МВР

Изгубил контрола и со мотоцикл излетал од пат: тешко повреден маж од гостиварско

Вчера во 16.00 часот во ОВР Гостивар било пријавено дека на локален пат Гостивар - село Лешница - село Долно Јеловце, Ф.М.(39) од село Здуње, гостиварско, управувајќи мотоцикл „јамаха“ со гостиварски регистарски ознаки, изгубил контрола и со мотоциклот излетал од коловозот. Во несреќата со тешки телесни повреди се здобил мотоциклистот, констатирани во Ургентен центар во Гостивар.Увид на местото извршила екипа од ОВР Гостивар.

Македонија | пред 1 година

Со „бмв“ прегазена жена, со тешки повреди пренесена во Клиничка болница Тетово

Вчера околу 08.50 часот во СВР Тетово било пријавено дека на регионалниот пат Тетово - село Волковија, во село Брвеница, тетовско, патничко возило „бмв“ со швајцарски национални ознаки, управувано од Б.Ф.(62) од с.Челопек, удрило во пешакот К.Ј.(68) од с.Брвеница.Во несреќата со тешки телесни повреди се здобила К.Ј., констатирани во Клиничка болница Тетово.Увид на местото извршила екипа од СВР Тетово.

Македонија | пред 1 година

Тешко повредена охриѓанка, „мерцедес“ удри во неа додека била на велосипед

На 16.10.2024 во 17.00 часот во СВР Охрид било пријавено дека на булеварот „Туристичка“ во Охрид, патничко возило „мерцедес“ со охридски регистарски ознаки, управувано од С.Н.(55) удрило во велосипед управуван од А.Г.Ц.(60), двајцата од Охрид.Во несреќата со тешки телесни повреди се здобила А.Г.Ц., констатирани во Специјална болница „Св.Еразмо“ во Охрид. Извршен бил увид од увидна екипа од СВР Охрид.

Македонија | пред 1 година

Претрес во валандовско, пронајдена дрога, приведен дилер

Вчера во 17.30 часот, полициски службеници од СВР Струмица - ОВР Валандово го лишиле од слобода В.М.(27) од село Раброво, валандовско.При претрес во неговиот дом, извршен со судска наредба, биле пронајдени бела прашкаста материја, најверојатно амфетамин, марихуана и предмети со остатоци од прашкаста материја.Лицето било задржано во Полициската станица Струмица, и за настанот бил запознаен јавен обвинител од Основното јавно обвинителство Струмица. По документирање на случајот, против В.М. ќе биде поднесена соодветна пријава.

Македонија | пред 1 година

(Видео) Посредување при проституција, оружје и дрога - детали за акцијата со апсења во Тетово и Охрид

Посредување при проституција, дрога и оружје. Ова се трите работи поради кои има апсења во Тетово и Охрид, дознава „Скопје1“. Полициската акција координирана од Обвинителството за гонење организиран криминал и корупција започна рано утринава, а се вршат претреси на повеќе локации.Според информации на „Скопје1“, акцијата е резултат на подолго време следење на повеќе лица, од кои дел, неофицијално биле и под ПИМ мерки. Овие информации засега се непотврдени, со оглед дека Обвинителството најави детали по завршување на акцијата.„Под раководство на јавен обвинител од Основното јавно обвинителство за гонење на организиран криминал и корупција, во тек е голема полициска акција во регионот на Тетово и Охрид. Се вршат претреси на повеќе локации, има и приведени лица. Со детали од акцијата МВР и ОЈО ГОКК ќе излезат во текот на денот“, велат од Обвинителството.Се огласија и од МВР.„Под раководство на јавен обвинител од Основното јавно обвинителство за гонење на организиран криминал и корупција, во тек е голема полициска акција во регионот на Тетово и Охрид. Се вршат претреси на повеќе локации, има и приведени лица. Со детали од акцијата МВР и ОЈО ГОКК ќе излезат во текот на денот“, велат оттаму.

Македонија | пред 1 година

МВР со детали за вчерашната трагедија: комбето излетало од патот и се превртело, загинатите се од Велес, тешко повредени пет лица

Вчера во СВР Скопје било пријавено дека во 17.35 часот на автопатот Скопје – Велес, пред тунелот кај Катланово, патничко возило „форд транзит“ со скопски регистарски ознаки, управувано од 32-годишниот О.Д. од Велес, излетало од патот и се превртело.Од здобиените повреди на местото на несреќата починале сопатниците А.Н.(37), Ј.А.(47) и Д.Ц.(66), сите од Велес, а смрт констатирал лекар од итна медицинска помош.Додека, со тешки телесни повреди се здобил возачот О.Д. и сопатниците З.С.(59), В.З.(67), Н.Н.(33) и Б.П.(41), сите од Велес, констатирани во Градската општа болница „Св.Наум Охридски“ во Скопје и Комплексот клиники „Мајка Тереза“ во Скопје.Увид на местото на несреќата извршиле увидна екипа на СВР Скопје и јавен обвинител, по чија наредба телата на починатите биле предадени на обдукција.

Македонија | пред 1 година

(Видео) Голема полициска акција во Тетово и Охрид, уапсени се повеќе лица

Под раководство на јавен обвинител од Основното јавно обвинителство за гонење на организиран криминал и корупција, во тек е голема полициска акција во регионот на Тетово и Охрид.Се вршат претреси на повеќе локации, има и приведени лица. Со детали од акцијата МВР и ОЈО ГОКК ќе излезат во текот на денот.

Македонија | пред 1 година

Полициска акција во Охрид, приведени повеќе лица

Рано утрово е спроведена полициска акција во објект на булевар „Туристичка“ во Охрид.Според првичните, неофицијални информации, полициски екипи имале акција за приведување на лица, кои во моментот престојувале во објектот.Наскоро повеќе информации.

Македонија | пред 1 година

Се утврдуваат причините за тешката сообраќајка на автопатот Скопје-Велес, ќе се вештачи комбето, наредена е обдукција на телата

Основното јавно обвинителство Скопје интензивно презема дејствија за утврдување на причините за вчерашната тешка сообраќајна несреќа на автопатот Скопје-Велес.Во текот на ноќта издадени се повеќе наредби за вештачење на траги пронајдени на лице место и за обдукција на починатите.Комбето е подигнато од местото на несреќата и ќе се врши и вештачење со цел да се испитаат сите околности кои довеле до настанот.

Македонија | пред 1 година

Уапсен 34-годишен маж и малолетник од Велес, пронајдена дрога

На 16.10.2024, полициски службеници од Отсекот за недозволена трговија со дрога при СВР Велес ги лишиле од слобода М.Ц.(34) и малолетник, двајцата од Велес, затоа што биле затекнати при купопродажба на зелена растителна материја. Подоцна, со судска наредба бил извршен и претрес во домот на М.Ц., при што биле пронајдени и одземени зелена растителна материја и две дигитални ваги.М.Ц. бил задржан во полициска станица, известен бил јавен обвинител и по документирање на настанот против нив ќе бидат поднесени соодветни поднесоци.

Македонија | пред 1 година

Со тупаници истепал дете во училиштен двор, а потоа со клоци и полицаец, повредена постапка против маж од Кочани

Основното јавно обвинителство Кочани поведе постапка против 24-годишник за кого постои основано сомнение дека ги сторил кривичните дела – Насилство врз дете од член 201-а и Напад на службено лице при вршење работи на безбедноста од член 383 од Кривичниот законик.На 15 октомври, во утринските часови, во дворот на средно училиште во Кочани, осомничениот извршил физичко насилство над дете родено 2008 година, удирајќи го со тупаници по лицето, носот и устата и нанесувајќи му телесни повреди.Петнаесеттина минути подоцна, кога полициски службеници дошле да го приведат лицето, осомничениот им се заканувал и ги навредувал. Во полициската станица во Кочани во еден момент и физички нападнал полицаец оштетениот, удирајќи го со нога неколку пати во пределот на градниот кош и нозете со што му нанел телесни повреди.Јавниот обвинител до судијата на претходна постапка од Основниот суд во Кочани достави предлог за определување мерка притвор за осомничениот.

Македонија | пред 1 година

Пронајдени мигранти во гевгелиско, приведени двајца криумчари

На 16.10.2024 во 14.30 часот во село Богородица, гевгелиско, полициски службеници од Полициската станица за гранични проверки и граничен надзор Богородица ги лишиле од слобода Ф.С(21) и О.Ч.Д.(19), двајцата од Република Турција, со привремен престој во Скопје.При контрола во возилото „сеат ибица“ со скопски регистарски ознаки, кое го управувал Ф.С., биле пронајдени пет лица мигранти од Ирак, од кои едно женско лице и еден малолетник.Додека, при преглед во возилото „цитроен ц3“ со скопски регистарски ознаки, кое го управувал О.Ч.Д., биле пронајдени четири лица мигранти, од кои еден малолетник. Лицата биле задржани во полициска станица, а мигрантите биле сместени во прифатно - транзитен центар во Гевгелија. По целосно документирање на случајот ќе биде поднесена соодветна пријава.

Македонија | пред 1 година

Претрес во Кичево, приведен лихвар

Вчера во 15.30 часот во Кичево, полициски службеници од ОВР Кичево го лишија од слобода 64-годишниот Л.А. од Кичево поради сомнение дека е сторител на кривично дело „лихварство“ по член 260 од Кривичниот законик.Со судска наредба, бил извршен претрес во неговиот дом, при што биле пронајдени и одземени поголема сума пари во различни валути и апоени, златен накит и други предмети. По целосно документирање на настанот, против него ќе биде поднесена соодветна пријава.

Македонија | пред 1 година

Претреси и апсења на територија на СВР Струмица, пронајдена дрога

Вчера во 17.30 часот во Гевгелија, полициски службеници од СВР Струмица-ОВР Гевгелија ги лишиле од слобода К.М.(26) од село Пирава, валандовско, со престој во Гевгелија и И.Џ.(37) од Гевгелија.При преглед на патничко возило „ауди“ со валандовски регистарски ознаки, во кое биле затекнати двајцата, биле пронајдени кристална материја, најверојатно амфетамин и дигитална вага. Поради сомнение за поврзаност со нив во вршење на кривичните дела, од слобода бил лишен и А.М.(44) од село Тимјаник, неготинско, со престој во Гевгелија.Подоцна, со наредба на судија од Основен суд Гевгелија, бил извршен претрес во нивните домови, при што во домот на К.М. била пронајдена кафеава прашкаста материја и луле за користење на марихуана, а во домот на И.Џ. била пронајдена марихуана и предмети со остатоци од марихуана.Истиот ден во 23.30 часот, полициски службеници од СВР Струмица – ОВР Валандово го лишиле од слобода и С.К.(44) од село Удово, валандовско. Во неговиот дом, со судска наредба, бил извршен претрес и биле пронајдени марихуана и предмети со остатоци од марихуана. Лицата биле задржани во полициските станици во Гевгелија и Валандово, за настанот бил запознаен јавен обвинител од Основното јавно обвинителство Гевгелија и по негово документирање против К.М., И.Џ., А.М. и С.К. ќе биде поднесена соодветна пријава.

Македонија | пред 1 година

Тројца скопјани искасани од кучиња скитници

Вчера во 14.10 часот во Полициската станица Гази Баба, Љ.Ц.(66) од Скопје пријавил дека на ул.„Методија Андонов Ченто“ во Скопје бил каснат од куче скитник.На 15.10.2024 во 14.40 часот во Полициската станица Гази Баба, А.Ј.(36) од Скопје пријавила дека на ул.„Методија Андонов Ченто“ во Скопје била касната од куче скитник.На 15.10.2024 во 18.00 часот во Полициската станица Кисела Вода, М.А.(20) од Скопје пријавил дека на бул.„Борис Трајковски“ во Скопје бил каснат од куче скитник.

Скопје | пред 1 година

Кривична против скопјанец, кај него биле пронајдени 922 куршуми, воздушна пушка, рамка за пиштол, три шок бомби

Единицата за недозволена трговија при СВР Скопје поднесе кривична пријава против В.А.(48) од Скопје поради постоење основи на сомнение за сторени кривични дела „неовластено изработување, држење, посредување и тргување со оружје или распрскувачки материи“ по член 396 и „неовластено производство и пуштање во промет на наркотични дроги, психотропни супстанци и прекурзори“ по член 215 од Кривичниот законик.На 14.10.2024, со наредба на Основен кривичен суд Скопје, бил извршен претрес во неговиот дом на подрачјето на Кисела Вода, при што биле пронајдени и одземени седум пакувања со кафеава прашкаста материја, 922 куршуми различен калибар, една дигитална вага, една воздушна пушка, рамка за пиштол и три шок бомби.Тој бил лишен од слобода и по документирање на случајот му е поднесена пријавата, додека од судија на претходна постапка одредена му е мерка домашен притвор.

Скопје | пред 1 година

Уапсен маж од гостиварско, бил баран за издржување затворска казна

Вчера во 16.50 часот во село Добридол, гостиварско, полициски службеници од Полициското одделение Галате го привеле С.И.(40) од с.Добридол, кој бил баран по потерница врз основа на судска наредба за издржување на затворска казна за сторено кривично дело „организирање игри на среќа без соодветна лиценца од надлежен орган“ по член 156 став 3 од Закон за игри на среќа и забавни игри.Тој бил предаден во Казнено – поправната установа Затвор Тетово за издржување на казната.

Македонија | пред 1 година

Уапсен маж од Гостивар, ограбил викендица во Маврово

Вчера во 11.00 часот во Маврови Анови, полициски службеници од Полициското одделение Маврово го лишиле од слобода 54-годишниот Р.Ѓ. од Гостивар поради основано сомнение дека во периодот од 11.10. до 15.10.2024 извршил кражба од викенд куќа, при што одзел повеќе предмети.Кај него биле пронајдени одземените предмети и биле вратени на сопственикот. Тој е задржан во полициска станица и по документирање на случајот против него ќе следува соодветен поднесок.

Македонија | пред 1 година

Возило се преврте и се запали, четворица скопјани со повреди при судир меѓу „шкода“ и „бмв“

Вчера околу 20.55 часот во СВР Скопје е пријавено дека на булеварот „Гоце Делчев“, на кракот со улицата „Лазар Личеновски“ во Скопје, се случила сообраќајна несреќа помеѓу патничко возило „шкода” со скопски регистарски ознаки, управувано од З.Ѓ.(57) од с.Трубарево, скопско и патничко возило „бмв” со скопски регистарски ознаки, управувано од А.Б.М.(21) од Скопје, при што возилото „шкода” се превртело и се запалило.Во несреќата со тешки телесни повреди се здобил М.А.(35) од Скопје, сопатник во возилото „шкода“, додека возачот З.Ѓ. и А.Р(36) и Л.Н.(45) од Скопје, исто така, сопатници во возилото „шкода“ се здобиле со телесни повреди, констатирани во Кoмплексот клники „Мајка Тереза“. Увид на местото на несреќата извршила увидна екипа на СВР Скопје.

Скопје | пред 1 година

За двајца осомничени за тепачката со пукањето во Чаир се бара притвор, еден е во бегство, а за четвртиот се прибираат докази

Во врска со оружениот инцидент кој се случи на 14 октомври на булеварот „Христијан Тодоровски Карпош“ во Чаир, по поднесена кривична пријава од Министерството за внатрешни работи против три лица, Основното јавно обвинителство Скопје за нив поведе постапка за кривично дело – Учество во тепачка од член 132 став 1 од Кривичниот законик.Од нив, за двајца надлежниот јавен обвинител поднесе предлог за определување мерка притвор до Основниот кривичен суд Скопје, додека еден осомничен во моментов е во бегство и е недостапен на органите на прогонот.За уште едно лице, четврти учесник во инцидентот, за кое постојат првични сознанија дека со акт на оружено насилство предизвикал тешка телесна повреда – прострелна рана кај оштетениот, во тек е постапка за прибирање докази. Тој осомничен во моментот е на издржување затворска казна за друго дело во КПУ „Идризово“.

Македонија | пред 1 година

(Видео) Александар беше упорен дека девојчето е убиено, сведочи инспектор од МВР кој трагал по Вања

Помошник началник на СВР Скопје денеска сведочеше на судењето за убиството на 14-годишната Вања Ѓорчевска и Панче Жежовски.Тој прв контактирал со родителите на девојчето, кога веќе постоеле индиции дека Вања е киднапирана.„Од моментот кога имаше пријава за исчезнато девојче бев информиран согласно хиерархијата, каде што тогаш бев надлежен да ги информирам службите. Ме избрифираа дека има таков настан за исчезнато девојче и дека се е преземено во насока за пронаоѓање.Во текот на денот се вклучи и мојата единица за насилен криминал, се вклучивме директно да помогнеме да се најде исчезнатото девојче. Првото запознавање со родителите беше во ЕБР центар доцна вечерта, со се цел да ни кажат сѐ што има за да се најде девојчето.Во тој момент се запознавме со родителите мајката беше поприбрана, првиот момент на таткото беше потиштен и конфузен. Во многу изјави имаше чудно однесување според нас, ние што го прашувавме за да ни помогнат во истрагата“, кажа Музафер Каишиќ, помошник началник на СВР Скопје за криминалистички работи.„По некоја случајност ние разговаравме во полицијата, да ги поделиме работите на тоа инсистираше Александар да ги поделиме работите. Тогаш се понудив лично јас да ги отидеме заедно, јас да разговарам со таткото, а Дејан со мајката. Не се штедевме сите работевме на случајот. Роднина на Зорица дојде со нас да разговараме, таа кажа дека има стан во Капиштец, рече јас немам стан, клучевите се кај Александар.Со еден колега баравме да одиме, но Александар кој бараше да пребаруваме секаде, рече да не одиме за џабе бидејќи тој веќе бил. Кога се качивме со лифт, Александар отклучи. Полупразен беше. Александар цело време велеше дека си го губиме времето дека ќерка му е киднапирана, убиена, да не си го губиме времето. Немаше ништо во станот, и излеговме. Па ја поминавме територијата на Капиштец сѐ што не асоцираше каде може да се скрие.По пат цело време велеше џабе одиме џабе ќе бараме ама ајде ќе одиме. Александар не излегуваше од возилото. Тогаш го праша роднината зошто не излегува да бара со нас, тој рече џабе губиме време да ја бараме, таа е киднапирана, таа е убиена.. цело време велеше ајде да бараме, а кога баравме велеше џабе бараме. Коментарите и на роднината беа зошто човеков не излегува од кола“, кажа тој.Како што сведочеше помошник началникот на СВР Скопје, Александар не навел конкретна причина зошто мисли така.„Конретна причина не наведе. Дали има некои долгови, дали е некој функционер да мисли така зошто девојчето би било киднапирано. Ја прашавме мајката зошто така се однесува. Мајката рече дека е специфичен, ама ниту таа не знаеше зошто така се однесува.По пребарувањето на Водно се вративме во полициската станица, јас и Александар се качивме горе кај што беа неговата поранешна сопруга и другата ќерка. Не знам колку долго траеше тоа, потоа секој си замина накај дома“.Заменик началникот сведочеше дека се слушал со Александар секојдневно по неколку пати и дека му праќал слики и пораки, но бил упорен во тоа дека девојчето е убиено.„Тој побара средба со мене. Се видовме пред зградата. Дојде уште едно лице кое ми се претстави дека се вика Гоце. Околу 40-тина години. Прв пат кога го видов мислев дека има нешто да ми каже, дека има нешто да ми презентира. Дајте да видиме со некои мафијаши групи некои. Убиена е 100%. Кога прашав кој е човеков пред да го почнам разговорот, тој одговори дека 20 години се немаат видено, биле во станот кај него“, кажа заменик началникот.На прашањето какви пораки му биле испраќани, тој одговори дека тоа биле снимки и слики.„Тоа беа снимки, слики од згради, ми ја испрати спроти зградата кај што е киднапирана Вања. Како има камера што гледа директно кон влезот. Тогаш видовме до самиот објект и камерата гледаше точно кон влезот. Јас ќе ви обезбедам број од газдата, рече но не знам како. Ни обезбедија број и лицето дојде ни ги даде камерите. Тој објект виде дека нема струја, синоќа бевме имаше струја, и кога прошетаме видовме дека кабелот е исечен. Ни дадоа сѐ што имаат за да провериме“, додаде при сведочењето.На првото одржано рочиште обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски се произнесоа дека не се чувствуваат за виновни.

Македонија | пред 1 година

Пиштоли, рамки, шаржер за пиштол, околу 1000 куршуми, бомби и хероин пронајдени во домот на скопјанец, поведена истрага

При претрес во домот и подрумските простории во сопственост на 48-годишен скопјанец, полициски службеници на 14 октомври пронашле поголемо количество оружје и муниција кои тој ги држел неовластено.Во домот на улица „Козјак“ биле пронајдени три пиштоли, рамки, шаржер за пиштол како и околу 1000 куршуми со различен калибар. Освен тоа, осомничениот поседувал две рачни шок бомби и една рачна флеш бомба кои на граѓаните им се забранети. При претресот била откриена и наркотична дрога – хероин во вкупна нето маса од 7,75 грама, како и сива дигитална вага со остатоци од хероин.Врз основа на обезбедените докази, јавен обвинител од Основното јавно обвинителство Скопје донесе Наредба за спроведување истражна постапка за кривично дело – Неовластено изработување, држење, посредување и тргување со оружје и експлозивни материи по член 396 став 5 во врска со став 3, како и за кривично дело – Неовластено производство и пуштање во промет на наркотични дроги, психотропни супстанции и прекурсори по член 215 став 1 од Кривичниот законик.Надлежниот јавен обвинител до Основниот кривичен суд Скопје достави предлог за определување мерка притвор поради опасност од бегство, можност за влијание врз постапката и сведоците, како и оправдан страв дека осомничениот би можел да го повтори делото.

Македонија | пред 1 година

Претрес во Штип, пронајдена дрога, приведен дилер

На 15.10.2024 во 23.35 часот во Штип, полициски службеници од СВР Штип го лишиле од слобода В.С.(41) од Штип. При претрес во неговиот дом, извршен со наредба на Основен суд Штип, биле пронајдени и одземени повеќе различни пакувања со марихуана, дигитална вага и дробилка со остатоци од марихуана, пари и таблети.За настанот бил известен јавен обвинител и лицето било задржано во полициска станица. По целосно расчистување и документирање на случајот, отсекот за недозволена трговија до дрога при СВР Штип против него ќе поднесе соодветна пријава.

Македонија | пред 1 година

„Ја удирал по носот, вилицата, стомакот и грбот, нанесувајќи и тешки телесни повреди – контузија, фрактури и крвни подливи“, покрената постапка против скопјанец

Основното јавно обвинителство Скопје поведе постапка против 32-годишен скопјанец поради основано сомнение за кривично дело – Тешка телесна повреда според член 131 став 2 во врска со став 1 од Кривичниот законик.Осомничениот, на 14 октомври, со умисла при вршење семејно насилство тешко телесно ја повредил својата вонбрачна партнерка. Двајцата со такси возило се враќале во нивниот дом кога меѓу нив настанала вербална расправија. Во моментот кога дошле во близина домот, осомничениот ја фатил оштетената за коса, ја извадил од такси возилото и ја удрил со глава во челото со што и ја пукнал левата аркада. Потоа продолжил да ја удира по носот, вилицата, стомакот и грбот, нанесувајќи и тешки телесни повреди – контузија, фрактури и крвни подливи.Според проценката на јавниот обвинител, во конкретниот кривично-правен настан се исполнети законските претпоставки за определување на мерка притвор – опасност од бегство и можност да го повтори семејното насилство кон оштетената. Од тие причини, до судијата на претходна постапка од Основниот кривичен суд Скопје, обвинителството достави предлог за определување мерка притвор.

Македонија | пред 1 година

Фатен бегалец од затвор осуден на затворска казна од 13 години

Вчера полициски службеници од Оперативен тим потраги при СВР Скопје и полициски службеници од ПС Драчево во 18:30 часот на улицата „Иван Хаџиниколов“ во Скопје го лишија од слобода 43-годишниот Д.Ј. од Скопје, баран со потерница поради бегство од затвор, а осуден на казна затвор во траење од 13 години и еден месец поради сторени кривични дела по чл.237, чл.215 и чл.236 од КЗ на РСМ.Лицето ќе биде предадено на надлежната казнено поправна установа.

Македонија | пред 1 година