Вчера имаше потрага по исчезнато лице во Општина Битола.Конкретно Регионалниот ЦУК Битола, информираше дека лице на 19 години од Горно Оризари е пријавено за исчезнато од страна на неговите родители во МВР СВР Битола во 20:30 часот.Пред полноќ акцијата успешно завршила. Во 23:50 часот од полицајците на МВР СВР Битола изгубеното лице е пронајдено.
Македонија | пред 1 година
Член на италијанската опозиција вчера беше изнесен од италијанскиот парламент во инвалидска количка по расправија и тепачка за време на расправата за поголема регионална автономија.Леонардо Доно од популистичкото Движење пет ѕвезди прво бил турнат, а потоа соборен на подот, јавуваат италијанските медиуми.Причината е дебатата за диференцирана автономија на регионите, со што регионите би добиле поголема моќ, а опозицијата остро се спротивстави.Дел од опозицијата ја пееја химната и ги истакнаа знамињата на таа земја, а кога Доно се обиде да му го предаде знамето на еден од министрите, дојде до туркање.Се уште не е јасно дали паднал сам или некој го турнал. Eден од чуварите кој се обидел да интервенира за да го прекине конфликтот е повреден.Никола Фратојани, еден од пратениците, изјави дека Дон бил удрен неколку пати во главата, поради што паднал на земја. Потоа му се слошило и му била потребна интервенција на лекарите кои го однеле во инвалидска количка.Седницата е прекината, а во моментов се разгледуваат снимките за можни мерки по овој инцидент.
Свет | пред 1 година
Земјотрес со јачина од 2,3 степени според Рихтеровата скала во текот на ноќта ја потресе Јагодина.Според Републичкиот сеизмолошки завод, земјотрес со јачина од 2,5 степени според Рихтеровата скала е регистриран во Јагодина.„Теоретскиот интензитет во епицентарот се проценува на III-IV степени од Меркалиевата скала. Земјотресите со ваков интензитет не можат да предизвикаат штета на зградите во епицентралното подрачје“, се наведува на веб-страницата на институтот.Да потсетиме, за десет дена ова е трет земјотрес регистриран на ова подрачје. Првиот беше 2,6 степени, додека вториот беше забележан на 11 јуни и беше 2 степени по Рихтеровата скала.
Свет | пред 1 година
Се можеше да биде поинаку доколку Лука Дончиќ не примил два претерано наивни фаули и би бил исклучен на четири минути до крајот. Сепак, Бостон победи со 106:99 и сега е на еден триумф до рекордната титула во НБА.Тоа би била 18-та титула во историјата на НБА, а моментално се изедначени со Лос Анџелес Лејкерс за првото место на вечната листа на шампиони. Тоа најверојатно наскоро ќе се смени доколку го видиме најлудиот пресврт во историјата на кошарката. Никој никогаш не се вратил од 0-3 во НБА плејофот.Бостон во еден момент водеше со 91:70, а потоа Далас успеа да се врати на нереален начин. Маверикс тргнаа во серија 22:2 и заостанаа само еден поен на три и пол минути до крајот.Сепак, вербата на тимот дека може да постигне победа веќе беше целосно убиена порано. Дончиќ стигна до шестиот, исклучувачки фаул на 4:12 преостанати од натпреварот, а предизвикот беше неуспешен.
Спорт | пред 1 година
Исчезнато е лицето Стефан Ангеловски од населбата Горно Оризари во Битола, објавено е на социјалните мрежи.Како што е наведено во објавата која масовно се споделува, младото момче е високо 190 сантиметри, има тежина од околу 90 килограми.„Стефан е облечен во црна маица, бермуди и бели патики. За било каква информација јавете се на 192“, се вели во објавата.
Македонија | пред 1 година
Министер за внатрешни работи треба да биде Александар Јанев, кадар на ВМРО-ДПМНЕ од техничката влада во 2020, кога беше началник на Одделот за сузбивање на сериозен и организиран криминал. Ова се неофицијални партиски информации до кои дојде „Скопје1“.Меѓу останатите се:Министер за одбрана – Игор Јанушев,Министер за внатрешни работи – Александар Јанев,Министер за правда – „ЗНАМ“,Министер за заедници – Љупчо Димовски,Министер за надворешни работи и трговија – Тимчо МуцунскиМинистер за економски прашања – АлтернативаМинистер за финансии – Гордана ДимитриевскаМинистер за економија и труд – Бесар ДурмишиМинистер за енергетика – Сања БожиновскаМинистер за земјоделство – Цветан ТрипуновскиМинистер за здравство – Арбен ТаравариМинистер за образование и наука – Весна ЈаневскаМинистер за социјална политика – Фатмир ЛиманиМинистер за транспорт – Александар НиколовскиМинистер за екологија – Изет МеџитиМинистер за спорт – Борко Ристевски.Сите овие имиња дополнително треба да бидат потврдени од Извршниот и Централниот комитет на ВМРО-ДПМНЕ.
Македонија | пред 1 година
Царина отфрлила пет понуди, пред да ја прифати понудата од 10 милиони денари за набавка на мебел, потврдуваат и оттаму. Четири од овие фирми, понудиле и пониски цени, но ниту една го немала клучниот сертификат за да ги инкасира милионите во замена за столиците, бироата и кујната. Сертификатот, според Институтот за стандардизација е нов во правниот промет и во Македонија се имплементира од 30.12.2023 година, а не е познато кои сертификати се еквивалентни на овој.Царинската управа не се ни потрудила да ја измени техничката спецификација, со цел да ги постигне истите ефекти, а за да не се случи неоправдано да ја ограничува конкуренцијата меѓу економските оператори. Сертификатот ги парализираше останатите понудувачи, а само чаирската фирма „Макс флам“ го поседувала истиот.„Тендерот е спроведен согласно сите законски процедури. Ве известуваме дека од добиени 6 понуди, пет од нив се одбиени поради некомплетна документација, односно истите не ги доставиле бараните сертификати за квалитет, безбедност, цврстина и издржливост, а дел од нив не доставиле ниту валидна потврда за платени даноци кон државата што е услов за прифаќање на понудите“, велат од Царинска управа за „Скопје1“.Понудата на „Макс флам“ е втора по скапотија, ако се земат во предвид останатите понуди. „Скопје1“ праша и очекува одговор, која е фирмата која ја има поднесено највисоката понуда. Истовремено, Царина со помош на сертификатите кои ги поседува само една фирма, се правда за тоа зошто не е избрана најниската понуда.„За понудата од 3,8 милиони денари којашто е наведена во вашиот текст беа приложени неважечки сертификати и сертификати од лабораторија која не е акредитирана, за што имаме и официјален допис од Лабораторијата за тестирање мебел при Факултетот за дизајн и технологии на мебел до коишто официјално се обративме“, додаваат оттаму.Тие посочуваат дека ниту една од фирмите кои имале пониски цени не поднела жалба.„Фирмата која што е избрана за најповолен понудувач е единствениот понудувач кој ја има целокупната потребна документација за понудата да биде валидна и ги поседува бараните сертификати за квалитет, безбедност, цврстина и издржливост согласно тендерската документација, за што исто така е добиена потврда од Лабораторијата за тестирање мебел“, посочуваат од Царина.Побаравме одговор и зошто не е спроведена е-аукција со која цените на производите би можеле да бидат и пониски, на што добивме одговор: „Во однос на вашето прашање зошто набавката на канцелариски мебел е спроведена без е-аукција сакаме да ве известиме дека е постапено согласно укажувањето и препораката на Бирото за јавни набавки добиено во јануари 2023 година, договорните органи да го ограничат користењето на е-аукција“.Извесен Игор од Царинската управа, кој контактираше со редакцијата на „Скопје1“, а не сакаше да го каже ни презимето, посочува дека наодите кои ги објавивме во текстот „Во Царина ќе се седи на „позлатен“ мебел? Избрана понуда од 10 милиони за столици и бироа, отфрлена фирма која ќе ги набавела за 3,8 милиони“ има неточни наводи, а во реакцијата нема наведено кои се тие. Тој кажа дека нив им треба подолго време од 20 минути за да дадат одговори, но иако им дадовме час и половина, тие не дадоа одговори на новиот сет прашања, меѓу кои: дали неоправдано е ограничена конкуренцијата помеѓу економските оператори, зошто немало е-аукција со оглед дека истата не е забранета, зошто сертификатот кој не го поседуваат повеќето од фирмите не се замени со други сертификати или документи за гаранција, но и како очекуваат фирмите кои биле исфрлени да се жалат на одлуката за избор на најповолен понудувач, кога е јасно дека не го поседуваат сертификатот кој го има само чаирската фирма.Царинската управа ќе набавува столици поскапи и за 300% од вообичаената пазарна цена, преку договорот вреден над 10 милиони денари. Директорот во заминување, Стефан Богоев, успешно го заврши тендерот со кој набавува канцелариски мебел и кујна. Со него, Царина ќе добие нови канцелариски ротирачки столици на тркалца, конференциски столици, канцелариски бироа, конференциски маси, ормари и кујна.На тендерот имало шест понуди, најниската понуда била 3,8 милиони денари. Не се познати понудите на другите фирми, но и дали учествувале на тендерот или биле отфрлени. Среќлија била фирмата „Макс флам“ од Чаир, која ќе го набави мебелот за Царинската управа. „Скопје1“ направи споредба на цените по кои фирмата која го доби тендерот треба да ги наплати производите, со цените за исти или слични производи на пазарот.
Македонија | пред 1 година
Царинската управа ќе набавува столици поскапи и за 300% од вообичаената пазарна цена, преку договорот вреден над 10 милиони денари. Директорот во заминување, Стефан Богоев, успешно го заврши тендерот со кој набавува канцелариски мебел и кујна. Со него, Царина ќе добие нови канцелариски ротирачки столици на тркалца, конференциски столици, канцелариски бироа, конференциски маси, ормари и кујна.На тендерот имало шест понуди, најниската понуда била 3,8 милиони денари. Не се познати понудите на другите фирми, но и дали учествувале на тендерот или биле отфрлени. Среќлија била фирмата „Макс флам“ од Чаир, која ќе го набави мебелот за Царинската управа. „Скопје1“ направи споредба на цените по кои фирмата која го доби тендерот треба да ги наплати производите, со цените за исти или слични производи на пазарот.Најголемиот дел од набавката се канцелариски рото столици. Тие треба да имаат наслон, да се подесува висината на седиштето, механизам за навалување, пет тркалца. Фирмата успеала да се избори истите да ги набавува за 17.000 денари. Доколку се пребара на интернет, вакви столици можат да се набават во Македонија од 5.000 до 12.000 денари, а истите да бидат како во спецификацијата на Царина – со седиште од сунѓер, наслонот да биде мрежест штоф, а тркалцата да се гумирани.Скапо ќе се платат и конференциските столици, кои на пазарот, според истата/слична спецификација се по цена од 3.000 до 6.000 денари. Царина, ќе ги плати 10.000 денари по парче, а треба да се набават 30 парчиња.Бироата со фиоки и централни брави ќе се платат по 28.000 денари/парче. Односно, за нив, Царина ќе плати 3.8 милиони денари. Пазарната цена на вакво биро е од прилика од 12.000 до 15.000 денари, односно за 137 парчиња може да се плати и 1,7 милиони денари помалку доколку се водиме од малопродажните цени.И нова кујна од два метри ќе се спрема за Царина. Таа е претставена и на илустрација, а ќе биде изработена од иверица, лесонит, кујнска плотна, ногарки и садопер со одвод и чешма. Иако нема ниту шпорет вклучен во цената, Царина ќе плати 159.000 денари за нејзина изработка.„Скопје1“ упати прашања до Царинската управа за тоа што се случило со понудите на другите фирми, но и зошто не е избрана најниската понуда од 3,7 милиони денари. Оттаму очекуваме одговор.
Македонија | пред 1 година
,,Со оглед на високите температури кои ја зафатија територијата на Република Северна Македонија, а имајќи предвид дека наставната година за учениците од основните училишта трае до 17.06.2024 година, Министерството за образование и наука препорачува:- Основните училишта наставата да продолжат да ја реализираат со скратени наставни часови, но да се внимава да се запази суштината на наставната материја која се изучува;- Училниците и другите простории кои се користат во училиштето постојано да се проветруваат;- Да се насочуваат учениците и да им се дава можност да конзумираат поголемо количество на вода;- Да им се препорача на учениците да не конзумираат масна храна и храна која содржи поголемо количество на шеќери за време на училишниот ден.Овие препораки се дел од Општите препораки за заштита од топлотен бран на Центрите за јавно здравје, а согласно Здраствениот акциски план за превенирање на последиците од топлотните бранови врз здравјето на граѓаните на Република Северна Македонија.”, велат од МОН.
Македонија | пред 1 година
Министерот за здравство д-р Илир Демири во однос на ставот на Државната комисија за спречување корупција за разрешувањата на медицинските директори на Клиниката за државна кардиохирургија и на Клиниката за токсикологија информира дека тие биле поради пропусти во нивната работа.„Поранешниот медицински директор на Клиниката за кардиохорургија е разрешен од позицијата медицински директор поради прекршување на законските нормативни, во Република Северна Македонија оперирале лекари од Србија кои немале соодветна лиценца и ред други прекршоци. Сите податоци со кои располагаме ги пријавивме во Јавното обвинителство за да го истражи овој случај. Претходниот медицински директор од Клиниката за токсикологија и еден од лекарите беа разрешени поради несовесно работење во целиот изминат период. Клиниката имала согласности за продолжување на договорите за работа на 18 лица, но не постапил. Неколку месеци овие лица оделе на работа, а не земале плата за својот труд. Ангажираните трпеле закани и омаловажувања на национална основа за што истите доставија писмо со изјави за секојдневните навредувања од страна на директорот и од лекарот. И за овој случај чекаме јавното обвинителство да постапи. Би сакал да ја информирам Државната комисија за спречување корупција дека обврска на министер е безбедноста на пациентите и безбедноста на сите вработени во јавното здравство“, рече Демири.
Македонија | пред 1 година
Мандатарот Христијан Мицкоски очекува во вторник да го достави комплетниот список на министри кои ќе ја сочинуваат Владата до Собранието. Тој не соопшти имиња кои ќе ја сочинуваат новата Влада.„Јас не би зборувал во името на другите партии, во името на коалиционите партнери. Што се однесува за ВМРО-ДПМНЕ, ние сме структура која има организациска поставеност, вертикална, функционира врз основа на статут и во согласност со законите и Уставот. Во недела ќе има седница на Извршниот и Централнот комитет, ќе бидат претставени кадровските решенија од моја страна како мандатар, со нивната биографија. Очекувам да се произнесат, а ако тоа е позитивно и успешно, да бидат соопштени на јавноста. Официјалниот список на идната Влада и програмата, на 18-јуни, во вторник, ќе бидат доставени до Собранието“, кажа Мицкоски.Мицкоски кажа дека нема да има место во новата Влада за ДУИ, Левица и СДСМ.„Гласаа пратеници на ДУИ, точно, но од Коалицијата Европски фронт гласаа и од Турската партија, од Демократската партија на Албанците. Очекувавме да гласаат и пратениците од коалицијата на СДСМ и од Левица. Бидејќи тоа што не го кажува СДСМ, а треба да се знае, е дека јас лично остварував со нив контакти цело време. И вратата за сите пратеници да го поддржат овој закон, беше отворена. Тоа што дел од идните опозиционери гласаа и препознаа квалитет, нив треба да ги прашате.. Што се однесува до составот на идната Влада, таа ќе биде составена од ВМРО-ДПМНЕ и коалицијата, ВЛЕН, и политичката партија ЗНАМ“, рече Мицкоски.
Македонија | пред 1 година
Смог, неподнослива миризба и слика како од хорор филм. Вака изгледаше утрово Ново Лисиче и Аеродром, според сведочењата на некои од жителите. Според нив, повторно се пали депонијата Вардариште.„Ноќеска во 01.00 часот смрди чад печат очи горчина во грло, утрово во 06.00 исто страшно ќе се угушиме сите на спиење. Во ова шешко да спиеме со затворени прозори. Што дишеме од надвор..За плачење сме“, вели граѓанин.„Пак почнаа! И лани ова време беше екот на палење на депонијата, скоро секоја ноќ мирисаше. Жално“, додава друг.„Вардариште гори и чади од вчера, а Ново Лисиче и Аеродом се гушат цела ноќ во токсочни отровни гасови“, пишува жител на овој дел од Скопје.Настанот е пријавен и во полиција, два часа по полноќ.Од ЦУК информираа дека се изгаснати осум пожари на отворено, а еден од нив, е токму на Вардариште. Гореле гуми и ниска вегетација, а опожарена е површина од еден хектар.
Скопје | пред 1 година
,,Обвинителството мината недела донесе одлука да се повлече од двете дела против Цветан Панделевски во случајот „Империја“. OJO со овој чин ги потврди сите аргументи кои Панделевски ги објаснуваше пред јавноста и судот односно дека не постои никаква злоупотреба на службена должност, дека не постои дело перење пари, исто така дека не постојат оштетени акционери и дека воопшто нема направена штета на држава по ниту еден основ.Од првиот момент на обвинението против него, Панделевски и неговата одбрана стоеја јавно зад овие аргументи и добро е што конечно истите ги прифати и ОЈО.Со ниту еден доказ обвинителката Лиле Стефанова во целиот период од 7 години од кога е започнат случајот не објасни и не кажа за кое дело беше гонет Цветан Панделевски. Наместо објаснување од страна на Стефанова за целиот изминат период се случуваа закани и уцени дека ќе ги прошири делата и кон неговото најблиско семејство. Семејството Панделевски беше под притисок од страна на структури на моќ, целосно неповрзани со правните аспекти на предметот Империја, но притисоци кои направија непоправлива штета на компаниите на Цветан Панделевски.· Кривичната постапка пред седум години започна како шоу – настан и во годините кои следеа Цветан Панделевски и неговото семејство поминаа низ:· Полициски структури кои со автомати вооружение правеа претрес во нивните домови· Притворска казна изречена без ниту еден доказ за нејзина основа· На медиуми беа прикажувани шеми со Оф-шор компании во кои наводно Панделевски бил дел· Седум години закани континуирани кон семејството дека ќе му ги киднапираат внуците· Континуирани штети врз работата на компаниите нивна блокада, доспевање на сите кредити, забрани за нови кредитирања на сите компании поврзани со членови на семејството.И, денеска после сите притисоци и уцени, дури и ОЈО јавно потврди дека Цветин Панделевски не направил ниту штета на државата, ниту дека има оштетени, обвиненијата се повлекоа (две од три), исто така :· Не е сопственик на никаква оф-шор фирма, ниту пак има каква било поврзаност со такви компании,· Не се појави ниту утврди ниту еден единствен доказ дека се случило перење на пари од страна на Панделевски· Не се појави ниту еден оштетен акционер од страна на Панделевски· Целиот случај Империја се сведе на наводна измама на г-ѓа Кираца Трајковска.ОЈО и Лиле Стефанова го продолжуваа процесот против Панделевски само за наводна измама на Кираца Трајковска. Прашањето е како г-ѓа Трајковска и самата обвинето лице за измама на акционери во друг правен субјект, од обвинета станува оштетена? И, тоа што е најиндикативно како после пет изминати години во кои заедно со други структури на моќ се правеше обид за изнуда кон семејството Панделевски од 1.700.000,00 милион евра.Во продолжение на случајот Империја, Панделевски и одбраната ќе докажат дека беа во право како и за претходните обвиненија така и за преостанатото кај Кираца Трајковска и ќе се докаже дека беа правени обиди да се вмешаат национални институции во реализација на обид за изнуда кон семејството Панделевски.На наредното и се надеваме последно рочиште на 12 јуни оваа година очекуваме да биде повлечено и последното неосновано обвинение против Цветaн Панделевски и целосно исполнување на правдата.”, велат од адвокатскиот тим на Цветан Панделевски.
Македонија | пред 1 година
Човекот кој вчера се самозапали на плоштадот Свети Марко почина на Клиниката за трауматологија.„Машко лице кое се самозапали на плоштадот „Свети Марко“ во Загреб и беше згрижено на Клиниката за трауматологија на на одделот за интензивна нега, по 21 часот почина од повредите и покрај напорите на лекарите. “ соопштија од болницата.
Свет | пред 1 година
Едно лице загина во напад на вооружен маж кој киднапираше автобус во главниот град на американската држава Џорџија, Атланта, во кој имало вкупно 17 лица, меѓу кои и возачот, јавија американските медиуми.Инцидентот се случил во вторникот, а полицијата организирала потера по патничкиот автобус откако добила дојава за пукање во автобусот и можна заложничка криза, објави Си-Би-Ес.Полицијата во Атланта соопшти дека го уапсила осомничениот, 39-годишниот Џозеф Грир, кој бил вооружен со пиштол и претходно имал 19 пресуди и апсења.
Свет | пред 1 година
Американскиот претседател Џо Бајден на самитот за спречување на насилството со оружје зборуваше за напорите на неговата администрација да ја запре илегалната трговија со оружје и да го намали криминалот, само неколку часа откако неговиот син Хантер беше осуден дека лажел за зависност од дрога за нелегално да купи пиштол.Претседателот ги пофали преживеаните што не се фокусираат на гневот, туку на тоа што можат да направат за да спречат понатамошни трагедии. Преку нивните зборови и постапки, Бајден рече дека преживеаните се погрижиле „сите жртви на оруженото насилство да не бидат заборавени, да не умреле залудно“.Хантер Бајден, син на американскиот претседател Џо Бајден, во вторникот беше прогласен за виновен за лажење за употреба на дрога за нелегално купување оружје, убедување што демократите би можеле да го искористат за да се спротивстават на тврдењето на Доналд Трамп дека правосудниот систем е против него. Така Хантер стана првото дете на актуелниот претседател на САД, осудено за кривично дело.Демократскиот претседател Бајден се соочува со тешка битка против поранешниот претседател Доналд Трамп во неговиот обид да освои уште еден претседателски мандат во ноември.
Свет | пред 1 година
Вчера попладне, силен дожд поплави делови од популарната шпанска туристичка дестинација Палма де Мајорка, а во големи проблеми беше и аеродромот, поради што беше затворен извесен период.Дури и пистите беа поплавени. На социјалните мрежи кружат видеа од поплавата каде некои вработени дури и нуркале за да покажат колку длабока е водата. „Метеоролошката станица на аеродромот забележа врнежи од речиси 5 сантиметри на час, кои за помалку од еден час го достигнаа врвот на 9 сантиметри.Сведоците рекоа дека се било хаотично и дека патниците трчале да се засолнат од дождот кој излеал низ покривот на аеродромската зграда, пишува Мајорка Дејли Булетин.Аена, операторот на аеродромот во Палма де Мајорка, потврди дека имало поплави на некои влезови во објектот и во зградата на терминалот.Во соопштението се наведува: „Аеродромот во Палма де Мајорка е привремено парализиран поради ударот на силна бура, поради неможноста за безбедно функционирање“.Аеродромот - трет по големина во Шпанија - активираше план за итни случаи и летовите до Мајорка беа привремено пренасочени на алтернативни аеродроми, рече министерот за транспорт Оскар Пуенте.По некое време, кога дождот престана, аеродромот продолжи со работа.„Првите полетувања и слетувања се веќе започнати, а пренасочените летови се очекува да слетаат на аеродромот во текот на попладневните часови“, додаде Аена.
Свет | пред 1 година
Русија рано утринава изврши воздушен напад врз Киев, објави воената администрација на главниот град на Украина на апликацијата за пораки Телеграм.Неколку експлозии се слушнале во и околу Киев, објавија очевидци на Ројтерс.Набргу по два часот по полноќ, по наше време, беше издадено предупредување за воздушен напад низ цела Украина.Еден цивил загина, а три лица се ранети во украинско гранатирање во градот Шебекино во руската област Белгород, изјави гувернерот на регионот, кој граничи со Украина.„Човекот починал од раните на лице место пред да пристигне итната помош“, рече Вјачеслав Гладков во објавата на апликацијата за пораки Телеграм, додавајќи дека две ранети лица се пренесени во локалните болници.Шест станбени куќи и 11 станбени згради беа оштетени во гранатирање со повеќецевни ракетни системи, рече тој.Ројтерс не можеше независно да го потврди извештајот. Немаше моментални коментари од Украина.Двете страни негираат дека целеле цивили во војната што Русија ја започна против Украина во 2022 година. Киев вели дека нејзините напади на руска територија имале за цел да ги поткопаат воените напори на Москва со уништување на воената, енергетската и транспортната инфраструктура.
Свет | пред 1 година
Пациент со дијабет, Дејан Ристески од Скопје, сведочи како не може да набави терапија, оти некој решил таа да не се увезува. Тој револтирано прашува како да се лекува.„Како дијабетичар препишани ми се лекови амарил и глукофаж. Е сега морам да пијам половична терапија, само глукофаж бидејќи некој во државава решил да не се увезува амарил. Добро бе говеда, дали имате мозок!? Ама знам дека глупости прашувам, да имаа мозок немаше да бидат криминалци.Него кажете ми сега, пошто сте "одлична" власт (народот ве гласаше) како да се лекувам јас како дијабетичар!? Ама ве заболе вас за мене или за некој друг дали имало или немало лекарства, нели!? Тие што ве гласаа ако треба и ќе цркнат за вие да може да крадете. Живече овај народ!“До овој момент, Министерството за здравство, а и Фондот за здравство, немаат излезено со став или информација за овој проблем.
Коментари | пред 1 година
Соочени сме со насушна потреба од нов Маршалов план. Она што по Втората светска војна го направија САД за разурнатата Европа, сега Европа е во можност да го стори за Украина, земја која, исто како и ние, секогаш била дел од Европа, историски, културно, а сега веројатно ќе стане и политички.Ова денеска го изјави претседателката Гордана Сиљановска-Давкова по учеството на Конференцијата за обнова на Украина, што се одржува во Берлин, изразувајќи надеж дека, како што рече, македонската и украинската иднина ќе биде во Европската Унија.„Итната потреба од нов Маршалов план е очигледна. Исто како што САД и помогнаа на повоена Европа, Европа сега има капацитет да ја поддржи Украина. Нашата усогласеност со европската заедничка и безбедносна политика е јасна. Како членка на НАТО, ние не само Посветуваме два отсто од нашиот БДП за помош на Украина, но и нудиме политичка, воена и економска помош“, истакна претседателот Силјановска Давкова.Претседателката рече дека ја тревожи ноторниот факт дека европска заедница настанала како мировен проект во 50-тите години на минатиот век. Посакува и ние да ставиме крај на, како што рече, оваа сага од 23 години и да ги почнеме преговорите со Европската Унија.„Конференцијата е продолжение на серијата годишни настани на високо ниво посветени на брзо закрепнување и долготрајна реконструкција на Украина, по почетокот на руската воена агресија“, рече таа.Силјановска Давкова ги призна ограничувањата на Македонија во обезбедувањето значителна економска помош во споредба со поголемите земји, но го истакна нејзиниот потенцијален придонес во други области. Тргнувајќи од сопственото искуство на Македонија по распадот на поранешна Југославија, таа ги истакна вредните лекции и помош што земјата може да и ги понуди на Украина во нејзините напори за обнова. И покрај економските ограничувања, Силјановска Давкова изрази решеност да продолжи да ја поддржува Украина во различни капацитети.„Неподелено беше мислењето дека е потребна емпатија и разборање во моментот. Треба да се подготви обновата на Украина, дури и кога сѐ уште трае војната. Ние и досега покажавме дека сме на линија на европската надворешна и безбедносна политика. Не само што ѝ помагаме на Украина, како членка на НАТО, со издвојување од 2 отсто од бруто-општествениот производ на НАТО, влегуваме во 18-те држави со највисоки издвојувања, туку и како што можеме политички, воено, па и економски ѝ помагаме на Украина“, рече таа.Обраќајќи им се на присутните на конференцијата, претседателката Силјановска Давкова ја подвлече потребата од справување со предизвиците како што се корупцијата и прашањата за управување, кои често ги придружуваат постконфликтните сценарија.Вознемирувачка реалност е отстапувањето од основната цел на Европската заедница како мировен проект. Првично замислен да го поттикне вечниот мир на Кант, сега се бориме со суровата реалност на конфликтот. Останувам со надеж дека по војната Европа решително ќе се изјасни „никогаш повеќе“, рече Силјановска Давкова.
Македонија | пред 1 година
Ексминистерот за финансии и политички аналитичар, Џевдет Хајредини, на социјалната мрежа „Фејсбук“ посочува дека криминалците останале со парите и неказнети, а благодарение на пратениците кои го изгласаа Кривичниот законик.„Еден од "највалканите пазари", што се случи неодамна, е измената на Кривичниот Законик, со која криминалците, не само што се спасија од затвор, туку им останаа и украдените пари“, вели Хајредини.За повеќе од 80 лица обвинети во 14 судски предмети иницирани од времето на СЈО настапи апсолутна застареност за кривичен прогон. Донесувањето на законските измени во Собранието експерсно за два дена беа со образложение дека се усогласува македонското со европското законодавство.
Коментари | пред 1 година
Синот на американскиот претседател Џо Бајден, Хантер е прогласен за виновен по три обвиненија за нелегално купување и поседување на оружје, додека бил зависник од дрога, пренесува Си-ен-ен.Ова е првпат член на потесното семејство на Бајден да биде прогласен за виновен за кривично дело за време на неговиот претседателски мандат, иако овие дела неговиот син Хантер ги извршил пред тој воопшто да стане претседател на САД.Хантер е прогласен за виновен по сите три обвиненија, како што пренесува Би-би-си, откако поротата расправала околу три часа.Првата точка од обвинението е за давање лажна изјава за набавка на огнено оружје, втората е за давање лажна изјава за прибавување на записник и третата е за недозволено поседување огнено оружје.За време на судењето, делатно е опишана неговата злоупотреба на дрога преку СМС пораки и преку неговите мемоари, но и преку сведочење на неговите поранешни партнерки.На Хантер може да му биде изречена максимална казна од 25 години затвор, откако е прогласен за виновен по три точки од обвинението. Но, може и да се соочи и со казна и до 750 000 долари. Сепак, како што пишуваат американските медиуми, веројатно е дека ќе добие помала казна од максималната, бидејќи ова му е прв прекршок.Судијата соопштил дека изрекувањето на казната е закажано за 120 дена по изрекувањето на пресудата.
Свет | пред 1 година
Се плашевме дека во чантата нема експлозив, туку внатре има само некои работи - изјави Гордана Штајмингер.Докторката Гордана Штајмингер изјави за новинарите дека човекот кој се самозапалил е неуспешен коцкар, кој минатата година го пријавила неговата сопруга и бил психички пореметен.Човекот кој се самозапали носел очила и маска која целосно се стопила, вели докторката и опишала како во моментот на нејзиното пристигнување бил контактибилен, дишел и имал пулс и постојано повторувал: „Тoрба, торба.'- Се плашевме дека во чантата има експлозив, но внатре имаше само некои работи - рече таа и додаде: - Мислам дека тоа нема политичка позадина, но полицијата ќе ја испита ситуацијата.Таа кажа и дека откако Брзата помош го однела човекот, имало повеќе интервенции бидејќи на новинарите кои ја виделе сцената им се слошило.Состојбата на пациентот е многу сериозна, загрозени е животно и витално.
Свет | пред 1 година
Министерството за здравство информира дека во случајот со паднатиот потпорен ѕид позади Клиниката за детски болести истиот е изграден на државно земјиште, а Министерството нема прибележано право за трајно користење на тоа земјиште.Секој од објектите во Клиничкиот центар има право на користење на објектите, но нема доделено право на трајно користење на земјиштето околу клиниките. Во интерес на граѓаните, потребно е да се изнајде итно решение во заеднички напори со надлежните институции Градот Скопје и Општина Центар кои треба да бидат иницијатори за решавање на проблемот, поради тоа што се работи за улица, а надлежните инспекциски служби да дадат мислење за моменталната безбедност.
Скопје | пред 1 година
Според податоците на Државниот завод за статистика, бројот на туристите во април 2024 година изнесува 81 752, од кои 23.0 % се домашни туристи, а 77.0 % се странски туристи.Бројот на ноќевањата во април 2024 година изнесува 151 720, од кои 28.8 % се од домашните туристи, а 71.2 % од странските туристи.Во периодот јануари – април 2024 година, во однос на истиот период од претходната година, бројот на туристите е зголемен за 15.3 %, и тоа: кај домашните туристи има зголемување за 7.4 %, а кај странските има зголемување за 19.3 %.Во периодот јануари – април 2024 година, во однос на истиот период од претходната година, бројот на ноќевањата е зголемен за 15.2 %, и тоа: кај домашните туристи има зголемување за 15.0 %, а кај странските има зголемување за 15.4 %.
Македонија | пред 1 година
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
