СТОЈЧЕВСКИ

Мицкоски им ја краде иднината на младите, затоа се иселуваат од Македонија, вели Стојчевски

СДММ денеска одржа прес-конференција на која претседателот Трајче Стојчевски упати остри критики кон премиерот Христијан Мицкоски и владата предводена од ВМРО-ДПМНЕ.Стојчевски оцени дека е „врв на лицемерие и цинизам“ повикот на Мицкоски младите да не се иселуваат, тврдејќи дека токму политиките на актуелната власт придонесуваат за масовното иселување.„Младите поради него и криминалната организација ВМРО сакаат да се иселат, поради криминалот, корупцијата, сиромаштијата, немањето систем и партизацијата“, изјави Стојчевски.Тој обвини дека Владата намерно го блокира европскиот пат на државата и дека најголемата штета од тоа ја трпат младите генерации.Во обраќањето беа упатени критики и за економските политики на Владата, при што Стојчевски рече дека нема мерки за младите, нема зголемување на минималната плата и нема вистинска поддршка за студентите и младите работници.СДММ ја обвини Владата и за новото задолжување на државата, наведувајќи дека за две години бил создаден нов долг од 2,3 милијарди евра, кој, според нив, ќе треба да го враќаат идните генерации.На крајот од прес-конференцијата, Стојчевски порача дека на следните избори младите ќе избираат меѓу „иднина со СДСМ“ и „изолација со ВМРО-ДПМНЕ“, посочувајќи го Венко Филипче како политичар кој, според нив, нуди европска перспектива за државата.

Македонија | пред 2 седмици

СДСМ зборува за враќање на Груевски, а го пушти да избега од одговорноста , вели Стојчевски

Пратеникот од редовите на ЗНАМ, Даниел Стојчевски, на денешната прес-конференција обвини дека СДСМ и Венко Филипче се обидуваат преку политичка реторика да ја променат перцепцијата на јавноста за случајот со поранешниот премиер Никола Груевски.Според Стојчевски, СДСМ денес зборува за правда и враќање на Груевски, иако токму во времето на нивното владеење му било овозможено да избега од државата.„Реториката што ја користат СДСМ и Венко Филипче не е повик за правда, туку обид да се избрише колективното паметење на граѓаните и да се наметне нова, удобна ‘вистина’“, рече Стојчевски.Тој постави повеќе прашања до раководството на СДСМ, барајќи одговор дали во периодот пред парламентарните избори во 2024 година се одржала средба во вила на Водно, на која наводно се разговарало за враќање на Груевски во државата под одредени услови.Стојчевски праша и дали постоеле договори поврзани со измените на Кривичниот законик, конкретно членот 353, со кои, според него, се создала можност за амнестија на поранешни функционери.„Дали е точно дека од Будимпешта до Бихаќка бил испратен УСБ стик со измени на Кривичниот законик, со кои практично се овозможи општа амнестија?“, праша тој.Во обраќањето, Стојчевски посочи дека ЗНАМ нема да прифати селективна правда и дека секој што се огрешил пред законот, без разлика на политичката припадност, треба да одговара пред институциите.„Ние не делиме правда по партиска линија. Веруваме во држава во која законот важи еднакво за сите“, истакна Стојчевски, додавајќи дека одговорност мора да има за сите кои преку политички договори и законски измени се обиделе да ја избегнат правдата.Тој оцени дека СДСМ денес се обидува да глуми борец за правда, иако, како што рече, токму таа партија го урнала системот на правна држава.На новинарско прашање околу шпекулациите дека би можел да ја напушти пратеничката група на ЗНАМ, по примерот на пратеникот Миле Цеков, Стојчевски ги демантираше таквите информации.„Тоа се шпекулации. Денес стојам пред вас како претседател на општинската организација на Движењето ЗНАМ во Куманово и дел од пратеничката група. Ќе продолжам да делувам во тој контекст“, изјави Стојчевски.

Македонија | пред 2 седмици