КОЧАНИ

Уапсени возачи од Куманово и Кочани затоа што управувале возила под дејство на алкохол

Министерството за внатрешни работи информира дека во текот на вечерните и ноќните часови на 22 и 23 август 2025 година, полициски службеници привеле тројца возачи кои управувале моторни возила под дејство на алкохол.Во Куманово, на 22 август во 22:50 часот, на крстосницата меѓу улиците „Народна револуција“ и „Тоде Думба“, бил лишен од слобода 44-годишниот Д.Ј. од село Биљановце. При контрола било утврдено дека возел „Цитроен“ со 1,96 промили алкохол во крвта. Неколку часа подоцна, на 23 август во 02:59 часот, полицијата на улицата „Ленинова“ го привела и 51-годишниот Б.М. од Куманово, кој управувал „Ауди“ со 2,04 промили алкохол.Во Кочани, пак, на 22 август во 21:10 часот, полициски службеници од ОВР Кочани го привеле 47-годишниот Е.Д. кој возел со 1,59 промили алкохол во крвта.Сите лица биле задржани во полициските станици, а против нив ќе бидат поднесени соодветни кривични пријави за „безобѕирно управување со моторно возило“ по член 297-а од Кривичниот законик.

Македонија | пред 9 месеци

(Видео) Мицкоски на гробишта во Кочани, родители се пожалија на притисоци и заплашување

Родителите на дел од загинатите деца во дискотеката „Пулс“, се сретнаа со премиерот Христијан Мицкоски, кој при посетата на Кочани, беше да запали свеќи на градските гробишта. Тие му ги кажале проблемите со кои се соочуваат, се пожалиле на притисоци. Имале забелешки и на постапувањето на институциите.„Само што ќе се објави нешто од наша страна, од родителите, веднаш од сите страни почнуваат со клевети, навреди и сето тоа ни е дополнителен стрес“, рече мајка на загинато дете, а Мицкоски возврати: „Ова е слободна држава, сѐ што мислите да правите, да кажете, да објавите, сѐ што мислите, од мене имате поддршка“.На ова мајката возврати: „Од вас можеби имаме поддршка, но на претходниот Марш имаше луѓе што сакаа да дојдат од Штип, од Виница, но кај 'Национал' се сопрени, претресни и е правено претрес. Тие не се убијци, атентатори...“„Секој кој што сака да се прилучи и да даде поддршка, ја има мојата поддршка, секој, еве јавно кажувам, пред камера овде. И никој нема право ниту да ве претресувани ниту да ве легитимира, надвор од законот“, рече Мицкоски.На гробиштата, Мицкоски беше придружуван од пратеникот Миле Лефков, кој досега, не се приклучи на ниту еден Марш на родителите, иако беше повикуван. Тој е единствениот пратеник во македонскиот парламент кој доаѓа од Кочани.

Македонија | пред 9 месеци

Мајката на Ивона Антова: „Немаме душа за вашата злоба, ја носиме најголемата болка“

Мајката на загинатата Ивона Антова, една од младите жртви во трагичниот пожар во кочанската дискотека „Пулс“, јавно реагираше на социјалните мрежи по коментарите и шпекулациите што кружат во јавноста. Стојка Иванова Антова упати потресна порака во која зборува за семејната болка и за односот на дел од јавноста кон нивната трагедија.„Да, вистина е – ја изгубивме нашата единствена ќерка, нашата Ивонче. Тоа е најтешкото нешто што може да му се случи на човек. Болка што не се кажува со зборови, живот што ни згасна, иднина што ни ја украдоа. А вие зборувате за џип, мотор, пари… Зарем мислите дека тоа може да ја замени нашата Ивонче?“, напиша таа.Антова нагласува дека семејството со години штедело за иднината на нивната ќерка, за студии, диплома и семеен живот кој никогаш нема да се оствари.„Џипот што ви боде очи беше нејзина желба, а моторот е на кредит – за нејзиниот татко барем малку да ја олесни болката и лутината. Што знаете вие што е кога ќе останеш со празна соба и тишина што убива?“, додава таа.Мајката истакна дека по трагедијата единствена помош добиле од хуманитарната организација во износ од 1.520 евра и од Црвениот крст 300.000 денари, средства кои, како што вели, стојат недопрени.„Затоа – оставете нè. Доста ни е. Ние си ја носиме најголемата болка. А вие – живејте со вашата злоба, ако тоа ве прави ‘среќни’“, порачува Антова во нејзината објава.

Македонија | пред 9 месеци

Повредените од „Пулс“ и натаму зависат од донации, ниту третата тура компресивна облека не беше платена од државата

Помошта за тешко повредените во пожарот во кочанската дискотека „Пулс“ (16 март 2025) и натаму доаѓа преку донации. И покрај јунските ветувања на институциите дека државата ќе ги покрие трошоците за неопходната терапевтска опрема, реалноста покажува дека компресивната облека што е од витално значење за заздравување од изгореници ја обезбедуваат само граѓани, компании и дијаспората преку движењето Support Kocani. Вчера пристигна третата пратка компресивна облека со вредност од 2.193.047 денари (околу 35.555 евра), која повторно целосно е финансирана преку донации и предадена на Општата болница во Кочани.-Со оваа пратка се опфатени втората тура на нарачки од првите две групи кои се корисници на компресивна облека. Овој пат се обезбедени вкупно 176 парчиња специјализирана компресивна облека.Благодарност до секој поединец, компанија и пријател кој се вклучи со своја донација. Голема благодарност и до компаниите Julius Zorn GmbH и Health 2000, објави иницијативата.Ветувањата на институциитеНа 19 јуни, директорот на Фондот за здравствено осигурување, Сашо Клековски, јавно изјави дека „сите здравствени потреби на повредените од Кочани ќе бидат на товар и поддржани од државата на долги стази“, а болницата во Кочани ќе биде централна установа за грижата. Ден подоцна, директорката на болницата, д-р Катерина Паниќ-Мирчовска, најави дека пациентите ќе добиваат и втор сет компресивна облека, бидејќи носењето е задолжително најмалку две години.Реалноста на терен е сосема поинакваПрва пратка: на 16 јуни беше доставена облека во вредност од 923.458 денари, платена од донации.Втора пратка: на 8 јули пристигнаа 43 парчиња компресивна облека изработени по мерка за 17 повредени лица, со вредност од 283.802 денари, повторно донација.Трета пратка: денес, 18 август, донирана е најголемата набавка досега – вредна 2.193.047 денари.Со ова, вкупната вредност на трите испораки надмина 3,4 милиони денари (околу 59.000 евра) – сите обезбедени преку донации, иако државата претходно вети поинакво сценарио. Од најавената институционална поддршка, засега не е реализирана ниту една набавка. Повредените продолжуваат да ја добиваат неопходната облека исклучиво преку солидарноста на граѓаните и дијаспората.

Македонија | пред 9 месеци

Тројца уапсени во Кочани и Виница – пронајдени дрога, ваги и опрема за пакување

Во два одвоени случаи лишени од слобода три лица во Кочани и кочанско, кај нив е пронајдена дрога, информира МВР.На 18.08.2025 во 15:40 часот во Кочани, полициски службеници од СВР Штип – ОВР Кочани го лишиле од слобода Б.Д.(22) од Кочани. На место викано „Индустриска зона“ во Кочани, полициските службеници извршиле преглед кај лицето и во возилото „бмв“ со кочански регистарски ознаки, кое го управувал, при што пронашле и одзеле марихуана, грендер исполнет со марихуана и дигитална вага. Подоцна, со судска наредба, бил извршен и претрес во неговиот дом, при што биле пронајдени и одземени марихуана и други предмети за кои постои сомнение дека потекнуваат од кривично дело.Исто така, на 18.08.2025 во 22:00 часот во Грдовци, кочанско, полициски службеници од ОВР Кочани ги лишиле од слобода Г.П.(32) и А.А.(29), двајцaта од Виница. Полициските службеници запреле патничко возило „фолксваген голф“ со швајцарски национални ознаки, кое го управувал Г.П., а сопатник бил А.А., при што забележале дека сопатникот од возилото фрлил пакување со марихуана, кое било пронајдено и одземено. Додека, при преглед во возилото билепронајдени и одземени бела прашкаста материја, марихуана и грендер.Лицата биле задржани во полициска станица и во координација со јавен обвинител со нив бил извршен службен разговор. По целосно документирање на случаите против нив ќе бидат поднесени соодветни пријави.

Македонија | пред 9 месеци

Кривичен: Обвинителниот акт за несреќата во Кочани сè уште во фаза на оцена, пристигнати 40 приговори

Основниот кривичен суд – Скопје информира дека обвинителниот акт поврзан со несреќата во Кочани е во постапка на оцена пред Советот за оцена на обвинителен акт. Досега се доставени 40 приговори од обвинетите и нивните бранители, кои веќе се испратени до надлежното обвинителство. Судот посочува дека станува збор за обемен предмет со 37 обвинети физички и правни лица и голем број оштетени и докази, нагласувајќи дека сите законски рокови и права на странките мора да бидат почитувани за да не се загрози процесот.-Обвинителниот акт КООА 155/25 е во фаза на оцена пред Совет за оцена на обвинителен акт. До овој момент до судот доставени се 40 приговори од обвинетите и нивните бранители кои веќе се експедираат на надлежното јавно обвинителство. Примените приговори се во фаза на анализа од советот за оцена по што треба да биде донесена одлука за која странките и јавноста ќе бидат известени.Како што посочивме и во соопштението од 18.07.2025 година, станува збор за обемен обвинителен акт со голем број докази и оштетени лица, како и 37 обвинети правни и физички лица и судот ги презема сите Законски обврски за навремена оцена со доследно почитување на правата на странките. Заради појаснување на медиумите, но и на целокупната јавност како пример ќе посочиме други обвинителни кати кои се однесувале на 30 и повеќе обвинети лица па така:Обвинителен предмет КОК ООА 21/25 во јавноста познат како „Адитив“ против 36 обвинети правни и физички лица, поднесен на 27.02.2025 год., по исполнување на сите Законски предвидени рокови, оценет на 06.05.2025 год.,Обвинителен предмет КОК ООА 5/24 во јавноста познат како „Синџир“ против 41 обвинети правни и физички лица, поднесен на 23.01.2024 год., по исполнување на сите Законски предвидени рокови, оценет на 22.04.2024 год.,Обвинителен предмет КОК ООА 10/18 во јавноста познат како „27 ми април“ против 30 обвинети лица, поднесен на 27.03.2018 год., по исполнување на сите Законски предвидени рокови, оценет на 22.06.2018 год.Односно предмети кои биле и со помал број на обвинети лица, а бил оценувани вон судска ферија и годишни одмори кои ги користат адвокатите, потребни биле околу 3 месеци за нивна оцена.Судот апсолутно го разбира интересот на јавноста за оваа постапка, но Законодавецот предвидел прецизни рокови и права кои мора да бидат испочитувани како од странките во постапката така и од судот, се со цел да не се случат пропусти во постапката кои во иднина може да ја компромитираат судскиот процес, се наведува во соопштението на судот.

Македонија | пред 9 месеци

Support Kocani ја обезбеди третата донација на компресивна облека во износ од над два милиона денари за повредените од пожарот во Кочани

Граѓанската иницијатива Support Kocani ја реализира и третата пратка компресивна облека, наменета за преживеаните лица од пожарот во Кочани. Облеката е веќе предадена на Општата болница во Кочани, со цел да се овозможи правилна рехабилитација и побрзо заздравување.Вредноста на оваа набавка изнесува 2.193.047 денари (35.555 евра), а средствата се целосно обезбедени исклучиво преку донации од граѓани, компании и поддржувачи од земјата и дијаспората. Со ова, вкупната вредност на досегашните три испораки надминува 3,4 милиони денари.Со оваа пратка се опфатени втората тура на нарачки од првите две групи корисници на компресивна облека. Во оваа донација вкупно се обезбедени 176 парчиња специјализирана компресивна облека, изработени по индивидуални мерки за секој од засегнатите лица.„Благодарение на секој поединец, компанија и пријател кој се вклучи со своја донација, успеавме да ја обезбедиме оваа донација. Воедно, голема благодарност упатуваме до компаниите Julius Zorn GmbH и Health 2000 кои кои што овозможија квалитетна и навремена медицинска помош. Солидарноста и хуманоста се силата што нè движи напред,“ порачуваат од Support Kocani.Иницијативата Support Kocani и понатаму останува посветена на транспарентност, заедничка поддршка и грижа за повредените, сè додека постои потреба.

Македонија | пред 9 месеци

„Спомените нѐ држат“ - по 18 пат родителите и роднините на загинатите во „Пулс“ на марш

Во Кочани денеска се одржува 18-тиот „Марш на ангелите“, собир во чест на жртвите од пожарот во клубот „Пулс“, во кој животот го загубија 62 млади лица. Настанот се поклопува со навршувањето на пет месеци од најголемата цивилна трагедија во поновата македонска историја.„Се навршија пет месеци од најтешкиот ден во нашите животи. Пет месеци празнина во срцето, пет месеци во кои секој здив е потежок од претходниот. Пет месеци без прегратките и гласот на нашите најмили. Во овие месеци болката не стивнува. Спомените нѐ држат исправени“, изјави Розета Џамова, сестра на загинатиот Јорданчо Џамов.Организаторите потсетуваат дека маршот не е само чин на сеќавање, туку и повик за правда и одговорност. Роднините на загинатите повеќепати изразија револт поради бавната истрага и недостигот од конкретни резултати.

Македонија | пред 9 месеци

Пет месеци од трагедијата во „Пулс“, потресна порака од мајката на загинатиот Андреј: Моето срце вечно ќе гори за тебе

Утре, 16 август, ќе се одржи 18-тиот „Марш на ангелите“, во чест на 62-та млади животи изгубени во пожарот во клубот „Пулс“ пред точно пет месеци. Настанот ќе започне во 18:05 часот – симболично време што, според здружението на родителите, ја претставува доцната и фатална институционална реакција во ноќта на трагедијата.Мајката на загинатиот Андреј, Марија Петрушова, преку силна и емотивна објава на социјалните мрежи, се потсети на своето дете и упати повик до јавноста: „За мојот најмил Андреј. Утре се навршуваат пет месеци откако мојата душа е осиромашена, откако секој ден болката станува поголема без тебе — мој вечен и непреболен сине. Пет месеци празнина во моето срце. Пет месеци во кои секој здив тежи. Пет месеци во кои спомените се мојата единствена сила. Андреј, сине на мајка, ти си во секоја моја мисла, во секој поглед, во секој мој здив. Знај, сине, никогаш нема да бидеш заборавен. Сите твои и мои роднини, другари и пријатели се мојата сила и поддршка. И утре, како и секогаш, ќе бидат покрај мене на Маршот на ангелите — затоа што знаат дека правдата сама од себе не доаѓа... Но, синко мој, реалностa, за жал, е сосем друга. Очигледно мора секоја сабота да потсетуваме дека сте постоеле, дека болите, и дека ние, родителите, никогаш нема да замолчиме — колку и да се надеваат некои. Затоа, ако имате слободен еден час, а мислите дека трагедиите не се ваша работа — тогаш, слободно, останете дома. Но, ако во вас има трошка емпатија и болка, како што велите, тогаш покажете — и придружете ни се“Петрушова додаде дека љубовта и вистината „не можат да се купат, заборават или замолчат“ и порача дека родителите нема да се откажат од борбата за правда за своите деца и побезбедна иднина за сите.Здружението на родителите и роднините на загинатите упати јасна порака: „Да чекориме заедно со љубов и чест кон нашите деца, обединети во маршот за правда – за никогаш да не се повтори.“

Македонија | пред 9 месеци

Уапсен виничанец кој се обидел да убие сограѓанин пред кафеана, му нанел четири убодни рани со нож

Во Кочани е уапсен 32-годишен жител на Виница, осомничен за обид за убиство на 7 август пред угостителски објект во Виница.-Полициски службеници од СВР Штип/ОВР Виница по претходно обезбедени оперативни сознанија, вчера вечер (11.08.2025) во 21:15 часот во Кочани го лишија од слобода Н.В. (32) од Виница, поради основано сомнение за сторено кривично дело „Убиство во обид“ на 07.08.2025 пред угостителски објект во Виница.Имено, Н.В. по претходна вербална расправија со нож му нанел четири убодни рани на Д.С. од Виница, по што се дал во бегство.Известен е надлежен ЈО и по целосно документирање на случајот ќе следува соодветен поднесок.

Македонија | пред 9 месеци

Судот сè уште не го одобри обвинението за пожарот со 62 жртви во Кочани

Обвинението за пожарот во т.н. дискотека во Кочани, во кој загинаа 62 лица, а 203 беа повредени, иако поднесено на 13 јуни, сè уште не е одобрено од Основниот кривичен суд Скопје.Според неофицијални информации, 39 адвокати на 34 обвинети поднеле приговори, а Судот чека да истече рокот од осум дена за можни приговори испратени по пошта.Од Кривичниот суд Скопје потврдуваат дека роковите за жалби сè уште траат. За трагедијата во Кочани обвинети се 34 лица и три правни лица.

Македонија | пред 9 месеци

„Маршот за ангелите“ ќе паузира оваа сабота

Родителите на децата кои трагично ги загубија животите во пожарот во дискотеката „Пулс“ во Кочани соопштија дека оваа сабота, на 2 август, нема да се одржи редовниот „Марш за ангелите“. Одлуката е донесена поради државниот празник Илинден, ден посветен на борбата за слобода и достоинство.Во обраќањето до јавноста, семејствата наведуваат дека Илинден е ден кој заслужува тишина, почит и потсетување дека вистинската слобода постои само кога постои и правда – особено за невините.„Иако овој викенд нема да бидеме на улиците, нашата болка, љубов и борба не престануваат. Продолжуваме следната сабота – посветени, обединети и гласни – во име на сите што беа неправедно одземени“, се наведува во соопштението потпишано од родителите на загинатите.Маршевите, кои се одржуваат секоја сабота во Кочани, се еден од начините преку кои семејствата бараат одговорност од институциите за смртта на 62 млади луѓе во трагедијата што се случи на 16 март годинава. Случајот сè уште не е целосно расветлен, а јавното обвинителство и натаму е под притисок од јавноста и медиумите да даде конкретни одговори.Следниот „Марш за ангелите“ е најавен за сабота, 9 август.

Македонија | пред 10 месеци

Левица: Нечовечноста на Владата го остави за министер обвинетиот Шабан Салиу

Односот на Владата на Мицкоски кон трагедијата во Кочани го отсликува отсуството на минимум човечност и одговорност кај вмровските функционери, додека по секоја цена се обидуваат да ја заташкаат темата за дискотеката на смртта. Кулминација на селективна правда и неодговорност кон 62 трагично загинати млади животи е фактот дека еден од обвинетите за трагедијата - Шабан Салиу (коалиционен партнер на Христијан Мицкоски) продолжува да биде дел од владејачката гарнитура како министер без ресор, реагираат денеска од Левица.-Додека родителите од Кочани секоја сабота бараат правда за системскиот колапс кој се случи на 16 март, владата на ДПМНЕ дрско и без никаква морална доблест држи владини прес-конференции со обвинетиот Шабан Салиу, наместо истиот да биде разрешен уште пред три месеци! Потсетуваме дека од 2008 до 2017 година со Дирекцијата за заштита и спасување (ДЗС) раководеше Шабан Салиу, додека ДПМНЕ кога дојде на власт го именуваше неговиот внук Кашмир Салиу за заменик-директор, посочуваат во партиското соопштение.Наместо демонстрирање минимум морална одговорност, како што потенцира Левица, министерот Шабан Салиу дури оди и на судења за трагедијата користејќи службени возила, додека премиерот Мицкоски молчи заради своите коалициони калкулации.-Ваквиот арогантен и нечовечен однос само ја потврдува суровата вистина - дека коалиционите математики на власта се повредни од 62 прерано изгубени животи. За жал, ниту најголемата трагедија во поновата историја не беше доволна за да пробуди морална одговорност и совест кај гарнитурата на власт, и најверојатно Македонија останува единствената држава во светот каде ниту еден функционер не понесе ниту морална одговорност преку оставка, ниту пак беше разрешен од една влада која единствено се грижи за својот рејтинг, нагласува Левица.

Македонија | пред 10 месеци

„Родители го продадовте споменот на своето дете за ситни пари, душата ќе ви оди во пеколот, а таму не се вашите деца“, рече една од присутните на маршот во Кочани

Со транспарент, „Слушнете го гласот на оние што повеќе не можат да зборуваат“, родители, роднини и пријатели на загинатите и повредените во кочански „Пулс“ испратија уште една порака до јавноста и правосудната власт. Тие се обратија и посочија: „Оддаваме почит на жртвите од земјотресот во Скопје и се сеќаваме на храброста на сите кои помогнаа да се роди урбано и модерно Скопје. Пред четири месеци се случи најголемата трагедија во поновата историја, каде поради затајувањето на институциите 62 деца беа пеплосани, а 200 повредени имаат трајни последици, а и уште 300 деца кои не се споменуваат и остануваат со траума“.„Таа ноќ ќе го следи Кочани засекогаш, трагдија која наместо да нѐ сплоти, ни донесе дополнителни удари – политизирање, апатија, презир од одредени поединци, бидејќи парите и моќта се поважни од иднината на идните генерации. Родители, кои го продадовте споменот на своето дете и борбата за правда за ситни пари и подобра работна функција, каде ќе ви оди душата? Во пеколот да знаете. А таму не се вашите деца и никогаш нема да ги видите“, рече родител на загинато дете на 16-тиот марш по ред.Потоа, се обрати Васка Стојанова, мајка на загинатиот Томче, која рече „Сакаме да прашаме до каде е постапката на ОЈО-ГОКК (за полицајците) или чекаат одмори, за да си ги однесат децата на одмор на вода, а ние на нашите деца на гробовите да им фрламе вода за да ги освежиме?“.

Македонија | пред 10 месеци

Апасиев поднесе тужба против Собранието и претседателот Гаши: „Поништувањето на расправата за Кочани е противзаконско“

Лидерот на Левица и претседател на Постојаната анкетна комисија за заштита на слободите и правата на граѓанинот, Димитар Апасиев, денеска објави дека поднел тужба до Управниот суд против Собранието на Република Македонија и неговиот претседател Африм Гаши.Причина за тужбата, како што наведува Апасиев, е одлуката за поништување на надзорната расправа за случувањата во Кочани, која требаше да се одржи токму на Комисијата со која тој претседава. Според него, ваквиот потег е противзаконски.„Денес поднесов ТУЖБА до Управниот суд против Собранието на РМ и спикерот Африм Гаши – за противзаконското поништување на Надзорната расправа за Кочани“, напиша Апасиев на ФБ.

Македонија | пред 10 месеци

(Видео) Гореше куќа во Кочани, спречена е катастрофа!

Куќа се запали во Кочани, а брзата интервенција на Противпожарната бригада спречи катастрофа. Радио Кочани објавни снимки од кои се гледа дека се интервенира со две противпожарни возила. Неофицијално, пожарот е локализиран и е спречено да се прошири на околните објекти.Досега, нема информации за повредени лица. На снимката се слуша паника меѓу луѓето кои се во непосредна близина.Детали се очекуваат од МВР.

Македонија | пред 10 месеци

Темата за Кочани да ја оставиме на политичките лешинари: Мицкоски не сака да ја објави снимката од средбата со родителите

Премиерот Христијан Мицкоски вели болката е преголема за загинатите во дискотеката Пулс во Кочани и сите се уште ја чувствуваме.„Ве молам, таа тема да ја оставиме на политичките глодари и лешинари“, рече Мицкоски прашан дали ќе ја објави целосната видео-снимка од состанокот со родителите на загинатите деца.Состанокот се одржал на 7 јули 2025 година во Владата.Премиерот вели дека сочувствува со родителите, но бара темата да се остави на лицата кои што навистина чувствуваат голема болка, а не на оние кои што сакаат да добијат ситни политички поени.Здружението на граѓани „16-ти Март 2025“ од Кочани вели дека целиот разговор бил снимен од негова страна.„Доколку навистина стоите зад своите зборови и верувате во транспарентноста и чесноста, Ве повикуваме слободно да ја објавите целосната видео-снимка од тој состанок, за јавноста самата да се увери во вистината”, стои во соопштението на здружението.Тие тврдат дека Мицкоски ги навредил бидејќи им рекол дека нивните барања се исти како тие на опозициската СДСМ, партија која достави предлог-закон во Собранието за помош на настраданите и дека како што велат им рекол да одредат деца за нивните деца.Од Владата ја потврдија средбата, но тврдат дека атмосферата и разговорот биле сосема поинакви.

Македонија | пред 10 месеци

Крстевски се извини на семејствата на загинатите во „Пулс“, за музчкиот дел од програмата за Петровден

По бурните реакции од родителите и граѓаните кои изгубија свои блиски во „Пулс“,, в.д. градоначалникот на Кочани Венко Крстевски упати јавно извинување за делот од програмата за Петровден кој содржел музички дел, оценет како непримерен од страна на семејствата.„Се извинувам доколку со мојот потег за музичкиот дел од програмата несвесно сум повредил некого“, напиша Крстевски на своите социјални мрежи, додавајќи дека разбира колку е длабока болката кај родителите и блиските.Во обраќањето, градоначалникот потенцираше дека трагедијата од 16 март не била обична несреќа, туку последица на долгогодишна институционална негрижа, повикувајќи на заедничка промена на системот што ја урниса довербата на граѓаните.„Како в.д. градоначалник, мојата улога не е само административна, туку и човечка. Да бидам со сите граѓани, да слушам, да разбирам и да дејствувам со одговорност и чувство“, порача Крстевски, изразувајќи подготвеност за дијалог и соработка со сите засегнати страни.

Македонија | пред 10 месеци

Партиите да не ни ја користат болката за маркетинг, градоначалникот да се извини, а ние немаме што да изгубиме, рече таткото кој го изгуби синот во пожарот во „Пулс“

Родителите, семејствата и пријателите на младите кои ги загубија животите во пожарот во клубот „Пулс“ повторно излегоа на улиците на Кочани, во нов марш на болката и борбата за правда. Од пред зградата на Општина Кочани, Драги Стојанов – татко кој го загуби својот единец, 21-годишниот Томче Стојанов – се обрати во името на останатите.Во емотивен говор, Стојанов упати остри критики до општинските власти и советниците, обвинувајќи ги за целосна незаинтересираност и игнорирање на семејствата на жртвите.„Немојте да се плашите од нас, бидејќи не сме убијци како тие што ни ги убија децата. Советниците се платени од нас, а не покажаа ни трошка почит. Не дојдоа ниту на еден марш. Тоа е нивната благодарност“, рече Стојанов.Посебен револт изрази кон в.д. градоначалникот Венко Крстевски, кој, како што рече, планирал да организира забава за Петровден, само неколку месеци по трагедијата.„Во Кочани беа убиени 63 деца, а вие организирате веселба. Нема фамилија што не е завиена во црно. Простуваме за грешката, но бараме јавно извинување. Ништо повеќе“, порача Стојанов.Освен обраќањето кон локалната власт, тој испрати и порака до политичките партии:„Ве молиме, од СДСМ и ВМРО – оставете нè на мир. Немојте нашата болка да ја користите за политички маркетинг. Трпението ни е при крај. Немаме што да изгубиме – само вие имате.“На крајот од говорот, Стојанов ја повтори пораката која веќе месеци одекнува од Кочани: дека правдата не е задоволена, и дека тие нема да се откажат – „ни по цена на сопствениот живот“.Маршот, симболично организиран пред општинската зграда, доаѓа неколку дена по најавата за нови судски рочишта и во моменти кога јавноста сè погласно бара одговорност од институциите за трагедијата во која животот го загубија 63 млади лица.

Македонија | пред 10 месеци

Петнаесетти „Марш на ангелите“ во Кочани – во знак на болката, но и упорната потрага по правда

Четири месеци по трагедијата што го потресе Кочани и целата држава, Здружението на граѓани „16 март 2025 Кочани“ вечерва го организира 15. по ред „Марш на ангелите“. Маршот, посветен на сеќавањето на загинатите во пожарот во дискотеката „Пулс“, ќе започне во 18:05 часот, од Паркот на револуцијата.Во соопштението од Здружението, родителите на жртвите повикуваат на заеднички тивок марш – како симболично потсетување на институционалниот молк и реакцијата што доцнела, но и како повик за будност, одговорност и правда.„Маршираме во тишина која зборува гласно – ова никогаш повеќе не смее да се повтори. Ниту за едно дете, ниту за една мајка“, се наведува во повикот.Почетното време на маршот – 18:05 – е намерно избрано, велат организаторите, како симбол на доцнењето што чинеше човечки животи.Во меѓувреме, Кривичниот суд соопшти дека им е продолжен притворот на обвинетите за пожарот во дискотеката. Постапката сега официјално ја презема Основното јавно обвинителство Скопје, кое ќе го води понатамошниот тек на предметот.Според обвинителниот акт, вкупно 37 обвинети – 34 физички и 3 правни лица – се товарат за тешки кривични дела против општата сигурност.На 16 март 2025 година, во кобниот пожар во дискотеката „Пулс“ животите ги загубија 62 лица, меѓу кои и шест деца. Над 200 други беа повредени. Семејствата, јавноста и граѓанскиот сектор и натаму бараат одговорност – не само за сторителите, туку и за сите институции чие (не)делување доведе до ваков епилог.

Македонија | пред 10 месеци

Газдата на “Пулс” останува во притвор, заедно со тројца осомничени - обвинението ќе го застапува скопското обвинителство

Обвинителниот акт за случајот „Пулс“, во кој се опфатени 17 лица, е доставен до Основниот кривичен суд Скопје. Четворица од обвинетите остануваат во притвор, додека за останатите 13 и понатаму се применуваат мерки на куќен притвор. Со ова се означува крајот на истражната постапка, а започнува рокот во кој странките можат да поднесат приговори пред судот да одлучи дали ќе го прифати обвинението.Во продолжение го пренесуваме соопштението во целост:Со оглед на интересот на јавноста за кривичниот предмет поврзан со пожарот во дискотеката „Пулс“ во Кочани, судот известува дека кривичниот совет при овој суд постапувајќи по предлог на Основното јавно обвинителство – Кочани за продолжување на мерките за обезбедување присуство на обвинетите, на обвинетите Д.Ј. од Кочани, Т.Ј. од Кочани, Џ.К. од Скопје и Б.Х. од Скопје им ја продолжи мерката притвор, додека на обвинетите М.С., О.Г., Љ.П., И.Г., М.Г., С.Д., сите од Кочани, потоа Ј.Ј. и Љ.Г. од Скопје како и Б.М и Ш.Х., од Тетово и Е.М. од Виница им се продолжи мерката куќен притвор.Против овие решенија странките имаат право на жалба пред Апелациониот суд Скопје, а советот дополнително ќе одлучува и по предлозите за продолжување на мерките за обезбедување присуство и мерките претпазливост и за останатите обвинети.Во однос на конкретниот обвинителен акт КООА 155/25, како што и претходно веќе информиравме, со одлука на Врховниот суд на Република С. Македонија за стварно и месно надлежен за постапување е определен овој суд, па така на 02.07.2025 година во попладневните часови списите на предметот беа доставени до овој суд, заедно со целокупниот доказен материјал меѓу кој вештачења, медицинска документација, како и техничка опрема одземена во текот на истрагата, која требаше соодветно да се смести и чува во посебни простории. Потоа, предметот и сите предлози се заведоа во АКМИС системот, а во наредниот дек актот е распределен на совет за оценка на истиот.При увидот во списите на предметот, утврдено е дека три обвинети правни лица немаат законски претставник во постапката, по што судот определи претставници по службена должност.Дополнително на 08.07.2025 до судот, од страна на Јавниот обвинител беше доставно доуредување на обвинителниот акт од 01.07.2025 година, кое се однесуваше на генералиите и личните податоци на обвинетите.Откако беа исполнети сите услови, советот издаде наредба за достава на обвинителниот акт со споменатото до уредување, заедно со листа на докази до сите обвинети, нивните бранители и претставниците на обвинетите правни лица поставени по службена должност.Кога истиот ќе биде примен од странките, ќе започне да тече рокот од 8 дена за приговор, а по приемот на сите приговори и истек на Законски утврдениот рок, советот ќе заседава и ќе известува.Исто така, судот ја информира јавноста дека во текот на вчерашниот ден, 17.07.2025 година, во овој суд доставено е решение на Јавното обвинителство на Република С. Македонија РО бр. 367/25 од 15.07.2025 година со кое за месно и стварно надлежно обвинителство за постапување по конкретниот обвинител акт се определува Основно јавно обвинителство Скопје.Судот апсолутно го разбира интересот на јавноста за оваа постапка, но укажува дека должност е да се почитуваат правата на сите засегнати како и законските рокови предвидени во Законот за кривичната постапка, се со цел да не се случат пропусти кои во иднина може да ја компромитираат целосната судска постапка, односно правдата мора да биде брза, но не избрзана, се наведува во соопштението на судот.

Македонија | пред 10 месеци

Премиерот го прочита барањето и рече „одредете си цена за вашите деца“: Родителите на загинатите во Кочани обелоденуваат детали од средба со Мицкоски

„Одредете си цена за вашите деца“ – оваа реченица, како што објавува „Здружението на граѓани 16-ти Март 2025 Кочани“ ја изрекол премиерот Христијан Мицкоски на средбата со родителите на трагично загинатите млади во пожарот во дискотеката „Пулс“ во Кочани.По средбата одржана на 7 јули во Владата, Здружението денеска излезе со обраќање до јавноста. Родителите, видно вознемирени од односот на институциите и содржината на состанокот, обвинуваат за манипулации, игнорирање и длабоко понижување. Нивното барање е едно – правда за 62-те згаснати млади животи.Во продолжение, целосното јавно обраќање на родителите:Обраќање до пошироката јавностВо врска со состанокот со премиерот на Владата на РСМ – 07.07.2025 годинаНие, родителите на починатите деца во пожарот во дискотеката ПУЛС – Кочани, чувствуваме обврска јавно да се обратиме, поради се погласните шпекулации и неточни информации околу нашите поднесени барања до државниотврв на РС Македонија.Што се случи?На 01.07.2025 година, испративме истоветно барање по пошта до:Премиерот на Владата на РСМ – г. Христијан Мицкоски,Претседателката на државата – г-ѓа Гордана Сиљановска-Давкова,Претседателот на Собранието – г. Африм Гаши.Денес, по повеќе од две поминати недели, не добивме никаков одговор ниту од Претседателката, ниту од Претседателот на Собранието.Единствено, на 03.07.2025, нè контактираа телефонски од кабинетот на премиерот и ни закажаа состанок за 07.07.2025 (понеделник) во 17:00 часот во Владата.Иако инсистиравме средбата да се одржи во Кочани – местото каде се случи трагедијата и каде почиваат нашите деца – одговорот беше дека безбедносните услови не дозволуваат премиерот да патува и средбата мора да се одржи во Скопје.И покрај горештините и нашата болка, отидовме во главниот град – со надеж дека конечно ќе бидеме слушнати.На средбата присуствуваа околу 60 родители и членови на семејствата на починатите деца. За повеќето, ова беше прва лична средба со премиерот. Очекувавме барем еден човечки збор, искрено сочувство. Но, тоа не се случи.Наместо тоа, бевме пречекани со површен поздрав:„Здраво, како сте?“ – зборови кои не можат да ја допрат болката на родител кој изгубил дете.На нашето прашање во врска со барањето, премиерот одговори дека го гледа за првпат, дека штотуку му било предадено од службите. На тоа реагиравме бурно, бидејќи уште на 03.07 – кога нè контактираа – ни беше кажано дека барањето е примено и разгледано. На нашиот револт реагираше неговата портпаролка, г-ѓа Марија Митева, објаснувајќи дека во Владата има процедура:• Барањето било заведено на 03.07 во архивата,• На 04.07 било препратено до другите институции,• Дури на 07.07 му било врачено на премиерот лично.Иако не сме правници, неприфатливо ни е писмо адресирано лично до премиерот, без негова дозвола и знаење, да биде разгледувано и препраќано од други институции без негова одлука.Навредата што никогаш нема да ја заборавиме:Премиерот започна да го чита барањето ( кое целосно може да го прочитате во прилог) и изјави дека ќе се задржи само на петте точки, без да ги разгледува воведните делови и правните објаснувања.На првата точка – која се однесуваше на:“Еднократна парична помош за секое семејство погодено од трагедијата, за душевна болка и нематеријална штета, преку Фондот за итна поддршка од државниот буџет…”… добивме одговор кој не само што нè понижи, туку длабоко нè навреди како родители и како луѓе:„Ова барање е исто како предлогот на СДСМ, само што вие немате ставено цена. Одредете си цена завашите деца.“Тоа беше моментот кога болката премина во чиста неправда. Овие зборови ќе одекнуваат засекогаш во нашите срца, како уште една смрт – смрт на достоинството.Јавен повик до премиерот и целата јавност: Доста е!Доста е! Доста со манипулации. Доста со потценување на нашата болка. Доста со лаги и игри врз сметка на животите на нашите деца!Колку пати треба да ви објасниме, да ви повториме, да викаме и да молиме – ние, родителите на убиените деца во трагедијата во „Пулс“, немаме политички агенди! Не сме тука поради партии, не не интересира политика! Нашата единствена цел е правда. Правда за 62 млади животи кои згаснаа во најцрниот ден на нашата држава.Но, наместо разбирање, добиваме манипулации. Наместо сочувство, добиваме потсмев и обвинувања. Наместо поддршка, добиваме директно понижување. Во понеделник, на 07.07 на средба во кабинетот на премиерот ни беше кажано нешто што ниту еден родител не смее да го слушне — ОДРЕДЕТЕ СИ ЦЕНА ЗА ВАШИТЕ ДЕЦА “.Тоа не беше само навреда, тоа беше газење врз спомените, врз болката, врз човечкото достоинство. Ако вие, господине премиер, мислите дека животите на нашите ангели имаат цена, тогаш прашуваме: колку вреди еден човечки живот?Кога ќе можете да го процените тоа, тогаш дојдете и кажете ни ја цената за нашите деца.Нашите деца се херои. Со своите животи, оставија печат врз оваа држава. И ако вие не знаете да ја водите оваа држава, ако не знаете да обезбедите правда и покрај сите докази што ви се ставени на маса, тогаш отстапете го вашето место на некој што знае, што умее, што има совест и храброст.Ние не се плашиме. Иако сме под огромен стрес и со скршени срца, нашиот разум и нашата борба не престануваат.Разликата меѓу нас и вас е што вие се плашите од вистината, а ние се бориме за неа. Вашата неспособност не треба да ја платиме ние. Ниту нашите деца.Судскиот процес уште не започнал. Осомничените шетаат слободно. Сите поврзани, сите заштитени, сите си тераат како ништо да не се случило. А се случи — се случи масовно убиство на 62 деца, и тоа никогаш нема да го заборавиме.Затоа не лажете повеќе. Ни вие, ни обвинителите. Ниедно „ќе видиме“, ниедно „ќе се процесира“ незначи ништо веќе. Додека сте неспособни само да ја одолговлекувате постапката, ние ќе бидеме гласот на правдата — сѐ додека таа не се случи!Нашите деца молчат, но нашите гласови зборуваат за нив. И нема да замолчиме. Ова е почетокот на крајот за неправдата во оваа држава.Со почит и достоинство,Родителите на починатите деца од трагедијата во дискотеката ПУЛС – КочаниЗдружение на граѓани 16-ти Март 2025

Македонија | пред 10 месеци

Владата ги отфрла обвинувањата од родителите на жртвите од Кочани: „Злоупотребата на болката не носи правда“

По јавното обраќање на родителите на трагично загинатите млади во пожарот во дискотеката „Пулс“ во Кочани, од Владата реагираа со соопштение во кое ги отфрлаат како неточни наводите дека средбата со премиерот била понижувачка и нечовечна.„Во моментот се прави злонамерно дефокусирање и злоупотреба на трагичната судбина. Владата е тука за семејствата, за сè што им е потребно и секогаш ќе биде со нив, дури и кога ќе има различни мислења“, велат од таму.Во соопштението се нагласува дека средбата од 7 јули не била прва, ниту последна, и дека премиерот Христијан Мицкоски лично им изразил сочувство на сите присутни, со серија приватни гестови и разговори кои, според Владата, не сакаат да бидат предмет на јавна дискусија од етички причини.„Сведување на дискусијата на „здраво како сте“ и „колку чини“ не ја одразува вистинската дискусија и е навредливо. Намерите и постапките на Владата не се нечовечки – тоа е неточно“, се додава во реакцијата.Од Владата нагласуваат дека болката од трагедијата не е само на семејствата, туку и на целата држава, и уверуваат дека остануваат посветени на поддршката и грижата за родителите.„Ќе се бориме за правда и ќе останеме потпора на семејствата, со конкретни дела. Апелираме трагедијата да не се користи за сензационализам или за донесување осуди врз основа на гнев“, порачуваат од Влада.

Македонија | пред 10 месеци

SupportKocani ја реализираше донацијата за Универзитетската клиника за пластична хирургија во Скопје

Иницијативата SupportKocani успешно ја реализираше донацијата наменета за повредените од трагичниот настан што се случи на 16 март 2025 година во Кабаре клуб „Пулс“ во Кочани со Универзитетската клиника за пластична и реконструктивна хирургија – Скопје.Донацијата е формализирана со потпишување на договор за донација, а вклучува 100 комплети T-LAB PRP KIT, 10 комплети EXOMINE SMART KIT, 4 пакувања аминокиселини и 4 пакувања протеини. Вкупната вредност на донацијата изнесува 286.120 денари, и е целосно обезбедена преку донации од хумани граѓани и компании, кои континуирано ја поддржуваат иницијативата SupportKocani.Донираните материјални добра се наменети за третман и регенерација на кожата, забрзување на зараснување на рани и подобрување на опоравувањето кај пациентите со тешки повреди од изгореници. Нутритивната поддршка претставува дополнителна помош за јакнење на организмот во процесот на рехабилитација.Медицинската опрема и суплементи се веќе доставени на Универзитетската клиника за пластична и реконструктивна хирургија – Скопје, каде активно се користат во третманот на повредените.Во рамки на посетата, тимот на SupportKocani ги посети и пациентите кои сè уште се хоспитализирани на Клиниката и лично им изрази поддршка и желби за побрзо закрепнување.„Продолжуваме со фокусирана, директна и одговорна поддршка за секој поединец кој е засегнат од трагедијата. Оваа соработка со една од клучните здравствени установи во државата претставува важен чекор во обезбедувањето на стручна медицинска нега. Искрено им благодариме на сите хумани граѓани, компании и поддржувачи – токму тие ја направија оваа помош возможна,“ – истакнуваат од SupportKocani.Иницијативата останува посветена на транспарентност, партнерство со институциите и долгорочна грижа за сите погодени лица.

Македонија | пред 10 месеци

„Баравме тишина кога боли“ – писмото на родителите од Кочани

Родителите на децата кои трагично го загубија животот во пожарот во дискотеката „Пулс“ во Кочани упатија јавно обраќање до македонската јавност, откако нивната интервенција на синоќешниот Петровденски хепенинг предизвика поделени реакции.Во писмото тие нагласуваат дека нивното појавување пред сцената во Паркот на слободата не било чин на омраза или инает, туку очаен обид да спречат веселба изградена врз незарасната болка.„Синоќа, кога излеговме пред бината во Паркот на слободата, тоа не беше протест од омраза, ниту од инает. Тоа беше очаен обид – да не дозволиме над нашата болка да се гради веселба. Да не се игра и пее таму каде што сѐ уште одекнуваат последните повици за помош на нашите деца. Нашиот гест, за жал, беше погрешно разбран. Наиде на поделени реакции, дури и на критики. Затоа сакаме да кажеме неколку зборови, не за оправдување – туку за разбирање. Пред да биде закажан Петровденскиот хепенинг, никој не нѐ праша дали можеме да го издржиме тоа. Дали сме подготвени да слушаме музика во истиот град во кој неодамна плачеше цела Македонија. Дознавме од медиумите, и се обративме до градоначалникот – прво со збор, потоа со писмено барање. Само баравме: или да се откажат забавните содржини, или да се премести местото – таму кај што болката не е толку гласна, каде може достоинствено да се слави, без да се гази по нашите незараснати рани. Но, нѐ одбија.Веруваме дека Петровден ќе се слави уште многу години, и така и треба – животот продолжува. Но оваа година, оваа прва Петровден по трагедијата, верувавме дека можеше да се обои со тишина, со светилка, со молитва. Верувавме дека нашата болка ќе биде признаена, не премолчена. Не сме против свадби, матурски прослави, веселби по кафулиња – тоа се дел од животот. Но јавна веселба организирана од Општината, токму сега, токму на неколку чекори од местото каде што сѐ се случи – тоа беше премногу за нас. Тоа не е обид да ви го ускратиме правото на радост – туку повик да не се заборави човечноста. Сѐ што бараме е емпатија. Да нѐ видите како родители кои живеат со вечна загуба. Да не мораме да се бориме и за основното – за тишина кога боли“, велат тие.

Македонија | пред 10 месеци