СПАСОВСКИ

Спасовски: Со неуставна интепелација Власта го руши уставниот поредок

Со кршење на уставот и неуставна интепелација парламентарното мнозинство го руши уставниот поредок. Тоа е удар за правосудниот систем и напад на владеењето на правото, рече пратеникот на СДСМ и координатор на пратеничката група, Оливер Спасовски, на денешната собраниска седница за интерепелација на членовите на Судскиот совет.Овде се повикувате на реформи во правосудниот систем, кој што се потребни во државата , кои се потребни да се врати довербата во судството, и наместо реформа се започнува со операционализацијата на една неуставна интерпелација, додаде тој.-Зошто е неуставна? Затоа што, член 68 ст1 алинеја 15 од Уставот предвидува интерпелација на оние кои одговараат пред Собранието, Владата, поедини членови на владата и др. носители на јавни функции кои се одговорни пред Собранието. На членовите на Судскиот совет одговорност може да утврдува само Судскиот совет, бидејќи тој е уставна категорија и претставува самостојно и независно тело во судството. Затоа поднесените интерпелации како механизам за политичка контрола на Собранието над субјектите од горе цитираниот член е преседан и недозволен акт во една демократска држава, упад во судството, кој ја руши темелната вредност на уставниот поредок на поделба на државната власт, во член 8 ст1 алинеја 4 од Уставот. И повреда на основното начело на еднаквост на членовите на Сускиот совет, создавајќи дискриминација помеѓу членовите, рече Спасовски.Понатаму, потенцираше Спасовски, Уставот со членовите 104 и 105 го регулира статусот, составот, мандатот на членовите, условите и постапката за избор и разрешување на членовите и надлежностите на Судскиот совет.-Поконкретно разработени во законот за Судскиот совет како lex specialis и е гаранција за независноста и непристрасноста на судската власт во однос на законодавната и извршната власт, но и во однос на политичките партии, органите на државната управа и на другите др институции. Затоа поднесената интерпелација е антипод на ваквата интенција која што е предвидена со Уставот, рече пратеникот на СДСМ, Оливер Спасовски.Поради овие причини Спасовски најави дека пратеничката група на СДСМ нема да учествува во понатамошната расправа на собраниската седница.

Македонија | пред 1 година

(Видео) Спасовски: Сиљановска имаше формално обраќање, изостана нејзина реакција за многу важни теми

„Денешното обраќање на претседателката Гордана Сиљановска Давкова е едно формално обраќање пред Собранието, не понуди визија за иднината на државата, во коешто едноставно имаше констатации со извештати за тоа што направила, какви средби имала. Меѓутоа немаше суштински и конкретно во делот на политиките“, рече координаторот на Пратеничката група на СДСМ, Оливер Спасовски.„Мора да кажам два дела од обраќањето, кога зборуваше за Армија, поддршката на Армијата и на политиките кои значат унапредување на состојбата во Армијата и подобрување на животниот стандард на сите војници е нешто што ќе добие поддршка од нас. Второ, поддршката на еднаквите можност, на жените во политиката декларативно е добро како став на претседател на држава, но очекувам дека таа декларативност, преку влијание, преку јавно искажан збор да биде преточена и во конкретни политики.Постојан многу теми во општеството за коишто требаше да бидат дел од годинашното обраќање на претседателката.Токму заради тоа што и самата во говорот се претстави како човек којшто се бори за демократија, за транспарентност, и на крајот како правник во политиката е не како политичар во правото.Очекувавме да каже став за тоа дека највисокиот законодавен дом, многу ретко разгледува закони по редовна постапка, над 90% се по скратена постапка, нешто што жестоко се спротивставуваше во изминатиот период.На тој начин не се јакне демократскиот капацитет на институциите туку паѓа.Кога зборува за јакнење на транспарентноста, очекував дека јавно ќе го осуди носењето на Законот за јавни набавки со којшто се руши транспаретноста. Очекувам и ја повикувам да не го потпише овој Указ.На тој начин ќе покаже дека демократијата и транспарентноста се постулати на коишто не само декларативно ќе ја врши функцинијата туку врз реални основи.Очекував дека ќе ги осуди сите постапки за промена на законодавството, на правното уредување коешто се рушеше правниот поредок, како промените за регулаторните тела, комисиите, на луѓе кои имаа мандат противзаконски се укинуваа тие мандати.Или двете автентични толкувања на Законот за надворешни работи со коишто се создаваат можности на мала врата за рушење на дипломатската мрежа, што е надлежност на претседателот на државата.Ова се работи за коишто требаше да се прати порака.Што се однесува до единството, националното единство, за важните прашања во државата, исто така, наместо декларација треба конкретни чекори.За да има единство треба да имаме дијалог, за да има дијалог некој ќе треба да повика и да организира. Ние како СДСМ и коалиција сме подготвени да разговараме за сите прашања важни за државата, да има дијалог и да се постигне консензус.Доколку постои предлог за евроинтегративните процеси на државата тој предлог треба да биде споделен и со парламентарната опозиција и заеднички да разговараме и да изградиме заеднички ставови.Секако дека повикувајќи се на граѓаните и сиверенитетот којшто им припаѓа очекував барем неколку реченици да каже и за состојбата на економски план, што се случува и да упати порака или начин за решение на проблемите.Како и да е, сакам да верувам дека ќе најде сили да излезе од сенката на парламентарното мнозинство, на владата и да биде доволно гласна. Таа гласност да се препознае дека е во името на граѓаните на Македонија“, изјави Спасовски.

Македонија | пред 1 година

Спасовски по вчерашната бомба кај Штекли: Криминалните пресметки се показател за неспособноста на актуелниот министер

„Вистинско прашање сега се поставува, зошто за само неколку месеци ни се случуваат 25 вооружени инциденти во коишто имаме ранети, убиени граѓани. Зошто овие настани се случуваат и зошто токму овие криминални банди добиваат на значање на сила токму во овој период“, вели Оливер Спасовски - пратеник на СДСМ и додава:„Нема оправдување. Ако 1 година го предводи некој МВР да кажува дека заради тоа што се случувало во минатото сега не може да преземам ништо повеќе. Се бара знаење, посветеност и пристап којшто ќе овозможи заштита на граѓаните.На крајот ниту еден граѓанин не му важно со што се соочува некој министер или Министерство за внатрешни, граѓаните сакаат мир и безбедност затоа што е недозволиво да излезат и да се плашат дали некој во одреден момент, некоја криминална група ќе пука, ќе подмете бомба или не дај Боже да се случат посериозни настани. Истот ден се случи пукање и во куќа во Шуто Оризари, каде што имаше вооружена престрелка но не се објави во јавноста. Така да треба да се преземаат мерки а тие мерки може да дадат резултати не ако се удира по професионалците во МВР туку ако им дадете потстрек за да се борат со криминалот и со справувањето со ваквите криминални структури“.

Македонија | пред 1 година

Спасовски до Мицкоски: Божиновска ја излажа јавноста за бугарското државјанство, ќе ја разрешите ли?

Пратеникот на СДСМ Оливер Спасовски на денешната собраниска седница посветена на пратенички прашања, потсети на лицемерниот однос на ВМРО-ДПМНЕ во парламентот кога беше присутна претседателката на Европската комисија Фон Дер Лајен во однос на францускиот предлог, односно таканаречениот бугарски диктат и на променетиот став на власта денеска. Спасовски го праша Мицкоски дали ќе ја разреши министерката Сања Божиновска затоа што ја излажа јавноста за нејзиното бугарско државјанство.-Сега имаме состојба којашто веројатно е променета, а се однесува на носењето на одлуките при креирањето на владата. Впрочем изелога информации во јавноста дека во владата имаме министер кој се изјаснува дека е со бугарска самосвест, немам ништо против тоа е природно право и секој може тоа да го каже. Меѓутоа прашањето ми е дали при составот на владата, при разговорите што сте ги имале со кандидатите, бевте информирани за една ваква ситуација и можеби начелото: Прво Бугарите во Владата, па после во Уставот ќе вроди со плод и тоа е начинот на којшто ќе дојдете до промена на Уставот, нели новиот план што го претставивте и во изборната кампања и на изборите. Еднаш Божиновска велеше дека нема бугарско државајнство, потоа дека адвокати биле одговорни, за да излезе документ, потпишан од неа дека има бугарска самосвест. Еве го тој документ. Она што сега во јавноста кружи сакам да ве прашам дали ќе се побара одговорност од министерката Сања Божиновска?, рече пратеникот на СДСМ, Оливер Спасовски, во прашањето упатено до премиерот Мицкоски.Пратеникот Спасовски му врачи примерок на Мицкоски од изјавата на Божиновска за бугарската самосвест.

Македонија | пред 1 година

Спасовски: Го осудувам пристапот на Бугарија но за знамето вина има Кабинетот на Силјановска

Осудувам пристап каков што го имаше Бугарија во однос на Претседателката на државата, со неистакнување на знамето, меѓутоа тука има вина и одговорност кај Претседателката односно кај нејзиниот кабинет, рече пратеникот на СДСМ, Оливер Спасовски во емисијата Трилинг.-Не може државата да биде „повторно горда“ а вие самите себе да се потценувате а со тоа и граѓаните на Македонија да ги потцените. Постоеле механизми како тоа да се среди и да не дојде до ваква ситуација. Добро е да бидеме заштитници но на соодветен начин и време и на дело да се покаже дека сакате да ги заштитите националните интереси. Тоа бил моментот, кога се увидело дека не се почитувале протоколите да се реагира, прашање е дали требало да се одржи една таква средба, рече СпасовскиАко претседателката на државата не го штити достоинството на државата и на граѓаните, од кого очекуваме. Очекуваме дека со реакции отпосле ќе направиме нешто? Не, прво тоа треба да се превенира, додаде тој.Треба да се напушти процесот на нарушување на односите на сите околу нас, кој наместо партнер да го правиме противник на Македонија. Не би сакал да се случи нова фаза на изолација, тоа нема да биде добро да земјата, вели Спасовски.-Често пати се поставува дилема во јавноста дали декларативните заложби кои како опозиција ги имаше актуелната власт за членство во ЕУ се и реални. Досега често пати имавме изјави со скепса за нашиот пат кон ЕУ, но досега никој нема понудено алтернатива. Која е алтернативата доколку државата не се движи по европскиот пат? За нас како СДСМ тоа е јасно, нема алтернатива. Дали постојат фрустрации кај граѓаните од тоа што долго трае процесот за прием на државата, да. Но, во тој правец треба да се преземат чекори. И од Европската унија секако. Но апсолутно не можам да се согласам дека се некој друг ни е виновен за она што владата не може да го постигне. Напротив, сметам дека треба сериозно и посветено да се работи на таа европска агенда, рече пратеникот на СДСМ, Оливер Спасовски во емисијата Трилинг.

Македонија | пред 1 година

Спасовски: Затајува координацијата на институтициите за справување со пожарите

Координаторот на пратеничката група на СДСМ Оливер Спасовски, во емисијата „Вести плус“ на канал 5 телевизија во врска со интензивните пожари кои пустошат во државата истакна дека координацијата на институциите затајува, а ситуацијата бара далеку подинамичен пристап.-Затајува координацијата. Апелирам во овој период за енергична акција. И за пронаоѓање на било какви сторители или оние што палат. Институциите треба да работат, да се преземаат најстроги мерки за секој што ќе се отркие да подметнува пожар, заради тоа што најмногу страда државата, се загрозува и здравјето и безбедноста на граѓаните, рече Спасовски.Тој ги демантираше лагите дека досега не се вложувало ништо во справувањето со пожарите посочувајќи дека СДСМ ги опреми хеликоптерите за да може да се гасат пожари.-Нека каже било кој дали постоеле хеликоптери и персонал. Немало. МВР немаше подготвено ниту еден воздухоплов, ниту еден хеликоптер, којшто беше опремен за гасење пожари, ниту имаше обука за полициски службеници за гасење пожари. Во 2022 година МВР од сопствен буџет опреми три хеликоптери со најсовремена опрема и го обучи персоналот, заедно со колегите од Словенија, преку заеднички проект и денеска тие се една од најмобилните единици за гасење пожари, нагласи Спасовски.Во врска со ребалансот на буџетот Спасовски ја посочи разликата меѓу СДСМ и ВМРО-ДПМНЕ.-СДСМ не поднесуваше илјадници амандмани, со кои ќе се одолговлече постапката за донесување на ребалансот, тоа е разликата меѓу нас и сегашната власт. Тие кога беа во опозиција поднесуваа амандмани само за да може да се одолговлекува целиот процес. СДСМ поднесе амандмани за поголеми плати, за награди за пожарникарите, полицајците, војниците, рече координаторот на пратеничката група на СДСМ Оливер Спасовски.

Македонија | пред 1 година

Нова кривична за Спасовски од полицајци: „Потпишал решенија додека имал корона и бил во изолација“

Синдикатот на полицијата во Македонија (СПМ) објави дека поднеле кривична пријава против поранешниот министер за внатрешни работи Оливер Спасовски.„Денес Синдикат на Полиција во Македонија до Основното јавно обвинителство Скопје поднесе кривична пријава против лицето О.С поранешен Министер за внатрешни работи поради постоење на основано сомнение дека пријавениот во својство на службено лице – поранешен Министер во МВР со пречекорување на овластувањата и злоупотреба на службената положба и овластувања кои ги имал ги сторил кривичните дела “Злоупотреба на службената положба и овластување“ по член 353 од КЗ и “Несовесно работење во службата“ по член 353-в од Кривичниот законик“, велат тие и додаваат:„Во конкретниот случај постои основано сомнение дека пријавениот О.С со злоупотреба на службената положба и овластување, со непочитување на здравствените прописи кои важеле во тоа време како и преземање на мерки и службени дејствија за време на спреченост на работа односно додека бил на боледување и непочитувајќи ги прописите за заштита од прописите на Државниот санитарен и здравствен инспекторат за заштита од вирусот „Ковид 19“ своерачно и незаконски потпишал две решенија за распоредување а со тоа ги сторил кривичните дела “Злоупотреба на службената положба и овластување“ и „Несовесно работење во службата“ предвидени во член 353 и 353-в од Кривичниот законик“.Синдикатот упати и прашање: „Каков човек треба да бидеш, додека си на боледување, да бидеш болен од Ковид 19, да бидеш во изолација и единствено да те интересира тоа да нанесеш штета на работниците на кои со години од твоето владеење „се колнеше“ дека се "ЗАДОВОЛНА ПОЛИЦИЈА". СРАМ И АРАМ ДА ТИ Е СПАСОВСКИ!“.

Македонија | пред 2 години

Спасовски најави жестока борба: За Македонија!

Три дена по изборите, ексминистерот за внатрешни работи, Оливер Спасовски се огласи во јавноста.„Благодарам од срце до сите граѓани за поддршката, за време на изборите, но и во изминативе 7 години. Направивме многу како Социјалдемократски Сојуз на Македонија, за што искрено се заблагодарувам до секој еден член и симпатизер, за вложеноста и искрениот пристап. Како и секогаш јас се обврзувам на отвореност и достапност за секој еден другар, сопартиец, сограѓанин, заедно сме во оваа борба! Ја почитуваме волјата на народот како израз на демократските процеси. Нашата ангажираност за унапредување на општеството и обезбедување на посакуваните промени останува непоколеблива, продолжуваме да работиме кон тие цели. Како ваш претставник во македонското Собрание ќе се борам жестоко за Македонија да остане на вистинскиот пат и да не потклекнеме пред политики на режим. Членството во НАТО и позиционирањето на патот кон ЕУ се највисоките дострели на нашата држава кои овозможуваат подобар живот за сите. СДСМ ќе биде силен и достоинствен, како што доликува на државотворна партија и движечка сила на општеството - ние сме тие кои ја одржуваат идејата за безбедна, слободна и европска Македонија!“, напиша Спасовски.Тој гостуваше и во „Претрес со Ландов“, каде што изнесе ставови, досега нечуени во јавност, а одговараше и на прашања како за убиството кај Смилковско Езеро, Диво Насеље, за правдата која СДСМ не ја донесе како што ветуваше..

Македонија | пред 2 години

(Видео) Боки 13 му врати на Спасовски: Лаже, комунициравме до пред апсењето, му го пријавив „Рекет“ и ми кажа дека нема ништо од тоа

Бојан Јовановски-Боки 13 кај Лазаров тврди дека ексминистерот за внатрешни работи, Оливер Спасовски лажел во подкастот „Претрес со Ландов“ кога кажал дека имале само службена комуникација, како и дека кај него не бил пријавен „Рекет“. Боки 13 тврди дека има пораки со Спасовски, а дека комуникацијата дека ја започнале на 08.12.2018 година.Првата порака која Боки 13 ја испратил до Спасовски, според него е: „Ако може да се слушнеме, итно ми е, му пишав и на премиерот“, а се работеше за напад кој го имаше моето семејство во тоа време, јас пријавувам кај него, па му пишувам адреса“.Боки 13 кажа дека стопати бил кај Спасовски, како и дека му ја работел ПР промоцијата за да биде претседател.?t=4250„Јас и Оливер Спасовски сме комуницирале заклучно со месец јуни, 2019 година, се додека не ме уапсија, две недели пред апсење. Новинарот во подкастот, Ландов, му постави едно круцијално прашање, кога го праша, дали можеби јас сум му го пријавил случајот Рекет“, рече Јовановски, па додаде дека бил во неговиот кабинет и посочи: „Јас во неговиот кабинет одам и му кажувам дека сум снимен од странски служби, дека тоа ми го кажал Зоран Заев и дека тој лично комуницира со Камчев, Зоран Милевски-Кичеец и дека ми се подготвува таква и таква работа. Тоа ми беше кажано мене и Катица Јанева. Тој ми кажа дека нема да има ништо од тоа, па се повлекува“.Според Боки 13, Спасовски со страв дал одговор на прашањето во подкастот „Претрес со Ландов“.Гостувањето на Спасовски во прилог:?t=7017

Македонија | пред 2 години

(Видео) „Трендот е тој низ цела Македонија“, одговори Спасовски на прашање како СДСМ стана трета партија по гласови во Куманово

Ексминистерот за внатрешни работи и носител во ИЕ 2 на СДСМ, Оливер Спасовски прашан во подкастот „Претрес со Ландов“, како ја доведоа партијата да биде трета по гласови во Куманово, одговори: „Ако анализираме по состојбите какви се по првиот изборен круг, мислам дека трендот е тој, кој што е во цела Македонија“.?t=7198„Секако треба да се направат и детални анализи до еден таков тренд. Имам претпоставка, дека стојат генерални причини кои прават перцепција, една од причините можеби се уставните измени, францускиот предлог – како генерална причина. Состојбата со коалицијата со ДУИ изминатиот период исто така можеби е една од причините. Секако дека постојат и низа други причини за еден ваков изборен резултат“, рече Спасовски.Спасовски рече дека треба да се види што ги нервира луѓето, деталите видете ги во подкастот каде зборуваше и за други актуелни теми:

Македонија | пред 2 години

Спасовски: СДСМ потфрли со правдата и тоа е една од причините за падот на партискиот рејтинг

„Точно е дека, тој период кога имаше и протести, и кога беше „Кампот на слободата“ пред Владата 60 дена, предизвикан од многу настани кои што ни се случија во тој период и мотото на тие протести на Шарената револуција беше тоа „Нема правда, нема мир“. Можам да кажам дека потфрлањето во овој дел, со правдата е една од причините и за намалување на рејтингот и довербата кон СДСМ. Меѓутоа не е состојба во која што апсолутно не се покренале никакви постапки и некој бил заштитен “ вели екс-министерот Оливер Спасовски во Поткасотот „Претрес со Ландов“.Се направија многу чекори, не е дека ништо не е направено во делото на правосудството тврди Спасовски, но се направи помалку од тоа што беа очекувањата и требаше да се направи.„СЈО беше донесено како одлука на сите политички партии и договорот во тоа време. Второто, што ќе се случува понатаму со СЈО тоа беше дебата..“ рече Спасовски.Спасовски одговара дека нема никаква можност тој да биде спореден со Сашо Мијалков на прашањето - дали се плаши од затвор.Гледајте го Претресот на екс-министерот Оливер Спасовски во ЖИВО:

Македонија | пред 2 години

Нема фотографија

(Видео) Спасовски доби кривична оти издавал документи без „северна“, а знаел дека нема да важат

„ВМРО-ДПМНЕ денес поднесе кривична пријава против лицето Оливер Спасовски, кој како поранешен министер за внатрешни работи е лично и директно одговорен за хаосот со личните документи“, вели Игор Јанушев, пратеник и член на ИК на ВМРО-ДПМНЕ.Тој додава:Ова е кривичната пријава, која што само што беше поднесена во Јавното обвинителство.Оливер Спасовски кој што кажував во својство на министер за внатрешни работи во период од околу 2 ипол години издавал лични документи кои што знаел и бил свесен дека нивната важност нема да биде во рок отколку што е ставен во документите туку истите ќе престанат да важат на 12.02.2024 година.Имено, тој овој период од 12.02.2019 па се до средината на 2021 година тој свесно и директно раководејќи со Министерството за внатрешни работи кои што впрочем ги издаваат овие документи нанесува штета на десетици илјади граѓани. И таа штета е и материјална и нематеријална штета.Две ипол години тој ја донесува македонската јавност, граѓаните на Република Македонија во заблуда со ова негово постапување.Впрочем тој врши злоупотреба на службената положба и овластувања, и несовесно работење во службата.И оваа кривична пријава впрочем се заснова на прекршување на членовите 353 став 1 и 353-в став 5 од Кривичниот закон.Очекуваме од Јавното обвинителство да ја прифати кривичната пријава поднесена од ВМРО-ДПМНЕ и да отвори истрага за Оливер Спасовски бидејќи одговорност во оваа држава мора да има.Апелираме и очекуваме дека новоизбраниот Јавен обвинител на Република Македонија ќе покаже дека е професионалец, а не дека е продолжена рака на власта во заминување на СДС и ДУИ.

Македонија | пред 2 години

Спасовски треба кривично да одговара - ги ставија граѓаните во „државен притвор“, вели ВМРО-ДПМНЕ

„Хаосот со промената на личните и патните исправи е резултат на неодговорноста и неспособноста на власта на ДУИ и СДС. Наместо Европа на граѓаните им сервираа државен притвор поради тоа што не организираа процес на промена на исправите, ненавремено и неорганизирано го спроведуваа процесот, не набавиле доволно обрасци и уште десетици други поголеми или помали пропусти“, вели ВМРО-ДПМНЕ.Тие додаваат:Ова им го кажуваат и медиумите, и правниците и граѓаните, само тие се обидуваат вината да ја пренесат на ВМРО-ДПМНЕ, на народот или на короната.Овде СДС и ДУИ треба да понесат целосна одговорност за ова фијаско. Во исто време Оливер Спасовски треба кривично да одговара за кршењето на човековите права на државјаните пропишани и со Устав, но и за материјалната и нематеријалната штета која е предизвикана врз граѓаните.Излезот од овој ќорсокак во кој не доведоа ДУИ и СДС е да се промени законот за патни исправи на истиот начин на кој се направи тоа со законот за безбедност во сообраќајот. Талат Џафери нека не се прави Ајнштајн за право и нека не им попува на правниците, затоа што тој не е правник, туку дезертер.Вака лошо во Македонија никогаш не било, како сега со ДУИ и СДС. Тоа граѓаните го чувствуваат на свој грб и затоа треба да ги поразиме.

Македонија | пред 2 години

Нема фотографија

Прв термин за вадење документи е во декември, Спасовски тврди дека се издаваат во законските рокови без разлика на гужвите

Тешко се доаѓа до термини за вадење на лични документи, а дека има гужви потврдува и министерот за внатрешни работи Оливер Спасовски. Граѓаните сведочат дека првите слободни термини за поднесување на барањата и фотографирање се за во декември односно веќе јануари. Спасовски посочува дека вака било и минатата година.„Секако дека фреквенцијата е зголемена. Не само оваа година, туку и минатата имавме. До 2019 година најголемата гужва била во месеците јуни, јули, август. Таа не поминувала повеќе од 22, 23 илјади. Минатата година за истиот период имавме околу 50.000 барања за промена на лични документи. Како наближија годишните одмори има и зголемена фреквенција. Во овие денови опаѓа. Има градови каде и нема големи гужви. Се работи и во сабота“, вели Спасовски.Според него, доколку се почитуваат термини и не се бара вадење на документи од денес за утре – сите ќе имаат лични карти, пасоши и возачки дозволи на време.„Секако дека јавувањата и редот кој се воспоставува, закажувањата на термини е во првите слободни термини. Од град во град тие се такви какви што се. Најважно е што сите ние кои сакаме да добиеме термини, да го почитуваме тој. Изместувањето на терминот значи проблем за цел тој систем“, додаде Спасовски.Тој додава дека динамиката е добра.„Во наредните денови ќе имаме предлози за релаксирање на системот. Околу еден милион граѓани ги смениле документите. Динамиката е добра“, додаде министерот.Никој нема да биде казнет ако до февруари не извади документи со новото име на државата.„Нема да има проблем во остварувањата на правата. Според динамиката која ја имаме успешно ќе се завршат промените на документите. Нема да има казнување на граѓаните. Во континуитет како што ќе се одвиваат состојбите такви одлуки ќе носиме, во интерес на граѓаните“, кажа Спасовски.Тој е дециден дека во законскиот рок се постигнува да се издадат документите.Макфакс

Македонија | пред 2 години

Ковачки до Спасовски: Од дури 440 фатени дилери, зарем ниту еден не призна кои се главните

Во борбата против недозволена трговија со дрога, резултатите во првото полугодие од 2023 година се:372 кривични дела, кривично пријавени 440 сторители, зголемување на заплените на кокаин, амфетамин и екстази: 286 кг марихуана, 7кг амфетамин, 3 кг кокаин и 3. 532 парчиња екстази, соопшти министерот за внатрешни работи Оливер Спасовски.На социјалните мрежи во врска со ова реагираше Драган Ковачки од ВМРО-ДПМНЕ.„На последното промотивно видео на Министерот за внатрешни, истиот тврди дека пријавил 440 сторители - дилери на дрога.Исто како и за промотивното видео за корупцијата, така и овде, не е важно колку сте пријавиле, туку која е разрешницата - за колку од нив ќе има обвинение и за колку од тие обвиненија ќе има пресуди. На сите ни е јасен одговорот.Од овде, се поставуваат неколку прашања:1. Од дури 440 фатени дилери, зарем ниту еден не призна кои се главните, односно кој е главниот за шверцот и дистрибуција на дрогата по улиците, кафе-баровите, дискотеките, хотелите итн.? Пак ли ситни риби ќе одговараат (ако одговараат)?2. Зошто после 8 години буквално владеење со Министерството за внатрешни, Спасовски сега се сети дека треба да расчистува со дрогата (чистки за превласт?)3. Колку од пријавените сторители - учесници во дилерство и криење на криминалот, се полициски службеници или вработени во МВР и на кои позиции?4. Се откри ли "кртот" во врвот на МВР за кој јавно проговори поранешната ЈОГОКК Вилма Русковска, т.е. кој оддава(ше) информации на криминалните банди?Заклучокот е јасен:МВР под ова раководство е мртво ткиво и е полно со поединци кои функцијата наместо во државни цели, ја користат за лично богатење и бенефиции на сметка на здравјето на македонската младина.Поради неспособноста и инволвираноста на поединци на различни позиции во МВР во шверцот со дрога и неговото прикривање, секоја година бројот на нерасветлени убиства по улиците се зголемува.Доколку сакаме напредок на државата, покрај во правосудниот систем, и во МВР мора да се спроведе целосна демонтажа на криминогените и коруптивни елементи“, вели Ковачки.

Коментари | пред 2 години

Тасевски до Пендаровски, Ковачевски и Спасовски: Не се осеќате навредено што Курти ви организира приватна журка на која се негира државата

Горам од желба да знам ти Пендаровски, ти Таче и ти Обиџуко, а бе како се осеќате у дубини душе кога го јадете Курти со картата на Голема Албанија среде Скопје, вели актерот Сашо Тасевски.„Не ви е малку непријатно? Не се осеќате навредено и како луѓе и од позиција на функциите што ги имате? Не ви е срам од вас самите?Тој Курти ви доаѓа како премиер на протекторат, ви организира приватна етнофашистичка журка на која се негира т.н. држава која ја водите и вие излегувате со соопштенија од типот: Ќе го фатиме тој со картата на Голема Албанија, згрозени сме....Ќе го фатите жими Курти!Да сте држава таа журка немавте да дозволите да се случи. Или ќе им влезете со полиција. Замислете среде Загреб Шешељ да прави митинг со картата на Голема Србија. Уште колку секунди живот ќе му остане по таков кикс?Го*на мекотелски. Вие излегувате со соопштенија само ко ќе видите дека Македонците се бесни, инаку ве боли Курти секогаш кога некој сосед ги негира или понижува МакедонцитеСе срамам што живеам во ова франкештајнска творба наречена држава“, вели Тасевски.

Коментари | пред 2 години

Напаѓачите се идентификувани, приведени се 19 бугарски државјани, вели Спасовски

Министерот за внатрешни работи Оливер Спасовски денеска изјави дека се идентификувани напаѓачите кои со нож прободеле навивач на „Левски“ вчера во Чаир и дека се работи на нивно пронаоѓање.Министерот рече дека возилата со бугарските регистарски таблички кои отишле во Чаир да провоцираат влегле во Македонија во приватна режија, односно без да го користат организираниот превоз за мечот со „Шкупи“ во Скопје.- Таму се идентификувани веќе напаѓачите, таму моментално работат колегите, јас очекувам во скоро време да ги имаме детално сите информации, рече Спасовски.Неговото лично мислење е дека бугарските навивачи се тие кои отишле да направат намерна провокација и да дојде до немири.

Македонија | пред 2 години

Ковачки: Груби му се заблагодари на Спасовски, само не кажа за што

Првиот Вице-премиер Артан Груби му се заблагодари на Министерот за внатрешни работи Оливер Спасовски. Само не кажа за што му се заблагодарува, вели Драган Ковачки од ВМРО-ДПМНЕ„Дали му се заблагодари затоа што му дозволил на возилото што е на име на приватна фирма да стави звучна и светлосна сигнализација односно го направил како полициско возило и како такво да го користи, или му се заблагодари затоа што МВР се' уште не покренало постапка за испитување на начинот на отстапување на користење на возилото од страна на фирма на избраниот функционер.Министре Спасовски, ќе кажете ли збор-два за случајот или ќе следи нов скандал за да го покриете овој“, вели Ковачки

Македонија | пред 2 години

Спасовски задоволен од анкетите за евентуална кандидатура за претседател

Министерот за внатрешни работи Оливер Спасовски во вестите на Алсат ТВ рече дека е задоволен од рејтингот во анкетите и дека ќе се направат анализи за евентуалната можност следната година да се кандидира за претседател на Македонија.Неговото име се споменува сѐ почесто како што се приближуваат претседателските избори, а во разговорот министерот рече дека по тоа прашање нема толкави лични амбиции, колку што неговата кандидатура би требало да има едно „национално обединување“.„Така што, во политичкиот дел за тоа сигурно дека ќе се разговара на ниво на партија, на ниво на партиски органи во носењето на таквите одлуки”, беше категоричен Спасовски.Во однос на имињата за Претседател на државата, Спасовски рече:„Да, јас ги слушам спомнувањата на имиња, меѓутоа сето тоа е во рамки на шпекулации, разговори кои ги има во јавноста... Меѓутоа, јас сега воопшто не размислувам на тоа прашање. Можеби ќе дојде тема на која ќе разговараме и ќе ги соочиме сите аргументи. За мене што е важно?! Важно е да се направат добри анализи, важно е да се обединат сите структури кои подразбираат или ги споделуваат заедничките европски вредности, вредности за напредокот на државата и, таа опција да ја предводи Македонија и во наредните четири години“, подвлече Спасовски.

Македонија | пред 2 години

Спасовски на ТВ24: Нулта толеранција за корупција, борбата не е лесна ама вреди

Денеска, министерот за внатрешни работи Оливер Спасовски гостувајќи во Студио 10 на ТВ24 беше запрашан за соработката на МВР со институциите надлежни за сузбивање на корупцијата.„Како МВР имаме нулта толеранција во однос на корупцијата, борба која мора да биде ригорозна и конзистентна, транспарентна и неселективна. Тоа подразбира дека за сето она што го работиме не смее да постои селективност, без разлика корупцијата и криминалот од каде доаѓаат, дал се на високо или ниско ниво, иако за мене таква поделба не постои. Корупција е коурпција, без разлика каде се јавува, таа треба да биде сузбиена. Секако дека ако се јавува корупција на високо ниво е попроблематична заради тоа што може да се има поголемо влијание врз системот, но сепак, мораме како институции, како систем, сите заедно да имаме добар одговор во однос на оваа состојба”, рече министерот Спасовски.Министерот Спасовски потенцираше дека МВР има добра соработка со институциите надлежни за борба против корупцијата.„Можам да сведочам за добра соработка и со јавните обвинителства и со Државната комисија за спречување на комисијата, со конкретни договори за соработка, меморандуми за електронска размена на информации. Направивме можност укажувачите да имаат побезбеден систсем. Секоја постапка треба да се води без разлика за кого станува збор, да се прибираат докази, секаде каде ќе се покаже криминал - да се носи одговороност. Не смееме да си дозволиме луксуз во којшто некој ќе биде изоставен од водење постапка за криминал или корупција. Само така граѓаните ќе имаат доверба во институциите”, рече Спасовски.Образложувајќи дека корупцијата како феномен практично лишува многу услуги кои се потребни на граѓаните, Спасовски истакна дека преку корупцијата граѓаните се лишени од услуги во образованието, во здравството, таа ја јаде економијата и работните места, за сметка на богатење на групи и поединци. Затоа, како што посочи Спасовски, посебно е важно истрагите за корупција да биде проследени со финансиски истраги и конфискација на имот.„Како МВР од моментот кога започнавме со финансиски истраги го формиравме Одделот за водење финансиски истраги во МВР и водиме паралелно финансиска истрага за секоја кривична постапка, со цел на крајот да не може тој имот кој е нелегално стекнат, да остане кај криминалот, туку да мора да се врати кај државата”, истакна Спасовски.Истакнувајќи дека борбата против корупцијата е присутна секаде во општество, на секое ниво, министерот Спасовски рече дека таа никогаш не е лесна и не е ексклузивитет само за нашата држава.„Борбата против криминалот и корупција не е лесна никаде во светот, дури и во најразвиените демократски држави. Еден од најголемите американски претседатели Рузвелт, би рекол – ‘Aко беше лесно немаше да вреди’. Така што и оваа битка којашто ја имаме против криминалот и корупцијата не е лесна, меѓутоа е вредно да се бориме против нив и да создадеме услови за развој на општеството, за такво какво што го посакуваат и, пред сѐ, заслужуваат граѓаните на државата”, рече министерот Спасовски.Одговарајќи на прашањето дали има заштитени во однос на корупција, Спасовски рече:„За кој сака нека се работи, тука нема ни внуци, ни браќа, ни сестри, ни функционери.... Не сакам да се создава илузија во јавноста дека некој заради тоа што е поврзан со врвот на власт или е во самиот врв на власта - нема да одговора. Апсолутно секој кој се бави со криминал и корупција мора да одговара! Нема поединец во оваа држава кој може да биде појак од државата и не смее да има во ниту еден случај. Националната припадност, верската припадност, политичката..., во ниту еден случај не може да биде основа за тоа дали има криминал или нема криминал. Тој што правел криминал е криминалец и треба да сноси одговорност. Криминалот и корупцијата не познаваат граници и веќе е транснационален криминал. Да не се надева некој политичар дека затоа што е политичар ќе биде заштитен за тоа што го правел незаконски во текот на работењето. Така што ова треба да биде порака до сите: секој еден којшто прави криминал, кој со умисла сака да биде дел од криминални структури и преку корупција да ја уништува државата, мора да излезе пред лицето на правдата и во тоа сме силно решени”, рече министерот Спасовски, додавајќи притоа дека системот за борба против корупција е комплексен.„Тоа не е една институција, но граѓаните сакаат да го видат крајниот исход - дали тој што е криминалец и утврдил судот дека е криминалец - ќе ја изврши санкцијата, дали ќе се конфискува нелегалниот имот. Дали зајакнува системот?! Да, зајакнува. Тој систем не е ист систем како до 2017. Дали треба да биде подобар? Да, треба да биде уште подобар и да градиме сите доверба во институциите”, подвлече Спасовски.

Македонија | пред 2 години

Откако МВР го чува влезот на затворот „Идризово“, драстично се намалени разбојништвата и бегствата, вели Спасовски

Полицијата останува да помага во затворот Идризово кој се уште е во кризна состојба по неколкуте скандали и бунтови на затворениците. Министерот за внатрешни работи Оливер Спасовски одговарајќи на новинарско прашање денес по посетата на полицискиот центар за обука во близина на затворот, се пофали дека откако полицијата ги чува влезовите, намален е бројот на разбојништва и на бегства од затворот.„Таму работиме заедно според оперативен план направен со службата на ‘Идризово’ и со Армијата во делот на обезбедувањето заради состојбата со намалување на кадарот на полициските службеници во затворот што влијае на оваа ситуација. Целосно под контрола е се она што е под контрола на МВР, односно влезовите, се што влегува е контролирано на високо ниво. Од моментот на кризната состојба, откако постапуваме во ‘Идризово’ драстично се намали бројот на извршување на разбојништва и на кражби и на територијата и на општина Гази Баба, но и на територијата на градот Скопје што укажува на аномалиите кои ние претходно ги утврдувавме, со нелегално излегување на лица од затворот“, рече министерот Спасовски.

Македонија | пред 2 години

За сите сторители кои допринесоа главниот град да се дави во смет, можно е да бидат поднесени кривични пријави, вели Спасовски

Министерот за внатрешни работи, Оливер Спасовски тврди дека ако се покажат за точни информациите дека иселеници земаат плата од „Комунална хигиена“ – секој еден ќе сноси одговорност. Тој е дециден: „Нема да имаме отстапка, за ниту една ситуација, ова треба да биде санкционирано за да се стави крај“.„Навистина ниту Скопје, ниту граѓаните не го заслужија ова што се случи изминатите денови. Еколошка катастрофа која го загрозува здравјето и животот на граѓаните. И без да навлегуваме во причините – ова е катастрофа. Најмалку сакам превирања да влијаат на животот на граѓаните. Ние вчера очекувавме и мислам дека денеска треба да биде доставен записникот од Инспекторатот за животна средина, комуналниот инспекторат, инспекторите на Град Скопје, за да ги видиме нивните наоди. Во координација сме со обвинител. Ако има елементи за кривично дело, за сите сторители кои допринесоа главниот град да се дави во смет – можно е да бидат поднесени кривични пријави“, најави Спасовски.

Скопје | пред 2 години

Спасовски за насилството во Арачиново: Ова не прв конфликт во општината заради нерасчистени лични интереси

69-годишен арачиновец, на 23 мај без дозвола влегол во канцеларијата на градоначалникот, насилно барајќи да му се додели земјиште во надлежност на Општина Арачиново.Откако не го нашол во канцеларијата, го пресретнал градоначалникот во дворот, започнал грубо да го навредува, да му се заканува и насилнички да се однесува.Во врска со овој случај министерот за внатрешни работи, Оливер Спасовски изјави дека ова не е прв конфликт во општината.„Во однос на состојбите ја информирав јавноста дека имаме два пати пријави во однос на вакви настани и се преземени сите неопходни мерки за кои што се поднесени сите соодветни пријави во однос на лицата кои што практично ја нарушуваат безбедноста. Апелирам овие недоразбирања кои ги имаат од било кои причини, дали се лични, политички, ќе треба да се разрешат затоа што не смее граѓаните на Арачиново да бидат заложници на состојбите кои ги има таму. Секако дека македонската полиција стои на располагање доколку има потреба да се осигура безбедност на било кој затоа што во државата не смее во ниту еден момент никој никого да го напаѓа, ниту да претставува опасност за него, но ако има лични недоразбирања или било какви мотивации за таквите недоразбирања да ги расчистуваат, а да институциите функционираат нормално во интерес на граѓаните.Во однос на активностите кои ги презема полицијата секогаш и во секој момент се преземаат и се поднесуваат кривични пријави, па понатака обвинителството ги презема. Во делот на институциите тоа е нешто што преземено. Инаку пораката не ми е до политички структури или било кого, туку до оние кои ги прават конфликтите. Ова не прв конфликт кој што е во општината и тоа е според наши информации и сознанија кои ги имаме заради нерасчистени лични интереси и затоа упатувам апел дека граѓаните не можат да бидат заложници на никакви лични или политички интереси“, изјави Спасовски.

Македонија | пред 3 години

Спасовски не одговори дали би се кандидирал за претседател на државата

Министерот за внатрешни работи, Оливер Спасовски денес присуствуваше на промоцијата на Пилот проектот „Дигитален толкувачки сервис за глуви и наглуви“.На прашањето дали би се кандидирал за претседател на државата, тој само кусо одговори дека тоа е политичко прашање кое треба да биде оставено за партијата.„Ова е политичко прашање, денес сме овде во име на институцијата со која раководам така да партиските, политичките прашања ќе ги оставиме за партијата.За сите политички прашања ќе разговараме таму каде што е место во политиката, денеска сме овде заради интересот на лицата со посебни потреби. За мене е многу поважно да работиме секој ден за интерес на граѓаните, да помогнеме секој ден на одредена група или категорија, отколку за било што друго што се однесува до политичките случувања, амбиции итн“, изјави Спасовски.

Македонија | пред 3 години

Сајбер заканите се дел од хибридна војна во нашиот регион, вели Спасовски

Денеска, (03.05.2023) министерот за внатрешни работи Оливер Спасовски учествуваше на конференција на тема „Регионални безбедносни предизвици и настани во земјите од Западен Балкан“, чијашто организација е во склоп на активностите на Претседателскиот центар за политичко образование. Конференцијата ја отвори претседателот на Републикa Северна Македонија, Стево Пендаровски, со поздравно обраќање во присуство на амбасадорот на Соединетите Американски Држави во Србија, Кристофер Р. Хил, кој во своето обраќање зборуваше за актуелните политичко безбедносни трендови во регионот, при што ја истакна регионалната иницијатива Отворен Балкан.„Важна е регионалната интеграција. Важни се граници кои не ги делат луѓето, туку обединуваат. Отворен Балкан создава добрососедство и го олеснува протокот на движење на границите. Поентата на иницијативата е да се создадат начини на соработка со соседите.”, истакна амбасадорот Хил, по што се осврна на дијалогот меѓу Србија и Косово, како и ситуацијата во Босна и Херцеговина, како најголеми регионални предизвици во моментов.Присутните на конференцијата имаа можност да учествуваат во дискусијата која следеше, при што на министерот Спасовски му беше поставено прашање за тоа како МВР се справи со сајбер заканите. Заблагодарувајќи се за поканата за учество на конференцијата, министерот Спасовски истакна дека амбасадорот Хил прати многу важни пораки и сознанија до младите кои го посетуваат Центарот за политики.„Што се однесува до безбедносната состојба, Северна Македонија има особено важна геостратешка позиција, тогаш и безбедносните проблеми се сериозни. Ние како МВР предупредувавме години наназад. Сега се случува тоа во нашата држава и регионот тоа што се случуваше три години пред инвазијата на Русија врз Украина. Сајбер заканите обзнанија дека институциите треба да се подготват. Имавме неколку месеци жестоки напади преку електронски закани токму во образованието, а засегнати беа сите во општеството, родителите, учениците, наставниците. Тоа беше сериозен предизвик, но со меѓуинституционален одговор, соработка и комуникација со безбедносните служби, АНБ, АР, како и нови упатства и протоколи за сериозно дејствување против заканите, истите практично престанаа. Ова само укажува на хибридна војна во целиот регион, со лажни вести и обиди за рушење на перспективите на Република Северна Македонија во ЕУ.”, рече министерот Спасовски.

Македонија | пред 3 години