камери

Казниле илјадници возачи, па признаа грешка: Камерите биле погрешно наместени

Илјадници возачи во Велика Британија биле погрешно казнети за пречекорување на брзината поради проблеми со сообраќајните камери, откако на одредени делници било променето ограничувањето на брзината.Како што потврдија од Националните автопати, вкупно 2.650 возачи од 2021 година наваму биле казнети по грешка и добиле казнени поени, иако не направиле сообраќаен прекршок.Проблемот се појавил на патишта од А-категорија и на автопатите со променливи ограничувања на брзината, каде што камерите не биле навреме прилагодени по зголемувањето на дозволената брзина на одредени делници, пренесува Ревија ХАК.Од Националните автопати им се извинија на сите засегнати возачи и најавија дека ќе им биде надоместена штетата, а сите неправедно доделени казнени поени ќе бидат избришани.

Магазин | пред 1 седмица

Од утре стартува ‘Безбеден град’: камерите ќе снимаат, од јануари ќе казнуваат, ако сторите прекршок ќе добиете известување

Од утре, 1 декември, камерите на „Сејф сити“ поставени на скопските булевари и раскрсници ќе почнат автоматски да ги регистрираат сообраќајните прекршоци, како дел од стартувањето на системот „Безбеден град, безбедна држава“. Министерството за внатрешни работи најави дека до Нова година ќе трае пробниот период во кој прекршителите ќе добиваат само предупредувања, додека од 1 јануари системот влегува во целосна примена и ќе се испраќаат казни.Портпаролот на МВР, Гоце Андреевски, изјави дека нема да има толеранција за прекршоците регистрирани со камера и дека санкционирањето ќе биде согласно Законот за безбедност на сообраќајот, без разлика дали се работи за населено место, автопат или експресен пат. Најпрвин ќе се документираат пречекорување брзина, минување на црвено светло, возење со истечена важност на сообраќајната дозвола и непрописно паркирање, а во следната фаза ќе се додаваат нови видови прекршоци.Секој сопственик на возило чие прекршување ќе биде регистрирано ќе добива СМС и мејл со линк за преземање на записникот и платниот налог. Рокот за плаќање половина казна е осум дена од приемот на известувањето, а по неговото истекување износот мора да се плати целосно во наредните осум дена пред да започне присилна наплата. Казните ќе може да се плаќаат електронски, по што системот автоматски го известува МВР дека глобата е подмирена.Во последните години, јавноста беше сведок на низа фатални сообраќајни трагедии, особено прегазувања на пешаци на пешачки премини од возачи кои возеле со брзина многукратно поголема од дозволената. Дополнителен проблем е масовното непрописно паркирање, со што тротоарите и велосипедските патеки често се непроодни. Граѓаните се поделени околу тоа дали камерите ќе ја подобрат состојбата, но дел од нив сметаат дека строгите правила и автоматските казни ќе ги дисциплинираат најдрските возачи.Министерот Панче Тошковски претходно најави дека во првата фаза камерите ќе функционираат во Скопје, Тетово и Куманово, како и на автопатите и експресните патишта по Коридорите 8 и 10. До средината на следната година треба да биде покриена целата држава. Целта, како што посочуваат од МВР, е поредовен, побезбеден и пофункционален сообраќај.Од утре камерите ќе снимаат и предупредуваат, а веќе на стартот на 2026 година ќе почнат да казнуваат. Дали технологијата ќе ги вразумни возачите, ќе стане јасно многу брзо.

Скопје | пред 1 месец