ТОП

Донесена одлука и од Врхвен за “Диво Насеље”

Случајот “Диво Насеље” е запечатен, односно нема да има ново судење бидејќи Врховниот суд одлучи да ја потврди второстепената пресуда.-Жалбите на обвинетите се одбиваат како неосновани, пишува во пресудата на Врховниот суд до која дојде “Фокус”.Според правосилната пресуда, повеќето обвинети беа осудените на доживотен затвор, за терористичкиот напад во кумановско Диво Насеље, 13 обвинети добија казна од 40 години затвор, 20 години петмина обвинети, две години помалку доби еден обвинет, а по двајца обвинети добија казна затвор од 14, 13 и 12 години.Повеќе

Македонија | пред 4 години

7 малолетници завршија на токсикологија

Министерот за здравство Венко Филипче, денеска во изјава за медиумите објави дека на клиниката за токсикологија се примени 17 пациенти, од кои седум кај малолетници од 14 до 17 години„На клиниката за токсикологија примени се 17 пациенти, 11 се примени поради алкохолизираност после соодветниот третман сите се добри. Во службата за итна медицинска помош имало околу 50 повици, главно поради алкохолизирана состојба, помалку поради физички пресметки, и еден повик поради тешка сообраќајна несреќа. Во инфективното одделение, 60 примени пациенти, околу 40 се со кислородна поддршка“, рече Филипче.

Македонија | пред 4 години

Камчев новата година ја дочека во Систина

Бизнисменот Орце Камчев, новата година ја дочека во приватната болница Аџибадем Систина.Обвинетиот за Плацеви на Водно, Камчев, во средата попладне се пожалил на здравствени проблеми, а Основниот кривичен суд, каде се води овој судски процес, му дозволил да биде префрлен на лекување во Систина.Инаку, од март годинава Камчев неколку пати бил на прегледи, но Кривичниот суд првпат дозволува тој да оди на прегледи во приватна болница во која е член на директорскиот одбор.Камчев бил задржан на дополнителни медицински анализи и процедури потребни за утврдување на неговата здравствена состојба која била оценета како влошена.

Македонија | пред 4 години

Во новата година влегуваме со високи бројки, во Битола ситуацијата избега од контрола, вели Трајковски

Во новата година влегуваме со висок старт на бројките, а за еден месец може да не остане незаразен човек при вакво однесување, посочува професорот Трајковски во неговата последна анализа за корона вирусот во Македонија.„Во Битола ситуацијата веќе избега од контрола - ефективниот репродукциски број Rt е веќе сериозно над единица (на првата слика), а дневните броеви на нови случаи започнаа експоненцијално да растат (на дијаграмот на втората слика).Насекаде низ државата се забележува зголемен број на тестирања, веројатно поради патувања во странство, но стапката на позитивни тестови не е многу висока и растот на броевите не е толку многу изразен како во Битола. Најзабрзан раст имаме во Битола и Струга, случајно или не - токму таму каде што се откриени првите случаи на омикрон сојот. По еден случај во градовите засега не изгледа многу, но тоа е само врвот на ледениот брег. Под вода останува многу поголемиот дел, што сé уште не го гледаме.Дијаграмот на 14-дневната инциденца (на третата слика) во Битола многу побргу искачува отколку на државно ниво (зелената наспроти црвената линија). Ако во претходните бранови Битола се приклучувала последна, изгледа дека во случајот на омикрон сојот токму од Битола сé започнува. Многу рано забележуваме преку 50 случаи дневно, што значи - доколку доволно би се тестирало - за кратко време би можеле да видиме 100-200 случаи на ден.Бројот на активни случаи неверојатно реско, во форма на латиничната буква V ја смени насоката (на дијаграмот на четвртата слика) и започна да искачува кон нов врв.Иако омикрон сојот во Битола стигна меѓу првите, крајното невнимание и недисциплина доведоа до ваков развој на ситуацијата. Вчера со свои очи видов во три кафеани разуларено однесување - пијано пеење со директно внесување в лице, вцрвени и испотени лица од напорот да се вика што е можно погласно во лицето на другиот, музика со јачина на звукот на прагот на болка (120 dB). Во такви услови би било чудно да нема, а не да има толку многу случаи.Во новата година влегуваме со висок старт на бројките, а за еден месец може да не остане незаразен човек при вакво однесување. Многу нема да ни помогне вниманието, кога вакви луѓе ќе го расејуваат вирусот насекаде. Доколку тие би оделе само во кафеани, не би било многу страшно, но одат и во маркети, на работа, во разни институции каде циркулираат многу луѓе. Практично нема начин да се избегне заразувањето. Останува да се надеваме на делумниот имунитет од прележувањето и вакцинирањето, но зошто мора сé да биде вака, во секој бран сé понеконтролирано?, пишува во објавата проф. Трајковски.

Коментари | пред 4 години

Како македонските познати личности честитаа Нова година?

Македонските јавни личности кога се поклопија стрелките на часовникот и заврши одбројувањето, ги земаа телефоните во раце и испратија честитка до своите пријатели, обожаватели и следбеници на социјалните мрежи.КаролинаCheers за остварени соништа и нови надежи… 🥂КалиопиДраги мои, има многу начини да ја честитам Новата година, но ова е еден од оние кога си велам - Јас сум покрај морето и ни посакувам слобода како што има морето. Да имам слобода за отворен говор, слобода за да се биде со луѓето, слобода за креативност, слобода за движење, слобода за збогување и слобода за гушкање - како што тоа го правевме на моите концерти со моите песни. Се надевам дека 2022 година ќе ни го донесе тоа – слобода!СРЕЌНА НОВА ГОДИНА!Викторија Лоба2021 ја испраќам со чувство на леснотија и БЛАГОДАРНОСТ🙏🏼2022 Подготвена СУМ 💛✨СРЕЌНИ ПРАЗНИЦИ ДРАГИ ПРИЈАТЕЛИ!!СРЕЌНА НОВА 2022 💫Марјана СтанојковскаДраги мои, ви посакувам добро здравје, радост во домот и безброј незаборавни мигови во Новата ГодинаЛила ФилиповскаДоволно беше турбулентна оваа година на секое поле па затоа вака ќе ја испратам без помпа и фанфари… доста и беше нека си оди !!! Не дека немало и убави моменти и мигови за памтење ама сепак , сепак доста и беше !!!! Посакувам Новава да биде сѐ што не беше оваа…! А на вас другари јас и Рагнар ( кој што изгледа многу среќно дека го сликам) Ви посакуваме само здравје и маааалку повеќе љубов …Среќна и успешна годинаИгор ЏамбазовСреќна нова, Македонијо наша...Антониа ГиговскаДраги мои, ја завршувам оваа година среќна и успешна. Кога ќе ме прашаат каква година беше за тебе.. Ух, една од најтешките до сега но и една од најубавите.Многу солзи,многу смеа, многу песни, многу лекции но и многу убави моменти.. Оваа година ја запознав Антониа најскршена но и најсилна. Верувам дека ме чека поубава година , поуспешна, моја година. Ви посакувам Среќна Нова, здрави,живи,среќни,успешни

Магазин | пред 4 години

„Ќе работите само за сметки, искрено ваш СДС“, вели Апасиев

Лидерот на Левица, Димитар Апасиев, со критика до власта по поскапувањето на струјата и на парното.„Владина честитка за Нова година: Поскапа струја и поскапо парно! Две у едно (СДС во своите најдобри моменти)“, напиша Аапасиев на Фејсбук, а потоа додаде:„Ќе работите само за сметки, Искрено ваш, СДС“, стои во втората негова објава.

Коментари | пред 4 години

Една минута по полноќ се роди првото бебе

Првото бебе во 2022 година на Универзитетската Клиника за гинекологија и акушерство во Скопје се роди во 00.01 часот.“Бебето е од машки пол, тешко е 3 килограми и 70 грама и е долго 50 сантиметри.Мајка на бебето е Сузана Стошиќ, родена 1981 година во Скопје и тоа е нејзино петто дете”, информираат од Универзитетската Клиника за гинекологија и акушерство во Скопје.

Македонија | пред 4 години

Нема фотографија

Пасху нов в.д. директор на ЈП Градски Паркинг Скопје

Магистер Филип Пасху нов в.д. директор на ЈП Градски Паркинг Скопје.Тој е магистер по економија, со долгогодишно работно искуство во управување со бројни проекти на УСАИД, ДФИД, ИПА фондовите на Европската Унија. Има искуство и од позицијата неизвршен директор на АД Енергетика Скопје, заменик директор на ЈП Градски Паркинг, како и претседател на Управниот одбор на истото претпријатие.

Скопје | пред 4 години

Тепачка пред ресторан во Центар, реагирала полиција

Синоќа пред полноќ полицијата реагирала при групна тепачка во угостителски објект во скопски Центар.„На 30.12.2021 во 23.45 часот во СВР Скопје било пријавено дека во и пред угостителски објект на подрачјето на Центар, по претходно недоразбирање, бил нарушен јавниот ред и мир со физичка пресметка помеѓу А.Т.(21), А.Ќ.(21), А.Х.(20) и Е.Х.(19), од едната страна и К.Н.(29), Г.Б.(54), Д.П.(41) и В.Н.(23), од друга страна, сите од Скопје“, соопшти полицијата.

Скопје | пред 4 години

542 позитивни на коронавирус, 7 починаа

Министерството за здравство информира, согласно податоците од Институтот за јавно здравје дека во последните 24 часа: Направени се 5.990 тестирања, а регистрирани се 542 нови случаи на КОВИД-19: Скопје – 280, Битола – 52, Охрид – 32, Кавадарци – 31, Прилеп – 28, Струмица – 20, Куманово – 13, Гевгелија – 11, Кичево – 9, Штип и Ресен – по 8, Валандово – 7, Велес – 6, Струга и Неготино – по 5, Тетово и Радовиш – по 4, Кочани – 3, Крива Паланка, Делчево, Демир Хисар, Македонски Брод и Демир Капија – по 2, Гостивар, Свети Николе, Пробиштип, Кратово, Богданци и Македонска Каменица – по 1.Регистрирани сe 298 оздравени пациенти од: Скопје – 171, Битола – 19, Прилеп – 15, Кавадарци – 12, Куманово – 10, Велес – 8, Штип, Ресен и Гостивар – по 7, Охрид и Гевгелија – по 6, Крива Паланка и Богданци – по 4, Кочани, Македонски Брод и Берово – по 3, Кичево, Неготино, Радовиш и Демир Хисар – по 2, Тетово Свети Николе, Пробиштип, Кратово и Виница – по 1.Во текот на изминатите 24 часа регистрирани се 7 починати лица: 3 починати лица од Скопје (57г, 64г и 81г), две починати лица од Битола (46г и 80г) и по едно починато лице од Охрид (76г) и Прилеп (73г). Од пријавените сите лица се починати во болнички услови.Направени се 5.990 тестови преку: ИЈЗ-333, ЦЈЗ Скопје-112, ЦЈЗ Битола-83, ЦЈЗ Прилеп-52, ЦЈЗ Тетово–5, ЦЈЗ Куманово-89, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–151, Жан Митрев (Филип Втори)-92, Авицена-259, Биотек-313, Систина-84, лабораторија Лаор-373, Синлаб-43, Ремедика-6, Плодност-63, Генеа-158, Никоб лаб-509, ВФВ Медикал-101, Ели Медика-130, Ројал Медика–56, Спектра-ММ-46, Рапид Лаб–31, Жан Митрев Струмица–11, Нова Лаб Дијагностика–16, Ремус-0, ЈЗУ и ПЗУ (рапид тест) – вкупно 2.874.Досега во земјата се направени вкупно 1.597.512 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 225.049, бројот на оздравени пациенти е 211.846, на починати е 7.960, а бројот на активни случаи изнесува 5.243.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 99017, Активни 2655Куманово 13145, Активни 112Тетово 11429, Активни 76Прилеп 10842, Активни 361Битола 9331, Активни 408Гостивар 8083, Активни 12Велес 7525, Активни 140Кавадарци 7461, Активни 203Охрид 6847, Активни 258Штип 6765, Активни 86Струмица 6317, Активни 162Кичево 4334, Активни 75Кочани 4116, Активни 54Струга 3943, Активни 35Гевгелија 2958, Активни 105Неготино 2641, Активни 37Свети Николе 2156, Активни 27Крива Паланка 1967, Активни 41Ресен 1887, Активни 93Радовиш 1818, Активни 38Берово 1483, Активни 10Делчево 1471, Активни 32Дебар 1458, Активни 1Виница 1180, Активни 11Пробиштип 1143, Активни 10Валандово 1051, Активни 69Кратово 790, Активни 4Богданци 691, Активни 32Демир Хисар 646, Активни 27Крушево 608, Активни 13Македонски Брод 545, Активни 32Демир Капија 437, Активни 9Македонска Каменица 430, Активни 12Пехчево 359, Активни 0Дојран 175, Активни 3

пред 4 години

Парното поскапува за 14%

Од утре цената на парното во Скопје се зголемува за 14 проценти за сите корисници во Градот Скопје, односно и за трите компании кои ги снабдуваат граѓаните – Балкан енерџи груп (БЕГ), ЕСМ Енергетика и Скопје Север, одлучи денеска Регулаторната комисија за енергетика.Со оваа одлука, цената се враќа на онаа од 2018 година, рече претседателот на РКЕ, Марко Бислимоски.„ Со оваа цена се враќаме на ниво на топлинска енергија која ја имавме во 2018, имајќи предвид дека за 15-16 проценти ја намаливме цената на парното изминативе три години. Ние признаваме трошок од 4 милиони, но постои разлика од 9 милиони која треба да се прокрие. Потрошувачите не можат да го покријат тој трошок за природоен гас и затоа треба да се вклучат сите чинители. Владата презема чекари овој трошок како да се покрие, но апелирам до Градот Скопје и Општините да помогнат за покривање на дел од трошоците за топлинска енергија“, рече Бислимовски.Како што нагласи Бислимовски, основен критериум за формирање на цената на парното греење е цената на природниот гас која минатата година просечно се движела околу 240 долари за нормален кубен метар, а годинава на БЕГ производство му е понудена цена од 1480 долари.Во Скопје околу 60.000 потрошувачи се приклучени на централните системи за греење на трите компании.

Скопје | пред 4 години

Кривична за ексдиректорот на АХВ

Одделот за сузбивање на организиран и сериозен криминал поднесе кривична пријава против З.П.(41) од Скопје, поради постоење основи на сомнение за сторено кривично дело „злоупотреба на службена положба и овластување“. Пријавениот, во својство на овластено лице - директор на Агенција за храна и ветеринарство, во 2016 година ја злоупотребил службената положба и овластувања така што постапил спротивно на Законот за јавни набавки со што го оштетил Буџетот на Република Северна Македонија во вкупен износ од 4.386.033 денари.Притоа овозможил противправна имотна корист во износ од 7.534.497 денари на фирма од Радовиш и противправна имотна корист во износ од 1.517.033 денари во корист на фирма од Скопје.

Македонија | пред 4 години

Нема фотографија

Кока поставен за нов директорт на ЈП Комунална Хигиена

Зуди Енузи Кока назначен за нов в.д. директор на ЈП Комунална Хигиена- Скопје.Тој е дипломиран правник, и докажан менаџер во деловниот свет, кој своите компетенции ќе ги стави во функција на успешно водење на ЈП Комунална Хигиена- Скопје.

Скопје | пред 4 години

Вo Новата година не очекуваат навистина позитивни промени, вели Арсовска

Честитка од Градоначалничката Арсовска за Новата година.Драги мои скопјани, сакам да ви се заблагодарам за довербата која ми ја дадовте. За Скопје и Македонија помина уште една година со сериозни предизвици, како резултат на здравствената, енергетската и економската криза. Нашето Скопје мора да биде модерен европски град, метропола каква што граѓаните заслужуваат.Вo Новата година не очекуваат навистина позитивни промени.Почнуваме да го реализираме ветеното во програмата, домаќински, без ниту еден денар на граѓаните да биде потрошен на непродуктивни трошоци. За само 50 дена покажавме дека со малку средства и многу труд, со желба и посветеност можеме да направиме сериозни резултати кои значително го подобруваат животот на скопјани.Исчистени се преку 120 диви депонии, барањата на пожарникарите конечно влегуваат во колективен договор, пуштена е во функција жичарата на Водно, воведовме ноќни автобуски линии, градот станува транспарентен и за прв пат седниците на советот на Градот се пренесуваат во живо, поставуваме и пристапни рампи за лицата со попреченост во сите градски институции.Во новата година ќе продолжиме да работиме како што започнавме, енергично, чесно и посветено за програмата и проектите да станат реалност. Дозволете ми искрено и од срце да ви ја честитам 2022 година и да ви посакам спокој, здравје и среќа во годината која што е пред нас.

Скопје | пред 4 години

(ВИДЕО) Ни на 31 декември инвеститорите на Водно не мируваат, граѓаните револтирани

Предновогодишното утро не ја сопре градежната офанзива на Водно и ги рзбуди локалните жители кои веднаш реагираа на социјалните мрежи.„На 31 декември - денес - грозниот психопат Фреди ги испрати своите послушници да сечат дрвја во шума пошумена со народни пари.Другарка му Данела од Град Скопје му потпишла веројатно за лабаво да си сечат. Дур чекаме инспекторати, судови и слични квази-институции да одговорат, отиде шумата.Ама психопатот има искуство пошто цел град го нагрди заедно со другарчињата на истиот овој начин. И знае дека денес сите слават и нашите проблеми се небитни.Овозможено од Општина Центар“, стои во објавата.„Новогодишна честитка од инвеститорите на Водно. На 31 декември со пили почнаа да ги сечат дрвјата“, стои во описот на видеото.

Скопје | пред 4 години

Вкупното покачување на струјата ќе е 17,3%, вели Илија Димовски

Поранешниот пратеник на ВМРО-ДПМНЕ ја изненади јавноста на Фејсбук со свој статус каде тврди и докажува како поскапувањето на струјата ќе изнесува најмалку 17,3 отсто, наместо најавените 9,48 отсто. Еве што напиша тој:„Реалното зголемување на струјата ќе е најмалку 17,3%!!!Од 168 часа неделно (по претпоставка дека еднакво трошиме струја во сите 168 часа):за 156 часа зголемувањето ќе е 9,48%за 12 часа (досегашната евтина денска тарифа во 6 дена) зголемувањето ќе е 118,96%Вкупното покачување ќе е 17,3% …П.С. Главна причина за покачување на струјата во Македонија е скоро преполовеното домашно производство на електрична енергија споредено со периодот пред доаѓање на оваа власт …П.П.С. Реалната цена на струјата и вака нема целосно директно да ја доплаќаме со сметките. Индиректното доплаќање ќе го правиме со даночни пари собрани од граѓаните, а платени од Буџетот кои ќе изнесуваат најмалку уште дополнителни 100 милиони евра следната година, но ќе имаме помалку пари за нови патишта, болници, училишта …П.П.С. Стапката на ДДВ за електрична енергија за 6 месеци од денес ќе се зголеми од 5% на 10%, со што дополнително ќе се зголемат сметките на граѓаните …“

Коментари | пред 4 години

Омикрон ги откажа прославите во светот, Скопје спремно за дочекот на новата 2022

На Плоштадот Македонија во Скопје ќе има дочек на Новата година со домашни изведувачи и огномет. Со полабави мерки во однос на минатата година, граѓаните ширум Македонија ќе ја испратат старата 2021, а ќе ја дочекаат новата 2022 година.За новогодишната прослава на плоштадот „Македонија“, Градот преговараше со македонски музички изведувачи. Според програмата, вечер од 21 часот, на скопскиот плоштад ќе можат да се слушнат групите „Пука козметика“, „ДНК“ и „Нокаут“, фолк пејачите Наум Петрески и Зуица Лазова, како и диџеј Славе.Но ширум светот, иако се предвидуваше дека повторно ќе ги има традиционалните големи прослави на Нова Година, сепак поради новиот бран на коронавирус, предизвикан од сојот омикрон, плановите пропаднаа. Па така, во повеќето делови од светот, особено во Европа, на големо се откажуваат јавните настапи и се воведуваат ограничувања и рестрикции токму пред празниците.Во Атина, оваа година нема да има огномет над Акропол, откако грчката влада ги забрани сите јавни прослави на Божиќ и Нова година што беа планирани во општините. Сите воведени мерки и рестрикции ќе важат до 3 јануари.Германија ќе ги ограничи собирите од 28 декември и забрани новогодишни прослави, па така нема да има огномет во Берлин, Минхен, Франкфурт и другите градови.Во Единбург, јавниот дочек на Нова година исто така е откажан. Во Ирска рестрикциите ќе стапат на сила после Божиќ.Градоначалникот на Лондон, Садик Кан, го откажа планираниот настан на плоштадот Трафалгар уште на 20 декември, иако беше планирана прослава со најмногу 6.500 луѓе.Париз исто така откажа традиционалниот огномет над авенијата Елисејски полиња, а нема да има ниту настапи на диџеи. Француската влада ги забрани сите јавни собири и забави уште на 17 декември.Бразилснака влада ја откажа новогодишната прослава во Рио де Жанеиро на 18 декември.Празничните настани ќе изостанат и во Рим, додека Венеција исто така ги откажа концертите на отворено и огнометот.Сепак, во Њујорк после една година пауза, повторно ќе се чека Нова година на Тајмс сквер. Градоначалникот на заминување Бил де Блазио не ја откажа прославата, со тоа што наместо 58.000, ќе може да присуствуваат само 15.000 луѓе. Единствен услов за пристство е сертификат за вакцинација и носење маска.Локалните власти во Дубаи најавија дека ќе има пиротехничко шоу над највисоката зграда на светот, „Бурџ калифа“.Сиднеј не ги откажа плановите за пролсавата, но влезот ќе се наплаќа. Иако не е неопходно целосно вакцинирање, сепак е препорачливо.Во Тајпеј е планирано традиционалното одбројување со огномет над кулата „Тајпеј 101“.

Скопје | пред 4 години

(ВИДЕО) Јелена од Драчево заигра на „Хајде“ од Теа Таировиќ

Актерката Јелена Јованова заедно со нејзината колешка Емра Куртишова, која ја игра Исаура, и актерот Талат објавија дел од новогодишната епизода на „Преспав“. Глумците пееја и танцуваа на новогодишниот хит на пејачката Теа Таировиќ „Hajdе“. 

Магазин | пред 4 години

Студентите со новогодишни желби, бараат поддршка од Владата

Универзитетското студентско собрание на Универзитетот „Св. Кирил и Методиј“ упати новогодишни барања до Државниот студентски дом, Град Скопје, Министерството за образование и наука, Министерството за транспорт и врски, Министерството за здравство и до Владата.Па така, од ДСД бараат да ангажираат пет психолози кои ќе нудат бесплатна психолошка помош за студентите сместени во државните домови во Скопје.Од Министерството за образование и наука бараат покачувањето на студентските стипендии да важи за сите студенти, не само за новите стипендисти, туку и за оние кои веќе земаат и ја продолжуваат својата стипендија.Дополнително, од УСС УКИМ бараат и враќање на правото на студентите од еднородителските семејства да плаќаат половина котизација за семестар на државен универзитет. Апелираат министерството да вложи во капитални проекти за подобрување на образовната инфраструктура. Во нивните барања до МОН се споменува и изработка на нов модел за финансирање на високото образование.Од Градот Скопје, пак, бараат да се отвори читалната на библиотеката „Браќа Миладиновци“ за да биде достапна постојано за студентите кои се подготвуваат за јануарската испитна сесија. Покрај ова, од градските надлежни бараат и реновирање и одржување на дворот на Техничкиот кампус факултети и на заедничкиот двор на Педагошкиот и Факултетот за ликовни уметности. Потсетуваат и на нивното претходно барање за обезбедување бесплатен јавен превоз за студентите од втор и трет циклус на студии.Од Министерството за здравство се надеваат на поддршка и помош за враќање на студентите на настава со физичко присуство.

Македонија | пред 4 години

Стив Аоки се пофали со патиките од македонски дизајнер

Светскиот диџеј Стив Аоки се пофали дека ќе носи патики што за него ги дизајнира Сатја Грабулоски. Тој објави видео и ги покажа патиките на неговите следбеници.„Ова се патики ‘метазу аоки’ од моите пријатели. Пораката што ми ја испратија вели дека се рачно нацртани и дека за да ги направат патиките, потрошиле 107 часа. Фантастични се“, рече Аоки во видеото што го објави на инстаграм-стори.

Магазин | пред 4 години

Директорот на МКЦ поднесе оставка

Директорот на Младинскиот културен центар, Русе Арсов денеска соопшти дека се повлекува од функцијата вршител на должност-директор на Јавната установа Младински културен центар.Во подолго соопштение до јавноста информира дека се одлучил на ваков чекор од здравствени причини, но го споменува и новогодишниот настап на Дино Мерлин 2020 година, откако вчера Антикорупциската комисија објави дека отвора предмет бидејќи МКЦ со организирање на прославата на плоштадот во Скопје, го прекршил Законот за јавни набавки.-По три ипол години, премногу љубов, страст и жар –не издржа срце јуначко па од здравствени причини ќе морам самиот да се повлечам од оваа функција. Вчера беше претежок ден за сите нас. Најпрво од медиуми дознавме дека сме криминалци и дека има предлог за тоа да бидеме гонети. А потоа и дека наградата за успешното работење изминатиот период е претставена преку намалување на буџетот за програма за 50 %.Другари,Последните три и пол години МКЦ реализираше: најубави кинопроекции на кров на ГТЦ, во Парк, на Езерце, а го направивме и најголемото кино на отворено со проекцијата на „Исцелител“ во Градски парк. Отворивме нова градска летна сцена во Паркот МКЦ, отворивме три графити и стрит арт галерии, а цртавме мурали и во Ибни Пајко. Ја поведовме иницијативата „Култура во време на корона“,која беше пример и поттик и за другите регионални метрополи, МКЦ стана членка на ФИАФ, стана членка на Лајвјуроп. Беше дел од уште неколку европски проекти и програмски соработки, а беше домаќин и на Урсула фон дер Лајен J Секако ги реализравме фестивалите, МОТ, Синедејс, Здраво Млади... Ги реновиравме и тоалетите во МКЦ J Само во 2021 и покрај пандемијата преку 650 реализирани настани. Пополека стануваме препознатливи и по поддршката на независната театарска сцена… Ги донесовме Лиза Жерар во Филхармонија, Љубомир Мелник во Пошта…И да, паднавме на Дино Мерлин. Ох судбо клета!И додека ги градевме убавите работи, четири години континуирано се дружевме и со Финансиска полиција, и со јавно обвинителство, и со разни ревизии… Се вадеа документи, се уништуваа животи… а на крај едно по едно обвинувања завршуваа како неосновани.Затоа ДА, ве молам слободно затворете го веќе и овој предмет Дино Мерлин. Уверен сум дека нема никаков криминал ни таму, а од последниве години го научивме и гадното чувство на обвинување – па затоа, ајде ве молам.Денес се повлекувам само од функцијата Вршител на должност Директор. Но останувам во МКЦ, имам уште еден одличен повод за тоа – да помогнам заедно да го направиме јубилејот кој толку гордо го чекаме – 50 години МКЦ.За следниот Директор само да го охрабрам: Не грижи се, МКЦ не е загубар!МКЦ и покрај пандемијата, кога сериозно беа намалени приходите од влезници и производи, и кога сериозно беа намалени дотациите за режиските трошоци, успеа со максимум од своите можности да ја даде својата поддршка на целата независна сцена – и на крај повторно да ги плати сите свои сметки и да забележи позитивно финансико работење. Па така, во следната јубилејна година да пренесе сопствени средства во висина од 4.000.000 денари, и уште толку се’ уште ненаплатени побарувања. За оние кои раководат културни институции јасно им е дека ова е сума за почит, на што сме посебно горди.Ја користам оваа прилика, да им се заблагодарам на сите мои колеги кои и после сите притисоци успеаја да останат најголеми професионалци. Другари фала ви на доверба и поддршка!И бидејќи никогаш претходно не го направив ова, Фала и на сите соработници, гости и пријатели, кои јавно ја даваат својата поддршка на нашето работење, но и кои не потпаднаа на сите клевети, и лаги и гадости кои беа за мене и за нас како МКЦ јавно изнесувани, пишува Арсов во соопштението.

Скопје | пред 4 години

Камчев со влошена здравствена состојба, пренесен во Систина

Бизнисменот Орце Камчев, од вчера со дозвола на Основниот кривичен суд Скопје од затворот во Шутка е на прегледи во приватната болница Аџибадем Систина.Обвинетиот за Плацеви на Водно, Камчев, во средата попладне се пожалил на здравствени проблеми, а Основниот кривичен суд, каде се води овој судски процес, му дозволил да биде префрлен на лекување во приватната болница Аџибадем Систина, пренесува „Слободен печат“.Инаку, од март годинава Камчев неколку пати бил на прегледи, но Кривичниот суд првпат дозволува тој да оди на прегледи во приватна болница во која е член на директорскиот одбор.Камчев бил задржан на дополнителни медицински анализи и процедури потребни за утврдување на неговата здравствена состојба која била оценета како влошена.

Македонија | пред 4 години

Колку неработни денови ќе има во 2021 година

Во 2022 година македонските граѓани ќе имаат четири продолжени викенди. Од вкупно 11 неработни денови за сите граѓани, пет се поврзуваат со викендот, но два празника неработни во ист ден. Лани имаше пет продолжени празнични викенди, а во 2020 година шест.Првиот продолжен викенд за сите граѓани ќе биде за време на божикните празници, кога неработен ден е 7 јануари, петок.Втор неработен ден што се спојува со викенд е 25 април (понеделник), вториот ден на христијанскиот празник Велигден. Продолжен викенд ќе има и за 1 мај, кој се паѓа в недела, поради што неработен ден е понеделник, 2 мај. На овој ден е и празникот Рамазан бајрам.Последниот продолжен празничен викенд е во октомври. Неработен ден по повод Денот на македонската револуционерна борба, 23 Октомври, е понеделник 24 октомври.За сите граѓани неработни денови се и 1 јануари (сабота) Нова година, 24 мај (вторник), Св. Кирил и Методиј, Ден на сесловенските просветители, 2 август (вторник), Ден на Републиката, 8 септември (четврток), Ден на независноста, 11 октомври (вторник), Ден на народното востание, и 8 декември (четврток), Св. Климент Охридски.За граѓаните од православна вероисповед неработни се и 6 јануари (четврток), Бадник, ден пред Божик, 19 јануари (среда), Богојавление (Водици), 22 април (петок), Велипеток, петок пред Велигден, 10 јуни (петок), Духовден, петок пред Духовден, 28 август (недела), Успение на Пресвета Богородица (Голема Богородица).За граѓаните од католичка вероисповед неработни се и 18 април (понеделник), Велигден, вториот ден на Велигден, 1 ноември (вторник), Празникот на сите светци, 25 декември (недела), првиот ден на Божик. За граѓаните од муслиманска вероисповед неработен е и 9 јули (сабота), Курбан бајрам, првиот ден на Курбан бајрам.Програма на неработни денови за 2022 годинаВо согласност со Законот за празниците на Република Македонија (Сл. весник на РМ број 21/98 и 18/07) во 2022 година неработни денови се:За сите граѓани на РМ1 јануари (сабота), Нова година,7 јануари (петок), Божик, првиот ден на Божик според православниот календар,1 мај (недела), Ден на трудот, односно 2 мај (понеделник) е неработен ден,25 април (понеделник), Велигден, вториот ден на Велигден според православниот календар,2 мај (понеделник), Рамазан бајрам, првиот ден на Рамазан бајрам,24 мај (вторник), Св. Кирил и Методиј, Ден на сесловенските просветители,2 август (вторник), Ден на Републиката,8 септември (четврток), Ден на независноста,11 октомври (вторник), Ден на народното востание,23 октомври (недела), Ден на македонската револуционерна борба, односно 24 октомври (понеделник) е неработен ден,8 декември (четврток), Св. Климент Охридски.За граѓаните од православна вероисповед6 јануари (четврток), Бадник, ден пред Божик,19 јануари (среда), Богојавление (Водици),22 април (петок), Велипеток, петок пред Велигден,10 јуни (петок), Духовден, петок пред Духовден,28 август (недела), Успение на Пресвета Богородица (Голема Богородица).За граѓаните од католичка вероисповед18 април (понеделник), Велигден, вториот ден на Велигден,1 ноември (вторник), Празникот на сите светци,25 декември (недела), првиот ден на Божик.За граѓаните од муслиманска вероисповед9 јули (сабота), Курбан бајрам, првиот ден на Курбан бајрам,За граѓаните припадници на албанската заедница во РМ22 ноември (вторник), Ден на албанската азбука, За граѓаните припадници на српската заедница во РМ27 јануари (четврток), Свети Сава,За граѓаните припадници на ромската заедница во РМ8 април (петок), Меѓународен ден на Ромите,За граѓаните припадници на влашката заедница во РМ23 мај (понеделник), Национален ден на Власите,За граѓаните припадници на еврејската заедница во РМ5 октомври (среда), Јом Кипур, првиот ден на Јом Кипур,За граѓаните припадници на бошњачката заедница во РМ28 септември (среда), Меѓународен ден на Бошњаците, За граѓаните припадници на турската заедница во РМ21 декември (среда), Ден на настава на турски јазик.

Македонија | пред 4 години

Какво време не очекува за новогодишната ноќ

Денеска времето во Македонија ќе биде сончево со мала до умерена облачност. Ќе дува слаб, а вдолж Повардарието умерен ветер од северен правец. Во текот на новогодишната ноќ ќе преовладува ведро време, со позитивни температури и со услови за појава на магла понекаде во котлините.Во Скопје максималната дневна температура ќе достигне 11 Целзиусови степени, Маврово 8, Охрид 11, Битола 8, Крива Паланка 9, Берово 10, Кавадарци 13, Дојран 15.Утре претпладне по одделни котлини ќе има појава на магла. Преку денот претежно сончево, на североистокот со умерена облачност. Кон крајот на денот облачноста ќе се зголеми. Ќе дува слаб до умерен, а попладне вдолж Повардарието на места засилен ветер од северен правец. Дневните температури ќе се движат од 10 до 18 степени.И в недела времето ќе биде сончево со мала до умерена облачност. Ќе дува слаб до умерен ветер од северен правец, а дневните температури ќе се движат од 9 до 16 Целзиусови степени.

Македонија | пред 4 години

Заврши времето на затворена општина, граѓаните мора да бидат на прво место, вели Стојкоски

Градоначалникот на Општина Ѓорче Петров, Александар Стојкоски во предновогодишното интервју за Курир открива кои се плановите и планираните проекти за идната година. Се осврнува на досега реализираното во кусиот период кој го имаше по преземањето на функцијата. Нагласува, општината е отворена за граѓаните и нивните проблеми. Подетално во интервјуто во продолжение.Пред два месеци ја преземавте функцијата градоначалник на Општина Ѓорче Петров. Кои проекти во овој период успеавте да ги реализирате?Стојкоски: Два месеци се релативно кратко време за значителни поместување, но со максимални напори успеавме да финализираме проекти кои ќе се реализираат во периодот што следува. Во крајна фаза е проектот во соработка со општина Ново Брдо од Косово за изградба на пречистителна станица во с.Орман што е капитален исчекор во животната средина и значително ќе придонесе за подобрување на состојбите во екологијата. Првата фаза треба да стартува во јануари. Потпишавме договор со Министерство за финансии за партерно уредување на локалитетот „Крст“ во с.Кучково-фаза 1 (Еко Училница) и за набавка на комунално возило за зимско одржување на улици и патишта во руралните општински средини со што Кучково ќе добие современ центар за рекреација и настава во природа.Заедно со Град Скопје конечно успеавме да го решиме деценискиот проблем во Ново Село-депонијата која темелно е исчистена. Планирано е овој простор дополнително да биде заграден и уреден со зеленило. Никогаш повеќе нема да дозволиме да се повтори сликата на натрупат смет во овој дел на Ѓорче Петров. Ја довршивме зелената зона на бул. „Македонска војска“, а подигнавме и нови 2.000 м2 зелени површини. Веднаш по доаѓањето на позицијата градоначалник испратив и барање до ресорното Министерство за изградба на градинка во Стопански двор. Немањето доволно капацитети за упис на деца во градинките е еден од посериозните проблеми со кои се соочуваме и се надевам ќе успееме преку нови капацитети и доградба на постоечките да ја намалиме листата на чекање. Имаме многу работа пред нас. Темпото ќе се засилува, и покрај скромниот буџет со кој располагаме и долговите кои ги наследивме и се надевам дека ќе оствариме значителен процент од она што сме го ветиле пред граѓаните. Верувам во капацитетот на мојот тим и уверен сум дека ќе постигнеме успеси по кои ќе бидеме препознатливи.За кратко време решивте еден од најгорливите проблеми на жителите, депонијата во Ново Село, а беше собран и над седум тони кабаст отпад од руралниот дел на општината. Ова, според вашите најави е само почеток. Што да очекуваат жителите на општина Ѓорче Петров во следниот период по прашањето на здрава животна средина и јавна чистота?Стојкоски: Да, депонијата дефинитивно беше рак-рана на моите сограѓани и никој претходно вистински не се заложи да го реши овој проблем кој ги „гушеше“ жителите на Ново село и околните места. Веднаш по моето преземање на градоначалничката функција депонијата е целосно исчистена и овој проблем е веќе минато. Сакам да истакнам дека ќе бидеме ригорозни и во однос на казните за неовластено депонирање на ова место и секаде каде што е забрането. Нема повеќе толерирање кога станува збор за здравјето на граѓаните. „Ѓорче без отпад“ е еден од проектите кои ги ветив и полека почнува да се реализира. Во овој сегмент спаѓа и пречистителната станица во Орман што веќе ја споменав. Во однос на животната средина и јавната чистота, во план се подигнување парк во секое маало и проекти за подигнување на свеста на заедницата за важноста од зеленило во кои ќе бидат вклучени повеќе страни. Желба ми е да го направиме централниот парк во Ѓорче Петров најмодерен во Скопје со поставување нови содржини и се надевам ќе успееме во тоа. Во оваа насока, во план е реализација на уште еден чекор – поставување над 600 корпи за отпадоци што значително ќе придонесе за намалување на сметот по улиците, а во фокусот е и менување на фасади на повеќе стари згради низ Ѓорче Петров со нови енергетски ефикасни и еколошки фасади. На сметка на поголемите проекти во екологијата нема да ги занемариме секојдневните обврски кои општината ги има за одржување на чистотата и животната средина.По повод Светскиот ден на детето кажавте дека сте се запрашале „Што можеме да промениме заедно во најдобар интерес на детето?“. Дали го најдовте одговорот на прашањето, какви проекти се предвидени за подобар живот и развој на децата во Општината?Стојкоски: Децата се смислата на животот. Можеме многу и посакувам значително поместување на состојбите кои ќе донесат подобро секојдневие за генерациите со кои треба да се гордееме. Секој ден треба да биде светски ден на детето и со сите сили и ресурси ќе се потрудам тоа да се остварува во мојот мандат. Образованието е една од гранките кои треба да претрпат највеќе промени на локално ниво, а училиштата се институции во кои децата го минуваат поголемиот дел од нивното време. Токму затоа, фокусот треба тука да ни се задржи. Во план е модернизација на сите училишта согласно ЕУ стандардите, стипендии за ученици, инвестиции во наставниот кадар кој исто така треба да се надоградува, реконструкција на училиштата и подобрување на инфраструктурата, бесплатен интернет, награди за истакнати ученици, реконструкција на училниците и уште неколку крупни чекори во образовната сфера. Поддршка на децата со посебни потреби во училиштата, исто така ми е особено важно и силно ќе се заложам во овој дел. Како родител и како градоначалник, свесен сум за неопходноста од квалитетен образовен процес што на долг рок дава успешни генерации. Затоа, уверен сум дека со посветена работа и со темпото со кое тргнавме за некое време со гордост ќе може да кажеме дека сме застапници на интересот на најмладите наши жители. Во делот на културата и забавата, пак, сакам да потенцирам дека културни и забавни содржини, нови детски игралишта и реквизити за децата ни се исто така на „мапата“ за следните четири години од мандатот. И сето тоа е во најдобар интерес исклучиво само за нашите деца.Одржувате средби со граѓаните секој последен четврток во месецот. Кои се најчестите проблеми кои ги посочуваат и какви се предлозите до Вас? Како се одвива активноста „детектираме, планираме, реализираме“?Стојкоски: Заврши времето на затворена општина. Граѓаните мора да бидат на прво место и додека сум јас градоначалник тие ќе имаат предност и ќе бидат добредојдени во општината. Веќе остварив средби со стотици граѓани. Внимателно ги слушам нивните идеи и иницијативи и сите што се остварливи ќе бидат земени в предвид. Но, граѓани доаѓаат и секојдневно и мене ми е мило да ги сослушам и да им помогнам. Најчесто ги мачат урбанистички проблеми. Како човек и доктор, емпатијата ми посебно нагласено чувство и јас лично се соживувам со сечиј проблем и ги преживувам во себе истите маки што сум ги слушнал од моите сограѓани. Но, упорноста е исто така дел од мојот карактер и со цела енергија што ја имам, многу често и по завршување на работното време се трудам да ги решам проблемите. Ако не детектираме, нема ниту да реализираме. Затоа продолжуваме со праксата на отворена општина уште по интензивно.Спортот и рекреацијата се едни од полињата на кои особено им посветувате внимание. Граѓаните се горди на фудбалскиот клуб Македонија Ѓорче Петров и на пливачот Андреј Стојаноски. Кои се идните планови за развој на професионалниот и рекреативниот спорт во Општина Ѓорче Петров?Стојкоски: Спортот од финансиски аспект е единствена ставка каде не намаливме средства од буџетот за 2022 година. Ѓорче Петров е јадро на успешни индивидуалци и спортски клубови со кои се гордееме. Така и ќе остане. Имаме сериозни планови за развој на спортот. Ќе продолжиме да ги поддржуваме овие категории во рамки на нашите можности, а веќе стартувавме со училишните спортски лиги кои ги поддржуваме технички и финансиски. Особено е важно децата да спортуваат заради нивниот правилен психофизички развој и тука ќе вложам максимални напори. Остануваат во план стипендиите за млади таленти и финансиска поддршка на спортските клубови, проектот „спортско рекреативен центар – Хром“ со повеќе содржини, проектот „атлетска трка Ѓорче трча“ со цел поддршка на масовниот спорт, субвенции за велосипеди и реконструкција на спортските терени во рамки на училиштата, терен за кошарка во секое маало…. итн. Добро сте процениле. Спортот останува едно од полињата каде ќе се посветува посебно внимание.Кои се приоритетите и планираните активности на Општината за идната година?Стојкоски: Програмите за работа на секторите се пред советниците за гласање. Очекувам дека со мојата администрација ќе успееме заеднички да ги надминеме финансиските пречки кои ги наследивме и да оствариме дел од проектите. Пред нас се сериозни чекори за годината што доаѓа. Партерно уредување на локалитетот „Крст“, изградба на атмосферска канализација на ул.„Радушка“ во должина од 1.115 метри, изградбата на пречистителната станица во с.Орман и старт на изградба на нова градинка со капацитет за 120 деца во Ново село се дел од приоритетните планирани активности.Вашата новогодишна порака/честитка до жителите на Општина Ѓорче Петров е?Стојкоски: На моите сограѓани им посакувам пред се добро здравје, благосостојба во домовите, да се среќни и успешни. Им ги честитам претстојните празници и посакувам заедно да успееме во наредните четири години да го направиме Ѓорче Петров како што го замисливме – модерно, урбано и хумано. Моите ѓорчепетровци ми беа главниот мотив да се кандидирам за градоначалник и точно знам со кои проблеми се соочуваат. Успехот е резултат на правилен избор. Ве повикувам заедно да успееме и да ги избереме правилните приоритети кои ќе бидат наша водилка во годините што доаѓаат.

Скопје | пред 4 години