ТАЕКВОНДО

Дејан Георгиевски доминираше во Скопје: Златен медал на меѓународниот таеквондо турнир

Најдобриот македонски таеквондист, Дејан Георгиевски, го освои златното одличје на меѓународниот турнир „Скопје Опен Г1“, кој се одржа во Спортскиот центар „Борис Трајковски“. Пред домашната публика, Георгиевски покажа врвна форма и доминација во својата категорија.На патот до златото, македонскиот шампион оствари четири убедливи победи: во првото коло го совлада Абдула Ал Магди од Австрија, во второто коло го победи актуелниот европски шампион Иван Шапина од Хрватска, во полуфиналето го совлада освојувачот на светска бронза Пашко Вожиќ од Хрватска, а во финалниот дуел доминантно славеше против Илиа Рудерман од Израел.Со овој триумф, Георгиевски обезбеди значајни бодови за светската ранг-листа, кои се клучни за обезбедување олимписка норма. Турнирот „Скопје Опен Г1“ годинава привлече над 1.000 натпреварувачи од 41 држава, што го прави еден од најмасовните спортски настани во земјата.Успехот на Георгиевски е потврда за континуираниот раст на македонското таеквондо и потенцијалот за нови медали на најголемите светски натпреварувања.

Македонија | пред 5 часа

Скопје станува центар на олимпиското таеквондо – стартува Скопје Опен 2026

Скопје е домаќин на светското олимписко таеквондо – денес официјално почнува Скопје Опен Рамус 2026. Настанот ќе се одржи во арената „Борис Трајковски“.„1000 спортисти од 41 држава од целиот свет ќе се борат за олимписки бодови кои носат норма за ЛОИ, утре и задутре центарот на светското олимписко таеквондо е во Македонија!Скопје Опен прераснува во еден од најсилните спортски настани во светот кога е во прашање олимписко таеквондо.Благодарност до владата на РМ и град Скопје за подршката.Утре (Сабота) во 12ч ќе се одржи свеченото отварање на овој голем настан.Арена “Борис Трајковски”“, напиша Дарко Костовски.

Спорт | пред 2 дена

Бронза за Македонија на Светскиот куп „King of Taekwon-do“ во Солун

Македонската Традиционална Таеквондо Федерација оствари значаен меѓународен успех на Светскиот куп „King of Taekwon-do“, кој викендов се одржа во Солун, Грција, каде што учествуваа над 1.400 натпреварувачи од 21 држава. Под водство на националниот тренер Саша Поповски, со поддршка од потпретседателот на МТТФ Зоран Парулески и судијата Христијана Парулеска, македонската репрезентација настапи со тројца натпреварувачи и се врати со историски медал.Најголемиот успех го постигна Владимир Димитриевиќ во спаринг категоријата сениори до -78 килограми, освојувајќи бронзен медал, кој воедно е и прв медал за МТТФ од Светски куп. И покрај повредата со која настапи поради напорниот натпреварувачки период, Димитриевиќ покажа висок квалитет и борбеност. Во елиминациската фаза го совлада претставникот од Грција, во четвртфиналето беше подобар од натпреварувач од Естонија, а во полуфиналето беше поразен од украинскиот претставник, со што ја заврши конкуренцијата на третото место.Добар настап имаше и Миа Танеска, која се натпреваруваше во категорија јуниори – црвен појас, форми, каде што конкуренцијата броеше 38 натпреварувачки. Таа се пласираше до четвртфиналето и го освои деветтото место, останувајќи чекор до борбата за медал. Во спаринг категоријата јуниори до +55 килограми, и покрај прикажаната борбеност, беше елиминирана во раната фаза.Со бронзата од Солун, Димитриевиќ ја заокружува 2025 година во ист стил како што ја започна – со историски успех во сениорска конкуренција. Овој резултат претставува важен исчекор за Македонската Традиционална Таеквондо Федерација и јасен показател за растот и потенцијалот на ИТФ таеквондо спортот во Македонија.На Светскиот куп требаше да настапи и Даниел Стојаноски, кој за првпат ќе ја претставува МТТФ во категорија кадети до -40 килограми, што дополнително ја потврдува насоката на Федерацијата кон подмладување и континуитет на меѓународната сцена.

Спорт | пред 3 месеци