ТОП

За криминали во ЕСМ ќе одговараат 31 лице и 5 фирми, меѓу нив и Васко Ковачевски

По тримесечна истрага за случајот Адитив, основното јавно обвинителство за организиран криминал и корупција денеска поднесе обвинителен акт до Кривичниот суд. 31 лице и 5 фирми ќе одговараат за криминали во ЕСМ.Меѓу осомничените е и екс директорот на ЕСМ Васко Ковачевски кој сѐ уште е во бегство, а се бара и со меѓународна потерница.Во притвор е поранешниот директор на ЕСМ Васко Стефанов кој во текот на истрагата беше приведен на граничниот премин Табановце.Осомничените се товарат за незаконска набавка на адитиви тешка над 6,5 милиони евра од мала фирма сопственост на братучетка на еден од поранешните директори на ЕСМ.Несовесно работење, злосторничко здружување, злоупотреби при работењето и на постапка за јавен повик, перење пари се дел од кривичните дела за кои ќе се гонат во следниот период, а ќе се бара и конфискација на имот.Со обвинителниот акт обвинителството му предложи на судот одземање на движни предмети (телефони, електронски и мемориски уреди) што биле употребени при извршување на кривичните дела, додека со Посебен предлог се бара конфискација на парични средства и недвижен имот во сопственост на обвинетите и на трети лица, стои во соопштението од ОЈО ГОКК.

Македонија | пред 1 година

Димитриеска-Кочовска до Петровска: Врз која основа вие ги ставате в уста мајките што имаат деца, јас сум мајка на два сина и добро знам колку троши 4 члено семејство

Жестоко во собраниската сала на седницата на која се поставуваа пратенички прашања.Реакции на социјалните мрежи предизвика изјавата на министерката за финансии Гордана Димитриеска-Кочоска која пратеничката од СДСМ Славјанка Петровска ја праша врз основа на што ги става в уста мајките што имаат деца, таа е мајка на два сина и многу добро знае колку треба да троши едно 4-члено семејство.„Министерке, пред една недела имавте за мене нелогична изјава, кога рековте дека за вас не може да биде логично да се купува грашок од конзерва и дека едно 4 члено семејство треба во еден месец да конзумира 13 литри млеко. Следен пат кога ќе одите во маркет, а рековте дека одите често, земете и споредете време на готвење на тој грашок од конзерва кој за вас е нелогичен, и оној другиот. За вас може не е важно, ама за едно просечно македонско семејство, многу е важно колку време ќе биде вклучен шпоретот. Подеднакво важно е за една мајка дали ќе може цел месец на своите деца да им дава по една чаша млеко. Зашто, ако ја направиме логиката како што вие ја направивте за едно 4 члено семејство, тогаш ќе видите дека 13 литри млеко не се доволни, освен ако не го заменувате со бадемово или со некое друго. Моето прашање е следно: Наместо да ни држите лекции за домаќинско пазарење, не е лошо да го чуеме вашиот став за намалување на патните трошоци на пратениците и зошто ВМРО-ДПМНЕ не ги поддржа”, праша Петровска.„Пратеничке Славјанка Петровска, не можам да ве кажам почитувана. За да кажам почитувана, треба да ја заслужите мојата почит. Врз основа на што вие ги ставате во уста мајките што имаат деца и како знаете вие едно повеќечлено семејство колку треба да троши? Јас сум мајка на два сина и многу добро знам колку треба да троши едно 4 члено семејство. Во однос на грашокот, и јас сакам да купам од конзерва, ама не сум сама, четири члена сме. Мораме да одиме во најевтините маркети и да купиме замрзнат грашок. Тоа беше коментарот, зошто да купуваме грашоци кои се поскапи од 100 денари. Исто беше и за млекото. Некој може троши и по 18 литри, а некој воопшто не пие. Бадемовото вам ќе ви го оставам, вам ви треба, а не мене”, одговори министерката.„Мислев, министерке, дека извлековте поуки од вашите претходни испади на Комисијата за финансирање и буџет, кога ве повлекоа од партијата со наредба да не доаѓате во Собрание, по што го праќаа вашиот заменик. Нема да одговарам на вашите неумесни коментари. Ако имаше дно, вие го пробивте“, рече Петровска.

Македонија | пред 1 година

Мицкоски: Војната во Украина наскоро ќе заврши, ако згрешам ќе се извинам

Премиерот Христијан Мицкоски на денешната седница за поставување пратенички прашања рече дека војната во Украина, ако не греши, ќе заврши наскоро, а ако не се случи тоа, рече дека ќе се извини.Мицкоски одговараше на прашањето на пратеничката Славјанка Петровска од СДСМ посветено на гласањето на резолуцијата за Украина во Обединетите Нации. Од опозициската СДСМ го обвинија премиерот Мицкоски дека Македонија со начинот на гласање во ОН ризикува меѓународна изолација, додека другите држави според нив, балансираат во геополитичките односи.„Одлуката беше таква, затоа што имавме избор дали да застанеме меѓу првите во редот заедно со нашиот стратешки партнер САД или да поддржиме заеднички став на Европската Унија. Кога видовме дека во Европската Унија нема заеднички став по резолуцијата, тогаш беше логично да застанеме позади резолуцијата која што ја предложија Соединетите Американски Држави“, изјави премиерот Мицкоски.

Македонија | пред 1 година

Загина пешак во Прилеп, прегазен од камион - детали од МВР

На 26.02.2025 во СВР Битола било пријавено дека околу 19.30 часот на магистралниот пат Прилеп – Битола, во близина на надвозник на Технолошко индустриската развојна зона Прилеп, товарно возило „ман'' со скопски регистарски ознаки со полуприколка со скопски регистарски ознаки, управувано од З.Д.(50) од Скопје, удрило во пешакот О.Б.(74) од с.Беровци, прилепско.Од здобиените повреди на местото починал пешакот О.Б., а смрт констатирал лекар од Итна медицинска помош. Увид на местото на несреќата извршила увидна екипа од ОВР Прилеп, а по наредба на јавен обвинител, телото на починатиот било дадено на обдукција.

Македонија | пред 1 година

МНР: Девет амбасадори се известени дека им завршува мандатот

Во врска со информациите што утринава беа објавени на дел од интернет порталите, Министерството за надворешни работи и надворешна трговија информира дека станува збор за неточни наводи кои воопшто не соодветствуваат со фактичката состојба.Во однос на постапката за отповикување на определен број амбасадори, Министерството информира дека е во редовна и континуирана комуникација со Кабинетот на Претседателот на државата. Преку официјалниот интерен комуникациски систем, досега девет амбасадори се известени за завршувањето на нивниот мандат. Во наредниот период се очекува Претседателот да ги потпише указите за нивно отповикување.Министерството нагласува дека целата институционална координација и комуникација, вклучително и онаа со дипломатско-конзуларните претставништва, се одвива исклучиво преку заштитен интерен систем, а не преку електронска пошта.Воедно, укажуваме дека во последниот период на социјалните мрежи и во некои медиуми зачестено се појавуваат фабрикувани и неточни фотографии од наводна е-маил комуникација меѓу вработени во Министерството. Со цел расчистување и соодветно процесуирање на овие појави, Министерството за надворешни работи и надворешна трговија веќе достави пријава и побара интервенција од Секторот за компјутерски криминал при Министерството за внатрешни работи.„Во оваа прилика ги повикуваме медиумите пред објавување на било каква информација поврзана со надлежностите и работата на Министерството, претходно да ја проверат нејзината автентичност и веродостојност”, велат од МНР.

Македонија | пред 1 година

Муцунски отповика амбасадори назначени од Пендаровски

Со известување преку e-mail, Тимчо Муцунски синоќа отповика 9 амбасадори кои ги одобри поранешниот претседател Стево Пендаровски.Одлуката на министерот е донесена во исто време додека се чекаше на пратеникот Антонио Милошески, да свика комисиска седница во собранието за нивно претставување.Со одлука на МНР, отповикани се : Мето Белески (Брисел, Кралство Белгија), Катерина Ставревска (Лондон, Велика Британија), Зеќир Рамчиловиќ (Подгорица, Црна гора), Пајо Авировиќ (ОБСЕ), Емил Крстевски (Прага, Чешка Република), Јакуп Реџепи (Сараево, БиХ), Агнеза Руси (Софија, Бугарија), Џенк Сејфула (Стокхолм, Кралство Шведска), Андреј Жерновски (Букурешт, Романија).Во образложението од МНР е наведено дека „неисполнет е членот 39 од Законот за надворешни работи, бидејќи не ги претставиле дипломатските тези пред Комисијата за надворешна политика пред да бидат упатени за ополномоштени амбасадори“.

Македонија | пред 1 година

Приведени вработени од затворската полиција и поранешен директор на затворот Шутка

Полицијата презеде голема акција во која утрово е приведен Филип Андонов Сокол, поранешен директор на КПУ Затворот во Шуто Оризари и Сашко Крстевски Ѕверот, заповедник во истиот затвор.Приведени се и повеќе поранешни и сегашни вработени во затворите кои, според сознанијата, работеле незаконски и биле дел од криминална мрежа, потврдуваат од Управата за спроведување санкции.Од Обвинителството за гонење органииран криминал и корупција, известуваат дека акцијата е во тек.„Под раководство на јавен обвинител од Специјализираното одделение за гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција по Наредба на судија на претходна постапка полициски службеници од Одделот за сузбивање на организиран криминал и корупција при МВР извршуваат претреси на локации во Скопје. Подетални информации во текот на денот“, велат од ОЈО ГОКК.

Македонија | пред 1 година

Приведени двајца 14-годишни малолетници за пријавување лажни бомби

Секторот за борба против тероризам, насилен екстремизам и радикализам при Одделот за сузбивање на организиран и сериозен криминал до Основното јавно обвинителство за гонење на организиран криминал и корупција ќе поднесе известување, врз основа на кое двајца 14-годишни малолетници од Скопје, ќе бидат пријавени за случајот со праќање лажни закани за бомби во училишта.-Имено, пријавените малолетни лица на 19.02.2025, од мобилниот телефон на едниот малолетник испратиле имејл со заканувачка содржина за поставена бомба во две училишта (едно основно и едно средно) во Скопје. Исто така, на 21.02.2025 од мобилниот телефон на другиот малолетник испратиле имејл со заканувачка содржина за поставена бомба за поставена бомба во две училишта ( едно основно и едно средно) во Скопје, велат од МВР.Од страна на Единицата за откривање и демонтирање на експлозивни средства и направи при СБПТНЕР во Одделот за сузбивање на организиран и сериозен криминал извршена е антитерористичка проверка на сите училишта кои што добиле порака, но не се пронајдени експлозивни направи и е утврдено дека се работи за лажно пријавување за поставени експлозивни направи.-По преземени мерки и активности од страна на Секторот за компјутерски криминал, утврдено е IMEI-то на мобилниот уред користен од страна на корисничкиот имејл од каде се пратени пораките, кое IMEI било поврзано до услугите на GOOGLE на 21.02.2025 од IP адреса од телекомуникациски оператор од Република Северна Македонија. По извршени дополнителни проверки од страна на СБПТНЕР, утврден е идентитетот на инволвираните малолетни лица, при што на 25.02.2025 во ПСОН Чаир тие се повикани и во присуство на родител, инспектор за малолетничка деликвенција од СВР Скопје и адвокат, извршен е разговор во кој го признаа и појаснија начинот на извршување на делото, велат од МВР.По извршениот службен разговор, со цел обезбедување на докази, со потврда за привремено одземени предмети од нивните родители се одземени два мобилни телефони со СИМ картички, кои ги користеле пријавените малолетни лица.

Македонија | пред 1 година

Нема фотографија

Тешка сообраќајка кај Прилеп синоќа - загинат 75 годишен жител на Беровци

Седумдесет и пет годишен жител на прилепското село Беровци е жртвата на тешката сообраќајна несреќа што се случи синоќа на патот Прилеп – Битола, во близина на бензинската пумпа „Макпетрол“ на излезот од Прилеп.Од тешките повреди загинал на лице место на коловозот откако бил удрен од товарно моторно возило со скопски регистарски таблички.Според јавниот обвинител Стевчо Биноски, кој направи увид на местото на несреќата, тешката сообраќајна несреќа се случила синоќа околу 20 часот.– Пешакот се движел на коловозот и на средината од коловозната лента бил удрен од товарното возило. Службата на итната медицинска помош само констатирала смрт.Сѐ уште не се познати причините за несреќата. Наредена е обдукција за да се утврдат причините за смртта на 75-годишниот жител на селото Беровци, рече Биноски. Увид направи прилепската полиција.Синоќа патниот правец Прилеп – Битола беше затворен, а сообраќајот се пренасочуваше по „стариот пат“. Изутрината е нормализиран сообраќајот на оваа делница.

Македонија | пред 1 година

(Видео) Д-р Лазаров: Белиот мантил е тежок и не треба секој да го носи, вработувањата во здравство се политички

Доктор Ненад Лазаров е гостин во „Претрес со Ландов“. За него е шокантно што сѐ ни се случува.Во блиска иднина не верува дека може да се лекуваме без донации, вели Лазаров кој е активен преку платформата ECrowd.mk, чија цел е помош за оние кои не можат да си дозволат лекување.„Углед и чест беше порано да се работи во здравство, сега вработувањата се политички и партиски”, вели Лазаров.За скандалот на Урологија кога доктор буквално се дереше на пациенти, вели дека вакво нешто не смее да се случи, белиот мантил е тежок и не треба секој да го носи.

Македонија | пред 1 година

Обвинетите за убиство на кучето бегаа од граѓански активисти кои бараа правда за Феликс

Љубе Крстевски и Бранко Билбиловски, кои ги зовреа социјалните мрежи, денеска влегоа во судница како обвинети за бруталното претепување на кучето Феликс.Феликс, кој беше претепан во ноември и покрај сите обиди за негово спасување, угина по два месеци.Љубе и Бранко се товарат за кривичното дело убивање и мачење животни. Судењето се одложи затоа што еден од обвинетите и неговата одбрана го немале примено обвинителниот предлог, ниту пак решението за одлука за предложената мерка за обезбедување присуство.Уште за време на судењето, граѓански активисти за заштита на животните протестираа пред Кривичниот суд. Со транспаренти во рацете побараа правда за Феликс.Јавноста се подели и различно реагираше заради насилниот револт на една група кон обвинетите. Состојбата ескалираше по завршувањето на рочиштето, кога двајцата обвинети излегоа од судот од споредниот влез, а активистите кои протестираа почнаа да ги бркаат, упатувајќи им погрдни зборови. Љубе Крстевски бегаше од разбеснетите активисти и едвај успеа да се спаси.Ново рочиште за овој случај е закажано за 13 март.

Македонија | пред 1 година

Пензиите за март повисоки за 2.500 денари, од септември усогласување по старата методологија

Пензионерите на 1 април ќе добијат нов, втор раст на пензиите за 2.500 денари. Линеарното покачување се однесува на мартовската пензија. До Собранието веќе е доставен Предлог на закон за изменување и дополнување на Законот за пензиското и инвалидското осигурување, кој Владата предлага да се донесе во скратена постапка.Со ова ќе се изврши усогласување на пензијата на корисници на пензија на кои им се исплаќа во Република Македонија.Притоа, зголемувањето на пензиите од 5.000 денари направено лани во септември и годинава ќе влезе во месечниот износ на пензијата за која ќе се пресметува наредното усогласување на пензијата во септември.Според новите измени, усогласувањето на старосната пензија која се исплаќа во земјава ќе се врши по старата методологија, односно според движењето на индексот на трошоците на животот во висина од 50% и порастот на просечно исплатената плата на сите вработени во висина од 50%.Пензиите ќе се усогласуваат како и досега на 1 март и на 1 септември секоја година и тоа според процентот кој се добива како збир на порастот на индексот на трошоците на живот во претходното полугодие и процентот на порастот на просечно исплатената плата на сите вработени во државата во претходното полугодие во однос на полугодието кое му претходи, објавени од Државниот завод за статистика. Во случај кога порастот на трошоците на живот се намалени, односно се со негативен предзнак, нема да се врши усогласување на пензиите.„Во новиот Буџет се предвидени зголемувања, сега во мартовската пензија, односно која што ќе биде исплатена почетокот на април. Со што се заокружува она ветување, дека во првата година, линеарно пензиите ќе бидат зголемени за 5.000 денари. Ние за девет месеци еве тоа ќе го направиме, и мислам дека пензионерите се задоволни од оваа мерка, и мислам дека на некој начин успеваме тие пензионерски денови да ги олесниме како Влада, и ќе продолжиме во таа насока да работиме и во иднина. Повеќе од 300.000 пензионери ќе го добијат тоа покачување со мартовската пензија“, изјави претходно премиерот Мицкоски.

Македонија | пред 1 година

(Видео) Токму мајката, а не таткото, прва известила дека можно е Вања да е киднапирана, вели Туфегџиќ

Адвокатот Владимир Туфегџиќ тврди дека мајката Зорица Ѓорчевска прва ја известила јавноста дека има сомнеж дека Вања е киднапирана, доставувајќи докази од медиумски написи со нејзина изјава. Со ова, тој цели кон побивање на тврдењата на Обвинителството дека првиот сомнеж го имал Александар Ѓорчески, со кои, обвинителот сака да докаже дека Ѓорчевски помогнал во грабнувањето на сопствената ќерка. Тој кажа дека целото семејство имало различни размислувања, ама во таа насока.„На Александар не може да му се импутира ниту да му се става на товар дека тој е првиот што се посомневал дека детето е киднапирано. Тоа бил општ впечаток на семејството, имало различни размислувања и стравувања во таа насока што е многу природно, во една ваква состојба на работите“, рече Туфегџиќ.Според него, не може да му се става на товар на обвинетиот дека тој е прв што се посомневал дека Вања е киднапирана.„Би сакал да истакнам дека денеска се изведени докази кои се однесуваат на ваши новинарски извештаи кои се однесуваат на прашањето и околноста кој прв ја известил јавноста за сомнежот дека детето е киднапирано. Тоа е токму мајката. Тоа е евидентирано и во вашите новинарски записи, два часа по објавата на мајката, таа дала изјава и за печатен медиум. Во таа насока, докажуваме дека Александар не може да му се импутира ниту да му се става на товар дека тој е прв кој се посомневал дека детето е киднапирано“, рече додаде Туфегџиќ.

Македонија | пред 1 година

Судење за убиството на Вања и Панче: Кои обвинети нема да се бранат со нови докази, а кои ќе се бранат пред судот

Обвинетите за грабнувањето и убството на Вања Ѓорчевска и Панче Жежовски се на ред да достават докази кои ќе бидат изведени на рочиштето денеска, но и на идните. Обвинетите Велибор Манев и Влатко Кешишев ќе даваат само исказ и не предлагаат никакви материјални докази за нивна одбрана. Обвинетиот Боре Видевски пак, зборуваше само дека не прифаќа пред суд да се изведе извесна снимка (засега не се знае за каква снимка станува збор), посочуваќи дека не е обезбедена на законит начин, не се знае ниту кој зборува и кој ја обезбедил.Одбраната на Александар Ѓорчевски, татко на убиената Вања, обвинет за помагање во грабнување. Остана на доставените докази. Тој со нив сака да докаже дека неговите деца се веќе реални сопственици на имот, но и лекарски извештаи од прегледи направени по неговото апсење и во притвор. Притоа Ѓорчевски доставил и снимки од изјави на мајката на Вања во која таа посочува дека девојчето е киднапирано.„Одбраната на Александар Ѓорчевски останува на доставената листа на докази која е доставена до Судот и во таа смисла ги изведуваме следните материјални докази. Решение за данок на имот на име Вања Ѓорчевска, од 01.03.2023 година, малолетните деца се веќе реални сопственици на имотот. Понатаму се чита барање за доставување информации од Хелсиншкиот комитет, лекарски извештај од Аџибадем Систина, а сето тоа во контекст на медицинската документација која е составен дел за извршени прегледи на барање на судија на претходна постапка, за која побаравме судот да ја обезбеди по службена должност“, рече адвокатот Владимир Туфегџиќ.Обвинителството се произнесе дека доказите на Ѓорчевски кој бара да се изведат не се доказ дека Вања и нејзината сестра се сопственици на имотот.„Сакам да се произнесам за материјалните докази кои се изведуваат за изведените докази од одбраната од Град Скопје за данок на имот на име Вања и нејзината сестра, бидејќи истите не се доказ дека наведените лица се стекнале со имот и се заведени во имоте лист во Агенцијата за катастар на недвижности, туку склучениот договор кај адвокатот каде е оставен имотот на децата е проследен до Град Скопје, затоа што наследните се од прв ред и се ослободени од давачки. Ова во никој случај не е доказ, дека станот на ‘Наум Наумовски Борче’ е заведен во сопственост на сестрата на Вања, ниту пак дека станот на ‘Партизански одреди’ дека е во сопственост на Вања, затоа што по склучувањето договорот, потребно е кај нотар да се солемизира овој договор, за да се достави до Катастар и такво нешто не било направено до денот на кривичниот настан. Во однос на предложените изјави од мајката, приговарам дека тоа е гледање на новинарот за предметниот настан“, рече обвинителката.Судењето е во тек.

Македонија | пред 1 година

Верификацијата на телефонски број во „Мој термин“ ќе биде задолжителна, децидни се од Здравство

„Во насока на подобрување на достапноста на здравствените услуги за пациентите, во системот Мој Термин е воведена опцијата за верификација на телефонскиот број“, велат од Министерството за здравство по барањето на матичните доктори ова да се укине.Тие додаваат: Оваа мерка има за цел да обезбеди пациентите навремено да добиваат известувања за закажани термини и други здравствени услуги, со што се намалуваат пропуштените прегледи и се оптимизира функционирањето на здравствениот систем.Во моментов, процесот сè уште не е задолжителен, но во наредниот период ќе стане обврска при посета кај матичниот лекар. Сепак, системот предвидува исклучоци во одредени случаи:Итни медицински случаи – внесување во системот без верификација.Деца и изнемоштени лица – можат да бидат верификувани преку друго лице (еден телефонски број за повеќе пациенти).Корисници на мобилната апликација Мое Здравје – можат самостојно да ја завршат верификацијата, без вклучување на матичниот лекар.Важно е да се нагласи дека верификацијата се прави еднократно, што значи дека пациентите треба да го потврдат својот телефонски број само при првиот преглед. Оваа промена се базира на анализи кои покажаа дека значителен број пациенти не се појавуваат на закажаните термини поради неажурирани телефонски броеви. На пример, повеќе од 50% од пациентките со закажани прегледи за дојка не се појавиле, со што биле изгубени термини кои можеле да бидат искористени за други пациенти.Министерството за здравство и Управата за електронско здравство остануваат посветени на подобрување на пристапот до здравствените услуги и зголемување на ефикасноста на системот, при што сите чекори ќе бидат преземени со соодветна адаптација и исклучоци за категориите пациенти на кои тоа им е потребно.

Македонија | пред 1 година

Сведок тврди дека разменувал со Палевски во моментите кога Вања е грабната па убиена, но ги нема пораките оти се избришале

Сведокот Зоран Петковски, член на партијата „Десна“ и поранешен полицаец, тврди дека денот кога Вања Ѓорчевска беше грабната, па убиена, имал контакт преку „Телеграм“ со обвинетиот Љупчо Палевски-Палчо. Но прашан дали ја чува комуникацијата тој рече дека нема таков доказ бидејќи пораките се бришеле по 30 минути откако ќе се разменеле.„Да, имав комуникација на критичниот период , конкретно датум 27.11.2023. Ова го тврдам затоа што на тој ден е на сопругата и е роденден. На тој ден, Палевски помеѓу 8 и 9:20 беше на таен канал за електронска комуникација преку ‘Tелеграм’ апликација креиран од Љупчо Палевски. Јас сум член на Комисијата за безбедност во политичката партија ‘Десна’, и разговаравме на тема ирански дронови, набавка преку Србија и трансфер преку Србија. Да добив, задача од Палевски да приберам информации во врска со тоа, и да го известам заедно со членовите на Комисијата за безбедност на Десна“, рече сведокот Петковски.Беше прашан, дали знае каде се наоѓа Палевски додека комуницирале, на што одговори дека не знаел.Обвинителката го праша сведокот дали е точно дека тој немал комуникација со Палевски на 22.11, односно денот кога е грабнат и убиен Панче Жежовски„Да, само на 27 ми имавме комуникација“, рече сведокот Петковски по што обвинителката допраша: „По што сте сигурен дека сте немале на 22.11?„Затоа што се сеќавам и ги чувам пораките“, рече  Петковски.На прашањето дали имал комуникација со обвинетите Велибор Манев и Боре Видевски, кои исто така биле дел од партијата Десна, рече: „Не“.„Кога водевте разговори дали присуствуваа други лица?“, праша обвинителката за комуникацијата меѓу Палевски и сведокот денот кога Вања беше грабната и убиена.„Да, со мојата сопруга со која пиевме кафе“, рече сведокот Петковски.Петковски посочи дека последно работел како офицер за криминалистичко разузнавање и анализа во СВР Куманово, а дека трета година сум пензионер.„Точно е дека сте дисциплински казнуван додека работевте?“, праша обвинителката на што  одбраната реагираше на ова прашање, а сведокот не сакаше да одговара на оваа тема, рече „не сакам да разговарам на таа тема“.„Не сакам да одговарам на работите поврзани со службата“, рече Петковски.„Може да се заклучи дека имало постапки против вас?“, праша обвинителката и доби одговор: „Не знам од каде донесовте таков заклучок“.Во текот на судењето сведокот Петковски раскажа и за наводен разговор помеѓу него и службеници во СВР Скопје, каде на 5-ти февруари бил повикан на разговор, поради запечатените простории на партијата „Десна“. Петковски тврди дека тајно го снимал целиот разговор и дека има запис.„Пред да влезам во ПС иако знам дека не смеам вклучив уред диктафон на кој го снимив целиот разговор. Разговорот течеше крајно коректно и пријателски. Истиот се одвиваше во просторијата на Драган Зарински, присуствуваше и Дејан Димовски и уште еден инспектор кој не се легитимираше. Откако се запознававме, и разговорот траеше околу 1 час и 15 минути, и откако виде дека се работи за луѓе кои се разбираат од ... разговорот премина во пријателски, на кој ни беа изнесувани информации за настаните од 22 и 27 ноември 2023 година во Велес и Скопје. Некаде после 50-ти минута ми се обрати инспекторот Зарински лично мене, некаде 54 минута, ме праша ‘го познаваш ли Боре?’, - на што му одговорив ‘Да, го знам и го познавам’. Веднаш потоа, ми покажа со десна рака дупка во ѕидот: ‘Ете тоа е од Боре. Толку, и ова не смеам да ти го кажувам но користевме стари медоти за добивање на признавање’. Не ми е чудно бидејќи и самиот бев во една таква структура, но сметам дека е битно, ако признанието на Боре е изнунедено со сила односно со тепање и мислам дека судот треба да го зема предвид“, рече сведокот Петковски.Беше прашан дали денот кога бил во станица, со службениците разговарале и за обвинетиот Влатко Кешишев.„Инспекторот Зарински продолжил дека додека разговарал со Боре и додека го тепал во канцеларијата, Влатко Кешишев стоел пред врата и слушал. И продолжи со зборовите, ‘кога влезе Влатко, ми кажа Боре и Вељо. Тие ми го донесоа во гепекот од каде што го преземав’ - мисли на Панче Жежовски починатото лице од Велес“, додаде Петковски.Тој објаснувале и на која местоположба била дупката за која зборувал со инспекторите, кога наводно го споменале Боре Видевски.„Можам да ви кажам и со сигурност и местоположба на 15 см на крајниот десен агол од бирото на Зарински, со пречник помеѓу 10-12 см видна влабнатина, ѕидот која е од гипс“, додаде сведокот Петковски.На сведокот му беа поставени и прашања за тоа колку добро обвинетиот Палевски познавал ИТ алатки, на што одговори: „Од она што искуствено знам Палевски знае да работи уреди за електронска комуникација. Јас сум дипломиран ИТ, електротехничар, и од она што го видов кај него сметам дека добро владее со овие средства за комуникација“.

Македонија | пред 1 година

Судијката која му изрекла воспитна мерка на возачот Васил Јованов не го прекршила законот, ниту била пристрасна, заклучиле членови на Судскиот совет

Судскиот совет не најде прекршување на законот од страна на судијката Даниела Алексовска Стојановска од Кривичен суд која му одредила заводска мерка на возачот Васил Јованов кој ја прегази Фросина Кулакова, во судскиот процес каде му се судело за дрога. Предложено е само извештајот да се донесе до Обвинителството и Советот на обвинители, поради тоа што Судскиот совет има замерки на завршиот збор на обвинителот кој го гонел Јованов во тој случај. Според Судскиот совет, заводската мерка е согласно одредбите на Кривичниот законик, а судијката не постапила спротивно на истиот.„Извештајот од посетата да се достави до Обвинителството во Скопје, бидејќи има определени согледувања за нивното постапувања, за да истите бидат запознаени. Дополнувам и да се испрати до Советот на јавни обвинители. Втор заклучок: наводите за пристрасност при одлучувањето на судијата во однос на постоење на причини за изземање, оваа работна група смета дека испинатите околности не се од такво карактер за да предизвикаат сомневања за нејзината пристрасност и не се во рамки на предвидените причини за изземање“, рече Данка Ристова, член на Судски совет.Ристова посочи дека прашале и зошто на Јованов му бил укинат притворот кога му била изречена воспитна мерка наместо затворска казна. Судијката посочи дека тоа го правеле по службена должност и дека тоа било воспоставена пракса. Но ова тврдење не можеле да го потврдат.„Вакви предмети за изречена заводска мерка на помлад малолетник се многу ретки, и во Скопје и во другите судови. Решението со кое на обвинетиот му е укинат притворот не е обжалено“, додаде Ристова.Ивица Николовски, член на Судскиот совет кажа дека потфрлиле во заштита на интегритетот на судијата. Смета дека человкупната вина не може да биде префрлена на судовите.„Сите сме свесни и согласни, беше судијата осуден од јавноста, а ние како Судски совет не успеавме да го заштитиме интегритетот на овој судија, а тоа една од нашите основни надлежности. Дозволивме дискредитирање на оваа колешка, која е граѓанин како сите други, професионалец. Наша надлежност не е само да бараме одговорност на судии туку и да ги охрабруваме и на тој начин чекориме кон независност и самостојност. Не успеавме иако имавме обиди. Од овој извештај се потврдува мојот став, колку еден судија е неквалитетен и несовесен, не може да биде толку моќен во алката на правораздавањето. Ако останатите делови од оваа алка се ефикасни, последица е на судијата да биде ефикасен. Од овој извештај гледам, кај обвинетото лице (Васил Јованов), со години од надлежни органи било констатирано однесувањето спротивно на закон и иако имало повеќе такви констатации, воопшто не е процесуирано. Со право се поставува прашањето, што требало да направи за да биде процесиуриан во постапка согласно со законот. Дали ова укажува дека не може целокупната вина да биде на судовите, туку овде станува збор за поширока неодговорност или недоволна превентивност“, рече Ивица Николовски.Антоанета Димовска смета дека Судскиот совет треба да испита факти, а не да штити.„Во моментот кога ќе се случи нешто, се случи трагедија, ниту треба да го заштитиме ниту да го нападнеме судијата. Требаше да ги испитаме фактите, тоа е наша обврска. Факт е дека е створена фама во општеството и дека за се се виновни судиите. Ама ние треба само да ги испитаме фактите и да предложиме заклучоци. Жал ми е поради тоа што им се случува на колегите, ама се надевам дека тоа ќе се исправи и дека некои работи се системски пропусти“, рече Димовска.

Македонија | пред 1 година

Матичните штрајкуваат од 11 до 12 часот: Новината во „Мој термин“ ги налути, секој пациент мора да биде со верифициран број, без тоа не може да се препише терапија

Матичните доктори ќе прекинат со работа од 11 до 12 часот, во знак на предупредување, по воведените новини во системот „Мој термин“. Според тврдењето на претседателката на Здружението на приватни матични лекари, доктор Лилија Чолакова Дервишова, тие не можат да издадат терапија и да направат прегледи на пациенти, доколку не се изври автентикација на мобилниот телефон.Тоа би значело дека кога пациентот ќе дојде за преглед и терапија, докторот или сестрата треба да го праша за телефонскиот број, па потоа да го внесе во системот, па да почека да добие повратен код за да го внесе во системот. Така, системот го препознава телефонскиот број како валиден.Според Дервишова, тие не биле известени за вакви измени во системот, а тој, требало да стапи во сила од 3 март. Сега, бил во фаза на проверки за неговата функционалност.Матичните доктори бараат да не се применува системот. Имаат свои причини. Сметаат дека пациентите често менуваат телефони, некои немаат телефонски број. Па Девишова прашува: „Зар на тие пациенти да не им дадеме терапија оти не е извршена верификација?“.Засега се немаат огласено од Минситерството за зравство.

Македонија | пред 1 година

(Видео) „Прво куче, кој е наредната жртва?“, активисти побараа затвор за убиецот на кучето Феликс

Активисти за правата на животните излегоа на мирен протест пред Кривичен суд и побараа затворска казна за лицето кое го мачеше кучето Феликс кај Момин поток, кое потоа почина. Денес започна судењето за двете лица, меѓу кои е и Љубе, кого Обвинителството го товари дека десетина пати го удирал кучето по главата и телото. На првото рочиште, двајцата обвинети ќе бидат прашани дали чувствуваат вина, по што, ако негираат, ќе им се суди со изведување на докази и сослушување сведоци.Присутните пред судот носеа транспаренти преку кои испратија пораки.„Судија, ќе му бидеш ли соучесник на Љубе? Правда за Феликс“, „Душата на Феликс вреди колку човековата!“, Стоп за насилството против животните“, „Мачењето животни е кривично дело, затвор за убијците на Феликс“, „Прво куче, кој е наредната жртва“, пишуваше на нив.Обвинителството поднесе обвинение на средината од јануари.„Двајцата соизвршители на 19.11.2024 година го изложиле на непотребни маки и му нанеле непотребни болки, изложувајќи го на страдање кучето Феликс, мажјак, црна боја, на возраст околу една година. Првообвинетиот со тврд дрвен предмет во облик на стап и без оправдана причина започнал да го удира со повеќе удари кучето во пределот на главата и телото, нанесувајќи му тешки повреди. Потоа, заедно со второобвинетиот го врзале со жица и така врзано го влечеле по дворот до контејнер, каде го фрлиле мислејќи дека кучето е мртво. Како последица на повредите, кучето угинало на 07.01.2025 година“, соопштија тогаш од Обвинителството.

Скопје | пред 1 година

На денешен ден се случи кобната авионска несреќа: 21-годишнината од трагичната смрт на Борис Трајковски, македонската делегација, екипажот

Денеска се одбележува 21-годишнината од трагичната смрт на поранешниот претседател Борис Трајковски, членовите на делегацијата и екипажот на авионот.Во авионската несреќа, што се случи на 26 февруари 2004 година, загинаа претседателот Борис Трајковски и осумчлена делегација која патуваше на Меѓународна конференција во Мостар. Покрај претседателот Борис Трајковски, животот го загубија портпаролот Димка Илкова Бошковиќ, советниците Ристо Блажевски и Анита Лозановска, претставникот на Министерството за внатрешни работи Миле Крстевски, телохранителите Аце Божиновски и Борис Велиновски, како и пилотот и копилотот на авионот.Поранешниот претседател Борис Трајковски, шест члена делегација и двајца пилоти загинаa во 2004 година при урнување на авионот од типот „Кингер“ на 15-километри јужно од Мостар. Трајковски дипломира на Правниот факултет во Скопје, во 1980 година, специјализира деловно право и право на работни односи. Повеќепати беше на студиски престој во САД. До 1997 година беше раководител на правната служба во градежното претпријатие „Слобода“ во Скопје. Од 1997 до 1998 година беше шеф на Кабинетот на градоначалникот на Општина Кисела Вода.Трајковски беше претседател на Комисијата за надворешно-политички односи на ВМРО-ДПМНЕ и главен политички советник за надворешна политика на тогашниот македонски премиер Љубчо Георгиевски. Од 21 декември 1998 година ја извршувал функцијата заменик-министер за надворешни работи на Република Македонија.На 15 декември 1999 година беше инаугуриран за претседател на Република Македонија. Роден бил на 25 јуни 1956 година во Струмица.

Македонија | пред 1 година

(Видео) Голем украински напад со беспилотно летало врз јужна Русија, погледнете ја снимката

Украина го нападна јужниот руски регион Краснодар со голем број беспилотни летала во текот на ноќта, оштетувајќи неколку куќи, вклучително и една во црноморското пристаниште Туапсе, соопштија руските власти. Три станбени згради беа оштетени низ регионот и нема извештаи за повредени, објави гувернерот Вениамин Кондратиев на Телеграм, апликација за пораки.Се запали куќа во Туапсе, но пожарот во меѓувреме е изгаснат, објави на истата платформа Сергеј Боико, градоначалникот на Туапсе. ШОТ, руски информативен канал на Телеграм, објави дека се чини дека украинските беспилотни летала ја гаѓаат областа на пристаништето и дека жителите слушнале приближно 40 експлозии и мислеле дека тоа е звук на системи за противвоздушна одбрана.Ројтерс не можеше независно да ја потврди најавата на ШОТ. Украина се уште не коментираше. Туапсе е дом на најголемата руска нафтена рафинерија на Црното Море и неколку пати беше мета на украински беспилотни летала од почетокот на војната, која Москва ја лансираше против својот сосед пред три години.Руската агенција за воздухопловство Росавијација на Телеграм објави дека блискиот меѓународен аеродром во Сочи, на околу 150 километри југоисточно од Туапсе, од синоќа е затворен за воздушниот сообраќај за да се обезбеди безбедност на воздухот.

Свет | пред 1 година

(Фото) Руски напад на Киев: загина едно лице, две се повреднеи

Во напад на руско беспилотно летало во квартот Буча во регионот Киев рано загина едно лице, а други две беа повредени, објави вршителот на должноста гувернер Микола Калашник.Телото на жртвата било откриено додека пожарникарите гаснеле пожар во двокатна приватна куќа. Во друг дел од областа, во нападот се повредени 20-годишна жена и 44-годишен маж, соопшти Калашник. Оштетени се пет куќи.Руски беспилотни летала го гаѓаа и Харков, изјави градоначалникот Ихор Терехов. Остатоци од дрон погодиле деветкатница, при што се повредени две лица.

Свет | пред 1 година

(Видео) Несреќа на скопската Обиколница

Утрово несреќа на скопската Обиколница.Според првичните информации возило со германски таблици се излизгало на патот. Нема информации за возачот.Детали подоцна од МВР.

Скопје | пред 1 година

(Видео) Доктор хистерично се дерел на Клиниката за урологија, директорот најави дисциплинска постапка

Снимка на која се гледа како доктор гласно се дере низ ходниците на Клиниката за урологија, додека пред и во амбулантата има пациенти беше испратена до редакцијата на „Скопје1“. Во неа, се сведочи дека доктор уролог бурно реагирал кога семејство на пациент со карцином и болки побарало да биде прегледан. За овој настан, се до денеска не бил информиран директорот на Клиниката, Башким Шабани, кој за „Скопје1“ најави дека ќе формира дисциплинска комисија бидејќи однесувањето кое е снимено е недозволиво.„Ви испраќам видео од докторот урлолог Александар Илиевски од Клиниката за урологија. Влегов да прашам дали може да влезе мојот дедо на преглед бидејќи има карцином во четврти стадиум и болки, а беше во количка во ходникот. Тој почна да вика гласно, ама да вика со сета сила прво на мојата баба, а потоа на мене. Ја туркаше вратата покрај која бев јас, а со самото тоа ме туркаше и мене. Кога реков дека нема право да се дере, тој почна без прилика да вика „Викајте обезбедување“. За кого вика обезбедување? За пациент кој е во количка со болки? Кога почна да вика, неговите колеги излегоа и ни пријдоа, ми рекоа да се смирам и рекоа дека не е нормален. Ваков, лош човек, не може да биде лекар“, пишува Ивана Ачимовиќ во дописот до „Скопје1“.Директорот на Клиниката за урологија, Шабани, посочува дека снимката утре ќе биде разгледана и на колегиум, по што ќе биде формирана комисија која ќе го испитува етичкиот дел од однесувањето на докторот.„Скопје1“ не успеа да стапи во контакт со докторот Илиевски, кој се споменува во сведоштвото на семејството на пациентот, за да добиеме негов став за ваквото однесување. Директорот Шабани пак, рече дека за една недела, би се знаел исходот од дисциплинската постапка.Според Кодексот за етика, во членот 24 стои: „Лекарите се вклучени во процесот на приемот, односно во отпуштањето на болниот, во процесот на лекувањето и на рехабилитацијата на болниот, водат сметка за нивните лични оспособености и оспособености на болеста. Кон нив треба да имаат разбирање и во најтешки случаи да влијаат смирувачки“.

Македонија | пред 1 година

Маркетите мора цените да ги објавуваат на интернет страниците - стапуваат на сила измените на Законот за заштита на потрошувачи

Маркетите ќе мора да ги објавуваат цените на сите производи, јавно, на интернет страниците. Ова го наложуваат измените на Законот за заштита на потрошувачите, кои се усвоени од пратениците.Законските измени гласат: (1) Мал, среден и голем трговец кој врши дејност трговија на мало, согласно со Националната класификација на дејностите, должен е на својата веб страница да ја објави, одделно за секој свој продажен објект, тековната продажна, односно единичната цена во моментот на објавување на секоја стока што ја нуди за продажба. (2) Ажурирањето на цените од ставот (1) на овој член се врши на дневна основа“.Законот нема да се однесува на микро и трговците-поединци, а трговците кои имаат повеќе од продажни објекти ќе треба да ги објавуваат цените поединечно за секој од нив.„Ваквото законско решение се очекува да доведе до фер конкуренција и пониски цени, особено во секторот на прехранбени производи, при што ќе може да се направат и апликации и веб-страници кои ќе им овозможат на потрошувачите да ги споредуваат цените помеѓу различните трговци на мало“, посочи Бојан Стојановски од ВМРО-ДПМНЕ.

Македонија | пред 1 година