сдсм

Марковска: Блокадите од ВМРО-ДПМНЕ нема да успеат

Блокадата на собранието не е новина, ние веќе 2 години се соочуваме со блокада од страна на ВМРО-ДПМНЕ, истакна пратеничката на СДСМ Даниела Марковска во емисија „Клан дебата“ на ТВ Клан.Таа наведе дека две години во Собранието од страна на опозицијата е блокиран Законот за клинички центар, Законот за наставници и стручни соработници, кој да беше донесен ќе обезбедеше зголемување на платите на наставниците и стручните лица, подобрување на условите во образованието, трансформација на работните места од определено на неопрелено време.Лицемерно ВМРО-ДПМНЕ закажа седница на собраниската комисија за финансии и буџет и се изгласа законското решение за заем од меѓународната заедница за обнова на локалните патишта, кој потоа го блокираа, истакна Марковска.Таа нагласи дека ВМРО-ДПМНЕ веќе две години деструктивно се однесуваат, што, за жал е многу лошо, бидејќи ова се тешки години на пандемија, која сериозно ја загрози економската стабилност на целиот свет, на Европа и кај нас, сега во Европа има сериозна војна, која се одразува на еконмската стабилност.Се наоѓаме во сериозна ситуација во која треба заеднички конструктивно да дејствуваме. Ние ќе продолжиме да работиме во Собранието, како што го изгласавме дневниот ред на последната седница, ќе продолжиме да се бориме со сите блокади што ќе ги постават, зашто во моментот е најважно да се овозможи еден подобар живот за нашите граѓаните, да работиме во нивен интерес, а за тоа е потребно едно функционално собрание, кое мора да продолжи со работа, порача пратеничката на СДСМ Даниела Марковска за ТВ Клан.

Македонија | пред 3 години

„Лицемерието на Мицкоски пуштено на најсилно“

„Нема крај на лицемерието на Христијан Мицкоски и ВМРО-ДПМНЕ“, вели СДСМ.Тие додаваат:„Токму пратениците на ВМРО-ДПМНЕ по налог на Мицкоски година и пол блокираа заем од Светска Банка за обезбедување средства за општините.Преку незакажување на седница, тогашниот претседател на Комисијата за финансирање и буџет Тимчо Муцунски, а сегашен градоначалник од ВМРО-ДПМНЕ им нанесуваше штета на општините доминантно предводени од градоначалници од СДСМ.Денес Мицкоски кој постојано зборува против задолжувања, бара да биде доставен и изгласан во Собранието заемот од Светска банка за финансирање проекти во општините кои сега се доминантно предводени од градоначалници на ВМРО-ДПМНЕ.Тоа е тешко лицемерие со кое Мицкоски сака да ги прикрие неработењето и партизацијата на општините.Граѓаните да бидат спокојни, пратениците од владејачкото мнозинство ќе го усвојат законот за задолжување од Светска банка, затоа што важно е да се инвестира во капитални проекти, особено во време на најголема светска економска криза.Досега во првите шест месеци од мандатот градоначалниците од ВМРО-ДПМНЕ не сработеа ништо освен што се фалеа со започнати проекти од поранешни градоначалници од СДСМ. Сега бараат за да се сликаат со пари обезбедени од Владата од проектот за поврзување на локални патишта.На крајот на денот, остануваат деструктивноста и лицемерието на ВМРО-ДПМНЕ и Мицкоски кои без срам ја блокираат работата на Собранието, ја критикуваат работата на Владата, а потоа бараат пари од неа“.

Македонија | пред 3 години

Ниското ниво на комуникација на ВМРО-ДПМНЕ зборува за ниското ниво на политичка култира и состојбата на Христијан Мицкоски, реагира СДСМ

„ВМРО-ДПМНЕ веќе подолго време користи низок, некултурен и недоличен речник во јавната комуникација, полн со навреди и несоодветни квалификации на лична основа“, вели СДСМ.Тие додаваат:„Ниското ниво на политичка култура манифестирана од оваа партија зборува за нив, за раководството на ВМРО-ДПМНЕ и за состојбата во којашто се наоѓа Христијан Мицкоски.Ваква реторика, го покажува ниското нивото на политичка култура на ВМРО-ДПМНЕ а ја потврдува нервозата и очајот во којшто се наоѓа Христијан Мицкоски.СДСМ е одговорна партија, над ова ниво на ВМРО-ДПМНЕ. Ниту партијата ниту претседателот Ковачевски нема да се спуштатат толку ниско. Нема да дозволиме политичката некултура да доминира во јавниот простор“.

Македонија | пред 3 години

Ново кратење на буџетот

„Владата предводена од СДСМ подготвува ребаланс на Буџетот со кој дополнително ќе се скратат уште 100 милиони евра непродуктивни трошоци“, вели СДСМ.Тие додаваат:„Ова е дополнително на кратењето од 8% на тековните расходи минатата година и дополнителните мерки кои што се направија во првите 100 дена од Владата за ограничување на трошоците.Со кратење на непродуктивните трошоци и заштедите се отвора можност за нови мерки за граѓаните и компаниите за амортизирање на ударот од светската економска криза.Веќе се реализира пакет мерки во вредност од 400 милиони евра за заштита на стандардот на граѓаните и одржување на ликвидноста на компаниите.Со намалување на ДДВ на нула отсто за основните прехранбени продукти, намалената акциза за горивата, субвенционирањето на сметки за електрична енергија сериозно се намалуваат трошоците на семејствата на месечно ниво.Дополнително е воведена тримесечна финансиска поддршка од по 1.000 денари за пензионерите и за семејствата во социјален ризик за полесно да се справат со последиците од кризата.СДСМ во време на светска економска криза продолжува со политики што значат вистинска грижа за сите категории граѓани“.

Македонија | пред 3 години

Не успеа блокадата, усвоен е дневниот ред, деструкциите на Мицкоски ќе бидат поразени, децидни се СДСМ

„Христијан Мицкоски не се откажува од блокадите и деструкциите, се надева дека вештачки ќе создаде поличка криза и ќе придизвика штета врз граѓаните“, реагира СДСМ.Тие додаваат:„Очигледно посакува земјата да не напредува, да не успее, да има проблеми. Дури и самиот Мицкоски вели дека процесот блокади и деструкции ќе биде долг, тој е среќен само тогаш.Но, и на Мицкоски и на ВМРО-ДПМНЕ треба да им е јасно дека нивните блокади нема да успеат.Вчера во Собранието пропаднаа нивните блокади, дневниот ред се изгласа, седницата продолжува.Освен што ја одолговлекуваа работата и дискусијата за дневен ред траеше цели два дена, ништо друго не постигна ВМРО-ДПМНЕ.На ист начин ќе пропаднат и следните најавени нивни блокади.СДСМ, со институциите, со граѓаните, нема да дозволи Мицкоски и ВМРО-ДПМНЕ да ја вратат државата назад“.

Македонија | пред 3 години

Пратениците кои бојкотираат да се откажат од платите и привилегиите, граѓаните не смее да плаќаат неработници, бара власта

„Пратениците на ВМРО-ДПМНЕ кои бојкотираат и блокираат Собрание не смеат да бидат платени од граѓаните за својата неработа и деструктивно однесување“, бара СДСМ.Тие додаваат:„Тие итно треба да се откажат од сите привилегии, да ги донираат платите и да престанат да користат службени телефони, патувања и се што им следува, бидејќи тоа не го заслужуваат.Неодговорноста и партиската послушност кон лидерот Мицкоски ќе биде единствената работа по која ќе се памети овој пратенички состав на ВМРО-ДПМНЕ, но тоа не смее и не треба да го плаќаат граѓаните од свој џеб.Пратениците на ВМРО-ДПМНЕ наместо да служат на оние од кои се бирани и платени, му служат само на лидерот од белата палата.ВМРО-ДПМНЕ останува единствената партија која во време на криза се обидува да отежне, дополнитлено да го загорчи животот на сите граѓани и да блокира се што е во интерес на надминување полесно на состојбите.Ваквата антидржавна политика, себичност и негрижа ќе бидат повторно силно поразени уште на следните избори.СДСМ остро ќе се спротистави на овие блокади и ќе најде начин како да ги донесе законите од интерес на граѓаните. ВМРО-ДПМНЕ ќе остане изолирана во своите деструктивни политики“.

Македонија | пред 3 години

Богоев: Собранието не е пазар

Собранието не е пазар, за ВМРО-ДПМНЕ да бира кои закони ќе ги блокира, а кои не. Сите закони се носат во интерес на граѓаните, но можете да бирате и да толкувате кои закони се добри, а кое не, истакна потпретседателот на СДСМ Срефан Богоев, во дебатната емисија 24 анализа, на телевизија 24.Тој додаде ВМРО-ДПМНЕ попмпезно креира политика криза поради внатрепартиски интереси, бидејќи Мицкоски има проблем да воспостави контрола врз градоначалниците, се плаши од резултатите коишто ги нема во локалните самоуправи и кредитот кај граѓаните брзо го троши.Нема ништо да се смени само ќе го официјализираат јавно бојкотот во собранието, кој го прават минатите месеци, со блокада на законот за наставници и стручни соработници, законот за армија за кличнички центар, нагласи Богоев.Тој нагласи дека на граѓаните им е дојдено преку глава од блокирање, сакаат да ги видат сите влијателни политички партии како решаваат проблеми на маса, без упорно да бараат избори и ја кочат државата и ја повика портпаролката на ВМРО-ДПМНЕ Марија Митева заедно симболично да помогнат на едно семејство во општина Аеродром, кое се наоѓа во тешка финансиска ситуација.Јавно предглагам да направиме еден пример и да покажеме како треба свесни и совесни политичари да делуваат. Симболично да испратиме порака како можат политичари од власта и од опозицијата да седнат заедно и заедно симболично макар некому да помогнат, нагласи потпретседателот на СДСМ Стефан Богоев, во дебатната емисија 24 анализа, на телевизија 24.

Македонија | пред 3 години

Срамно, ВМРО-ДПМНЕ го бојкотираше Денот на победата над фашизмот, оцени власта

„Опозициската партија ВМРО-ДПМНЕ предводена од Христијан Мицкоски денеска не испрати своја партиска делегација и го бојкотираше централниот настан за чествување на 9 Мај - Денот на победата над фашизмот“, вели СДСМ.Тие додаваат:„Тоа е срамно, неодговорно и скандалосно постапување на ВМРО-ДПМНЕ, очигледно дека на партијата предводена од Мицкоски Денот на победата над фашизмот и Денот на Европа не и значи ништо.Државноста на нашата земја почива на антифашистичката борба, а полноправно членство во големото европско семејство е наша стратешка цел поставена уште на денот на независноста.Со денешното отсуство од одбележувањето на овој важен датум, ВМРО-ДПМНЕ повторно се постави антидржавнички, на спротивната страна од интересите и заложбите на граѓаните“.

Македонија | пред 3 години

Трети ден СДСМ е фатено за лустерите на ВМРО-ДПМНЕ

Во време на најголемата светска економска криза, кога растат цените на енергенсите и на храната, а политичките субјекти од цела Европа се обединуваат во настојувањата да изнајдат конструктивни решенија за заштита на животниот стандард на граѓаните и обезбедување доволно енергенси за претстојната зима, Христијан Мицкоски со најавите засилени блокади се однесува крајно неодговорно.Тоа е продолжение на безобѕирното однесување на ВМРО-ДПМНЕ, која набавувала теписони за 20.000 евра или лустери за дестици илјади евра, која потрошила стотици илјади евра на скап мебел и опрема за уредување и декорација на Белиот дворец, што е потврдено преку судските процеси и признанија на високи функционери на ВМРО-ДПМНЕ.Ако ВМРО-ДПМНЕ навистина сака да направи било што конструктивно, нешто од интерес на граѓаните, наместо да се заканува и уценува со блокади и некаква радикализација нека ги продаде луксузните теписони и лустери во Белиот дворец и парите да ги врати кај граѓаните.За разлика од ВМРО-ДПМНЕ и Мицкоски кои се грижат само за лични и партиски интереси, кои се противат парите да завршуваат кај граѓаните, СДСМ води политика за враќање на парите кај граѓаните, повисоки плати и унапредување на животниот стандард на граѓаните.Нема да им успеат ниту една уцена, ниту еден обид за блокада.

Македонија | пред 3 години

Градоначалниците од СДСМ немаа проекти, не ги довршија ниту проектите започнати од ВМРО-ДПМНЕ, вели опозицијата

„Градоначалниците од СДСМ немаа проекти, не ги довршија ниту проектите започнати од ВМРО-ДПМНЕ. Реконструкцијата на стадионот во Битола е проект кој беше почнат од ВМРО-ДПМНЕ, за СДСМ 5 години како централна власт и 4 години како локална власт да не го доврши“, вели ВМРО-ДПМНЕ.Тие додаваат:„СДСМ ја закочија и гасификацијата која не е мрдната од мртва точка, исто како и изградбата на автопатот Кичево Охрид, закочен е и Клиничкиот центар во Штип, нема работа која ова неспособна власт било на централно ниво, или на локално каде што градоначалниците се од СДСМ, а да е завршена.Градоначалниците на СДСМ за 4 години не направија ништо, градоначалниците од ВМРО-ДПМНЕ направија повеќе за 6 месеци отколку нивните претходници за 4 години.Разликата во работа помеѓу ВМРО-ДПМНЕ и СДСМ е очигледна и народот ја гледа“.

Македонија | пред 3 години

Резултати од анкета: Во кој политичар најмногу веруваат Македонците, дали СДСМ треба да остане на власт

Институтот за политички истражувања од Скопје (ИПИС) денеска излезе со анкета за ставовите на граѓаните за нивната поддршка на политичките партии и политичарите, како и за одредени актуелни прашања во моментов.На прашањето дали Владата, предводена од СДСМ треба да остане на власт до крајот на мандатот во 2024 година или се потребни предвремени парламентарни избори, 39,1 отсто се определиле за предвремени избори, 32,5 проценти сметаат дека треба да остане на власт, а 28,4 отсто одговориле со „не знам“.Кусата телефонска анкета, како што напоменува ИПИС, е спроведена во периодот помеѓу 4 и 6 мај на примерок од 1111 полнолетни испитаници на ниво на цела држава. ИПИС напоменува дека сите истражувања на Институтот се подложни на статистичка грешка која изнесува +/- 3 проценти, поради што сите резултати претставени во извештајот можат да се движат во тој интервал.Според резултатите од анкетата на прашањето за која партија би гласале доколку следната недела има парламентарни избори, 21,2 отсто од испитаниците се изјасниле за ВМРО-ДПМНЕ, 16,2 за СДСМ, 7,2 за ДУИ, 3,8 отсто би гласале за Алијанса за Албанците, 2,9 отсто за Левица, 1,5 отсто за БЕСА и еден процент за Алтернатива.За ниту една партија не би гласале 17,3 проценти од испитаниците, не сакале да кажат 16,1, а одговор немале 12,8 отсто.На прашањето во кој политичар имаат најголема доверба, 16, 2 отсто од анкетираните се определиле за Христијан Мицкоски, 8,7 отсто за Димитар Ковачевски, 6,4 отсто за Зоран Заев, 7,3 проценти за Али Ахмети. Од анкетираните 3,8 проценти имаат најголема доверба во Зијадин Села, 2,7 во Димитар Апасиев, 1,9 отсто во Билал Касами, еден отсто во Африм Гаши, а 1,4 проценти во Никола Груевски. Триесет и два отсто од анкетираните одговориле дека немаат доверба во ниту еден политичар, не знаеле да одговорат 15,4 отсто, а 3,2 проценти се изјасниле за друг.Во врска со тоа дали со формирање на новата Влада се надминала политичката криза во земјава, 27,9 одговориле „да“, 47,4 „не“, а 24,7 „не знам“.ИПИС напоменува дека заради запазување на релевантноста и непристрасноста на истражувањето, бил креиран непристрасен и објективен прашалник врз база на кој подоцна била спроведена анкетата, а истражувањето било реализирано со користење на случаен примерок, кој бил стратификуван за да се запази репрезентативноста на населението во земјава.

Македонија | пред 3 години

Ниту една лажирана анкета од ВМРО-ДПМНЕ нема да му помогне на Мицкоски, порача СДСМ

„Очен е обидот на ВМОР-ДПМНЕ со нарачани и лажирани анкети да го храбри Христијан Мицкоски во своите дестурктивни чекори и блокади“, вели СДСМ.Тие додаваат:„Анкетите нарачани и лажирани од ВМРО-ДПМНЕ граѓаните многу добро знаат како се спроведуваат, за што говори и видеото во прилог: https://fb.watch/cTfO7dW3O1/Лажирани анкети по нарачка на ВМРО-ДПМНЕ не може да ја покријат неработата на градоначалниците од оваа партија во изминатите 6 месеци ниту пак криминалната матрица на ВМРО-ДПМНЕ.Оваа агенција и во 2020 година предидуваше победа на ВМРО-ДПМНЕ и коалицијата на парламентарните избори, па тоа не се случи, напротив. Предвидувањата им беа неточни, ВМРО-ДПМНЕ на парламентарните избори доживеа пораз.Ниту една лажна анкета нема да му помогне на Мицкоски.СДСМ има план, ќе се спротивстави на неговите обиди за блокада на државата.Нема да дозволиме нарачките од Груевски, спроведени од Мицкоски повторно да ја загрозат иднината на државата“.

Македонија | пред 3 години

ВМРО-ДПМНЕ да ги продаде луксузните теписони и лустери во Белиот дворец и парите да ги врати кај граѓаните, бара СДСМ

„Најавите на Христијан Мицкоски и ВМРО-ДПМНЕ за засилени блокади во време на најголема светска економска криза се најнеодговорен чин, кога има постојан раст на цените на енергенсите, на цените на храната, во услови кога политичките субјекти од цела Европа се обединуваат околу наоѓање начини за заштита на животниот стандард на граѓаните и обезбедување доволно енергенси за претстојната зима“, вели СДСМ.Оттаму додаваат:„Преку судските процеси и директни признанија на високите функционери од ВМРО-ДПМНЕ, граѓаните постојано сведочат како оваа партија трошела стотици илјади евра на скап мебел и опрема за опремување на Белиот дворец.Ако ВМРО-ДПМНЕ вистински сака да направи било што конструктивно, нешто од интерес на граѓаните, наместо да се заканува и уценува со блокади и некаква радикализација нека ги продаде луксузните теписони и лустери во Белиот дворец и парите да ги врати кај граѓаните.За разлика од ВМРО-ДПМНЕ и Мицкоски кои се грижат само за лични и партиски интереси, кои се противат парите да завршуваат кај граѓаните, СДСМ води политика за враќање на парите кај граѓаните, повисоки плати и унапредување на животниот стандард на граѓаните.Ниту една уцена или обид за блокада нема да им успеат“.

Македонија | пред 3 години

Мицкоски со ултиматум: Ковачевски има време до 10 мај да размисли

При денешната посета на општина Охрид, претседателот Христијан Мицкоски даде изјава за медиуми, при што даде одговор и на ставот на Димитар Ковачевски, кој кажал дека не е спремен на дијалог, со точка на дневен ред, предвремени парламентарни избори и дека проблем е активната блокада.„Мојот став е дека до 10 мај има рок, нека не брза, нека размисли, по 10 ние продолжуваме според она што го усвои ИК на партијата, а тоа е активна блокада на македонскиот парламент, рече претседателот Мицкоски.Доколку не сака сам, тој на таа средба може да го земе и Османи, и Ахмети, и Љубчо Георгиевски, нека дојде и со Павле Трајанов, со Маја Морачанин, Горан Милевски, со сите со цела коалиција, еве јас ќе бидам со моите соработници, да разговараме за датум за избори, а до тогаш му нудам 4 тим, да му помогнат колку толку да ги ублажиме ефектите од оваа кризна состојба во која што се најде нашата земја“, кажа Мицкоски.Тој изјави дека со месеци повикува на дијалог, на разговор, бидејќи Македонија е во криза, а луѓето од владата се невешти да се справат со реалните проблеми, односно со кризата кои сами ја наметнале.

Македонија | пред 3 години

СДСМ бара: ВМРО-ДМПНЕ да ги продаде теписоните од 20.000 евра и лустерите од Белиот дворец

„Христијан Мицкоски и ВМРО-ДПМНЕ без трошка срам најавуваат засилени блокади во време на најголема светска, економска криза, кога има постојан раст на цените на енергенсите, на цените на храната и во услови кога политичарите од цела Европа се обединуваат околу наоѓање начини за заштита на животниот стандард и обезбедување доволно енергенси за претстојната зима“, велат од СДСМ.Тие додаваат:„Преку судските процеси јавноста виде како ВМРО-ДПМНЕ трошела стотици илјадници евра на скап мебел и опрема за опремување на Белиот дворец.Ако сака ВМРО-ДПМНЕ да направи било што конструктивно, нешто од интерес на граѓаните, наместо да повикува на некаква радикализација и блокади нека да ги продаде теписите од 20.000 евра, луксузните лустери и маси во Белиот дворец и парите нека ги пренасочи кон граѓаните.За разлика од ВМРО-ДПМНЕ и Мицкоски кои се противат на тоа парите да завршуваат кај граѓаните и водат грижа само за личните и партиските интереси, СДСМ води политика за враќање на парите кај граѓаните, повисоки плати и унапредување на животниот стандард на граѓаните.Обидите за блокади на ВМРО-ДПМНЕ нема да успеат“.

Македонија | пред 3 години