ПАЗАРНА

Инспекторатот со засилени контроли низ државата: Над 100 казни за една недела од речиси 3 милиони денари

Во периодот од 9 до 15 март 2026 година, Државниот пазарен инспекторат спроведе вкупно 429 инспекциски надзори на територијата на државата, при што се издадени 105 прекршочни платни налози во вкупна вредност од над 2,99 милиони денари.Најголем број прекршоци се евидентирани согласно Законот за финансиска дисциплина, каде од 86 извршени контроли биле издадени дури 51 прекршочен налог.Според податоците, по Законот за трговија биле извршени 183 надзори со 17 казни, додека кај угостителската дејност од 47 контроли биле изречени 23 прекршочни налози.Во однос на другите области, инспекторите спровеле 32 надзори за заштита на потрошувачите со 2 казни, 33 контроли во занаетчиството со 1 казна, како и 19 контроли за забрана на пушење со 2 прекршочни налози.Дополнително, биле извршени и надзори во делот на метрологијата (5 контроли со 7 казни), инспекциски надзор (2 контроли со 2 казни), како и други области каде не се утврдени прекршоци.Инспекторатот изрекол и 23 опомени, по што во наредниот период ќе следуваат контролни проверки.Од Инспекторатот информираат дека продолжуваат со засилени контроли низ државата, како дел од редовните активности и постапување по пријави од граѓани и институции. Воедно, апелираат граѓаните да пријавуваат неправилности на телефонскиот број 191 или преку нивната веб-страница.

Македонија | пред 5 дена

Пазарна за една недела изврши 492 надзори, изречени 89 казни во вредност од над 2,9 милиони денари

Во периодот од 2 до 8 март 2026 година, Државниот пазарен инспекторат изврши вкупно 492 инспекциски надзори низ целата територија на државата. По спроведените контроли, издадени се 89 прекршочни платни налози во вкупна вредност од над 2.944.525 денари.Најголем број платни налози се издадени по Законот за финансиска дисциплина – 50, по Закон за угостителска дејност – 8, по Закон за трговија – 13, како и по Законот за метрологија и инспекциски надзор – по 4 платни налози. За останатите закони, во некои случаи беа изречени опомени или не беа утврдени прекршоци.Инспекторатот истакнува дека надзорите се спроведуваат континуирано и во согласност со законите и плановите за работа, а дополнително се постапува и по пријави од граѓани и институции. Во наредниот период, врз основа на изречените 20 опомени, ќе следуваат контролни надзори. Целта е да се обезбеди доследно почитување на законската регулатива и заштита на правата на граѓаните“, информираат од ДПИ.

Македонија | пред 1 седмица

Не е утврдено криење на гориво на бензинските станици, туку недостинг, констатирале пазарните инспектори

Пазарниот инспекторат не утврдил криење на залихи на гориво при контролите спроведени во изминатите неколку дена на бензинските станици низ државата.Директорот на Државниот пазарен инспекторат, Влатко Стојкоски, информира дека во последните три до четири дена се реализирани повеќе од 300 инспекциски надзори, при што кај дел од бензинските станици контролите сè уште продолжуваат.„Не е констатирано дека имало криење на залихите на гориво. Меѓутоа, утврдено е дека околу триесетина бензински станици ги потрошиле залихите и привремено престанале со точење. По еден до четири часа, по повторно полнење на резервоарите, тие продолжиле со работа“, изјави Стојкоски.Тој појасни дека ваквата состојба била забележана во текот на изминатите неколку дена, кога дел од бензинските пумпи привремено останувале без гориво поради зголемена потрошувачка, по што повторно продолжувале со работа веднаш по дополнувањето на резервоарите.Стојкоски денеска заедно со директорката на Управата за јавни приходи, Елена Петрова, присуствуваше на настанот „Усогласеноста и фер конкуренцијата одат заедно“.

Македонија | пред 1 седмица

Нема енормно зголемување на цените во маркетите, а ако има, следуваат ригорозни мерки, најави министерот за економија

Мининистерот за економија и труд, Бесар Дурмиши рече дека во мај и април економијата е стабилна, а граѓаните немале зголемени цени во маркетите. Тој посочува дека следуваат редовни и вонредни контроли кај производителите, дистрибутерите и маркетите. Ако цените не бидат енормно зголемени, тогаш нема да има строги мерки. Во спротивно, повторно ќе има маржи.„Податоците покажуваат дека инфлацијата за април е 0, во споредба со март имаме само покачување од 0,6 проценти. Во споредба со април минатата година, инфланцијата е 2,6 проценти и дека таа е стабилна. Цените на храна се речиси непроменети, само 0,3 проценти за една година. Ако споредиме март со април 2024 година, имаме дефлација. Ова покажува дека економијата е стабилна, граѓаните не се соочуваат со енормно зголемување на прехрамбените производи“, рече мининистерот за економија и труд, Бесар Дурмиши.Тој рече дека при девојантно однесување, ќе има ригорозни мерки - а на листите со ограничени маржи ќе се најдат и нови производи.„Тие во мај ќе имаат редовни и вонредни контроли, а на крајот од месецот ќе направат извештај. Ќе ги контролираат дисртибутерите, маркетите и ќе направат извештај. Врз основа на тој извештај, ако имаме девијантно однесување на трговците или енормно зголемување на цените без оправдување, ќе има ригорозни мерки. Ако биде во стабилна фаза, ќе бидеме во комуникација со Пазарна и ќе има редовни контроли. Ќе

Македонија | пред 10 месеци

Маркетите и аптеките од петок мораат да ги објавуваат цените онлајн

Од петок, 18 април, поради зголемена транспарентност, споредување и стабилизирање на пазарот, сите маркети, аптеки и продавници за техника и мебел имаат обврска да ги објавуваат цените на своите производи на официјална веб-страница. Доколку цените се објават на социјални мрежи, тоа нема да се смета дека ја исполниле законската обврска.Трговците ќе мора да ги прикажуваат своите цени во реално време, со редовно ажурирање.Цените треба да се ажурираат најдоцна во текот на истиот календарски ден. Целта е на потрошувачите да им се овозможи јасен и точен преглед на понудата.Обврската не важи за микротрговци кои имаат до 10 вработени и годишен приход помал од 50.000 евра.Државниот пазарен инспекторат ќе врши контроли, ќе проверува дали се почитува прописот и ќе изрекува соодветни санкции.Секој производ треба да биде објавен со следниве податоци:-Име на производот,-Редовна продажна цена со вклучен ДДВ-Цена по единица мерка (килограм, литар, метар)-Опис на производот и моментална достапност-Цена со попуст, ако е активна промоција како и времетраење на попустот или акцијата

Македонија | пред 11 месец

Во притвор остануваат 19 осомничени за дискотеката, во домашен притвор одат ексградоначалниците и ексдиректорката на Пазарна инспекција

Кочанскиот суд одлучли само 19 осомничени да останат во притвор, а откако Обвинителството почна да собира докази и да се сомнева дека тие дека со постапување или непостапување придонеле кон пожарот во дискотеката „Пулс“ или пак преку (не)правење надзор не го спречиле клубот да работи. За поранешните градоначалници Ратко Димитриевски и Николчо Илијев, како и поранешна директорка на Државниот пазарен инспекторат Анета Симеска Димоска, мерката притвор е заменета со куќен притвор.„По донесените 24-решенија за определување на мерката притвор, беа поднесени 22 жалби од осомничените. По жалбите постапуваше Совет од тројца судии (од член 25 став 5 од ЗКП) на Основен суд Кочани и одлучи за 19 осомничени жалбата да се одбие и остане определната мерка притвор, додека за 3-тројца осомничени мерката притвор е заменета со куќен притвор, и согласно член 144, чл. 146 став 1 т. 3 од ЗКП е определена и мерка на претпазливост -привремено одземање на патна или друга исправа за преминување државната граница односно забрана за нејзино издавање.Против 2-две од решнијата, со кои е заменета мерката притвор со куќен притвор од страна на Основното јавно обвинителство се поднесени жалби, по кои постапува Апелациониот суд во Штип.Против 1-едно од решенијата на Советот од тројца судии (од член 25 став 5 од ЗКП) на Основен суд Кочани со кое е приначена мерката притвор со куќен притвор, нема изјавено жалба и истото е правосилно“, велат од Судот.Засебно, постапка се води за уште седум полицајци од СВР Штип и ОВР Кочани. Тие се во притвор одреден од Кривичен суд-Скопје.

Македонија | пред 11 месец

Директорот на Пазарна се прости со институцијата: Беше предизвик, не дозволив никој да биде над законот

„Се заблагодарувам што до сега имав можност да раководам со Државниот пазарен инспекторат“, напиша Горан Трајковски-Штраус, кој раководеше со оваа институција и е разрешен по промена на власта.„Со колегите од инспекторатот бевме поставени на фронтот за справување со најголемата економска и енергетска криза. Но со добар план, максимална посветеност и одлична организација успеавме да ја координираме и контролираме цела Македонија. Со тоа доведовме до целосно спроведување на Одлуките на Владата, достапност на основните прехранбени производи до секој потрошувач и секако подигнување на животниот стандард на граѓаните. Дополнително, беше одговорено на секоја претставка, за што успеавме за многу кратко време да ја вратиме довербата на институцијата кај граѓаните. За тоа говорат и пофалбите кои лично од граѓаните ги добивав јас, но и колегите од инспекторатот.Признавам дека раководењето со оваа институција беше предизвик од секој аспект. Но за добар и успешен менаџер, предизвиците не претставуваат проблем, туку мотив за да се најде најсоодветен начин за нивно решавање. Институцијата достигна високо ниво на транспарентност и отчетност споредено со другите јавни институции. Мојот карактер и воспитување значат дека и она што го ветувам, тоа и го исполнувам, односно во текот на цел мој мандат, не дозволив никој да биде над законот. Секој оној кој го имаше прекршено законот, беше соодветно санкциониран. Постојано велам дека треба да градиме правичен систем и секој што сака да биде дел од правичниот систем е добредојден, а секој оној кој не сака да биде дел од создавање на таков систем треба најстрого да биде казнет . Само со цврст правичен систем можеме да создадеме стабилна држава и услови за живот во Македонија за идните генерации“.

Македонија | пред 1 година

Маркети добија клуч на врата, засилени контроли кај снабдувачите, манипулација нема да дозволам, најави Трајковски

Директорот на Пазарниот инспекторат, Горан Трајковски, објави дека затворил маркети оти не ги почитувале мерките на Владата односно наложената „загарантирана цена“ додека таа беше активна. Како што најави, Пазарните инспектори излегле на терен и влегувале од маркет во маркет - утврдиле прекршувања. Следните најајвени контроли се снабдувачите.„Од страна на пазарниот инспекторат издадени се две решенија за затворање на маркети. Следуваат засилени контроли кај трговците на мало и трговците на големо (снабдувачите). Изразувам благодарност до големиот број на општествено одговорни компании кои прифатија да ги задржат гарантираните цени на основните прехранбени производи. Апелирам истото да го направат и трговците на големо (снабдувачите). Никој не смее да ги прекршува законите и да манипулира со потрошувачите!“, напиша Трајковски.Истовремено, неколку маркети излегоа со соопштенија дека ќе ја продолжат акцијата „загарантирана цена“ иако немаат законска обврска, а откако Пазарна и директорот Трајковски повикаа на општестевена одговорност.

Македонија | пред 2 години

Има зголемување на цените, Пазарна не може да влијае на нив

Инспекторите од Пазарна инспекција забележале зголемување на цените кај дел од производите во дел од маркетите, откако заврши ограничувањето на цените на производите.„Јас она што го имам од утрово е дека дел ги немаат зголемено цените, а дел ги имаат. Знам и дека снабдувачите на големо ги преправаат цените кон снабдувачите на мало. Со тоа што се очекува да се покачат цените, но затоа и кажав, повикувам на општествена одговорност од страна на трговците, за цените да ги остават на исто нив“, кажа Горан Трајковски, директор на Пазарна инспекција.Тој кажа дека уште денеска може да се постапува, но по законите за кој е надлежен Пазарниот инспекторат.

Македонија | пред 2 години

Пазарна ги спрема казните, Трајковски: Имавме обемни контроли, има прекршувања

Секое постапување спротивно на законите ќе биде казнето, порача Горан Трајковски, директор на Пазарната инспекција. Тој посочи дека важноста на одлкуките за намалување на цените заврши вчера, а направени се контроли.„Направена е контрола во сите големи ланци на маркети за да видиме дали се почитуваат мерките за намалување на цените. Надзорите се пообемни ќе траат три до четири дена. Од првичните информации има прекршоци, но ќе почекаме да се заврши процесот. Ние не можеме да влијаеме на намалување на пазарните цени, тоа е до трговците. Но тие, како општество одговорни компании, треба да ги задржат цените на ниво на стандардите на граѓаните“, кажа Трајковски.Од сега, ќе се проверува дали макретите соодветно водат трговска евиеднција, дали потрошувачите се доведени до заблуда.

Македонија | пред 2 години

Гаранција дека од утре ќе нема ценовен шок - нема: Сѐ ќе биде оставено на совеста на маркетите

Гаранција дека од утре нема да има ценовен шок - нема. Сѐ ќе биде оставено на совеста на маркетите. Инпсектори ќе има на терен.„Сведоци сме дека Државниот пазарен инспекторат беше активен на терен. Граѓаните тоа најмногу можеа да го почувствуваат. Сега малку да оставиме и на совеста на трговците и производителите. Очекуваме системско решение, забрана за нефер трговски практики, особено со прехрамбените производи. Инспекторите од Пазарна будно ќе ја следат ситуацијата на терен. Се надеваме дека маркетите ќе бидат во функција на граѓаните“, рече претседателката на Инспекцискиот совет, Даниела Рендевска.Од петок нема гарантирани цени, но ќе има казни за секое нелогично зголемување на трговците, најави Битиќи.Надлежните велат дека ќе чекаат да се изгласа Законот за спречување на нефер трговски практики кој е во собраниска процедура откако беше одобрен од Владата во декември минатата година. Засега не се знае дали новиот закон ќе ги помине сите собраниски филтри до крајот на неделата, бидејќи утре на пленарна седница ќе се гласа само за првото читање. Потоа законот повторно оди во матичната комисија за дополнителни измени. Од Министерството за економија велат дека со одобрување на законот ќе се воспостави ред и ќе се намалат цените.

Македонија | пред 2 години