РУСИЈА

Новиот генерален секретар на НАТО Марк Руте: Испраќањето на севернокорејски трупи во Украина би го ескалирало конфликтот

Ако Северна Кореја испрати војници во Украина да се борат за Русија, тоа значително ќе го ескалира конфликтот, изјави Марк Руте, генерален секретар на НАТО.Руте, кој ја презеде функцијата во НАТО претходно овој месец, напиша на платформата Икс дека разговарал со јужнокорејскиот претседател Јун Сук-јеол за блиското партнерство на алијансата со Сеул, фокусирајќи се на соработката во одбранбената индустрија и меѓусебната безбедност на евроатлантскиот и од индо-пацифичкиот регион, објави Ројтерс. Украинскиот претседател Володимир Зеленски минатата недела изјави дека Северна Кореја се подготвува да испрати 10.000 војници за да им помогне на воените напори на Москва и дека некои севернокорејски офицери веќе се распоредени на украинска територија контролирана од руските сили.Руте и Пентагон минатата недела објавија дека допрва треба да најдат докази за воено присуство на Северна Кореја на теренот во Украина.Западот долго време ја обвинува Северна Кореја дека и испорачува оружје на Русија.Русија и Северна Кореја негираат дека се вмешани во трансфер на оружје, а Кремљ исто така ги отфрли тврдењата на официјален Сеул дека Северна Кореја можеби испратила дел од својот воен персонал да и помогне на Русија во војната против Украина.

Свет | пред 1 година

Нов напад длабоко на територијата на Русија: Нападната е исклучително важна фабрика за експлозиви, цел во саботата и бравите на Москва!

Украина користела беспилотни летала со цел да ги нападне Москва и фабрика за воени експлозиви длабоко на руска територија- ноќе, објавија официјални лица и руски канали на Телеграм во неделата.Руските единици за противвоздушна одбрана соборија 110 украински беспилотни летала над Русија, соопшти Министерството за одбрана, вклучително и еден над московскиот регион, 43 над пограничниот регион Курск и 27 над југозападниот регион Липек.Рускиот телеграмски канал SHOT објави дека беспилотни летала се обиделе да ја нападнат државната фабрика Јаков Михајлович Свердлов во градот Џержинск, во регионот Нижни Новгород, на околу 400 километри источно од Москва. Фабриката, еден од најголемите производители на експлозиви користени од руските сили во војната што Москва ја започна против Украина во февруари 2022 година, е предмет на санкции од Соединетите Држави и Европската Унија.Четворица пожарникари добиле полесни рани од шрапнели во напад со дрон врз индустриска зона во градот Џержинск, изјави регионалниот гувернер, не прецизирајќи ја целта на нападот.Руското Министерство за одбрана на Телеграм објави дека осум украински беспилотни летала се уништени над Нижни Новгород. Жителите пријавиле силни експлозии и бел чад во реонот на електраната, пренесува SHOT.Градоначалникот на Москва, Сергеј Собјанин, на Телеграм изјави дека урнатините паднале во областа Раменски во Московската област, но дека нема повредени или жртви.Од Украина нема коментари за нападите со беспилотни летала.Киев често вели дека неговите воздушни напади се насочени кон инфраструктурата критична за руските воени напори и се одговор на континуираните воздушни напади на Москва против Украина.Руските власти честопати не го откриваат целосниот обем на штетата предизвикана од нападите со беспилотни летала, особено на воената, транспортната или енергетската инфраструктура.

Свет | пред 1 година

„Планот на Зеленски е глупав и нелогичен“, вели портпаролот на Путин

Портпаролот на Кремљ Димитриј Песков денеска изјави дека победничкиот план на украинскиот претседател Володимир Зеленски има за цел да го официјализира учеството на НАТО во конфликтот во Украина.Песков рече дека Зеленски со овој план сугерира: „Да, НАТО претходно учествуваше во конфликтот, но неофицијално. Сега сакаме официјално да го имаме НАТО на теренот“. Песков го нарече планот кусоглед, непромислен и нелогичен со оглед на моменталната ситуација.Според него, „планот за победа“ не е план за мир, туку за дополнително влошување на ситуацијата и наведе дека таквиот план може да ги доведе НАТО и Русија на „работ на конфликтот“.Коментирајќи ја реакцијата на Западот, Песков посочи дека западните земји очигледно не се задоволни од „планот за порамнување“. Тој додаде дека Европејците не биле воодушевени од овие предлози, кои ги оцени како нелогични и, како што наведе, „глупави“.Зеленски пред два дена во украинскиот парламент Врховна Рада претстави „план за победа“ кој се состои од пет точки. Првата точка се однесува на официјалната покана на Украина за членство во НАТО, додека трите точки се доверливи. Други точки од планот вклучуваат одбрана, ненуклеарно одвраќање, економија и повоена безбедносна архитектура во евроатлантската област.

Свет | пред 1 година

Германците ги подигнаа борбените авиони, пресретнаа руски шпионски авион

Германија подигна борбени авиони и ги испрати да пресретнат руски разузнавачки авион во последниот воздушен инцидент меѓу членката на НАТО и руската авијација, пренесува Newsweek.Руски авион Иљушин Ил-20 е откриен над меѓународните води меѓу островот Риген и данскиот Борнхолм. Германија веднаш подигна два „Еурофајтери“ од аеродромот Росток-Лаге за да „воспостави визуелен контакт“ над Балтичкото Море со рускиот авион, чиј транспондер беше исклучен. Според германските медиуми, Иљушин Ил-20 често се користи за радио-извидување и собирање разузнавачки информации за земјите од НАТО.Тоа е последен во серијата воздушни инциденти во кои руски авиони беа забележани во близина на чувствителни европски локации. На крајот на септември, авионите на НАТО пресретнаа шест руски авиони за само два дена, додека германските и шведските ловци пресретнаа уште еден авион Ил-20 во август.Newsweek потсетува дека единиците за воздушен надзор на НАТО алијансата извршиле околу 200 пресретнувања на руски авиони над Балтикот во 2023 година и околу 190 во првите девет месеци од оваа година.

Свет | пред 1 година

Пронајдени телата на петмината Руси кои загинаа при искачувањето на седмиот највисок врв во светот

Телата на петте руски планинари кои загинаа на седмиот највисок врв во светот беа пронајдени денеска и пренесени во главниот град на Непал, Катманду.Телата биле подигнати со спасувачки хеликоптери од базниот камп. Тие потоа биле пренесени од аеродромот во Катманду до мртовечницата на универзитетската болница Трибхуван.Планинарите се искачија на планината Даулагири од 8.167 метри за време на есенската сезона на качување во Непал.Тие биле пријавени за исчезнати на 6 октомври, а два дена подоцна нивните тела ги забележал спасувачки хеликоптер. Лошото време и локацијата го отежнаа извлекувањето.Загинатите алпинисти се идентификувани како Александар Душејко, Олег Круглов, Владимир Чистиков, Михаил Носенко и Дмитриј Шпилевој.

Свет | пред 1 година

(Фото) Русите ја „вртат“ ситуацијата во Курск, објавена нова мапа

Според последните извештаи, руските сили успеале да вратат дури четвртина од територијата што Украина ја освои во Курск, два месеци откако Киев започна офанзива во областа.На 6 август, Украина започна напад врз слабо одбранет руски регион кој се граничи со украинската област Суми. Сепак, руските сили започнаа контраофанзива, која трае веќе една недела, и успеаја да вратат 120 квадратни километри, објави каналот на Телеграм, DeepState.Има различни извештаи за рускиот успех во операцијата. Командантот на специјалните сили Ахмат Апти Алаудинов изјави дека Москва вратила околу половина од територијата што Украинците ја зазедоа во Курск.Сепак, DeepState изјави дека Украина изгубила околу четвртина од територијата што ја окупирала, која на својот врв во август изнесувала околу 900 квадратни километри. Киев, од друга страна, тврди дека окупирал вкупно 1.300 квадратни километри.Рускиот канал на Телеграм Астра вчера објави дека Москва ги вратила селата Љубимовка и соседниот Толстој Луг, каде што минатата недела беа отсечени украинските војници. Каналот додаде дека киевскиот гарнизон во Олговка е „практично уништен“.Проруските воени блогери, исто така, објавија дека Русија го зазеде селото Черкаскаја Конопељка, југоисточно од административниот центар Сужа, контролиран од Украина.Најновата мапа од Институтот за проучување на војната ги покажува овие наводни руски напредоци, иако американскиот тинк-тенк во понеделникот рече дека нема независна потврда за тврдењата и дека податоците укажуваат само на руско присуство на околу 8 километри од Суџа.Олександар Сирски, украинскиот командант, минатата недела изјави дека Русија преселила околу 50.000 војници во регионот. Украинскиот претседател Володимир Зеленски изјави дека и покрај руските обиди да ја пробие одбраната на Киев, „момците ги држат своите позиции и пружаат отпор“.Рускиот воен блогер Борис Рожин рече дека сезоната на кал започна и дека руските сили, кои се потпираат на возила гасеници имаат предност во однос на украинските возила на тркала, иако лошите услови на теренот ги погодуваат двете страни.Институтот за проучување на војната претходно изјави дека сезоната на кал веројатно била еден од факторите што ја натерале Москва да ги интензивира своите контра напади во Курск.Војникот од украинскиот баталјон Ајдар, Станислав Буњатов изјави дека лошото време ја отежнува работата на беспилотните летала и воената опрема. „За време на дожд нашите беспилотни летала не можат ефикасно да работат“, изјави Буњатов за независниот медиум „Политика Страна“, додавајќи дека возилата се заглавуваат и дека „артилеријата не може да се замени со беспилотни летала, ниту може да се изврши минирање“.

Свет | пред 1 година

Русија лансираше 136 беспилотни летала кон Украина

Русија изврши серија напади со дронови и ракети насочени кон Киев и други украински градови во текот на ноќта, предизвикувајќи пожар во индустриска фабрика во западниот украински регион Тернопил, соопштија украинските власти.Русија лансираше 136 беспилотни летала насочени кон Украина и три проектили во текот на ноќта, а украинската противвоздушна одбрана уништи многу, соопшти украинското воздухопловство на апликацијата за пораки Телеграм.Голем дел од Украина беше во состојба на готовност поради воздушен напад во средата наутро. Воздухопловните сили соопштија дека Русија ги лансирала беспилотните летала во неколку бранови и во различни насоки.„Пожарот од големи размери“ во регионот Тернопил оттогаш е изгаснат, објави воената администрација на регионот на апликацијата за пораки Телеграм. „Нема повредени“, додаваат од управата. Засега не е јасно која зграда е во пламен.Сите беспилотни летала што го нападнаа Киев претходно во ноќта се уништени и нема извештаи за штета или повредени, но постои нов ризик од напад, изјави на Телеграм Серхи Попко, шеф на воената администрација на Киев.

Свет | пред 1 година

Русија ќе биде способна да го нападне НАТО до 2030 година, предупреди германското разузнавање

Русија би можела да биде во позиција да го нападне НАТО до 2030 година и да ги интензивира напорите да ги попречи западните сојузници на Украина преку саботажа, предупредија во понеделникот шефовите на германското разузнавање.Германија е вториот најголем воен сојузник на Украина, по Соединетите Американски Држави.„Во однос на работната сила и материјалот, руските вооружени сили веројатно ќе бидат способни да извршат напад врз НАТО најдоцна до крајот на оваа деценија“, рече шефот на надворешно разузнавање на БНД, Бруно Кал, пред парламентот.Директен конфликт меѓу Москва и воената алијанса предводена од САД станува „опција за Русија“, додаде Кал.Кал зборуваше на сослушувањето во Бундестагот заедно со шефовите на домашното и военото разузнавање, кои наизменично предупредуваа на растечката закана од Русија во контекст на инвазијата на Украина.„Руската шпионажа и саботажа во Германија е во пораст, и квантитативно и квалитативно“, изјави шефот на домашното разузнавање, Томас Халденванг.Тој наведе сомнителни диверзантски активности, вклучително и случај кога пакет експлодирал во близина на товарен авион на DHL. Пакетот експлодирал на земја пред да биде натоварен во авионот, што Халденванг го нарекол „среќна несреќа“, без експлицитно да ги именува осомничените сторители.„Ако експлодираше во лет, авионот ќе се урнеше, а остатоците можеше да ги погодат сите луѓе овде во Германија кои, отворено или тајно, сочувствуваат со Путин“, рече тој.Русија, исто така, се вклучи во кампањи за дезинформација, користеше беспилотни летала за шпионирање на чувствителни локации и се обиде да регрутира луѓе, вклучително и оние од светот на организираниот криминал, нудејќи им пари, рече Халденванг.Исто така, има „значителен пораст“ на шпионажните и диверзантските активности од Русија насочени кон германските вооружени сили, рече шефицата на военото разузнавање, Мартина Розенберг.Меѓу активностите преземени од Русија се „извидување на германската испорака на оружје за Украина“, како и следење на воената обука и проектите за оружје, додаде таа.

Свет | пред 1 година

(Видео) Експлодираше автомобил-бомба во Москва, меѓу повредените и дете

Три лица се повредени во експлозија на автомобил-бомба во Москва, главниот град на Русија. Руските власти објавија дека бомба поставена под автомобил експлодирала во југозападна Москва. $bp("TargetVideo_28979238", {"id":"26456","width":"762","height":"429","video":"1835894","autoplay":0,"shared":true});Од експлозијата повредени се три лица, меѓу кои и едно дете, а возилото е оштетено.

Свет | пред 1 година

Русија тврди дека освоила село во Запорожје

Русија денеска потврди дека презела контрола врз село во југоисточниот украински регион Запорожје, јавува Анадолија.Во соопштението за печатот на Министерството за одбрана на Русија, се наведува дека нивните сили го окупирале селото Левадна, на околу 110 километри источно од Запорожје.Селото претходно беше заземено од украинските сили за време на контраофанзивата на Киев во јуни минатата година, откако за прв пат беше заземено од Русија во раните фази на руско-украинската војна. Запорожје е еден од четирите украински региони анектирани од Русија во есента 2022 година.Украинските власти сè уште не ги коментирале овие тврдења, а независната проверка на фактите на терен е тешка.

Свет | пред 1 година

Трагичен крај: Исчезнала додека известуваше, а потоа Русите признале што и направиле - почина младата новинарка, имала само 28 години

Украинскa новинарка која од прва рака известуваше за животот под руска окупација почина во руски затвор, соопштија официјални лица во четвртокот.Викторија Рошчина, која наполни 28 години овој месец, беше хонорарна новинарка која известуваше за украинските медиуми Украинска правда и Хромадске Радио и Радио Слободна Европа/Радио Слобода, кое е финансирано од САД.Рошчина известуваше за животот на Крим откако Русија го анектираше полуостровот од Украина во 2014 година и од територијата на источна Украина заземена од сепаратистите поддржани од Русија. Таа, исто така, ја документираше речиси тримесечната одбрана на пристаништето Мариупол, откако Москва ја започна својата целосна инвазија во февруари 2022 година.Според меѓународните организации, најмалку 17 новинари биле убиени додека известувале за војната. Рошчина првично беше задржана 10 дена во јужна Украина по инвазијата, а тргна на ново патување во окупираните региони кога исчезна во август 2023 година. Руските власти минатиот мај признаа дека била приведена.Нејзината смрт на телевизија ја објави Петро Јаченко, портпарол на украинскиот координативен штаб за третман на воени затвореници. Околностите на нејзината смрт се уште не се познати, рече тој.Портпаролот на Украинската управа за разузнавање ХУР, Андриј Јусов, за јавната телевизија Суспилна изјави дека Рошчина е на списокот на затвореници што треба да се разменуваат. Таа требаше да биде префрлена во Москва од притворот во јужниот град Таганрог, рече тој.

Свет | пред 1 година

Литванија почна да се подготвува за најлошото, погледнете што ставија на мостовите кон Русија

Литванија постави противтенковски бариери, т.н змејски заби на мостовите што ја поврзуваат таа земја со Русија. Министерството за одбрана на земјата, исто така, соопшти дека е распоредена „огнена сила“ околу друг утврден мост над реката Немен за да се запре потенцијалниот руски напад.„Тврдините ќе бидат надградени со огнена моќ, во случај да биде неопходно да се запре и уништи непријателот“, се вели во соопштението.Реката Немен е дел од границата на Литванија со руската ексклава Калининград. Долга е нешто повеќе од 900 километри и поминува од Белорусија преку Литванија, а потоа во Северното Море, пренесува The Telegraph. „Змејски заби“ се користат за забавување на тенковите и за да се направат возилата заглавени на и пред нив изложени и ранливи на непријателски напади. За прв пат се користени во Втората светска војна и се направени од армиран бетон.Фотографиите од осветлениот мост над реката Неман покажуваат десетици триаголни бетонски столбови кои го блокираат патот.Во извештаите се наведува дека покрај бариерите биле поставени и мини, митралези, бодликава жица и метални „ежови“, уште една противтенковска бариера. „Ова е превентивен чекор за да се обезбеди поефикасна одбрана“, соопшти Министерството за одбрана.Откако Русија ја нападна Украина на 24 февруари 2022 година, пограничната област на Калининград, Полска и Литванија стана една од најсилно утврдените погранични области во Европа.

Свет | пред 1 година

Разрешен досегашниот руски амбасадор во САД

Претседателот на Русија, Владимир Путин, со указ го разреши досегашниот амбасадор во САД, Анатолиј Антонов, од таа позиција, како и од позицијата постојан набљудувач на Руската Федерација во Организацијата на американските држави.Претседателскиот декрет од 10 октомври е објавен на официјалниот интернет портал за правни информации, пренесе Интерфакс.Руското Министерство за надворешни работи минатата сабота соопшти дека Антонов ја завршил службата во Вашингтон.Дипломатот беше назначен за руски амбасадор во САД во август 2017 година.

Свет | пред 1 година

„Киев планира провокации со хемиско оружје и фалсификување докази“, предупредува Москва

Руската амбасада во Вашингтон соопшти дека, според достапните информации, Украина, поддржана од западните земји, планира да изврши низа провокации во борбената зона, вклучително и со употреба на хемиско оружје.„Имаме сигурни информации дека Украина, со поддршка на Западот, планира да изврши серија антируски провокации со употреба на хемиско оружје во зоната на специјални воени операции. Во моментов режимот во Киев и неговите покровители се подготвуваат да ја фалсификуваат базата на докази за да ја обвинат Русија за кршење на одредбите од Конвенцијата за забрана на хемиско оружје“, прецизирале за „Нујзвик“ од дипломатската мисија.Според амбасадата, за спроведување на овој план, НАТО испорача повеќе од 70 современи уреди за откривање и фиксирање на токсични материи во Украина, а службениците на украинските безбедносни оддели беа обучени во центрите на НАТО за фалсификување докази во Украина за понатамошно доставување до Организацијата за забрана на хемиско оружје, пренесуваат медиумите во регионот.Претходно, шефот на силите за радијациона, хемиска и биолошка заштита на руската армија, генерал Игор Кирилов, предупреди дека Украина подготвува провокација со цел да ја обвини Русија за употреба на отровни материи за време на специјална операција.Претходно, постојаниот претставник на Русија во Организацијата за забрана на хемиско оружје и рускиот амбасадор во Холандија, Владимир Тарабрин, изјавија дека Москва и ги предала на таа организација резултатите од истрагата за случаите на употреба на хемиско оружје од страна на Киев и дека бара најголема сериозност кон оваа информација, пренесува Спутник.Тарабрин истакна дека руската страна редовно ја информира Организацијата за забрана на хемиско оружје дека Киев користи хемиско оружје.

Свет | пред 1 година

(Видео) Масовен напад врз Русија, погоден магацин со дронови Шахед

Украинските сили во последните часови нападнаа неколку цели во Русија со беспилотни летала.Експлозиите се слушнале недалеку од селото Октјабрскиј во Краснодарската територија. Руските власти известија дека избувнал пожар во магацин. Изјавија дека според првите информации нема жртви и дека пожарникарите успеале да го локализираат пожарот на површина од 1.600 метри квадратни. Генералштабот на украинските вооружени сили соопшти дека е погоден магацин во кој имало ирански беспилотни летала Шахед, кои Русија ги користи за секојдневни напади врз Украина. Техеран испрати илјадници гореспоменатите беспилотни летала во Москва, па Русија ги лансира речиси секојдневно на цели во Украина.Украинците тврдат дека во погодениот магацин имало околу 400 дронови. Според соопштението, нападот го извршиле украинската морнарица и единиците на Службата за безбедност на Украина (СБУ). Генералштабот тврди дека биле снимени серија последователни детонации. „Забележан е точен удар на целта. Уништувањето на магацинот на беспилотните летала Шахед значително ќе ја намали способноста на руските окупатори да ги тероризираат цивилите во украинските градови и села“, додаваат од Генералштабот.Со беспилотни летала беше нападнат и воениот аеродром Ханска во реонот на истоименото село во Адигеја, руска република во Северен Кавказ. Пожар бил пријавен во близина на воен аеродром по ноќен напад, според системот за следење на пожарот на НАСА. Локалното население ги слушнало беспилотните летала, но локалните власти се уште не ги објавиле последиците на нападот. Рускиот канал на Телеграм, Астра тврди дека споменатиот воен аеродром е дом на рускиот 272-ри авијациски полк.

Свет | пред 1 година