ТОП

Учениците во Карпош без ужинка поради урбаната мафија, не се носи одлука зошто не им гласаме ДУП, сведочи Вељановски

Роберт Вељановски, член на Советот на Општина Карпош посочува: „Поради интересите на урбаната мафија, учениците од основните училишта во Карпош останаа без ужинка“.Тој додава дека со вчерашното напуштање на продолжението на XIV Седница на Советот на општина Карпош, советниците на СДСМ ја официјализирале новата коалиција со градоначалникот на Карпош.„Им честитаме! Причината за напуштањето на седницата е немањето мнозинство за изгласување на ДУП З 09 или познат како ДУП за Млечен. На донесувањето на овој ДУП остро се спротивставуваат советничките групи на ВМРО-ДПМНЕ, Левица и Независни за Карпош. За сметка на урбаната мафија, на карпошани им се ускратени одлуки за (ги издвојуваме најважните):- Субвенционирање на ужинки за учениците во општинските основни училишта на општина Карпош за месеците септември, октомври, ноември и декември а учебната 2022/2023.- Давање согласност за промена на корисникот на електрични броила од Општина Карпош на основните училишта на територијата на општина Карпош.- Одобрување на финансиски средства за награди за полуматурантите-првенци на генерација од општинските основни училишта на територијата на општина Карпош за учебната 2021/2022.Советничката група на ВМРО-ДПМНЕ опстојува на предизборните заложби од програмата со која добивме доверба од граѓаните на Карпош!“, напиша Вељановски.

Скопје | пред 3 години

Од шеги до заговори: Немој да пиете шилеговача, видовте што се случува со Данела

Караницата на релација ВМРО-ДПМНЕ - Данела Арсовска не застанува. Скопската градоначалничка последно го повика Христијан Мицкоски, лидер на опозициската партија, да дојде и лично да се пресмета со неа. Тој пак, преку телевизиско интервју ги смируваше страстите посочувајќи дека ова не е војна. Сепак, се чини дека страстите се зовриени, ако се има во предвид дека секојдневно ВМРО-ДПМНЕ испраќа соопштенија до медиумите со кои ја девалвира и дискредитира Арсовска.И јавноста има свои коментари. Дел се шегуваат, на дел ништо не ми е јасно, а трети, имаат своја страна.Дел од нив, објавени на „Твитер“, во проодлжение:„Данела, сега, добра е или лоша? Не разбрав“https://twitter.com/KRodzers/status/1569741548212060162„СДСМ и се воодушевува на Данела. Каков ти е денот таква ти е годината“https://twitter.com/Schiffer_PG14/status/1570374548075290628„Ќе потврди ли сега дпмне дека Данела е Бугарка?“https://twitter.com/AnaFiljana/status/1570507059850018819„Исто како што заврши Тривке невини ќе заврши и данела без ниту еден реализиран проект...“https://twitter.com/NoStAlGicArOt/status/1570358754012499971„Фала #Данела за денешните вмровски солзи. Кралице моја. Срно моја“https://twitter.com/100deutschemark/status/1569321593557368833„Кај е шпицниот Градоначалник, кај се крие? - ДанелаЈас од Нервно:“https://twitter.com/CheGuev21277156/status/1570425607888195586„Уште 5-6 глупи мемиња со Данела и нова година“https://twitter.com/mancesterovec7/status/1570522125718659074„Данела пред поплавите да го фатеше директорчето у мед ќе и простевме“https://twitter.com/Act_A__Fool/status/1570522809310511107„Ипак ја мислам дека Данела премлада влезе у политика.. Мислења?“https://twitter.com/HerrPIPO/status/1570532535914090498„Немој да пиете шилеговача, видовте што се случува со Данела , па таа стана ШИЛЕЖЕ“https://twitter.com/WolverineNase/status/1570550762266296320„Данела решила да се справува со корупција. Сасвим нормално е дека нема да има поддршка од ниедна политичка партија“.https://twitter.com/AntovSr/status/1570648404145090561„Имајки го предвид минатото на Данела не верувам дека решила да се справува со корупција или пак да одолее на партиски влијанија. Мислам дека едноставно не сака да дели со ниту една партија“.https://twitter.com/ibogovitelicno/status/1570650477527986178„Данела Арсовска вели била најдобар градоначалник до сега. За мене од почеток до сега е најголемо разочарување и промашување“https://twitter.com/Nedopirliva1/status/1570656280519540737„И после #Данела не била царица! *само да се мрчело“https://twitter.com/MKDProLet/status/1570656640063635456„Значи Данела е есдееес“https://twitter.com/PinderhughesMKD/status/1570665409262788615„Во ред е да реагира ако брцнале во градскиот мед ама таа се жешти како да брцнале внејзиниот домашен мед, која сама го направила...🙄 Данела пчелката стана оса!“https://twitter.com/ANGELa99046218/status/1570667276617273345„Мора да признаеме дека Данела и се допадна на „заедницата“ затоа што покажа твитерашки шмек, користи наши финти за кревање на рич и си лапа симп фоловери (гласачи) со навежбано „дрско“ а у ствари простачко онесување..“https://twitter.com/zoranveli/status/1570667484927365123

Коментари | пред 3 години

Се дозволува дијаспората да се вработува на државно, за да мора 29,54 да се Албанци

Во државните институции и министерствата почнаа подготовките за усогласување на вработувањата по етничка линија откако министерот за информатичко општество и администрација Адмирим Алити изработи нов балансер. До институциите стигнато е писмо од министерството во кое се наведува дека во планот за вработувањата од наредната година 31,54 отсто треба да се Албанци, пишува СДК.мк.Новиот балансер, според кој 31,54 отсто од администрацијата треба да се Албанци, Алити го изработи по објавување на податоците од пописот на население. До оваа бројка тој дошол така што на процентот на Албанци кои живеат во земјава (24,3 отсто) го додал процентот на оние кои се запишале како Албанци во дијаспората, уште 5,2 отсто или вкупно 29,54 отсто, а додал и плус два проценти од лицата кои не можеа да се најдат или го бојкотираа пописот лица, па беа административно попишани со вкрстување на податоци и изнесуваат 7,2 отсто, додава порталот.Владата вели дека побарала само да се тргне непопишното население, односно административно преброено, кое е 7,2 отсто, а од нив Алити пресметал дека 2 отсто се Албанци. Но, дозволува да се вметне дијаспората со што процентот на Албанци во администрацијата ќе биде 29,52 отсто, иако ваквата пресметка е спротивна на Законот за вработените во јавниот сектор, според кој распределбата на бројот на новите вработувања по припадност на заедница се прави според податоците од последниот попис на населението кои живеат на територијата на Република Северна Македонија.

Македонија | пред 3 години

Најчевска по Тупанчевски: Не тропајте глупости, нема аномалија туку луѓе со скромно познавање на правото

Професорката по право, Мирјана Најчевска и натаму смета дека одбивањето на референдумот од страна на Талат Џафери е грешка. Таа бара: „Ве молам да престанете со тресење глупости“. Нејзиниот став е спротивен на државниот.„Договорот со Бугарија е ратификуван во Собранието. Собранието е единствениот надлежен орган за ратификација на меѓународните договори. Не мешајте потпишување на договор со негова ратификација. Меѓународните договори не произведуваат правно дејство со потпишување туку со ратификација. Дајте елементарна правна писменост. И да референдумот се однесува на прашање кое е во исклучива надлежност на Собранието. Исклучива. Нема тука никаква аномалија освен таа што луѓе со многу скромно познавање на правото се универзитетски професори“, вели Најчевска.Иницијативата за референдум има правни аномалии што ја прават недоволно добра од правен аспект за постигнување на една замислена цел, изјави министерот за правда Никола Тупанчески.Според него, пред поднесувањето на иницијативата требало да се земат предвид одредбите од Уставот, Законот за референдум и Деловникот на Собранието.,,Во членот 118 од Уставот експлицитно е утврдена материјата во однос на меѓународните договори. Тие, како што стои во овој член, претставуваат составен дел од внатрешниот правен поредок на државата и не можат да бидат менувани со закон. Особено е важна и регулативата во Законот за референдум каде во членот 24 се вели дека референдум би можел да се распише пред потпишување , односно ратификација на меѓународен договор. Во членот 28, пак, кој се однесува на Бадентеровото мнозинство, исто така има релевантна одредба”, рече Тупанчески, потенцирајќи дека треба да се земат предвид и одредбите од Деловникот на Собранието при разгледувањето на иницијативата.

Коментари | пред 3 години

Комисијата која е плод на договорот со Бугарија договорила заедничко чествување на Гоце, вели опозицијата

Ковачевски и антимакедонската СДС не престануваат со распродавање на историјата, Комисијата која е плод на договорот со Бугарија договорила заедничко чествување на Гоце, вели ВМРО-ДПМНЕ„Се што Заев најави сега Ковачевски го реализира.Заев и Пендаровски по него го продадоа Делчев, а сега Ковачевски го официјализира.Договорот, кој требаше да се поништи на референдум е плод на сите негации на Македонија.Со договорот со Бугарија се негира историјата и нашиот идентитет, а тоа станува услов за влез на државата во ЕУ.Со договорот, буквално мора да се прифатат бугарските гледишта на историјата, ако сака државата да влезе во ЕУ.Првин власта почна со распродавање на светите браќа Кирил и Методиј, па Цар Самоил, па светите Климент и Наум, а сега на ред е и Гоце.Ковачевски знаеше дека сето ова ќе беше поништено на референдум и затоа избега. Но не може да избега од казната од народот, која доаѓа на избори“, се вели во соопштението.

Македонија | пред 3 години

(ВИДЕО) Никогаш не било порадикално: Данела го распука Мицкоски, па почна да илустрира „тресење рачиња“

- Советниче кога лажете и кога мавтате со докуметни, ви се тресе рачето ви се мења гласот, смалете доживлјај. Кај е шпицниот градоначалник, не го гледам тука, кај се крие Мицкоски, имаме одговор на ова прашање. Немаме. Го нема нигде, се крие. Во ВМРО ДПМНЕ има многу чесни, храбри, вредни луѓе, Мицкоски не е еден од нив... - со овие зборови со обрати градоначалничката на град Скопје во одговорите на прашањата на советниците на денешната седница за советнички прашања во Собранието на Град Скопје. Тогаш беше прекината од претседателот на советот на Град Скопје, Трајко Славески, кој посочи дека не треба да се споменуваат имиња на луѓе кои не се во Собранието.- Мое е право е да спомнувам кого сакам. Како до вчера бев најдобриот градоначалник на Скопје, а откако ви го фатив директорчето со рачето во медот, одеднаш не чинам. На сите прашања ќе им дојде одговорот. Јас како што гледате не ми се тресат рацете и не ми трепери гласот. За сите овие прашања кои ги поставивте, за тој спорен тендер, има кој треба да си одговори, и одговори ќе си дојдат. Јас ќе си продолжам по патот на правдата како и досега, како што до вчера бев најдобар градоначалник. Ама Мицковски од тендер матрицата не може да излезе, како што ви е јасно зошто до вчера бев супер, а денес не чинам. Јас сум истата, и не ми извртувајте реченици. На шпицниот градоначалник ќе му кажам, да се бореше со власта, како со мене овие денови, ќе ја спасеше Македонија - кажа Арсовска.Повторно беше прекината од Славески, дури и микрофонот беше исклучен, но Данела продолжи со своите ставови, и посочи дека кога биле фатени директорите на Мицкоски со рацете во медот, станала најлоша градоначалничка.- Не ми дозволувате да се искажам, да го завршам говорот. Ова не се случуваше до вчера, сега го правите. Ако сака да зборува за оставки, Мицковски треба да почне од себе - порача Арсовска и дополни дека Мицковски не треба да се заканува и да не се крие.По ова Славески најави 15 минутна пауза.

Скопје | пред 3 години

Дизелот поевтинува, нови цени на горивата

Регулаторната комисија за енергетика и водни услуги на Република Северна Македонија донесе Одлука со која се врши намалување на малопродажните цени на нафтените деривати во просек за 0,41% во однос на одлуката од 12.09.2022 година.Малопродажната цена на ЕУРОДИЗЕЛ (Д-Е V) се намалува за 2,00 ден/лит.Малопродажните цени на бензините ЕУРОСУПЕР БС-95 и ЕУРОСУПЕР БС-98, на Екстра лесното масло за домаќинство (ЕЛ-1) и на Мазутот М-1 НС не се менуваат.Од 16.9.2022 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 84,50 (денари/литар)Моторен бензин ЕУРОСУПЕР БС - 98 87,00 (денари/литар)Дизел гориво ЕУРОДИЗЕЛ БС (Д-Е V) 95,00 (денари/литар)Масло за горење Екстра лесно 1 (ЕЛ-1) 93,50 (денари/литар)Мазут М-1 НС 51,473 (денари/килограм)Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 1,341%, кај дизелот намалување за 1,779%, кај екстра лесното масло намалување за 1,389% и кај мазутот намалување за 1,067%.Курсот на денарот во однос на доларот во изминатиот период по кој беа формирани цените со претходната пресметка е понизок за 1,058%.Напоменуваме дека ова се максималните цени на нафтените деривати од 00:01 часот на 16.9.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 3 години

(ВИДЕО) Тупанчески: Меѓународен договор не може да се суспендира со закон

„Членот 118 од Уставот е прецизен и во него е утврдено дека меѓународните договори што се ратификувани се дел од внатрешниот поредок и не можат да се менуваат со закон”,рече министерот за правда Никола Тупанчески во интервју за А1он осврнувајќи се на прашањето за поднесената иницијатива на ВМРО ДПМНЕ за распишување задолжителен референдум за Договорот за добрососедство со Бугарија.Меѓународното право мора да се почитува, во спротивно според Тупанчески ,тоа би довело до отворање на Пандорината кутија.„Дали еден меѓународен договор може да се суспендира со закон?Во однос на правната сигурност во една држава, Република Северна Македонија има потпишано многу билатерални и мултилатерлни договори. Тоа значи дека како држава можеме еднострано или врз основа на највисоката алатка на демократијата-референдум, да ги коригираме тие договори. Постои можност, нашата држава еднострано да не го прифати тој договор,но начинот на кој треба да го направи не треба да биде онаков како што сега се прави”,рече Тупанчески.Во интервјуто за А1он, министерот посочи дека рестриктивното толкување на Уставот е подобро, односно постапувањето на Џафери.„Се согласувам дека во ингеренциите на претседателот на Собранието влегува оценката на уредноста. Дали претседателот треба мериторно да ја оценува самата иницијатива ,има две стојалишта.Да сум на местото на Џафери,би постапил исто затоа што и да беше оставена таа иницијатива, дефинитивно ќе имаше луѓе кои ќе ја оспореа”,потенцира министерот за правда Никола Тупанчески.

Македонија | пред 3 години

Коментар на денот: Овие кои предлагаа гасење на крстот на Водно предложија ли и мегафоните на минарињата да се заменат со акустика

Генералниот секретар на партијата БЕСА, Арјанит Хоџа, побара да се исклучи остветлувањето на Милениумскиот крст на врвот на Водно по примерот на Париз каде тамошните власти го намалија оствелувањето на Ајфеловата кула.– Во Париз се носи одлука за намалување на осветлувањето на Ајфеловата кула, со што се заштедуваат непотребните трошоци за електрична енергија особено во периодот на енергетската криза која започна и се очекува да се продлабочи оваа зима. Наместо нашите лидери да ни кажат како се користи електрична енергија во домаќинствата, јавно предлагам да почнат да се штеди и да го прекинат непотребното осветлување кај Милениумскиот крст на Водно – напиша Хоџа на Фејсбук.На ова реагираа граѓаните, а меѓу нив беше и Богдан Илиевски, познат како Бетмен Велит.„Овие кои предлагаа гасење на светилките на крстот на Водно предложија ли и мегафоните на минарињата да се заменат со акустика? Да штедиме рамномерно де“, вели тој.

Коментари | пред 3 години

Костовски: На Данела и се случува истото што и мене, разидувањето со ВМРО-ДПМНЕ е во фактот кој треба да го води Градот Скопје

Трифун Костовски преку социјалните мрежи и даде поддршка на Данела Аровска. Тој вели дека го следи целиот мандат на Арсовска и нема сомнеж дека нејзиното доаѓање на чело на Град Скопје е направено со најчесни намери.„Како бивш градоначалник на Град Скопје со поддршка до Арсовска, еве зошто!Флуидот кој долго се чувствуваше во етерот дека има недоразбирање на релација градоначалничка на Град Скопје Данела Арсовска и најголемата опозициска партија ВМРО-ДПМНЕ која застана зад нејзината кандидатура се појави на насловните страни на дневната политика, што објективно и го очекував. Со госпоѓата Арсовска имав една средба и низ целиот нејзин мандат ја следам со голем интерес и внимание. Немам сомнеж дека нејзиното доаѓање на кормилото градоначалник на Град Скопје е направено со најчесни намери. Ова сакам да го споделам со јавноста како поранешен градоначалник на Град Скопје кој исто така се кандидирав како независен кандидат поддржан од партијата ВМРО-ДПМНЕ и каде на идентичен начин после неполна година од мојот мандат дојде до комплетно разидување. Разликата меѓу мене и Арсовска со политичката партија ВМРО-ДПМНЕ е во тоа што тогашната ВМРО-ДПМНЕ на чело со господинот Никола Груевски дојде на власт веднаш после локалните избори. Денешното ВМРО-ДПМНЕ, предводено од господинот Мицкоски е во опозиција и грчевито се бори за предвремени избори како би дошле на власт, бидејќи незадоволството од владејачката гарнитура е сеопшто познато. Убеден сум дека разидувањето меѓу Арсовска и ВМРО-ДПМНЕ е во фактот кој треба да го води Градот Скопје, дали Арсовска или ВМРО-ДПМНЕ. Во мојот случај, јас не дозволив ВМРО-ДПМНЕ предводено од Никола Груевски истовремено да биде и градоначалник на Град Скопје, односно да бидам пиун во рацете на ВМРО-ДПМНЕ.Госпоѓата Арсовска која е избрана за градоначалник на Град Скопје на редовни избори е единствена повикана да го води Градот Скопје. Партијата ВМРО-ДПМНЕ, поддржувајќи ја нејзината кандидатура мораше да испорача и луѓе со капацитет да можат да ја водат јавната администрација и јавните претпријатија. Жалосно е што луѓето коишто се поставени на позиција од страна на госпоѓата Арсовска не одговараат пред градоначалникот, туку одговараат пред партијата која ги има предложено. На овој план мора потемелно да се доизградат односите меѓу партијата ВМРО-ДПМНЕ и госпоѓата Арсовска, бидејќи овие два субјекта треба да работат во интерес на граѓаните. Убеден сум дека вистинската поддршка на госпоѓата Арсовска од страна на ВМРО-ДПМНЕ ќе и беше како мелем на рана, бидејќи сум свесен што таа наследи како долгови кои градот ги има кон фирмите со кои соработува.Буџетот на Арсовска на годишно ниво е 70 милиони евра, а наследи неподмирени обврски од 170 милиони евра. Во ваква констелација ВМРО-ДПМНЕ треба на висина на своето место и улога во нашето секојдневие да ја подржи во нејзините настојувања за реализација на нејзините проекти, ама без никакви матни зделки, тендери и заткулисни игри. Буџетската дупка од 170 милиони евра мора да се затвори, а за таква работа е потребна посветеност и секако елиминирање на сите можни коруптивни и криминални дејанија во сите институции на градот.Упатувам на разум пред сè до партијата ВМРО-ДПМНЕ да се преиспита себе и да и даде вистинска поддршка на госпоѓата Арсовска, бидејќи во даденава ситуација јас сум паталец од причини познати само тогаш на господинот Груевски и неговата партија, култниот проект за изградба на КЕРМЕС и ден денеска стои како авет во центарот на Градскиот парк, иако овој проект е финален, уплатени се сите комунални давачки и отпочнат со градба, ама и денеска е објект без тапија, со најпрости зборови кажано маркицата на Кермес е избришана од ДУП-от на Општина Центар во време на владението на Никола Груевски и до ден денес маркицата не е вратена. Тоа е мојата цена на непослушност кон Груевски. Ги поминав сите судски инстанци во Македонија, барајќи ја правдата и на крајот со одлука на Врховниот суд на Република Македонија ми е вратена дозволата за градба, ама маркица нема.ВМРО-ДПМНЕ не смее да ги прави истите грешки од минатото, посебно не денес кога сите граѓани на Република Македонија се пред голема неизвесност поврзана со енергетската и социјална криза. Госпоѓата Данела Арсовска ја поддржувам во нејзините настојувања да биде вистински домаќин на Градот Скопје“, стои во објавата.

Коментари | пред 3 години

ВИДЕО: Тупанчески брутално “удри” по судии и обвинители, Мијалков, директори, Маричиќ и системот

Mинистерот за правда Никола Тупанчески во интервју за „А1он“ открива дали и натаму обвинителите ќе можат да прават спогодби како што беше во случајот „Империја“, каде се досудени три години затвор, за затаен имот вреден над 30 милиони евра. Зборува и за тоа колку лесно или тешко ќе застаруваат кривичните дела, но и дали со него ќе се донесе правда.„Треба да се направи многу повеќе за да бидам јас задоволен како министер за правда. Дали ние тоа го правиме во моментов како правда, откако сум јас дојден, давам максимум да стигнам до некаков стандарод што значи гаранција на подобрување на едноцифрена доверба на граѓаните. Анализите покажуваат дека еден од криминогените фактори за недозволени активности претставуваат ниските плати на судиите или обвинителите. Јас како министер за правда се борам за статусот и на судиите и на јавните обвинители, но да не заборавам дека и моите очекувања се прилично големи. Прилично големи во смисла ако јас веќе подавам рака дека ние навистина сме колеги требаа таа колегијалност да се рефлектира и врз професионалниот однос“, вели Тупанчески.На прашањето зошто никој не повикал на одговорност кај управата за јавни приходи кога тие се надлежни токму тоа да го спроведат, тој вели дека ние како држава потфрлуваме на тој план.„Ние како држава потфрлуваме на тој план. Јас сметам ако се работи за такви големи количини на имот или такви недвижности, навистина ако вие имате 3-4 алатки во државата, а ниту една не ја примените, тогаш значи државата затаила во однос на сопствената реакција“,  вели тој.Тупанчески вели дека не постои човек во Македонија кој со државна работа може за 30-40 години да заработи 30 милиони евра.„Не, апсолутно, ако земете дека највисоката плата во државата која што би требало да биде на претседателот на државата или на премиерот, дефинитивно невозможно е“, додава Тупанчески.

Македонија | пред 3 години

„Џафери го прекрши Уставот и и плукна во лице на демократијата, дојдовме до дереџе Апасиев да ни држи лекции“, вели Најчевска

Откако спикерот Талат Џафери одлучи дека нема да има референдум, на социјалните мрежи се огласи професорката Мирјана Најчевска која вели дека тој го прекршил Уставот и и плукнал во лице на демократијата.„Со ова Џафери го прекрши Уставот, покажа недозволливо незнаење на правото и и плукна во лице на демократијата.Ова е веќе такво ниво на партиско самоволие кое задира во темелите на уставниот поредок и не смее да се толерира.Колку што се сеќавам уште не е променет членот 2 од Уставот според кој власта во државата им припаѓа на граѓаните кои меѓу другото можат да ја остваруваат и преку референдум.Добро бре дојдовме до тоа дереџе Апасиев да ви држи лекции и да има право (добро не во се ама во голем дел)?Значи како што некој договор станал дел од внатрешното право може и да престане да биде дел од внатрешното право а граѓаните го имаат последниот збор.И да нема забуни: јас сум за европските вредности и развој на државата врз основа на овие вредности.Влезот во ЕУ треба да биде формалност за држава која ги практикува.Не прифаќање на европските вредности за да влеземе во ЕУ туку влез во ЕУ затоа што ги прифаќаме овие вредности“, се вели во објавата.

Коментари | пред 3 години

Рено ја напушти Русија, се е подготвено за враќање на Москвич

До крајот на 2022 година ќе бидат произведени околу 600 автомобили, од кои 200 ќе бидат опремени со електромотори.Поранешната московска фабрика на француската компанија Рено треба да започне со работа до крајот на 2022 година под името Москвич, изјави Владимир Јефимов, заменик градоначалник задолжен за економска политика и имотни односи.Според неговите зборови, подготовките за почеток на производството се одвиваат според планот, пренесува агенцијата Финмаркет.До крајот на 2022 година ќе бидат произведени околу 600 автомобили, од кои 200 ќе бидат опремени со електромотори. Во 2023 година компанијата ќе произведе најмалку 50.000 автомобили, а во 2024 година сите 100.000.Бројот на електрични автомобили ќе биде 10, односно 20 илјади.Целосниот производствен циклус со заварување и бојадисување на каросеријата е закажан за 2024 година. Планирано е да се произведат пет модели под значката Москвич: четири кросовери и еден седан.Како што претходно објави Autostat.ru, владата на Москва и КАМАЗ се договорија за распределба на акциите во капиталот на фабриката за автомобили Москвич и инвестирање во нејзиниот развој во износ од 5 милијарди рубли. КАМАЗ ќе дејствува како технолошки партнер на проектот.Формирана е и патна карта за создавање на единствена руска механичка платформа за возила на која ќе се развива моделската палета на домашната индустрија за патнички автомобили.

Магазин | пред 3 години

Талат во обид да ја спаси кариерата на Ковачевски стана и уставен судија, вели ВМРО-ДПМНЕ

Талат Џафери и неговите ортаци од антимакедонската СДС врска немаат со Устав, право, закони и демократија. Единствено што знаат е да ги погазуваат и кршат, вели ВМРО-ДПМНЕ„Се потврди дека антимакедонската СДС има уплав од соочување со народот. Се потврди дека заедно со Талат Џафери ќе направат се за да го избегнат референдумот на кој народот ќе каже што мисли за штетниот договор со Бугарија.Знае антимакедонската СДС дека народот во огромно мнозинство е против изворот на асимилаторската и негаторска политика насочена кон Македонија, па заедно со Талат Џафери се претворија во уставни судии и самоволно одлучија да го толкуваат и газат Уставот. Прават се само за да не го слушнат народот и да му ја спасат кариерата на Ковачевски. Но во очајот и нервозата уште повеќе се заплеткаа.Референдум за поништување на Законот за ратификација на Договорот со Бугарија е во согласност со чл.24 од Законот за Референдум, и не е во спротивност со Уставот. Ова референдумско прашање не го менува Договорот, туку се спори Законот за ратификација со кој тој се прогласува за важечки.Очигледен е стравот на власта предводена од Ковачевски. Со ваквиот кукавички потег тоа само го потврдија. Може да бегаат, но нема да избегаат од народната казна. Народот никој не го поразил. Од народната казна никој не се спасил, па ни антимакедонската СДС, ни Ковачевски“, се вели во соопштението.

Македонија | пред 3 години

Во што се состои неопходноста сопругата на пратеникот Костовски, од општинска администрација, да се презема во МНР, вели ВМРО-ДПМНЕ

Бујар Османи, Ковачевски и антимакедонската СДС го партизираа МНР и затоа македонската дипломатија е на ова дереџе. Бујар Османи во стилот ем шуто, ем боде, уште ја лаже јавноста и кажува дека нововработенaта сопруга на пратеникот од СДС Мартин Костовски е неопходен кадар која имала соодветни квалификации, како да се работи за капацитети рамни на чудо, вели ВМРО-ДПМНЕ„Во што се состои неопходноста сопругата на пратеникот Мартин Костовски, веројатно од општинска администрација, да се презема во министерство за надворешни работи?Кој капацитет и квалификации имаат ваквите кадри, за да имаат предност пред илјадници други млади и способни луѓе кои учеле, инвестирале во себе и се надградувале, но сепак ја немаат среќата да се вработат во МНР. Зошто не бил распишан оглас, па на тој оглас да се пријават и други, веројатно далеку поспособни кадри?Министерството за надворешни работи стана министерство за ухлебување блиски на функционери на власта. Додека илјадници млади не може да најдат перспектива во Македонија, додека половина милион луѓе живеат во сиромаштија, дури десетици илјади немаат земено плата на време, власта си прави кадровски рокади и ухлебување на сопруги, сопрузи, тетки, стрини, фризерки и други ним блиски лица. Ова е сериозен сомнеж за злоупотреба и трговија со влијание и за ова мора да има одговорност“, се вели во соопштението,

Македонија | пред 3 години

Апасиев го испрати Џафери во затвор

Лидерот на Левица, Димитар Апасиев вели дека Џафери направил грешка при одбивањето на иницијативата за референдумот.„КАДЕ ИСПОГРЕШИ НЕУКИОТ СИЛЕЏИЈА ТАЛАТ ЏАФЕРИ ПРИ ОДБИВАЊЕТО НА ИНИЦИЈАТИВАТА ЗА РЕФЕРЕНДУМОТ?1. Спикерот не е надлежен да се впушта во мериторно оценување на иницијативата за распишување референдум, туку може само да ја цени нејзината „УРЕДНОСТ“ од формално-правен аспект.2. Спикерот не може сам, без претходно МИСЛЕЊЕ од две собраниски комисии, да одлучи за уредноста на иницијативата.3. Спикерот, доколку смета дека иницијативата е неуредна, прашањето го префрла на ПЛЕНУМОТ на Собранието, поради тоа што само тоа има уставна и материјална надлежност да цени дали истата ќе продолжи или ќе запре.4. Единствено СОБРАНИЕТО (на пленарна седница), а не спикерот, е надлежно да одлучи ad meritum за уредноста на поднесената граѓанска иницијатива - преку носење на подзаконски правен акт наречен „Заклучок“ (а не „Известување“). Дури тогаш можеш да го известиш подносителот!5. Толкувањето дека Уставот не дозволува менување на ратификуван меѓународен договор се однесува исклучиво само на МУЛТИЛАТЕРАЛЕН ДОГОВОР, а никако на билатерален! Argumentum a fortiori, дури и Влада, а комоли пак Собранието, може да го раскине овој договор со Бугарија.6. Со овој ultra vires акт на самоволие, кога спикерот се става во положба на уставен судија, сторил кривично дело „СПРЕЧУВАЊЕ НА ИЗБОРИ И ГЛАСАЊЕ“ казниво по чл. 158, ст. 1 од Кривичниот законик, со запретена затворска казна од минимум три години (за што правниот тим на Левица ќе процесира соодветна пријава во ОЈО).7. Кој ти беше правен советник во случајов (Јетон или друг), нека ти ги врати ПАРИТЕ, оти нема појма од животот!8. Можно е да те бомбардираме и со сто други иницијативи, со различни референдумски прашања, од типот: „Дали сте за тоа бивши амнестирани терористи да можат да извршуваат највисоки државни функции во Република Македонија?“... “, вели Апасиев.

Коментари | пред 3 години

Нема референдум, реши Џафери и му кажа на Мицкоски

Претседателот на Собранието на Република Северна Македонија, Талат Џафери, денеска ја прими Граѓанската иницијативата за распишување на задолжителен референдум на државно ниво, за престанок на важењето на Законот за ратификација на Договорот за пријателство, добрососедство и соработка меѓу Република Македонија и Република Бугарија (објавен во Службен весник бр. 12/2018 од 18.01.2018 година) и на истата достави одговор до овластениот предлагач Проф. Д-р Христијан Мицкоски.

Македонија | пред 3 години

ВМРО-ДПМНЕ се оградува од Арсовска: Не сме задоволни од неа, наместо да се пресметува нека решава проблеми!

Скопската градоначалничка Данела Арсовска, повеќе нема поддршка од ВМРО-ДПМНЕ, освен за поединечни проекти за кои веќе има усогласеност и се промовирани во време на изборите. Портпаролката на партијата, Марија Митева, испрати и јавна порака до Арсовска. Според неа, партијата е незадоволна од резултатите на Арсовска, иако, кога ја поддржале за време на изборите, верувале во неа.„Како партија која го поддржа концептот за модерно Скопје и застана зад кандидатурата на Арсовска, искрено верувајќи во овој концепт, можам да кажам дека не сме задоволни од сега сработеното од градоначалничката. Сметаме дека е малку реализирано, а може и треба да се испорачаат повеќе резултати кои ги заслужуваат скопјани. Поддршката која ја дадовме за неа е темелена на принципи, и секако таа ќе ја повлечеме тогаш кога ќе видиме дека тие принципи не се почитуваат“, кажа Митева.Портпаролката одговори и дали мнозинството советници во Град Скопје ќе и ги гласаат проектите и одлуките на Арсовска.„Имено ова се однесува дека во иднина само оние проекти и онаа политика која е во функција на модерно Скопје и која ја поддржуваме ќе биде одобрена и изгласана во Советот. Но исто така, ќе го задржиме правото да бидеме жестоки критичари на нејзините политики кои излегуваат надвор од тој концепт“, посочи таа.На крајот, Митева упати и порака до скопската градоначалничка: „Би и порачале на градоначалничката дека наместо неосновани пресметки и упади на прес-конференции, треба да се започне со проекти и со решавање на потребите на скопјани“.

Скопје | пред 3 години

И директорот на „Дрисла“ се повлече од позицијата

„Како директор на депонијата Дрисла сакам да посочам дека во овој десет месечен период откако го превземав претпријатието направив стабилизација и негова консолидација и отпочнав со процес на инвестиции кои се во насока на подобрување на работата на истото. Но секој индивидуален успех на било кое претпријатие не е целосен доколку истото не добие потркепа од колективитетот во кој Дрисла мора да функционира, а тоа е Градот и нејзиниот прв човек. Морам да го истакнам немањето на координација и достапност со градоначалничката Арсовска и покрај бројните мои обиди тоа да биде сменето. Во такви едни услови сметам дека првенствена задача за еден градоначалник не смее да биде личната пресметка и хајка кон поединци, каква што видовме вчера, туку посветување на приоритетите и проектите кои се основна задача. Дополнително Дрисла се соочува со сериозен проблем поради сметките за струја кои се сериозен удар на претпријатието, а за жал до сега претпријатието нема никаква поддршка од Градот Скопје. Поради сето ова јас денес си поднесувам неотповиклива оставка од местото прв човек на Дрисла“, вели Јане Мицевски.Тој додава:Навистина благодарам до моите соработници во претпријатието со кои заеднички дојдовме до резултати за кус период.-Горд сум што за 9 месеци успеавме за Дрисла да набавиме нова сопствена механизација. Набавени се 4 нови градежни машини, од кои 2 булдожери и 2 натоварувачи-Со цел осовременување на депонијата и обезбедување подобри услови за работа на вработените, обезбедени се два нови монтажно/демонтажни деловни објекти за потребите на работниците.-Обезбедивме линеарно зголемување на платите од 2880 денари за секој вработен, како и исплата на заостанат регрес за годишен одмор за 2021 година.-Инсталацијата за стерилизација на медицинскиот отпад (автоклав) е пуштен во пробна употреба, а во јули 2022 година со добивање дозвола за работа со што е направена измена во А – интегрираната еколошка дозвола почнува официјално со употреба.Системот обезбедува и еколошка безбедност и не дозволува воздухот што го испушта стерилизаторот да ја загадува околината.На крајот, сакам да истакна дека вработените кои беа дел од мојот тим можат да посведочат дека преку мојот начин на менаџирање успеав да сменам многу пракси на директорите од минатото. Личните привилегии никогаш не ми претставуваа приоритет како што се личен возач, репрезентација, патувања, службен телефон и слични непродуктивни трошоци чија ставка е нула. Одговорноста спрема граѓаните е поважна од сечиј друг личен интерес и амбиција. Од Дрисла излегувам со крената глава, бидејќи резултатите се очигледни.

Скопје | пред 3 години

Уште еден директор на Арсовска е минато во Скопје

В.д. директорот на ЈП „Градски паркинг“ – Бојан Христовски денеска на Фејсбук сподели дека се повлекува од раководната позиција во претпријатието.Го пренесуваме во целост неговиот пост на социјалната мрежа:„Денеска навршуваат точно 8 месеци од моето именување за вд директор во ЈП Градски паркинг Скопје. На 13 јануари, оваа година беше мојот прв работен ден во ова претпријатие, а денес е мојот последен ден на оваа позиција.Влегов со план и визија, со посветеност, професионализам и со континуирана работна динамика, и сето тоа со цел да им овозможам на сите граѓани подеднаков третман и подобри услови за услугите кои ги пружа ова претпријатие.Но сепак морам да истакнам дека градот Скопје е комплексен систем на институционално управување во кои се испреплетени повеќе фактори. Тимската работа на градоначалникот и јавните претпријатија е неопходна, токму затоа нарушената координација е сериозна опасност за непречено функционирање на скопската локална самоуправа, а тоа е секако на штета на граѓаните. Дополнително вчера бевме сведоци на политичко-медиумска конструкција против директорот на едно јавно претпријатие и секретарот на град Скопје, при што без никакви факти и аргументи истите беа експресно „елиминирани“. Значи тоа се случува кога мерило за успехот не се резултатите, туку игрите кои се рефлексија на други поинакви интереси од колективните. Сето ова покажува дека многу малку или воопшто не се посветува внимание на она што беше ветено пред граѓаните за модерно Скопје, и јас како поединец и покрај бројните резултати за кус период не сакам да бидам дел од систем каде приоритет не се нашите цели и проекти, и каде нема поддршка од Градот ниту пак има нормална комуникација со градоначалникот. Затоа поради незаинтересираноста на првиот човек на градот за потребите на скопјани и градски паркинзи, како и поради драстично намалената поддршка на проектите кои со сопствени средства ги реалираме денес, поднесувам неотповиклива оставка од позицијата вд директор на ЈП Градски паркинг – Скопје.Зад мене остануваат повеќе тековни активности и новитети, но и суштински проекти имплементирани во претпријатието од кои би ги издвоил:– Финансиска стабилност и самостојност и покрај намалувањето на цените за зонско паркирање од 25% со кој се излезе во пресрет на потребите на скопјани,– Реновирање, осветлување и молерисување на катните гаражи– Зголемена хигиена на сите паркиралишта– Обележување на регуларни паркинг места и места за лица со попреченост– Возобновување на услугата шлеп служба– Бесплатно паркирање за крводарители и повластени цени за специјализанти– Зголемена транспарентност преку редовна комуникација со медиуми, функционалност на веб страна и нова ФБ страна– Набавка на нова ХТЗ опрема за сите вработени– Набавка на 70 нови дигитални уреди за контрола на паркирањето– Надградба на системот за зонско паркирање (смс „потсетник“ за паркирање и тн.)– Пос терминали на сите паркинзи– Подобрување на услугите на паркиралиштето на Клиничкиот центар (нов наплатен пункт, поставување на вертикална и хоризонтална сигнализација, во крајна фаза нови 2 паркомати и „при-пејд“ картички со 20 минути транзит период итн)Сите овие, но и останатите новитети би биле невозможни без големиот број на исклучително квалитетни и креативни професионалци и ентузијасти на кои сум им бескрајно благодарен за нивните напори за остварување на програмските цели. Динамичната работа и позитивниот притисок носат резултати. Поради тоа, со задоволство истакнувам дека позицијата ја напуштам со мојата последна одлука, а тоа е иницијатива до управниот одбор за заслужено линеарно зголемување на основната плата на сите вработени во вредност од 3000,00 денари.Сметам дека успесите на Градски Паркинг постигнати во едни тешки околности се значајни да ги истакнам. Тие ќе беа уште поголеми доколку имаше целосна поддршка од Градот и градоначалничката. Во мојот живот борбата за принципите во кои верувам се поважни од функцијата. Влегов достоинствено, излегувам со чист образ. Нема да дозволам било кој, а најмалку луѓе кои имаат поинакви приоритети од тие поради кои се избрани од народот, и поради лични политички игри тоа да го извалкаат“.

Скопје | пред 3 години

Бесмира Ејупи знае јазици и има безбедносен сертификат од највисок ранг, вели Османи

Јавноста го обвинува МНР за непотизам, а последниот случај е со сопругата на пратеникот Мартин Костовски, која премина со работа во ова министерство. Министерот Бујар Османи вели дека нема ништо незаконито во вработувањето.-Министерството има недостиг на кадар кој ќе се посвети на тешката работа во дипломатија. Нововработените започнуваат со минимална плата и треба години за да напредуваат во кариерата. Тоа е тешка професија, тие се некој вид номади кои цел живот го поминуваат на различни места. Госпоѓата Костовска е преземена од Куманово и сега е на пониска позиција одошто била претходно, рече министерот за надворешни работи Бујар Османи во Студио 10 на ТВ 24.Министерот вели дека Костовска е на постдипломски студии по меѓународна политика во Прага и во нејзиниот случај не станува збор за трговија со влијание.Случај кој ја разбранува јавноста е случајот на презентерката Бесмира Ејупи за која се велеше дека се подготвува за конзул, а сега е вработена во МНР.– МНР има потреба од 50 вработувања но сега Министерството за финансии одобри 16. Секој млад човек кој знае јазици и сака да се посвети да конкурира. Ејупи е преземена од Министерството за политички систем, како што по закон се преземаат и други службеници, вели Османи за Студио 10.За Ејупи вели дека знае јазици и имала безбедносен сертификат од највисок ранг како член на службата на протокол во претходното министерство.

Македонија | пред 3 години

Договорот со Бугарија е коренот на сите проблеми за Македонија, вели опозицијата

Антимакедонската СДС да не се плаши од народот и да прифати Референдум. А, со Референдумот и предвремени парламентарни и претседателски избори, вели ВМРО-ДПМНЕ„Договорот за добрососедство и пријателство со Бугарија е коренот на сите проблеми и затоа е потребен Референдум и мобилизација на народот против него. Не може само Македонија да презема обврски, а Бугарија да условува.Договорот со Бугарија кој го потпиша Заев, а го продолжи Ковачевски е отровното дрво кое раѓа отровни плодови, а последиците од таквиот договор ги гледаме денес. Овој договор со Бугарија е основата за негација на македонскиот јазик, идентитет и историја.Затоа, само Референдумот е можност народот да излезе и да го каже својот став, а според истражувањата над 60% од Македонците би го подржале Референдумот.Антимакедонската СДС треба во најмала рака да ја подржи иницијативата и да дозволи да се слушне волјата на граѓаните, но тие бегаат од Референдум затоа што знаат дека народот е против нив и против нивните погубни политики од кои само Македонија губи“, се вели во соопштението.

Македонија | пред 3 години

Данела не знае за што ќе го гони Перински: Прво го обвини дека влијание врз тендер, а сега дека е нетранспарентен

Градоначалничката на Скопје, Данела Арсовска не знае за кое кривично дело ќе го пријави директорот на Водовод, Златко Перински. Таа кажа дека не знае ништо за процесот за проектот за пречистителна станица финансиран од европски банки, но не одговори како без информации го обвини Перински дека сторил криминал за што ќе поднесува и кривична пријава. Во соопштението за разрешувањето на Перински се вели дека има сомнеж дека влијаел во постапката за избор на изведувач на тендер, а на прес-конференција посочи само дека тој не бил транспарентен и затоа го тргнала од директорската позиција.„Ние изразивме сомнеж бидејќи минатите месеци, Град Скопје нема добиено никаква информација во која насока се движат сите процеси кои се поврзани со избирање на најдобар понудувач. Ова е проект кој се прави со европски средства во вредност од 137 милиони евра. Ние имаме индиции дека не е транспарентен процесот и бараме да се сменат промени на членовите на комисиите. Нетранспаретноста на целата постапка ги покрена сомнежите. Ние нема да дозволиме европски средства да бидат изиграни. Во интерес на сите е да знаете што е позадината. Со самото тоа што Градот барал потранспаретна постапка и не било спроведено, имаме сомнежи дека се обидувало да се влијае на постапката“, кажа Арсовска.Прашана од кај знае дека има криминал, ако не знае ништо за проектот, Арсовска рече: „Да спречите нешто да се украде е исто како да се превенира. Јасен беше одговорот. Документацијата која ја имаме, ќе ја предадеме, друг ќе одлучи“.„Ние ги имаме нашите индиции, ги имаме релевантните документи, пред Обвинителството ќе ги поднесеме. Транспарентноста не е криминал, тоа е дека нешто се тера а не се прави пред јавноста“, рече Арсовска, а прашана кое е делото рече: „Тоа не е нешто наше кое треба да го тераме, не сме јавен обвинител ниту суд“.

Македонија | пред 3 години

Разрешен директорот на Водовод Златко Перински, поради самоволие и несоодветно постапување во постапка за милионски тендер

Град Скопје го разреши Златко Перински, в.д директорот на Јавното претпријатие Водовод и канализација поради самоволие и несоодветно постапување во постапка за милионски тендер, велат од Град Скопје.„Поради обиди за влијание кои се сметаат за тенденција која ги потврдува основаните сомнежи на Град Скопје за самоволие и несоодветно постапување во постапката за избор на изведувач на тендер вреден 136 милиони евра, за изведба на пречистителна станица, Перински е разрешен во петокот на 09.09.2022 година“, додаваат тие.

Скопје | пред 3 години

Тупанчески од Орбан ќе бара Груевски да го вратат назад, но и бегалците од „Монтрум“

Министерството за правда во наредниот период ќе поднесе нови барања за екстрадиција на Никола Груевски, Африм Исмаиловиќ и Алил Демири.„За Никола Груевски досега е испратено едно барање за екстрадиција од ноември 2018 година и едно дополнување на барањето за екстрадиција од јуни 2019 година.Екстрадицијата е побарана за сите случаи за кои имавме сознанија дека се водат постапки пред македонските правосудни органи,односно за сите постапки за кои е распишана потерница.Унгарија го одби барањето за екстрадиција на 05.08.2019 година со образложение дека на Никола Груевски му е даден азил и согласно нивниот закон лицето не може да биде предадено на државата од која избегал.Состојбата со сите судски постапки внимателно се следи а Министерството за правда ќе постапи соодветно и ќе поднесе ново барање за екстрадиција“, велат од Министерство за правда.„За Лицата Алил Демири и Африм Исмаиловиќ прв пат од Република Косово е побарана екстрадиција на 15.03.2013 година.Барањето за екстрадиција беше одбиено со пресуда на Основниот суд во Приштина од октомври 2015 година , потврдено и од Апелациониот суд на Косово јануари 2016 година.Екстрадиција повторно е побарана за двајцата на 05.09.2018 година. На 08.10.2021 година добиено е известување од Министерството за правда на Косово дека екстрадицијата за Исмаиловиќ се одбива , а за Демири нема одговор.Во постапките , се што беше побарано од косовските власти беше доставено.Официјални одговори од Косово со кои се одбива екстрадицијата на Исмаиловиќ се испратени два пати , февруари 2016 година и октомври 2021 година. За Демири има официјален одговор од Косово во февруари 2016 година.Апелациониот суд Скопје донесе пресуда со која ја потврди првостепената одлука за ,,Монструм” со која Алил Демири и Африм Исмаиловиќ се правосилно осудени на доживотна казна затвор. За овие лица Министерството за правда повторно ќе поднесе ново барање за екстрадиција“, соопштува Министерство за правда.

Македонија | пред 3 години