ТОП

Додека не се избере нов економски оператор, БЕГ мора да испорачува топлинска енергија кон граѓаните, вели Битиќи

Се додека не се избере нов економски оператор, БЕГ мора да испорачува топлинска енергија кон граѓаните, изјави денеска вицепремиерот за економски прашања Фатмир Битиќи, одговарајќи на прашања поврзани со почетокот на грејната сезона во главниот град.Согласно законот, како што посочи, БЕГ мора да има и резерви на гас и други суровини за да обезбеди топлинска енергија.Во однос на топланите Исток и Запад, кои се во сопственост на „Адора инженеринг“, според која закупот како опција без јасна интенција за купопродажба на топланите не е прифатлив, вицепремиерот со став дека процесите мора да бидат согласно законот и дека закупот е легитимна алатка.– Инсистирањето на еден од чинителите за промена на сопственоста е легитимна, но ќе се склучи според законите. Закупот е легитимна алатка преку која ќе се искористат топланите Исток и Запад и ќе се испорача топлинска енергија, а во меѓувреме има доволно временски период да се запазат сите законски процедурии ако треба да се заокружи откупот на сопственоста, изјави Битиќи.

Скопје | пред 3 години

(ВИДЕО) Детали за вчерашната тепачка: Четири малолетнички нападнале соученичка

На социјалните мрежи вчера се појави видео на кое се тепаат група малолетници.Министерството за внатрешни работи денеска излезе со информации за настанот.-Р.М.(44) од Скопје пријавил дека околу 22.00 часот на ул.„Орце Николов“, во близина на сендвичарница, четири малолетнички, по вербална расправија, физички ја нападнале неговата малолетна ќерка. Според пријавеното, причина било претходно недоразбирање околу нарушени другарски односи на училиште, информира МВР.

Скопје | пред 3 години

„Сегеј Варошлија да ја повлече емисијата и да се извини инаку ќе заврши на суд“, велат од Хелсиншки комитет

Познатиот македонски стилист Сергеј Варошлија повторно се дрзнал да коментира лица за нивниот изглед и притоа да ги омаловажува, навредува и сексулано да ги вознемирува.Хелсиншкиот комитет за човекови права во јуни 2022 година, во име на девојка која побара правна помош, поднесе претставка до Комисија за спречување и заштита од дискриминација против стилистот Сергеј Варошлија за сторено сексуално вознемирување врз основа на пол и род во областа на јавно информирање и медиуми.Постапувајќи по оваа претставка, КСЗД донесе мислење со кое се утврдува сексуално вознемирување во епизода на емисијата „Сергеј Реинвентед со Сергеј Варошлија”, преку сексуално објективизирање на изгледот на девојката.Со тоа предизвикал повреда на нејзиното достоинство и создал заканувачка, непријателска и понижувачка средина.Комисијата наведува дека Варошлија не се произнесол по наводите од претставката во законски предвидениот рок и донесе препорака тој да ја отстрани конкретната епизода со чијашто содржина предизвикал сексуално вознемирување кон подносителката на претставката.Се препорачува Варошлија јавно да се извини во својата емисија во рок од 30 дена по приемот на мислењето и препораката и за тоа да ја извести КСЗД. Комисијата воедно му препорачува на Сергеј Варошлија во иднина да се воздржи од изнесување на содржини кои продуцираат вознемирување во јавниот, медиумски простор врз основа на пол и род или која било од дискриминаторските основи наведени во Законот за спречување и заштита од дискриминација.Доколку тој не постапи согласно препораката во законскиот рок, КСЗД ќе поднесе барање за покренување прекршочна постапка пред надлежен суд за прекршоци.

Македонија | пред 3 години

Трипуновски: Исчезнати се голем дел од документите од архивата на МЗШВ

Официјалната страница за МЗШВ веќе десетина дена не е во функција, а министерството се правдаат дека се под хакерски напад без притоа да ја информираат јавноста за каков сајбер напад станува збор, вели Цветан Трипуновски, претседател на Комисија за земјоделство, шумарство и водостопанство на ВМРО-ДПМНЕ„Но, проблемот не завршува тука. Имено од извори во министерството дознаваме дека исчезнати се голем дел од документите од архивата која што се вод во министерството.Според нашите информации со кои располагаме, а за кој МЗШВ крие, документите кој недостасуваат во електронска форма се податоци од фарм регистарот и сите активни регистри кој што ги води МЗШВ за откупувачи за вино,за земјоделските задруги, за органско производство,преглед на сите важечки договори за закуп на земјоделско земјиште, а нема ниту листа на должници. Исто така изгубена е целосно евидентацијата за сите постапки кои што се поврзани со закон за управна постапка и дополнително не може да се постапува и да се завршат тековните започнати управни постапки.Недостасуваат и важечките договори за концесии риби и дивеч.Поради овој хакерскиот напад земјоделците не можат да извадат потврди и уверенија кои по разни основи ги бараат од министерството како релевантен документ за во министерството за труд и социјална политика.Во секторот за финансиски прашања недостасуваат документи за преглед на исплати како и доцнење при исплата на доспеани обврски, додека пак во секторот за човечки ресурси на министерството недостасуваат персоналните досиеја на вработените и целокупната документација за сите вработени во МЗШВ.Почитувани,Молкот од страна на првиот човек на министерството Љупчо Николовски отвора сериозен сомнеж дали се работи за хакерски напад или пак во прашање е прекривање на криминални дејствија и злоупотреби од страна на Владата на антимакедонската СДС.Николовски мора да одговори пред јавноста дали од документацијата недостасуваат и голем број на спорни договори и постапки, кои можело да го инкриминираат врвот на министерството, како и кој го одржувал софтверот на министерството и колку народни пари се исплатени за одржување?Токму затоа бараме отворање на целосна истрага и посериозен пристап од страна на МВР и органите на прогонот.Николовски да не се крие позади партиските соопштенија и да излезе и да ја информира јавноста што до сега е преземено за целосно расчистување на случајот, во спротивно тој е највиновен и најодговорен, и секој кој свесно се огрешил пред законот мора да одговара.Промените како во земјоделството, така и во секој сектор ќе се случат.На граѓаните и државата им требаат сериозни луѓе со сериозен и професионален пристап кои ќе ги решаваат нивните проблеми, а не луѓе како од антимакедонската СДС кои што само создаваат проблеми“, се вели во соопштението.

Македонија | пред 3 години

Ние не можиме во Штип да влезиме во ЕУ ќе сме влегвале, велат граѓани бидејќи се наплаќа влез во градот

Вработени во штипското јавно претпријатие „Стипион“ вчера ги запираа автомобилите кои немаат штипска регистрација и бараа да платат 80 денари ако се дојдени за манифестација „Пастрмалијада“На социјалните мрежи се појавија и снимки на кои се гледа како паркинг-редарите ги запираат колите и им наплатуваат на возачите, од кои некои велат дека им барале 100 денари.На влезот во градот се создал метеж, а револтирани возачи прашуваа зошто мора да платат за да влезат во градот.На социјалните мрежи велат дека наместо да наплаќаат за влез во градот, треба да плаќаат за да им дојдат луѓе.https://twitter.com/satelite_chris/status/1573566829095682048?s=20&t=XFM6afCno2hkD3o5IrkcfAhttps://twitter.com/tomebato/status/1573562827197059072?s=20&t=XFM6afCno2hkD3o5IrkcfAhttps://twitter.com/somnitelen69/status/1573585934796443649?s=20&t=XFM6afCno2hkD3o5IrkcfAhttps://twitter.com/TojSoSlikite/status/1573453921888108551?s=20&t=XFM6afCno2hkD3o5IrkcfAhttps://twitter.com/Esk0bar_0d_SK/status/1573417485621248017?s=20&t=XFM6afCno2hkD3o5IrkcfAhttps://twitter.com/ddimkooooo/status/1573418755748683778?s=20&t=XFM6afCno2hkD3o5IrkcfAhttps://twitter.com/Sija_licka/status/1573572206440898561?s=20&t=XFM6afCno2hkD3o5IrkcfA 

Коментари | пред 3 години

Се прават напори да им се помогне на училиштата за наставата во зимскиот период да биде со физичко присуство, вели Бектеши

Се прават напори за да им се излезе во пресрет на основните и на средните училишта и наставата во зимскиот период да се одржува со физичко присуство, изјави вечерва министерот за економија Крешник Бектеши.– Тоа е надлежност на општините, но децата многу изгубија во време на ковид пандемијата и сега заради енергетската криза подобро да им помогнеме на училиштата отколку да ги оставиме децата да изгубат многу. Потрошувачката за петте месеци, од ноември до март, за сите училишта на ниво на државата е околу 10 гигават часови и тоа може да го обезбедиме преку ЕСМ и убеден сум дека ќе најдеме решение, рече Бектеши во централниот дневник на телевизија Сител.Според неговите проценки, училиштата не би требало да имаат проблем до крајот на март.Несериозно е, смета Бектеши, тоа што 2487 правни субјекти во државата сеуште немаат склучено договори за снабдување со електрична енергија. Од нив, 60 проценти се под надлежност на локалната власт.– Не е во ред училиштата да се остават без снабдувач со електрична енергија затоа што кога немаш снабдувач со електрична енергија, а на берза цената е 400 евра, автоматски треба да платат 600 евра за да не останат неснабдувани објектите со електрична енергија. Сите правни субјекти ги знаеле роковите кога им истекуваат договорите, истакна Бектеши, додавајќи дека во надлежност на општините е набавката на електрична енергија за училиштата.

Македонија | пред 3 години

Тони Цетински вечерва на штипска „Пастрмалијада“

Со сечење на џиновската пастрамајлија синоќа почна 14.издание на штипската манифестација „Пастрмалијада“. Штипјани, но и гостите од земјава уживаа во настапите на ДНК, хрватската пејачка Јелена Розга, оркестарот на маестралниот Џамбо Агушев, а за младите забавата продолжи со познати диџеи.Оваа манифестација се одржува по две години пауза.Манифестацијата продолжува и вечерва со настапите на Зоран Илиев, Куку Леле и Тони Цетински.

Магазин | пред 3 години

„Не се гради мултиетничко општество ако дозволиме една етничка заедница има најповластени привилегии во државата“, вели Костовски

Трифун Костовски го искоментира ставот на поранешниот директор на Државниот завод за статистика Дончо Герасимовски за направениот попис. Герасимовски вели дека пописот е чиста политика и дека во него нема никаква статистика.„Со големо внимание го прочитав ставот на еминентниот и поранешен директор на Државниот завод за статистика Дончо Герасимовски кого го познавам и кој целиот свој животен век го помина токму во овој завод. Неговата лична перцепција дека завршената статистичка операција попис има политичка позадина или поточно кажано его-етничка цел каде албанската популација се дига на пиедестал како најпривилегирана етничка заедница во Република Македонија е поразителна.Таканаречените балансери во одредени толкувања на веќе завршениот попис, уште повеќе ја загреваат меѓуетничката тензија, што секако не е добро за државата. Евидентно според изјавата на Господинот Герасимовски се направени невидени пропусти во толкувањето за попишаното нерезидентното население. Овој факт говори дека токму овој завршен попис може да биде каменот на сопнување во изградбата на меѓуетничкиот соживот. Од овие причини најчесно е да завршениот попис се огласи за неважечки. Знам дека поништувањето на пописот ќе значи чекор наназад за Република Македонија во поглед нејзината иднина, ама многу почесно е тоа денес да го сториме, отколку да дозволиме натамошна употреба на стокмените статистички податоци од одделни партии за промоција на една етничка заедница во Република Македонија.Не се гради мултиетничко општество во Република Македонија доколку дозволиме да една етничка заедница има најповластени привилегии во нашата држава“, вели Костовски.

Коментари | пред 3 години

„Во здравство да воведат термин и за кај Кајшаров“, „Нека ми ги истера демоните од струјомерон“, твитер врие по веста „истерувањето демони“

Социјалните мрежи „вријат“ откако самопрогласениот исцелувач Константин Тино Кајшаров го најави својот настан во Скопје, претстојната сабота.Имено, во неговата обајава на Фејсбук се наведува дека оваа сабота во Скопје од 18 часот ќе организира „ослободување од демони, од проклетства и маѓии“. Каде не е познато, но има оставено телефонски број на кој секој заинтересиран може да се пријави, а овој перформанс е бесплатен.Ова се дел од коментаритеhttps://twitter.com/Tomche29/status/1573021582620082177?s=20&t=aBGOxD8Bloisaz8f6FCQGwhttps://twitter.com/IamAliceMadness/status/1572930763359940608?s=20&t=aBGOxD8Bloisaz8f6FCQGwhttps://twitter.com/goranman2/status/1572923219899809792?s=20&t=aBGOxD8Bloisaz8f6FCQGwhttps://twitter.com/PufkaM/status/1572360110311362563?s=20&t=aBGOxD8Bloisaz8f6FCQGwhttps://twitter.com/KatttP/status/1573241130891837441?s=20&t=aBGOxD8Bloisaz8f6FCQGwhttps://twitter.com/bojankuk/status/1573225653444517890?s=20&t=aBGOxD8Bloisaz8f6FCQGw

Коментари | пред 3 години

(ВИДЕО) Возачи плаќаат од 80 до 100 денари за влез во Штип, не се знае кој ја врши наплатата

На фејсбук страницата „Под Исарот“ денес беше објавено видео за кое се тврди дека е снимено на влезот на Штип. Под видеото стои дека на автомобилите кои влегуваат во градот им се наплаќа од 80 до 100 денари за влез.„ВниманиеНа влезо на Штип се наплаќа од 80 до 100 денара влез“, стои во описот на видеото.Корисник на фејсбук реагираше во врска со овој случај. Тој вели дека наплатено им било само на автомобилите кои немале штипски регистарски ознаки.„За влез у Штип кај Лук Оил редари ти наплаќат 80 денара доколку не си со "ST" таблица?Дири и доколку си транзит, пак ти наплаќат!Штипски возила се пропуштат?Да објасне некој правник:Дали право на слободно движење смее да ти го оспоре неуниформирано лице?Дали е во ред селективноста што ја прават?Дали воопшто треба да му се застане на редар, (не на полицаец) на јавен пат?Некој закон по кој може да го прават ова, или го прават зошто им се може“, стои во објавата.Засега нема информации од надлежните лица кој ја врши наплатата.

Македонија | пред 3 години

Судот повеќе од 300 дена чека супервештачење за несреќата кај Ласкарци

Коалиција за правично судење објави дека Бирото за судски вештачење 315 дена нема изработено супервештачење побарано од судот за автобуската несреќа кај Ласкарци кога автобус на Дурмо турс излета од автопатот Скопје-Тетово и загинаа 16 патници.„Основниот кривичен суд во Скопје за два судски предмети сè уште чека супервештачење. Едно од супервештачењата и по изминати повеќе од 300 дена сè уште не е изготвено, додека пак другото се изработува повеќе од 100 дена“, стои во објавата.Во автобуската несреќа која што се случи на 13 февруари 2019 година животот го загубија 16 лица. Автобусот на компанијата „Дурмо турс“ кој сообраќал на релацијата Скопје-Гостивар излета од автопатот кај селото Ласкарци, предизвикувајќи ја една од најтешките сообраќајни несреќи во историјата на земјава.Во судскиот процес за несреќата кај Ласкарци се обвинети шест лица, меѓу кои е сопственикот на компанијата „Дурмо турс“, раководителот на возниот парк на оваа компанија, тројца вработени во станицата за технички преглед во Гостивар и возачот на автобусот што учествуваше во несреќата кај Ласкарци.

Македонија | пред 3 години

Груевски со апел: Гаранцијата на штедните депозити во банките да се зголеми на 100.000 евра за секој граѓанин

Во Македонија веќе 15 години не е покачен износот на штедни влогови во банките за кои граѓаните имаат гаранција дека ако некоја банка пропадне, штедачите ќе бидат обештетени, вели поранешниот премиер Никола Груевски.„Како министер за финасии пред околу 21-22 години, некаде во 2000 или 2001 година предложив и воведовме закон за ова, по кој веднаш се формираше и агенција за обезбедување на штедните депозити на граѓаните, чии резерви се градат и доаѓаат од одвојувања на многу мали процентни износи кои по закон ги плаќаат банките во овој гарантен фонд секој месец.Претходно, пред 2000 година, не постоеше ваква регулатива и немаше било каква гаранција за штедачите, па бевме сведоци на бројни трагедии со самоубиства и други уништувања и лични катастрофи, кога пропаднаа некои штедилници и банки.Со тој закон се предвиде секој штеден влог вложен во секоја банка до 10 илјади евра во секоја банка да биде гарантиран во случај на затворање односно пропаѓање на некоја од банките. Па така ако некој ставеше во 15 банки по 10 илјади евра, можеше да има 150.000 евра кои би му биле гарантирани во случај некоја банка да пропадне.Кога 6 години подоцна станав премиер, некаде во 2007 година овој износ исто така на мој предлог го зголемивме од 10 на 30 илјади евра.И од тогаш цели 15 години нема никаква промена и зголемување. Време е!Мислам дека се созреани условите секој влог на граѓаните во некоја од банките до износ од 100 илјади евра да биде гарантиран од Агенцијата за осигурување на депозити. Народната банка постојано ја зајакнува супервизијата и контролата на банкарскиот систем, но банки повремено од едни или други причини, за време на кризи или вон нив, пропаѓале и пак ќе пропаѓаат насекаде низ светот па повремено и во Македонија.Сега кога веќе годишно има инфлација по 10-15 осто, а со тоа и намалена вредност на парите, зацврстена и стабилна Агенција за обезбедување на штедните депозити, 15 години подоцна, износот од 100 илјади евра е веќе соодветен.Граѓаните на Македонија заслужуваат поголема сигурност и безбедност на нивните тешко заработени заштеди“, додава Груевски.

Македонија | пред 3 години

„Покачување на пензиите од 700 ден е таман за едно парче кашкавал“, граѓаните реагираат за новите цени

Очигледно со рекордно покачените цели низ маркетите, кашкавалот станува луксуз за македонското население.Килограм кашкавал утрово достигна и до 1305 денари за килограм.Граѓаните започнаа и да се шегуваат, дали и кравите почнаа да се иселуваат па нема млеко, а дадоа и идеја дека како свадбен поклон може да се подари овчи кашкавал Галичникhttps://twitter.com/KajStariot/status/1573194350338637824?s=20&t=F1Iqs_rydrgsEll-TpMaDAhttps://twitter.com/el_padrino____/status/1573193280321454080?s=20&t=F1Iqs_rydrgsEll-TpMaDAhttps://twitter.com/kapetanNAsvoeto/status/1573144323536863238?s=20&t=F1Iqs_rydrgsEll-TpMaDAhttps://twitter.com/Nopak_od_Varosh/status/1573324326887120897?s=20&t=F1Iqs_rydrgsEll-TpMaDAhttps://twitter.com/Stef_che/status/1573255830752952328?s=20&t=F1Iqs_rydrgsEll-TpMaDAhttps://twitter.com/IntroverteX__/status/1573309150586863616?s=20&t=F1Iqs_rydrgsEll-TpMaDAhttps://twitter.com/MacedonianJoker/status/1573297401107972097?s=20&t=F1Iqs_rydrgsEll-TpMaDAhttps://twitter.com/darkhour_seeker/status/1573271394888175617?s=20&t=F1Iqs_rydrgsEll-TpMaDAhttps://twitter.com/thunderstrack9/status/1573272222998974466?s=20&t=F1Iqs_rydrgsEll-TpMaDAhttps://twitter.com/Shoeder006/status/1573273645388021760?s=20&t=F1Iqs_rydrgsEll-TpMaDAhttps://twitter.com/indig05alpha/status/1573277659714490368?s=20&t=F1Iqs_rydrgsEll-TpMaDAhttps://twitter.com/BarkliJada/status/1573279063237890048?s=20&t=F1Iqs_rydrgsEll-TpMaDA

Коментари | пред 3 години

Коментар на денот: Лесно е да истеруваш демони од луѓе, пробај да ги истераш ДУИ од Влада

Социјалните мрежи „вријат“ откако самопрогласениот исцелувач Константин Тино Кајшаров го најави својот настан во Скопје, претстојната сабота.Имено, во неговата обајава на Фејсбук се наведува дека оваа сабота во Скопје од 18 часот ќе организира „ослободување од демони, од проклетства и маѓии“. Каде не е познато, но има оставено телефонски број на кој секој заинтересиран може да се пријави, а овој перформанс е бесплатен.На Фејсбук, Спасија Бежановска објави статус преку кој му се обрати на Кајшаров.„Кајшаров, лесно е да истеруваш демони од луѓе, пробај да ги истераш ДУИ од Влада“, стои во објавата.

Коментари | пред 3 години

Комисијата за верски заедници не се меша во обредите на Кајшаров, слободно може да истерува демони

Комисијата за односи со верските заедници предочува на јавноста дека во демократски уставно-правен систем каков што е и тежнее да биде македонскиот, слободата на вероисповед и манифестации на својата вера е неприкосновено право на секој граѓанин, исто како што е неприкосновена и гарантирана полната слобода секој граѓанин да одлучи дали ќе биде дел од одредени манифестации на вера, ритуали и обреди.„Доколку било кој граѓанин бил доведен во заблуда, измамен или принуден против својата волја има право на судска заштита на своите права. Граѓанин кој има сознание пак дека некое лице извршило кривично дело или друг деликт е повикан истото да го пријави. Секој човек има обврска и можност да размисли, но и право по сопствена совест да одлучи кому и дали ќе положи верба.Комисијата ја известува јавноста дека во непосреден контакт со правното лице Доброволна заедница на физички лица христијанска црква „Блага вест“ регистриран верски субјкет во Единствениот судски регистар под број РСВЗРГ-1/16, утврди дека лицето Константин Кајшаров кој самостојно ја информира јавноста за неговите активности кои ги дефинира како исцелување, ослободување од демони, проклетства и маѓии и за кои споделува видео прикази е одговорно лице, претседател и верско лице на Доброволната заедница на физички лица христијанска црква „Блага вест“ и како таков ги презема своите активности.Комисијата стои цврсто на ставот дека предрасудите не се мерило за пропустите против законот, а сериозно разгледувајќи го делувањето на субјектот укажува на Христијанската црква „Блага вест“ и до нејзиното одговорно лице Константин Кајшаров особено да внимава во односите со јавноста да не се создава сензационализам од манифестациите на верата и со зголемено внимание да се почитува интегритетот и достоинството на луѓето кои одлучиле да бидат дел од неговите обреди и ритуали, како и при делувањето, најавата на активности и нивната реализација да стави јасно до знаење на луѓето дека истите ги организира Христијанската црква „Блага вест“, со цел намалување на можностите луѓето да направат превид и да западнат во заблуда“, се вели во соопштението од комисијата за односи со верските заедници.

Македонија | пред 3 години

МВР одзеде над 10 килограми злато поради незаконско работење

На 22.09.2022, полициски службеници од Одделот за криминалистичка полиција при МВР – Сектор за економски криминал и корупција, во координација со Државниот пазарен инспекторат и Управата за јавни приходи извршија контроли во повеќе правни лица на подрачјето на Скопје, Тетово, Гостивар и Кичево, кои се занимаваат со откуп, изработка и продажба на златен накит. При контролата беа одземени повеќе од 10 килограми нежигосани предмети (злато и златен накит) односно констатирано е непочитување на обврските кои произлегуваат од Законот за регистрирање на готовински плаќања, како и кривични дела определени во Кривичниот законик.При контрола на осум златарници во Скопје беа пронајдени и одземени околу 661 грам нежигосано злато, во Тетово при контрола на 11 златарници беа пронајдени и одземени 7.399 грама нежигосано злато, во Гостивар при контрола на седум златарници беа пронајдени и одземени 1.690 грама, а во Кичево при контрола на три златарници беа пронајдени и одземени 269 грама нежигосано злато.Од страна на Државниот пазарен инспекторат и Управата за јавни приходи беа констатирани и други неправилности кои се соодветно санкционирани. По целосно документирање на случаите против сопствениците и правните лица ќе бидат поднесени соодветни пријави.

Македонија | пред 3 години

Нека ни е лесно зимава: Македонија троши 50 отсто повеќе струја од што произведува

Јован Крајевски на социјалните мрежи објави статус во кој вели дека земјава троши 50% струја од тоа што произведува, за разлика од соседните земји кои произведуваат онолку колку што трошат.„Босна и Херцеговина произведува 40% повеќе струја од тоа што трошат.Србија, Албанија и Црна Гора произведуваат онолку струја колку што и трошат.Македонија троши 50% повеќе струја од тоа што произведува и зависи од увоз!Нека ни е со лесно зимава“, вели тој.

Коментари | пред 3 години

(ВИДЕО) Групна тепачка во автобус на ЈСП, едно лице прободено со нож

Немил настан во скопската населба Кисела Вода. Имено во еден од автобусите на ЈСП дошло до физичка пресметка на поголема група на луѓе, се претпоставува дека се ученици.Полициските екипи се веќе на терен.Неколку лица се повредени во автобус на ЈСП со број 51, вечерва во Кисела Вода, објави 24 Инфо.Неофицијално во вечерашниот инцидент еден од учесниците бил прободен со нож.

Скопје | пред 3 години

Груевски раскажа за изградбата на Крстот на Водно: Дониравме 72 милиони и за рекордни 8 месеци се заврши и се пушти во употреба

Кон крајот на 2001 година бев министер за финасии кога веќе зад мене беше реформата со воведувањето на ДДВ, денационализацијата и враќањето на старите заробени девизи и со голем елан и енергија ги привршувавме последните подготовки за реформата на платниот промет која требаше да започне на 1. Јануар 2002 година, вели поранешниот премиер Никола Груевски.„Со нејзино целосно спроведување наместо преку тогашниот Завод за платен промет кој беше некаков остаток од социјализмот, плаќањата се префрлаа да се одвиваат преку банките, впрочем како што е во целиот свет.Покрај ова, паралелно се создаваа уште неколку целосно нови институции кои претходно не постоеја во Македонија и каде требаше да преминат огромниот број вработени од ЗПП со потребните дообуки, на чии подготовки паралелно и темелно се работеше во голема работна група на чие чело бев јас. Тие институции беа централниот регистар (ЦР) кој подоцна во 2008 година светската банка го рангираше како најдобар во Европа и шести најдобар во светот, Агенцијата за работа со блокирани сметки(АРБС) 6-7 години припиена кин УЈП , Национална платежна картичка (НПК) која подоцна околу 2005 година владата ја продаде на позната Полска компанија , Клириншки интербанкарски системи (КИБС) преку кој се одвива платниот промет на сите плаќања во земјата до износ до 3 милиони денари (денес до 1 милион денари), а во народната банка (НБРМ) која беше дел од работната група паралелно се работеше на уредување на нов систем преку кои требаше да поминуваат плаќањата над тој износ.Паралелно се вршеа и последните подготовки за воведување на фискалните каси во Македонија, а се спремаше и проектот PKI (public key infrastructure), кој за жал новата власт на СДСМ по 15 септември 2002 година без причина го стопираше и никогаш не се доврши, што оние кои ја разбираат оваа работа знаат дека е голема штета.Тоа беа многу крупни и за мене лично како министер кој ја превзема одговорноста ризични реформи кои бараа огромна работа, многу знаење, силна концетрација, искусен тим и натчовечка посветеност. Во Министерството “вриеше” од активности и работа, беше многу “жешко”, се работеше по 12-15 часа без прекин.Се менуваа многу закони, подзаконски акти и други регулативи. Се правеа и тестираа нови софтвери, набавки на хардвери, едноставно кажано “беше како во врел котел”.Реформата имаше и скриени противници кои губеа одредени лични позиции или сакаа да создадат страв и недоверба, па мораше дополнително да се внимава на можно диверзии.Генерално во земјата беше тешко бидејќи сеуште имаше остатоци од воените дејства поврзани со конфликтот од 2001 година, па и во тој дел Министерството за финасии имаше големи предизвици за целосно и навремено буџетски подмирување на сите вонредни финасиски потреби на безбедносните сили на земјата, што успешно и во целост го завршивме.Ги бев мобилизирал најдобрите потенцијали во државата да помогнат во работната група/комитет за реформата на платниот промет, и во подгрупите или подкомитети како што ги викавме, од универзитетски професори, стручни и искусни лица од повеќе институции, банкари, софтверски инжињери, правници и додатно во некои делови и повремено ангажирани странски консултанти.Најмала грешка можеше да доведе до хаос и несогледливи последици и штети, при што најмала штета ќе беше моја моментална оставка.За разлика од времето кога се воведуваше ДДВто во април 2000 година, единствена предност ми беше што веќе беше создадена доверба во мене и мојот тим за тоа што го работиме, па јавноста, за разлика од кога се воведуваше ДДВто, беше релативно мирна.Во таа гужва и во една таква навидум хаотична но всушност многу прецизна работна атмосфера полна со ентузијазам и адреналин, неколку дена пред новата година ми пристапи некој од соработниците и ме информира дека од сметките на расформираниот ЗПП остануваат некои слободни околу 200 милиони денари (приближно околу 3,3 милиони евра), за кои владата треба да одлучи како би се искористиле.Тогаш се потсетив дека повеќе од една година, можеби две или три години низ неколку весници и неделници одеше јавен повик до граѓаните и фирмите за собирање донации за изградба на милениумскиот крст на врвот на Водно со анимирaна фотографија од истиот како би изгледал кога би се направил.Некоја НВО на ентузијасти и верници го водеа тоа од кои лично познавав само еден човек-поранешниот министер Ѓорѓи Наумов. Тие се немаа обратено до Министерството за финансии за финасиска помош. Веднаш го побарав по телефон Ѓорѓи Наумов, го прашав колку имаат собрано пари за крстот и колку што се сеќавам сумата беше ниска, околу 10 илјади евра од неколку годишните повици за донации. Го прашав и колку е проекцијата за да целиот се изгради и по кратко време ме информира дека дека е 72 милиони денари, без изградба на замислените ресторанти во постаментот под него кои секако можеа да се изнајмат како простор на приватниот сектор.Со така собрани информации и со идеја да се реализира проектот за крстот, побарав средба со премиерот Љубчо Георгиевски кого го информирав за сите околу 200 милиони денари слободни средства кои треба владата со одлука да ги распредели и му предложив 72 милиони од нив да се распределат за изградба на милениумскиот крст на врвот на Водно. Тој со восхит го прими предлогот и веднаш договоривме како да се предложи на владата и да се донесе владина одлука. Стравувававме од можна негативна реакција на нехристијанските членови на владата и бевме договориле ако дојде до тоа. Неколку дена или недели подоцна, ја информирав владата за слободните средства од трансформацијата на ЗПП и воедно го дадов предлогот 72 милиони денари да се пренасочат како донација на НВО за изградба на крстот.Премиерот по моето излагање и предлог праша дали некој бара збор, но никој не отвори некоја суштинска дискусија и предлогот помина без било какви суштински забелешки или негодувања а парите за неколку дена легнаа на сметката на невладината организација иницијатор на крстот.Понатаму работата си ја превземаа архитекти и градежни фирми па за рекордни 8 месеци се заврши и свечено се пушти милениумскиот крст во употреба.Нехристијанските членови на воадата излегоа коректни и фер, но низ годините што доаѓаа вклучително кога јас станав премиер помагавме и за реконструкции на џамии, некогаш и учество во изградба на некои џамии, па можам да кажам дека во тој дел на верски прашања речиси секогаш имало разбирање и толеранција со ретки исклучоци.Милениумскиот крст денес е еден од неколкуте карактеристични и препознатливи симболи на градот Скопје и на Македонија и Скопје веќе не може да се замисли без овој симбол“, додава тој.

Македонија | пред 3 години

Уметниците со отворено писмо до македонската Влада, бараат да почне изградбата на филмскиот град што ќе го предводи Џон Малкович

Истакнати македонски, српски и балкански професори, театарски, филмски и музички уметници упатија отворено писмо до македонската Влада да започне со реализација на проектот „Скопје технолошки парк“ за реализација на филмскиот град. Ова дојде по најавата за основање на филмски и музички студија во Скопје, „Стоунбриџ Студиос“, кои би ги предводеле врвните холивудски ѕвезди Џон Малкович, Мат Дилон и Д.В.Мофет ги обединиМеѓу потпишаните се и Драган Бјелогрлиќ, Мики Манојловиќ и Срџан Драгоевиќ.„Македонската и пошироко балканската јавност, неодамна беше почестена со несекојдневни информации околу најавата за основање на филмски и музички студија во Скопје т.н. Стоунбриџ Студиос, кои би биле предводени од врвните холивудски дејци како Џон Малкович, Мат Дилон и Д.В.Мофет. Филмскиот град, како што се најавува еден од најмодерните во Европа, е дел од многу поголем проект наречен Скопје Технолоџи Парк (СТП), прва приватна иницијатива за формирање на академско-технолошки нуклеус и генератор на идниот економски раст и едуцирана работна сила способна да се носи со предизвиците на 21 век. Оваа приватна иницијатива е претставена од компанијата СТП Капитал Партнерс Холдингс Скопје, македонска компанија основана од странски компании и професионалци кои доаѓат од Франција, САД, Србија и други држави.Еден од татковците на Европската Унија, Жан Моне (Jean Monnet), ќе остане запаметен во светската историја со неговата реченица: „Ако Европа повторно требаше да се гради, требаше да започне од културата!“ Овој голем интернационален проект СТП ќе биде вистински доказ дека македонската Влада, прифаќајќи го како стратешки проект, ќе внесе голем импулс и круцијален ангажман во своите евро-атлански интеграции.Ние, долупотпишаните, академски професори, театарски, филмски и музички уметници, амбасадори на македонската, српската, балканската и европската култура, јавно ја подржуваме македонската Влада да отпочне со реализација на проектот СТП и преку него, реализација на филмскиот град. Свесни дека од осамостојувањето до денес, оваа иницијатива претставува еден од највозбудливите и најперспективните предизвици за севкупен економски, културен и технолошки исчекор на македонското општество, сакаме да ја охрабриме Владата за брзо и неодложно остварување на проектот СТП.Верувајќи во искрените напори на Владата дека работи за интересите на своите граѓани и на државата која ја претставуваат, ги ставаме во функција сите наши академски и професионални капацитети одлуката која ќе ја донесе за доделување на статус на стратешка инвестиција на СТП, да помогнеме да ја спроведеме во дело.Уште во шеесетите години од XX век, големиот швајцарски писател Никола Бувие (Nicolas Bouvier 1929-1998), голем заљубеник во Балканот, во својот бест-селер книгата „Употребата на светот“ објавена на многу јазици на сите меридијани ја запиша бесмртната реченица „Балканот е срцето на Европа“.Токму со ваквите проекти Балканот ќе стане вистинско срце на Европа!Искажувајќи нескриен оптимизам, и разбирајќи го проектот како ретка надеж и ефективен начин за спречување на болниот одлив на млада и едуцирана работна сила од земјата, ве повикуваме да ја донесете единствената одлуката која сите граѓани на оваа држава ја очекуваат од вас.Срдечен поздрав,“Ако повторно треба да ја градиме Македонија, а треба, тогаш треба да почнеме од културата”, стои во објавата.

Магазин | пред 3 години

Виршли повлечени од продажба, пронајдена бактерија

Агенцијата за храна и ветеринарство донесе одлука за повлекување од продажба во земјава на пет серии од виршлите „Вуди“, бидејќи во нив било било утврдено присуство на бактерија листерија моноцитогенес (listeria мonocytogenes ST 155). Виршлите ќе бидат уништени, а агенцијата ги повикува потрошувачите да не ги консумираат виршлите од подолунаведените серии, односно да ги вратат на местото каде што ги купиле.За проблемот, агенцијата била известена од Италија, каде се наоѓа производителот.Кај компанијата увозник извршен е вонреден инспекциски надзор и утврдено е дека од спорните серии, кои во земјава биле увезени во неколку наврати, во магацините сенаоѓаат 3.030 килограми, кои се ставени под службен надзор. Овие количини, нештетно ќе бидат уништени заедно со количините кои ќе бидат повлечени од пазарот.Спорните серии од производителот Agricola Trevalli Soc Coap ARL од Италија во земјава биле увезени преку компанијата Колид С Тим од Колешино Струмица“ информира Агенцијата за храна и ветеринарство.Секоја недоследност во однос на безбедноста на храната граѓаните можат да ја пријават лично до Одделението за заштита на потрошувачите при АХВ, на бесплатната телефонска линија наменета за потрошувачите 0800 3 22 22 или електронски на info@fva.gov.mk.

Македонија | пред 3 години

(ФОТО) Паднал плафон во трговскиот центар „Ист гејт“

Фотографија од паднат плафон во трговскиот центар „Ист гејт“ кружи на социјалните мрежи. Корисник на Инстаграм, фотографијата ја испратил до „Дарко влогс“, со порака дека настанот се случил пред него.„Во East Gate само со шлем“, се шегуваат на социјалните мрежи.Засега нема став од менаџментот на трговскиот центар.За потсетување, „Ист гејт“ неодамна беше поплавен за време на обилните врнежи и истиот не беше во функција одреден период.https://twitter.com/Shiferovska/status/1572925537630449665?s=20&t=BupiXfOzhZqw8cwuKushTw 

Скопје | пред 3 години

Нема лекарска грешка за смртта на 25 годишниот Јован од Берово

Нема лекарска грешка во третманот на 25 годишниот пациент од Берово кој почина пред еден месец на КАРИЛ по интервенција на заб во Штипската клиничка боленица. Така заклучила стручната комисија формирана од министерот за здравство. Беким Сали вели дека според извештајот кој му бил доставен од Комисијата, на младиот беровчанец навремено му била пружана лекарска помош, но инфекцијата не можела да се спречи, пишува sitel.com.mk– Според наодите кои се најдени во институциите и документацијата дознаваме дека се испочитувани сите стручни фази за пружање навремени стручни услуги кон пациентот. Меѓутоа целата компликација настанува поради системско проширување на инфекцијата во целиот организам на пациентот и не можноста за реагирање, смирување или намалување на таа инфекција, изјави Беким Сали, министер за здравство.Иако преку допис до Министерството за здравство побаравме јавноста да го види извештајот од стручната комисија, не го добивме. Не беа соопштени ниту имињата на лекарите кои го правеле надзорот.Што предизвикало сепса кај пациентот треба да покажат анализите на Институтот за судска медицина по направената обдукција. Овој извештај го чека и обвинителството, откако за случајот отворија предмет по допрен глас.

Македонија | пред 3 години

„Да не си игра некој со власта и со опозицијата“, вели Јакимовски

Градоначалникот на Општина Карпош, од ГРОМ, Стевчо Јакимовски, гостуваше во „Само вистина“ на Канал 5 телевизија.Една од темите на раговор беше и политичката ситуација во град Скопје, односно политичките препукувања помеѓу градската власт и опозицијата. Во однос на билбордите кои се поставија низ Скопје изминатиот викенд, градоначалникот Јакимовски рече дека „истите билборди се гледаат низ Скопје, како од истата кујна да излегле“.-Ист графички дизајнер е на билбордите, нели беа претходно Заев, Ковачевски и Бислимовски. Како исти нарачател да е. Да не си игра некој со власта и со опозицијата - заклучи градоначалникот Стевчо Јакимовски во вчерашното гостување во „Само Вистина“.

Македонија | пред 3 години

Околу 330.000 пензионери ќе земат септемвриска пензија повисока за 6,8 проценти, вели СДСМ

Грижата за граѓаните и политиките на владата предводена од СДСМ и премиерот Димитар Ковачевски доведоа до рекордно зголемување на пензиите, вели СДСМ„Околу 330.000 пензионери ќе земат септемвриска пензија повисока за 6,8 проценти.Просечната пензија, која во јули 2022 година изнесуваше 16.348 денари, со усогласувањето од 6,8 проценти во септември изнесува 17.422 денари, што е за 1.074 денари повеќе.Рекордното зголемување на пензиите се должи на новата методологија за усогласување на пензиите со комбиниран модел со порастот на просечната плата и порастот на трошоците за живот.По стабилизирањето на Фондот за пензиско и инвалидско осигурување, СДСМ со инклузивен пристап, низ дијалог со сите засегнати страни, воспостави систем, според кој пензиите ќе се усогласуваат со растот на платите и трошоците на живот два пати годишно во март и во септември и никогаш повеќе нема да зависат од нечија политичка волја или да бидат предмет за уцени и манипулации на пензионерите.СДСМ продолжува со мерки и политики за вистинска грижа за сите граѓани“, се вели во соопштнеието.

Македонија | пред 3 години