СДСМ

Се појави Бранко Црвенковски

На дебатата која денеска се одржува во Клубот на пратеници организирана од Советот на амбасадори е и поранешниот претседател и премиер Бранко Црвенковски.Ова е неговово прво појавување во јавноста по долго време. Тој се осврна на Македонија и патот по кој таа чекори.„Во моментов се однесуваме како почетокот на преговорорите цел да е сама по себе,а не само една етапа која води до конечната цел членство во ЕУ“, изјави Бранко Црвенковски.Тој зборуваше и за процесите внатре во ЕУ, додавајќи дека тоа можеби е и разбираливо поради негативните моменти при проширување кои ги имаше Романија и Бугарија.„Односите со Бугарија се полоши по потпишувањето отколку пред потпишувањето на договорот“, додаде Црвенковски.

Македонија | пред 3 години

Маричиќ ја испофали Владата

Владата предводена од СДСМ презема навремени и ефикасни мерки за справување со полседиците од светската економска и енергетска криза, порача секретарот за меѓунардона соработка на СДСМ, Бојан Маричиќ во гостување на Телевизија 21.Маричиќ истакна дека Владата покажала подготвеност и капацитетност за надминување на последиците предизвикани од глобалната економска криза.„Владата прави се за ублажување на последиците од светската економска и енергетска криза. Ние и во тие услови на криза успеавме да ја зголемиме минималната плата на 18.000 денари, имавме успешни преговори за зголемување на платите во одредени сектори. Секако дека ќе продолжиме со справување со последиците, усвоивме ребаланс на Буџетот со кој правиме сериозни заштеди, кој ќе ги пренасочиме кон она што е најпотребно за да ја дочекаме зимата подготвени“ посочи Маричиќ додавајќи дека Владата ќе ги искористи сите ресурси а на располагање стојат и механизмите на ЕУ за помош во време на светска економска криза.

Македонија | пред 3 години

СДСМ се самопофали

„Со одговорните политики на СДСМ, ребалансот на Буџетот е со заштеда од 200 милиони евра за поголеми плати и пензии“, вели СДСМ.Тие додаваат:„Одговорните политики на СДСМ се рефлектираат преку ребаланост на Буџетот, со кој заштедата од 200 милиони евра од непродуктивните трошоци, ќе се пренамени за ублажување на последиците од најголемата економска и енергетска криза по Втората светска војна во ЕвропаОна што е важно во овој ребаланс е тоа што секоја пренамена на средствата е во насока на поголема заштита на животниот стандард на граѓаните, особено ранливите категории, финансиска поддршка на ликвидноста на компаниите и повеќе субвенции за земјоделците со цел зголемено производство на храна.Со СДСМ и во време на криза растат платите и пензиите. Просечната плата се искачи над 500 евра, минималната плата се зголеми двојно, на 18.000 денари, платите во образованието рекордно се зголемија за 15%, следува рекордно зголемување на пензиите и нова методологија за постојан раст.СДСМ продолжува со вистинска грижа за економијата и за сите категории на граѓаните“.

Македонија | пред 3 години

Заев: НАТО, Договорот од преспа се причина што Македонија нема проблем ниту со името, ниту со земјата

Македонскиот народ и сите граѓани на Северна Македонија, сите заедно одлучивме да живееме во мир, единство, слога и напредок. Одлучивме да решаваме проблеми и да создаваме иднина, напиша на фејсбук, поранешниот премиер Зоран Заев.„Договорот од Преспа, членството во НАТО, Отворен Балкан и политиките на добрососедство се причината зошто од денес македонскиот народ нема проблем ниту со името на својата македонска земја, ниту со својата Македонска православна црква – Охридска архиепископија, ниту со својата безбедност и сигурност. Живееме и ќе живееме во слога со нашите балкански браќа и сестри, целосно ја заокружуваме нашата духовна и државна независност“, потенцира Заев во напишаното.„Со благословот и томосот за афтокефалност на МПЦ-ОА што Српската православна црква го упати до Вселенската патријаршија веќе не постои ниту една пречка и очекуваме патријархот Вартоломеј да ја прогласи МПЦ-ОА и официјално за афтокефална“, вели Заев.

Македонија | пред 3 години

Ребалансот носи повисоки плати и пензии, тврди Каевски

„Владата предводена од СДСМ го утврди ребалансот на буџетот за 2022 година. Со ребалансот сериозно се кратат средства за непродуктивни трошоци во висина од 200 милиони евра, пари кои ќе се пренаменат за надминување на последиците од светската економска криза“, вели Дарко Каевски, пратеник и портпарол на СДСМ.Тој додава:„Она што е важно во овој ребаланс е тоа што секоја пренамена на средствата е во насока на поголема заштита на животниот стандард на граѓаните, особено ранливите категории, финансиска поддршка на ликвидноста на компаниите и повеќе субвенции за земјоделците со цел зголемено производство на храна.Ова е одговорен, домаќински чекор во време кога целиот свет се соочува со недостиг на храна и енергенси.Заштитата и унапредувањето на стандардот на граѓаните е врвен приоритет за Владата предводена од СДСМ.И во време на светска економска криза успеавме минималната плата да ја зголемиме на 18.000 денари.Со Синдикатот се постигна договор за рекордно зголемување од 15 отсто на платите во образованието и детската заштита, а следува период на раст на платите во сите сектори согласно растот на минималната плата.Договорена е и нова методологија за постојан и одржлив раст на пензиите, а следното покачување ќе се реализира во септември оваа година.Просечната плата денес изнесува 31.080 денари што е реализација на клучното ветување на СДСМ за просечна плата од 500 евра.Сето ова почитувани е показател дека македонската економија е стабилна и конкурентна и подготвена да се носи со сите предизвици.Продолжуваме со реализација на мерки и политики кои го унапредуваат животниот стандард и во време на светска економска криза, обезбедуваат повеќе пари во семејните буџети“.

Македонија | пред 3 години

Каевски не очекува ребалансот на Буџетот да биде блокиран

„ВМРО-ДПМНЕ веќе подолг временски период го прави истото што го прави односно што го најави во Собранието, впрочем новитет беше само тоа што го официјализираа бојкотот со којшто се обидуваат да ги опструираат и блокираат важни закони којшто треба да се донесат за граѓаните, некаде околу седумдесетина“, вели Дарко Каевски, портпарол и пратеник на СДСМ.тој додава:Како што и сами напоменавте ребалансот ќе се најде за многу скоро пред пратениците, јас не очекувам дека ќе биде блокиран напротив ние како владејачко мнозинство сме подготвени да ги искористиме сите алатки и сите можности којшто ги дава и деловникот се со цел да го донесеме и ребалансот и останатите закони затоа што е важно во вакви услови кога се соочуваме со енергетска и економска криза, важно е да се носат суштински реформски закони, да се донесе и ребалансот и сето она што е во насока да го подобри стандардот на граѓаните и секако да помогне полесно да се справат граѓаните со последиците од овие кризи.Очекувам дека ќе надвладее и разумот и кај останатите пратеници којшто доаѓаат од опозицијата впрочем ние секојдневно во Собранието слушаме голем број на пратеници којшто доаѓаат од редовите на опозицијата, од редовите на ВМРО-ДПМНЕ дека ова што се прави не е добро и дека треба да заврши,да се донесат и да се помогне на граѓаните. Очекувам дека разумот на тие пратеници ќе надвладее и дека конечно ќе почнат да работат во функција на граѓаните и заеднички ќе носиме суштински и важни закони, впрочем тоа е поентата и оној апел со којшто секојдневно ние повикуваме да отвориме суштински материјална расправа по законите и доколку имаат конкретни решенија и предлози за да се подобри законскиот текст и да се подобрат тие закони, зеднички да дискутираме, да дебатираме и да го донесеме најдоброто решение.Тоа е нешто што граѓаните го очекуваат од нас, тоа е нешто што мораме заеднички да го направиме и нешто што е потребно и нужно за да се донесат суштински, важни решенија за граѓаните во овие исклучително тешки периоди, во време кога се соочуваме со најголемата економска и енергетска криза, важно е да имаме опозиција која што нема да опструира и блокира туку ќе соработува и секако заеднички ќе носиме решенија“.

Македонија | пред 3 години

Нема фотографија

Осудениот криминалец Груевски откри нови работи, дали Арсовска е неговиот контакт?, прашува Каевски

„Вчерашната пресуда за предметот „ТНТ“ во кој осудени се Никола Груевски, Миле Јанакиески и Тони Трајковски уште еднаш потврди дека ВМРО-ДПМНЕ е криминална партија. Вообичаено, веднаш по изрекувањето на пресуда со свој став излезе повеќекратниот осуденик во бегство, Никола Груевски“, вели Дарко Каевски, пратеник и портпарол на СДСМ.Тој додава:„Но овој пат Груевски откри нови работи, односно дека тој бил во комуникација со актуелен градоначалник од редовите на ВМРО-ДПМНЕ.Дали Данела Арсовска е градоначалникот и контактот на Груевски со кој тој комуницира редовно?Дали Груевски редвоно комуницира и со други градоначалници од редовите на ВМРО-ДПМНЕ?Објавата на Груевски само го потврдува она што СДСМ го тврди, а тоа е дека ВМРО-ДПМНЕ се уште е управувана од Будимпешта, а Христијан Мицкоски е само извршител на Груевски.Затоа ВМРО-ДПМНЕ и Мицкоски не го осудуваат и не се оградуваат од криминалите, туку напротив тие ги бранат криминалците во своите редови.Заради нарачаките на Груевски ВМРО-ДПМНЕ во време на криза го блокира Собранието, работи на штета на интересите на граѓаните и државата.Секојдневно се потврдува дека ВМРО-ДПМНЕ предводена од Мицкоски е непроменета, криминална и режимска партија управувана од Будимпешта“.

Македонија | пред 3 години

Арсовска не може принтери да обезбеди а не па проекти, реагира власта

„Поради неспособноста на Арсовска администрацијата на Град Скопје остана без печатачи“, велат од СДСМ.Тие додаваат:„Град Скопје и целата администрација без 31 принтер значи проблем во обезбедувањето на редовните услуги од кои штета имаат граѓаните.Нејзиното неодоговорно работење ги остава вработените во Градот без средства за работа, а граѓаните без потребните документи.Одново на дело се покажа неспособноста на Арсовска и ВМРО-ДПМНЕ.Толку е менаџерскиот капацитет на кадрите на Мицкоски. Арсовска и ВМРО-ДПМНЕ не можат да обезбедат принтери во Град Скопје, а не пак да реализираат капитални проекти за градот и граѓаните.Освен што не реализира ниту еден свој проект, Арсовска прекина и веќе започнати проекти од претходниот градоначаник како што Бас рапид транзит, реконструкција на Универзална сала, реконстукцијата на улицата Есенинова...но затоа во време на криза троши 670.000 евра на вдомување на партиски кадри во Град Скопје.Одамна е јасно дека Арсовска е најнепособната градоначалничка на Град Скопје“.

Скопје | пред 3 години

Шкријељ смета дека со платите на наставниците испишуваат историја

„Дијалогот на Владата предводена од СДСМ со Синдикатот за образование, наука и култура, успеа. Постигнат е договор за зголемување на платите во образованието во висина од 15 отсто, од септември оваа година, односно зголемување во просек од над 3.500 денари, во време на најголема светска економска криза“, вели Санела Шкријељ, пратеничка.Таа додава:„Ова е историско зголемување на платите во основното и средното образование. Досега во три наврати платите во образованието се зголемија за 21 отсто.Тоа значи дека за само пет години, платите во образованието кумулативно ќе се зголемат за 36 отсто или за повеќе од една третина.За потсетување, во време на владеењето на ВМРО-ДПМНЕ, платите во образованието се зголемија за едвај четири отсто.Важно е да се напомене, дека платите на оние кои штрајкуваа ќе бидат исплатени, но и дека следува изработка за нова методологија за континуиран раст на платите во образованието секоја година, без тоа да зависи од нечија политичка одлука или волја.Апелираме до СОНК за брзо и целосно прифаќање на договорените услови, а потоа и потпишување на Спогодбата, за потоа надлежните институции да продолжат со потребните активности за реализација на покачувањето.Истовремено, убедени сме дека многу брзо ќе се постигне и конечен договор меѓу Министерството за труд и социјална политика и СОНК, за платите на вработените во градинките.Владата и парламентарното мнозинство предводени од СДСМ покажуваат вистинска грижа за наставниците, воспитувачките и негувателките.Во континуитет докажуваме дека само со отворен, инклузивен дијалог можеме да дојдеме до решенија кои се во интерес на сите граѓани.И во време на најголема светска економска криза, остануваме посветени на брзи, ефикасни мерки и решенија кои го унапредуваат животниот стандард на сите граѓани“.

Македонија | пред 3 години

Кој е ставот на Мицкоски за истрагата против градоначалникот на Петровец од ВМРО-ДПМНЕ?, прашува СДСМ

„Целата јавност сведочи дека градоначалниците од редовите на ВМРО-ДПМНЕ не прават ништо за граѓаните, работат исклучиво за лични и партиски интереси“, вели СДСМ.Тие додаваат:„За градоначалникот на општина Петровец, Борче Митевски и неговиот брат, од редовите на ВМРО-ДПМНЕ, Јавното обвинителство отвори истрага, под сомнение за злоупотреба на службена должност и перење пари.Градоначалникот Митевски се сомничи дека во период од шест години потпишал 24 фиктивни фактури во вредност од половина милион евра на фирми чиј вистински сопственик е неговиот брат.Не така одамна за истиот овој градоначалник, Христијан Мицкоски изјави дека сите неуспешни градоначалници треба да го следат примерот на Митевски.Дали истраги и кривични пријави се примерите на Митевски кои треба да ги следат и другите градоначалници?Дали под неуспешни градоначалници Мицкоски мисли на оние градоначалници против кои не се водат истраги од Јавното обвинителство како што се водат против неговиот градоначалник од Петровец?На крајот, Мицкоски треба да одговори и кој е неговиот став за истрагата против Митевски?Оваа истрага е уште еден доказ дека ВМРО-ДПМНЕ не може да излезе од криминалната матрица, дека Мицкоски се уште е опкружен со криминогени ликови од времето на режимот.Градоначалниците на ВМРО-ДПМНЕ шест месеци не реализираа ниту еден проект, а проектите од претходните локални власти на СДСМ ги промовираат како свои, но за истиот период потрошија стотици илјади евра за непродуктивни трошоци и партиски вработувања“.

Македонија | пред 3 години

Се крати државниот буџет, што ќе има во ребалансот

„Кратење на 100 милиони евра непродуктивни трошоци, следува ребаланс на Буџетот“, најави СДСМ.Тие додаваат:„СДСМ преку иниституциите што ги предводи останува посветена на одговорно управување со јавните финансии со цел да се обезбедат допопнителни средства за помош и поддршка за граѓаните.Следува ребаланс на Буџетот за 2022 година, со кој дополнително ќе се скратат уште 100 милиони евра непродуктивни трошоци.Преку ваквото намалување на непродуктивните трошоци и заштедите ќе се ослободат средства со кои ќе се финансираат нови мерки за граѓаните и компаниите за надминување на последиците од светската економска криза.Веќе се реализира пакет мерки во вредност од 400 милиони евра за заштита на стандардот на граѓаните и одржување на ликвидноста на компаниите.Со намалување на ДДВ на нула отсто за основните прехранбени продукти, намалената акциза за горивата, субвенционирањето на сметки за електрична енергија сериозно се намалуваат трошоците на семејствата на месечно ниво.Во време на светска економска криза, како одговорна партија, продолжуваме со реализација на мерки и политики што значат вистинска грижа за сите категории граѓани“.

Македонија | пред 3 години

„Дебакл на Мицкоски, пропаднатата блокада ја менува со протест за месец од сега“, вели власта по најавата на ВМРО-ДПМНЕ

„Откако им пропадна деструктинвата идеја за блокирање на собранието „невидените“ чекори кои ги најавуваше Мицкоски се сведоа на еден протест за еден месец од сега“, вели СДСМ.Тие додаваат:„Ако на Мицкоски му е потребен еден месец за да организира еден протест, тоа говори за внатрешните проблеми кои ги има за да си ја зачува сопствената фотелја во ВМРО-ДПМНЕ.Како и да е, протест е демократско право на опозицијата.Што се однесува до изборите, тоа прашање е затворено. Изборите ќе бидат редовни во 2024 година и на тие избори ВМРО-ДПМНЕ ќе загуби.СДСМ уште еднаш посочува дека било какви деструктивни идеи за блокада на државата нема да успеат и повторно ќе бидат поразени.Парламентарното мнозинство предводено од СДСМ продолжува да работи за граѓаните и поддршка на стандардот во услови на најголема економска и енергетска криза по Втората светска војна во Европа“.

Македонија | пред 3 години

Марковска: Блокадите од ВМРО-ДПМНЕ нема да успеат

Блокадата на собранието не е новина, ние веќе 2 години се соочуваме со блокада од страна на ВМРО-ДПМНЕ, истакна пратеничката на СДСМ Даниела Марковска во емисија „Клан дебата“ на ТВ Клан.Таа наведе дека две години во Собранието од страна на опозицијата е блокиран Законот за клинички центар, Законот за наставници и стручни соработници, кој да беше донесен ќе обезбедеше зголемување на платите на наставниците и стручните лица, подобрување на условите во образованието, трансформација на работните места од определено на неопрелено време.Лицемерно ВМРО-ДПМНЕ закажа седница на собраниската комисија за финансии и буџет и се изгласа законското решение за заем од меѓународната заедница за обнова на локалните патишта, кој потоа го блокираа, истакна Марковска.Таа нагласи дека ВМРО-ДПМНЕ веќе две години деструктивно се однесуваат, што, за жал е многу лошо, бидејќи ова се тешки години на пандемија, која сериозно ја загрози економската стабилност на целиот свет, на Европа и кај нас, сега во Европа има сериозна војна, која се одразува на еконмската стабилност.Се наоѓаме во сериозна ситуација во која треба заеднички конструктивно да дејствуваме. Ние ќе продолжиме да работиме во Собранието, како што го изгласавме дневниот ред на последната седница, ќе продолжиме да се бориме со сите блокади што ќе ги постават, зашто во моментот е најважно да се овозможи еден подобар живот за нашите граѓаните, да работиме во нивен интерес, а за тоа е потребно едно функционално собрание, кое мора да продолжи со работа, порача пратеничката на СДСМ Даниела Марковска за ТВ Клан.

Македонија | пред 3 години

„Лицемерието на Мицкоски пуштено на најсилно“

„Нема крај на лицемерието на Христијан Мицкоски и ВМРО-ДПМНЕ“, вели СДСМ.Тие додаваат:„Токму пратениците на ВМРО-ДПМНЕ по налог на Мицкоски година и пол блокираа заем од Светска Банка за обезбедување средства за општините.Преку незакажување на седница, тогашниот претседател на Комисијата за финансирање и буџет Тимчо Муцунски, а сегашен градоначалник од ВМРО-ДПМНЕ им нанесуваше штета на општините доминантно предводени од градоначалници од СДСМ.Денес Мицкоски кој постојано зборува против задолжувања, бара да биде доставен и изгласан во Собранието заемот од Светска банка за финансирање проекти во општините кои сега се доминантно предводени од градоначалници на ВМРО-ДПМНЕ.Тоа е тешко лицемерие со кое Мицкоски сака да ги прикрие неработењето и партизацијата на општините.Граѓаните да бидат спокојни, пратениците од владејачкото мнозинство ќе го усвојат законот за задолжување од Светска банка, затоа што важно е да се инвестира во капитални проекти, особено во време на најголема светска економска криза.Досега во првите шест месеци од мандатот градоначалниците од ВМРО-ДПМНЕ не сработеа ништо освен што се фалеа со започнати проекти од поранешни градоначалници од СДСМ. Сега бараат за да се сликаат со пари обезбедени од Владата од проектот за поврзување на локални патишта.На крајот на денот, остануваат деструктивноста и лицемерието на ВМРО-ДПМНЕ и Мицкоски кои без срам ја блокираат работата на Собранието, ја критикуваат работата на Владата, а потоа бараат пари од неа“.

Македонија | пред 3 години

Ниското ниво на комуникација на ВМРО-ДПМНЕ зборува за ниското ниво на политичка култира и состојбата на Христијан Мицкоски, реагира СДСМ

„ВМРО-ДПМНЕ веќе подолго време користи низок, некултурен и недоличен речник во јавната комуникација, полн со навреди и несоодветни квалификации на лична основа“, вели СДСМ.Тие додаваат:„Ниското ниво на политичка култура манифестирана од оваа партија зборува за нив, за раководството на ВМРО-ДПМНЕ и за состојбата во којашто се наоѓа Христијан Мицкоски.Ваква реторика, го покажува ниското нивото на политичка култура на ВМРО-ДПМНЕ а ја потврдува нервозата и очајот во којшто се наоѓа Христијан Мицкоски.СДСМ е одговорна партија, над ова ниво на ВМРО-ДПМНЕ. Ниту партијата ниту претседателот Ковачевски нема да се спуштатат толку ниско. Нема да дозволиме политичката некултура да доминира во јавниот простор“.

Македонија | пред 3 години