Боркица Груевска, втората жена на експремиерот и бегалец Никола Груевски, побарала развод. Бидејќи Граѓанскиот суд не може да го најде Груевски, објавен е јавно оглас. Во него стои дека не се знае каде живее експремиерот, дека тој е тужен, се бара развод и дека му е одреден адвокат за спорот.
Македонија | пред 3 години
Професорката Мирјана Најчевска на социјалните мрежи објави статус во кој вели дека кога имаш принципи сите врати ти се ширум затворени.„Бранко не ме сакаше за Народен правобранител.Љубе ме нарече непријател бр 1.Бучко не ме сакаше за член на Изборна.Груевски не ме сакаше за член на антидискриминаторска.Заев не ме сакаше за член на Комисија за реформа на судството.Кога имаш принципи сите врати ти се ширум затворени.Велат сум се менувала со промената на власта.Не се менувам јас и не ги менувам јас вредностите и принципите.Се менуваат тие кои се на власт.И штом ќе дојдат на власт не им се допаѓаат моите принципи и вредностите кои ги застапувам“, вели Најчевска.
Коментари | пред 3 години
Врховниот суд на РСМ до Основниот кривичен суд Скопје достави решение со Квп2 48/2022 со кое советот на Врховниот суд постапувајќи по барање на осудениот Никола Груевски, поднесенo преку неговиот адвокат, за вонредно преиспитување на правосилна пресуда на Основниот кривичен суд Скопје со К.бр. 1904/16 и пресуда на Апелациониот суд Скопје со КЖ 253/21, а во јавноста позната како „Насилство во Општина Центар“, донел решение со кое барањето се отфрла како недозволено.Согласно провостепената пресуда од 29.09.2020 година, барателот за вонредно преиспитување на правосилната пресуда е огласен за виновен и осуден на казна затвор во трење од 1 година и 6 месеци за кривично дело - Насилство од член 386 став 2 в.в. со став 1 в.в. со член 23 од К.З, која пресуда беше потврдена со пресуда на Второстепениот суд од 10.09.2021.
Македонија | пред 3 години
Кривичниот суд Скопје изрече првостепена пресуда за случајот „Плацеви на Водно“. Никола Груевски, Сашо Мијалков и Јордан Орце Камчев осудени се на вкупно 9 години и 3 месеци казна затвор. Никола Груевски доби казна затвор од 7 години плус парична казна 3500 евра. Ова наиде на многу реакции, особено откако судијата Илија Трпков посочи дека обвинителката Лиле Стефанова докажала дека експремиерот си купувал имот од парите кои симпатизери на ВМРО-ДПМНЕ иг донирале за партијата. За имотот, Стефанова пак посочи дека е во вредност од три милиони евра. Ова не е прва затворска казна за Груевски, тој претходно е осуден во случајот за набавакта на Мерцедесот и „Шамари во Центар“.https://twitter.com/Berberot2/status/1517561995058425856https://twitter.com/srce_swatko/status/1517559338042372097https://twitter.com/Viktor_Stevich/status/1517205197235400704https://twitter.com/februar1967/status/1517196352329068544https://twitter.com/VidanaDeSign/status/1517192025971568640https://twitter.com/ddimkooooo/status/1517188550319607810https://twitter.com/jabandzija/status/1517180977159753733https://twitter.com/mancesterovec7/status/1517176285478498306https://twitter.com/evrosimoski/status/1517147403459039232https://twitter.com/tviterana/status/1517148364860579841https://twitter.com/DingoOdKratovo/status/1517129249651576832
Коментари | пред 3 години
Откако судијата Илија Трпков му изрече седум години затвор за предметот „Плацови на Водно“, експремиерот Никола Груевски реагираше на социјалните мрежи. Тој вели: Македонија живее време на политички мотивирани судења против политички неистомисленици на власта, полошо од периодот на 1949 година“.„Исто како и тогаш: во име на народот. Една модерна инквизиција во која жртвата пред судењето да почне е веќе осудена и неформално е договорена и висината на казната помеѓу спрегата власт-опозиција-судство. Само политиката има сила да го смени тоа, бидејќи таа го создава. Време во кое судиите за да не си направат личен проблем за себе, во ваквите процеси не судат по закон и со реални докази, туку прифаќаат изјави на уценети сведоци од обвинителството и власта кои се темелат на претпоставки, па така и ги именуваат (самите тие сведоци не кријат дека кажуваат претпоставки) и како тежок преседан се прифаќаат како неспорни докази лажни искази на обвинети на кои во истиот и/или во други предмети кои ги води истиот обвинител им се заканува сериозна казна, па за да се спасат од прогонот подготвени се на се. Тие лица исказите и одбраната ја менуваат од час во час, особено одкако ќе ги стават во притвор кој во Македонија е инструмент за тортура и изнуда на лажни изјави и лажни признанија.nПРЕТПОСТАВКИТЕ именувани како претпоставки од самите уценети сведоци, судиите подоцна ги именуваат со зборот “ФАКТИ”. ЧУВСТВАТА на некој уценет сведок за една или друга работа, за кој самиот сведок вели дека му биле чувство и ништо повеќе, судиите ги именуваат со зборот “ДОКАЗ”, независно што самиот сведок ги именува како чувства“, пишува Груевски.Според него, пресудите и висината на казните се одредени уште пред да почне судењето.„Се другото е “театар” за јавност, односно време на пропаганда кога и јавноста треба да се убеди, што завршува со долг политички говор и некаква психолошка анализа на судијата, бидејќи за правна нема реални аргументи.Аудио снимки се прифаќаат како доказ кога им одговара на обвинителството и судот, односно на власта за да осудат некој што им е таргет, но ако истите треба да докажат дека таргетираното лице нема вина, тогаш истите не се дозволува да се изведат како докази. Обвинителството и судот можно е да те прогласат дека си земал голема количина пари од некаде, без било каков доказ, матерјален доказ или изјава на сведок, односно без апсолутно ништо што наведува или уште помалку го докажува тоа, и без никаков срам да ја почнат реченицата со зборовите односно фразата: “се докажа дека…” па се продолжува со куп испревртени тези креирани да си го покријат сопствениот срам пред јавноста. Ако си политички ставен на острел може да те обвинат и што не си пријавил имот кој не е и никогаш не бил твој и истиот уште и да го запленат заради политичко пропагандни цели, а вистинските негови сопственици да си молчат и уште да се среќни што “извлекле жива глава”, во смисла што незаслужено во една политичка хајка не добиле долгогодишна затворска казна иако често и тие немаат некоја објективна вина за такво нешто да им се случи. Во една таква атмосфера се е можно. Во Македонија во ова време во политички мотивираните процеси не суди судот, туку политиката. Потоа подготвени чекаат сервилните и контролирани медиуми, т.н. аналитичари и т.н. експерти да ја дораспарчат жртвата која нема никаква реална вина и да одслугуваат на политиката. Власта преку правосудниот систем прави што сака, кому сака нешто запленува и во колкава сака вредност независно од се, кому сака не запленува, зависно од близината со неа. Нема критична маса меѓу стручната елита која е спремна да постави логични прашања колку и да гледа беззаконие и апсурдни процеси. Но, ништо не е вечно… Ќе дојде добро време“, додаде тој.
Македонија | пред 3 години
Ова е веројатно последна моја објава околу политичкиот прогон во предметот “Плацеви Водно”. На едно место едно резиме на сите факти, лаги, нелогичности, игри, местенки...Наменет е за оние кои ги интересира и ја следат темата, прилагодено колку што е можно на јазик разбирлив за секого. Судиите знаат да судат според докази, а не по претпоставки, но ако имаат дозвола од власта или ако се охрабрат да и се спротистават, вели поранешниот премиер Никола Груевски.„1.Од законско процедурален и формален аспект предметот незаконски и со лага на обвинитеството беше прифатен да се суди од т.н.судија на претходна постапка кој одлучува дали се исполнети законските претпоставки за некој предмет воопшто да се прифати да се суди.Според законот за да еден предмет влезе во судска расправа треба осомничениот пред да се обвини да биде повикан на распит и да даде исказ. Ако тоа не е можно од било која причина, се запира постпаката, додека не стане можно. Обвинителството, правдајки се на наводна наводна техничка грешка во дописот до судот, а всушност суштинска повреда во која тврдат дека сум дал изјава, го измами судот дека е извршен распид и така предметот влезе во судење. Значи од старт криво насадено дрво.На почетокот на судењето тоа му беше предочено на судијата, но тој одговорил дека по тоа прашање ќе се произнесе кога ќе ја изрече пресудата.Предметите со вакво прекршување секогаш паѓаат пред Судот за човекови права во Стразбург, но поминуваат години за тоа, па кога е во прашање политички прогон, власта е задоволна бидејки го постигнала моменталниот планиран ефект.Согласно македонските закони, судиите се обврзани да ја следат праксата на судот во Стразбург и прекршокот во тој дел, е основ за разрешување од судија сега или во иднина. Јавноста ќе види дали судот во овој предмет ќе гја следи праксата во Стразбург или очекувањата на власта под чии производ е овој конструиран предмет.2.Политичката пресметка на власта со мене и со повеќе други неистомисленици се одвива преку обвинителството и судот. Имаат и силна медиумска подршка. Како и подршка на некои квази експерти и т.н. аналитичари. Единствено што немаат се аргументи и докази.Обвинението е дека сум земал партиски пари и со нив прикриено на име на други лица и фирми сум купил имот. Преставници на партијата во судот потврдија дека немаат констатирано никаков кусок на пари и во ниту еден ревизорски извештај не се појавило вакво нешто, така што партијата кажа дека нема оштетно побарување.Обвинителството исто така не посочи доказ дека сум земал, како сум земал и кога сум земал партиски пари за купување на имот. Само онака кажаа дека сум земал. Ништо повеќе од тоа, а се работи за над 1,3 милиони евра. Значи никаков доказ за потекло на наводните пари со кои наводно сум купувал имот, што е лага.Тој имот за кои невешто направиле конструкција е едно земјиште од околу 11 илјади метри квадратни, уште едно од околу 2.700 метри квадратни и два стана едниот околу 65мкв а вториот околу 45мкв, кои ги користам и за кои имам валиден договор за закуп.На крајот на постапаката, кога сватија дека предметот е целосно без елементарни докази, празен и јавноста им се потсмева, па дури и нивните подржувачи, во последне момент набрзина направија нова спогодба со едедн од обвинетите, кој и официјано е најбогатиот човек во Македонија (Јордан Камчев). Тој до тој момент им беше таргет за политички прогон исто како и јас и го малтретираа цели 8-9 месеци во притвор за да го прикажат како криминалец и виновен, делумно од одмаздолљубие за објавените снимки од предметот Рекет и делумно да го направат соработник. Тој од почетокот на постапката до пред самиот крај тврдеше дека немал никаква врска со мене, ниту јас со земјиштето, што е точно. Тоа го слушнавем и од audio снимкитеод два телефонски разговори водени во фебруари 2021 година кога предметот е во фаза на истрага и кои се појавија на Youtubeканалот The true above all.Така, со новиот договор, обвинителството го смени обвинението, едно лице од опкружувањето на Камчев го ослободи (неговата мајка), за него побара најминимална казна исто како и за луѓето околу него затоа што ја прифатија уцената да му помогнат на обвинителството и прстот да го вперат кон мене. Во договорот направен во обвинитеството информациите говороат дека влеени се и други пазарења околу предметот Империја каде исто така Камчев беше таргет на обвинителството.По направениот нов договор, измислија уште еден нов сведок, зет од сестра на Камчев, кој кажа декаимал фирма со три стана кои незнаел како се нашле на неговата фирма и не ги чуствувал за свои и дека други луѓе му рекле дека требало да бидат наменети за мене. Сепак, чесно кажа и дека јас и тој иако сме се познавале и среќавале никогаш не сме разговарале на таа тема, ниту сум побарал нешто од него на таа тема. Единствениот кој му го потврди ова е неговиот шура и обвинет во предметот Ј.Камчев кој практично во обид да се спаси себе и неговите луѓе, ја направи спогодбата со обвинителството со која направија нова конструкција, различна од првичната. Другиот обвинет кој наводно му кажал дека тие станови се за мене, категорично го негеришае тоа во судот. Така одприлика изгледа овој предмет во кој ниту еден сведок директно не ме прозива мене дека било што разговарал со мене за сиот овој имот, дека сум давал или земал пари, дека сум барал било какви услуги од ваков тип и слично. Идејата на овој договор во последен момент е и покрај промената на изјавата ма Ј.Камчев насочена против мене, истиот да жртвува три негови и на неговиот зет стана на Водно, како што Александар Ивановски својата слобода одлучи да ја купи со два помали стана и едно земјиште од 2.700мкв. Се заедно тоа да се заплени и да се прикаже како запленет мој имот, поточно како имот кој требало да ми прпадне, а со цел од истото владејачката партија да прави политичка пропаганда.Основна работа во било која судска постапка за обвинение како ова, каде ме теретат за перење пари и против правно збогатување, е да има обрт на пари, плаќања од мене и на мене. Кога со матерјални докази би докажале дека сум внел пари а во случјот и би земал назад, бидејки едното земјиште за кое ме теретат е продадено, но и кога би го нашле изворот на тие пари, тогаш предметот е со докази. Кога би нашле докази дека наводниот скриен имот е мој и на мое име, исто така би имале докажан случај. Кога би нашле барем еден сведок кој би ме посочил директно мене дека сум побарал да ми купи нешто на негово име со од мене дадени пари и тоа би било нешто иако не доволно за прогласување виновен. Такви се законите во целиот свет и во Македонија. Но, ништо од ова нема. Комплетно ништо. Нула.Обвинителството побара меѓународна правна помош од Кипар, за движењето на парите за купувањето на земјиштет од околу 11.000. Одговорот пристигна и обвинителството согласно законот го сподели со судот и одбранта. Во документот стои дека никакви пари во кеш (готовина) не се уплаќани на фирмата-мајка сопственик на земјиштето. Приходите на фирмата се од нејзиното редовно работење и непостои ниту физичко лице, ниту фирма од Македонија, ниту било какво правно или физичко лице кое на било кој начин е поврзано со мене а кое уплатило средства на оваа фирма-мајка сопственик на земјиштето со име Сирах Лимитид.Значи таа фирма си формирала фирма во Макеоднија, фирма ќерка, и префрлила пари и со тие пари се купило тоа земјиште. За директор го назначиле Ристо Новачевски кој дал изјава во обвинителството дека немам никаква врска со ова земјиште и дека за директор е поставен по препорака на негов пријател од Македонски телекомуникации, за подоцна кога ќе го стават и подржат некое време во притвор, под притиоск и уцена мене да ме посочи дека јас сум го препорачал, а во последната изјава на крајот на судењето уште и да додаде дека јас сум сакал да правам градена фирма.Да потсетам дека во правната теорија и пракса, исказите на обвинетите не се земаат за докази бидејки се цени дека може и да се лажни заради себе спасување, така што изјаваите на Ј.Камчев, Р.Новачевски и другите обвинети во нормално судство не би биле никаков доказ, но сепак им требаа заради замајување на јавното мислење.Во таква ситуација, обвинителството немаше ниту еден матерјален доказ и ниту еден сведок кој директно ме посочува мене во смисла дека сум побарал нешто од него/неа во правец на купување и продавање имот, уплата или давање и исплата или земање на пари, барање да ми прикрие мој имот и слично. Се се сведува на рекла-казала на 2-3 сведока кои кажуваат дека некој друг ме посочил мене дека ќе сум бил сопственик на имотот, ама иако ме знаеле и се среќавале со мене, јас никогаш ништо не сум побарал од нив, ниту сме разговарале за тоа. На тој начин, всушност овие сведоци на обвинителството станаа сведоци во моја полза, нормално ако имаме судство кое суди по докази.Така е и со помалото земјиште од 2700 метри квадратни, за кое и самиот сведок Александар Ивановски кажа дека по наводна сугестија на Сашо Мијалков го купил од свои пари и дека цело време си е на негово име и јас не сум имал никаков допир со тоа земјиште, ниту право на сопственост. Истиот сведок буквално истото го тврди и за станот од околу 65мкв, купен со негови пари и во негова сопственост и тогаш и денес, а за станот од 45 мкв не ме посочува ниту мене, ниту некое конкретно лице поврзано со мене дека му дало некакви пари нему или на неговта секретарка Татјана Стојановска на чие име и на име на нејзина фирма ги купил двата стана. Истата кажа дека само претпоставувала дека земјиштето од 2,700 квадраттти и тие два стана се мои, бидејки така и кажал нејзиниот шеф, кој патем речено е под уцена во предметот Империја и под уцена од извршената контрола во неговите фирми непосредно пред да биде повикан да биде сведок во овие случаи. Впрочем и самиот Камчев во објавениот телефонски разговор на јутјуб посочува под каков притиоск освен самиот тој, бил и Александар Ивановски и други сведоци за кого раскажува о прва рака бидејки се сретнал со него и разговарал.Ќе пропуштев уште нешто. Обвинетиот Ристо Новачевски, соработник на обвинителството одкако беше притворен и одкако беа направени контроли на неговите фирми, веројатно со намера на обвинителството предметот да го направат по шаренолик, кажал дека сум му рекол да купи и купил на аукција некоја мала земја вон градот Крушево за околу 650 евра, или околу 40.000 денари, за која кажал дека ја купил со негови пари и си останала негова, и ниту сум имал ниту имам допирна точка со тоа.Накратко кажано, обвинителството не понуди ниту еден матерјален доказ за купување, продавање или сопственост на мој имот, ниту предложи еден сведок кој директно ме посочи мене дека јас сум побарал од него да ми изврши било што во врска со овој имот. Се се сведе на претпоставки, филмувани индиции и ниту еден доказ на кој може да се заснова пресуда.3. Најважните поенти на сведоците:1.Александар Ивановски цело време зборуваше за претпоставки и логики и како тоа цело време претпоставувал дека купувал имот за мене, пред се затоа што становите биле во близина каде живеам. За земјиштето од 2.700 мкв, како и за двата стана кои ги купил со негови пари, никогаш не добил пари од мене за тоа и денес истите се во негова сопственост, како и она земјиште од 11.000 метри квадратни, кажа дека сме се сретнале неколку пати но никогаш ниту јас, ниту тој не отворил тема за ова, ниту било што сум побарал од него поврзано со купување и прикривање имот. Ако веќе зборуваме за логика, логично би било кога веќе сме се гледале да ги проверел претпоставките или јас да прашам нешто околу тоа или да се заблагодарам и слично. Наспроти ова, тој точно и прецизно раскажува како јас се однесувам кога сакам да купам стан. Имено раскажува дека по моето заминување од Македонија сум му се јавил на телфон и сум го прашал дали има стан за продавање бидејки моето семејство сака да го замени живеалиштето со друго, а тој ми одговорил дека нема.2.Сведокот Серјожа марков кажа дека единствен што кај него се појавил за земјиштето бил Александар Ивановски и дека јас никогаш не сум побарал од него било каква услуга. На коментарот дека истиот му рекол дека земјиштето е за мене, самиот искоментира дека тоа е дел од менталитетот на многу бизнисмени во земјата но и на целиот Балкан, да се фалат со повисоки авторитети и кога немаат никаква врска со нив.3.Сведокот Менка Макаровска исто така го посочи како единствен Александар Ивановски дека имал полномошно за офшор фирмата и воопшто не ме спомна мене.4.Сведокот Бранкица Ивановска исто така не ме спомна никаде и кажа дека не го пишувало моето име никаде во документите што ги преведувала.5.Сведокот Миле Јанакиески под голем притисок од обвинителството раскажа дека сум имал стил на микроменаџирање, дека сум ги знаел сите проблеми и проекти и дека сум се интересирал за сите да одат напред и да се гради. За да се спаси од притвор кој му висеше над глава кажа дека во рамките на разговор за сите точки на комитетот за градежна експанзија и развој сум дал согласност за урбанизација на земјиштето од 11 илјади мкв и дека истото сум го направил и во комбето при теренските посети. Ова веднаш се демантораше со цврст и непобитен доказ, одкако судот од владата по официјален пат ги доби сите записници од тој комитет од кој се виде дека на ниту една негова седница не сум присуствувал, и седниците ги водел Миле Јанакиески како потпретседател на комитетот. Се установи и декатоа земјиште воопшто не било на дневен ред на ниту една седница и сето ова го потврди вештак. Истот така сведокот Соња Липиткова кажа дека како тогашен заменика министер за екологија присуствувала на сите до една седници на комитетот и дека јас ниту еднаш не сум бил присутен, ниту пак се зборувало за било кое од двете земјишта на Водно. Сведоците Коце Трајановски, тогашен градоначалник на Скопје, Гордана Клинчарова тогашен секретар на градот и Дејан Митровски-Урко тогашен шеф на моето обезбедување, потврдија дека заедно со другите биле присутни во комбето при теренската посета на неколку скопски општини и дека не само што не станало збор за тие земјишта, туку и немало воопшто посета на Водно со комбето. Така што, притисокот на Миле Јанакиески од страна на обвинителството се покажа залуден.6.Сведокот Александар Јанакиески, тогаш одговорно лице во општината Центар за урбанистички планови а потоа и во градот Скопје, кажа дека никогаш не сум му побарал никаква лична услуга, ниту пак сум барал било што за посочените земјишта. Спомна дека Алек Ивановски се повикувал на моето име, дека имал некој разговор и со Миле јанакиески околу викенд населбата во Крушево, но и додаде дека честа пракса било на разни бизнисмени и функционери да се повикуваат на мое име за да си завршат некоја работа и за да им обрне повеќе внимание.7. Сведокот Гордана Јанкуловска, која обавуваше функција генерален секретар на партијата објаснувајки како се одвивало финасирањето на партијата кажа дека никогаш не сум и побарал пари од партиската каса, дека тоа било под нејзина ингеренција и контрола. Исто така кажа дека во многу ретки случаи кога заради приватни причини била осутна од работа и неможела да дојде на закажаната средба, се случило донатори да остават помали износи на средства кај мене или кај секретарката кои веднаш и биле предавани по нејзиното доаѓање. Таа исто така кажа дека немало ниту еден случај кога некој донатор ја известил дека оставил средства кај мене или кај било кој, која таа не ги добила како одговорна за финасирањето на партијата. При сведочењето на гордана во отсуство на сериозни аргументи, обвинителката главна тема наметна дали имало или не сеф во мојата канцеларија, како да е тоа некаков доказ.8.Сведокот Влатко Чинговски кажа дека тој редовно како човек со партиски теренски одговорности доставувал писма и пакети до генералниот секретар и се сомневал оти така му било логично дека во некои од нив можеби имало пари. Но, самиот кажа дека пари никогаш не видел во тие пратки. Од друга страна, оној на кој му ги доставувал, генералниот секретар Кирил Божиновски кажа дека никогаш немало пари во тие пратки и дека тој не ги отварал лично, туку вработените во неговиот кабинет, кои понатаму постпаувале по барањата и поплаките од тие писма и пратки.9.Сведокот Мартин Протогер кој исто така е под притисок на истиот обвинител во друг предмет кажа две работи од кои едата беше побиена со документи а втората сам си ја поби.Тој кажа дека по сила на функција претседателот на партијата има клуч и шифра од сефот на генералниот секретар, што лесно се поби одкако судот ги доби сатутот и актот за организација на партијата со мислење на судкси вештак каде се гледа дека такво нешто не постои. Втората работа е што кажа дека уште пред периодот кога предметното земјиште од 11 илјади мкв се продало јас сум имал здравствени проблеми со кашлање и лекарите ми препорачувале да живееам некаде на повисоко каде воздухот е многу почист и дека сум му зборел дека сакам да побарам земјиште во Сопиште, што е точно. Потоа за да ги задоволи апетитите на неговите сатрпи од обвинителството измисли дека во некоја прилика сум му кажал дека сум купил некоја земја од 10 илјади мкв кај куќата на Ристо Гуштеров. Земјата за која ме теретат нема врска и не е во непосредна близнина на таа куќа така што тоа му беше првото самопобивање, а второто беше кога го продожи исказот и самиот кажа дека непосредно по тој настан повторно сум продолжил да му говорам дека заради проблемите со кашлањето морам да најадам некоја локација во Сопиште и дека повремено тоа сум го повторувал до самиот крај на нашата соработка, со што тој сватил дека не сум купил никакво земјиште претходно а потврдата дошла кога тогашната опозицја ме нападнала за земјиште на Водно а јас сум му кажал да демантираат затоа што тоа не е точно.10. Сведокот Нинослав Стојановски кажа дека бил благајник и претседател на МК ,,Два бреста,, и дека членството собирале пари, обично по 200 денари, за ситни трошоци како купување сокови, поправка на кров на штабот, и слично и дека никогаш не ми предале пари мене, дури и дека никогаш не се запознал со мене.11. Сведокот Ленче Папазова била сметководител на фирмата и кажа дека никогаш не сум побарал од неа да ми заврши некои лични услуги и дека нејзе и се јавил Ристо Новачевски за да ја ангажива за д го води сметководството на таа фирма. Кажа дека претпоставува дека се јавил по некоја препорака, но незнае чија.12. Сведокот Бисерка Јовкова Ќаева, даде контрадикторан изјава во која сама себе се негираше. Најпрвин таа кажа дека станот за кој ме теретат бил нејзин и кога решиле да го продадат кажала на многумина дека го продала, но подоцна во изјавата кажала дека мене никогаш не ме сретнала до тој момент на продажба на станот, што значи дека не ми го понудила мене. Потоа под очигледен притиоск кажа дека стнот го купиле некои мои адвокати кои незнаеше да ги наведе по име, а од договорот за купопродажба се гледа дека станот го купила фирма сопственост на секретарката на Александар Ивановски-татјана Стојановска за што платила данок, и пооа редовно плаќала данок и на крај по 7-8 години склучила договор за изнајмување со мене на тој стан. Конечно, на прашање дали е сигурна дека тоа биле адвокати или луѓе на Груевски, кажа дека не е сигурно но претпоставува. Повторно претпоставки на исплашени луѓе.13. Сведокот Илија Гечев, бизнисмен од Кавадарци беше еклатантен пример за обид за манипулација на обвинителството со судот, за среќа не успешен. Имено, сведокот раскажа дека министерот за транспорт во тоа време Миле Јанакиески му понудил некое земјиште дека се продава кое според описот е во близина на едно од земјиштата за кои ме теретат. За среќа се разјасни, дека тоа земјиште кое му било понудено да го купи не било ни 11 илјади, ни 2,700 метри квадратни туку 1.200мкв и било сопственост на бизнисменот Дејан Панделевски. Гечев потврди дека никогаш во нашите меѓусебни средби не сум му спомнал било што за земјиште на Водно.14. Сведокот Татајана Стојановска најправин раскажа дека нејзиниот шеф Александар Ивановски ја викнал и ја замолил да на нејзино име купи еден па уште еден помал стан и едно земјиште и и кажал дека тие се за мене наменети. Но, потоа на прашања кажа дека таа нема ниту доказ ниту со сигурностзнае дека тоа навистина било така, бидејки има само еден извор, а тоа е нејзиниот шеф Александар Ивановски, кој наводно така и кажал. А и самиот Александар Ивановски во судот кажа дека и тој претпоставувал дека е така, оти друг така му кажал, а другиот негираше во судот и оти имало логика бидејки становите биле во близина каде живеам.Кај сведокот Татјана Стојановска се откри дека не ја кажува вистината кога беше прашана дали има добино некое писмо од мене, што таа го негираше, за подоцна ДХЛ потврди како во фебруари 2021 година и врачил писмо испратено од мене, кое јас го објавив јавно и во кое барам да ми ја достави сметката за плаќање на киријата бидејки во меѓувреме истече периодот во кој согласно договорот заради направената инвестиција нетребаше да плаќам кирија. Подоцна пратив уште едно слично писмо, во кое покрај истото ја понудив и опцијата за прекин на договорот и тоа го сокри и не одговори на повиците да каже дали примила писмо од мене, но и тоа ДХЛ го потврди а судот се увери заедно со наод на бешто лице, со издавање потврда дека го примила одкако претходно неколку пати одбила да го прими. Тоа во секој независен суд ја намалува кредибилноста на сведокот кога двапати ќе се фати во лага. Таа како лична секретарка на Александар Ивановски кажа и дека незнаела дали во време кога се купувале становите нејзиниот шеф бил пред бракоразводна постапка што ја дава смислата на тоа зошто купувал имот на туѓо име. Сепак кажа дека никогаш не примила пари од мене и никогаш не сме се сретнале или разговарале по телефон. Факт е и тоа дека десетина години сопствениците на двата стана си плаќале данок на имот.15.Сведокот Сузана Николовска кажа дека неколку пати донирала пониски суми за партијата по регуларен пат и дека никогаш не се сретнала со мене а ме знаела само од телевизија.16.Сведокот Драги Огњановски, припадник и кандидат за пратеник на партијата Обединети за Македонија кажа дека пред изборите во 2006 година донирал приближно пет илјади евра на партијата, дека ги доставил кај секретарот Гордана Јанкуловска, дека за тоа имал документ кој никогаш него приложи. Тој кажа дека никогаш мене не ми дал пари и не ме запознал.17. вештото лице Кире Костов во детали го разглоби она што на почетокот го напишав а поврзано со анализата на мтерјалот добиен во Јавното Обвинителство од меѓународна правна помош, каде се гледа дека ниту јас, ниту мој близок или било кое поврзано лице со мене, ниту било кој од Македонија уплатил средства на фирмата Сирах Лимитид, ниту пак во фирмата се уплаќани пари во готовина (кеш).Вештакот го објасни движењето на парите од банка во банка, уплатите и исплатите, но ни трага ни глас од моја или на мој близок вмешаност во истите. Ова е и најсилниот матерјален доказ, после кој во било која земја предметот би бил затворен односно обвинението отфрлено. Од вештачењето се гледа дека оваа фирма префрлила слободни средства од своето редовно работење на фирмата ќерка во Македонија Сирах Инжињеринг која со тие пари го купила земјиштето. За какво перење пари и за какво збогатување мое да стане збор после овој доказ? Ова беше и главниот аргумент на Јордан Камчев во тој дел од процесот кога ја говореше вистината и пред да отиде и да направи спогодба со обвинителството, која спогодба според сите сознанија не е само за овој предмет туку и за други каде тој би се теретел.18. Вештото лице Дивна Станчева од катастерски аспект објасни дека во однос на земјиштата кои се предмет на ова обвинение и во однос на некаква пренамена која се случила, се било законски и согласно процедурите.19. Сведокот Кирил Божиновски, генерален секретар на партијата недвосмислено кажа дека никогаш како претседател на партијата не сум му побарал и не ми дал пари во готовина, ниту пак примил некои пари од мене. Тој појасни дека сефовите во неговата канцеларија воопшто не ги користел. Ниту пак некогаш сум му кажал дека сум купил некаков плац или стан.20. Сведокот коце Трајановски, некогашен градоначалник потврди дека никогаш не сум му ургирал јас или мој близок околу промена на урбанистички план, ниту пак сум побарал од него било каква лична услуга поврзана со плацеви, станови и други работи. Исто така кажа дека никогаш не сум му кажал дека сум купил плац или стан и доколку навистина имало потреба од некаква ургенција во градот, сведокот кажа дека сме биле доволно блиски да тоа го направам директно со него.21. Сведокот Александар Бичиклиски кажал дека бил советник во град Скопје и дека пред и за време на гласањето на Генералниот урбанистички план никој не му блијаел како да гласа, но и дека никој не покренал иницијатива против тој ГУП.22. Сведокот Емил Димитриев, во својство на порнешен генерален секретар на партијата кажал дека никогаш додека бил секретар не сум побарал ниту ми дал партиски пари, ниту пак чул такво нешто од неговите претходници. Никогаш не се ургирало преку него за промена на ДУП или ГУП.23. Сведокот Борче георгиевски во својство на советник во градот Скопје кажал дека гласал за ГУПот без никаков притисок од било кого.24. Сведокот ирена Мишева во својство на претседател на Советот на г.Скопје кажала дека никогаш, па ниту за усвојување на ГУПот и се немам јавено за ургенција или било какво барање.25.Сведокот лазо малијански кажал дека според геодетскиот елаборат во физичка делба не е можно да се прикриваат податоци и дека се запазила целокупнаѕта законска постапка и неможе да стане збор за некакво фиктивно пренесување на реален дел од земјиштето.26.Сведокот Ѓорѓија Сајковски во својство на актуелен генерален секретар на партијата изјавил дека партијаат има своја жиро сметка, има ангажирано сметководствено биро и дека прават завршни сметки. Напоменал дека во партијата се вршеле и редовни ревизоркси контроли и според извештаите нема никакви недостатоци во работењето. Нагласил дека не се чуствуваат оштетени, ниту имаат информација дека се оштетени и изјавил дека не предјавува никакво оштетно побарување од инволвираните во овој предмет.27. Сведокот Наташа Несторовска изјавила и објаснила во детали дека се било во ред со плаќањата во банката при купородажбите на земјата и дека е запазена целата процедура односно се работело согласно законите во државата.28. Сведокот Софија Куновска која во 2012 година била советник и координатор на советничката група на СДСМ во градот изјавила дека тогаш имало расправа за ГУПот и потоа регуларно бил изгласан, и дека ГУПот се однесува за поголем дел на градот а не само за една општина.29. Сведокот Ивона Талевска, како тогашен новинар раскажала дека од лично искуство и сведоштво преку примери била запознаена дека јас и јордан камчев во тој период не сме биле во добри односи , дури и во лоши односи, што јасно укажува дека не било можно да тој за мене прикрива некаков имот.30. Сведокот Дејан Митровски – Урко во својство на мој поранешен шеф на обезбедувањето навел дека бил присутен во комбето, како и секогаш во било кое превозно средство во кое сум бил јас, при теренската посета и дека комбето воопшто не се придвижило кон Водно, ниту пак сум издал инструкција за некое земјиште на Водно. Тој навел дека имав здравствени проблеми и потешкотии со дишењето заради што често сме оделе на пешачење на повисоко, но дека никогаш ниту видел, ниту чул дека сум купил некакво земјиште на Водно, ниту пак станови. Навел и точно од кој стан секој ден сум излегувал, односно од оној каде цело време живеев, бидејки природата на неговата работа беше да ме следи од моментот на напуштање на домот. Истиот навел дека во повеќе наврати сум зборувал, се до крајот на нашата заедничка работа во 2014 година, дека заради советите на лекарите, сум сакал да купам земјиште во Сопиште дека не сум го реализирал тоа.31.Сведокот Сергеј Самсоненко изјавил дека земјиштето е во негова сопственост, што го докажал и со документи.32.Сведокот Владимир Стаиќ истото го потврдил за друг дел од истото земјиште.33. сведокот Соња Липиткова, во својство на заменик министер за екологија и член на комитетот за градежна експанзија изјавила дека присуствувала на сите до една седници на тој комитет, и дека иако формално јас бев претседател на комитето, никогаш не сум го водел и секогаш го водел Миле Јанакиески како подпретседател, така што и не сум можел да остварувам некакво влисјание на тој комитет. Истата изјавила дека никогаш не сум и се јавил да ургирам за било што, ниту било кој друг се јавил во мое име да ургира кај неа. Напоменала дека никогаш никој не и се јавил да ургира за земјиште на Водно.34. Сведокот Гордана Клинчарова во својство на поранешен секретар на г.Скопје изјавила дека иако долго се познаваме, уште од 1999 година, никогаш никој, а најмалку јас сум и се јавил за било каква ургенција во градот Скопје за плацеви или станови. Истата потврдила дека била присутна на теренското работење и движење со комбе на поголем број лица, и дека истото не се придвижило кон Водно и не сатанал озбор за плацеви на Водно.35.Сведокот Кицо Петрески во својство на поранешен мој телохранител од 2006 до 2017 година, изјавил дека во неколку наврати низ годините сум се интересирал кај него за климатските услови за живеење во повисоките делови на Сопиште каде што тој има викендица и сум му кажал дека по совет на лекарите а заради кашлање кое беше заради загадениот воздух во Скопје, треба да најдам и купам некој плац во Сопиште на кој би изградил куќа за живеење. Сме разговарале за тоа која е надморската висина таму, како се цените и колку е чист воздухот. Изјавил и дека во еден од тие разговорири некаде во 2018 година сум изразил желба да го разгледам тоа место и дека отидов и поминав неколку часа разгледувајки ги земјиштата таму, дека ми се допаднало но дека не сум купил плац таму, што е точно, а главна причина беше фокусираноста на политичкиот прогон и секојдневното присуство во судот. Ова со Сопиште е само уште еден показател дека не сум имал плац на водно, штом толку долго и толку често сум размислувал и разговарал со повеќе мои блиски соработници за купување плац за живеење во Сопиште. Најмалку пет мои поранешни соработници во овие сведочења го потврдија тоа.Сите овие 35 сведоци сведочеа до моментот додека Јордан камчев не направи три средби со обвинителкаат Лиле без присуство на неговите адвокати, каде договорил соработка со ветување привилегии во овој и во други предмети против него, поточно во овој предмет да добие најниска можна казна, а не го знам договорот за другите предмети, но наскоро и тоа ќе се дознае. Така, оддеднаш Камчев го предложи неговит зет од сестра за сведок, го смени целокупниот наратив и суштина на дотогашната одбрана, вештачења, изјави на сведоци, и оддеднаш синхронизирано со зетот мето Стојчески започна друга приказна, во која тврди дека кога ристо новачевски му се јавил да го купи земјиштето му кажал дека е мое, а тој од страв да не му се одмаздам го купил, и ми чувал три стана како компензација на име на фирмата на неговиот зет Мето Стојчевски.36.Зетот на камчев Мето Стојчевски како дополнително предложен сведок кажа дека јас никогаш од него не сум побарал било каква услуга за змејиште или станови и дека иако сме се познавале и повремено сме се среќавале, никогаш не сме разговарале ниту за наводни мои земјишта, ниту за наводни три стана кои тој наводно ми ги чувал. Наместо тоа наведе дека трето лице му го кажало тоа, а тоа трето лице, го негираше истото во судот. Мето Стојчески не знаеше да иодговори и како и со кој пари ги купил становите. Очигледно, спасувајки го неговиот шура, беше во непријатна ситуација и оттука целата конфузност која произлезе од овој во последен момент направен договор за спасување на Камчев и мое теретење. Со обзир на нивните роднински врски и со обзир дека Камчев е обвинет, исто како и Ристо новачевски секој нормален суд во развиена земја во светот ова не би го земал во обзир бидејки во судската теорија и пракса стои дека исказот на обвинетите (а со тоа и нивни роднини) не може да се земе како сведочње бидеки обвинетите може и да лажат за да се спасат.Македонското судство е пред нов испит и предизвик. Тој не би постоел ако власта ги остави судиите да судат според доказите или ако се охрабрат да и се спротистават, бидејки тие знаат што се докази а што не. Дали ќе ги остави, оли дали ќе се охрабрат да се спротистават ќе видиме утре“, стои во објавата.
Македонија | пред 3 години
По победата на македонските ракометари и пласирањето на светското првенство, се огласи и поранешниот премиер на Македонија, Никола Груевски.„Борбено, во напната атмосфера со тежок противник и многу добро одигран натпревар на македонскиот тим, кој резултира со пласман на светско првенство. Честитки за ракометарите, селекторот, стручениот штаб и федерацијата. Со успех на светското првенство#македонија се гордее со вас“, напиша Груевски.https://twitter.com/ilijadimovski/status/1515768879699607559?s=20&t=BW0N7Opr6wKXoip_1TCBJw
Македонија | пред 3 години
“Кога беше во притвор во Шутка, во ќелијата во која што бил од власта лица се дојдени кај него, му рекле, ќе зборуваш како што ќе ти кажеме и ќе бидеш ослободен од обвиненија. Кога слушнал Јане, рекол дека не сака никакви такви работи. Им рекол, не сакам да ве видам веќе, јас не сакам никој да не земам на душа што не направил ништо, вели татко му, но додава дека обвинителството нашло лажни сведоци кои ги наклеветиле учесниците, меѓу кои и Јане”, вели поранешниот премиер Никола Груевски.„Ова што го говори таткото на Јане Ченто верувам дека е точно. Верувам затоа што и мене ми се случи.Еден ден бев повикан во обвинителството да дадам изјава мислам за два предмета. Едниот беше ТНТ. Изненадувачки бев повикан вон работното време и ги немаа известено медиумите дека доаѓам како што обично прават.Отидов со адвокатот и дадов изјава пред обвинителите, за едниот, па за другиот предмет. По некое време влезе и Катица Јанева која иако почна мирно и сталожено да разговара, набрзо влезе во вербален конфликт со адвокатот бидејќи тој на секој нивен незаконски чекор многу стручно и бескомпромисно им укажуваше што се прекршуваат во постапката во случајот а тие немаа правни аргументи како одговор, па фрустрацијата растеше од миг во миг.По кратко време таа излезе и на излегување побара кога ќе завршиме да се сретнам со неа во нејзината канцеларија. Кога отидов на вратата побара и инсистираше да бидам сам, без адвокатот, на што тој реагираше, но јас го замолив да дозволи и да видам што всушност сака да каже.На почетокот со многу пријателски тој ми кажа дека за мое добро треба да го сменам адвокатот бидејќи многу штета ми прави и дури ми посочи неколку други адвокати кои по нејзино мислење би биле подобни, а плус според неа биле политички наклонети кон мојата партија. И кажав дека сум многу задоволен од адвокатот а дека тие што ми ги кажа не ги познавам и за повеќето дека имињата прв пат им ги слушам. Неколку месеци подоцна мојот адвокат сам се повлече под очигледен жесток притисок и сериозни закани. Му беше многу непријатно, беше преплашен од тоа што го добил како порака, … но настрана сега тоа.Втората тема беше за предметите за кои кажа дека добро им напредувале. И одговорив дека предметите им се конструкции без никакви докази и дека ако се суди по закон ќе им пропаднат напорите. Дека немам никаква вина и дека попусто ме малтретираат.Тука наидов на изненадувачка реакција заради која веројатно и бев повикан.Најпрвин ме пофали дека навистина сум бил многу успешен премиер и дека сум направил многу за земјата, дека многу сум работел и дека таа тоа многу го цени. Веројатно тоа беше влог во стекнување доверба.“Па добро”, продолжи таа, еве јас се согласувам дека навистина вие немате вина, но ајде помогнете ни за другите”.“Што да ви помогнам и за кого” ја прашав. Почна да набројува имиња, Гордана Јанкуловска, Миле Јанакиески, Кирил Божиновски, Мартин Протогер и уште неколку други.“Еве вие помогнете ни за да ја докажеме вината за нив и ние ќе се согласиме дека вие немате вина” одговори шефот на СЈО со прилично милозвучен глас и поглед со блага насмевка кој требаше да ми влее чувство на добронамерност и доверба.“Чекајте ве молам, дали тоа вие од мене барате да ги наместам другите за вие да ме ослободите мене?”, ја прашав.“Па немојте така да ги сваќате работите, јас само барам да ни помогнете, да имаме соработка”.И одговорив дека луѓето добро ги познавам и знам дека немаат никаква вина. Дека и тие како и јас сме под политички прогон и дека немам ништо во прилог што би и помогнало, а да местам некој невин, тоа не доаѓа во предвид.“Добро”, одговори подналутена и веќе со поостар тон. Тогаш ние ќе продолжиме со нашата работа, по што по кратко ја завршивме средбата.Така што, ова што го говори таткото на Јане Ченто сигурен сум дека е точно. Им го знам стилот, бидејќи го почуствував на мене.Во мојот случај не се дрзна да оди со брутални закани, како што тоа го прават кај другите кои ќе одговорат како јас. Најчесто продолжението е закана во која на тој што одбил да им биде инструмент во местење други му кажуваат колку години ќе лежи затвор, како ќе биде уништен, ако има бизнис дека ќе му биде уништен бизнисот, ќе му се растури семејството, децата ќе му растат без татко или ако е жена без мајка, ќе го напуштат пријателите, ќе му попушти здравјето итн. Па завршуваат со зборовите “размисли ти, вреди ли сето тоа или е подобро да соработуваш, да ни помогнеш, а и ние тебе да ти помогнеме” и додаваат дека тие веќе имаат се, имаат и други сведоци и слично, а најчесто ништо немаат.Ако почувствуваат колебливост тогаш повторно уште неколку пати ја викаат жртвата со истите цели и со уште побрутални закани.Ова се недозволени методи. Кршење со закани и уцени и изнудување изјави. Вакви закани не се својствени за демократски земји и се против законски. Еден ден, верувам дека во Македонија ќе се отвори ова прашање против ваквите лица со вакви настапи на дел од обвинителите и дека ќе одговараат за тоа.П.С. Денеска прочитав дека повторно лиферувале нови лаги за наводни индиции за нови наводни мои скриени имоти со кои немам никаква врска. Ќе дојде крајот и на оваа ера еден ден. Па како што кажа Јане Ченто на неговото судење: “ќе изгрее сонцето на слободата”.И да потсетам. Со години во затворите за случајот “27. април” лежат многу луѓе со неправедни пресуди, со непостоечки квалификации за тероризам со цел затвораката казна да е долга, а некои и без никаква вина. Македонија е земја на политички затвореници и политчки прогонувани лица. Се додека е така, напредок нема да има, како што и нема. Напротив има назадување“, додава тој.
Македонија | пред 3 години
По 20 евра од човек. Вака шефот на полицијата на граничниот прекин Блаце им зема мито на граѓаните за полесно да го минат граничниот премин.Веднаш по овој скандал објавен во емисијата Стоп, реагираше МВР свикувајќи ги на распит двајцата службеници Е. Ш. И З. Р. Како што информираат од МВР, двајцата се суспендирани од работа и против нив се поднесени кривични пријави, оба се дел од реакциите на социјалните мрежи.https://twitter.com/Zmugalo/status/1514610035581616133?s=20&t=u-UfxuQCgmaP3-crYPAHCAhttps://twitter.com/TinoBeBrat/status/1514325230008905736?s=20&t=u-UfxuQCgmaP3-crYPAHCAhttps://twitter.com/Becka_skola/status/1514321746190647306?s=20&t=u-UfxuQCgmaP3-crYPAHCAhttps://twitter.com/KlimentieS/status/1514301723560628225?s=20&t=u-UfxuQCgmaP3-crYPAHCAhttps://twitter.com/algorit007/status/1514256655806083072?s=20&t=u-UfxuQCgmaP3-crYPAHCAhttps://twitter.com/Magnolija__/status/1514232924207521795?s=20&t=u-UfxuQCgmaP3-crYPAHCAhttps://twitter.com/koloski_/status/1514188424710062083?s=20&t=u-UfxuQCgmaP3-crYPAHCAhttps://twitter.com/Hasta_la_manana/status/1514162813828227073?s=20&t=u-UfxuQCgmaP3-crYPAHCAhttps://twitter.com/BP080880/status/1514159135511781376?s=20&t=u-UfxuQCgmaP3-crYPAHCAhttps://twitter.com/Zmugalo/status/1514158356952453123?s=20&t=u-UfxuQCgmaP3-crYPAHCAhttps://twitter.com/malistaPulikala/status/1514016964846534658?s=20&t=u-UfxuQCgmaP3-crYPAHCA
Коментари | пред 3 години
Сашо Мијалков на социјалните мрежи се огласи откако тој и Груевски заедно со нивните семејства се ставени на црната листа во Америка„Жалам за денешната одлука на Стејт Департментот и сметам дека таа не е исправнаОдлуката е базирана на конструкции и дезинформации за кои со време ќе се докаже дека се неиздржани.Секогаш сум ги бранел и ќе ги бранам интересите на Македонија.Верувам дека правдата ќе победи и дека одлуката на американската администрација ќе биде корегирана“, вели тој.„Во неговото службено својство на премиер, Груевски беше вмешан во коруптивни дејствија меѓу кои користејќи го своето политичко влијание и официјалната моќ за лична корист. Поточно, постојат веродостојни информации дека Груевски ја злоупотребил моќта на својата функција за да бара и прима мито за возврат на владини договори, незаконски присвоени јавни средства и мешање во изборните процеси за политичка полза за себе и за неговата партија“, вели Стејт департментот.
Македонија | пред 3 години
Подолг период се говореше она што денес се објави. Високи преставници на властите во Македонија не криеја во неформални кругови дека со години лобираа за истото да се случи.Моите долгогодишни напори проблемот со името да се реши на поинаков начин од оној на кој на крајот се реши, одлуките поврзани со мигрантската криза и затворањето на блаканскиот коридор во 2016 година и неколку други одлуки со кои се обидував да ги заштитам државните и националните интереси на Македонија иритираа некои земји и ми навлекоа многу противници како што на пример беше Џорџ Сорос кој вложи многу напори и финасии за соборување на владата која ја предводев.Жалам за одлуката на State Department која ја објавија денес а меѓу другите се однесува на мене. Наводите кои се наведени заради кои сум ставен на листата се неточни информации на кој се подлегнало и во најголем дел произлегуваат од долгогодишниот политички прогон кој се води против мене во Македонија. Од тој аспект иако немам никаков имот во САД, чуствувам голема неправда бидејќи работев многу чесно и многу одговорно борејќи се за државните и националните интереси, а при тоа колку што можев се трудев да не ги загрозам интересите на сојузниците на Македонија. Никогаш не работев за личен финасиски или матерјален интерес.Ќе продолжам да се борам во правец да ја докажам вистината.Ќе продолжам да се борам за Македонија.
Македонија | пред 3 години
По денешното рочиште за „Плацови на Водно“, експремиерот Никола Груевски, одново со коментар.Неговото писание го пренесуваме интегрално:„За прв пат после една година судење и претходна истрага, денес обвинителката Лиле Стефанова застана во одбрана на Јордан (Орце) Камчев во судницата, рамо до рамо, поточно дури и пред неговите адвокати, барајки да не се прифатат аудио снимки како доказ во судската постапка во кои снимки со разговори Камчев искрено раскажува се, од тоа дека јас немам никаква врска со земјиштето за кое ме теретат, до тоа чие е и кој го купил и кому го продал земјиштето, па и со какви притисоци се соочува тој лично но и неколку други лица (подоцна сведоци на обвинителството), кои Камчев ги именува во разговорот (Алек, Миле…) од кои уште тогаш со уцени и притисоци од обвинителството се барало лажно да сведочат против мене (се доби впечаток, ретко виден во судниците, обвинетиот и неговиот обвинител да застнат на иста страна).Обвинителката денес наведе меѓу другото, дека тие снимки за кои се бараше да бидат доказ во судската постапка не биле од јавен интерес туку од само мој личен интерес!?Денес се демонстрираше во судот една “Нова коалиција”, како ова да е политичка сцена а не суд, направена минатиот месец после неколку лични средби на Камчев со обвинителката во која е направена нова конструкција за завршување на предметот и по која Камчев комплетно ги смени своите позиции од претходните, кога бранејќи ја вистината на секое рочиште на судот беше во силен емотивен вербален конфликт со обвинителката, според присутните и медиумите често на граница на пристојно однесување, па во неколку наврати судијата мораше да интервенира со “гаснење” на зовриените страсти. Типично за човек кој носи силно чуство на неправедно обвинет.Па така, од една страна обвинителката на власта Лиле Стефанова без апсолутно никаков доказ ме терети дека во време кога сум извршувал јавна функција (премиер и претседател на најголемата политичка партија) сум присвоил пари од партијата од донации и чланарини кои сум ги употребил за купување земја и иако преставникот на партијата во судот кажа дека немаат таква информација дека јас сум присвоил пари од партијата, ниту пак постои ревизорски извештај со кој такво нешто се констатира, таа сепак води постапка против мене.Од друга страна таа кажа дека доказите, поточно аудио снимката од разговорот на темата за која сме обвинети меѓу мене и Камчев, не биле од јавен интерес и предложи од страна на судот да не се прифатат како докази, по што судијата не ги прифатил.Втората нејзина забелешка била дека истите биле веќе објавени, што е смешно во однос на снимките кои беа прифатени во десетиците предмети на СЈО и случајот “Рекет” каде сите до една беа објавени па беа прифатени како доказ во судска постапка.Третата причина била дека јас сум го снимал Камчев без да го информирам и за тоа не покажа никаков доказ или документ, а и незнам кој кого информирал дека го снима во другите слични на овој предмети.Значи класични двојни аршини!Двојни стандарди!!!Статистиката покажува дека над 95 осто од обвиненијата во Македонија поднесени од страна на обвинителството судот ги прифаќа.Веројатно ќе беше изненадување да се случеше денес спротивното.Македонија е земја каде што денес судиите дефакто се подчинети на обвинителите, а обвинителите на власта, особено во предметите каде во позадина е политиката.Тоа е дефакто хиреархијата, која е целосно изопачена во однос на нормалните и демократски држави во кои не се вршат политички прогони.Во Македонија ако обвинителството ти покрене обвинение, шансите судот во Македонија да не го прифати се под 5 осто, а пак во овие политички предмети веројатноста да не те осудат е во рамките само на теоретска можност, освен ако не се договориш да им станеш или соработник или да направиш други политички или национални остапки какви ми беа нудени веднаш после референдумот доколку се согласам да им обезбедам пратеници за смена на уставот а со цел смена на името, идентитетот и историјата, “игра” во која одбив да учествувам. Сите до еден пратеници во тоа време може да го посведочат дека никогаш не сум побарал такво нешто од нив. Идентично како што неколку месеци претходно, во јуни 2018 година, пристигнуваа понуди од ист тип ако јавно го подржам штотуку постигнатиот и објавен договор со јужниот сосед.Втора важна работа денес е што излезе на површина еден од елементите од преговорите на новата коалиција “Обвинителство-Камчев” односно “Власт-Камчев” а тоа е преквалификација на обвинението на Ратка Камчева-мајка на Орце Камчев која исто така беше обвинета во предметот.Преквалификацијата е направена на начин што обвинението и е заменето со друга квалификација, која од сега запретената казна од 1 до 10 години затвор, предвидува од 1 до 3 години затвор, што според Законот значи дека делото застарува за 6 години, односно минатата 2021 година е застарено, така што кога ќе се чита пресудата ова ќе биде соопштено, односно дека завршил периодот кога оваа обвинета може да се гони.Ратка Камчева во овој предмет, како и сите останати обвинети немаат никаква вина, и таа беше ставена само со една цел - да се врши поголем притисок на нејзиниот син Орце Камчев со цел тој да стане соработник на обвинителството/власта спасувајќи ја мајка си, и целосно или делумно и себе си, односно да дава лажни изјави какви што ним им одговара.Конечно, на крајот на процесот обвинителството ја исполни таа цел.Во следниот период до комплетно завршување на оваа постапка, вклучувајќи ги и повисоките судови но и предметот “Империја” (а можеби и нешто друго, некоја нова закана на обвинителот со нов потенцијален предмет кој не е познат на јавноста), ќе видиме со што се друго Камчев ја трампал лажната изјава против мене, односно што се друго обвинителството му ветило за да им “игра пиперевка” што би рекол самиот тој.Камчев освен лажни изјави, за кои јавноста во саботата се увери слушајќи аудио разговори помеѓу мене и него водени од фебруари 2021 година, за да ги задоволи апетитите на власта ќе треба да поклони на државата и три стана во вредност од околу 1.3 милиони евра, за да ги прикажат како станови кои требало да бидат мои во некое идно неопределено време, што исто така е дел од смилената конструкција во последен момент пред завршување на предметот.И конечно, имајќи во обзир дека светската судска пракса не ги зема во обзир исказите на обвинетите како докази (во случајот исказите на обвинетите Орце Камчев, Ристо Новачевски и другите), бидејќи правната теорија разработила и утврдила дека обвинетите може да лажат за да се спасат, се се сведува на ЧУВСТВА.ЧУВСТВАТА на Мето Стојчевски, зетот од сестра на Орце Камчев и на уценетиот бизнисмен Александар Ивановски познат по прекарот Алек Теранова.Имено и двајцата кажаа дека имале имот, кој не го чуствувале за свој.И двајцата кажаа дека за тој имот никогаш не разговарале со мене, никогаш не сум побарал од нив да ми купат и чуваат имот, ниту сум им дал или земал пари, ниту сум ги прашал нешто за тој имот кога сме се среќавале, ниту пак тие (според нивните искази) ми кажале дека ми чуваат некаков имот кога сме се среќавале.Друг некој им рекол дека е тоа за мене и толку. Тој друг во судот го негира тоа дека го рекол.Матерјален доказ не постои.Плаќања од моја страна или примање пари од моја страна непостојат. Ниту една фирма или трансакција не е моја или на мој близок.И како што со право рече Орце Камчев во нашиот телефонски разговор во фебруари 2021 година во време кога Камчев како што кажува веќе ја имал целата документација за предметот и имал дадено исказ во обвинителството: (цитирано од аудио снимката)Јордан Камчев:“Знаете што? За да идат на сила треба барем нешто да имаат. Ако матерјалните докази не се на нивна страна, како ќе кажат тие тоа? Ниту има пари од ВМРО, ниту има пари од генерален секретар, ниту има пари од Груевски, ниту има пари од Мијалков, ниту има нешто. Едно е да збориш, друго е со документи, тоа е сосема различно”.На ова јас му одговарам во тој разговор:“Ќе одат на брутални притисоци на луѓе, тоа ќе го прават 100%! Им го знам методот. На пример му наоѓаат на некој некоја друга чарка, и му викаат сега ти тука така вака-онака, …ама не е така…не, ние вака го толкуваме, и ајде сега ти помогни ни тука, ние ќе ти помогнеме на друго место…”, по што малку подоцна Камчев објаснува дека е под голем притисок уште во тоа време со секојдневни закани за апсење, но дека тоа му е веќе начин на живот, како што низ тие разговори од лични средби со нив ми раскажуваше дека под голем притисок и УЦЕНА е и другиот сведок кој доби ЧУСТВО дека неговиот имот не е негов - Александар Ивановски наречен Алек Теранова.Кој не верува нека ја преслуша втората снимка од двете излезени на јутјуб каналот “The true above all” (“Вистоната над се”), кои одат во прилог како линк во овој статус.
Македонија | пред 3 години
Јас немам против Јордан (Орце) Камчев - не станови во вредност од 1,3 милиони евра, туку и 5 милиони евра да им даде, ако сака и болницата и банката нека им ги даде за да си ја купи слободата, но нека не ме меша мене таму каде знае дека не сум имал ништо и нека не им ги потврдува лажните конструкции со кои власта која врши политички прогон против мене по секоја цена сака да ме прогласи виновен, за нешто со што немам никаква допирна точка, вели поранешниот премиер Никола Груевски.„Тоа е мојот краток коментар од денешното судење.Оние кои ги интересира суштината и содржината на оваа конструкција низ призмата на денешните искази и сведочења во судот може да прочитаат подолу.Веќе се наѕира конструкцијата која Јордан (Орце) Камчев и обвинителката Лиле Стефанова во последните 2-3 недели ја направиле со следните цели:1.Обвинетиот бизнисмен Јордан Камчев без никаков основ и доказ набедувајќи ме мене да помине со блага казна но без ново одење во затвор по овој предмет; Слично да помине и неговата мајка Ратка Камчева, неговиот вработен извесен - Нено Јосифовиќ, како и Ристо Новачевски, според зборовите на Камчев дадени во обвинителството - негов долгогодишен пријател и бизнис партнер кој според Камчев со години секојдневно одел во неговата болница и им продавал лекови како трговец со лекови. (Ристо Новачевски беше мој венчален кум во мојот прв брак од 2001 до 2005 година, но очигледно дека потоа одкако заради мојата презафатеност се оддалечивме, се продлабочило неговото пријателство и бизнис релации со Јордан Камчев).2.На Орце Камчев да му биде помогнато во друг предмет каде позициите му се лоши и каде Камчев треба да биде извлечен.3.Со обзир дека веќе преку меѓународно вештачење видоа дека од моја страна, или од страна на мој близок, или од било кој од Македонија, ниту влегле пари во фирмата купувач на земјиштето, односно која ги префрлила парите за купување на земјиште на нејзината фирма-ќерка во Макеоднија, ниту пак излегле односно ниту сум примил пари (за наводно продавање на земјиште), во последен момент смислија нова монструозна конструкција во која Орце Камчев се согласил да жртвува негов имот од зграда која тој ја градел, вреден отприлика колку цената на земјиштето, односно износ околу 1,3 милиони евра за кое без никаков основ ме теретат дека било мое и дека Камчев го купил само затоа што Ристо Новачевски му кажал дека било мое.Ова со цел, освен што би ме осудиле, власта да може да каже дека “бројчаникот почнал да врти” а тие почнале да ги враќаат “парите на граѓаните” кои всушност се пари на Орце Камчев со кои пари сака да се извлечи од овој прогон, односно да ја купи својата слобода (ако се само тие пари со кои ќе си купува слобода од прогонот).4.Обвинителката Лиле Стефанова овој предмет кој и е веќе загубен, бидејќи нема никакви докази, да се обиде да го спасува во своја корист и да се смета дека победила во предметот па да добие нови поени и награди кај власта. Мене да ме прогласат за виновен, да ми дадат затворска казна и да прогласат дека ми заплениле имот кој всушност е имот на Орце Камчев на име на неговиот зет од сестра - Мето Стојчевски.Имено, зетот на Орце имал во сопственост некоја неактивна фирма на која имал три стана во објект сопственост на Камчев a кој тој го градел но со друга активна фирма.Одеднаш, бидејќи им треба таа алка во приказната, Орце а подоцна и зетот велат дека тие станови ги чувале за мене како компензација за земјиштето на Водно кое го купил и подоцна го продал Орце Камчев.Ми чувале станови? Како тоа јас толку години да незнам дека некој ми чува станови? И ако веќе требало да ми дадат пари, зошто не пари, туку станови и тоа на име на зетот на тој кој наводно ми должел. И како јас би ги превземал тие станови од него кога тоа законски е невозможно а особено не за политички експонирано лице. Како би станале тие мои дури и ако отидев на портирницата да си ги земам клучовите. Јас можело да ги земам клучовите но не и имотот и тоа е многу малоумно смислена конструкција. Јас би можел да го добијам тиј имот само ако го платам, а ако го платам, тогаш за што сум добил во нивниот матен филм?Па вака може секој да каже за нешто што го поседува дека ми го чува и да ме осудат за прикривање имот и перење пари. Може некој кој ги има да каже дека ми чува 1000 овци, 2 коња, три возила и две куќи, а неговиот шура да каже дека тој се договорил со некој мој поранешен кум или другар. Каква е оваа лакрдија? Ова личи на шала, а не на сериозен судски предмет.За воља на вистината зетот на Орце Камчев - МЕТО Стојчески, ДЕНЕС КАЖАЛ ВО СУДОТ дека се познаваме, дека сме се сретнале повеќе пати но ДЕКА НИКОГАШ НЕ СУМ МУ ПОБАРАЛ СТАНОВИ, НИТУ БИЛО ШТО СМЕ ЗБОРУВАЛЕ ЗА ТОА.Да, со Мето - зетот на Орце се имам сретнато барем 5-6 пати, дури и на само каде можел да го отвори тоа прашање, сме се сретнале и во приватни прилики, и ако навистина чувал станови за мене, нели логично е да ми кажал нешто околу тоа или да прашал нешто. Не рекол ништо, бидејќи Мето незнаел дека по 5 години ќе треба да го спасува шурата со вакви лаги.Каков апсурд!Какви глупости!Каква неправда!Зетот на Камчев го посочил Сашо Мијалков дека токму тој му рекол дека тие станови биле за мене, а Сашо Мијалков во судницата денес посочи дека никогаш и за никого, вклучително ни за мене не посредувал или правел активности со кои ќе прикрива туѓ, односно во овој случај мој имот.Оваа мега лага мислам дека ги надминува капацитетите на Лиле Стефанова, а впрочем ако овој финиш на овој судски предмет беше смислен од неа, ќе тргнеа со истото од самиот почеток. После се ова се чини дека ова мора да е смислено и понудено во последните недели од самиот Орце Камчев кој вовлекувајќи го и неговиот зет, презентирал на обвинителката понуда која неможе да ја одбие и таа ја прифатила:1. Таа да излезе како победник со пресуда во нејзина корист,2.Обвинителката да се пофали со одземање на наводен мој скриен имот, и политички да му сервира на СДСМ приказна дека ме осудиле за наводен криминал и ми заплениле наводен имот3.Орце да не оди во затвор а за тоа да жртвува три стана и нормално да го жртвува својот углед како и угледот на сите кои застанаа во негова одбрана и кои сите тие и цела јавност до пред пет дена ги убедуваше дека е невин и дека е жртва на политички прогон, кој што углед очигледно не му е важен, бидејќи да му беше важен угледот немаше да влегува во вакви срамни конструкции.Што друго да кажам освен да ги прашам што планираат со вистината?Таа ќе излезе на виделина, порано или подоцна? Како ќе живеат со ова?За сето ова да заврши како што наумиле им треба и судија кој ќе го погази правото и од рекла-казала изјави на обвинети и по некој уценет сведок или роднина на обвинет, без никакво движење на пари или друг имот на мое име или на кој близок, без елементарен доказ од каде таквите пари биле прибавени, без доказ како и на кој начин се уплатени во фирмата која го купила земјиштето и доказ дека тие станови навистина биле мои односно наменети за мене, ќе ги “затвори очите” и ќе потпише пресуда.Во нормална држава во Европа тоа неможе да се случи. Во Македонија веројатно може. Да видиме дали овој судија ќе дозволи да влезе во оваа група на судии кои заради некое унапредување во повисок суд или друга награда, или заради политичко влијание, или можеби притисок и закана, или се заедно, ќе го стави својот углед и чест во залог и засекогаш ќе остане со една голема флека во своето работење.Интересно е што во судот свои изјави дадоа голем број сведоци на одбраната, кои медиумите или не ги споменаа, или мал дел од нив нафрлија по една до две реченици од целиот нивен исказ колку да се каже дека нешто напишале, додека уценетите сведоци од обвинителството добија големо внимание и простор. Но, за тоа во некоја друга прилика“, додава тој.
Македонија | пред 3 години
Со вчерашното изразено жалење што Никола Груевски не е присутен во државата, Христијан Мицкоски призна дека копнее по неговиот ментор и шеф, осуден криминалец во бегство, вели СДСМ„И вечерва Мицкоки не се огради за криминалите на ВМРО-ДПМНЕ и неговиот претходник, за кои има дузина судски пресуди со затворски казни и серија признанија од високи функционери на партијата. Ништо не е променето во ВМРО-ДПМНЕ, тоа е старата нереформирана партија, симбол на криминал и корупција. Самиот Мицкоски е опркужен со кадри на режимот кои се дел од судски процеси за милионски криминал, корупција и злоупотреба на парите на граѓаните.Талир, Титаник, Моќник, Плацеви на Водно и безброј други предмети пред македонските судови.Тоа е ВМРО ДПМНЕ“, се вели во соопштението.
Македонија | пред 3 години
Правосудниот систем во Македонија го достигнува највисокиот степен на брутален и невиден политички прогон. Со пресудите и со обвинетите се тргува како на пазар. Се тргува и се продаваат луѓе и човечки судбини заради политички цели, вели поранешниот премиер Никола Груевски.„Или подобра метафора е дека сведоците и обвинетите се принудуваат со пиштол на чело да потпишат или дадат изјава која и е потребна на власта и обвинителството за да ги остварат своите валкани и подмолни зацртани цели. Или поинаку метафорично кажано со веќе вбризган отров и против отров на масата пред нив кој би им го дале доколку потпишат или изјават нешто што обвинителството посакува.Ова не е правда. За правда треба докази а не изнудени лажни изјави со брутални методи кои немаат врска со демократија, кој немаат врска со фер постапка и кој имаат врска само со желба и порив за уништување.Ова е перфидна игра која е полоша и од војна бидејќи во војната сепак има некои правила.Ова не е правда. Преблаго е ако кажам дека ова не е фер, бидејќи станува збор за нешто многу полошо и пострашно. Ова го нема ни во Африка.Ваквиот начин на добивање на пресудите очигледно стана пракса во Македонија, бидејќи поинаку и неможат да ги добијат. Сега сите оние кои немаат доволно силен интегритет и лична доблест, одкако видоа што се случи во Титаник бараат спас во тоа. Од друга страна ова е единствен спас за обвинителството да излезе како некаков победник во оваа валкана игра. Но, тоа ќе биде привремена победа. Тоа ќе биде пирова победа.Во последните денови обвинителката Лиле Стефанова која во последните 7-8 години се занимава речиси без исклучок со конструирани случаи против лица од ВМРО-ДПМНЕ, по истата методологија како во Титаник, нудејќи милост на други обвинети со пресуди кои нема да ги однесат во затвор, очигледно викајќи ги еден по еден обвинетите направила нечесна спогодба како на пазар со повеќето обвинети, со која доколку ги сменат досегашните изјави и целата вина ја префрлат на мене, ќе им даде ослободителна пресуда или блага казна со која не би оделе во незаслужен затвор.Доколку го добие тоа што треба обвинетите да и испорачаат, ќе прати порака на судот за видот и висината на казната, овој ќе ја преточи во пресуда, и нема да следи жалба бидејки обвинителот е задоволен, обвинетите се задоволни, сите се задоволни. Освен правдата, правичноста и вистината, употребени во обид за мое уништување и осудување со долгогодишна казна затвор.Луѓе кои цела година и половина се под тортура, по притвори, под закана, итн, и ги издржаа тие премрежија и предизвици, се бранеа со сите сили, докажувајќи ја вистината, докажувајќи дека обвинението кон нив и кон сите е лажно, невистинито и конструирано, кои ги издржаа сите тие репресии, на крајот кога веќе обвинителството беше пред пораз со овој лажен и конструиран случај, соочени со моќта и безкурпулозната бруталност на власта преку обвинителството, подклекнаа и одлучија да “продаваат” други луѓе за да се спасат. Не се тоа “предавања”, бидејќи предавање претпоставува дека нешто се случило па некој кажал за тоа, туку тоа е прифаќање на нечесната понуда за “продавање”, со цел тргување за сопствен спас, со што прифаќаат срамно да се спасуваат.Конструирањето на политички мотивирани случаи со обезбедување лажни докази во првите случаи на обвинителството пред 7-8 години, преку копии од аудио матерјали чии оргинал никогаш не се презентираше и што е спротивно на закон, а кои беа модифицирани, кратени и селективно објавувани и употребувани во судските случаи, а подоцна и со изјави од уценети сведоци или обвинети на кои им поставуваат услов дека единствен начин да не ги уништат и стават во долгогодишен затвор е давање лажна изјава со која мене би ме обвиниле и осудиле.Прогон во незамисливи димензии, кој еден ден ќе влезат во учебници за партиско контролирани и раководени обвинителства кои вршат политички прогон со најбрутални методи.Денес во судот прв изјава даде обвинетиот во случајот “Плацеви Водно” Ристо Новачевски кого во 2020 година го ставија во притвор со цел да изнудат изјава каква што сакаат, која од тогаш па до денес ја промениле со цел да биде уште полоша за мене.Шпекулациите на медиумите уште кога Ристо Новачевски излезе од притвор без посебни мерки, беа дека е уценет и договорен да служи како инструмент на обвинителството со цел да се спаси со ослободителна, условна или некоја друга ниска или симболична казна, независно дали тоа ќе се случи на првостепениот суд или на повисоките судови се покажаа точни, освен во делот дека тој ќе биде сведок како што очекуваа.Но обвинителството за да го држи под цврста контрола до последен момент, наместо сведок го направи обвинет и буквално му диктира што да каже во денешната изјава.Во обвинителството беа свесни дека во случајот “Плацеви Водно” имаат загубен предмет и на Ристо Н. гледаат како на последна шанса да се вратат некако во игра, иако било кој од стручните лица ако ги прашате ќе кажат дека тежината на исказот на обвинет кога говори против некој друг за себе да се ослободи е никаква, бидејќи се смета дека обвинетиот може да лаже за да си помогне себеси за разлика од сведокот, (освен сведоци кои се исто така обвинети и уценети во друг случај и се под закана во случајот на истиот обвинител во други предмети).Ристо Новачевски денес кажал дека сум го повикал и сум му кажал дека сакам да правам градежна фирма и да се бавам со градежништво, па сум му предложил тој да биде управител.Ристо Н. срамно лаже. Тоа не е вистина. Никогаш не сум помислил да правам градежна фирма а уште помалку Ристо да е управител. Никогаш преку никаква и ничија фирма или лице не сум купил земјиште или станови. Преку овој лажен исказ сакаат да кажат дека кога бев премиер, кога работев по 15 часа на ден да ја при движам земјата напред, и кога Македонија под мое водство како премиер редеше успеси на секое поле, економијата растеше со највисоки стапки во Европа и имавме успешни реформи на секое поле, јас сум сакал да станам градежник. Тоа е бесрамно лага.Ристо Н. денес во изјавата се надминал себеси и од изјавата која ја дал кога бил во притвор во 2020 година. Тогаш таму потпишал исказ дека сум го викнал и сум му понудил да биде управител на фирма на некои странски инвеститори. Тоа е неговата изјава во есента 2020 година. Тогаш не вели дека јас сум сакал да правам градежна фирма туку дека странски инвеститор бара управител и дека тој прифатил.Ова е всушност трета негова изјава на оваа тема и сите три се различни.Во првата изјава во обвинителството уште во август 2015 година тој кажал дека одреден бизнисмен кој за жал денес не е веќе жив го викнал на средба и му го понудил местото управител во фирма на странски инвеститор кој сака да вложува во земја и градба на куќи. На прашање на обвинителот дали Никола Груевски има некаква врска со тоа, Ристо Новачевски одговорил дека Никола Груевски нема ништо со оваа компанија, ниту пак со локациите.За ова, како и за втората изјава постојат записници потпишани од него и секако од обвинителот.Пет години подоцна во 2020 година во втората изјава дадена додека е во притвор и под закана, наместо конкретно споменатиот бизнисмен, како лице кое му понудило да биде управител на странска фирма во сопственост на странски инвеститори, спротивно на претходната негова изјава лажно ме посочува мене, дека јас сум му го кажал тоа.Во меѓувреме во овие година и половина соочена со губење на предметот на обвинителката и дошла на памет уште поконкретна формулација за да ме обвинат мене, па денес во оваа трета верзија во судот се објаснува дека јас не сум му рекол дека е тоа за некој странки инвеститор туку дека е моја фирма и дека јас сакам да се бавам со градежништво со таа фирма.Во меѓувреме заборавија дека на почетокот со месеци, речиси една и пол година ме обвинуваа дека сум сакал да градам куќа во која би живеел.Одкако фотографиите кои ги лиферуваше обвинителството во јавноста со некаква луксузна куќа, се испостави дека се извадени од некој австралиски магазин за убави куќи во Австралија, сега приказната ја променија и тврдат дека сум сакал да имам градежен бизнис на тоа земјиште, што значи да градам и продавам куќи. Практично во самиот финиш го менуваат обвинението.Не разбирам како не им е срам вака лажејќи сами себе да се побиваат, односно да си ги менуваат претходните лаги со нови на начин што и мали деца не го прават тоа во нивните игри.Тоа е срамно лажење, а уште посрамно е со какви средства обвинителството се обидува да издејствува како што тие ова го нарекуваат со зборот “Победа”, кога разговараат со околината за овој и другите случаи од политичкиот прогон.Каква победа е таа со лаги, интриги, изнудени изјави, давање милост во ист или друг предмет против обвинетире, местења на судски случаи и уцени на луѓе да дават лажни изјави во судот за да одбегнат долгогодишен затвор? Тоа не победа. Тоа е зло!Се фалат со докази од меѓународна правна помош од Кипар, а не кажуваат дека ниту сум уплатил таму пари, ниту во готовина ниту жирално преку банка, ниту мој близок уплатил, ниту било кој од Македонија.Едно време тврдеа дека со готовина од партијата прибрана од чланарини и донации сум го купил земјиштето. Од доказите и вештачењата кои сами ги нарачаа излезе дека формата која го купила земјиштето немала примено никаква готовина или популарно наречено “кеш” од никаде.Нивните “победи” се со играње со човечки судбини, со ставање и држење луѓе во притвор додека не им прифатат да дадат изјава каква што сакаат, со уцени и лажни конструкции.Еден експерт во правото кој го познава случајот неодамна ми рече: “Ристо Н. е “измислен обвинет” за да се принуди да дава изјава против тебе. Тој нема прекршено закон, но ставен во притвор и уценет, со влезени инспекции во неговите фирми со цел да ги уништат, доаѓа до заклучок дека и без прекршување закон може да биде осуден во оваа држава, освен ако не даде изјава со која тој нема да биде осуден на ефективен затвор но со лажно сведочење ќе помогне тоа да бидам јас.Ристо Новачевски е крајно контрадикторен во целата изјава. Тој вели дека сум му кажал дека тој треба да биде управител, а Алек (Александар Ивановски) ќе ја завршел работата. А самиот Алек во изјавата кажа дека тој речиси не се познавал со мене. Дека никогаш јас не сум побарал да ми купи земја или стан, ниту било кога сме ја разговарале таа тема.Немањето логика се гледа во тоа што ако Алек ми бил близок за тој да ја “брка работата” зошто Ристо а не Алек би го ставил за управител во ситуација кога навистина би го правел тоа.Подоцна изјава дал и Орце Камчев. Тој во сите негови изјави досега како во обвинителството така и во судот тврдеше дека Ристо Новачевски му го понудил земјиштето да го купи и нему му се допаднало за градба на рехабилитациони центри и затоа го купил.Издржа во неговата борба за докажување на вистината цели осум месеци притвор со тешки репресии и кога излезе од притворот низ неговите прашања кон сведоцие пак го тврдеше истото и куп сведоци донесе да кажат каков рехабилитационен центар сакал да гради и колку му било значајно тоа и дека не увидел никаква поврзаност на фирмата која го продава земјиштето со мене. Дури докажуваше и дека воопшто не сме биле блиски, што е точно.Денеска во очигледно во последните денови координиран договор и тој кажал дека Ристо Новачевски му го понудил земјиштето да му го продаде и дека му рекол дека било мое, а тој го купил плашејќи се од одмазда од мене ако не го купил. Значи било кој што се знае со мене ако му понудил на Орце нешто да купи тој ќе купил без да провери дали е тоа така. Такво нешто Камчев никогаш не би направил, но во лагите се е можно.И Орце Камчев “се испазарил” и “преку ноќ” ја сменил изјавата и погазил се што збореше до сега, изјава за која цела јавност ја убедуваше дека е вистина и жестоко ја напаѓаше обвинителката речиси на секое рочиште дека прави лажна конструкција. Уште и додал дека земјиштето го платил или трампал со некакви три апартмани во некоја зграда со име “Панорама” или слично на тоа, нешто што никогаш не се случило, ниту пак имам или некогаш сум имал такви апартмани во вкупна големина од 750 мкв кои чекале за примопредавање, со што сам се негира дека ми дал некаква компензација.На прашање дали сум ги превзел тие станови, кажал дека не сум ги превзел и дека ми ги чувал Мето Стојчевски, кој е зет од сестра на Орце Камчев. Какви лаги!!! Неверојатно!!! Неможам да поверувам!!!Ниту поседувам такви станови, ниту сум ги договорил со некој, ниту некој ми ветил или ми чува станови некаде, каде незнам ни каде точно е тоа, ниту со некого сум договарал такво нешто.Па вака секој што има станови може да каже еве овие станови кои не ми се продадени ги чувам за Груевски. Еден ден да му ги дадам и да ги превземе.Каква лудост!Ја посочил неговата сестра Тина Камчева, дека наводно преку неа сум му праќал пораки што да правел и како да постапувал. Ако сум сакал да му кажам нешто, зошто тоа би го правел преку сестра му. Па тој во тоа време би долетал да се сретне со мене ско сум сакал да го викнам на средба, како што би долетал кај било кој премиер да го повика. Зошто би одел преку сестри, браќа, зетовци и слично ако ми требало услуга од Орце Камчев?Со Тина Камчева и со Мето Стојчевски се познавам и неколку пати семејно сум се сретнал, но никогаш ниту сум праќал пораки на Орце за некакво земјиште и станови, ниту нешто што наликува на тоа. Претпоставувам дека сега и нив ќе ги викаат за сведоци да го спасуваат со лажно сведочење нивниот брат и шура. Јас незнам како сите овие луѓе мирно ќе спијат после сето ова, како ќе се справуваат со грижа на совест местејќи ме мене за да се извлечат, како ќе живеат со тоа.Во панична реакција за себе спасување Орце Камчев кој судскиот процес го започна со тоа дека ќе докаже дека е невин пред судот заради неговата чест, честа на неговиот покоен татко Илија Камчев и на неговите деца и дека се ова е лажна конструкција против него, за да го заврши панично прифаќајки да биде соработник на власта, и вовлекувајќи ја и неговата сестра и зет во измислени малверзации за перење пари, бидејќи измислената компензација во станови исто така е перње пари.И конечно, Орце Камчев година и пол зборува друга приказна. Јас немам никаква политичка моќ и се прашувам од која одмазда и од кого до вчера кажуваше сосема обратно од тоа што денес го кажа.И извесен Нено Јосифовиќ близок на Орце Камчев кој лично никогаш не сум го сретнал во неговата изјава кажал дека Алек Теранова му рекол дека фирмата му треба за Никола Груевски, а самиот Алек кажа дека никогаш не сум зборел со него на таа тема.Оваа игра е смислена неодамна и е набрзина обмислена, па така многу од денешните изјави се контрадикторни на доказите на обвинителството.Невидена игра, како во холивудски филм. Но во тие филмови секогаш победува правдата и вистината. За сега ми останува да верувам дека порано или подоцна и во оваа голема хајка на власта против мене, во која не се бираат средства, ќе победи вистината“, додава тој.
Коментари | пред 3 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
