ТОП

Мицкоски дециден дека никој не коленичи кај ДУИ: Таквите времиња се минати

Премиерот Христијан Мицкоски тврди дека никој од ВМРО-ДПМНЕ не коленичи пред ДУИ, откако пратеникот на СДСМ, Оливер Спасовски, кажа дека секој втор ден висок функционер оди во Мала Речица.„Фројд работи кај луѓето и потсвеста се проектира кај другите. Ако тој мисли дека оние моменти кога раководството на СДСМ коленичеше во Речица, кога молчеше кога министрите во Речица си играа фудбалчиња и ги понижуваа граѓаните, кога тој приведуваше а преку вечер тие што ги приведуваше мораше да ги ослободи - се лаже. Такви времиња се одамна минати. Тие политики се поразени“, рече Мицкоски.Според него, Спасовски е политички медиокритет, кој е во неговото политичко мочуриште, додека тие работат за подобри услови и стандард за сите.

Македонија | пред 1 година

Универзитетите може да добијат и клуч на врата - Мицкоски е спремен да го реформира високото образование

Не е исклучено затворање на универзитети кои работеле спротивно на законите, како дел од реформата во високото образование. Ваков е ставот на премиерот Христијан Мицкоски, кој потенцираше дека компаниите сакаат компентени кадри. Според него, не е важно дали се државни или приватни универзтите, туку ќе бидат опфатени сите кои не работат согласно законите.„Сакам да зборувам за озбилни реформи во високото образование, кога некои универзитети кои работеле спротивно на законот, да одговараат тие личности како што се ректорите кои ги злоупотребуваат средствата на граѓаните. И се поставува прашањето дали ни се потребни реформи во високото образование, со тоа што тие универзитети кои не ги исполнуваат критериумите, треба да се затворат“, вели Мицкоски.Тој додаде: „Ни требаат стручни кадри, компентентни. Таму нема Албанци или Македонци, туку дали зборуваш македонски, шпански.. Ако не те бива, ене ти ја вратата, ајде, 'раус'“, додаде Мицкоски.

Македонија | пред 1 година

Драма на Дунав: 140 луѓе заробени на брод за крстарење поради зголеменото ниво на реката, може да останат на бродот со денови

Околу 140 патници и членови на екипажот останаа заробени на брод за крстарење во Австрија поради порастот на нивото на Дунав и поплавите кои ја погодија Европа.Поради обилните дождови и поплавите во Австрија, бродот не може да се закотви. Тоа значи дека екипажот и патниците ќе мора да останат таму најмалку до вторник.Според медиумите, се работи за брод со швајцарски туристи кој испловил за Будимпешта.На социјалните мрежи се појавија слики од бродот долг 110 метри закотвен во Виена. Патниците не можат да го напуштат бродот бидејќи пристаништето е под вода.Патувањето започна во петокот, иако синоптичарите предупредија на обилни врнежи.„Во тоа време, дури и експертите чија експертиза беше барана не можеа да предвидат дека Дунав можеби нема да биде пловен во оваа област“, ​​рече извршниот директор на Тургау Травел, Даниел Паули-Кауфман.Планираната дестинација Будимпешта моментално е далеку. И патниците не знаат кога да имаат цврсто тло под нивните нозе.Според генералниот директор, локалните власти ќе одлучат кога луѓето ќе можат да се симнат.Бидејќи денеска се очекуваат пообилни врнежи, патниците може да останат заробени на бродот неколку дена.

Свет | пред 1 година

ЦУК: Три пожари на отворено во последното деноноќие

Центарот за управување со кризи (ЦУК) информира дека во последното деноноќие имаше пријавено три (3) интервенции врз пожари на отворено, покрај интервенциите врз пожари во урбани средини и населени места, на територијата на државата.Конкретно, Регионалниот ЦУК Струмица, известува дека пожарот кој започнал во 14:53 часот во саботата (14.09.2024 година) помеѓу с.Белотино и с.Рич е локализиран. Како што не известија од ТППЕ Струмица нема константно горење, туку се појавува горење на сува лисната маса, борови иглички и падната лисната маса што е со дебелина од 20 до 30 см. Направен е безбедносен противпожарен ПП појас околу пожарот за да не се шири. Во интервенцијата учествуваа ТППЕ Струмица со 3 пожарникари и 1 возило и 3 вработени во ЈП „Национални шуми“ подружница „Беласица“ од Струмица.Денеска, од утрово, повторно е извршена контрола на пожарот за ако има одредени точки што се уште чадат – да се догаснува. Регионалниот ЦУК Штип, известува дека пожарникарите од ТППЕ Кочани, вчера, во период од 08:54 до 09:30 часот, со 2 пожарникара и 1 ПП возило интервенирале на запалена депонија и кабли на депонијата на месноста „Полачки Пат“, во Општина Кочани. РЦУК Тетово, ја информира дека пожарникарите од ТППЕ Тетово од 15:55 до 16:25 часот, со 3 пожарникари и 1 ПП возило интервенирале на запалено ѓубриште помеѓу селата Желино и Сирично.", информираат од ЦУК.

Македонија | пред 1 година

Нема фотографија

Два земјотреси погодија Британска Колумбија

Два земјотреси со јачина од 6,5 и 4,7 степени синоќа го погодија северниот брег на канадската провинција Британска Колумбија, а засега нема информации за материјална штета или евентуални жртви.Геолошкиот институт на САД соопшти дека првиот земјотрес со јачина од 6,5 степени според Рихтеровата скала се случил околу 00:20 часот по локално време, во близина на крајбрежниот град Порт Мекнил.Епицентарот на земјотресот бил во Тихиот Океан на длабочина од 10 километри.Потоа во 03:43 следеше земјотрес од 4,7 степени според Рихтеровата скала со епицентар на иста длабочина.Американскиот центар за предупредување од цунами соопшти дека по овие земјотреси нема закана од цунами, пренесува Ројтерс.

Свет | пред 1 година

Најмалку 8 загинати во поплавите во Европа: Во Полска порој однесе автомобил со две деца

Бројот на загинати во поплавите во централна Европа во неделата се искачи на осум, откако илјадници луѓе беа евакуирани од своите домови во Полска, Чешка, Австрија и Романија.Системот на бура, наречен Борис, донесе обилни дождови од Австрија во Романија, што доведе до најголемите поплави во речиси три децении во тешко погодените области на Чешка и Полска.Илјадници куќи беа оштетени за време на викендот, мостови беа однесени, а најмалку 250.000 домаќинства, главно во Чешка, останаа без струја.Едно лице се удави во неделата во југозападна Полска, пожарникар кој учествуваше во спасувачките операции загина во Австрија, а уште две лица загинаа во Романија, каде поплавите однесоа четири животи во саботата.

Свет | пред 1 година

Нема фотографија

Се огласија од Белата куќа: Вознемирени сме

Американскиот претседател Џозеф Бајден изјави дека му олеснало што поранешниот американски претседател и републикански кандидат Доналд Трамп бил неповреден во безбедносниот инцидент во неговиот голф клуб во Вест Палм Бич, Флорида, кој се истражува како можен обид за атентат.Бајден изјави дека осомничениот е во притвор и ја пофали работата на Тајната служба и другите агенции за спроведување на законот.„Ми олесна што поранешниот претседател е неповреден. За овој инцидент се води активна истрага бидејќи полицијата собира повеќе детали за тоа што се случило. Како што многупати кажав, нема место за политичко насилство или каква било друга форма на насилство во нашата земја“, истакна Бајден, а соопшти Белата куќа.Потпретседателката на САД Камала Харис, која е демократски претседателски кандидат и ривал на Трамп на изборите, изјави дека е длабоко вознемирена од можниот обид за атентат врз Трамп на неговиот имот на Флорида.„Додека ги собираме сите факти, ќе бидам јасена: го осудувам политичкото насилство. Сите мораме да го направиме нашиот дел за да се осигураме дека овој инцидент не доведе до дополнително насилство“, напиша Харис на мрежата X.Белата куќа претходно соопшти дека Бајден и Харис биле информирани за безбедносниот инцидент кој се истражува како можен обид за атентат врз поранешниот американски претседател и републикански претседателски кандидат Доналд Трамп и дека ќе ги добијат најновите информации за напредокот на истрагата.Во соопштението од Белата куќа се изразува „олеснување“ откако беше информирано дека Трамп е безбеден.ФБИ објави дека поранешниот претседател и републикански претседателски кандидат Доналд Трамп бил предмет на „очигледен обид за убиство“ во неговиот голф клуб во Флорида. Трамп бил однесен на безбедно од страна на Тајната служба, откако агенти на тајната служба отворија оган врз лице вооружено со полуавтоматска пушка, кое го впери кон Трамп додека играл голф.Пукањето се случило околу два месеци откако Томас Метју Крукс го уби Трамп на митинг во Батлер, Пенсилванија на 13 јули, кога Трамп се здоби со повреда на увото.

Свет | пред 1 година

Ова е човекот кој се обиде да го убие Трамп: Имал врски со Украина, му пришол на поранешниот претседател на 400 метри, па пукал со калашников

Уапсен е Рајан Весли Раут (58), осомничен за обид за убиство и планирање атентат врз поранешниот претседател и актуелен републикански кандидат на американските избори. Во моментот на апсењето, тој беше целосно мирен и не покажуваше никакви емоции, изјави Вилијам Д. Снајдер, шериф на округот Марин, Флорида, каде што беше уапсен Раут.„Беше релативно мирен и во ниту еден момент не ги праша полицајците зошто е уапсен“, рече Снајдер.Според информациите, осомничениот успеал да му се приближи на Трамп на 400-500 метри. Сепак, тимот на Тајната служба на Доналд Трамп го забележал меѓу дрвјата.Два часа по инцидентот, ФБИ објави соопштение во кое тврди дека инцидентот се третира како „обид за атентат на поранешниот претседател Трамп“.Главниот разузнавачки аналитичар на Си-Ен-Ен, Џон Милер, рече дека сметките на Раут на социјалните мрежи се фокусирани на неговата „самопрогласена вмешаност“ во војната во Украина, вклучувајќи го и неговиот наводен обид да регрутира војници да се борат на украинската страна.Милер рече дека Раут живее на Хаваи, а претходно бил градежен работник во Северна Каролина, каде што има „дебело“ досие. Наводно, тој претходно бил апсен дури осум пати, најмногу за полесни прекршоци.Во март 2023 година, Раут зборуваше за Њујорк Тајмс за неговите напори да регрутира американски војници.„Њујорк тајмс“ тогаш утврди дека Раут „минал неколку месеци во Украина минатата година и дека планира да пресели американски доброволци во Украина преку Пакистан и Иран“. Тој, исто така, тогаш рече дека интерес покажале десетици Американци.„Најверојатно можеме да купиме некои пасоши преку Пакистан, бидејќи тоа е многу корумпирана земја“, тврди Раут во интервју објавено на веб-страницата на Њујорк Тајмс на 25 март 2023 година.Во јуни 2022 година, според американскиот Њусвик, Рут разговарал и со романскиот огранок на Њусвик, исто така за напорите да се регрутираат доброволци во Меѓународната одбранбена легија на Украина, единица на украинските копнени сили.„За мене многу светски конфликти се сиви, но овој е дефинитивно црно-бел“, изјави тогаш Раут. „Ова е приказна за доброто наспроти злото.Според Њујорк пост, Раут често објавувал објави за политика на социјалните мрежи и ексклузивно донирал на демократските кандидати од 2019 година.Според гореспоменатите медиуми, во објава на 22 април на социјалната мрежа Х, Рут напишал: „Демократијата е во прашање. Не можеме да загубиме“, пренесува Јутарњи лист

Свет | пред 1 година

Нов бран врнежи се движи кон Македонија: Дополнително ќе залади во следните часови

Во следните часови, како и вечерва под влијание на нов влажен воздушен бран од запад и од северозапад, во Македонија, особено во северните и во западните предели ќе има нови врнежи од дожд со променлив интензитет. Преку денов и тоа особено во југозападните предели ќе дува засилен ветер од југозападен правец, додека кон крајот на денов и вечерва ветерот ќе го промени својот правец во западен и во северозападен, и повеќе ќе биде изразен Долж Повардарието.И во Скопскиот регион во следните часови, како и вечерва ќе има нови повремени врнежи од дожд, додека кон крајот на денов ќе засилува ветерот од северен и од северозападен правец.Максималната температура денес ќе се искачува во интервалот од 15 до 24 степени, во Скопје таа ќе достигне до околу 21 степен. Да напоменеме за време на овој влажен бран, локално во северните и во западните предели од државава ќе наврнат над 15 литри дожд на м/2.Поради продор на уште поладен воздух од север, кон крајот на денов и во текот на ноќта се очекува дополнително заладување на времето, па така на високите планински места низ Македонија ќе има услови и за провејување на снег.

Македонија | пред 1 година

Обид за убиство како од филм во Кочани: 24-годишник со нож во глава пробал да убие другар во неговата кола

Основното јавно обвинителство Кочани донесе Наредба за спроведување истражна постапка против 24-годишник за кого постои основано сомнение дека сторил кривично дело – Убиство според член 123 став 1 во врска со член 19 (во обид) од Кривичниот законик.На 13 септември, во вечерните часови, осомничениот се договорил со оштетениот да се најдат на паркинг простор кај Споменикот на слободата во Кочани заради купопродажба на мобилен телефон.Кога се сретнале на наведеното место, осомничениот влегол во возилото на оштетениот, седнал на совозачкото место и започнал да разговара со него и да го разгледува мобилниот телефон.По кратко време, од џебот извадил нож и му задал удар во витален дел од телото во пределот на главата и вратот под брадата, нанесувајќи му отворена рана од околу 2-3 см. Ножот се скршил, а осомничениот продолжил со дршката уште неколку пати да го удира оштетениот. Нападнатиот му ја фатил раката и го спречил, по што осомничениот се извлекол од возилото и со трчање побегнал од местото на настанот.Поради опасност од бегство, можност да влијае врз сведоците и да ја попречува кривичната постапка, но и реална закана да го повтори или да го доврши обиденото кривично дело, јавниот обвинител до судијата на претходна постапка од Основниот суд во Кочани поднесе предлог за определување мерка притвор. Судот ја прифати основаноста на предлогот и на осомничениот му определи притвор во траење од 30 дена.

Македонија | пред 1 година

Обид за убиство во Кочани

Основното јавно обвинителство Кочани донесе Наредба за спроведување истражна постапка против 24-годишник за кого постои основано сомнение дека сторил кривично дело – Убиство според член 123 став 1 во врска со член 19 (во обид) од Кривичниот законик.На 13 септември, во вечерните часови, осомничениот се договорил со оштетениот да се најдат на паркинг простор кај Споменикот на слободата во Кочани заради купопродажба на мобилен телефон.Кога се сретнале на наведеното место, осомничениот влегол во возилото на оштетениот, седнал на совозачкото место и започнал да разговара со него и да го разгледува мобилниот телефон.По кратко време, од џебот извадил нож и му задал удар во витален дел од телото во пределот на главата и вратот под брадата, нанесувајќи му отворена рана од околу 2-3 см. Ножот се скршил, а осомничениот продолжил со дршката уште неколку пати да го удира оштетениот. Нападнатиот му ја фатил раката и го спречил, по што осомничениот се извлекол од возилото и со трчање побегнал од местото на настанот.Поради опасност од бегство, можност да влијае врз сведоците и да ја попречува кривичната постапка, но и реална закана да го повтори или да го доврши обиденото кривично дело, јавниот обвинител до судијата на претходна постапка од Основниот суд во Кочани поднесе предлог за определување мерка притвор.Судот ја прифати основаноста на предлогот и на осомничениот му определи притвор во траење од 30 дена.

Македонија | пред 1 година

Автомобил на инспектор за дрога во МВР запален во Ѓорче Петров: возилото било паркирано пред неговиот дом, палењето било среде ноќ

Автомобил сопственост на инспектор за наркотици бил запален во Ѓорче Петров, пред неговиот дом. Ова се случило ноќта 13-ти спрема 14-ти септември. Возилото, според информации на „Скопје1“ било паркирано пред домот на инспекторот, кој пак, учествувал во низа претреси на нарко-дилери низ Скопје.„На 14.09.2024 во СВР Скопје било пријавено дека околу 03.30 часот во Скопје, на територија на Ѓорче Петров, било опожарено патничко моторно возило „голф“ со скопски регистерски ознаки, сопственост на Д.Д. од Скопје“, велат од МВР за „Скопје1“.Според првичните информации од истрагата, автомобилот бил таргетиран, а во околината има и камери како од системот „Безбеден град“ така и од приватни објекти. Ќе се проверува кој го нарачал, но и кој го извршил палењето на автомобилот. Дополнително, се утврдува и кој бил главниот мотив за ваквото кривично дело.Извршен е увид од СВР Скопје и се преземаат мерки за расчистување на случајот.

Македонија | пред 1 година

Контролите констатирале голем брј нерегуларности при јавни набавки на многу клиники и здравствени домови, тврди Стојаноски

„Контролите кои се спроведени од страна на институциите во ЈЗУ и клиниките ставаат на површина факти дека СДС и ДУИ во здравството гледале бизнис.Злоупотребувани се јавните набавки во ЈЗУ и клиниките. Покрај матните тендери на Филипче на централно ниво, за кои јавноста е запознаена, злоупотреби се правени низ поголемиот број на ЈЗУ.Од извршените целосни финансиски контроли во 24 ЈЗУ за 2023 година, кај 19 ЈЗУ се утврдени неправилности во делот на контролата на спроведувањето на постапките за јавни набавки.Лоцираните неправилности се во следните ЈЗУ: УК за максилофацијална хирургија – Скопје, Здравствен дом – Гостивар, Здравствен дом – Ресен, Здравствен дом – Струга, УК за урологија – Скопје, УИ за радиологија – Скопје, УК за нефрологија – Скопје, УК за психијатрија – Скопје, Клиничка болница – Тетово, Здравствен дом – Делчево, Здравствен дом - Демир Хисар, Институт за јавно здравје – Скопје, Општа болница – Струга, Здравствен дом – Велес, Општа болница – Струмица, Општа болница со проширена дејност – Дебар, Центар за јавно здравје – Скопје, Специјализирана болница за ортопедија и трауматологија ,,Св.Еразмо“ – Охрид, Здравствен дом - Пробиштип.Неправилностите во здравството, го метастазирале системот. Злоупотребите излегуваат на површина, одговорност ќе има“, вели Бојан Стојаноски, пратеник од ВМРО-ДПМНЕ.

Македонија | пред 1 година

(Видео) Катастрофални поплави се уште ја зафаќаат Европа, паѓа првиот снег, жртви има: „Ова е ноќна мора, а најлошото допрва доаѓа!“

Поплавите продолжуваат да ја пустошат централна и источна Европа, а ситуацијата е алармантна во многу провинции. Романија формираше кампови за раселените луѓе и започна спасувачки операции по поплавите кои убија најмалку четири лица и уништија илјадници домови на истокот на земјата. Четворица мртви се пронајдени во југоисточниот регион Галати, потврдија за АФП службите за итни случаи.Воените бродови и авиони се користат за да се пренесат луѓето на безбедно, а премиерот Марсел Чиолаку рече дека приоритет сега е да се спречи понатамошна загуба на животи, пренесува Би-Би-Си.Обилни дождови ја зафатија централна и источна Европа во последните денови, реките се надобија, а предупредувања за поплави беа издадени низ Чешка, Полска, Австрија, Словачка и Унгарија. Во меѓувреме веќе падна првиот снег на повисоките места.Во чешкиот главен град Прага се подигнати брани за поплави. „Мораме да бидеме подготвени за најлошото сценарио. Пред нас е тежок викенд“, изјави чешкиот премиер Петр Фиала по состанокот на централниот кризен комитет на владата, пренесува Ал Џезира.Жителите се евакуирани во делови на Полска. Полскиот министер за внатрешни работи Томаш Сиемониак рече дека „ситуацијата е тешка“ во областите околу четирите реки и предупреди дека „најлошото допрва доаѓа“. На југозапад, реката Биала го надмина безбедното ниво за два метри, а особено се загрижени за Мороу и Глухолази.Жителите на Глухолази за Би-Би-Си изјавиле дека веќе подготвиле вреќи со песок и пумпи за пренасочување на водата, но дека „невозможно е да се предвиди што ќе се случи“. Тие додадоа дека ова е „кошмар за луѓето што живеат таму“ и дека сите се исплашени и дека се чини дека нема надеж дека дождот толку брзо ќе престане.„Секако дека се плашам. Водата е најсилната сила на природата. Сите се плашат“, изјавил еден граѓанин за Би-Би-Си.Во градот Вроцлав илјадници жители мораа да ги користат скалите на високите згради бидејќи лифтовите беа затворени поради страв од поплави, јавуваат локалните медиуми. Премиерот Доналд Туск се обиде да ја увери јавноста дека прогнозите „не се премногу алармантни“ и дека заканата не се однесува на целата земја.Во Австрија, за која претходно беше објавено дека го доживеа најтоплиот август досега, многу региони очекуваат 10-20 см дожд за неколку дена. На некои места на север се прогнозираат над 20 сантиметри, јавува Би-Би-Си.Мануел Келемен, прогнозер на ТВ Пулс24, рече дека „она што го доживуваме е извонредно, ако не и без преседан“.

Свет | пред 1 година

Снег ја покрива Европа, за време на викендот се очекува нов снег до 2 метри: На Балканот од зима до лето

Австрија, Чешка, Словачка и Полска се најтешко погодени. Овие области очекуваат врнежи од 200 до 400 литри дожд на метар квадратен и обилен снег на планините, а на Алпите на запад и југ од Австрија се очекува нов снег до два метри. Областа на Алпите е веќе покриена со снег, а снежната линија се спушти на 800 до 1000 метри надморска височина.За жал, поради екстремно обилните врнежи, централна Европа се плаши од разорни поплави и порои, а водостојот на реките веќе се крева за неколку метри.Нашиот регион е под удар на невреме и драстично заладување, а снег падна и на планините во Босна, Хрватска и Словенија.Снег за време на викендот се очекува и на повисоките планини на Србија.Студениот фронт донесе драстично заладување на нашите простори, а тие паднаа за цели 20 степени.И додека во Македонија денеска има есенски температури,, на истокот на Бугарија и на југот на Грција е вистинско лето, со температури над 30 степени.

Свет | пред 1 година

За авионите кои ќе се судреле над Скопје, контролори на летање велат: „Флајтрадар 24“ не е релевантен, не треба да се користи за извлекување на заклучоци

Откако беше објавено дека на 7 септември во 18:32 часот авиони на „Туркиш ерлајнс“ и „Санекспрес“ за малку ќе се судреле на небото во близина на Меѓународниот аеродром во Скопје, по што и М-НАВ излезе со соопштение дека е отворена истрага за настанот, реагираше и Здружението на контролори на летање на Македонија.Оттаму велат дека за конкретниот настан е поднесена пријава за безбедносен настан од извршителите кои работеле на засегнатиот сектор и дека таа е процесирана кај релевантните институции кои пак постапуваат по пријавата согласно постоечки процедури.„Напоменуваме дека Flightradar24 не е релевантна алатка за давање на точна позиција во реално време и како таква не треба да се користи за извлекување на заклучоци. Воспоставувањето на Култура на Праведност во воздухопловството резултираше со висок стандард за безбедност, со што воздухопловните незгоди и инциденти станаа исклучително ретки, но сепак не се целосно непостоечки и се случуваат кај нас, како и во Европа и светот. Прифаќањето на системски пристап при истражувањето, наместо индивидуално обвинување е клучно за зајакнувањето на безбедноста во воздухопловството“, велат од ЗКЛМ, пренесе „360 степени“Здружението на контролори на летање на Македонија бара од медиумите кои извествуаат за настанот од 7 септември да се воздржат од паушални коментари се додека не се објават официјалните резултати од истрагата и побараа да се избегнува ширење на шпекулации на социјалните мрежи кои може да бидат погрешно интерпретирани.За потсетување, според веб-страницата за следење летови „Флајтрадар 24“, како што објави СДК.мк, авиони на „Туркиш ерлајнс“ и на „Санекспрес“ за малку ќе се судреле на небото над Меѓународниот аеродром „Скопје“ на 7 септември во 18:32 часот.Според правилата на авиосообраќајот, меѓу авионите треба да има 2.000 стапки вертикална далечина. Во овој случај, 30 секунди пред да се разминат, авионите биле на иста височина од 36.000 стапки, но потоа едниот се кренал на 36.325 стапки, а другиот се спуштил на 35.475 стапки. Среќата била на нивна страна, но ова е прилика да се прегледаат процедурите и безбедносните мерки.https://twitter.com/GoranPavlovski2/status/1834193417905005043

Македонија | пред 1 година

(Видео) Ги нема снимените разговори од прислушувани обвинители и судии, не се ниту во МВР, ниту во другите институции, вели Мицкоски

Премиерот Христијан Мицкоски во „Претрес со Ландов“ откри дека ги нема прислушуваните разговори од обвинители, за кои експремиерот Зоран Заев обзнани дека постојат во 2016 година. Мицкоски кажа дека не се во депото на МВР.Овие разговори се открија пред шест години, кога Зоран Заев обзнани дека биле прислушувани судии и обвинители. Тогаш беше кажано дека систем е поставен во централата за внатрешната комуникација на Обвинителството, а исти таков имало во Скопскиот суд.?t=7368

Македонија | пред 1 година

Украина и Русија разменија воени заробеници: 49 од нив се вратија, меѓу кои и некои од Мариупол

Украина врати 49 воени заробеници од Русија во последната размена на заробеници меѓу завојуваните соседи, објави во петокот украинскиот претседател Володимир Зеленски.„Тоа се борци од вооружените сили на Украина, Националната гарда, полицијата, граничната служба и наши цивили“, напиша Зеленски на Телеграм.Некои од групата беа заробени за време на одбраната на фабриката за челик Азовстал во градот Мариупол во југоисточна Украина на почетокот на војната во 2022 година. Меѓу ослободените има 23 жени, рече украинскиот претседател.Колку затвореници и се предадени на Русија не се соопштува. Сепак, Координативниот штаб за прашања на воени затвореници ја потврди размената. Засега руската страна нема известување за размената.Украина се брани од руската инвазија повеќе од две и пол години. Според украинските податоци, Москва и Киев веќе разменувале затвореници 56 пати. Русија на украинската страна и предаде вкупно 3.569 Украинци.Во меѓувреме, Зеленски рече дека руската контраофанзива во нејзиниот југозападен регион Курск постигнала мал напредок. „Тие сакаа брзо да се пробијат таму... досега не сме виделе сериозни успеси“, рече Зеленски во Киев. Тој додаде дека Москва има намера да распореди до 70.000 војници во регионот, кој Украина го нападна во ненадејна офанзива минатиот месец. Околу 40.000 руски војници веќе се во областа.Нашата армија херојски се држи, рече Зеленски и истакна дека е задоволен од досегашните резултати од операцијата.„Непријателот е запрен во регионот Харков и нивното напредување во регионот Доњецк е забавено“, рече тој, тврдејќи дека Русија била принудена да ги одврати војниците од своите офанзиви во северна и источна Украина за да ја брани својата територија во Курск.

Македонија | пред 1 година

Бурни реакции донесе Сиљановска од Бугарија: „Навистина не знам дали е само глупа или сите околу неа се неписмени“

„За амбасадор се става секогаш знаме а камо ли за претседател“. Ова е само еден дел од реакциите за пречекот на македонската претседателка Гордана Сиљановска-Давкова во кабинетот на бугарскиот претседател, Румен Радев. Професорката по право, Мирјана Најчевска смета дека ова е пораз за Македонија.„Навистина не знам дали е само глупа или сите околу неа се неписмени или едноставно не е соодветна за позицијата која ја има“, додава Најчевска.Слична реакција имаше и професорката Билјана Ванковска.„Погледнете го соопштението (и фотографиите) на ФБ профилот на претседателката Силјановска и споредете со тонот и фотографиите на бугарскиот претседател. Како да зборуваат за две различни средби и “пријателства”. Радев всушност кажува дека македонската страна сама се поканила т.е. дека тој НЕ ОДБИЛ барање за средба од ниту еден странски шеф на држава. Ајде сега да уживаме во Набуко, хорот на поробените Македонци, пардон - Евреи“, напиша таа.

Коментари | пред 1 година

(Фото) Радев ја угости Сиљановска, ама без македонско знаме

Претседателката Гордана Сиљановска Давкова денеска во Софија оствари тет-а-тет средба со претседателот на Република Бугарија, Румен Радев, по што се одржа состанок на македонската и бугарската делегација, на кој покрај претседателката Сиљановска Давкова присуствуваа и министерот за надворешни работи и надворешна трговија, Тимчо Муцунски и министерот за култура и туризам, Зоран Љутков. Таму Давкова беше пречекана без македонско знаме, ако судиме според фотографиите испратени од нејзиниот кабинет.На средбата со бугарскиот претседател се разговараше за потребата од засилен развој на македонско-бугарските односи, за надминување на отворените прашања меѓу двете земји, за текот на пристапниот процес за членство во Европската Унија и искористување на бугарските искуства на тој пат, како и за можностите за поттик и унапредување на билатералната соработка во повеќе области.Претседателката посочи дека се потребни постојан дијалог и разговор меѓу двете соседни држави членки на НАТО и позитивни примери од двете страни со цел градење на стабилни добрососедски односи.Во тој контекст таа го истакна значењето на културната и јавната дипломатија, како и потребата за унапредување на соработката во областа на инфраструктурата, економијата и трговската размена и фокусирање на предизвиците од сегашноста, наместо фокус врз минатото.Во разговорот со претседателот Радев, претседателката истакна дека македонските власти ги преземаат сите неопходни активности за изградба на повеќе крупни регионално – инфраструктурни проекти кои се од стратешко значење за земјава, регионот и за Европската Унија.На средбата, претседателката Сиљановска Давкова ја истакна неопходноста од продолжување на билатералниот политички дијалог на сите нивоа, размена на посети и градење на односи со меѓусебно почитување и поддршка, при што беше истакнато позитивното искуство во соработката на планот на културната размена, којашто придонесува за зголемување на довербата и пријателството помеѓу двете општества.На средбата беа разменети мислења и за развојот на македонско-бугарските односи низ призма на предизвиците со кои се соочуваме на регионално и на глобално ниво, а за кои е потребен заеднички и усогласен пристап.Во интерес на унапредување на мултисекторската соработка, соговорниците ја посочија можноста за вклучување покрај на институционалните и на вон-институционалните чинители, граѓанскиот и бизнис секторот, како и на научно – образовните институции и медиумите.На средбата, претседателката Сиљановска Давкова упати покана до претседателот Радев за посета на нашата земја, која бугарскиот претседател ја прифати.Претседателката Сиљановска Давкова на средбата изрази сочувство за денешниот трагичен инцидент во Бугарија, во кој при пад на воен авион, загинаа двајца пилоти на бугарската авијација.

Македонија | пред 1 година

Затворена кујната на Воена Академија касарна Гоце Делчев – Аеродром, поради можно труење со храна

Неколку лица од Воена Академија касарна Гоце Делчев – Аеродром Скопје, се пожалиле на можно труење со храна која ја консумирале на 11 септември во мензата на касарната.Инспекциските служби на Агенцијата за храна и ветеринарство во соработка со Центарот за јавно здравје, Институт за јавно здравје – Скопје и Државниот санитарен и здравствен инспекторат при Министерството за здравство, по спроведената епидемиолошка анкета, спроведоа вонреден инспекциски надзор во кујната на операторот каде се подготвува храната која се послужува во мензата на Воената академија.Инспекциски надзор спроведен е и во мензата на касарната Гоце Делчев каде се консумирала храната и каде не се утврдени недоследности.Земени се мостри од храната за лабораториско тестирање, од објектот каде била подготвена и брисеви од работни површини.Кујната каде се подготвувала храната е времено затворена. Наложени се мерки за генерално чистење на кујната и опремата и приборот во неа, спроведување на вонредна дезинфекција, дезинсекција и дератизација од овластена институција.Вработените во кујната кои имале уредно извршен здравствен хигиенски преглед, упатени се на спроведување на вонреден преглед.Кујната каде се подготвувала инкриминираната храна нема да работи се до добивање на резултатите од лабораториското испитување на земените мостри и брисеви со кои ќе се потврди безбедноста.

Скопје | пред 1 година

Зоки Фаци го очекува доста ризична операција и ќе трае неколку часа

Во среда на 18 септември естрадниот новинар Зоран Василевски конечно ќе се оперира во една од приватните скопски болници.За оперцијата и неговата состојба се огласи јутјуберот Стефан Лазаров.„Можам да ве израдувам дека конечно Зоки ќе оди на операција! За жал, му е кажано дека го очекува доста ризична операција која ќе трае неколку часа. Зоки, знам каков борец си и знам дека ќе издржиш и победиш. Те сака помалиот брат и те чека да се вратиш на местото каде што ги поминавме најубавите моменти годинава“, напиша Лазаров.Пред една недела Василевски се врати од Турција каде правеше низа испитувања кои, како што откри Лазаров, за три дена чинеле околу 7.000 евра. Истите покажале дека туморот е над 30 cm и дека има метастази во почетна фаза.

Македонија | пред 1 година

Предлог-законот за заемот од Унгарија ќе се гласа на пленарна седница

Законот со кој ќе се овозможи на македонската влада да земе заем од 500 милиони евра од Унгарија ги мина комисиските филтри. Пратениците на СДСМ не учествуваа во работата на Комисијата.Собраниската Комисија за финансирање и буџет го даде на натамошна постапка Предлог-законот за заем од половина милијарда евра од унгарската Влада, кој се носи по скратена постапка. Со седницата претседаваше Бојан Стојановски откако во дадениот рок во Деловникот, претседателката на Комисијата Сања Лукаревска не ја закажа седницата.Законот е даден на натамошно одлучување на пленарна седница.Собраниската седница на која треба да се гласа за заемот се очекува да се одржи во вторник следната недела.

Македонија | пред 1 година

Загина 60-годишна жена од Прилеп: Автомобил удрил во неа додека возела електричен тротинет

На 12.09.2024 во 15.11 часот во ОВР Прилеп било пријавено дека на ул.„Трајко Николоски“ во Прилеп, патничко возило „мерцедес” со прилепски регистарски ознаки, управувано од К.Д.(47) од Прилеп, удрило во електричен тротинет, управуван од В.П.(60) од Прилеп.Во несреќата, В.П. се здобила со тешки телесни повреди и била пренесена во Градската болница Прилеп, каде што во 17.45 часот починала.Увид на местото на несреќата извршила увидна екипа на ОВР Прилеп.

Македонија | пред 1 година

Ладниот бран од север полека доаѓа и значително ќе ги спушти температурите

По краткотрајната стабилизација на времето која ја имавме во текот на вчерашниот ден, денес (петок) под влијание на нов влажен бран од запад во Македонија ќе има нови врнежи од дожд, локално поројни и проследени со грмежи како и со засилен ветер. Локално повторно ќе наврне позначително количество на воден талог (над 20 л/м2).Локално пак се можни поинтензивни атмосферски процеси, во форма на невреме, проследено со обилен пороен дожд, силен ветер, електрични празнења и со услови за појава на град. Исто така, денес и утре (сабота) повремено ќе дува засилен ветер од јужен и од југозападен правец (повремено и локално со брзина од над 70 км/час).Апелираме во случај на појава на невреме и на електрични празнења во текот на денешниот ден, да не се претстојува на отворен простор и под осамени дрвја.И во Скопскиот регион денес очекуваме нови врнежи од дожд, повремено проследени со засилен ветер од јужен правец. Во делови од котлината врнежите ќе бидат поројни и со услови за појава на грмежи.И за време на викендот ќе има повремени локални врнежи од дожд, повеќе застапени во западните предели.Што се однесува до температурите, тие ќе бидат во позначително опаѓање, особено од недела кога максималните дневни температури ќе бидат значително потпросечни за овој период од годината, и ќе се искачуваат во интервалот само од 15 до 23 степени.Повремени локални врнежи од дожд ќе има и во текот на следната седмица. Температурите и понатаму ќе бидат невообичаено ниски за месец септември, и тоа поради продор на многу поладен воздух од север. Не се исклучува можноста за време на овој период, на највисоките планински места во Македонија (над 2000 м.н.в) да провее и првиот снег за оваа сезона.Исто така, особено на планинските и на високите места во Македонија од недела можна е и појавата на првите утрински мразеви за ова сезона, што значи дека очекуваме многу постудени утра со температури кои на многу места ќе се спуштаат под 10 степени, понекаде и под 5 степени.

Македонија | пред 1 година