ТОП

Несериозно е со месеци да не остават без судии, вели Кацарска

Изборот на тројца судии заглави, бидејќи е блокирана работата на собраниската Комисија за избори и именувања, откако БЕСА го напушти парламентарното мнозинство предводено од СДСМ.Претседателката на Уставен, Добрила Кацарска, за Фокус вели дека крајно несериозно е да се остави судот да работи со шест судии.–Крајно несериозно е со месеци да не остават без судии. Со заминувањето на Јосифовски ќе останеме петмина, ќе можеме да одлучуваме, но тоа ќе биде оневозможено доколку отсуствува само еден судија. Исто така, поинаку е кога сме девет судии. Згора на се, ќе бидеме блокирани да одлучуваме за предмети за кои е потребно двотретинско мнозинство, појаснува претседателката Кацарска за “Фокус”.Таа додава дека токму поради тоа и се уште не е одлучено по Указите.–Секој предмет си има своја тежина, но Указите се особено тешки. Затоа не е исто кога за нив одлучувале шест наместо девет судии. Има повеќе тежина доколку одлучуваат сите судии, односно особено е важно во дискусијата да учествуваат сите деветмина. Можевме да гласаме и шестмина, и сите да сме усогласени, но тоа не е тоа. Поинаку е да гласале деветмина, па макар и тројца спротивно од останатите. Затоа указите не беа ставени на дневен ред, на пример Указот за Преспанскиот договор, ни изјави Кацарска.Целиот текст может да го прочитате тука

Македонија | пред 4 години

Боки 13 до Русковска: Признајте дека бев посредник меѓу Заев и Мијалков

„Дали ќе имате доблест да признаете дека сте имале комуникација со мене, комуникација што телефонска, што по пораки на WHAT’S APP каде ми баравте телевизиски екипи, ми кажувавте за апсења и однапред ми кажувавте за судски пресуди“, ја прашува Бојан Јовановски обвинителката Вилма Русоковска преку отворено писмо.„Одговорете дали Зоран Заев ме испраќа мене кај лицето Сашо Мијалков да преговарам за референдумското прашање, за негово повикување за референдумот и делување против ВМРО-ДПМНЕ и пишување на јавни писма против Мицкоски?! (одговорот го има во мојата комуникација со Зоран Заев и Сашо Мијалков, кој подоцна почнуваат лично да комуницираат и да се договараат по сите прашања, а до тогаш комуникацијата одеше преку мене)“, истакнува Боки 13 во еден дел од писмото.Во продолжение во целост ви го пренесуваме отвореното писмо до Русковска.„Е па госпоѓо обвинителке, Вилма Русковска, после повеќе од две години решив јавно да ви се обратам, покрај тоа што ќе поднесам тужба за клевета и ќе ги искористам правните алатки кои ми се на располагање против вашите лаги и бесмислици, во смисла на високиот степен на јавен интерес и ќе ви поставам неколку јавни прашања во ова отворено писмо до вас, а воедно на јавноста ќе и разјаснам многу дилеми кои вие со Вашето нестручно и тенденциозно работење ги оставивте како неразјаснети дилеми поврзани со случајот “Рекет”, а тоа е така бидејќи сте обичен банален паушалец кој мисли дека врши јавно обвинителска функција па од позиција на моќ делувате многу силно, а во суштина сте една правна и стварна табула раса која наместо со професионализам и знаење вие обвинувате од ракав, баш така паушално и селективно за кое и самата во емисијата кај Васко Ефтов признавте дека токму така работите и обвинувате!Лажете и се смеетеКога одговарате на прашањето за случајот „27 април“ и повеќе од јасно кажавте дека сте ги обвиниле луѓето од ракав, а јас и лично тоа многу добро го знам! Точно знам како го работевте предметот 27 април за кој предмет добивте награда шефовско место во обвинителството, ЖАЛНО! Елем, сега одиме конкретно, јасно и многу гласно!!!На прашање на новинарот Ефтов дали може во таа фамозна LV торба да бидат сместени 1 милион евра вие велите дека може (експерти, стручни банкарски лица велат дека е невозможно, но ете како сестрана личност, „темелна и објективна” одговорот го црпите од некој си ваш НОВ ИЗМИСЛЕН И ИИМАГИНАРЕН СВЕДОК! Вашиот одговор со “МОЖЕ” го темелите од некој сведок кој бил ваш ПРИЈАТЕЛ и кој ви кажал дека ми дал 500.000 евра во мало плико?!?!?! Госпоѓо Русковска барам веднаш ЈАВНО да одговорите кој е тој сведок, каде сведочел тој сведок, дали покренавте кривично правна постапка против мене бидејќи во емисијата кажавте дека тој сведок ми дал наводни 500.000 евра. Лажете и се смеете, баш ви доликува на функцијата која ја вршите, но не заборавајте госпоѓо Русковска дека јас одлично ви ја препознавам таа “ДАРВИНОВА” насмевка позади која се кријат шпекулации и брутални лаги! За ова изнесено ќе се видиме на суд, каде ќе морате да го донесете тој сведок кој ми дал наводни половина милион евра во мало плико, бидејќи како што рековте го познавате со години и дека ви е пријател!!! Ова се вашите методи госпоѓо Русковска, наместо да применувате правна методологија при вршење на вашата јавно обвинителска работа, вие применувате методи на замајување, шпекулации и невистини, како би ја оправдале вашата неспособност, нестручност и вашето обвинителско парадирање, а не работење!!!Е сега, гледајќи ве со внимание во емисијата на Ефтов, сфатив дека не сте глупа, не сте паметна, дека вие едноставно сте еден обичен конфабулант и обвинителски манипулатор, а за тоа не треба да сте паметна, туку малку итра и многу исфрустрирана!!!Ајде сега за РЕКЕТ!!!Доста ја лажевте и јавноста и оние судии на кои им претевте дека ќе ги истресете од гаќи па тие под ваш притисок, а и со нивниот “путер на глава”, мораа да ме огласат за виновен! Единствено ми е криво што кога ќе дојде време штетата кон мене нема да ми ја платите лично вие и судиите со путерот на глава и истресените гаќи, туку државата, но сепак државата е виновна што поставува такви недоветни да обвинуваат, судат и одлучуваат. Госпоѓо обвинителке Русковска, сега ќе ви поставам еден сет на прашања кои ќе дадат една логична целина на случајот РЕКЕТ и вистината за случајот која ја криете, а добро ја знаете!!! Воедно, и без да ги одговорите прашањата со самото ваше молчење ќе ве разобличат и Вас и случајот РЕКЕТ!Прашање број 1Дали лицето Зоран Заев од позиција на Премиер извршил лично влијание и уцена врз Катица Јанева да бидат пуштени од затворски притвор Камчев, Мијалков и други лица? Го имате одговорот во мојот телефон, во мојата комуникација со Зоран Заев на апликацијата WHAT’S APP каде зборуваме за омекнување на Катица Јанева, на ден 10.11.2018 (сабота). Разговорот го водиме јас и Зоран Заев во неговиот премиерски кабинет па потоа продолжува преку телефонска комуникација и преписка на WHAT’S APP.Прашање број 2Одговорете колку пати и со кого лицето Јордан Камчев бил во кабинетот на Заев и што се договарале Заев, Камчев и Зоран Милевски Кичевскиот? Повторно мојот одговор го имате во мојот телефон. (Биле неколку пати пред да биде отворен предметот “ИМПЕРИЈА” и пред да биде притворен Камчев за Империја и токму со Заев постигнале договор за случајот Империја и лично ветување од Заев дека нема да има кривичен прогон бидејќи тој ја контролирал Катица)Прашање број 3Одговорете дали знаете дека токму Зоран Заев му ветил на Камчев и на Кичеец во присуство на “бугарските пријатели” дека нема да биде процесиран предметот “Империја” и што договориле за возврат?Прашање број 4Одговорете дали знаете дека бугарски државјани, лица од бугарската служба и советник на Бојко Борисов (за мене, за Камчев и за Заев добро познато име, добро познато ви е и на вас) со помош на Зоран Заев извршија шпионажа и го нарушија суверенитетот на нашата држава при изведување на операцијата “Рекет” поради лукративни и лични интереси?Прашање број 5Дали Јордан Камчев ви ги даде снимките каде што го снимал Зоран Заев кој што го испраќа кај Ванчо Чифлиганец за да заврши работа со предметната обвинителка Лиле Стефанова?Прашање број 6Дали Јордан Камчев или Кичеец ви ги пуштија снимките од средбите со братот на Зоран Заев, Вице Заев, кој го снимале како се договара со нив за суми и трансакции?Прашање број 7Дали ги слушнавте снимките на Јордан Камчев и Кичеец кој зборуваат за еден милион евра кои треба да ги платат на Врховниот Суд со амин на Заев за донесување на начелното правно мислење со кое Камчев беше ослободен?! (за кое што и самиот Заев призна дека без негово знаење и одобрување не можело да се донесе такво правно мислење од Врховниот Суд)Прашање број 8Дали ги прочитавте пораките помеѓу мене и Заев каде зборуваме за случајот со Камчев и дали ги видовте моите пораки каде јас прво го информирам Оливер Спасовски за Камчев, Заев и целата оваа операција наречена “РЕКЕТ”? (комуникацијата е месец Април 2019 година пред претседателските избори)Прашање број 9Одговорете колку пати Ана Камчева заедно со Зоран Милевски биле во кабинетот на Заев додека Јордан Камчев беше во притвор и што се договарале со Заев на овие полноќни средби на Илинденска бб?Прашање број 10Одговорете дали Зоран Заев ме испраќа мене кај лицето Сашо Мијалков да преговарам за референдумското прашање, за негово повикување за референдумот и делување против ВМРО-ДПМНЕ и пишување на јавни писма против Мицкоски?! (одговорот го има во мојата комуникација со Зоран Заев и Сашо Мијалков, кој подоцна почнуваат лично да комуницираат и да се договараат по сите прашања, а до тогаш комуникацијата одеше преку мене)Прашање број 11Одговорете госпоѓо Русковска дали сте ја прочитале комуникацијата помеѓу Зоран Заев, покојниот Жарко Луковски и Драги Рашковски и нивното договарање на мулти милионски проекти со мулти милионски провизии??? Дотолку повеќе што покојниот Луковски се ми испраќаше на мене бидејќи јас лично го споив со Заев и тоа добро го знаете, но молчите. И ова го има во мојот телефон на WHAT’S APP апликацијата.Прашање број 12Дали сте ја прочитале мојата комуникација со обвинител Наум Пановски кој беше ваш заменик? Дали поради навредливите зборови кој тој ги упатува на ваша адреса во комуникацијата со мене нарекувајќи ве пијаница и к..ва, ме обвинивте мене без докази поради одмаздољубие и омраза? Дали прочитавте што ми испраќаше обвинителот Пановски за предмети што ги водевте вие во вашето обвинителство? И на крајот, колку пари беа барани од Вера Иванова за случајот “ДИЈАМЕД”? Ајде бидете така добра па одговорете и на јавноста.Прашање број 13.Дали ќе имате доблест да признаете дека сте имале комуникација со мене, комуникација што телефонска, што по пораки на WHAT’S APP каде ми баравте телевизиски екипи, ми кажувавте за апсења и однапред ми кажувавте за судски пресуди?На крајот, во ова отворено писмо ви оставам простор и време да одговорите, иако знам дека повторно ќе лажете и манипулирате, но обвинителке пред фактите и Боговите молчат, дотолку повеќе што секое мое прашање во ова отворено писмо е поставено врз основа на факти кои се во мојот телефон. Јас не шпекулирам, како што тоа го чините вие, како што повеќе од две години ја замајувате и стручната и општата јавност за тоа каде завршиле фамозните пари од Камчев без да имате јасен одговор каков што доликува на прв обвинител за организиран криминал и корупција!!! Точно знаете дека мене ме урнисавте со лаги и конструкции за да покриете туѓи криминали и нечисти задници, точно знаете дека јас сум осуден јевин без доказ и показ за сторено кривично дело. Обвинителке, имам и уште прашања но и многу одговори, ќе дојде време. Сега јавете се на неколкумина ваши омилени новинари и кажете им да ме оцрнат и девалвираат, а вас да ве перат, бидејќи вие тоа одлично го правите!Инаку “Вилмич” (нели така сум ви се обраќал) јас сум добро, во затвор сум, се држам и ако даде Господ, ќе дојдете и Вие еден светол ден, па ќе си ги замениме местата!!! Инаку да, за брзо, ќе се видиме на суд за клеветите кои ми ги нанесовте во емисијата на Ефтов, сам ќе ве тужам без адвокат, чисто да знаете, бидејќи нема да се извините јавно согласно Закон, ќе ве гонам со цело срце сам!!!Предметот “РЕКЕТ” не е завршен, тек започнува…во име на правдата и правната држава“!

Македонија | пред 4 години

Наумовски го демантира Мицкоски кој кажа дека испил езера алкохол и изел трло домашни животни

Поранешниот Градоначалник на Ѓорче Петров, Александар Наумовски ги демантираше изјавите лидерот на ВМРО-ДПМНЕ Христијан Мицкоски за емисијата Клик плус на ТВ21.„Зад нашиот четири годишен мандат заедно со Советот, сведочи трло на реализирани проекти.Христијан Мицкоски може да ги види уште денеска, затоа што живее на стотина метри од нив.Нова градинка и спортска сала во Волково; Корзото и затворениот базен во Ѓорче Петров; доградбите на училиштата во Хром и Ново село; поставени водоводни, атмосферски и канализациски мрежи; асфалтирани и поплочени улици во секое населено место; нов модерен кружен тек во Волково и пат кон Кучково; ново модерно ЛЕД осветлување низ целата општина. Оставени уште 20 тековни проекти, се дел од нашиот влог за наше Ѓорче.Според анализите и вложени средства, во последните 15 години не е вложено колку за последните 4 години.Срамно е што лидер на најголемата опозициска партија, јавно изнесува паушални тврдења, со ниско ниво на комуникација. Истиот гази на теписи и мермери во белата палата со кои можеше сето горе наведено да се направи во наше Ѓорче. И да носи одела од 1000 евра.Ручеци, репрезентации имало отсекогаш и ќе има, кога на гости доаѓаат домашни и странски делегации на работни средби кај Градоначалникот и Советот.Во Ѓорче и Скопје се знае се, сите знаат дека за сопствени потреби никогаш не сум трошел народни пари, туку исклучиво мои лични средства, а секој има право своите пари да ги троши онаму каде што сака. Евидентно е намалувањето на тековните трошоци во нашиот мандат по сите основи.За жал, тоа не е случај со 12 годишниот период на владеење на ДПМНЕ кога за еден ручек се трошеле и по 10.000 евра народни пари, кога Ѓорче тонеше и беше запоставено а парите на граѓаните се трошеа на непродуктивни трошоци“, вели Наумовски.

Скопје | пред 4 години

Шекеринска нема да биде дел од новата Влада

Актуелната министерка за одбрана, Радмила Шекеринска, денеска објави дека нема да биде дел од новата Влада, која треба да ја состави идниот мандатар Димитар Ковачевски, поради, како што рече, принципиелни причини.На денешната прес-конференција во Министерството за одбрана, одговарајќи на новинарско прашање, Шекеринска кажа дека нејзината партија не ги разбрала пораките од јавноста кои, според неа, довеле до пораз на локалните избори и затоа нема да учествува во новата Влада.„Пред осум месеци најавив дека ќе се повлечам од раководството на СДСМ бидејќи не се согласував со дел од политиките. Можеби сум субјективна, но дел од тие политики придонесоа за поразот на локалните избори. За жал, мојот впечаток е дека од тие лекции не научивме и дека некои од пораките на јавноста не ги чувме или не ги разбравме. Затоа, мислам дека единствена чесна и принципиелна одлука би била да кажам дека нема да учествувам во следата Влада“, изјави Шекеринска, на прес-конференцијата во Миниистерството за одбрана, посочувајќи дека за овој свој потег ги известила и колегите.Министерката во излагањето пред новинарите воедно го искажа и својот став околу политиката со Бугарија.„Мислам дека дијалогот со Бугарија новата влада треба да го обнови и интензивира, но шанисте нема да бидат на тацна и веднаш“, истакна таа.Според неа, дискусијата треба да се одвива многу винимателно.„Ќе треба да бидеме многу мудри и да видиме кои се нашите суштински интереси, кои се прашањата околу кои нема да се дискутира, а по кои прашања ние ќе излеземе со предлози и да ѝ направиме на Бугарија навистина многу тешко да го одржува ова неодржливо вето, а кое сепак трае долго време“, посочи Шекеринска.

Македонија | пред 4 години

12 починати од Ковид-19 во последние 24 часа

Министерството за здравство информира дека во последните 24 часа направени се 2.740 тестирања, а регистрирани се 327 нови случаи на Ковид-19: во Скопје – 159, Кавадарци – 25, Прилеп – 24, Битола – 17, Гевгелија – 13, Охрид – 12, Куманово – 9, Свети Николе – 8, Штип – 7, Тетово, Велес, Крива Паланка и Валандово по 5, Кичево и Ресен по 4, Струмица, Кочани, Неготино и Крушево по 3, Радовиш, Богданци и Демир Хисар по 2 и по еден заразен во Гостивар, Струга, Делчево, Виница, Пробиштип, Кратово и Македонски Брод.Во текот на изминатото деноноќие пријавени се 12 починати лица – шестмина починати од Скопје (57, 64, 72, 76, 85 и 86 години), две починати лица од Прилеп (40 и 82 години) и по едно починато лице од Битола (67), Кавадарци (73), Кочани (72) и Македонски Брод (70). Од пријавените, сите се починати во болнички услови.Согласно Регистарот на починати со дијагноза Ковид-19 од „Мој термин“, дополнително се пријавени 4 смртни случаи во периодот од 27 ноември до 15 декември. Меѓу починатите лица, двајца се од Скопје и по едно лице од Кочани и Свети Николе. Починатите лица се на возраст од 57 до 88 години, при што едно лице е починато во домашни, а три во болнички услови.Во изминатите 24 часа регистрирани сe и 325 оздравени пациенти од: Скопје – 171, Кавадарци – 28, Прилеп – 25, Битола – 18, Куманово – 13, Кочани – 9, Радовиш – 8, Тетово и Штип по 6, Неготино, Ресен, Делчево и Демир Хисар по 5, Велес и Кичево по 4, Струмица, Гевгелија и Кратово по 2 и по еден оздравен од Свети Николе, Берово, Валандово, Богданци, Македонска Каменица, Демир Капија и Дојран.Направените 2.740 тестови се преку: ИЈЗ-253, ЦЈЗ Скопје-67, ЦЈЗ Битола-62, ЦЈЗ Прилеп-38, ЦЈЗ Тетово–5, ЦЈЗ Куманово-60, Клиника за инфективни болести и фебрилни состојби-1, лабораторија болница Козле-24, УК Пулмологија со алергологија –1, Институт за микробиологија–125, Жан Митрев (Филип Втори)-53, Авицена-132, Биотек-146, Систина-78, лабораторија Лаор-82, Синлаб-9, Ремедика-5, Плодност–26, Генеа-9, Никоб лаб-292, ВФВ Медикал-50, Ели Медика-39, Ројал Медика–21, Спектра-ММ-7, Рапид Лаб–3, Жан Митрев Струмица–8, Нова Лаб Дијагностика–4, ЈЗУ и ПЗУ (рапид тест) – вкупно 1.140.Досега во земјата се направени вкупно 1.515.236 тестирања на Ковид-19. Вкупната бројка на ковид-дијагностицирани од почетокот на епидемијата изнесува 220.794, бројот на оздравени пациенти е 207.563, на починати е 7.794, а бројот на активни случаи изнесува 5.437.Според епидемиолошките анализи во моментот, дистрибуцијата по градови е следна:Скопје 96760, Активни 2605Куманово 13045, Активни 152Тетово 11393, Активни 86Прилеп 10567, Активни 360Битола 9040, Активни 433Гостивар 8082, Активни 20Велес 7426, Активни 168Кавадарци 7275, Активни 261Штип 6686, Активни 105Охрид 6650, Активни 227Струмица 6212, Активни 129Кичево 4283, Активни 75Кочани 4077, Активни 76Струга 3917, Активни 28Гевгелија 2869, Активни 96Неготино 2609, Активни 51Свети Николе 2149, Активни 51Крива Паланка 1936, Активни 60Ресен 1791, Активни 51Радовиш 1786, Активни 52Берово 1472, Активни 32Дебар 1456, Активни 0Делчево 1445, Активни 71Виница 1169, Активни 15Пробиштип 1133, Активни 22Валандово 994, Активни 57Кратово 785, Активни 18Богданци 663, Активни 31Демир Хисар 628, Активни 29Крушево 601, Активни 25Македонски Брод 516, Активни 17Македонска Каменица 426, Активни 24Демир Капија 426, Активни 0Пехчево 355, Активни 5Дојран 172, Активни 5

пред 4 години

Бесплатен јавен превоз за две години, најави Арсовска

Акцијата за чистење диви депонии, проектот за воведување БРТ превоз и финансиската состојба на Градот Скопје и на јавните градски претпријатија беа главните теми на кои градоначалничката Данела Арсовска разговараше со претставниците на медиумите, на денешниот брифинг.Арсовска најави дека се работи на реорганизација на ЈСП и дека за две години целосно ќе се реализира проектот за бесплатен јавен превоз за граѓаните.„Се работи на програмата што ја имавме зацртано, односно се преземаат првите чекори од етапното воведување бесплатен автобуски превоз. Ревизијата во ЈСП Скопје е започната, се детектираат сите слабости во работењето на ова претпријатие. Како што знаете, ова претпријатие е тежок загубар, а целта на новото раководство е да овозможи претпријатието да работи со оптимално намалување на трошоците, зголемување на приходите и овозможување непречено функционирање со сето она што може да се направи во следниот период. Најпрвин, претпријатието да излезе од долговите, второ – да се овозможи да се воведе бесплатен превоз, првично на оние категории на коишто им беше ускратено ова право и трето – изнаоѓање начини за детектирање на финансиски средства преку донатори за набавка на прва транша на автобуси, а понатаму ќе видиме како ќе биде финансирањето“, рече денеска Арсовска.Таа додаде дека ЈСП Скопје почнало со реализацијата на проектот од предизборната програма „Скопје без заборавени населби“, односно продолжување на автобуските линии од линискиот превоз онаму каде што ги нема.Арсовска посочи дека Градот Скопје изминатиот период спроведува голема акција за чистење на дивите депонии.„Преку пријави и комуникација со граѓани од сите населени места претходно детектиравме околу 120 диви депонии. Чистењето го реализираме преку нашите јавни претпријатија и во соработка со дел од општините во Скопје, а до овој момент речиси сите депонии се исчистени. Оваа заедничка акција за чистење на дивите депонии ја спроведуваме за доброто на сите граѓани и за првпат се случува во толкав голем обем“, кажа градоначалничката.Додаде дека покрај создавањето диви депонии, еден од најгорливите проблеми е и нивното палење, зашто со тоа се загрозува животот и здравјето на граѓаните и нагласи дека тоа нема да се толерира.„Почнавме со неселективно казнување на сите оние кои ќе бидат затекнати како создаваат и палат депонии, а со тоа го загрозуваат животот и здравјето на граѓаните. Во моментов службите создаваат систем за следење на состојбите, со кој покрај следењето на депониите кои што се веќе исчистени со дрон, активно ќе се работи на пријави од граѓани со цел да се спречи нивното повторно создавање“, нагласи Арсовска.

Скопје | пред 4 години

Апсењето на Командант Стојков асоцира на селективност, велат од Обединети за Македонија

Обединети за Македонија е крајно изненадена од двојните аршини на кои вчера сите бевме сведоци. Апсењето на Командант Горан Стојков, бранител и македонски патриот, асоцира на селективност.„Апелираме до правните лица кои го водат случајот, истиот да биде отворен повторно, бидеќи процесот е започнат во 2013 година за време на режимското владеење на бегалцот Груевски. Не смееме да дозволимениту еден бранител и патриот да ги трпи последиците од едно режимско владеење“, се вели во соопштението.

Македонија | пред 4 години

Арсовска во преговори со македонски музичари за Новогодишната ноќ

Градоначалничката на Град Скопје Данела Арсовска на денешниот брифинг со новинарите истакна дека градот ќе се украсува и оти се во приговори со македонски музички изведувачи да настапат на Новогодишнта ноќ.– Наша желба како Град Скопје е да има прослава со македонски изведувачи. Во моментот сме во преговори, во секој случај да не го чини Градот Скопје, туку да го направиме од аспект на тоа како што беше и делот со украсувањето со помош од општествено одговорни компании кои би придонеле.

Скопје | пред 4 години

Шекеринска ја завршува политичката кариера?

Министерката за одбрана Радмила Шекеринска денеска изјави дека нема да биде дел од новата Влада. Таа потсети дека пред осум месеци се повлекла од партиската функција заменик-претседател на СДСМ оти не се согласувала со дел од политиките, кои според неа, придонеле за пораз на локалните избори и не очекува работите да се сменат.– За жал, мојот впечаток е дека тие лекции не ги научивме и дека некои од пораките на јавноста не ги чувме или не ги разбравме, и затоа мислам дека единствената чесна и принципиелна одлука е да не учествувам во следната Влада, нагласи Шекеринска.

Македонија | пред 4 години

Арсовска обзнани: Добивам закани

Градоначалничката Данела Арсовска, обвинува за недомаќинско и дрско однесување како и трошење на илјадници евра во ресторани од нејзините претходници во Град Скопје.-Имам закани од луѓе кои сакаат да ми вршат притисок, за да им бидат простени злоупотребите на одредни луѓе. Ако почнам да пријавувам закани ќе треба по цел ден да бидам во полиција. Заканите се за да не се откријат постапките. Нема да потклекнам на закани со притисоци и закани, нагласи Арсовска.

Скопје | пред 4 години

Мицкоски: Поранешниот градоначалник на Ѓорче има испиено езеро алкохол и изедено трло домашни животни

Лидерот на ВМРО-ДПМНЕ, Христијан Мицкоски смета дека кандидатите на опозицијата ја добиле локалната власт бидејќи нивните претходници работеле лошо. Тој во гостување во „Клик плус“ посочи пример со поранешниот градоначалник на Ѓорче Петров, Александар Наумоски, за кој кажа дека изел цело трло домашни животни и испил езеро алкохол.„Ако било добро, немало да сме ние. Ќе биле тие. Нас не гласале, бидејќи тие биле лоши. Ако кажеме нешто дека е погрешно, нема да ги изненадиме граѓаните. Не сум од оние политичари кој сака да игра на ниски страсти, да вадиме сметки од кафани и да кажеме дека оној поранешен градоначалник на Ѓорче Петров, има испиено едно езеро алкохол и изедено едно трло домашни животни“, рече Мицкоски.

Скопје | пред 4 години

Најмногу снег и најстудено на Попова Шапка

Најстудено во државава изутрина е на Попова Шапка, каде во седум часот се измерени -8 степени, по што следат Маврови Анови со -6, Крива Паланка, Тетово и Крушево со -4. Во Охрид, Прилеп и Дебар се измерени -3 степени, во Претор, Битола, Штип, Виница и Струмица -2, а еден степен под нулата во Берово и Скопје-Зајчев Рид.Снежна покривка од 53 сантиметри има на Попова Шапка, од 33 сантиметри на Маврови Анови, 17 Пожаране, 14 Крушево…Утрово на североистокот провејува слаб снег. За денеска е најавено променливо облачно време, а претежно во северните делови со повремен локален снег. Ќе дува умерен до засилен ветер од северен правец, најизразен вдолж Повардарието. Максималната температура ќе достигне од 3 до 12 степени.Во Скопје, исто така, претежно облачно со умерен, повремено засилен ветер од северен правец. Максималната температура ќе достигне до 8 степени.

Македонија | пред 4 години

ЈСП тврди дека нема дискриминација, од Коалицијата Менуваме со демант

Ниту на еден граѓанин не му е ускратено правото за јавен градски превоз. Јавното сообраќајно претпријатие Скопје е јавен сервис кој обезбедува градски превоз за сите граѓани и никогаш немало дискриминација, велат од ЈСП Скопје.Коалицијата Менуваме е секојдневно присутна со нивните членови, асистенти семејства и други засегнати страни врз база на направена ЕВАЛУАЦИЈА за пропустите во Градот Скопје и јавниот превоз ги детектираше следните пропусти;1 недостасува Инклузивност во дел од возачите во ЈСП,2 Зашто ГОВОРНИОТ АВТОМАТ ЗА ЛИЦА СО ОШТЕТЕН ВИД во автобусите НЕ РАБОТАТ и не е во сите вграден а е потребен не е битно да ли е приватен или државен?3 зашто во сите автобуси не работат рампите за лицата со телесна попреченост?4 Автобуските постојки не се прилагодени за граѓаните кој чекат автобус а камоли за лицата со попреченост.Ова се неколку точки детектирани од многуте но приоритетни.Коалицијата Менуваме како организација ги нудиме своите капацитети со цел да ги надминеме недостатоците кој се потреба на ИЛЈАДНИЦИ ЛИЦА СО ПОПРЕЧЕНОСТ за таа цел е потребна заедничка соработка со Градот и ЈСП.Коалицијата Менуваме јавно ја повикува Градоначалничката да закаже средба каде на истата ке ги достави и решенијата како што знае да каже Градоначалничката ЗА МОДЕРЕН ГРАД.

Скопје | пред 4 години

20 возила во Скопје вршеле превоз, а биле неисправни

Министерството за внатрешни работи во текот на вчерашниот ден (16.12.2021) продолжи со засилените акциски контроли во областа на сообраќајот.На територија на град Скопје изречени се вкупно 133 мерки, меѓу кои за возење повеќе од дозволената брзина 31 санкција, 20 мерки за технички неисправни возила во јавниот превоз, девет санкции за возење без возачка дозвола.Изречени се пет мерки за возење под дејство на алкохол, 26 за непрописно паркирање.Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

Скопје | пред 4 години

Дискириминирачки е да се забрани влез на лица со попреченост кои се со придружба на куче, вели СДСМ

Скандалозен и дискирминирачки е вчерашниот настан каде во автобус на ЈСП Скопје му бил забранет влез на лице со попреченост кое било придружувано од неговото сервис куче, велат од СДСМ.„Тоа е спротивно на Уставот, на законите и на Конвенцијата на Обединетите нации за права на лицата со хендикеп и СДСМ го осудува.Во изминатите четири години и на локално и на централно ниво СДСМ реализира низа мерки и политики за унапредување на статусот на лицата со попреченост.Се намали границата за лична асистенција за лицата со попреченост, со цел овие лица полесно да ги извршуваат секојдневните обврски и да бидат активно вклучени во секојдневниот живот, се изработи аудио читач за лицата со оштетен вид, се градат инклузивни градинки а многу објекти на институции станаа подостапни за лица со телесен инвалидитет.Од друга старана, ваквите дискриминаторски потези на ЈСП, Град Скопје и Арсовска не се во насока на унапредување на квалитетот на живот на лицата со попреченост, туку враќање чекори назад.Очекуваме одговорност за ова срамна и дискриминирачка постапка“, се вели во соопштението.

Македонија | пред 4 години