ТОНИ МЕКИНОСКИ

Менкиноски: Ми се оспорува слободата на движење и правото за правична постапка

Адвокатот Тони Менкиноски, кој ги застапува македонските здруженија од Бугарија пред Европскиот суд за човекови права и кој доби црн печат од граничната полиција за влез во Бугарија до 2036 година, го информирал Парламентот, Владата и Министерството за надворешни работи за да преземат соодветните чекори согласно нивниот мандат и овластување, бидејќи, како што рече, да се стави црн печат на адвокат не се случило ниту во Нинбершките процеси.Образложение нема и она што е апсурдно бидејќи Македонија и Бугарија се членки на НАТО и ако јас сум ја загрозил националната безбедност на Бугарија по аналогија сум ја загрозил и нашата национална безбедност бидејќи сме сојузници. Претпоставувам дека нема официјален допис ниту до македонските власти ниту до кој било дека сум ставен на црната листа на Бугарија, изјави Менкиноски во Тема на денот на Сител ТВ.Адвокатот изјави дека добил телефонски повик од премиерот, дека имал комуникација и со министерот за надворешни работи и со претседателот на Адвокатската комора. Менкиноски рече дека бил искомунициран и од претседателот на француската Адвокатска комора за застапување, од нивниот Оддел за застапување и од Израелска адвокатска куќа кои сакаат овој процес да го изведат пред меѓународните институции.Овде не е само Совет на Европа, овде се во прашање и тела на Обединети нации кои се грижат и имаат фокус на адвокатите и судиите и дали врз нив се врши притисок и заплашување. Причината е што сега мислам дека е почетокот на мај Комитетот на министри, 46 членки на Советот на Европа ќе расправаат во врска со непочитувањето или неимплементирањето на одлуката на Европскиот суд за човекови права за Бугарија. Бугарија е во паника бидејќи може да се донесе одлука за исклучување на Бугарија од Совет на Европа поради непочитување на столбот, на главниот столб, а тоа е Судот (ЕСЧП) во Стразбур, рече адвокатот Менкиноски.Според него, постојат повеќе механизми за оспорување на оваа одлука и тоа пред Советот на Европа и Обединетите нации, а информирани се и Хјуман рајс воч и Амнести интернешнл. Менкиноски очекува силна реакција од ОН. Тој денеска се обратил исто така и до сите адвокатско конзуларни претставништва во Македонија.Како адвокат ми се оспорува слободата на движење и правото за правична постапка, рече тој.Адвокатот Менкиноски рече дека го очекувал овој чекор и упати јавен апел до претседателката да ги одликува со орден за храброст претставниците на ОМО Илинден Пирин

Македонија | пред 2 седмици

Адвокатот Тони Менкиноски започнува правна офанзива по забраната за влез во Бугарија

Во изјава за ТВ 24 адвокатот Tони Менкиноски вели дека стартува со легална и легитимна правна офанзива пред надлежните домашни институции, како и пред релевантните меѓународни механизми за заштита на човековите права, со цел заштита на правото на одбрана и непречено вршење на адвокатската професија.Државата ќе ги искористи сите алатки кои ѝ стојат на располагање за да го заштити секој македонски граѓанин, изјавиле од Владата по забраната која адвокатот Тони Менкиновски ја доби за влез во Бугарија во времетраење од 10 години.Адвокатот вели дека во официјалниот документ што го добил стоело дека наводно тој претставувал закана за националната безбедност на Република Бугарија.Менкиноски на прес-конференција неодамна изрази сомневање дека ваквата мерка е директно поврзана со неговата работа како адвокат кој ги застапува Македонците во Бугарија пред Европскиот суд за човекови права во Стразбур и истакна оти обвинението е сериозно, но е донесено без конкретно образложение и без претходна правна постапка.Адвокатот посочи дека ќе ги искористи сите правни и институционални механизми за да ја оспори оваа одлука. Случајот ќе биде доставен и до Комесарот за човекови права, Европскиот парламент, ОБСЕ, и Обединетите нации, како и до меѓународните организации кои ја следат состојбата со човековите права и независноста на адвокатската професија.

Македонија | пред 2 седмици

ОМО „Илинден“-Пирин со поддршка за адвокатот Тони Менкиноски: Забраната е етнички мотивирана

Организацијата ОМО “Илинден”-Пирин изразува јавна поддршка за адвокатот Тони Менкиноски, оценувајќи дека забраната која му е изречена од бугарските власти нема правна основа, туку претставува етнички мотивирана одлука.Ова доцна синоќа го објавија ОМО “Илинден” - Пирин, од каде додаваат дека сметаат дека ваквата постапка е насочена против Менкиноски поради неговата припадност и ангажман во одбрана на правата на Македонците во Бугарија.ОМО “Илинден”-Пирин сметаат дека ваквата постапка е насочена против Менкиноски поради неговата припадност и ангажман во одбрана на правата на Македонците во Бугарија.ОМО “Илинден”-Пирин оценува дека ова е срамна постапка што ја разоткрива вистинската природа на шовинизмот кој владее во одредени кругови во Бугарија.ОМО “Илинден”-Пирин потврдува дека Менкиноски со својата работа пред Европски суд за човекови права во Стразбур ја симболизира борбата за правда, достоинство и заштита на основните човекови права на Македонците во Бугарија.ОМО “Илинден”-Пирин нема да се откаже од борбата за основните права и слободи на Македонците во Бугарија, додавајќи дека ваквите случаи треба да бидат предмет на внимание и на институциите на Европска Унија.ОМО “Илинден”-Пирин порачува дека Европската Унија не треба да остане рамнодушна кон политиките кои имаат за цел преку притисоци и закани да го негираат македонскиот идентитет, стои во објавата.

Коментари | пред 2 седмици