ТОП

Ќе имаме пеколно лето: Сепак гледано долгорочно, топлотните бранови ќе траат пократко за разлика од минатите години

Со оглед на тоа дека летото сеуште календарски не е започнато, а од друга страна веќе се соочивме со првиот бран на многу високи температури на воздухот кои беа натпросечно високи за овој период од годината.Секако ова не значи дека пред нас е екстремно топло лето, напротив според долгорочните прогнози со кои ние располагаме ќе имаме едно нормално топло лето, што значи дека не очекуваме некои долготрајни топлотни бранови. Секако топлотните бранови ќе ги имаме и тие ќе условуваат многу високи температури на воздухот, но ќе траат пократко за разлика од изминатите години.Тука се и временските непогоди кои ќе бидат почеста појава и ова лето, особено во јули и во август кога би можело да имаме и поголеми временски непогоди и натпросечно количество на врнежи за тие месеци.Да напоменеме дека тука ни е и метеоролошкиот феномен “Ла Ниња” која особено ќе добива на интензитет кон крајот на ова лето. Таа носи пониски температури и го лади Европскиот Континент, кај нас врнежите токму поради овој метеоролошки феномен во иднина ќе ги има повеќе.Со оглед на тоа дека се работи за сезонска и долгорочна прогноза, граѓаните истата не треба да ја земаат здраво за готово и дека промени во истата се можни, што значи дека сезонските прогнози се со помала веројатност за остварување.

Македонија | пред 1 година

Голем украински напад на аеродром длабоко во Русија

Украина изврши голем напад на аеродром лоциран на околу 200 километри во внатрешноста на Русија, пишува The War Zone, која објави и сателитски снимки на кои се гледаат оштетени руски авиони.Се тврди дека операцијата била извршена со масовен напад со беспилотно летало. Украинските одбранбени и разузнавачки единици употребија најмалку 70 беспилотни летала за да ја нападнат базата во четвртокот, изјави украинскиот генерал-полковник Кирило Буданов, шеф на Управата за одбранбено разузнавање.Аеродромот, кој се наоѓа во Ростовската област, е дом на десетици ловци-бомбардери СУ-34. Иако се чини дека нападот предизвикал одредена штета, сè уште не е познато колку бил успешен.Според сателитски снимки може да се заклучи дека се оштетени неколку авиони. Еден хангар беше главната украинска цел.https://x.com/MarcinRogowsk14/status/1801696452571500869?ref_src=twsrc%5Etfw%7Ctwcamp%5Etweetembed%7Ctwterm%5E1801698458505535957%7Ctwgr%5Ed3b8864da0c75e8976e65449189770f2aaca344d%7Ctwcon%5Es2_&ref_url=https%3A%2F%2Fwww.index.hr%2Fvijesti%2Fclanak%2Ffoto-velik-ukrajinski-napad-na-aerodrom-duboko-u-rusiji%2F2573908.aspxРуски извори го признаа нападот, но беа различни во нивните оценки.Рускиот телеграмски канал Two Majors тврди дека ниту еден авион не бил оштетен. Рускиот телеграмски канал Kremlin Snuff Box тврди дека додека повеќето од беспилотните летала биле соборени пред да стигнат до нивната цел, некои успеале да се пробијат и дека шест пилоти биле убиени, а десет војници биле ранети.Во меѓувреме, Буданов изјави за Воената зона дека проценката на штетите е во тек. „Чекаме информации дали некој авион е уништен или оштетен“, рече тој.„Операцијата беше започната внатре во Украина“, рече Буданов, додавајќи дека најмалку 70, а можеби и повеќе украински дронови „Драгон“ и „Сплеш“ го погодиле аеродромот.Оваа бројка се согласува со она што го објави рускиот канал „Ту мајорс“ во петокот. На тој канал се пожалија дека нападот ја покажал големата ранливост на руската противвоздушна одбрана во војната со дронови.„И покрај неуспехот на непријателот да ги постигне целите да го уништи нашиот авион вечерва на аеродромот Морозовск во Ростовската област, способноста на вооружените сили на Украина да лансираат 70 беспилотни летала длабоко на нашата територија одеднаш, како и нивната способност да ја заобиколат противвоздушната одбрана. пред да се приближи до аеродромот, укажува дека непријателот има висок потенцијал за употреба на овој вид импровизирано оружје“, објави каналот.https://x.com/Gerashchenko_en/status/1801643255630574063?ref_src=twsrc%5Etfw%7Ctwcamp%5Etweetembed%7Ctwterm%5E1801643255630574063%7Ctwgr%5Ed3b8864da0c75e8976e65449189770f2aaca344d%7Ctwcon%5Es1_&ref_url=https%3A%2F%2Fwww.index.hr%2Fvijesti%2Fclanak%2Ffoto-velik-ukrajinski-napad-na-aerodrom-duboko-u-rusiji%2F2573908.aspx

Свет | пред 1 година

Трагедија: почина голманот на Црна Гора на 26 години, ненадејно му се слоши

Голманот на црногорската репрезентација Матија Шаркиќ почина утрово во Будва, објави „Вијести“.Според овој медиум, му се слошило во станот во кој престојувал, по што починал.Шокантната вест растажи многумина во Црна Гора, дотолку повеќе што Матија неодамна блескаше на натпреварот на репрезентацијата против Белгија во Брисел.Шаркиќ имал 26 години, а пораснал играјќи фудбал во помладите категории Андерлехт и Астон Вила.Тој бранеше за Милвол во Англија, каде што е роден во јули 1997 година во Гримсби. Играше и за Виган, Стратфорд, Бирмингем, Стоук, Шрусбери, Ливингстон и други клубови.Тој одбра репрезентативно да ги брани боите на Црна Гора и во претходните пет години одигра девет натпревари за „децата“. Тој го имаше своето деби против Белорусија во 2019 година.

Спорт | пред 1 година

ЗНАМ ги објави кандидатите за министри

На прес конференцијата на Движењето ЗНАМ беше објавено дека Игор Филков ќе биде номиниран за министер за правда.Игор Филков, бизнисмен со дипломирани правни студии на скопскиот Правен факултет ќе биде предлог на ЗНАМ за нов министер за правда.Вториот кандидат на ЗНАМ за министер е генералниот секретар на движењето ЗНАМ Горан Минчев ќе биде нов министер за администрација, соопштија од партијата на Максим Димитриевски.Од ЗНАМ дополнително ќе ги соопштат имињата на замениците министри и на директорите кои им се доделени во коалициските договори.

Македонија | пред 1 година

Тетовец пронајден мртов во својот дом, телото предадено на обдукција

Вчера во 14.15 часот во СВР Тетово било пријавено дека И.И.(77) од Тетово е пронајден починат во својот дом.Лекар од Итна медицинска помош констатирал смрт, а пo наредба на јавен обвинител телото на починатиот било предадено на обдукција, информира МВР.Увид на местото извршила екипа на СВР Тетово.

Македонија | пред 1 година

Избрани потретседателите на Собранието: Бендевска се заколна во РС Македонија, а Митрески во Република Северна Македонија

Пратениците Антонијо Милошоски од ВМРО-ДПМНЕ, Јован Митрески од СДСМ и Весна Бендевска од Движењето ЗНАМ се избрани за потпретседатели на Собранието. За нивниот избор на потпретседателската функција во Собранието гласаа мнозинство пратеници на денешната пленарна седница.За изборот на пратеникот Антонијо Милошоски за потпретседател гласаа 69 пратеници, Јован Митрески го поддржаа 82 пратеници, а за пратеничката Весна Бендевска гласаа 70 пратеници.По гласањето, новоизбраните потпретседатели дадоа свечена изјава во пленарната сала. Заклетва пред пратениците дадоа Јован Митрески и Весна Бендевска. Антонијо Милошоски отсуствуваше од седницата поради здравствени причини.Пратеничката Весна Бендевска во заклетвата кажа Р.С Македонија, а Јован Митрески го изговори целосното уставно име на државата Република Северна Македонија, како што ја прочита и собранискиот спикер.

Македонија | пред 1 година

Нема фотографија

Условите на Путин за да се стави крај на војната со Украина

Украина мора да ги повлече своите војници од сите нови региони на Русија за да започне преговори, изјави претседателот Владимир Путин.Тој додаде дека вториот услов за преговори треба да биде изјавата на Киев дека се откажува од намерата за влез во НАТО.

Свет | пред 1 година

Татко во алкохолизирана состојба ја избодел ќерката во Призрен: Девојчето се бори за живот

Синоќа нешто по полноќ во Призрен е уапсен татко кој во алкохолизирана состојба со нож ја нападнал својата ќерка (21) и и нанел повреди опасни по живот. Регионалниот полициски центар во Призрен потврди дека А.Ш. (44) со нож ја нападнал ќерката Е.Ш по расправија под дејство на алкохол, нанесувајќи и повреди на грбот.Таа е во критична состојба и лекарите во болницата во Призрен се борат за нејзиниот живот.Случајот е окарактеризиран како обид за убиство.Осомничениот татко, бил во алкохолизирана состојба и по наредба на надлежен обвинител му е одредена мерка притвор до 48 часа.

Свет | пред 1 година

Сите што упаднаа во М-НАВ се спогодија: сите се условно осудени

Основниот кривичен суд Скопје денеска донесе пресуди врз основа на предлог-спогодби со седум лица обвинети како соизвршители на кривично дело – Спречување на службено лице во вршење службено дејствие од член 382 став 3 во врска со став 1 од Кривичниот законик. На шестмина од обвинетите за стореното кривично дело им е изречена алтернативна мерка – условна осуда, односно казна затвор во траење од шест месеци, која нема да се изврши доколку во рок од една година и шест месеци по правосилноста на пресудата не сторат ново кривично дело. За еден обвинет, кој преземал потешки дејствија за да го попречи службеното лице и бил претходно осудуван за дело против општата сигурност, изречена е алтернативна мерка – условна осуда со заштитен надзор, односно казна затвор во траење од две години, која нема да се изврши доколку во рок од пет години по правосилноста на пресудата не стори ново кривично дело, и истовремено Судот на тој обвинет му одреди и други обврски кои ќе бидат предмет на заштитен надзор.Надлежниот јавен обвинител од Основното јавно обвинителство Скопје ги склучи предлог- спогодбите по целосно прибирање и анализа на доказниот материјал поврзан со настанот кој се случи на 4 јануари во просториите на М-НАВ, на Меѓународниот аеродром Скопје. Имено, во текот на истражната постапка беа обезбедени вербални искази од вработени лица во М-НАВ како сведоци на настанот и од оштетеното службено лице, како и извештаи за безбедноста на авиосообраќајот во критичниот момент од Агенцијата за цивилно воздухопловство и од меѓународната агенција Еуроконтрол. Овие докази не посочуваат дека во времето на извршување на дејствијата на обвинетите имало опасност и била загрозена безбедноста на воздушниот сообраќај и од тие причини повеќе не опстојува кривичното дело – Загрозување на безбедноста на воздушниот сообраќај од член 303 од Кривичниот законик за што беше поведена истрага.Од видео материјалот прибавен во истрагата и исказите на оштетениот и сведоците произлегува дека единствено се исполнети обележјата на кривичното дело – Спречување на службено лице во вршење службено дејствие и тоа согласно ставот 3, за кој е запретена казна затвор од 3 месеци до 5 години. Од тие причини, надлежниот јавен обвинител побара и доби согласност од Вишото јавно обвинителство Скопје за промена на правната квалификација под која се водеше досегашната постапка.Обвинетите, со заедничко дејствие на извршување, со сила дека непосредно ќе нападнат врз телото на оштетениот – лице што во рамките на своите овластувања врши работи од јавен интерес како контролор на летање, го спречиле во вршење на службеното дејствие. Откако влегле во објектот на М-НАВ спротивно на одредбите од Правилникот за редот и дисциплината на вработените во навигациското тело, тие започнале насилнички и навредливо да се однесуваат кон оштетениот вработен.Настанала расправија и турканица помеѓу обвинетите и оштетениот, при што во еден момент еден од обвинетите му удрил шлаканица во пределот на лицето на оштетениот. По настанот, сите го напуштиле објектот на М-НАВ, оштетениот не се вратил на работното место и на тој начин со нивните дејствија обвинетите го спречиле оштетениот во вршење на своите професионални задачи, како контролор на летање на давање услуги на воздухопловна навигација.Соочени со доказите за ова кривично дело, обвинетите изразија подготвеност да склучат предлог – спогодба со обвинителството и да ја прифатат осудителната пресуда. При одмерување на определените санкции беа ценети сите околности и дејствијата на секој од осомничените во предметот поединечно, отсуството на трајна последица, како и судската пракса за осуди за вакви кривични дела.За осмиот осомничен опфатен со првичната истрага постапката е запрена, бидејќи тој не учествувал во дејствијата на спречување на службеното лице во вршењето на работите.

Македонија | пред 1 година

Милошоски, Митревски и Бендевска кандидати за потпретседатели на Собранието

Пратениците Антонио Милошоски од ВМРО-ДПМНЕ, Јован Митревски од СДСМ и Весна Бендевска од ЗНАМ се кандидатите за потпретседатели на Собранието на Република Северна Македонија.Со мнозинство гласови, денеска беше утврдена и Предлог – одлука за изменување и дополнување на Одлуката за избор на претседатели, заменици на претседателите, членови и нивни заменици на комисиите на Собранието на Република Северна Македонија.На денешната седница, со еден глас против, Комисијата го донесе и решението за добивање на апанажа на поранешните пратеници Арбен Зибери, Љатифе Шиковска, Енес Ибраим, Снежана Калевска Ванчевска, Бастри Бајрами, Вјолца Адеми и Бедри Фазли.Под точката разно, претседателот на Комисијата, пратеникот Ѓорѓија Сајкоски од ВМРО-ДПМНЕ, ги информираше членовите дека потпишал решенија за плата на сегашните пратеници на кои што Собранието им го верификувало мандатот, на координатори на пратенички групи, на избрани претседатели на работни тела, на новиот претседател на Уставен суд, Дарко Костадиновски, како и на поранешна претседателка на судот, Добрила Кацарска.

Македонија | пред 1 година

Во тек реконструкција на Владата во Грција, денешната седница одложена

Претпладнево портпаролот на грчката Влада, Павлос Маринакис ќе го соопшти новиот владин состав, информираат од Премиерската палата.Во изминатите денови, односно по европските избори во неделата, сè погласни беа сценаријата дека грчкиот премиер Кирјакос Мицотакис планира да направи реконструкција на Владата.Утрово од кабинетот на Мицотакис информираа дека денешната закажана владина седница е одложена и дека е во тек реконструкција.

Свет | пред 1 година

Србин убиен во Германија: Пронајден искасапен во изнајмен стан

Во изнајмен стан во Бремен, Германија, пронајдено е телото на Тутинецот Ненад Неша З., а полицијата открила страшна глетка.Како што пренесуваат германските медиуми, грозоморното злосторство било откриено вчераутро кога несреќникот од Тутина не дошол на работа. Наводно, се сомнева дека го убил цимерот, кој прво го заклал, а потоа му го искасапил телото. Според локалните медиуми, се уште не се знае дали осомничениот цимер е уапсен и изведен пред лицето на правдата.Пријателите од Тутин на социјалните мрежи се збогуваат со него со потресни пораки.„Прво, ова е човек кој беше сакан, почитуван и почитуван од целиот Тутин. Кога го видов зрачеше со позитивна енергија, никогаш не го сретнав нервозен или тажен. Човек кој не ги делел луѓето по националност, вера или припадност. Нешо, да ти е лесна државата, а искрено сочувство до семејството“, напиша млад човек.Под објавата имаше само тажни коментари од типот „сè правилно напиша, нашиот Неша ги имаше сите позитивни квалитети и нека почива во мир“.„Тутин и сите Тутинци, каде и да живееме, знаеме кој бил Неша и каков бил. Такво монструозно злосторство, што ми се случи утрово не можам да се вразумам. Чиста душа, дали е можно? Луѓе?!“, напишал друг жител на Тутина, а исто така под неговата објава имало само низа коментари, пренесува Курир.рс.„Тој беше добар човек, човек кој не можеше да каже не или не, чиста душа. Не ми се верува дека некој би можел да подаде рака врз него, најдобриот меѓу нас? Добриот наш Нешо, лесна ти е оваа црна земја и почивај во мир и знај дека си на многу подобро место од ова каде што престојуваме. Најдобрите го заслужуваат само најдоброто, а сите ние можеме да посведочиме дека ти беше еден од најдобрите што шетаа по овие улици на Тутина“.Истрагата е во тек, а германските истражители ќе го утврдат мотивот на ова грозоморно злосторство кое ги потресе сите луѓе кои го познавале убиениот. Инаку, според пријателите на убиениот на социјалните мрежи, тој бил убиен од негов цимер кој по потекло е од Босна и Херцеговина.

Свет | пред 1 година

Страшно злосторство го потресе Балканот: Девојка претепана до смрт, па спакувана во куфер

Ново страшно злосторство го потресе Балканот, по откривањето на телото на девојката (31) која била претепана до смрт, а нејзиното тело потоа било спакувано во куфер и фрлено.Грозоморно убиство се случи минатата недела во Велики Варадин, а телото беше пронајдено на паркинг во станбен комплекс.Истрагата утврдила дека убиеното девојче и нејзината сестра биле принудувани на проституција. Наводно во целата приказна е вмешан и познаник од нивното родно село, а се верува дека девојката е убиена затоа што „не заработувала доволно“. Полицијата уапсила тројца осомничени.Маж и жена, родуми од Бихор, се приведени под сомнение дека биле дел од синџир за проституција во Велики Варадин. Се сомневаат дека имале два стана во градот, каде што ја принудувале убиената девојка на проституција. Токму во еден од тие станови една девојка била претепана до смрт.Се претпоставува дека девојката ја тепале додека не умрела, а потоа по наредба на газдата телото го спакувале во куфер и го оставиле на паркингот на станбен комплекс од другата страна на градот.На жртвата и нејзината сестра било извршено физичко и психичко насилство, а за делото се осомничени три лица. Жртвите биле изгладнети и држени во нехумани услови, во еден тоалет“, соопшти обвинителството.Шефот на синџирот за проституција знаел дека двете сестри се во лоша финансиска состојба, поради што ги измамил и тргувал со нивните тела. Помладата сестра на убиеното девојче е во болница, бидејќи и таа била претепана до смрт.Според обвинителството, се верува дека двете сестри дури биле принудени да ја продадат куќата на нивниот татко и да подигнат кредит. Родителите на двете девојчиња пред две години изгубиле секаков контакт со нив. Не се знае дали се обидувале да ги најдат.Според медиумите, еден од тројцата осомничени на распитот ги признал делата.Наводното убиство се случило за време на „казнување“ на две сестри, бидејќи повеќе не заработувале доволно пари преку проституција. Постарата сестра им подлегнала на повредите во станот.„Жртвата има повеќекратни скршеници на коските на лицето и ребрата“, велат од болницата во која е хоспитализирана помладата жртва.

Свет | пред 1 година

Времето викендов: Свежо утро во сабота, но ќе биде стабилно и без врнежи

Викендот кој е пред нас ќе го одбележи стабилно, суво и сончево време, особено во недела и со појава на мала до умерена локална облачност. Ќе дува слаб до умерен ветер од северен и од северозападен правец.Сепак утрешното утро ќе биде и значително посвежо со минимални утрински температури кој ќе се спуштаат во интервалот од 7 до 17 степени во најтоплите југоисточни предели од државава. Преку денот температурите ќе бидат високи, но не толку високи како што беа изминатите денови, па така тие преку ден ќе се искачуваат во интервалот од 27 до 36 степени.Во Скопје и околината исто така овој викенд ќе имаме стабилно, суво и претежно сончево време. Ќе дува слаб до умерен ветер од северен и од северозападен правец. Температурата ќе се искачува во интервалот помеѓу 30 и 33 степени.

Македонија | пред 1 година

Нема фотографија

Повторно земјотрес во Србија: Четврти земјотрес во последните 11 дена

Јагодина синоќа ја погоди земјотрес со јачина од 2,1 степени според Рихтеровата скала.Иако овој земјотрес не е силен и не може да предизвика материјална штета, интересно е што ова е четврти земјотрес во последните 11 дена во подрачје кое е мирно во претходните шест години.Земјотресот повторно е регистриран на потегот Ракитово-Мијатовац, на длабочина од два километри.Ова е втор земјотрес во истиот ден, откако претходно ноќта меѓу среда и четврток беше регистриран земјотрес со јачина од 2,3 степени.Вториот, послаб земјотрес е забележан синоќа околу 23 часот.

Свет | пред 1 година

Трагедија во Кратово: Жена со нож го усмртила сопругот, а потоа и свекорот

Двојно убиство доцна синоќа во Кратово.Жена на возраст од 37 години со нож го усмртила својот сопруг, а потоа и свекорот, таткото на нејзиниот сопруг.Причината за ваквото убиство била семејна расправија.Жената е приведена во полициска станица, очекуваме повеќе информации наскоро.

Македонија | пред 1 година

(ВИДЕО) Јанкулоска за Груевски: Немам време за читање лектири, на негово место со првиот авион би се вратила во Македонија

Поранешната министерка Гордана Јанкулоска беше брутално искрена кога во прашање е Никола Груевски. Таа не ги криеше разочарувањата, но не го напаѓаше без факти и аргументи.На прашањето дали му замерува за бегството таа вели дека таквиот чекор можеби е немање на храброст, а доколку ја побара повторно да биде дел од неговиот кабинет таа не би прифатила.Јанкулоска додаде и дека не ги чита неговите објави на социјалните мрежи оти не ја интересираат.„Не, не ги читам, немам јас толку време да читам лектири, тоа што ме интересира читам, а за што пишува и како пишува, навистина не ме интересира, посебно не гледам поента нити во тоа да ги читам, нити пак гледам поента да се пишуваат такви написи од дистанца. Тој што сака нешто да смени, што сака нешто да направи, треба да е тука и тука да ги артикулира своите ставови. Сега тоа е како да пишам во Кина што треба да се прави.Неговите постапки зборуваат за него и за неговиот карактер. Ќе си дозволам да дадам коментар, мислам дека неговиот кредибилитет ќе беше без оглед на суровоста со која тој се соочи како нас со неправедниот политички прогон, ќе беше многу поголем тој кредибилитет ако останеше овде да се бори“, вели Јанкулоска.Таа вели дека доколку била на негово место со првиот авион од Будимпешта би слетала во Македонија и би се борела.„Јас да сум на негово место не би чекала да има екстрадиција, јас би дошла сама. Нема да дозволам да бидам ставена во една постапка на екстрадиција. Сама ќе го фатам првиот авион и ќе дојдам и ќе се борам во една атмосфера која очекувам да биде многу поправедна и многу подемократска по промената на власта“, додава Јанкулоска

Македонија | пред 1 година

Славески за студирањето медицина кај Мерко: Бог нека ни е на помош

На мрежата ,,Х” се огласи Трајко Славески за новата образовна гранка на универзитетот на Рамиз Мерко.,,Еден мој поранешен професор на Економски факултет - Скопје, по потекло од Струга и учесник во НОБ, сега одамна починат, кажуваше една анегдота за лекар во неговиот роден град, од периодот меѓу двете светски војни, со диплома од Виена.Наводно, на што и да се пожалел пациент кај него, му препишувал аспирин. Човек му доаѓа позеленет во лицето, ќе го потчукнел по слабините и ќе го препорачал семоќниот лек.Според професорот, тој да ти бил од оное Für den Balkan gut (добар за Балканот) лекари со дипломи од европските универзитети од тоа време.Денес ја прочитав “убавата вест” дека дошло време во градот Струга да се образуваат лекари. Каде на друго место освен на далеку познатиот “универзитет на Рамиз Мерко”.Дозволата за отворање “студии по медицина” ма овој “универзитет” ја потпишал неговиот сопартиец и министер за образование и наука во заминување, господинот Јетон Шакири.Значи, по отприлика сто години од т.н. Für den Balkan gut лекари, Струга во наредните неколку години треба да ги “изучи” сопствените медицинари. Практиката ќе покаже само за каде ќе бидат “добри”.Во овој контекст, се потсетив на уште нешто. При еден мој престој на државниот универзитет Аризона, во САД, во 1997 година, од колегите професори на економскиот факултет разбрав дека сојузната дежава Аризона нема сопствен медицински факултет, туку само еден колеџ на Универзитетот Аризона во јужниот град Тусон. Во тоа време Аризона имаше околу 5 милиони жители.Денес Аризона има население од околу 7,5 милиони жители, што придонело да се зголеми побарувачката на студии по медицина.За таа цел, по 2007 година се отворени уште два-три медицински факултети, заедно со тој од градот Тусон, кој во меѓувреме прерасна во медицински факултет.Значи, со најновиот медицински факултет на струшкиот градоначалник од црната чиста на САД, Македонија ќе ѝ парира на седум милионската Аризона во студиите по медицина.Се разбира, во квантитет, а за квалитетот - Бог нека ни е на помош!”, напиша Трајко Славески.

Македонија | пред 1 година

Мерко доби дозвола за основање Факултет за здравствени науки во Струга

Меѓународниот универзитет во Струга, зад кој стои струшкиот градоначалник Рамиз Мерко, ќе добие нова образовна гранка. Отсега на универзитетот ќе има и Факултет за здравствени науки. Вакво решение донесе министерот за образование и наука во заминување е Јетон Шаќири.Според Министерството за образование и наука е утвредено дека се исполнети условите за почеток со работа на Факултетот за здравствени науки при Меѓународниот Универзитет во Cтруга. Позитивно мислење дале Агенцијата за квалитет на високо образовани и Одборот за акредитација.Во Македонија има неколку медицински факултети, вклучувајќи го Медицинскиот факултет во Скопје, Штип и Тетово, а од минатата година дозвола за основање на Факултет за здравствени науки доби и Меѓународниот универзитет „Визион“ во Гостивар.

Македонија | пред 1 година

Скопје е домаќин на Самит на шефовите на држави и влади од југоисточна Европа

Меѓу гостите во Скопје се претседателите на Албанија, Косово, Црна Гора, шефот на грчката дипломатија.Во Скопје денеска се оддржува Самитот на шефови на држави и влади во Процесот на соработка во Југоисточна Европа но и состанок на министри за надворешни работи.Претседателката Сиљановска Давкова ќе биде домаќин на делот од самитот на кој ќе се одржи состанок со шефовите на државите.

Македонија | пред 1 година

Приведен македонец во Бор: Провали во магацин на кинеска компанија, крадел кабли и делови за машини

Полицијата ги пронашла украдените предмети и му ги вратила на сопственикотПолицијата во Бор го уапсила државјанин на Македонија Н.Г.(51) за тешка кражба.Тој е осомничен дека провалил во магацини на кинеска компанија и украл околу 400 килограми високонапонски кабел, 134 килограми бакарен кабел, 79 килограми бронзени делови за работни машини и други предмети.Полицијата ги пронашла украдените предмети и му ги вратила на сопственикот.По наредба на Основното јавно обвинителство Бор, на осомничениот му е одредена мерка притвор во траење до 48 часа и со кривична пријава ќе биде изведен во обвинителството.

Свет | пред 1 година

Петровска ја почна кампањата за претседател на СДСМ

Кандидатката за претседател на СДСМ, Славјанка Петровска ја започна својата кампања во ОО Бутел.,,Во матичната ОО Бутел ја отпочнав кампањата за претседател на СДСМ.Го презентиравме “Манифестот за Социјалдемократија” програмата со која планирам големи реформи во СДСМ и да го вратиме победничкиот дух, затоа што тоа е за доброто на државата.Благодарам на сите за масовата поддршка на првиот ден од кампањатa”, напиша Славјанка Петровска на својот Фејсбук профил.

Македонија | пред 1 година

(Фото) Транспарент против Филипче во Аеродром

„Венко (Заев) за вас вратата е затворена“. Пораката која граѓаните на општина Аеродром му ја порачаа на Венко Филипче.Транспарентот стои пред партискиот штаб на СДСМ.Оваа герила акција доаѓа по кандидирањето на Венко Филипче за претседател на СДСМ.

Скопје | пред 1 година

Страшно злосторство во Германија: Мачеле девојка со часови, па ја фрлиле онесвестена во река, девојчето преживеало

Тројца мажи и една жена со часови мачеле и избоделе седумнаесетгодишно девојче, а потоа во несвест го фрлиле во реката Емс во Германија. За среќа, девојчето преживеало.Тројца мажи се во притвор за обид за убиство, а жена е уапсена за помагање и поттикнување на крајно брутално злосторство и поттикнување на убиство.„Злосторството е многу грозоморно и сурово. Мотивот засега е непознат. Девојчето имала голема среќа што го преживеала ова злосторство“, изјави во вторникот Александар Ретемајер од јавното обвинителство во Оснабрик.Злосторството се случило на 27 мај.Според првата изјава на истражителот, 17-годишната девојка ги познавала четворицата обвинети.„Според нејзините изјави, обвинетиот неколку часа ја мачел на осамено место каде што ја намамале. На крајот била фрлена врзана и во несвест во студената река Емс“, изјави државниот обвинител Александар Ретемајер.Местото каде што била малтретирана е напуштен дел од театарот на отворено во Мепен. Како резултат на малтретирањето, тинејџерката се здобила со повреди опасни по живот. Ретемајер се сомнева дека се разбудила од несвест во студената вода и успеала да се спаси „Температурата на водата во реката таа ноќ била 12 степени“, додаде тој.Според истражителите, претепаната девојка успеала да излезе од реката до брегот. Таа со последните сили се влечела до својата куќа и заѕвонила, а потоа изгубила свест и се струполила на прагот.Службите за итни случаи примиле повик во 04:12 часот.Девојчето со повреди опасни по живот е пренесено во болница. Инспекторите соопштија дека животот на девојчето повеќе не е во опасност.Како што соопштија од полицијата и од државното обвинителство, четворицата обвинети се 24-годишен маж, 27-годишна жена и двајца 19-годишници. Истрагата за точниот редослед на настаните и мотивот на злосторството е во тек.Полицијата не соопштува никакви информации за нивниот идентитет.

Свет | пред 1 година

(Видео) Јанкулоска: Затворот беше шок, не беше карма, јас сум истата личност која бев и пред осум и пред 18 години

Ексминистерката за внатрешни работи, Гордана Јанкулоска гостувајќи во поткастот „Претрес со Ландов“ отворено говореше за промените кај нејзе откако помина повеќе години во затвор, но и за нејзините односи со експремиерот и бегалец, Никола Груевски, ексдиректорот на УБК, Сашо Мијалков, но и за првпат објасни многу детали за „бомбите“ на Заев. Јанкулоска посочува: „Меѓутоа, во основа нашите карактери како личности се формираат на помалата возраста и јас верувам дека јас сум си уште истата личност што бев и пред 8 и пред 18 години“.„Јас никогаш и не сум ни бегала од одредени пропусти и грешки и што се случиле во мојот ресор. И можеби што некој ги доживеа како мои лични пропусти, впрочем, животот е составен и од подеми, и од падови, и од успеси, и од грешки. Би било лошо ако не гледаме реално на нив, не ги согледуваме и останеме заробени во некоја статус-кво ситуација, меѓутоа за себе сметам дека не сум таква личност, што е заробена во некој момент и не гледа напред“ вели Јанкулоска во „Претрес“.Отворено призна дека затворот бил шок за неа, а грешка кај неа во случајот „Тенк“ за набавката на „мерцедесот“ поради кој заврши во зандани - не гледа.„Меѓутоа, кога човек ќе се најде во една таква ситуација, практично има избор помеѓу две опции, или да издржи, или да не ја издржи целата таа ситуација“, додава таа.Прашана дали кармата го направила своето и затоа таа завршила зад решетки, посочува: „Нема да се согласам дека е карма. Ако беше карма, јас ќе бев наградена за мојата работа, но се случи тоа што се случи, јас за целиот мој мандат во ниту еден момент не се доведов во ситуација, некој да ме става корелација со скопското подземје или со некои криминални групи, луѓе што се занимаваат со недозволени активности, напротив, успеав да задржам една и лична и професионална дистанца...“.Слушнете и за снимките од прислушуваните разговори, детали за Груевски и Мијалков, функционирањето на МВР, деновите во затвор, односот со Катица Јанева зад решетките и други за првпат отворени теми и дадени одговори:

Македонија | пред 1 година