КУЗМАНОВСКА

„Криминалната ВМРО удри и по студентите, се намалуваат стипендиите, поскапува сместувањето во студентските домови“, вели Кузмановска

На прес-конференција, Стефанија Кузмановска oд Социјалдемократска младина на Македонија денеска остро ги критикуваа измените на Законот за студентски стандард, оценувајќи дека новите решенија претставуваат директен удар врз студентите и нивниот животен стандард.На прес-конференција, Стефанија Кузмановска од СДММ обвини дека власта наместо да го подобрува студентскиот стандард, ја намалува поддршката за младите.„Се намалуваат стипендиите за социјални категории, поскапува сместувањето во студентските домови“, рече Кузмановска.Таа посочи дека со новите законски измени се воведува категоризација на студентските домови во два типа – реконструирани и енергетски ефикасни домови, како и постојни нереновирани домови.Според СДММ, ваквиот модел ќе создаде нееднакви услови за студентите.„Наместо еднакви услови за сите, ВМРО создава двокласен систем во високото образование“, изјави Кузмановска.Од организацијата реагираат и на намалувањето на државната поддршка за сместување и исхрана во реновираните домови, каде државата наместо досегашните 50 проценти ќе покрива до 40 проценти од трошоците.Дополнително, СДММ ја критикува и одлуката за укинување на мерката воведена за време на ковид-кризата, со која студентите што нема да добијат место во студентски дом добиваа поддршка до 6.000 денари за приватно сместување или меѓуградски превоз.Од младинската организација реагираат и на намалувањето на квотата за стипендии за социјално ранливи категории студенти, која според измените ќе изнесува 40 проценти наместо досегашните 49 проценти.„Со оваа власт младите ќе си заминуваат од државата уште порано, барајќи подобри услови, поголема сигурност и поправеден систем“, порача Кузмановска.Од СДММ побараа итно повлекување на законските измени, оценувајќи дека тие дополнително ги осиромашуваат и понижуваат студентите.

Македонија | пред 3 часа

Кузмановска: Европската Унија е единствениот реален пат за подобра иднина на младите

Потпретседателката на Социјалдемократската младина на Македонија, Стефанија Кузмановска, се обрати на годишната конференција во рамки на Програмата „Вили Брант“ за проширување на Европската Унија, на тема „Проширување на ЕУ за новата генерација: Зајакнување на младите“, во организација на Групата на Социјалистите и Демократите во Европскиот парламент, како што наведуваат СДСМ во партиското соопштение.Во своето обраќање, Кузмановска истакна дека европската перспектива на Македонија е загрозена и блокирана од актуелната власт, додавајќи дека сè поголем број млади ја напуштаат државата и својата иднина ја гледаат надвор од земјата, стои во сооопштението.Таа посочи дека сегашната влада се претставува како проевропска, но нема политичка волја за спроведување на клучните реформи, особено во делот на владеењето на правото, што според неа придонесува за одлив на млади луѓе и кадар кон земјите членки на ЕУ, стои во сооопштението.Кузмановска нагласи и дека кај младите расте евроскептицизмот, што го поврза со дезинформации и влијание на анти-европски наративи, при што порача дека тоа претставува аларм за прогресивните политички сили, како што се наведува со соопштението.Во соопштението се наведува дека во завршницата од обраќањето, таа истакна дека младите мора да бидат активно вклучени во процесите од национален интерес, нагласувајќи дека Европската Унија е единствениот реален пат за економска сигурност, социјална стабилност и долгорочен просперитет.

Македонија | пред 3 седмици