додека не видиме дека од спротивната страна навистина постои добра волја и чесна намера, да Македонија се врати на вистинската патека. А тоа е, да биде повторно правна држава каде што ќе владее правото. Првиот чекор е, еве овој. А тоа е, да се поддржи кандидатот на опозицијата за нов Јавен обвинител во Република Македонија. Има уште неколку чекори, кои што, доколку Зоран Заев нареди, јас сум убеден дека Јавниот обвинител веднаш ќе ислугува и ќе ги испорача, a тоа е, најпрвин да ди разгледаат евидентираните недоследности и неправилности кои што се случуваа за време на референдумот на 30-ти септември 2018-та година. Каде што се кршеа светски рекорди, каде што законот на физика беше мало дете, кога луѓето успеваа да гласаат за 2,4 секунди, дури и Усаим Бод можеше да им позавиди на луѓето. Каде што имавме излезеност, на некои избирачки места, поголема од 98% иако во минатото, ако ги анализирате изборните циклуси, ќе видите дека таму излезеноста не надминала педесетина проценти.Еве му два хинта од наша страна каде што он навистина може да докаже дека ова е правна држава дека навистина постои честитост да ги изведе пред лицето на правдата сите оние сторители на тие недела и на тој начин практично на нас како опозиција ќе ни ги одземе аргументите и ние навистина ќе се повлечеме. Но јас не верувам дека он ќе се охрабри ќе се осмели бидејќи тие слуги тоа го прават за да му слугуваат и за да може на нечесен начин да го крадат гласот на народот и гласот на граѓаните. Oо ние на следните претседателски избори ќе сториме се да повторно не се случи. Tака да еве долгата приказна на кратко има еден начин тоа е да го поддржи предлогот на опозицијата за нов јавен обвинител и вториот е да ги изведе пред лицето на правдата и да ја добијат заслужената правдина за сите недела оние лица кои што безмилосно и брутално ги полнеа кутиите за време на референдумот каде што повторно ќе кажам луѓе гласаа за неверојатни 2,4 секунди и излезеноста беше 90 %.Јас навистина сум вчудоневиден како е можно до ден денешен после неколку месеци никој да не се охрабри да го постави ова прашање и на јавното обвинителство и на министерката за правда и неправда и на претседателот на Владата деспотот Зоран Заев. Ако ние треба да живееме во држава каде што мракот и темнината ќе ја задушат критичката мисла одбивам и ќе се борам во првите редови да тоа замине во историјата. Првиот чекор граѓаните можат да го направат на 21 април подржувајќи ја масовно професорката Гордана Силјановска Давкова за името на правото и правдината да се вратат повторно во Република Македонија и да се спасиме од деспотизмот кој што за жал денеска масовно зафаќа размери во Република Македонија. Ајде сите заедно да го подржиме овој предлог во името на правото и правдината во името на честита Република Македонија.

Македонија | пред 7 години

Република.мк: Кумановската група до Груевски, Ахмети, Мијалков и Јанкулоска -Ќе ве следиме до крајот на светот

Кумановската група преку нивните роднини испрати реакција до весникот Лајм. Во оваа реакција уште еднаш е наведена хронологијата на настаните во Куманово, а се објаснува и случајот во кој беа нaпaднaти поранешните министри Миле Јанакиески и Спиро Ристовски. Исто така се испраќа и ocтpa порака до Никола Груевски, Сашо Мијалков, Али Ахмети и Гордана Јанкуловска дека „ќе ги следат до крајот на светот со Kaнонот на Лек Дукаѓини”. Во реакцијата се вели дека покрај Ахмети на оваа „листа“ има уште тројца претставници на ДУИ, како и 9 лица од ВМРО-ДПМНЕ, објави република.мк.„Само ако ги соберат главните на 12-те семејства и да дојдат тука да пaднaт на кoлeнa и да се зaкoлнaт дека не направиле пpeдaвcтвo, може да им пpocтимe”, се вели меѓу другото во реакцијата. Во продолжение весникот Лајм ја пренесува целосната реакција на Кумановската група:Во име на Кумановската групаПрвично, сакаме уште еднаш да ја разјасниме целта на нашето доаѓање, бидејќи не oбвинувaaт со разни видови лажни oбвинeниja. Ние не дојдовме за пари, ниту за бенефиции. Ние дојдовме за да ја реализираме националната цел и поради нереализирањето на Охридскиот договор. Дојдовме и пaднaвмe во cтaпицaтa на пpeдaвcтвoтo на злитe луѓе. Bojувaњeто заврши како што заврши. Ни беше ветено дека ОБСЕ ќе нè прими и се пpeдaдoвмe. Во спротивно никогаш немаше да се пpeдaдeме. Можеби сите ќе нè убиеја, но немаше да се пpeдaдeмe.Но, пpeдaвcтвoтo се случи. Нè мaлтpeтиpaa и ни убja четворица другари откако се пpeдaдoвмe и никој не oдгoвapaше за тие работи. Во пpecтpeлкитe беа убeини шест членови на групата, а четворица други беа убeини откако се пpeдaдoвмe. Ова никогаш нема да го простиме. Ако не убиеја во пpecтpeлкитe, никому ништо, бидејќи ние имавме opужje и тие имаа opужje. Но, eгзeкуциjaтa со пpeдaвcтвo не ја пpocтувaмe.Што се однесува на Миле Јанакиевски и Спиро Ристовски, Кумановската група ги поддржува Лирим Красниќи и Есат Кафеѓоли. Овојпат ги пpeтeпaвмe затоа што нè иcпpoвoциpaa. Следниот пат кога ќе ни пaднaт в раце, ќе ги пpeтeпaмe и без да нè пpoвoциpaaт. Тие беа на власт кога ние бевме убвaни и мaлтpeтиpaни. Не зaбopaвaмe.Текстот во целост на република.мк

Македонија | пред 7 години

(ВИДЕО) Силјаноска побара подршка за кандидатурата за претседател, но и самослик (selfie)

Кандидатката за Претседател на Македонија од ВМРО ДПМНЕ, откако побара поддржувачите да ја оверат кандидатурата и со потписи во подрачните единици на ДИК, побара и докази од потпишувачите:,,Утрово ве повикувам сите да се упатите до подрачните единици на Државната изборна комисија и да се потпишете на мојата кандидатура. Со цел да го почнеме процесот на обединување за право и правда за Македонија! Штом се потпишете ве замолувам да направите самослик (selfie) и да го постирате со хаштаг“-напиша Гордана Силјановска Давкова на својот ФБ профил.,,Време е – без разлика на партиската, етничката, половата, социјална и старосната структура – да се обединиме и да ја вратиме Македонија во нормала“-вели Силјановска.https://www.facebook.com/gordana.siljanovska.71/videos/vb.100033839222511/116799732791334/?type=2&video_source=user_video_tab

Македонија | пред 7 години

„Преспав“ добива нова сезона, а Талат награда за најдобар млад актер

Популарниот домашен ситком “Преспав” продолжува со нови авантури во нова сезона. Ќе се снима нова, четвртта сезона од серијата која стана една од омилените телевизиски програми во секој дом, пишува ТВ Пакет.Јелена, Талат, Ула, Коста, Марио, Тони и нови ликови ќе продолжат да бидат дел од вашето секојдневие и следната телевизиска сезона во новите епизоди на “Преспав”. Во меѓувреме, серијата се репризира на првиот канал на МТВ, а глумците станаа атракција секаде каде што ќе се појават. Па така, највпечатливиот Талат од Џепчиште освои статуетка за најдобар млад актер на овогодишното издание на “Златна Буба Мара на популарноста”.

Магазин | пред 7 години

МНР со прирачник не учи како правилно да го користиме новото име на државата

Со оглед на неодамнешната промена на официјалното име на Северна Македонија, би сакале да ви обезбедиме водич за пишување за нашата земја во согласност со Преспанскиот договор. Ве молиме да ги користите следниве термини, се вели во прирачникот на МНР за странските медиуми:-Официјалното име на државата: ,,Република Северна Македонија”; Кратко име: ,,Северна Македонија”.Државјанство (државјанство): македонско / државјанин на Република Северна Македонија.Официјален јазик: ,,македонски јазик”.Земја-меѓународен код: МК и МКД.Придавката ,,македонски” треба да се користи кога се поврзува со етничкиот и културниот идентитет на народот, нашиот јазик, историја, култура, наследство, територија и други атрибути. Ваквите термини во овој контекст се разликуваат од оние што се користат и се поврзани со регионот на Македонија во Грција.Точни примери: македонскиот етнички идентитет, македонски јазик, македонска култура, македонска територија, македонски народ, македонска историја, македонски планини, македонска литература, македонската кирилица, македонска храна, македонските цркви итн.Неточни: Други придавки, вклучувајќи ги и ,,северномакедонски”, ,,северно- македонска”, ,,с. македонски“ не треба да се користат.Во прирачникот се дава појаснување и за употребата на придавката во однос на државата, нејзините органи, јавни и приватни институции и се што е поврзано со државата, основано согласно закон и финансирано од државата за активности во странство. Придавката тука треба да гласи „од Република Северна Македонија“ или од „Северна Македонија“.Точни примери за државата, нејзините официјални органи и други јавни субјекти: Влада на Република Северна Македонија; Претседател на Република Северна Македонија; Министер за надворешни работи на Република Северна Македонија; Министер за одбрана на Република Северна Македонија; Општина Охрид во Северна Македонија; Универзитетот ,,Св. Кирил и Методиј” од Северна Македонија.Неточни: Други придавки, вклучувајќи ги и „северно македонски“, „македонски“, „с. македонски“ и „северномакедонски“ , не треба да се користат во сите горенаведени случаи.Може активно да се користи и придавката ,,македонски”.Точни примери: македонска економија; Здравствениот сектор на Република Северна Македонија; македонска уметност; македонска музика; македонско земјоделство; македонска архитектура; Прехранбената индустрија на Северна Македонија итн.

Македонија | пред 7 години

Денеска во земјава студено време со силен североисточен ветер кој на места ќе достигнува брзина од 90 до 100 км/час

Поради нагло спуштање на многу студена воздушна маса од север во текот на ноќта и в сабота преку денот ќе дува силен североисточен ветер, на места ќе достигнува брзина од 90 до 100 км/час. Ќе има повремени врнежи од снег, особено претпладне, а на повеќе места ќе се формира помала снежна покривка. Дневната температура значително ќе се намали. Облачно со повремени врнежи од дожд, на планините од снег, претежно со слаб интензитет. Ќе дува слаб до умерен ветер од северен правец. Во ноќните часови врнежите насекаде ќе преминат во снег, а ветерот значително ќе се засилува и на места ќе достигнува околу 100 км/час.Од недела следува период на суво и ветровито време со ниски утрински температури, а дневните ќе бидат во благ пораст.

Македонија | пред 7 години

Продолжува да се гради Али Пашината џамија во Охрид без дозвола, надлежните молчат

Не запира интересот на јавноста за Али Пашината џамија која се наоѓа среде охридската чаршија. Оваа џамија со децении беше затскриена и незабележлива, но откако започна реконструкцијата на овој споменик од 16 век не запираа полемиките. Јавноста подолг период реагира по најавата дека на овој споменик се враќа минарето од џамијата со висина од сегашните 6 и пол на 32 метри.Визуелната проекција по завршената реконструкција на минарето покажува дека тоа ќе се издигне над околните објекти и ќе може да се види од сите страни на охридската чаршија.Здружението „Совест“ е гласот на Охриѓани. Тие веќе две години реагираат на тоа како може да се да се изведуваат градежни зафати на споменик на културта, без градежна дозвола.Од „Совест“ за Скопје1 го повторија нивниот став дека се против градба без градежна дозвола. Од здружението додаваат дека уште кога започнаа градежните работи на џамијата  испратиле допис за овој проблем до завод и музеј, до управата за заштита на културно наследство и градежниот инпекторат, но какао што ни рекоа од „Совест“, до овој момент ниту една институција одговорила не нивниот допис.

Македонија | пред 7 години

Нема повеќе „Фејсбук“, „Инстаграм“ во Владата, Директорот на (СОЗР) сака да ги дисциплинира вработените

Директорот на Службата за општи и заеднички работи (СОЗР) во Владата, Пеце Мирчески, им забранил пристап до „Фејсбук“, „Инстаграм“ и другите социјални мрежи на вработените. Тој смета дека вработените наместо да работат си пишувале статуси, објави Макфакс.„Ги поминаа сите граници, никој ништо не работи. Јас како прв човек знам што се случува. Знам дека вработените постојано имаат отворено ‘Фејсбук’ и пишуваат статуси додека се на работа. Знам точно што сум исклучил. Јас правам цело време проверки, ова не е првпат да има ваков проблем, тој постојано се провлекуваше. Се снимаат додека се на работа за да објават на социјалните мрежи. По 16:30 часот нека прават што сакаат, ама по работното време“, вели Мирчески за „Макфакс“.Текстот во целост на makfax.com.mk

Скопје | пред 7 години

Убиство и самоубиство во Србија - Генералниот секретар го уби претседателот на АМС

Генералниот секретар на Авто мото сојуз на Србија, Предраг Ѓурѓев, со пет куршуми го уби неговиот шеф и претседателот на сојузот, Марко Бутулија.Бутулија им подлегнал на повредите на пат кон болница.Српските медиуми објавуваат дека откако пукал во него Ѓурѓев се самоубил.Убиството и самоубиството се случиле на работното место во АМСС, во Белград, на улица ,,Рузвелтова“.Во инцидентот полесно е повредена една вработена.Бутулија бил и претседател на Ракометниот клуб ,,Црвена Ѕвезда“, а ја извршувал времено и функцијата на генерален секретар на РФ на Србија.Се истражуваат причините за овој инцидент.

Свет | пред 7 години