ТОП

(Видео) Протести низ Америка поради односот кон Зеленски во Белата куќа: „Тие ја преминаа границата“

На неколку места во САД вчера избија протести против администрацијата на Доналд Трамп, еден ден откако актуелниот американски претседател и потпретседател Џеј-Ди Венс влегоа во жестока вербална пресметка со украинскиот претседател Володимир Зеленски во Овалната соба.Стотици демонстранти се собраа во Вејтсфилд, Вермонт, каде Џеј-Ди Венс отиде на скијање со своето семејство. Иако протестот беше планиран на почетокот на неделата, организаторите рекоа дека голем број луѓе решиле да дојдат откако го виделе појавувањето на Трамп и Венс во Белата куќа. Насобраните носеа транспаренти со пораки „Вермонт стои со Украина“ и „Меѓународен срам“, а многумина вееја украински знамиња. Телевизијата Фокс објави снимка од протестот, но на неа беа прикажани заматени постери со пораки против Венс и поддршка за Украина.„Она што го направи вчера...пречекоруваше граница“, изјави демонстрантката Кори Жиру за јавното радио на Вермонт.Hundreds of protesters gathered in Waitsfield on Saturday morning to protest Vice President JD Vance, who is visiting Vermont with his family for a ski trip this weekend.[image or embed]— Vermont Public (@vermontpublic.org) 1 March 2025 at 17:38Гувернерот на Вермонт, Фил Скот, републиканец кој не го поддржа Трамп во ниту една од неговите три претседателски кандидатури, ги повика граѓаните да бидат фер кон потпретседателот и неговото семејство пред доаѓањето на Венс.„Ве молам да им посакате добредојде во Вермонт и се надевам дека ќе имаат можност да го искусат она што ја прави нашата држава и нашиот народ посебни“, рече Скот.

Свет | пред 1 година

Уапсен возач кој удрил во пешак синоќа во Скопје - бил под дејство на алкохол

На 02.03.2025 околу 00.15 часот во СВР Скопје е пријавено дека на ул. „Св. Кирил и Методиј“ во Скопје патничко моторно возило „мерцедес“ со скопски регистерски таблички, управувано од Н.Н. (48) од Гостивар удрило во Б.Л. (25) од Битола.Со возило на Итна медицинска помош Б.Л. е пренесена во Клинички центар „Мајка Тереза“, каде и се констатирани тешки телесни повреди. Н.Н. е алкотестиран и утврдено е дека возилото го управувал под дејство на 1,35 промили алкохол по што, по наредба на јавен обвинител, е лишен од слобода, а возилото „мерцедес“ е одземено за понатамошна постапка.По документирање на случајот, СВР Скопје ќе поднесе соодветна кривична пријава.

Македонија | пред 1 година

Белата куќа го прекорува Зеленски за неговиот костум, а вака изгледаше Маск пред неколку дена

Необлечениот костум на Володимир Зеленски за време на неговата катастрофална средба со Доналд Трамп во Белата куќа, предизвика дебата во американската јавност.Некои американски политичари кои го фаворизираат Трамп го навредуваа ова, сметајќи дека е знак на непочитување кон институцијата и домаќинот, а новинарот на Трамп долеа масло во огнот прашувајќи дали Зеленски воопшто поседува костум.[caption id="attachment_323108" align="alignnone" width="1135"] Screenshot[/caption]Истовремено, милијардерот Илон Маск, како поддржувач и соработник на Трамп, веќе извесно време доаѓа на состаноци во Белата куќа облечен во маица и капа, што никому не му пречи, ниту станува тема на разговор. Никој не му поставува прашања за следење на протоколот, ниту пак бара од него да се прилагоди на сериозноста на местото каде што се наоѓа.[caption id="attachment_323109" align="alignnone" width="1140"] Screenshot[/caption]Зеленски накратко одговори на критиките велејќи дека ќе го облече оделото кога ќе заврши војната, а многумина излегоа во негова одбрана, потсетувајќи го дека во воени услови избира едноставна облека од солидарност со војниците на фронтот.

Свет | пред 1 година

Нафтениот гигант по кавгата Трамп-Зеленски: „Нема повеќе гориво за Американците! Слава на Украина!

Норвешката нафтена компанија Haltbakk Bunkers објави дека ќе престане да доставува гориво за американските воени сили во Норвешка и американските бродови кои пристигнуваат во норвешките пристаништа. Како причина за тоа го наведуваат незадоволството од американската политика кон Украина. Тие силно го критикуваа неодамнешниот судир меѓу американскиот и украинскиот претседател за време на состанокот во Белата куќа, нарекувајќи го „најголемиот срам што некогаш бил прикажан на телевизија во живо“.Компанијата „Халтбак бункерс“ го пофали украинскиот претседател Зеленски за неговата воздржаност и рече дека им е „мало од спектаклот одржан во Белата куќа“.- Решивме веднаш да го запреме снабдувањето со гориво на американските сили во Норвешка и нивните бродови кои се закотвуваат во норвешките пристаништа. Без гориво за Американците!, соопштуваат тие повикувајќи ги Норвежаните и Европејците да го следат нивниот пример. Сè заклучиле со слоганот „Слава на Украина“ за поддршка на таа земја, пренесува британски Експрес.- Денеска бевме сведоци на најголемиот циркус што некогаш бил прикажан „во живо на телевизија“ од актуелниот американски претседател и неговиот потпретседател. Голема почит до претседателот на Украина што се воздржа и остана смирен, иако САД приредија телевизиска драма на предавство. Доста ни е. Кратко и јасно: решивме веднаш да престанеме да бидеме снабдувач со гориво за американските сили во Норвешка и нивните бродови што се закотвуваат во норвешките пристаништа. Нема гориво за Американците! Ги повикуваме сите Норвежани и Европејци да го следат нашиот пример. Слава на Украина!, соопштија од компанијата.Сопственикот на фирмата, Гунар Гран, за норвешките медиуми изјави дека „нема да биде испорачан ниту еден литар гориво додека Доналд Трамп не биде сменет од функцијата“.„Ние водиме приватна компанија со ограничена одговорност и ги избираме нашите клиенти“, рече тој, додавајќи дека тие исто така ги исклучувале Русите од почетокот на инвазијата на Украина.- Ова им даде на многу од нашите конкуренти многу дополнителни приходи. Изгубивме многу приходи. Но, ние имаме морален компас. Сега САД се исклучени врз основа на нивното однесување кон Украинците, рече тој.Haltbakk Bunkers е норвешки снабдувач со гориво кој снабдува гориво за бродови и воени операции. Тие се специјализирани за полнење гориво на бродови кои работат во норвешки води. Тие нудат логистика и дистрибуција на гориво за цивилни и воени корисници.Компанијата игра значајна улога во норвешката поморска индустрија, снабдувајќи гориво за бродовите што пристигнуваат во норвешките пристаништа, вклучително и силите на НАТО.Одлуката за прекин на испораките на американските сили може да има логистички импликации за американските поморски операции во регионот.САД се уште не ја коментираа оваа одлука.

Свет | пред 1 година

Почина Саша Поповиќ

“Со неискажлива тага ја информираме јавноста дека денеска, по кратко и тешко боледување, почина Саша Поповиќ, објави Гранд ТВ чиј основач и креативен директор е токму тох. Александар Саша Поповиќ е роден на 24 април 1954 година во Нови Сад.Низ децениската работа, тој беше визионер и посветен професионалец. Преку музиката и телевизијата, тој откри и поддржа бројни таленти, обликувајќи го звукот и духот на една ера.Тој боледуваше од рак, болест со која се бореше изминативе години, поради што се повлече и од јавност.Деталите за погребот ќе бидат соопштени дополнително.

Свет | пред 1 година

Две и пол години нема правда за смртно-прегазената Теодора од Тетово: судскиот процес заплеткан, семејството се сомнева во даден поткуп

Ева Ристовска, сестра на Теодора Ристовска која пред две и пол години го загуби животот во сообраќајна несреќа, алармира дека ќе се борат за правдата, за која посочува дека им е одземена. Теодора загина на 22-години. Таа беше прегазена на улицата „Видое Смилески-Бато“ во Тетово.„Според обдукцискиот наод, мојата сестра се здобила со тешки телесни повреди, а нејзината смрт настанала како резултат на крварење во черепната празнина, што довело до нарушување на витално важен орган и фатален исход. Ова беше признато од страна на судот, а обвинетиот беше осуден на 3 години и 6 месеци затвор од Основниот суд во Тетово. Иако ниедна казна не може да ја надомести загубата на Теодора, барем сметавме дека оваа пресуда беше праведна. По првичната долга пауза помеѓу првото и второто рочиште Судот почна побрзо да ги закажува рочиштата, спротивставувајќи се на обидите на одбраната да ја одолговлекува постапката. Обвинетиот од почеток тврдеше дека не се чувствува виновен, а неговата одбрана најави вештачење за да ја докаже неговата невиност. Но, откако судот ги изведе сите докази, одбраната го повлече барањето за вештачење и се изјасни дека обвинетиот го признава делото“, вели Ристовска, сестра на загинатата Теодора.Таа додава дека од тука започнува неправдата што денес не остава без одговори.„ДАТУМИ НА СУДСКИТЕ РОЧИШТА И НЕОБЈАСНИВОТО ОДОЛГОВЛЕКУВАЊЕ НА ПРОЦЕСОТ• Прво рочиште: 07 јули 2023• Второ рочиште: 08 ноември 2023 (по 4 месеци пауза!)• Трето рочиште: 10 ноември 2023• Четврто рочиште: 27 ноември 2023• Објава на пресудата: 30 ноември 2023Судскиот процес се одвиваше со големи временски празнини, особено помеѓу првото и второто рочиште, што укажува на сериозни одолговлекувања во судската постапка“, додава Ристовска.Обвинетиот се жалел до Апелациониот суд во Гостивар, па така било побарано мислење од Вишото јавно обвинителство.„Вишото јавно обвинителство во почетокот поднесе писмен предлог до Апелациониот суд со кој бараше жалбата на обвинетиот да биде одбиена како неоснована. Но, пред самото судење во Апелациониот суд, обвинителството го смени својот став и наместо да се залага за одржување на првичната казна, предложи делумно уважување на жалбата на обвинетиот и изрекување на поблага казна.Како резултат на ова, Апелациониот суд ја намали казната од 3 години и 6 месеци на 2 години затвор, повикувајќи се на олеснителни околности“, додава сестрата на загинатата Теодора.Тие бараат одговор: „Зошто Вишото јавно обвинителство го смени својот став и наместо да бара потврда на првостепената пресуда, предложи намалување на казната? Зошто ние, како семејство, не бевме известени за судењето во Апелациониот суд? Зошто обвинителството воопшто не поднесе жалба за висината на казната, туку само обвинетиот имаше право на жалба? Дали во текот на процесот имало обид за поткуп?“.Според нив, обвинетиот не отслужил ниту еден ден од казната.„Обвинетиот до ден-денес не отслужил ниту еден ден од казната, иако несреќата се случи пред речиси три години. Тој поднесе барање за преиспитување на пресудата пред Врховниот суд на Северна Македонија, кој одлучи да ги укине пресудите на Основниот и Апелациониот суд и предметот го врати на повторно судење. За оваа одлука ние, како семејство, не бевме известени од ниту една институција – дознавме преку медиумите“, додава Ристовска.Тие бараат правда и транспарентност во процесот.„По речиси три години правна борба, а со тоа и пролонгирање и нанесување на дополнителна болка на нашето семејство, повторно сме вратени на почеток. Се прашуваме – уште колку треба да чекаме? Уште колку треба да се бориме за нешто што е очигледно? Затоа, јавно ги повикувам сите медиуми да присуствуваат на следното рочиште на 4 март 2025 година во 10:00 часот во Основен суд Тетово за да ни помогнат да се избориме со неправдата“, вели Ристовска.Таа испрати и имиња на сите судии и обвинители кои биле вклучени во судскиот процес:Основен суд Тетово
Судија Верка КостоскаОбвинител Ханифе АметиАплеационен суд
Советод судии Шефајет Хајдари – претседател, Даут Рустеми и Емине МуратиВиш Јавен Обвинител – Вјолца ЕлмазиВрховен судЦветанка ПериќЏемали Саити,Африм Фидани,Мирјана Лазарова ТрајковскаНа крајот посочува:„Само со јавен притисок можеме да смениме нешто во оваа неправедна Македонија“.

Македонија | пред 1 година

(Обновено) Автобус на ЈСП удрил пешак: има тешки повреди

Полицијата извести дека автобус на ЈСП удрил пешак во Скопје, кој што завршил со тешки повреди.„На 28.02.2025 во 10.10 часот во СВР Скопје било пријавено дека на крстосницата од бул.„Крсте Мисирков“ и ул.„Петре Ѓорѓиев“ во Скопје автобус на ЈСП, управуван од Б.А.(50), удрил во пешакот Н.С.(70), двајцата од Скопје. Во несреќата со тешки телесни повреди се здобил пешакот, констатирани во Градската општа болница „Св.Наум Охридски“. Извршен бил увид од увидна екипа од СВР Скопје“, велат од МВР.Од ЈСП на „Фејсбук“ велат дека пешакот се удрил во автобусот.„Пешакот поминал после неколку метра од пешачкиот премин и гледајќи во телефон се удрил странично во возилото додека стоел автобусот во лентата за постојки за автобуси. Можете да се обратите во МВР и да добиете информации од направениот записник од извршниот увид од увидна екипа од СВР Скопје за точните информации, а не во случајов да се шират дезинформации“, велат од ЈСП.Информацијата дека биле удрени двајца пешаци, е превид од наша страна. Станува збор за едно лице кое настрадало.

Скопје | пред 1 година

Вработени во Министерството за одбрана се повикувани на разговор зошто излегле на протестот за Фросина, и опоменати за „лајкување“, вели Петровска

Ексминистерката за одбрана и актуелна пратеничка, Славјанка Петровска тврди дека се вршеле притисоци на вработени во Министерството за одбрана.„Вработени во Министерството за одбрана биле повикувани на разговор од претставници на Службата за воено разузнавање и безбедност за да дадат изјава зошто учествувале на протестите Правда за Фросина. Ова се случило после првиот одржан протест. Замислете биле прашувани дали ова значи дека се против Владата!? Вчера, неколку вработени, истотака од претставници на Службата, биле опоменати "да внимаваат на што ставаат лајк и да не поддржуваат самонаречени жртви". Во услови на сложени геополитички односи и засилени активности на нашата територија на разузнавачки служби кои не се НАТО членки, чуварот на столчето во министерството за одбрана Мисалјовски вака ги поставува приоритетите. Вака горди не се станува! Многу скоро, со име и презиме, ќе ги објавам сите скандали на партиски притисоци врз вработените и професионалците во Министерството за одбрана и Армијата“, напиша Петровска.Засега за ова се немаат огласено од Министерството за одбрана

Македонија | пред 1 година

(Видео) Европа со поддршка за Зеленски, засега нема од Македонија

Украинскиот претседател Володимир Зеленски упати серија благодарници до своите европски колеги по жестоката расправија во Белата куќа со американскиот претседател и потпретседател, кои го обвинија дека е неблагодарен. Сметката на украинскиот претседател е исполнета со триесетина пораки „благодарам за поддршката“. Зеленски, заедно со својата благодарност, сподели објави од европски и светски претставници кои изразија поддршка за Украина.Засега нема изјава од Македонија, ниту пак благодарност.Меѓу првите што се огласи беше германскиот канцелар во заминување Олаф Шолц, кој рече дека Украина може да се потпре на Германија и Европа.Реагираа и претседателката на Европската комисија Урсула фон дер Лајен и претседателот на Европскиот совет Антонио Коста кои го поддржаа украинскиот претседател Зеленски.„Вашето достоинство и оддава почит на храброста на украинскиот народ. Бидете силни, храбри, бестрашни. Никогаш не сте сами, драг претседателе Зеленски. Ќе продолжиме да работиме со вас за праведен и траен мир“, сподели Фон дер Лејен и Кошта.Истата објава на X ја сподели Манфред Вебер, претседател на Европската народна партија, најголемата политичка групација во Европскиот парламент.Францускиот претседател Емануел Макрон, коментирајќи ја средбата во Белата куќа, рече дека мора да се почитуваат „оние кои се борат од почетокот“.„Постои агресор, Русија, и нападнат народ, Украина“, изјави францускиот претседател пред новинарите во Португалија.Поранешниот шеф на европската дипломатија, Жозеп Борел, рече дека американскиот претседател Трамп и потпретседателот Џ.Д. Венс направиле „недостоинствен настап“.„Трамп и Венс направија недостоинствен настап. Се срамам од ваквото однесување. САД заслужуваат подобро“, изјави Борел на платформата Х.Високиот претставник на ЕУ за надворешна политика и безбедност Каја Калас изјави дека ЕУ ќе ја зголеми поддршката за Украина и оцени дека е јасно дека „на слободниот свет му треба нов лидер“.„Денес стана јасно дека на слободниот свет му треба нов лидер. На нас, Европејците, останува да го прифатиме овој предизвик“, напиша Калас на социјалната мрежа X.Таа додаде дека „Украина е Европа“.„Ние стоиме со Украина. Ќе ја зајакнеме нашата поддршка за Украина за да можат да продолжат да се борат против агресорите“, нагласи Калас.И покрај спорот во Вашингтон, Зеленски им се заблагодари и на Соединетите Држави за „нивната поддршка“ и „таа посета“, како и на претседателот Доналд Трамп, Конгресот и американскиот народ.„На Украина и треба праведен и траен мир и ние работиме токму на тоа“, продолжи Украинецот во својата објава.Украинското Министерство за надворешни работи исто така го зголеми бројот на благодарници на Х, како одговор на поддршката што министерствата на европските земји која ја покажаа кон Украина.И покрај неговиот конфликт со Доналд Трамп, Зеленски верува дека односот меѓу САД и Украина може да го преживее инцидентот и дека не му должи извинување на Трамп.

Свет | пред 1 година

Сообраќајка во Кисела Вода: жена пренесена со тешки повреди во болница

На 28.02.2025 во 13.10 часот во СВР Скопје било пријавено дека на ул.„Антон Попов“ во Скопје се случила сообраќајна несреќа помеѓу патничко возило „тојота“ со скопски регистарски ознаки, управувано од Н.Г.(56), и патничко возило „пежо“ со скопски регистарски ознаки, управувано од Т.Б.С.(49), двајцата од Скопје.Во несреќата со тешки телесни повреди се здобила Т.Б.С., констатирани во Комплексот клиники „Мајка Тереза“.Извршен бил увид од увидна екипа од СВР Скопје.

Македонија | пред 1 година

Зеленски оди во Лондон со европските и лидерите на НАТО: Важно е Украина да биде слушната

Украинскиот претседател Володимир Зеленски штотуку го премина Атлантикот откако ги напушти САД и се упати кон Европа.Зеленски треба да слета во Лондон околу 11 часот по локално време, каде ќе се сретне со европските и лидерите на НАТО. Украинскиот претседател Володимир Зеленски изјави дека е многу важно Украина да биде слушната и да не се заборави, по неговиот состанок со Доналд Трамп.Во објавата на Телеграм, тој напиша: „Народот на Украина мора да знае дека не е сам, дека нивните интереси се застапени во секоја земја, во секој агол на светот“.Зеленски, исто така, им се заблагодари на светските лидери за нивната поддршка.Неговата изјава доаѓа по напната средба во Белата куќа со Трамп и потпретседателот Џеј-Ди Венс.

Свет | пред 1 година

(Видео) Русија во текот на ноќта изврши голем напад врз Украина, меѓу повредените има и деца

Украинските власти објавија нови информации за ноќен напад со руски дрон врз североисточниот украински град Харков.Претходно, украинските власти објавија дека во „масовниот“ напад се ранети седум лица. Сепак, последните податоци покажуваат дека бројот на повредени се искачи на 12, меѓу кои и две деца. Меѓу жртвите има и четворица пациенти во болница во центарот на градот.Според украинското обвинителство, во нападот биле оштетени станбени згради, аптеки, кафулиња и продавници.Нападот се случи веднаш откако украинскиот претседател Володимир Зеленски ја напушти Белата куќа вчера. $bp("TargetVideo_40821073", {"id":"26456","width":"762","height":"429","video":"2024904","autoplay":0,"shared":true});Руските сили лансираа вкупно 154 нападни беспилотни летала во текот на ноќта од 28 февруари кон 1 март. Украинската противвоздушна одбрана успеала да собори 103 беспилотни летала, додека уште 51 беспилотно летало „исчезнало од радарот“, според украинските власти.Нападот е извршен со беспилотни летала лансирани од руските градови Ориол, Брјанск, Курск, Милерово и Приморско-Ахтарск, соопштија украинските власти.Соборените беспилотни летала беа потврдени над регионите Харков, Полтава, Суми, Киев, Чернихив, Черкаси, Кироворад, Днепропетровск, Доњецк, Керсон, Одеса и Миколаев.Украинските воздухопловни сили известија дека регионите Харков, Одеса, Суми, Чернихив, Черкаси и Киев претрпеле штета од падот на остатоците од соборените беспилотни летала.

Свет | пред 1 година

Филипче: „Први сме во регионот“ само во поскапувања и пад на стандардот, економијата тоне

Владата не прави ништо, го запре процесот на зголемување на платите, не прифаќа никакви предлози кои се во интерес на граѓаните за да се намалат цените и сметките за струја, граѓаните страдаат од нивната неспособност, рече претседателот на СДСМ, Венко Филипче во Крива Паланка.„Излегува премиерот и вели дека сме одлични во економијата, први сме. Одлични и први сме во што? Во тоа што струјата поскапе за 30%? Во тоа што цените во маркетите растат неконтролирано?„, праша Филипче.Тој потенцираше дека Владата не прави ништо за да ја спречи економската нестабилност.„Во една тешка економска ситуација, треба да растат платите, да има контрола на цените, да има поддршка за компаниите, да се спасуваат работни места. Но, оваа Влада ништо не прави. Немаат желба да седнат ниту на економско-социјален совет, ниту да примат било каков совет за да направат нешто во интерес на граѓаните„, нагласи претседателот Филипче.Неспособноста на владејачката гарнитура е очигледна а граѓаните страдаат поради таа неспособност.„Ниту премиерот, ниту некој од министрите, ниту било кој од неговиот најблизок тим има искуство во менаџирање на големи системи. Ништо никогаш не менаџирале. Сега се учат, ама лошо се учат и тешко дека ќе се научат,“ заклучи Филипче.СДСМ ќе продолжи да се бори за економски мерки што ќе ги заштитат граѓаните и ќе обезбедат подобар животен стандард.

Македонија | пред 1 година

Трамп до Зеленски: Ти се коцкаш со Третата светска војна и тоа што го правиш е многу непочитување кон земјата

Американскиот претседател Доналд Трамп му порача на украинскиот претседател дека се коцка со Трета светска војна.„Ти се коцкаш со Третата светска војна и тоа што го правиш е многу непочитување кон земјата“, порача Трамп.Според информациите, тој му рекол на украинскиот претседател „или да склучи договор или тие сме надвор“.„Не ни кажувајте што ќе чувствуваме. Се обидуваме да решиме проблем. Не ни кажувајте што ќе чувствуваме, бидејќи не сте во позиција да го диктирате тоа точно. Вие не сте во позиција да диктирате што ќе чувствуваме“, му вели тој на Зеленски.Трамп му вели на Зеленски „во моментов не си во многу добра позиција“.

Македонија | пред 1 година

Сокол се спаси од притвор во Шутка, одземен му е пасошот

Кривичниот суд определи мерки на претпазливост за десетмината осомничени, меѓу кои и поранешниот директор на затвороот во Шуто Оризари, Филип Андов Сокол кој им овозможил на петтмина осуденици, незаконски да бидат повремено ослободувани. Андов е осомничен заедно со уште девет лица во постапката на Обвинителството за гонење на органзиран криминал и корупција.На осомничените им е одземен пасошот. Имаат забрана за напуштање на живеалиштето. Треба да се јавуваат повремено на определено службено лице во судот. Не смеат да одржуваат контакти или врски со определени лица и имаат и забрана за преземање на определени работни активности, кои се поврзани со кривичното дело.Против овие решенија странките имаат право на жалба пред Кривичниот совет.Петмина осуденици биле ослободувани по 8 до 10 часа со факсимил или потпис на Андов.Спроведувањето осуденици од затвор се врши единствено до суд, здравствена установа или друг орган. Но, тие доставувале молба до Андов, кој со факсимил или потпис одобрувал повремено да го напуштат затворот. Второосомничен е командирот на затворска полиција, кој изготувал наредба за нивен спровод, а понекогаш тоа го прваел и третоосомничениот затворски полицаец и личен возач на директорот.

Македонија | пред 1 година

Во март интерпелациите за петте члена на Судски совет во собраниската сала

Интерпелациите за петте члена на Судскиот совет, избрани од Законодавниот ден на седница ќе се разгледуваат во првата половина на март. Поднесени се од 67 пратеници од владејачкото мнозинство предводено од ВМРО-ДПМНЕ. Тие се завработата на членовите на Судскиот совет Весна Дамева, Тања Чачарова Илиевска, Павлина Црвенковска, Миљазим Мустафа и Селим Адеми.Петте члена на Судскиот совет одговориле на забелешките и наводите во интерпелациите, а деновиве материјалите ќе бидат доставени до сите пратеници, по што ќе се закаже седницата, рече денеска на редовниот брифинг со новинарите претседателот на Собранието Африм Гаши.Собранието може да дебатира за интерпелациите, но дури и изјаснувањето на пратениците не значи ништо, бидејќи Собранието не може да ги разреши. Премиерот Мицкоски побара нивна оставка, но членовите на Судски совет одбија да го послушаат.

Македонија | пред 1 година

Спикерот Гаши побара министрите да внимаваат како се однесуваат кон пратениците

Денеска, на брифинг со новинарите, претседателот на Собранието, Африм Гаши порача дека секој може да ги искажува политичките ставови без навреди.Пратениците се тие кои ги бираат министрите.„Собранието има надзорна функција врз Владата, пратеничките прашања се алатка за постигнување на тој ефект и мислам дека особено Владата треба да биде внимателна во Собранието како се однесува кон пратениците, а министрите на седницата за пратенички прашања знаат дека доаѓаат да одговараат на прашања, предупреди Гаши на брифинг со новинарите.Ова беше негов став по вчерашната кавга, кога министерката за финансии, Гордана Димитриеска Кочоска, од говорница ѝ рече на пратеничката на СДСМ Славјанка Петровска дека нема право да зборува за потрошувачката кошничка затоа што нема деца и семејство. Петровска реагираше дека министерката сакала да ја навреди и да ја омаловажи и дека го достигнала дното.Социјалните мрежи зовреа од осуди за кажаното од министерката за финансии.

Македонија | пред 1 година

Министерката Кочоска: Изразив жалење, немам намера да навредам, ова ќе помине

Гордана Димитриеска-Кочоска тврди дека немала намера никого да навреди од Собранието кога на пратеничката Славјанка Петровска и рече: „Врз основа на што вие ги ставате в уста мајките што имаат деца и како знаете вие едно повеќечлено семејство колку треба да троши? Јас сум мајка на два сина и многу добро знам колку треба да троши едно 4-члено семејство“. Таа смета дека темата се држи во јавност за дефокус, иако повеќе јавни личности, жени, побараа извинување бидејќи се нашле засегнати.„Веќе изразив жалење за целиот контекст, но и самите сте свесни дека народот има поважни теми од лажната тема која ја создаваат за дефокус. Немам намера никогаш да навредам никого. Ниедна туѓа навреда кон мене нема да ме вовлече да навредувам и да возвраќам со навреди. Ова се ќе помине, а за мене е најважно да останеме луѓе и да помагаме на луѓето, колку што можеме“, рече Димитриеска Кочоска.Таа смета дека СДСМ реагираат на ова за политички поени, по претходна координација.„За мене темата е затворена, се фокусирам на работата која треба да ја работам. Резултатите се јасни и видливи. Не исклучувам да продолжат со напади кон мене. Секој збор може да се искриви, ама секој резултат останува во историјата“, додаде министерката.Таа додаде дека со месеци била предмет на лажни соопштенија.

Македонија | пред 1 година

(Фото) Девојчиња исмејувани и наведувани на лажен „Инстаграм“ профил: „Криви заби“, „многу акни“

Девојчиња од Македонија се најдоа на мета на лажен „Инстаграм“ профил. Читатели кои го испратија до нашата редакција, велат дека истиот предизвикал вознемиреност кај родители. Првите објави се пред пет часа, а според нашиот читател, едно од девојчињата кои ги препознал на профилот е од Гостивар. Неофицијална и непотврдена информација која беше споделена со нас е дека едно од девојчињата е и ќерка на судија.Навредите се на лична основа, а најмногу од нив се однесуваат на нивниот изглед. Па така, меѓудругото на профилот (кој нема да го објавиме за да нема двојна виктимизација), на фотографиите од девојките стои: „многу акни, си бара прст во уста“, „криви заби, мора да е центар на внимание, се клешти на секоја слика“, „магарето од Шрек, можеш да пиеш кафе со нејзината неталентирана сестра“, „има што да се фати, дури премногу, татко и е месар па секој ден многу јаде од месото“.На профилот засега има пет фотографии од девојчиња, го следат шест лица, а следи 64 лица. „Скопје1“ ќе упати прашања до МВР дали до нив стигнала пријава од евентуалните жртви на овие навредувачки коментари.

Македонија | пред 1 година

Арсовска пак смени директор, четврта среќа: Хусини ќе раководи со „Дрисла“, наместо Јосевски

Градоначалничката на Скопје, Данела Арсовска повторно смени директор на јавно претпријатие, на осум месеци пред изборите. „Дрисла“ сега ќе го управува Самир Хуесини, дознава „Скопје1“ од свои извори. Лицето е непознато за јавноста, а Град Скопје втора недела молчи кој е човекот и која е неговата биографија.Хусеини е четврта среќа на Арсовска во ова претпријатие. Пред тоа, го раководеа Јане Мицевски кој по кавгата ВМРО-ДПМНЕ - Арсовска, беше разрешен. На негово место дојде Александар Кузинаков кој издржа и најдолго на позицијата, речиси две години. Директорувањето го презема Ненад Јосевски во август 2024, а неговата функција заврши со истекот на шестиот месец, по што е сменет.„Скопје1“ побара одговори од Град Скопје, зошто го разрешила Јосевски, кој е новиот кадровник Хусини, но и какво работно искуство има. Прашавме и која е поентата на честото менување на директори и колку ова штети на претпријатијата. Не добивме одговор.Крајот на јануари, Данела Арсовска направи петта смена на директор во Комуналнa. Новиот го поддржува УЧК, им ги чкрта лицата на Стево и Гордана, бојкотира „Кам“ и „Стокомак“, а го поддржува ДУИ.Во август минатата година, Арсовска назначи кадар на ДУИ и во „Паркови и зеленило“, каде за директор беше поставен Јетон Бучи, кој сака да се фотографира со сега избеганиот Артан Груби.Вчера, заменик-градоначалникот Александар Трајановски се повлече од функцијата, а од Град Скопје излегоа со информација дека тој бил разрешен уште пред три месеци. Вакви случаи имаше и во минатото. 

Скопје | пред 1 година

Приведени три лица во тетовско за организирање борба со кучиња

На 27.02.2025 во 16.00 часот во с.Долно Палчиште, тетовско, полициски службеници од СВР Тетово ги лишиле од слобода А.М.(18) од с.Горно Палчиште, С.У.(50) од с.Долно Палчиште и Ј.И.(43) од прилепското село Дебреште, постапувајќи по претходна пријава дека организирале борба со кучиња.За настанот биле известени јавен обвинител и Агенција за храна и ветеринарство, кои излегле на местото и кои ги преземале кучињата за понатамошна постапка. Лицата биле задржани во полициска станица и по документирање на случајот, против нив ќе биде поднесена соодветна пријава.

Македонија | пред 1 година

Јанкулоска не се откажува од целта да се казни прислушувањето: 750 дена без прекин биле снимани сите разговори

Ексминистерката за внатрешни работи, Гордана Јанкулоска, продолжи да го бара одговорот на прашањето – кој прислушуваше во Македонија, откако, Кривичен суд ја запре постапката оти на обвинетиот Сашо Мијалков и останатите им застареа делата. И овде, државата се жали дека Јанкулоска не може да тужи, бидјеќи и застарело тужбеното барање. Но одлуката дали е така, ќе ја донесе Граѓанскиот суд. На последното рочиште, исказ даде Јанкулоска, која раскажа како дознала дека е еден од најмногу прислушуваните функционери, за настанувањето на приказната „Жолти комбиња снимале“, но и за ефектите од прислушувањето.„Правите сознанија за незаконско прислушување во Македонија, во неофицијална форма ја добив декември 2014, јануари 2015 година на начин што тогашниот премиер Груевски ме повика во канцеларија во Владата и ме информираше дека до него пристигнале сознанија од тогашниот лидер на СДСМ, Зоран Заев, на која средба му посочил дека поседува аудио материјали од разговори на високи државни функционери. Во таа прилика било споменато и моето име и ми прераскажа муабет, усно, кој му бил прераскажан нему. Евидентно беше дека е разговор од моја комуникација – поради соговорникот, контекстот на муабетот, но не можеше да се добие впечаток во колкав обем е прислушувањето, немаше конкретен материјал“, рече Јанкулоска.Имало и други разговори на истата тема, со слична содржина. Јанкулоска кажа дека Заев сакал договор со Груевски за да преговара за нивно необјавување. Потоа, било информирано Јавното обвинителство од страна на Груевски. Тука настанува теоријата за „жолти комбиња“.„Според теоријата, се водеше постапка за шпионажа, дека тоа се одвивало од трета страна, дека станува збор за странски служби и дека не станува збор за долги години прислушување“, рече Јанкулоска.Од презентацијата на разговорите која ја правеше Заев пред медиумите, Јанкулоска добила впечаток, а смета дека тоа е впечаток и на јавноста – дека таа е најдолго прислушувана. Потсети на „пржинските преговори“, но и формирањето на СЈО. Ова, сега згаснато Обвинителство, го преземало предметот. Според неа, СЈО не сакало да и даде информација дали нејзините броеви биле директно прислушувани.„Јас барав од СЈО дали моите броеви кои ги користев тогаш, биле таргет, на директно прислушување. Од СЈО не добив одговор, доставив претставка до Народниот правобранител за да добијам одговор кој директно не го добив. СЈО до Народниот правобранител одговори дека ако СЈО добие податок ќе извести, помина период и не ме известија. По ова СЈО го покрена предметот „Таргет-тврдина“, рече Јанкулоска.Предметот за прислушувањето вината ја насочуваше кон УБК и Сашо Мијалков. Но не доби разрешница – застреа делата. Во делот на уништувањето Јанкулоска беше обвинета, па ослободена од вина. Додека траеле рочиштата настојувала на одговор колку долго била прислушувана.„Преку судот по писмен пат се обратив до обвинителот со оглед дека постои информација врз основа на која јас сум прислушувана. Обвинителот даде статус на оштетени на стотици лица, јас не добив. По оваа постапка а врз основа на изведените докази, а особено на исказите на тие што имале пристап до материјалите, а ме споменуваат како лице кое најдолго и најмногу било следено, јас пак се обратив до СЈО и побарав известување на бројот на комуникации и перидоот“, рече Јанкулоска.Одговор од СЈО никогаш не добила. Кога Обвинителството згаснува, првпат, одговор на ова прашање добива до Обвинителството за гонење организиран криминал и корупција.„Добив одговор, кога се следени броевите, колку денови, колку СМС пораки, колку аудио материјали. Зборуваме за над 750 дена во континуитет, 24/7, а во обем станува збор за 150.000 уникатни СМС пораки, 15.000 аудио разговори, некои траат и со часови“, објасни Јанкулоска, посочувајќи дека ова не се сите материјали.„Анализирајќи ги исказите на сведоците, особено на Ѓорѓи Лазаревски, се доаѓа до заклучок дека ова не е цел материјал, затоа што тој наведе, парафразирам: кога дознале дека има незаконско прислушување, селектиравме тоа што беше интересно“, додаде таа.Раскажа дека ефектите од ваквото прислушување кај нејзе се долгорочни.„Многу луѓе се воздржуваа, а и се воздружуваат од комуникација, се стесни кругот на луѓе, ми се промени животот. Материјалите не само што не беа повлечени од јавноста, тие се достапни и неконтролирано се шират. Се јавува автоцензура“, рече таа.Иако не постои правна пречка, според неа, јавна функција не може веќе да извршува.„Ако се земе во предвид дека кога се прислушувало јас ја извршував функцијата министер, не треба да се биде креативен за да се знае за какви разговори станува збор. Во нив има приватни разговори колку сакаш, тогаш имав политички ангажман, само по себе постоењето на овој обем на материјали, претставува ограничување за вршење на јавна функција или функција со јавно овластување“, рече Јанкулоска.Посочи дека ова особено поради тоа што разговорите биле вадени од контекст. Како пример ги посочи разговорите за убиството на Мартин Нешковски кој беше преставен како таа да прикрива убиство, а всушност конотацијата на муабетот е форсирање случајот да се заврши; потоа разговорите за убиството кај Смилковското Езеро за кои се правеа теории на заговор, но беше изречена истата пресуда;„Снимките беа вадени од контекст за политички цели“, рече Јанкулоска.Посочи дека во многу наврати добивала закани и посочи дека еден од тие е од терористите во Диво Насеље.„Доврлања, навреди, префрлања, негативни вредносни судови. Понижувачко однесување, ужасно! Добивав закани по пораки кога се презентираа снимките, бев на листата на непријатели објавена од терористите од Диво Насеље. Имаше слики со надгробни плочи. Дел од заканите се пријавени, а не само што немаше реакции, туку пријавувањето беше со јавен потсмев“, додаде Јанкулоска.Таа посочи дека разговорите ги чувствува и како закана за нејзиното семејство. На крајот на судијата му посочи дека ако државата не ја гарантира приватноста на поединецот и се грубо се прекршат човековите права, Граѓанскиот суд ќе треба да испрати порака дека не смее ова да се случи повторно.Предметот го суди судијката Кети Германова.

Македонија | пред 1 година

Зеленски е во Белата Куќа: Што носи договорот, а што не?

Сè уште не се познати сите клучни детали од договорот што Доналд Трамп и Володимир Зеленски ќе го потпишат денеска.Украинскиот премиер Денис Шмихал вчера изјави дека прелиминарниот договор предвидува формирање „инвестициски фонд“ за обнова на Украина. Фондот заеднички би бил управуван од Киев и Вашингтон „на еднакви услови“, при што Украина во него ќе инвестира 50 отсто од идните приходи од минералните ресурси на државата, нафтата и гасот, а средствата потоа ќе се користат за проекти во земјата.Зеленски го потврди постоењето на фондот, но за Би-Би-Си изјави дека е „прерано да се зборува за пари“. „Њујорк тајмс“ наведува, повикувајќи се на нацрт-договор, дека САД ќе поседуваат најголем можен удел во фондот според американскиот закон, но не мора и целиот фонд.Според извештаите, Вашингтон првично барал украински минерални ресурси во вредност од 500 милијарди долари, што Киев го одбил, а барањето подоцна било повлечено. Зеленски се залага договорот да вклучи силна американска безбедносна гаранција, но Трамп вчера посочи дека самиот договор може да послужи како форма на заштита за Украина.

Свет | пред 1 година

Десет осомничени од затворот Шутка, меѓу кои ексдиректорот: пуштале затвореници на слобода иако не смееле, тврди Обвинителството

Јавен обвинител од Специјализираното одделение за гонење на кривични дела сторени од лица со полициски овластувања и припадници на затворска полиција постапувајќи по кривичната пријава поднесена од Одделот за внатрешна контрола, криминалистички истраги и професионални стандарди при МВР до судијата на претходна постапка при Основен кривичен суд Скопје достави предлог за определување на мерки на претпазливост спрема десет лица вработени во КПУ Затвор Скопје. Постои основано сомнение дека осомничените како соизвршители сториле кривично дело „Противзаконито ослободување на лице лишено од слобода“ и кривично дело „Злоупотреба на службена положба и овластување“, додека прво и десетоосомничениот сториле и кривично дело и „овозможување бегство на лице лишено од слобода“.„Првосомничениот злоупотребувајќи ја својата службена должност на директор на установата, во период од март до јули 2024, со намера да им овозможи корист односно противзаконска поволност на петмина осуденици и привремено да ги ослободи, дозволил и наредил осудените кои биле од висок безбедносен ризик во повеќе наврати да добијат и да се стекнат со поволности што согласно судските одлуки не им следувале. Постапувајќи спротивно на одредбите на законските и подзаконски акти за спровод на осудени лица, биле издавани наредби со кои се дозволило осудените лица да бидат спроведени до нивните домови и до други локации за приватни потреби, иако во Постапката за спроведување вон установа јасно е наведено дека спроведувањето на лица лишени од слобода од казнено поправната установа се спроведува единствено до суд, здравствена установа или друг орган.Ваквото противзаконско спроведување се вршело така што осудените лица доставувале молба до првоосомничениот кој со факсимил или потпис ги одобрувал молбите на осудените повремено да го напуштат затворот. Врз основа на потписот третопријавениот – командир на затворска полиција, кој бил задолжен за спровод, иако знаел дека таквиот вид на спровод е спротивен на закон и процедурите за спровод, изготвувал наредба за спровод на осудените лица која наредба била одобрена од првоосомничениот, а во неколку наврати тоа го сторил второосомничениот – затворски полицаец и личен возач на директорот. Одобрените наредби третоосомничениот ги предавал на останатите осомничени затворски полицајци, кои иако знаеле дека таков спровод на осудено лице е спротивен на законот и процедурите, го извршувале користејќи службени возила и службено гориво на установата и ги носеле осудените до определените места ослободувајќи ги да извршуваат приватни работи, а по 8 до 10 часа ги враќале назад во затворот. За извршената наредба на дел од осомничените затворски полицајци првоосомничениот им одобрувал прекувремени работни часови. Со ваквите противзаконски дејствија била предизвикана штета на Буџетот на РСМакедонија, за сметка на мала имотна корист за петмината осомничени.Десетоосомничениот пак, како затворски полицаец, непреземајќи должни мерки и активности при утврдување на бројна состојба на осудени лица, постапил спротивно на одредбите од Правилникот за овластувањата на затворската полиција, начинот на вооружување и вршење на работите на затворската полиција. Тој при вршење физички проверки за бројната состојба на затворените лица не пријавил дека одредена група на осудени лица сместени во импровизирани простории не се присутни, туку напротив, констатирал дека нема отсутни. Така, при ненајавен вонреден надзор од страна на Управата за извршување на санкции, било констатирано дека недостасуваат 11 осудени лица, а истите не биле пријавени дека не се присутни. Со непреземање на дејствија што му биле во надлежност, осомничениот сторил кривично дело „овозможување бегство на лице лишено од слобода“. За истото дело е осомничен и тогашниот директор на затворот кој бил должен да преземе соодветни мерки, во однос на просториите во кои биле сместени осудените лица, а кои не исполнувале законските услови. Со непреземање на дејствија и активности им овозможил на осудените лица да бидат сместени во импровизираните простории без посебен надзор како што налага Законот за извршување на санкции, со што создал и овозможил услови кои што довеле до нивно бегство.Јавниот обвинител до судијата на претходна постапка при Основен кривичен суд, ценејќи ги околностите, а заради непречено водење на кривичната постапка и обезбедување присуство на обвинетиот, поднесе предлог за определување на мерки на претпазливост како поблаги мерки за обезбедување присуство на осомничените и тоа: забрана за напуштање на живеалиштето, односно престојувалиштето, обврска на осомничените да се јавуваат повремено на определено службено лице или кај надлежен државен орган кој ќе го определи Судијата на претходна постапка, како и привремено одземање на патна или друга исправа за преминување на државната граница односно забрана за нејзино издавање, Забрана за приближување или воспоставување, односно одржување контакти или врски со определени лица – осомничените во оваа постапка, како и Забрана за преземање на определени работни активности – затворски полицаец, а кои се поврзани со кривичното дело“, велат од Обвинителството.

Македонија | пред 1 година

Тошковски: Го претвориле затворот во „Хотел промаја“, 8-10 часа спротивно на закон овозможувале на затвореници привилегии за приватни потреби

Министерот за внатрешни работи Панче Тошковски, вечерва гостувајќи во „Само интервју“ објави дека денес постапувајќи по наредба донесена од страна на судија на претходна постапка, изврши два претреси на две локации, во домовите на лица кои што се службени лица во рамки на затворот „Скопје“, поради постоење на основни сомненија дека сториле повеќе кривични дела со уште неколку други лица вработен во затворот.„Фрапантна фактичка состојба од аспект на информациите со коишто располагаме. Менаџерот на затворот и други лица вработени, затворот го доживувале како „трговец поединец“ здружение или приватно правно лице коешто се занимава со туристички услуги, заради тоа што незаконито им овозможувале на осудени лица за коишто постои висок безбедносен ризик да користат привилегии коишто не им следуваат по закон. Просто објаснето осум до десет часа им овозможувале спротивно на закон, според индициите, истите да бидат спроведувани од страна на затворската полиција до одредени локации како нивен дом или трети локации каде што истите уживале привилегии а притоа биле чувани од страна на затворската полиција и не во рамки на она што е дозволено со закон туку за приватни потреби. Какви се тие приватни потреби ќе утврдиме дополнително, но знаеме дека не е за да бидат достапни на органите на прогон, на институциите или слично, туку за нивни други приватни потреби, коишто не се законски основ согласно важечките закони.“, потенцираше министерот Тошковски.Министерот Тошковски објасни дека овие раководни лица го претвориле затворот во „Хотел промаја“ бидејќи дозволувале користење на незаконски привилегии кои им биле дозволени на одредени осомничени лица.„Буквално како трговско-угостителско друштво, затворските полицајци коишто се платени од граѓаните, ги пренесуваат од затвор до одредена локација, ги чуваат осум до десет часа на таа локација, па пак со службено гориво и возила, на трошок на македонските граѓани, ги враќаат во затворот. Тоа едниот дел од незаконитите дејствија кои се вршени. Со истрагата во моментот се опфатени 10 лица, со што тоа е само еден дел од незаконитостите коишто се опфатени. Денес извршени се претреси во домовите на две лица, при што тие се лишени од слобода и ќе бидат изнесени пред судија на претходна постапка.“, истакна министерот Тошковски.

Македонија | пред 1 година