ТОП

Спасовски откри каде се криел осомничениот за убиството на Денис Тот

Министерот за внатрешни работи Оливер Спасовски вечерва во емисијата „24 анализа“ рече дека првоосомничениот за бруталното убиство на ракометарот Денис Тот, Анџело Ѓорѓиевски, рано утрово се предаде откако полицијата опсежно го пребарала Скопје.-Се предаде на тимот за потраги. Сите оперативни информации, толку стеснет простор, придонесоа по неколкучасовни активности на полицијата, тој да биде приведен во станицата во Аеродром, а потоа и спроведен во затворот Скопје, рече Спасовски.Министерот додаде дека Ѓорѓиевски се криел во Скопје, „во еден објект“.-Не е државна тајна, меѓутоа истрагите мора да ги водиме преку институциите. Сѐ она што можеме да го соопштиме, ќе го соопштиме, се она што не може, ќе го кажеме во наредниот период. Информациите што ги споделивме денеска се тие. Многу шпекулации имаше околу него, дека заминал од Македонија. Тој е фатен и изведен пред лицето на правдата. Сѐ е врз основа на факти и аргументи. Знаевме дека е тука и интензивно се работеше околу негово пронаоѓање, вели Спасовски.

Македонија | пред 3 години

Денес нема починати лица од ковид

Согласно податоците од Институтот за јавно здравје, Министерството за здравство информира дека во последните 24 часа:Направени се 2.216 тестови, а регистрирани се 185 нови случаи на КОВИД-19:Скопје – 114, Битола – 29, Кавадарци – 9, Прилеп, Велес, и Штип – по 4, Тетово и Охрид – по 3, Куманово, Гостивар, Неготино, Радовиш и Делчево – по 2, Струмица, Гевгелија, Виница, Кратово и Крушево – по 1.Од вкупниот број на позитивни (185), регистрирани се 28 реинфекции. Во текот на изминатите 24 часа, не се регистрирани починати лица.Регистрирани сe 124 оздравени пациенти од: Скопје – 69, Битола – 16, Кавадарци – 11, Прилеп – 8, Тетово и Куманово – по 3, Делчево, Велес, Гевгелија и Кичево – по 2, Гостивар, Неготино, Струмица, Ресен, Свети Николе и Демир Хисар – по 1Направени се 2.216 тестови преку: ИЈЗ-256, ЦЈЗ Скопје-93, ЦЈЗ Битола-47, ЦЈЗ Прилеп-25, ЦЈЗ Тетово-12, ЦЈЗ Куманово-49, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–147, Жан Митрев (Филип Втори)-48, Авицена-37, Биотек-44, Систина-41, лабораторија Лаор-58, Синлаб-9, Ремедика-16, Плодност-4, Генеа-6, Никоб Лаб-196, ВФВ Медикал-28, Ели Медика Плус-21, Ројал Медика–10, Спектра-ММ-3, Рапид Лаб–7, Жан Митрев Струмица–5, Нова Лаб Дијагностика–1, Рамус-16, ЈЗУ и ПЗУ (рапид тест) – вкупно 1.037Досега во земјата се направени вкупно 1.988.999 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 308.152, бројот на оздравени пациенти е 297.724, на починати е 9.256, а бројот на активни случаи изнесува 1.172Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 144767, Активни 628Куманово 16605, Активни 28Битола 15056, Активни 166Прилеп 14088, Активни 60Тетово 13438, Активни 13Кавадарци 10587, Активни 41Велес 9713, Активни 15Гостивар 9560, Активни 18Охрид 8804, Активни 47Струмица 8028, Активни 16Штип 7992, Активни 14Кичево 5592, Активни 27Кочани 5066, Активни 7Струга 4704, Активни 2Гевгелија 4391, Активни 8Неготино 3668, Активни 6Ресен 2705, Активни 15Свети Николе 2622, Активни 5Радовиш 2521, Активни 11Крива Паланка 2413, Активни 4Делчево 1971, Активни 17Дебар 1673, Активни 1Берово 1639, Активни 0Валандово 1481, Активни 2Виница 1387, Активни 5Пробиштип 1264, Активни 0Богданци 1019, Активни 1Кратово 962, Активни 2Крушево 928, Активни 5Демир Хисар 828, Активни 1Македонски Брод 736, Активни 0Демир Капија 591, Активни 5Македонска Каменица 523, Активни 0Пехчево 486, Активни 2Дојран 344, Активни 0

пред 3 години

По примањето поткуп на Блаце: Кривични пријави и суспензија за двајца полициски службеници

Во врска со случајот со земање поткуп на граничниот премин Блаце, Одделот за внатрешна контрола, криминалистички истраги и професионални стандарди во координација со надлежното обвинителство, како и службите за внатрешна контрола на Р. Косово и Р. Албанија го документираше кривично правниот настан и изврши службени разговори со полициските службеници.„Одделот за внатрешна контрола, криминалистички истраги и професионални стандарди до надлежното обвинителство против полициските службеници Е.Ш. и З.Р. ќе поднесе кривична пријава за сторено кривично дело „примање поткуп“ по член 357 од КЗ на РСМ, а ќе биде покрената и постапка за утврдување на дисциплинска одговорност.Полициските службеници до завршување на дисциплинската постапка се отстранети од работното место согласно одредбите од Колективниот договор на Министерството“, вели МВР.

Македонија | пред 3 години

„Во петок ќе се сретнеме Катица Јанева, Камчев, Кичеец и јас“, најавува Боки 13

Бојан Јовановски-Боки 13 кој е тужен од бизнисменот Јордан Камчев за да ги врати парите за кои Кривичен суд досуди дека се земени од него, објави најава на неговиот профил на „Инстаграм“. Во неа пишува тие двајца, но и ексспецијалната обвинителка која беше осудена Катица Јанева и осудениот Зоран Милевски-Кичеец одново ќе се сретнат во судница. Овојпат, во Граѓанскиот суд.„Известување до медиумите и граѓаните. Петок, 15.04.2022, 09 часот, Граѓанскиот суд ќе има рочиште, распит на странки, за тужбеното отштетно барање на Камчев. Во судница ќе се сретнеме јас Бојан Јовановски, Катица Јанева, Зоран Милевски-Кичеец и Јордан Камчев. Мислам дека ќе биде и повеќе од важно, ќе има што да се слушне. пс. Имам некое чувство дека оној торбоносецон Кичеец нема да дојде и дека само за него Камчев ќе ја повлече тужбата, па така уште еднаш ќе се види кој е и како го монтираше Рекет. До конечна правда. Show must go on“, стои во писанието објавено од администраторот на профилите на Боки 13.

Коментари | пред 3 години

(ФОТО) Запрена градба на седум нивоа на Водно, се бара итно отстранување

Затворено е градилиште на Водно. Инспекциите на Општина Центар издале и решение за отстранување на градба која е на седум ката.„Овластен градежен инспектор доднесе решение со кое се наредува на инвеститорот, физичко лице со живеалиште во Струга, во законски предвидениот рок да прекине со сите градежни активности и да ја отстрани градбата.Се работи за објект од втора категорија со намена А1 – домување во станбени куќи, со димензии 11.8 метри на 8.9 метри, изграден од армирано бетонска конструкција на улица „Христо Чернопеев“ бб, дел од локалитетот Тасино Чешмиче 1 и Тасино Чешмиче 2.На инвеститорот на објектот, овластен градежен инспектор на 20.7.2021 година, му издал Решение со кое му се наложува итен прекин на градежните работи. И покрај добиеното решение за прекин на изградбатата, инвеститорот продолжил со изградба на објектот, спротивно на издаденото одобрение за градење и заверениот основен проект.Врз основ на член 134, став 1, алинеа 3 и 4 и член 137 став 1 од Законот за градење, овластен градежен инспектор постапувајќи по службена должност, изврши контролен инспекциски надзор и донесе решение со кое му наложи на инвестирот во зададен рок да ја отстрани градбата. Во спротивно, општината ќе пристапи кон присилно административно извршување, со што трошоците од извршувањето ќе паднат на товар на инвеститорот“, вели Општина Центар.„Апелирам до сите инвеститори и сопственици на нелегални објекти, да ги почитуваат издадените решенија за отстранување на објекти, затоа што во спротивно, општината присилно ќе ги отстрани, а трошоците за отстранувањето ќе паднат на товар на инвеститорите, односно сопствениците“, додава градоначалникот Герасимовски.

Скопје | пред 3 години

„Викторија и Леонид не добија правична пресуда“, во петок ќе се протестира пред Кривичен

Протест пред Кривичниот суд ќе се одржи во петок. Организатор е Леонид Даов, повреденото момче во сообраќајката кај „Сити мол“, каде загина 24-годишната Викторија.„После пресудата од 11.04.2022 на Основниот Кривичен Суд Скопје, Викторија и Леонид не ја добија пресудата која е правична и праведна! Немаме владение на правото, немаме спокој на душите! Имаме граѓанско право да го кренеме својот глас и за Викторија, но и за сите жртви на сообраќајно насилство и неправедно пресуди! Да ја разбудиме свеста, да бидеме гласот на покојните и гласот на жртвите! Да кажеме СТОП НА ЛОШИТЕ ПРЕСУДИ И СТОП НА СООБРАЌАЈНОТО НАСИЛСТВО! На 15.04.2022 (петок) од 10:00 до 11:00ч Ве повикувам пред Основен Кривичен Суд Скопје да го искажеме нашиот револт и да го запреме крварењето по улиците и пешачките премини ширум државата“, стои во објавата.

Македонија | пред 3 години

Ковачевски за „Ди Пресе“: Русија има интерес од замрзнати конфликти на Балканот

Претседателот на Владата на Република Северна Македонија Димитар Ковачевски, во интервју за австрискиот дневен весник „Ди Пресе“, порача дека во време на воената агресија на Русија кон Украина, членството во НАТО е од огромно значење за Република Северна Македонија, особено за нејзината економија.„Неиспровоцираниот напад на Русија врз Украина докажува дека членството во најголемиот светски одбранбен сојуз НАТО, е од огромно значење за секоја членка. Ние сме мала земја. Нашата безбедност ја гарантираат сите членки на НАТО, што има многу позитивни последици за нашето општество – исто така и за нашата економија. Затоа што странските инвеститори, особено оние од инфраструктурниот сектор, знаат дека се во безбедна земја, заштитена од НАТО“, истакнува премиерот Ковачевски во интервјуто за “Ди Пресе“.Ковачевски за австрискиот весник се осврнува и на континуираниот геостратешки интерес на Русија за Балканот.„Западен Балкан отсекогаш бил од интерес за Русија. Нејзиното влијание преку медиумите, вклучително и преку некои политички партии, беше секогаш присутно. Русија има интерес од замрзнати конфликти на Балканот, кои им оневозможуваат на земјите да го изодат својот пат кон евроатлантските интеграции“, дополнува претседателот на Владата за австрискиот медиум.

Македонија | пред 3 години

Уапсен третиот осомничен за убиството на ракометарот

Министерството за внатрешни работи утринава го извести Основното јавно обвинителство Скопје дека е лишен од слобода Анџело Ѓорѓиевски по кој се трагаше врз основа на издадена Наредба за спроведување истражна постапка за кривично дело – Убиство од член 123 став 1 во врска со член 22 од Кривичниот законик.Како што известуваат од Обвинителството, лицето се предало на органите на прогонот на територијата на Скопје.За осомничениот, по предлог на јавниот обвинител, судија на претходна постапка од Основниот кривичен суд Скопје веќе има донесено решение за определување мерка притвор во траење од 30 дена.​Претходно МВР распиша меѓународна потерница за Анџело Ѓорѓиевски. Другите двајца осомничени веќе се во притвор.

Скопје | пред 3 години

(ВИДЕО) Раководител на смена на Блаце за 120 евра пропушти шест албански државјани

Албанската телевизија Клан синоќа во емисијата „Стоп“ објави видео на кое се гледа како раководителот на смена на граничниот премин Блаце, Шкрета Елхам, зема 120 евра од државјани на Албанија кои ја минуваат границата. Елхам е познат како голем поддржувач на СДСМ и на политиките на Зоран Заев.Новинарот на ТВ Клан, во улога на патник, плати 120 евра за цариникот да пропушти шест албански државјани без никакви проверки.Бизнисмен, кој се занимава со превоз на патници се обратил до телевизија Клан потончно шоуто „Стоп“ со информации дека му бара поткуп за услуга што треба да биде бесплатна од страна на граничарите. Тој трпел огромен притисок од македонските цариници.„Јас сум албански бизнисмен кој превезува луѓе внатре и надвор од државата. Многу проблеми имаме со македонската погранична полиција. Не мито, туку им даваме плати секој ден, од 500 евра, 700 евра по возило. За секој патник тарифата беше 50 евра, но сега падна на 20 евра. Мито! За секој човек. Носам 20-30 патници. За секој патник мора да се дадат 20 евра“, открива бизнисменот за ТВ Клан.Екипа на емисијата „Стоп“ на граничниот премин Блаце ја сними целата постапка како Елхам, како раководител на смена, си бара и си ги зема парите – од шест патници, по 20 евра од човек.

Македонија | пред 3 години

Првоосомничениот за убиството на Тот спроведен во затвор

А.Ѓ.(28) , првоосомничениот за кривичното дело убиство на Денис Тот ноќеска (13.04.2022) околу 02 часот е спроведен во КПУ Затвор Скопје за издржување на мерката притвор, одредена од надлежниот суд. Тој беше баран по потерница односно Наредба - XL КО. бр. 1211/22 од 12.04.2022 год. на ОЈО Скопје поради основано сомневање за сторено кривично дело „Убиство“ по чл. 123 од КЗ на РСМ.По преземени интезнивни мерки и активности за негово пронаоѓање и приведување, лицето околу 01.20 часот се предало на полициски службеници од Оперативен тим Потраги на подрачје на нас. Аеродром.

Македонија | пред 3 години

(ФОТО) Објавена потерницата: Анџело Ѓорѓиевски е осомничен дека го убил ракометарот Денис Тот

Полицијата распиша потерница по лицето кое се сомничи за убиство на ракометарот Денис Тот. Станува збор за Анџело Ѓорѓиевски од скопско Волково. Тој има 27 години. Ппотерницата е меѓународна.„Анџело Ѓорѓиевски род.13.01.1994 год. во Скопје, каде и живее на ул.„9“ бр.5, с. Волково. Се бара по Наредба КО. бр. 1211/22 од 12.04.2022 год. на ОЈО Скопје, поради основано сомневање за сторено кривично дело „Убиство“ по чл. 123 од КЗ на РСМ“, стои во објавата на МВР.Јавното обвинителство потврди дека врз основа на прегледаните видео записи од безбедносните камери – Safe City, идентификувани се три лица за кои се донела наредба за истражна постапка, поради основано сомнение дека извршиле Убиство од член 123 став 1 и член 22 од кривичниот законик.Обвинителството потврдува и дека двајца од осомничените, меѓу кои и 19 годишна девојка, се лишени од слобода и ќе бидат изведени пред судија на претходна постапка, додека по првоосомничениот, кој е недостапен на органите на прогонот, се трага. Со оглед на тежината на стореното кривично дело, за сите осомничени ќе биде предложена и мерката притвор.Врз основа на резултатите од извршената обдукција на Институтот за судска медицина и геонтологија, било утврдено дека иако на телото нема видливи повреди, смртта е насилна и настапила како резултат на повреди на мозокот.

Скопје | пред 3 години

Фатен третиот осомничен за убиството на ракометарот Тот

Министерството за внатрешни работи утринава го извести Основното јавно обвинителство Скопје дека е лишено од слобода лицето А.Ѓ. по кое се трагаше врз основа на издадена Наредба за спроведување истражна постапка за кривично дело – Убиство од член 123 став 1 во врска со член 22 од Кривичниот законик.Лицето се предало на органите на прогонот на територијата на Скопје. За осомничениот, по предлог на јавниот обвинител, судија на претходна постапка од Основниот кривичен суд Скопје веќе има донесено решение за определување мерка притвор во траење од 30 дена.​

Македонија | пред 3 години

Мухамед Зеќири ќе остане во затворот во Шутка

Кривичниот совет на одделението за организиран криминал и корупција, постапувајќи по жалба на одбраната на осомничениот М.З. во однос на решението на судија на претходна постапка, денеска одржа јавна седница во присуство на странките, по која ценејќи ги фактите приложени во жалбата, донесе решение со кое го потврди решението на претходна постапка со измени во основите кои постојат за определување на мерката притвор.„Односно, советот го преиначи решението на претоходна постапка на начин што ја укина точна 3 од чл. 165 ст.1, односно можност обвинетиот да го повтори делото.Како што судот веќе извести, судија на претходна постапка, одлучувајќи по предлог на ОЈО ГОКК за определување мерка притвор, на 08.04.2022 година донесе решение со кое го прифати предлогот и на осомничениот му определи мерка притвор во траење од 30 дена заради постоење на основите од чл. 165 ст.1 т.1,2 и 3 од ЗКП“, велат од Кривичен суд.

Македонија | пред 3 години

СОНК: Нема притисоци врз штрајкувачите

Со ова соопштение сакаме да ве информираме за текот на вториот ден од Генералниот штрајк на вработените во детските градинки, основните и средните училишта, за остварување на социјалните барања, а во организација на СОНК, вели Јаким Неделков претседател на СОНК."Во текот на денешниот ден, сите синдикални организации на СОНК се во Генерален штрајк, дополнително со зголемен број на колешки и колеги кои се приклучиле кон штрајкот. Посериозни проблеми или притисоци врз штрајкувачите не се регистрирани до овој момент, а доколку има такви дејствија и пристигнат Изјави до нас, јавноста ќе биде благовремено информирана.Во текот на денешниот ден очекуваме покана за работна средба од страна на надлежните институции, а за времето на одржување на средбата и резултатите од неа, ќе бидете дополнително информирани.СОНК се надева дека ресорните министерства или Владата ќе излезат со конкретен и прифатлив предлог за зголемување на платите во гореспоменатите дејности односно со предлог кој ќе биде прифатлив од мнозинството на членови на СОНК. Со тоа би се донело, во најкраток можен рок, одлука за прекин на штрајкот и продолжување на нормалниот тек на воспитно - образовниот процес" додава тој

Македонија | пред 3 години

150 заразени од ковид, четири лица починаа

Согласно податоците од Институтот за јавно здравје, Министерството за здравство информира дека во последните 24 часа:Направени се 2.290 тестови, а регистрирани се 150 нови случаи на КОВИД-19: Скопје – 84, Битола – 23, Прилеп – 9, Охрид – 5, Куманово и Гостивар – по 4, Кавадарци – 3, Тетово, Струмица, Штип, Кичево, Делчево и Демир Хисар – по 2, Велес, Кочани, Струга, Крива Паланка, Виница и Пехчево – по 1.Од вкупниот број на позитивни (150), регистрирани се 27 реинфекции.Регистрирани сe 246 оздравени пациенти од: Скопје – 123, Битола – 23, Прилеп – 16, Кавадарци и Охрид – по 15, Штип – 7, Струга и Гевгелија – по 5, Кочани и Делчево – по 4, Куманово, Велес, Кичево, Дебар и Виница – по 3, Гостивар, Берово и Валандово – по 2, Тетово, Неготино, Радовиш, Крива Паланка, Богданци, Крушево, Македонски Брод и Македонска Каменица – по 1.Во текот на изминатите 24 часа, регистрирано е едно починато лице: од Демир Хисар (68г), починато во болнички услови.Согласно Регистарот на умрени лица со дијагноза КОВИД-19 од Мој Термин, дополнително се пријавени 3 починати лице од Скопје на возраст од 58 до 93 години. Пријавените лица се починати во периодот 12-17.03.2022 година, две во болнички и едно во домашни услови.Од вкупниот број на починати лица (4), кај сите се регистрирани коморбидитети.Направени се 2.290 тестови преку: ИЈЗ-142, ЦЈЗ Скопје-62, ЦЈЗ Битола-67, ЦЈЗ Прилеп-41, ЦЈЗ Тетово-15, ЦЈЗ Куманово-56, Клиника за инфективни болести и фебрилни состојби-0, Судска медицина-0, лабораторија болница Козле-16, УК Пулмологија со алергологија –4, ГОБ 8-ми Септември-0, Институт за микробиологија–83, Жан Митрев (Филип Втори)-32, Авицена-48, Биотек-105, Систина-45, лабораторија Лаор-55, Синлаб-9, Ремедика-27, Плодност-24, Генеа-8, Никоб Лаб-148, ВФВ Медикал-23, Ели Медика Плус-13, Ројал Медика–7, Спектра-ММ-5, Рапид Лаб–14, Жан Митрев Струмица–5, Нова Лаб Дијагностика–4, Рамус-10, ЈЗУ и ПЗУ (рапид тест) – вкупно 1.222.

пред 3 години

Спасовски со детали за убиството на Тот

Министерот за внатрешни работи Оливер Спасовски е дециден дека немало обид за сокривање на убиството на ракометарот Денис Тот.„Постојат повеќе причини што била причината за настанот. Според изјавите кои ги имаме, тоа е лично недоразбирање меѓу девојката и момчето. Сочувство до семејството на починатиот и да отфрлам сето она што деновиве се пласира во јавноста за наводно криење на овој случај. Во ниту еден момент нема никаков застој во истрагата. Веднаш по добивањето на информацијата, која не е добиена од лице место за нарушување на јавен ред и мир за тепачка, туку од Клиничкиот центар нашите екипи се излезени и започнуваат истражните дејствија. Немаме запирање во ниту еден момент, се до целосното расчистување на случајот со поднесување на кривичните пријави во рок од 24 часа. За едно лице се трага. Ќе се распишуваат меѓународна и домашна потерница“, кажа Спасовски.„Прибираме податоци и информации за сите аспекти. Работат колегите и ќе видиме за резултатите од цел настан. Се бараа информации од Брза помош за од каде е подигнат човекот, а првата информација се базира на увидот и анализата која на направиле анализата на Клиничкиот центар. Истражните дејствија продолжуваат се до расчистување. Вие бевте сведоци дека немало снимки, дека се избришани и тн. Такви дезинформации не помагаат. Сите аспекти во тој дел, во делот на посета на местото на настанот кога ни беше укажано каде е пронајдено момчето, преку камерите од ‘Сејф сити’ се пристапи кон расчистување на случајот“, кажа Спасовски.Во полиција, изјави за настанот дал сопственикот на клубот „Привилиџ“ каде бил претепан Тот, како и вработена. На видео снимка детално се гледа настанот како се одвивал.„Првичната информација ја даваме на база на она што ни го кажуваат од Клиничкиот центар. Понатаму има гледање на камери, истражни дејствија, повикување на сведоци, како сопственикот на дискотеката, вработената. Тие се повикани во четвртокот на пладне. Сите лица кои биле од интерес на истрагата се повикани во полициска станица и заведени“, додава Спасовски.

Македонија | пред 3 години

„Само што видов нечиј последен здив, пораз за човештвото“, цела Македонија згрозена од убиството на Тот

Јавноста е згрозена по снимката на која се гледа убиството на хрватскиот ракометар, Денис Тот. Се бара одговорност и итно решавање на случајот. Се коментира и за општествената одговорност, но и одговорноста на сите набљудувачи кои не реагирале додека девојка и дечко го претепуваат Тот до смрт.За потсетување, на социјалните мрежи беше објавено е видеото од безбедносните камери кои го прикажуваат нападот врз хрватскиот ракометар Денис Тот. Снимката беше експресно избришана од платформата youtube но за брзо се рашири на twitter. Од снимката јасно се гледа дека младиот ракометар е крвнички претепан пред клубот.https://twitter.com/PetarZz/status/1513602195207430162https://twitter.com/Zmugalo/status/1513525509518413826https://twitter.com/VidanaDeSign/status/1513454394104238083https://twitter.com/otsutna/status/1512758396986007557https://twitter.com/PlayerNo_6/status/1513544784442544133https://twitter.com/Skitnikot7/status/1513610386234298372https://twitter.com/Stela_Stela21/status/1513600444672745483https://twitter.com/drakulka143/status/1513543678001913864https://twitter.com/Mr_Mr_Ano/status/1513532226482458628https://twitter.com/Pavlovikj/status/1513528976005910532https://twitter.com/zhena_ingrata/status/1513588659982942211https://twitter.com/Dorcobre/status/1513569544622813186https://twitter.com/Viktor_Stevich/status/1513164781687037963https://twitter.com/Kotvitaneskita/status/1512831543974277129Реакциите на социјалните мрежи се бројни!-Го изгледав грозното видео со многу луѓе на него. Ги приметив оние двајца кои ладно излагаат од диско и се оддалечуваат. Никој не свртел во полиција изгледа. Оние двајца не се ни свртеа да видат што се случува. Таа индиферентност кон насилството. Тој "да не се мешаме" став кон насилство додека како општество сме склони да се мешаме апсолутно во све, во туѓи спални, туѓи кујни. Таа индиферентност, драги мои, е соучесник во насилство! Искрено се надевам на најстроги казни за насилниците!  - Ина Многуфина-Одминувачи и непружачи на прва помош се посебен наш феномен. - Д-р Ненад Лазаров-Некако знаев и претходно ама сега ми се потврди, овој народ ќе те остави да умреш на улица ако нешто ти се случи и тоа ми влева страв и ме прави многу тажна истовремено - Јована Јовановска-Сосема е очекувано сите тие алкохоли, кокаини измешани со мишомори и креда, сите тие Диазепами, Хелекси џвакнати ко бонбони, сите тие лажирани Инстаграми, уонаби јаки фаци, жени од султана напеви и лоши животни навики, избори и модели да резултираат со апатија, агресија и смрт. Замисли вакво нешто да се деси со смути после џогинг, или чај после посета на Филхармонија... Немогуче... И да, мафнете ги дискотеките од Парк! Под систем хитно! - Ирена Ристиќ-Ова се убијците на ракометарот Тот. Позади овој у розево кошулче, стојат икони. Продуховен верник воден од Бог, а? Ние сме расадник на психопати. Ова се млади луѓе, со родители близу мојата генерација. Каде згрешивме генерацијо моја транзициска? Каде ги испуштивте децата? Во трката за престиж и моќ не ги научивте на емпатија и солидарност. Освестете се. Има првоодделенци кои во школо кажуваат која марка им се патиките, кој модел на телефон имаат и каква кола возат мама и тато. И знаат за вмро и сдс. Таквото надмено воспитување базирано на конзумеризам и престиж создава убијци. И овие убијци сигурно се така воспитувани. Престижот, материјализмот, конзумеризмот повлекуваат агресија, а не емпатија. Погледнете си ги децата до вас сега во моментов, прашајте се зошто на некој кој штотуку се родил важно му е што носи, што вози тато, колку пари има мама и колку се моќни со нивните работни позиции. Тоа нека ви биде тригер за паника. Воспитувајте додека не е предоцна. - Фросина Фро„Скопје1“ се оградува од ставовите, истите се пренесени интегрално како коментари на јавноста.

Коментари | пред 3 години

Платите во образование зголемени од 3.200 до 6.400 денари

Вработените во образованието и во детската заштита и воспитание се базата за развој на општеството и квалитетен човечки потенцијал. Затоа еден од врвните приоритети на Владата е континуиран раст на платите на наставниците и воспитувачите и негователите, на кое работиме и ќе продолжиме да работиме.Со конструктивен дијалог со синдикатите кои се наш силен партнер, платите на вработените во образованието и во детската заштита во периодот од 2017 до 2022 година се зголемени за 21%. Со последните зголемувања, наставник/чка во основно образование сега зема плата од 24.786 денари, плус минат труд, што е зголемување за 3.267 денари плус минат труд, за разлика од 2016 година кога неговата плата изнесувала 21.521 денар. Кај наставниците во средно образование платата сега изнесува 25.642 денари и е зголемена за 4.353 денари плус минат труд.Изминатиот период од 2017 до 2022 година со воведувањето на новата методологија за пресметка беше постигнато најголемото зголемување на платите на вработените во градинките. Во 2017 година неговател/ка во градинка земаше 14.493 денари плата. Во 2022 просечно исплатена плата за месец февруари на неговател/ка е 19.560 денари плус минат труд. Разликата е 5.067 денари повеќе на сметката на овие вработени, плус додатокот за минат труд. Платата на воспитувач/ка во градинка во 2017 година изнесувала 19.200 денари, додека во 2022 година, 25.642 денари плус додатокот за минат труд. Зголемувањето овде е 6.442 денари, плус минатиот труд.Растот за платите за вработените во образование и во градинките е во времето на оваа Влада и колективниот договор потпишан 2019 година во јуни. Дебатата за новиот колективен договор е шанса за трајно решавање на континуираниот раст на платите. Владата е отворена за дијалог за постигнување систем за раст на платите кој нема да биде условен и предизвикуван од штрајкови и незадоволства. Заедно да најдеме модел за раст кој како со договорот за минималната плата ќе се врзе за порастот на просечната плата и со порастот на трошоците за живот.Го охрабруваме синдикатот, кој покажа интерес за новиот пристап, да го продолжи дијалогот и да учествува и да ја преземе одговорноста за трајно решение за раст на платите.Барањата треба да бидат реални и да произлегуваат од чувството кое го налага моментот. Во услови на исклучителна светска економска криза која не заобиколи ниту една земја, па ниту нашата, Владата во заеднички дијалог со репрезентативните синдикати продолжува да обезбедува системски решенија со кои ќе го продолжи зголемувањето на платите за вработените во училиштата и градинките.

Македонија | пред 3 години

Снимката од убиството на Тот е доказ дека МВР го прикривала случајот, вели опозицијата

Спасовски да поднесе оставка, снимката од убиството на Тот е доказ дека МВР го прикривала случајот, вели опозицијата„Спасовски е директно одговорен зошто четири дена МВР не излегува со јасна слика за убиството на ракометарот Тот.Од снимките кои беа објавени во медиумите јасно се гледа дека станува збор за убиство, и дека Тот е тепан од страна на 3 лица, а сведоци на настанот се 10-тина луѓе.Четири дена Спасовски се обидува да го прикрие настанот, и да ја убеди јавноста дека не станува збор за убиство, туку за несреќен случај.Од снимките јасно се гледа што се случувало, и што е причина за смртта на ракометарот Тот. За настанот гледаме дека имало и 10-тина сведоци и снимки од камери, сето тоа и било познато на МВР. Останува нејасно, зошто тоа не беше кажано веднаш по немилиот настан, туку институциите се впуштија во прикривање на настанот?Одговорност мора да има. Спасовски оставка веднаш“, се вели во соопштението.

Македонија | пред 3 години

Голем пожар синоќа во Тетово, запалени дуќани во Градскиот стадион

Голем пожар синоќа го зафатил тетовскиот Градски стадион во подтрибинскиот простор, па пожарот ги пеплосал дуќаните кои се наоѓале таму, но во огнената стихија изгореле и поголем дел од столчињата во делот каде бил пожарот, објави порталот Тетово инфо. Нема повредени во пожарот кој избил во 20.35 часот, а е изгаснат во 21.45 часот.„Изгореа и дел од столчињата на стадионот. На почеток бевме доведени во опасност поради 'фрлање на струја', односно ненадеен проток, кратки споеви, експлозии и бидејќи водата е спроводник не можевме веднаш да интервенираме и тоа го сторивме откако беше исклучена струјата. Со употреба на пена спречивме понатамошно прошириување на огнот“, рекол командирот на противпожарната бригада Ука Алити.

Македонија | пред 3 години

ГККШ: Усвоени предлозите за укинување на обврската за носење маски во затворен простор

На петта седница на Главниот координативен кризен штаб беа усвоени повеќе заклучоци од одлуки и препораки на Комисијата за заразни болести. Заклучоците ќе бидат доставени до Владата која за нив ќе одлучува на следната Владина седница.Помеѓу усвоените заклучоци кои Комисијата ги достави до ГККШ се и укинувањето на обврската за носење на маски за време на физичката настава во средните училишта, како и укинувањето на забраната за екскурзии и настава во природа.Усвоен е и заклучокот за укинување на обврската за носење на заштитни маски во затворен простор, со исклучок на здравствените установи, јавниот превоз, аптеките и домовите за возрасни лица.За усвоените заклучоци, Владата ќе расправа и одлучува на следната Владина седница.

Македонија | пред 3 години

Мијалков: Одлуката на Стејт Департментот не е исправна

Сашо Мијалков на социјалните мрежи се огласи откако тој и Груевски заедно со нивните семејства се ставени на црната листа во Америка„Жалам за денешната одлука на Стејт Департментот и сметам дека таа не е исправнаОдлуката е базирана на конструкции и дезинформации за кои со време ќе се докаже дека се неиздржани.Секогаш сум ги бранел и ќе ги бранам интересите на Македонија.Верувам дека правдата ќе победи и дека одлуката на американската администрација ќе биде корегирана“, вели тој.„Во неговото службено својство на премиер, Груевски беше вмешан во коруптивни дејствија меѓу кои користејќи го своето политичко влијание и официјалната моќ за лична корист. Поточно, постојат веродостојни информации дека Груевски ја злоупотребил моќта на својата функција за да бара и прима мито за возврат на владини договори, незаконски присвоени јавни средства и мешање во изборните процеси за политичка полза за себе и за неговата партија“, вели Стејт департментот.

Македонија | пред 3 години

Груевски за црната листа на САД: Жалам за одлуката, властите во Македонија лобираа ова да се случи

Подолг период се говореше она што денес се објави. Високи преставници на властите во Македонија не криеја во неформални кругови дека со години лобираа за истото да се случи.Моите долгогодишни напори проблемот со името да се реши на поинаков начин од оној на кој на крајот се реши, одлуките поврзани со мигрантската криза и затворањето на блаканскиот коридор во 2016 година и неколку други одлуки со кои се обидував да ги заштитам државните и националните интереси на Македонија иритираа некои земји и ми навлекоа многу противници како што на пример беше Џорџ Сорос кој вложи многу напори и финасии за соборување на владата која ја предводев.Жалам за одлуката на State Department која ја објавија денес а меѓу другите се однесува на мене. Наводите кои се наведени заради кои сум ставен на листата се неточни информации на кој се подлегнало и во најголем дел произлегуваат од долгогодишниот политички прогон кој се води против мене во Македонија. Од тој аспект иако немам никаков имот во САД, чуствувам голема неправда бидејќи работев многу чесно и многу одговорно борејќи се за државните и националните интереси, а при тоа колку што можев се трудев да не ги загрозам интересите на сојузниците на Македонија. Никогаш не работев за личен финасиски или матерјален интерес.Ќе продолжам да се борам во правец да ја докажам вистината.Ќе продолжам да се борам за Македонија.

Македонија | пред 3 години

Институциите му дозволија на еден од убијците на Тот да избега, вели Божиновски

Излегоа снимките од сигурносните камери од убиството на Тот. Свирепо, одвратно, убиство. Убиство кое пред очи ни покажува и каде живееме како луѓе и нелуѓе и кскви институции имаме, вели Божидар Божиновски.„Она што се гледа е дека не е еден удар. Повеќе удари по глава. Дали такви удари можат да не направат видливи повреди? Многу тешко.Убијците се свирепи и да се надеваме ќе го добијат заслуженото. Околу нив има неколку луѓе што не ни мрдаат со прст да го спречат тепањето. Дури и откако ќе избегаат овие и тие само заминуваат… Тажно е до каде стигнавме како луѓе.Дали се работи за прикривање или страшна некоординација меѓу институциите останува да видиме. Што и да е од двете мора да има одговорност. Затоа што тие 48 часа му дозволија на еден од убијците да избега.И останува прашањето кој го известил брат му на убиениот Тот дека починал од срцев удар…“, додава тој.

Коментари | пред 3 години

Груевски и Мијалков сосе семејството се на црна листа во Америка

Американскиот Стејт департмент ги стави на црна листа експремиерот Никола Груевски и ексдиректорот на УБК Сашо Мијалков, како одговор на нивното учество во значајна корупција, пишува СДК.мк. Како што соопшти Стејт департментот, нивните дела го поткопуваат владеењето на правото, демократските институции и јавните процеси и ја еродираат јавната доверба во владата. Покрај Груевски и Мијалков, Стејт департментот, исто така, на црна листа ги стави членовите на нивното потесно семејство па сите се неподобни за влез во САД.„Во неговото службено својство на премиер, Груевски беше вмешан во коруптивни дејствија меѓу кои користејќи го своето политичко влијание и официјалната моќ за лична корист. Поточно, постојат веродостојни информации дека Груевски ја злоупотребил моќта на својата функција за да бара и прима мито за возврат на владини договори, незаконски присвоени јавни средства и мешање во изборните процеси за политичка полза за себе и за неговата партија“, вели Стејт департментот.За Мијалков велат дека „во службеното својство на директор на УБК, бил инволвиран во коруптивни дела меѓу кои и користење на неговото политичко влијание и официјална моќ за лична корист.

Македонија | пред 3 години