ТОП

Дрво падна врз малолетник во Карпош 3, позади Лептокарија – однесен е во болница

Дрво паднало врз малолетник во Карпош 3, близу до Лептокарија,кој е пренесен во болница. Ова го објави Општина Карпош, обвинувајќи дека „Паркови и Зеленило“ требало да го исечат дотрајаното дрво.„Меѓутоа, како и во стотици други случаи јавното претпријатие и Градот Скопје остануваат глуви на барањата на Општина Карпош и на граѓаните. Општина Карпош бара Министерството за внатрешни работи да го документира овој немил настан, да се утврди одговорноста и за истата да се сносат правни последици“, велат од Општина Карпош.Од градското претпријатие „Паркови и Зеленило“ велат дека дрвото не било обележано за сечење.„За конкретното дрво до нас нема пристигнато никакво барање ниту пак има издадено Решение за сечење. По барањата на странките за интервенција врз дрвјата редовно се постапува. Во досегашното работење на сите барања на Општина Карпош е одговорено. Сметаме дека надлежните од општината го злоупотребиле овој немил настан од причина што доколку се работи за подрачје на нивна општина за кое требало да поднесат барање“, велат од претпријатието објаснувајќи ја процедурата како се сече дрво и по чие барање.

Скопје | пред 1 година

(Видео) Јајца, димни бомби, бибер спреј, пратеници обоени во бело, српскиот Парламент како бојно поле

Политичка криза во Србија и хаос во Собранието од доаѓањето на СНС на власт.Собраниската сала повторно како бојно поле, опозицијата фрла димни бомби и јајца на масата на која седеше претседателката на Собранието, Ана Брнабиќ.Радомир Лазовиќ го активирал противпожарниот апарат во собраниската сала, кој ги обои пратениците во бело.Новиот пратеник на ДСС, Милош Јовановиќ, ја испрска пратеничката Соња Илиќ, која е во осмиот месец од бременоста, со бибер спреј.Дежурниот јавен обвинител на Првото основно јавно обвинителство во Белград, во врска со инцидентите испрати барање за прибирање на потребните информации до Министерството за внатрешни работи и Управата за криминалистичка полиција со цел да се утврди сторителот и постоењето на кривични дела од суштинско значење за јавната безбедност.На полициските службеници им е наложено да ги утврдат релевантните факти и да ги соберат сите расположливи докази со цел да се утврди идентитетот на лицата кои ги донеле и употребиле пиротехничките средства, но и како тие биле внесени во просториите на Народното собрание. $bp("videoBox-2027714", {"id":"34612","width":"600","height":"338","video":"2027714","autoplay":0,"shared":true});

Македонија | пред 1 година

Нема фотографија

Брнабиќ до опозицијата: Вие сте терористичка, срам да ви е

Врие во српското собрание.„Вие сте херои на шиптарските медиуми на Косово и Метохија”, ѝ порача Ана Брнабиќ на опозицијата, држејќи ги в раце насловните страни на Коха и Репортери.„Aлександар Вучиќ е на пат да ја посети Јасмина Обрадовиќ, ако ѝ се случи нешто на Јасмина покренавте во Србија нешто никогаш видено, срам да ви е, вие сте терористичка банда, а не политички партии”, се закани Брнабиќ.

Свет | пред 1 година

(Видео) Пратеничка на СНС се бори за живот, погодена од шок-бомба во српското Собрание

„Работата и борбата ќе победат. Добро е што ги покажавте вашите вистински бои. Сакате да дојдете на власт со солзавец“, рече претседателката на Собранието Ана Брнабиќ, додавајќи дека пратеничката на СНС Јасмина Обрадовиќ била погодена во главата и била пренесена со возило на брза помош.Брнабиќ ја обвини опозицијата, нарекувајќи ги „миленичињата на Албина Курти“.„Може да не убиете само ако сакате да не спречите да работиме“, рече таа обраќајќи ѝ се на опозицијата.„Можевте да ги однесете јајцата на семејство наместо да ги фрлате во беспомошност и ароганција“, додаде таа.Во Народното собрание на Србија денеска почна првата седница на редовната пролетна седница, а беше предложен дневен ред со 62 точки, меѓу кои и четири закони од областа на образованието, меѓу кои и измените на Законот за високо образование.Налетот на опозицијата од клупите кон говорницата дојде неколку секунди по поставувањето на дневниот ред за денешната седница. Прво излегоа од клупите пред масата на претседателката, а потоа следеше општ хаос со димни бомби кои потсетуваа на сцените од тогашното собрание во Приштина.

Свет | пред 1 година

(Видео) Хаос во српското Собрание: шок бомби, пратеничка со мозочен удар, Брнабиќ нападната

Седницата на Народното собрание на Србија, на која се очекуваше претставниците да ја констатираат оставката на премиерот Милош Вучевиќ, продолжи откако беше прекината поради инциденти и судири, кога претставници на опозицијата фрлија димни бомби и солзавец во салата.Седницата се одржува среде звуци на вувузели, свирежи и врева од пратениците од опозицијата, пренесе „Анадолија“.Репортерката на „Ал Џезира“, претходно објави дека пратениците од опозицијата фрлиле димни бомби во Собранието и дека дошло до судир.Пратеничката Јасмина Обрадовиќ била однесена со брза помош откако, како што тврди Ана Брнабиќ, доживеала мозочен удар при фрлена шок бомба. Брнабиќ изјави и дека пратениците се борат за живот.За време на пролетната седница настанала тепачка меѓу пратениците во Народното собраниеНекои пратеници запалија факели. Летаат и шишињата, пренесуваат повеќе српски медиуми.Седницата на Народното собрание на Србија почна денеска, по тримесечна пауза, со предлог дневен ред од 62 точки, а на крајот, како што претходно рече Брнабиќ, пратениците треба да ја признаат оставката на премиерот Милош Вучевиќ, која ја поднесе на 28 јануари.

Македонија | пред 1 година

Ахмети и ДУИ со закани: Ако е засегнат Законот за јазици, нема да има локални избори

Според лидерот на ДУИ, одржувањето на локалните избори следнава есен е доведено под прашање. Ахмети од Липково ја повика коалицијата Вреди да ја напушти Владата и заедно со локалните да се одржат и предвремени парламентарни избори.„Ако го допрат Законот за јазици нема да има локални избори, нема да може да се постават гласачки кутии. Законот не е на ДУИ. Законот е и на оние кои ќе се родат додека изгрее сонцето. Затоа секој Албанец мора да стане господар на правото не јазикот, ниту да го политизира ниту да го проблематизира“, изјави Ахмети.Бујар Османи од ДУИ вели дека не може да има локални избори без парламентарни избори, но и без враќање на Балансерот, Бадентер и без гаранцијата на Законот за јазиците.„Ние велиме дека не може да има избори во услови кога Албанците ќе бидат деградирани до тоа ниво. Ќе се создаде длабока политичка криза. Албанците нема да дозволат денот да продолжи како ништо да не се случило. Тоа е морална обврска, тоа е национална обврска, тоа е човечка обврска кон оние кои ги дале своите животи за овој јазик. И сега ќе се однесуваме како ништо да не се случило“, вели Османи за Дејли клик на ТВ21.Уставен на 20 март во присуство на експерти ќе ја подготвителната седница за Законот за јазици.

Македонија | пред 1 година

Првата реакција на Украина: Ова никогаш не го замислувавме во нашиот најлош кошмар

Соединетите Држави ја прекинуваат воената помош за Украина неколку дена откако американскиот претседател Доналд Трамп се судри со украинскиот претседател Володимир Зеленски во Овалната соба, потврди во понеделникот официјален претставник на Белата куќа за Ројтерс.Канцеларијата на Зеленски не одговори веднаш на барањето на Ројтерс за коментар.„Ова не е трајно прекинување на помошта, тоа е пауза“, цитира Фокс њуз претставник на администрацијата на Трамп. Блумберг објави дека е запрена испораката на целата американска воена опрема која моментално не е во Украина, вклучително и оружје во транзит на авиони и бродови или оние кои чекаат во транзитните области во Полска.Олександр Мережко, украински пратеник од партијата на претседателот Зеленски, рече дека е „шокиран“ од веста.Говорејќи за Њуздеј на Би-Би-Си, тој рече: „Она што се случува е неверојатно. Ниту во моите најлоши кошмари не можев да замислам дека Трамп може да ја спречи воената помош за Украина во време кога ни е најпотребна“.Мережко смета дека американскиот претседател Доналд Трамп се обидува да ги турка Украина и Европа настрана за да постигне договор со Русија.„Мислам дека господинот Трамп треба сериозно да размисли како ќе остане запаметен во историјата. За мене ова е ден кој ќе остане во историјата како срамен“, заклучи тој.Тој додаде дека одлуката на администрацијата на Трамп да ја прекине воената помош за Украина потсетува на отстапките на Адолф Хитлер во 1938 година, кога беше потпишан Минхенскиот договор.„Сопирањето на помошта сега значи да му се помогне на Путин. На прв поглед, ова изгледа многу лошо. Изгледа дека Доналд Трамп не турка кон капитулација, кон прифаќање на руските барања. Најлошото е што ова е психолошки и политички удар за Украина – тоа не ни помага на нашиот морал е крајно опасно“.Потсетиме дека на 30 септември 1938 година, Германија, Велика Британија, Франција и Италија постигнаа договор со кој нацистичка Германија ѝ дозволи да ја анектира Судетската област, тогаш западниот дел на Чехословачка.

Свет | пред 1 година

(Видео) Граѓаните да не наседнуваат на измами со лажни сообраќајки, веднаш да пријават во полиција, алармира МВР

„Во изминатиот период во Министерството за внатрешни работи од страна на граѓаните пријавени се повеќе кривични дела „измама“, кои се извршени врз повозрасни лица. Сторителите ги доведуваат во заблуда лицата на тој начин што им се јавуваат телефонски и им се претставуваат како службени лица, најчесто полициски службеници, и од нив бараат финансиски средства за ослободување од кривичен прогон на нивни деца или внуци кои, наводно, непосредно пред јавувањето направиле сообраќајна несреќа со смртни последици. Измамниците ги контактираат жртвите најчесто на фиксен телефон, но има случаи каде што се контактирани и преку мобилен телефон со скриен број, а за да бидат поуверливи во позадина се слуша глас кој бара помош“, алармира МВР и додава:Министерството за внатрешни работи ги известува граѓаните дека се преземаат мерки и активности за расчистување на досега пријавените кривични дела и воедно апелираме до граѓани да не наседнуваат на ваквиот вид на измами, а доколку бидат контактирани, веднаш да пријават во полиција.

Македонија | пред 1 година

Не е лошо човек да се извини, вели Силјановска по реакциите за министерката Кочоска

Претседателката Гордана Силјановска Давкова изјави дека сите политичари, како и пратениците треба да внимаваат на говорот, а “не е лошо човек да се извини”. Ставот на претседателката е даден откако Кочоска одговараше на пратеничко прашање во Собранието, па на едно од излагањата и се обрати на пратеничката Славјанка Петровска. Таа и рече дека не може да зборува за мајките што имаат деца, оти нема деца.Претседателката вели дека сите политичари, како и пратениците да внимаваат на говорот.„Не е лошо човек да се извини, не е лошо човек да рече дека можеби перцепцијата не е таква каква што требало да биде, намерата не била лоша намера. Мислам дека тоа ќе доведе до надминување на ваквите проблеми“, изјави Сиљановска-Давкова.Минатата недела, тешки зборови се разменија во собраниската сала на седницата на која се поставуваа пратенички прашања. Реакции на социјалните мрежи предизвика изјавата на министерката за финансии Гордана Димитриеска-Кочоска која пратеничката од СДСМ Славјанка Петровска ја праша врз основа на што ги става в уста мајките што имаат деца, таа е мајка на два сина и многу добро знае колку треба да троши едно 4-члено семејство.„Пратеничке Славјанка Петровска, не можам да ве кажам почитувана. За да кажам почитувана, треба да ја заслужите мојата почит. Врз основа на што вие ги ставате во уста мајките што имаат деца и како знаете вие едно повеќечлено семејство колку треба да троши? Јас сум мајка на два сина и многу добро знам колку треба да троши едно 4 члено семејство. Во однос на грашокот, и јас сакам да купам од конзерва, ама не сум сама, четири члена сме. Мораме да одиме во најевтините маркети и да купиме замрзнат грашок. Тоа беше коментарот, зошто да купуваме грашоци кои се поскапи од 100 денари. Исто беше и за млекото. Некој може троши и по 18 литри, а некој воопшто не пие. Бадемовото вам ќе ви го оставам, вам ви треба, а не мене”, рече министерката Гордана Димитриеска-Кочоска.

Свет | пред 1 година

Филипче за локалните избори: Ќе настапиме со најдобрите

Претседателот на СДСМ, Венко Филипче, вели дека СДСМ на локалните избори ќе настапи со најдобрите кандидати за градоначалници и советници.„Ќе ги избереме во широк консултативен процес, пред сè со членството, а потоа и преку сондажи со сите граѓани. Граѓаните заслужуваат да ги водат најдобрите и оние кои можат најмногу да придонесат за секоја општина. Покрај поддршката од членовите и граѓаните, кандидатите мора да ги имаат потребните квалификации и искуство за позицијата за која се кандидираат. Вечерва во Кочани, на работна средба со новото раководство, зборувавме за претстојните локални избори и начинот на избор на кандидати“, објави Филипче на „Фејсбук“

Свет | пред 1 година

Професорот по безбедност: Не знам каде Европа ќе најде десетици илјади војници за да ги испрати во Украина, откако Трамп се сврте кон Москва

Русија ја слави одлуката на актуелниот американски претседател Доналд Трамп да ја замрзне воената помош за Украина, додека Европа се обидува да се обедини откако Трамп се сврте кон Москва, велат аналитичарите.„Мислам дека Кремљ добива практично сè што сака од Трамп“, рече Метју Шмит, професор по национална безбедност и политички науки на Универзитетот во Њу Хевн.„Всушност гледаме како САД преговараат само со Европа, а во исто време вршат притисок врз Украина, што е прилично чуден пресврт на настаните“, рече Шмит.Франција и Велика Британија понудија алтернативен мировен план за Украина, кој вклучува „коалиција на подготвените“, со војници на земја и авиони во воздух, изјави британскиот премиер Кир Стармер во текот на викендот.Но, Шмит за Си-Ен-Ен изјави дека има мали шанси Трамп да прифати каков било европски предлог за прекин на огнот.Тој, исто така, додаде дека ќе биде многу тешко за европските сојузници на Украина да соберат „десетици илјади“ војници потребни за мировните сили.„Немам поим од каде Европа би можела да добие толку многу војници“, рече Шмит.

Свет | пред 1 година

Гувернерот Прокудин: Русите испраќаат војници во самоубиствени мисии да го преминат Днепар

Русија испраќа војници во самоубиствени мисии за да заземат упориште на реката Днепар, тврди Украина. Москва се обидува да освои што е можно поголем дел од регионот Керсон пред можните мировни преговори, пренесува Гардијан.„Руските сили постојано се обидуваат да стекнат упориште преку украинскиот Днепар, испраќајќи војници во мисии со големи жртви за да заземат територија пред идните мировни преговори“, рече гувернерот на регионот Керсон.Олександар Прокудин рече дека руските сили се обидуваат да ја преминат реката на четири места за да ги потврдат своите претензии кон целата област, еден од четирите украински региони што Москва сака да ги припои.„Тие се обидуваат да преминат секој ден, секој ден“, рече Прокудин за време на работната посета на ОК.„Според информациите од нашата разузнавачка служба, рускиот заменик командант им рекол на војниците во областа дека мора да ја преминат реката по секоја цена, иако не сите војници се подготвени да го сторат тоа“, додаде тој.Гувернерот, кој беше директно назначен од украинскиот претседател Володимир Зеленски, рече дека, според неговите информации, на руските војници им е наредено да се погрижат десниот, западен брег да биде вклучен во мировните преговори, што треба да го постигнат со заземање села преку реката, но досега не успеале да го сторат тоа.Прокудин додаде дека загубите биле големи, а напаѓачите биле убиени или ранети речиси веднаш.„На Русите им е апсолутно јасно дека ова е самоубиствена мисија“, рече тој.Според документите пронајдени кај војниците, некои биле регрути, додека други се бореле во Украина повеќе од две години.Во раните фази на војната, Русија го зазеде најголемиот дел од Керсонската област, која опфаќа територија од двете страни на реката Днепар, но во ноември 2022 година беше принудена да се повлече од десниот брег и градот Керсон, бидејќи снабдувањето стана невозможно.Неколку недели пред повлекувањето, рускиот претседател Владимир Путин еднострано прогласи анексија на целиот регион, како и на уште три украински региони, изјавувајќи во Кремљ дека луѓето што живеат во тие региони засекогаш ќе бидат руски државјани.Керсон е особено важен бидејќи се наоѓа на устието на главната украинска река. Пред војната имаше околу милион жители, но денес само околу 155.000 останаа на страната под контрола на Украина, додека нападите со беспилотни летала и артилерии продолжуваат во областите на фронтот. Иако Украина постојано повторува дека официјално нема да се откаже од територијата, раководството на земјата е свесно дека не може да ја врати на бојното поле.Минатиот месец, САД започнаа директни разговори со Русија, при што Украина се најде на второто место, а Прокудин верува дека тоа ги забрза руските претензии кон регионот Керсон.Гувернерот на Керсон рече дека верува дека постојат три можни сценарија за крај на војната, вклучително и едно во кое Володимир Зеленски би бил заменет со проруски претседател и земјата на крајот би ѝ отстапила територии на Москва, што би значело дека границите на Русија ќе се приближат до Европа.Тој го наведе најповолното сценарио како она во кое Украина ќе добие силни безбедносни гаранции од Европа и другите земји, но се прашуваше дали Европа е подготвена за тоа без поддршката на САД. Останува, како што го нарече најверојатното, трето сценарио, замрзнување на конфликтот на сегашната линија на фронтот, иако стравува дека во тој случај Русија ќе има време да се прегрупира и да ги надополни резервите со муниција.Прокудин беше во ОК за да потпише договор за економско партнерство со округот Линколншир. Линколншир, како и регионот Керсон, е претежно земјоделски регион, а англиската област е исто така дом на мала украинска заедница која прими илјада бегалци преку програмата Домови за Украина.

Свет | пред 1 година

Трамп сепак воведе царини за Мексико и Канада и ги зголеми царините за Кина: Пристигнува бесната реакција на Пекинг, Трудо најавува одмазда

Американскиот претседател Доналд Трамп воведе царини од 25 отсто за увоз од Канада и Мексико. Трамп тврди дека истече времето за двата соседи на Америка да постигнат договор со Вашингтон.Се очекува да стапат на сила и дополнителни царини од 10 отсто за кинескиот увоз, со што сите три најголеми трговски партнери на Америка ќе се соочат со значително повисоки трговски бариери.„Нема повеќе време за Мексико или Канада“, рече Трамп. Тој тврди дека тарифите се одговор на неприфатливиот проток на илегални дроги и недокументирани мигранти во САД.„Она што ќе треба да го направат е да ги изградат своите фабрики за автомобили, искрено, и други работи во САД. Во тој случај, нема царини“, рече Трамп.Белата куќа тврди дека Трамп презема „храбри чекори за да ги повика Мексико, Канада и Кина одговорни за нивните ветувања дека ќе го запрат протокот на илегална имиграција и приливот на фентанил во Соединетите држави“.Фентанил е поврзан со десетици илјади смртни случаи од предозирање во САД секоја година.Вол Стрит веднаш ја почувствува веста за воведувањето тарифи. Трите главни индекси во САД потонаа по коментарите на Трамп.Dow Jones Industrial Average го заврши денот со пад од 1,48%, S&P 500 потона за 1,76%, а Nasdaq 2,64%.Кинеската влада соопшти дека ќе преземе одмазднички мерки против планот на администрацијата на Трамп да воведе дополнителни 10% царини за кинескиот увоз - со што вкупната царина ќе достигне 20%.„Кина ќе преземе контрамерки за цврсто да ги заштити сопствените права и интереси“, се вели во соопштението на Министерството за трговија на земјата во вторникот.Пекинг, исто така, ги опиша тарифите на Трамп како „типичен чин на унилатерализам и насилничко однесување“ и ги отфрли обвинувањата дека не прави доволно за да го запре протокот на нелегална дрога во САД.Кина останува најголемиот пазар за американски земјоделски производи дури и откако Пекинг воведе царини до 25% за соја, говедско месо, свинско месо, пченица и пченка во 2018 година - како одмазда за царините за кинески стоки воведени од првата администрација на Трамп.Последната изјава на Министерството за трговија - објавена неколку часа пред да стапат на сила новите тарифи - ги повикува САД да се вратат на „правиот пат“ и „правилно да ги решат разликите преку еднаков дијалог што е можно поскоро“.Со други зборови, Пекинг ја отвора вратата за договор.Според Би-Би-Си, Пекинг ќе ги санкционира американските компании за биотехнологија, воздушна и поморска инженерство.Во меѓувреме, Канада, исто така, вети дека ќе возврати со царини од 25 отсто на американски стоки во вредност од 155 милијарди долари доколку стапат на сила американските царини.Премиерот Џастин Трудо рече дека Канада прво ќе таргетира производи во вредност од 30 милијарди долари, а потоа ќе ги насочи преостанатите 125 милијарди долари во текот на 21 ден.„Нема оправдување за дејствијата [на САД]... Канада нема да дозволи оваа неоправдана одлука да остане без одговор“, рече Трудо во изјавата.

Свет | пред 1 година

Случајот против Жан Митрев почна од почеток

Две судијки поротнички во исто време си дадоа оставки од функцијата, ова е причината поради која предметот во кој докторот и сопственик на Клиниката, Жан Митрев е обвинет за измама на 283 пациенти да се врати од почеток.Основното јавно обвинителство – Скопје на 10 јануари 2023 година поднесе обвинителен акт против доктор Жан Митрев, како физичко лице и Обвинителен предлог против неговата болница, како правно лице, за продолжено кривично дело „измама“ од член 247 од Кривичниот законик. А за ова кривично дело „измама“ предвидената казна затвор е од една до 10 години.Од ОЈО тогаш рекоа дека дека се лекувале со методот на хемофилтрација за време на пандемијата со Ковид 19 и дека 283 луѓе се пријавиле со оштетно побарување, кои рекле дека се чувствуваат измамени и се приклучиле, но и дека имало и такви кои не сакале и рекле дека не сите се чувствуваат за оштетени.Никола Додевски, адвокатот на Жан Митрев, денеска кажа дека обвиненијата за измама на пациенти се апсурдни.На рочиштата се се враќа од почеток, па така ќе треба повторно да се сослушуваат и да дадат искази и сведоците.Обвинителството смета дека скапото лекување од ковид-19 во клиниката Жан Митрев било непријавена клиничка студија, односно наспроти домашните законодавство, клиничките студии не биле пријавени и одобрени од МАЛМЕД.Од Жан Митрев тврдатдека тоа се неточни наводи, насочени кон креирање на лажна слика во пошироката јавност за работата на болницата,, Жан Митрев”.

Македонија | пред 1 година

Апелација му ја намали казната на Боки 13 за „Рекет“, од девет на пет години

Апелација му ја намали казната на осудениот Бојан Јовановски-Боки 13 од девет на пет години затвор, дознава „Скопје1“. Судиите ја донеле пресудата поради нови околности кои довеле до поблага осуда. До нив била доставена обемна медицинска документација на осудениот, потпишувана од различни професори и доктори, како и од различни државни болници. Со ова, Јовановски е осуден на казна затвор од пет години, а за доиздржување има уште неколку месеци.Судиите разгледувале медицински-конзилијарни мислења, во кои се опишувала здравствената состојба на осудениот. Со нив, освен што се констатирало дека Јовановски не може да биде лекуван зад решетки поради тоа што затворот нема ниту терапии, ниту доктори, ниту услови, таму се нотирало и дека тој има инвлидитет бидејќи му е отстранет најголем дел од желудникот и тенкото црево. Во документацијата имало и извештаи за неговата состојба, по како што се наведува, две живото-загрозувачки операции додека бил во затвор, а дека сега има интестинална метаплазија, што може да резултира со гастричен-карцином. Нетретирањето на ваквите состојби, според докторите, можат да доведат фатални последици.Судиите пред нив имале неколку опции за постапување, при донесување на одлуката. Па така, можеле да ја преиначат претходната пресуда во однос на санкцијата (што и го направиле), да ја ублажат веќе изречената казна, да одредат колку ќе се изврши од претходно определената казна.Јовановски-Боки 13 беше осуден на девет години за кривичното дело „примање награда за противзаконито влијание“ и „перење пари“. Интересно е дека за делото „примање награда за противзаконито влијание“ беа осудени и Сашо Мијалков во „Титаник 2“ каде доби две години затвор (делото му застари), Никола Груевски во случајот „Тенк“ каде доби исто така две години затвор, врховниот судија Наќе Георгиев кој се спогоди за три години затвор, членот на Советот на јавни обвинители Иџет Мемети кој се спогоди за условна осуда.Сторувањето на кривичното дело „перење пари“, кај Јовановски, го спореа и Коалицијата за правично судење во нивната студија, со тврдење дека не е исполнето битието на делото.„Нејасно е зошто купувањето на материјални добра со илегално стекнати пари е класифицирано како кривично дело од чл. 273 став 1 од КЗ, бидејќи таквото дејство, само по себе не го исполнува битието на казненото дело перење пари. Доколку тоа би било така, во тој случај и обвинетиот кој извршил кривично дело кражба и украл пари за да купи храна или облека би требало да биде обвинет како за кражба, така и за перење пари, бидејќи храната ја купил со илегално стекнати пари, односно истите ги пуштил во оптек“, се вели во студијата.Коалицијата го спореше квалификацијата на делото, нееднаквиот пристап на одбраната и на Обвинителството до доказите, за вештачењето на телефонот на Боки 13 и друго.Јовановски и моментално е на лекување.

Македонија | пред 1 година

(Видео) Сведоштво за скандалот на Урологија: Тоа беше урлање, сите беа затечени и уплашени

Ивана Ачимовиќ, која со нејзиниот дедо чекала за преглед кај доктор на Клиниката за урологија и го снимила како тој хистерично вика, пред камерите на „Претрес“ раскажа што се случило. Го однела нејзинот дедо кој има тежок вид на канцер и не може да се оперира, а бил со оток и болки. Влегла и објаснила дека пациентот е во тешка состојба, а дека надвор сите пациенти се тн „стоечки пациенти“ и замолила да биде примен.„Се согласувам дека секој таму има проблем, но во медицината, бидејќи сум студент по медицина и наскоро ќе бидам доктор, притоа и медицинска сестра со искуство, постои медицинска тријажа. Влегуваат пациентите во потешка состојба, однсоно надордски кажано, пациенти што стојат и пациенти во количка. Докторот рече ќе го прими, поминаа саат време. Потоа влезе мојата баба да го праша, но од надвор, од пред амбуланата слушнав како вика на нејзе. Но тоа не беше гласен говор, тоа беше урлање, морам жаргонски да се изразам. Потоа влегов внатре, со персирање и без никакви навреди, го прашав од каде му право да вика на баба од 70 години? Почна и на мене да вика, ја гурна вратата покрај која бев јас, со тоа мене ме гурна мене, а јас баба ми. Ја фатив вратата и прашав дали доликува вакво однесување на еден доктор, по што тој почна хистерично да се однесува. Кога се оддалечи од мене, јас го земав телефонот да снимам. Немаше никаков напад, неговите колеги стоеја и гледаа, а ако имаше напад, веројатно и тие ќе се тргнеа, немаше да стојат покрај мене“, рече Ачимовиќ.Потоа докторот почнал да вика, што се гледа и од снимката. Неговите колеги долше да ја смируваат. Пациентот бил примен потоа од три уролози и истретиран.„Сите беа затечени и уплашени. Она викање не е нормално како кога некој е изнервиран, тој почна многу гласно да се дере. Медицинскиот персонал беше во шок. Никој тоа не го очекуваше“, додаде таа.„Скопје1“ упати прашања до докторот посочен од Ачимовиќ, за тоа, што довело до вакво хистерично викање, дали чувствува одговорност и дали се извинил - на што не добивме одговор. Тој вчера бил поканет и во поткастот „Претрес со Ландов“, за да објасни што се случило - но не одговорил на поканата, ниту на повиците.Целиот разговор во „Претрес со Ландов“:?t=2766

Македонија | пред 1 година

(Видео) Да беше ова во приватна болница, ти како лекар ќе излезеш со обезбедувањето кое го вика колегата, се оправдува ова, вели д-р Лазаров за случката на Урологија

Доктор Ненад Лазаров, специјалист по гинекологија и ексматичен доктор во поткастот „Претрес со Ландов“ ја искоментира снимката со хистеричното викање низ ходниците на Клиниката за урологија од страна на доктор. Тој смета дека таквото однесвање не може да се оправда.„Ова брутално беше. Уште и колешка, тоа е Марфи. Тоа е во медицина кога викаме: која будала ве оперираше? па ти докторе“. Не постои причина што може да оправда такво однесување. Девојката беше повеќе од експлицитна и елоквнетна. Не гледам трагедија во ова, но е апсолутно недозволена ситуација и однесување и се“, рече доктор Лазаров.?t=887„Ако вакво нешто се случи во приватна болница, ти како лекар ќе излезеш со обезбедувањето кое колегата го вика. Не може.. И физички контакт да има, различно ќе изгледа работава. Го видов видеото, не знам што да искоментирам, не можам да најдам резон да исклучиш до тој степен. Во било каков меѓучовечки однос не е дозволиво, а не па од некој кај што е дојдено на лекар. Не е во ред. Тежок е мантилот, многу е тежок и не секој треба да го носи. Имало мал милион конфликти, не дека и јас сум немал. И еден момент: Жена е во прашање“, додаде доктор Лазаров.

Македонија | пред 1 година

(Видео) Стан во Скопје бил претворен во приватна мала Онкологија, закупец бил вработен на Клиниката, а најдени биле медицински досиеја, открива д-р Лазаров

Стан во Скопје бил претворен во приватна мала Онкологија, ексклузивно откри доктор Ненад Лазаров, кој од свои извори дознал за случајот. Во него, документација, онколошки препарати. Обвинителството знае за овој случај кој го испитувале, но не откриваат дали лицето кое го закупувало станот, а станува збор за техничкар кој имал пристап до скапите лекови, е лице кое сега е осомничено во предметот кој го водат.„Многу интересни ликови се споменале таму. Случајно газдарицата на станот, бидејќи не и платиле кирија, пробува да го обие станот бидејќи нема контакт со луѓето на кои го издала, влегува внатре и гледа мала Онкологија. Со медицински досиеја, онколошки препрати, со лекови, во сред Скопје ова се дешава. И тука пука цела афера, се вади од памет, нема поим што и се дешава во нејзин стан“, вели д-р Лазаров.„Скопје1“ побара и став од Обвинителството, каде веќе е завршена истрагата која се водеше за кражбата на скапи биолошки терапии и несоодветно лекување.„Во рамките на предистражната постапка за предметот „Онкологија“ беше обезбеден лап топ компјутер и документи од стан, кои беа детално прегледани. Дополнително, беа извршени разговори со закупувачот на станот кој го пријави лап топот и списите, со закупецот на станот и со други лица кои би можеле да имаат некои сознанија, а беа преземени и други дејствија на проверки“, велат од Обвинителството, без да прецизираат дали лицето кое ги поседувало, има статус на осомничен.Засега е познато само дека е завршена истрагата.Според информации на „Скопје1“, ова било пред повеќе години, уште пред директор на Онкологија да биде, сега осомничениот Нино Васев кој го товарат за реверсите.

Македонија | пред 1 година

(Фото) Откопан гробот на Зоки Фаци

Стефан Лазаров се огласи со Фејсбук статус, кај што објави фотографии од откопаниот гроб на Зоки Фаци:„Таман кога човек ќе помисли дека полошо не може да биде се случува ваква работа. Некој го откопал гробот на Зоки, претпоставувам барајќи злато или вредни работи… Па добро бе , остана ли малку човечност помеѓу нас луѓето, 6 месеци немаат поминато!! Какви се тие монструми што прават вакви работи, срамота!Случајот е пријавен од семејството на Зоки и се надеваат дека од Министерство за внатрешни работи / Мinistria e Punëve të Brendshme во најбрз можен рок ќе бидат пронајдени сторителите и ќе бидат казнети за во иднина да не се случуваат вакви одвратни дејствија…“

Македонија | пред 1 година

Покачена минимална плата за 6.000 денари, државата да субвенционира работодавачи, бара ССМ: Ако бидат безобразни, ние ќе бидеме двојно побезобразни

Сојузот на синдикати на Македонија (ССМ) велат дека ако некој се одлучи да биде безобразен, тие ќе бидат двојно побезобразни, барајќи минималната плата да се зголеми за 6.000 денари . Тие бараат работодавачите да бидат ослободени од плаќање на придонеси за дополнителното зголемување на платите на работниците.„До Владата, пратениците и претставниците на работодавачите ќе го доставиме следното: утврдување на минималната плата, донесување на одлука од страна на социјалните партнери за утврдениот износ на минималната плата да се зголеми за 6.000 денари. Тоа што предлагаме е дополнителното зголемување на платите во приватниот и јавниот сектор да се случат задолжително, а да бидат субвенционирани за делот на придонесите за разликата од законското усогласување на минималната плата до зголемувањето на минималната плата за 6.000 денари. Работодавачите да бидат субвенционирани за плаќање на придонесите за социјално осигурување во период најдолго за 12 месеци“, рекоа од ССМ.Според нив, минималните плати во регионот се од 400 до 800 евра.„Бараме на државата, на непредвидените приходи од придонесите за задолжително социјално осигурување, да се откаже на период од 12 месеци или да субвенционира за работодавачите во приватниот сектор, за да ги зголемат платите за стотина евра. Со тоа што ние ќе добиеме зголемени плати, ние нема да одиме во банка, за да ги штедиме парите кои ќе ги добиеме, туку да ги купиме најосновните прехранбени производи, кои се даночат со 5, 10, 18 проценти. Па така, минимум 15 проценти од овие зголемувања на плати ќе се вратат во буџетот“, рекоа од ССМ.„Во месец март, пензионерите за шест месеци добиваат 5.000 денари зголенување на нивните пензии, ние работниците кои ги плаќаме придонесите за задолжително социјално осигурување, заслужуваме повеќе“, додадоа од ССМ.Тие велат дека ако Владата или работодавачите го отфрлат предлогот, пратениците треба да искочат на нивото на задачата.„Наместо да земаат по 2.000 / 2.500 евра патни трошоци, да гласаат за платите на работниците да се зголемат за стотина евра, со ослободување од плаќање на придонесите. Денеска дојде време да бирате дали сте за или против работниците“, додадоа тие.

Македонија | пред 1 година

Нова линија Амстердам-Скопје

"Политиките што ги спроведуваме во авиосообраќајот даваат конкретни резултати. После 12 години успеавме повторно да ја вратиме линијата Скопје-Амстердам“, објави министерот за транспорт, Александар Николоски и додава:„Авиокомпанијата Трансавиа ќе лета двапати во неделата и тоа во четврток и во недела на релација Амстердам-Скопје-Амстердам.Ова е нова можност граѓаните да ги искористат бенефитите од воведувањето на нови дестинции низ Европа и светот.За многу кратко време успеавме да овозможиме нови десетина дестинации од двата домашни аеродроми со што даваме силен поттик и развој на воздушниот сообраќај, поконкурентни услови за патување и нови дестинации за граѓаните ”- напиша вицепремиерот Николоски на својот фејсбук профил.

Македонија | пред 1 година

Во февруари казнети се 23.844 возачи, 7.437 возеле побрзо од дозволеното

Во текот на минатиот месец (февруари 2025), како резултат на планските континуирани сообраќајни контроли низ патиштата во земјава, од сообраќај вкупно беа отстранети 2.059 возачи што управувале возила без возачка дозвола, 617 возачи кои возеле под дејство на алкохол, додека пак дури 7.473 возачи добиле прекршочни казни заради возење со поголема брзина од дозволената... Од вкупниот број издадени платни налози, а тој за февруари месец изнесува 23.844, 1.508 платни налози се однесуваат на некористење сигурносен појас, 766 за користење на мобилен телефон при возење, а санкционирани се и 475 пешаци. Најголем број од прекршочните пријави се за неправилното паркирање 5.746 прекршоци.Инаку, во рамки на засилените контроли за деновите од изминатиот викенд (01/02.03.), според статистичките показатели, полициските службеници во сите сектори за внатрешни работи при БЈБ на МВР изрекле вкупно 1.278 платни налози и притоа без возачка дозвола биле затекнати 126 возачи, а пак 144 возачи возеле под дејство на алкохол. Исто така, евидентирани се и 238 прекршоци по основ на пребрзо возење, 79 лица не користеле сигурносен појас, 37 возачи користеле мобилен телефон, 14 минале на црвено светло, а прекршочно биле санкционирани и петмина пешаци.

Македонија | пред 1 година

Маск: Америка треба да се повлече од НАТО и ОН

Милионерот Илон Маск, еден од најблиските соработници на американскиот претседател Доналд Трамп, изјави дека САД треба да ги напуштат Обединетите нации и НАТО.Маск одговори на објавата на поддржувач на Трамп на X кој напиша: „Време е да ги напуштиме ОН и НАТО“. Маск одговорил: „Се согласувам“. Оваа најава доаѓа во време на зголемени тензии меѓу САД и ЕУ и Украина во контекст на војната и напорите на Трамп за прекин на огнот. Трамп и претходно најави и презеде одредени повлекувања од меѓународните организации, додека трансатлантскиот сојуз и мултилатерализмот не му значат многу.Администрацијата на Трамп наместо тоа се фокусира на билатералните односи, на затоплување на односите со Русија, а потоа сака да го пренасочи својот фокус на ривалството со Кина. Но, напуштањето на ОН би било потег без преседан со несогледливи последици за меѓународниот поредок.

Свет | пред 1 година

Украина ќе се наоружа со најдобрите германски ракети, за напади на руски цели?

Германски проектили Таурус би можеле да бидат поставени на украинските бомбардери Сухој Су-24 за да извршат напади врз руски цели.Таурус е крстаречка ракета тешка 1,5 тони со мотор со турбофан, што му овозможува да достигне високи субсонични брзини и дострел од околу 500 километри. Користи ГПС и инертен систем за навигација, а најважната карактеристика му е боевата глава од 500 килограми со двојно полнење - прво продира во целта, а потоа ја уништува одвнатре.Поради овие напредни технологии, украинските воздухопловни сили силно се залагаа за стекнување на Taurus. Но, токму поради овие причини германската влада, предводена од канцеларот Олаф Шолц, ги отфрли барањата на Киев. „Не сметам дека е правилно да се испорача оружје за напади длабоко во руската територија“, рече Шолц минатиот месец.Сепак, политичката сцена во Германија се менува. Партијата на Шолц, Социјалдемократите, се најде само на третото место на неодамнешните избори, додека конзервативците и екстремната десница зазедоа водечки позиции. Новиот канцелар, конзервативецот Фридрих Мерц, се очекува да заземе поинаков став - минатата есен тој веќе ја поддржа можноста за испраќање на Бик во Украина, пишува Форбс.Германските и шведските компании MBDA Deutschland GmbH и Saab Bofors Dynamics произведоа само 600 проектили Taurus за германските воздухопловни сили. Тие во моментов го претставуваат единственото оружје со долг дострел во арсеналот на германската војска, но изворите тврдат дека Германија може да испрати околу 100 проектили во Украина без да ги загрози сопствените одбранбени способности.За споредба, Франција, Италија и Обединетото Кралство досега колективно испорачале само неколку стотици слични проектили Storm Shadow и SCALP-EG на Украина. Германскиот Taurus на тој начин би можел да ја зголеми залихата на крстосувачки ракети во Украина за дури една третина.Украинските воздухопловни сили најверојатно би го монтирале Таурус под променливите крила на бомбардерот Сухој Су-24, кој Британците и Французите веќе го приспособиле да носат ракети Storm Shadow и SCALP-EG. Дел од модификациите вклучуваа употреба на стари држачи за оружје од пензионирани британски борбени авиони Торнадо.Иако техничката адаптација веројатно нема да биде проблем, политичката ситуација во Германија може да ја одложи испораката. Мерц нема да ја преземе функцијата канцелар додека не ги заврши преговорите за формирање нова влада со социјалдемократите, кои би можеле да потраат со недели, па дури и со месеци. Затоа се очекува дека одлуката за испраќање на Бик може да биде донесена само кон крајот на пролетта или почетокот на летото.Сепак, секоја дополнителна ракета ќе биде значајна. Украинските залихи на ракети Storm Shadow и SCALP-EG наскоро би можеле да бидат исцрпени, што би можело да го принуди Киев да се потпре на ракети со помал дострел и послаби. Во тој случај, најдлабоките и најразорните удари врз утврдените руски цели, како што се командните центри, магацините и воените бродови, би биле можни само кога конечно ќе пристигне Бикот.

Свет | пред 1 година

Алхохолизиран, со недозволена брзина удрил пешак на пешачки премин, кој има скршеници

Мерки на претпазливост кои вклучуваат привремено одземање возачка дозвола и забрана за нејзино издавање, забрана за напуштање на живеалиштето или престојувалиштето, обврска на осомничениот да се јавува на одредено службено лице во судот, како и привремено одземање на патна исправа за преминување на државна граница предложи јавниот обвинител за 47-годишник против кого е поведена истрага затоа што постои основано сомнение дека сторил – Тешки дела против безбедноста на луѓето и имотот во сообраќајот од член 300 став 1 во врска со член 297 став 1 од Кривичниот законик.На 2 март веднаш по полноќ, осомничениот учесник во сообраќајот на јавните патишта, управувал автомобил „Мерцедес“ по левата сообраќајна лента од ул.”Св Кирил и Методиј”. Но притоа не се придржувал кон прописите и со тоа го загрозил јавниот сообраќај, така што свесно го довел во опасност животот и телото на луѓето. Возилото го управувал со алкохол од 1,35 промили, со брзина поголема од дозволената и не забавил и не запрел на обележаниот пешачки премин. Од тие причини, со предниот дел од возилото удрил во левата страна од телото на една оштетена која како пешак попречно го преминувала коловозот на пешачкиот премин. Од ударот жртвата се здобила со тешки телесни повреди – скршеница на долни екстремитети.Мерките на претпазливост се предлагаат со цел обезбедување на осомничениот во текот на постапката и спречување од повторување на делото.

Скопје | пред 1 година