ТОП

Стопиран планот за Расадник во Кисела Вода

СТОП ЗА УРБАНАТА МАФИЈА! Ги вадиме од фиока сите важечки урбанистички планови и транспарентно ги објавуваме на увид на граѓаните! Стопиран е и планот за Расадник, вели градоначалникот на Кисела Вода, Орце Ѓорѓиевски.„Во изборната програма за ,,Обнова на Кисела Вода", еден од носечките проекти за кои граѓаните масовно ми ја дадоа поддршката е проектот "Стоп за урбаната мафија".Денес, два месеци по моето назначување за градоначалник, тука сме за да ја презентираме реализацијата на првиот дел од проектот, а тоа е вадење од фиока на СИТЕ ВАЖЕЧКИ УРБАНИСТИЧКИ ПЛАНОВИ и нивно ТРАНСПАРЕНТНО ОБЈАВУВАЊЕ на УВИД на граѓаните!Транспарентноста е најсилното оружје во борбата против криминалот и корупцијата во нашето општество.Во општина Кисела Вода има точно 53 важечки Урбанистички планови, а заклучно до моето преземање на функцијата градоначалник, на општинскиот ГИС портал беа објавени само 20.Во изминативе 60 дена, извадивме од фиока 33 урбанистички планови, ги дигитализиравме и јавно ги објавивме на веб страната на општината https://gis.kiselavoda.gov.mk/gis-preglednik/.Од денес, сите граѓани на Кисела Вода можат да пристапат на веб страната на општината и да направат увид во секој план, можат да направат увид во сопствената градежна парцела и да проверат што на тоа место е предвидено да се гради!Почитувани граѓани,за да ја запреме урбаната мафија, потребна ми е и вашата помош.Ве повикувам сите да направите увид во Урбанистички планови и сите ваши забелешки, сугестии и предлози за измени, дополнувања или укинувања на цели или делови од плановите да ни ги доставите во рок од 30 дена.Образецот на кој може да ги наведете вашите предлози е достапен на веб страната, како и во архивата на општината. Пополнетиот Образец може да ни го доставите на емаил адресата revizijadup@kiselavoda.gov.mk, или во архивата во седиштето на општината.Сите поднесени барања ќе бидат разгледани од Комисијата за Урбанизам на Општина Кисела Вода, како и од Партиципативното тело на граѓаните на Кисела Вода и по истите ќе се поведат конкретни постапки согласно законските прописи.Кисела Вода мора да биде општина каде што граѓаните ќе одлучуваат за Урбанистичките планови, а не урбаната мафија.Сакам да ја искористам оваа конференција и да потсетам дека рокот за пријавување во Партиципативното тело истекува на 15 јануари 2022 година, и сакам да упатам апел до граѓаните, до невладините oрганизации и стручната јавност да се пријават во работата на ова тело и да ни се приклучат во борбата против урбаната мафија.Дополнително, сакам да ве информирам и дека во рамки на овој проект, кој го насловивме Стоп за урбаната мафија, е започната ревизија на 34 плана кои беа во различни фази на донесување.Така, во предлогот на Деталниот урбанистички План за Градска Четврт Ј 20 блок 3 или План за дел од Црниче, се констатира дека околу чешмата Света Петка кај народот позната како Балаклија, во зеленилото биле предвидени 5 градежни парцели со намена станбени куќи со висина од 10.20 метри. Планот е стопиран градежните парцели во зеленилото се бришат, а по празниците ќе биде спроведена јавна презентација, а потоа и нова транспарентна Јавна Анкета на која граѓаните ќе можат да ги дадат своите забелешки и сугестии.Исто така во Деталниот Урбанистички План Ј 15 блок 4 или План за дел од Припор се констатира дека спротивно на Генералниот Урбанистички план предвидени се станбени згради со А2 намена со огромни бруто развиени површини, а за сметка на нив на постојните куќи во Припор не им се дава можност за никаков развој. Како и Планот за Црниче, и овој План е стопиран и во Буџетот за 2022 година се предвидени средства за изработка на ДУП за цела населба Припор.👉 Стопиран е и планот за Расадник.Во истиот Комисијата констатира дека има 99 нови згради, па согласно барањата на граѓаните, заклучно со февруари, ќе биде објавен меѓународен конкурс за изработка на идејно решение за ДУП Расадник, по што најдоброто решение ќе го изберат граѓаните на Расадник. По изборот на идејното решение, ќе се пристапи кон изработка на новиот Детален Урбанистички План за Расадник.Почитувани,Жалосно е што Кисела Вода како општина беше прва на удар на градежната мафија. Уште повеќе, жалосно е што претходната локална власт била дел од таа градежна мафија и шурувала со нејзе, била нејзина поддршка во општината. Од денот на преземање на општината, увидовме многу грешки и неправилности во постапки на веќе реализирани проекти. Увидовме проекти каде што луѓе граделе без дозволи, само затоа што некому дале мито и резултатот на тие градби беше рушење. Ги срушивме и ќе продолжиме и понатаму да рушиме диви градби. А тие што давале мито, ги упатувавме да пријават во полиција ако сакаат да бараат некоја правда, бидејќи кај мене владеат само законите.Принципите ќе важат за сите исто и ниту една закана нема да ме спречи во намерите да ја поставиме општината врз база на чесни намери, закони и принципи.Се обврзав пред граѓаните дека Кисела Вода ќе биде транспарентна општина каде што се почитуваат законите. Се обврзав дека граѓаните ќе го имаат главниот збор во креирањето на ликот на општината. Овој проект чиј резултати денес ги презентираме е само вовед во четиригодишниот период на менување на начинот на работа, а со тоа и на имиџот и ликот на Кисела Вода“, вели тој.

Скопје | пред 4 години

Бислимовски го објави поскапувањето на струјата

На прес-конференција на Регулаторната комисија за енергетика, Директорот Марко Бислимовски го објави поскапувањето на струјата, така што цената за домаќинствата се зголемува за 9,48 проценти и се укинува дневната евтина тарифа. Останува ноќната евтина тарифа и евтината тарифа во недела. Според него, ако не се укинела дневната евтина струја, тогаш поскапувањето ќе било 14,23 проценти.„Ова е една од најтешките одлуки кои ги донела Регулаторната комисија од своето постоење. Барањата на компаниите до Регулаторна беа цената да се зголеми за околу 38 отсто. Реалното зголемување ќе беше многу поголемо, но успеавме да скратиме трошоци и Владата презема обврска да им помогне на компаниите во наредниот период“, рече Бислимовски.

Македонија | пред 4 години

Поднесено обвинение против дилер од Скопје

Јавен обвинител од Основното јавно обвинителство Скопје поднесе Обвинителен акт против едно лице за кривично дело – Неовластено производство и пуштање во промет наркотични дроги, психотропни супстанции и прекусори од член 215 став 1 од Кривичниот законик.На 14 ноември, при претрес во домот на обвинетиот 39-годишен скопјанец во Бутел, беа пронајдени 23,55 грама психотропна супстанција – амфетамин и 0,85 грама наркотична дрога – марихуана, спакувани во помали полиетиленски пакувања и наменети за натамошна продажба. Освен ова, при претресот беше пронајдена и дигитална вага и други предмети со остатоци од дрога.Јавниот обвинител до Основниот кривичен суд Скопје достави предлог за продолжување на претходно определената мерка куќен притвор за обвинетиот.​

Скопје | пред 4 години

Грција воведува нови мерки

Грција денеска воведува нови ограничувања за спречување на коронавирусот во угостителскиот сектор.Со новите мерки, баровите, ноќните клубови и рестораните ќе можат да работат до полноќ, но без музика, освен за новогодишната ноќ, кога ќе можат да работат до два часот по полноќ.Според Ројтерс, одлуката е донесена еден ден откако грчките власти објавија нов дневен рекорд од 21.657 случаи.– Овие мерки доколку стриктно се применат ќе ни овозможат од средината на јануари да се вратиме во нормален живот – рече на прес-конференцијата министерот за здравство Танос Плеврис.Од минатата недела во земјава се забранети сите прослави на божиќните и новогодишните празници на јавни места, а воведено е и задолжително носење маски на отворено.

Скопје | пред 4 години

Судија дошол болен за да се донесе ослободителната одлука за Мијалков

Апелационен судија кој бил дел од трочлениот кривичен судски совет кој што по вторпат го укина притворот, вчера го прекинал боледувањето за да земе учество во работата на советот, пренесе Телма.Судијата бил и дел од советот кој минатата недела донесе иста таква одлука.Од скопска Апелација за трлрвизијата потврдија дека судијата по електронска пошта на 23-ти ноември (ден по првата одлука за укинување на притворот) го известил судот и надредените дека има висока температура и затоа матичниот лекар му отворил боледување на неопределено време.Но вчера апелациониот судија се вратил во судот и пријавил дека го прекинал боледувањето поради тоа што проценил дека здравствената состојба му е подобрена

Македонија | пред 4 години

(ВИДЕО) Новинарите кои го чекаа Мијалков брутално истуркани од полицајци: Тргнете се, тргнете се ајде

Полицаец вработен во затворот „Скопје“ во Шуто Оризари, вечерва туркаше новинари и сниматели при излегувањето од притвор на поранешниот директор на УБК, Сашо Мијалков, со што ги попречи во вршењето на нивната работа, објави Макфакс.Во моментот кога Мијалков излегуваше од капијата на затворот, вработениот во затворот излезе пред него и со викање и туркање ги тргаше микрофоните на новинарите кои поставуваа прашања. На реакцијата од страна на новинарските екипи, тој продолжи со своето однесување викајќи: „Тргнете се, тргнете се ајде“ и не одговарајќи на прашањата дали навистина е неопходно такво туркање.Претходно, истиот полицаец молчеше и дозволи обезбедувањето да го паркира автомобилот на Мијалков веднаш до капијата. Иако присутните новинарски екипи побараа објаснување зошто ексдиректорот на УБК е привилегиран во тој поглед, полицаецот не одговори, пишува Макфакс.

Македонија | пред 4 години

Скопјани краделе гориво од вагони

На 28.12.2021 во 16.10 часот полициски службеници од Полициската станица Гази Баба во кругот на РЖ Товарна – Трубарево, ги затекнале Б.К.(58) и Н.А.(46), двајцата од Скопје, при вршење на кривично дело „тешка кражба“.Двајцата краделе гориво од вагоните, при што имале украдено околу 300 литри гориво. Тие биле лишени од слобода, а украденото гориво било вратено на оштетеното правно лице. По целосно документирање на случајот ќе следи соодветна кривична пријава.

Скопје | пред 4 години

Нема фотографија

Кој ќе настапува на плоштад за дочекот на Новата 2022

Три општествено одговорни компании, се одважија во време на економска и енергетска криза, да придонесат за организацијата за свечениот дочек на Новата Година.Со настап на домашни музички изведувачи, скопјани на плоштадот „Македонија“ ќе ја дочекаат Новата 2022 година.Програма на 31.12.2021 година:21:00-22:00 – Пука Козметика22:10-23:10 – ДНК23:20-00:20 – Нокаут00:30-01:00 – Наум Петрески и Зуица Лазова01:00-01:30 – ДЈ Славе

Скопје | пред 4 години

Автомобил падна во Радика, има починати

Починати сопружници се извадени од реката Радика, oткако попладнево автомобил паднал во реката. Станува збор за брачен пар од селото Житинани, општина Центар Жупа.Од СВР Тетово информираат дека околу 14 часот е пријавено дека во близина на Скудрињски мост по патниот правец Маврови Анови-Дебар во Радика е забележан автомобил. Набрзо на терен излегле полицајци од полициското одделение Ростуше кои констатирале дека станува збор за „југо“ со дебарски регистарски ознаки и дека во нив имало две лица. По доаѓањето на противпожарната единица и првата помош од Дебар, е констатирано дека во возилото имало две починати лица.Увид извршила екипа од ОВР Гостивар и Јавен обвинител и е констатирано дека станува збор за сопружници маж на 63 годишна возраст и жена на возраст од 60 години од селото Житинани. Јавен обвинител дал наредба за обдукција врз телата по што ќе се утврди причината за нивната смрт, а ќе се трага и по причините кои довеле до трагичниот настан.

Македонија | пред 4 години

Мијалков: Не бегам бе, зошто да бегам

Поранешниот директор на УБК, Сашо Мијалков, вечерва излезе од истражниот затвор во Шуто Оризари.„Не бегам бе, зошто да бегам“, изјави Мијалков откако излезе од притвор.Тој е на слобода откако апелација денеска му го укина притворот за случајот „Плацови на Водно“.

Македонија | пред 4 години

Миа Костова: На сите нас ни фали мозок

Миа Костова на социјалните мрежи објави фотографија од министерот Внко Филипче заедно со новинарите кои следат здравство, а веднаш под неа фотографија од дете со маска.„Што фали на горната слика?За почеток, 22 маски.Ако ја споредиме со долната,на сите нас ни фали мозок“, напиша Костова во описот на сликите.

Коментари | пред 4 години

Мијалков си оди од затворот во Шутка

Сашо Мијалков сепак излегува од притвор. Уважена е неговата жалба од Апелација, откако Кривичниот суд му одреди мерка притвор за „Плацови на Водно, објави „А1он“. Засега не е познато дали одлучувал истиот состав на Кривичен совет или пак некои од членовите барале место нив да одлучи нивната замена.Сега, затворот „Скопје“ во Шутка треба да ја добие одлуката, по што, веќе вечерва Мијалков треба да биде дома. Одлуката на судиите значи дека тие сметаат дека Мијалков нема да избега ако биде на слобода.

Македонија | пред 4 години

18 починати и 396 нови случаи на корона

Денес се регистрирани 396 нови лабораториски позитивни случаи на SARS CoV-2, со што вкупната бројка на дијагностицирани лица со КОВИД-19 изнесува 224.134 - Оздравени се 207 пациенти – пријавени се 14 починати лица во изминативе 24 часа.Министерството за здравство информира, согласно податоците од Институтот за јавно здравје дека во последните 24 часа:Направени се 4.858 тестирања, а регистрирани се 396 нови случаи на КОВИД-19:Скопје – 196, Битола – 31, Прилеп – 23, Гевгелија – 17, Охрид – 16, Кавадарци – 14, Куманово – 13, Струмица – 10, Ресен – 9, Велес – 8, Штип и Кочани – по 7, Берово и Валандово – по 6, Неготино – 5, Тетово, Кичево и Струга – по 4, Богданци и Македонски Брод – по 3, Свети Николе, Крива Паланка, Радовиш и Крушево – по 2, Делчево и Дебар –– по 1.Регистрирани сe 207 оздравени пациенти од: Скопје – 116, Битола – 14, Кавадарци – 13, Прилеп и Охрид – по 9, Крива Паланка -7, Куманово и Штип – по 4, Струмица, Кочани, Гевгелија, Ресен и Радовиш – по 3, Тетово, Велес, Кичево, Струга и Демир Хисар – по 2, Неготино, Виница, Пробиштип, Валандово, Богданци и Крушево – по 1.Во текот на изминатите 24 часа регистрирани се 14 починати лица: 5 починати лица од Скопје (68г, 72г, 74г, 89г и 94г), две починати лица од Прилеп (53г и 64г) и по едно починато лице од Охрид (87г), Куманово (81г), Свети Николе (71г),Битола (51г), Велес (83г), Струмица (61) и Берово (78г). Од пријавените сите лица се починати во болнички услови.Согласно Регистарот на умрени лица со дијагноза КОВИД-19 од Мој Термин, пријавени четири починати лица со датум на смрт 17.12. до 25.12.2021 година. Регистрираните се починати лица од Пехчево (2), Скопје (1) и Штип (1). на возраст од 71 до 87 години. Две лица се починати во болнички услови и две лица се починати во домашни услови.Направени се 4.858 тестови преку: ИЈЗ-449, ЦЈЗ Скопје-66, ЦЈЗ Битола-74, ЦЈЗ Прилеп-54, ЦЈЗ Тетово–8, ЦЈЗ Куманово-98, Клиника за инфективни болести и фебрилни состојби-0, Судска медицина-1, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–172, Жан Митрев (Филип Втори)-94, Авицена-232, Биотек-204, Систина-100, лабораторија Лаор-289, Синлаб-35, Ремедика-10, Плодност–38, Генеа-25, Никоб лаб-388, ВФВ Медикал-80, Ели Медика-93, Ројал Медика–47, Спектра-ММ-18, Рапид Лаб–17, Жан Митрев Струмица–21, Нова Лаб Дијагностика–5, ЈЗУ и ПЗУ (рапид тест) – вкупно 2.240.Досега во земјата се направени вкупно 1.586.033 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 224.134, бројот на оздравени пациенти е 211.228, на починати е 7.935, а бројот на активни случаи изнесува 4.971.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 98537, Активни 2535Куманово 13127, Активни 111Тетово 11422, Активни 75Прилеп 10801, Активни 360Битола 9244, Активни 364Гостивар 8082, Активни 18Велес 7511, Активни 143Кавадарци 7411, Активни 183Охрид 6794, Активни 225Штип 6751, Активни 87Струмица 6286, Активни 134Кичево 4320, Активни 68Кочани 4109, Активни 52Струга 3938, Активни 31Гевгелија 2936, Активни 97Неготино 2633, Активни 33Свети Николе 2155, Активни 28Крива Паланка 1958, Активни 37Ресен 1875, Активни 93Радовиш 1812, Активни 39Берово 1483, Активни 14Делчево 1466, Активни 28Дебар 1458, Активни 1Виница 1180, Активни 13Пробиштип 1142, Активни 11Валандово 1040, Активни 62Кратово 789, Активни 7Богданци 689, Активни 34Демир Хисар 642, Активни 26Крушево 608, Активни 13Македонски Брод 539, Активни 29Демир Капија 434, Активни 6Македонска Каменица 429, Активни 11Пехчево 359, Активни 1Дојран 174, Активни 2

пред 4 години

Нема повеќе бесплатно возење во ЈСП, се исчистил воздухот

Од утре престануваат да важат мерките кои Градот Скопје ги донесе за спречување на загадувањето на воздухот во главниот град.На денешниот брифинг со градоначалничката на Град Скопје, Данела Арсовска беше посочено дека досегашните мерки дале резултат.Поради тоа, од утре ЈСП продолжува да вози по нормалниот возен ред и мерките ќе бидат укинати.Дополнителни мерки, како што рече Арсовска, нема, бидејќи тие се лимитирани.Прашана за колку загадувачи се изречени казни, Арсовска рече дека се прават лабораториски мерења и податоци се добиваат за пет до седум дена. Во изминатите две години, како што рече, биле направени само пет надзори за животна средина.

Скопје | пред 4 години

На Рашковски ќе му се суди за набавките, одобрено е обвинението од Кривичен

Заради интерес на медиумите и невладините организации кои ја следат работата на судот, ја информираме јавноста дека обвинителниот акт против седум лица поврзан со нелегална набавка на софтвер и перење пари поднесен од Основното јавно обвинителство за гонење организиран криминал и корупција на 08.10.2021 година, од страна на Советот за оценка на обвинител акт е оценет и одобрен во целост. Имено, обвинителниот акт со КО бр. 35/21 против Д.Р. обвинет за кривичните дела Злоупотреба на службена положба и овластување и Перење пари и други приноси од казниво дело и против И.Д., И.Х., Д.С., И.И., И.И. и М.С. обвинети за Злоупотреба на службена положба и овластување од КЗ, кој по жалба на одбраната на решение за определување привремени мерки за обезбедување имот на 18.10.2021 година беше испратен на надлежно одлучување во Апелациониот суд – Скопје, по враќање на предметот кај Советот за оценка на обвинител акт, донесено е решение со кое обвинението се одобрува во целост.По вака одобреното обвинение, оформен е кривично – правен предмет со КОК бр. 164/21 за кој откако, согласно АКМИС – системот, ќе биде распределен на понатамошно постапување кај судија и ќе биде насрочена главна расправа, странките и јавноста ќе бидат благовремено известени.

Македонија | пред 4 години

Тетовец заглави со возилото во снежните наноси на Галичица

На 28.12.2021 во 20.30 часот полициски службеници од СВР Битола преку 192 добиле повик за помош од страна на  П.Х.(57) од Тетово. Според пријавеното,  поради големи снежни наноси на планината Галичица, П.Х. заглавил со патничко возило „џип“, со албански национални ознаки, на регионалниот пат Отешево – Свети Наум, на кој има активна забрана за движење со возила во зима.Полициски службеници од Граничен премин Стење веднаш излегле на терен, при што во 21.00 часот во близина на место викано Ски-центар Галичица било пронајдено заглавеното во снег возило, на П.Х. му била укажана помош и безбедно бил извлечен со возилото и спуштен на безбедно место на главниот пат.

Македонија | пред 4 години

Ковачевски ветува ваучери за струја за 45.000 граѓани

Ваучери од 1.000 денари ќе добијат 45.000 граѓани од ранливите категории за да ги покријат своите сметки за струја во зимските месеци кои доаѓаат, објасни вечерва на ТВ Сител претседателот на СДСМ и премиер во најава, Димитар Ковачевски. Тој рече дека Владата предвидела и намалување на ДДВ-то за струја од 18 на 5 отсто во случај на криза.Ковачевски уверуваше дека нема да има ценовен шок и рестрикции, иако одлуката за цената на струјата ја носи Регулаторната комисија за енергетика. Уште повеќе, енергетските компании веќе имаат добиено парична помош од Владата за оваа година, а оставена е ставка во Буџетот и за идната.– Ако зборуваме за енергетската криза во македонски контекст, фер е да кажеме дека во изминатите 30 години во државата не е инвестирано во ниту еден нов енергетски капацитет. Единствено сега имаме нови инвестиции финансирани дел од државниот буџет, дел со јавно-приватно партнерство во насока на зголемување на производството на електрична енергија од обновливи извори – истакна Ковачевски.

Македонија | пред 4 години

Паско Кузман: До мојата 111 година треба да го откријам гробот на Александар Македонски

Археологот Паксо Кузман во своето денешно интервју се сомнева дека судскиот процес Фаланга 2 каде што тој беше обвинет, има врска и со неговото спротивставување несудениот инвеститор од Индија, Субрата Рој, во намерата да подигне проект во Љубаништа.„Да, јас се спротивставив на тоа. Имав една средба со него. Кај Љубаниште има локалитети и реков дека тука треба да се внимава и да не се чепка. Можеби е тоа, не знам. Митрополитот Тимотеј тогаш ми рече дека добро сум постапил. И за Езерото кажав дека е под заштита на УНЕСКО и дека треба да се внимава“, одговори Кузман на едно од прашањата во неговото денешно интервју за МКД.Вели дека сепак не сака многу да зборува за случаите Фаланга 1 и Фаланга 2.Кузман и натаму вели дека има амбиција да го пронајде гробот на Александар Македонски, но додава дека денешните Македонци се Словени.- Откривањето на гробот на Александар Македонски е дел од тие мои проекти што треба да ги завршам до мојата 111 година. Ако гробот се открие кај нас, имајќи ги предвид сите овие апетити од соседите и од Европа, која ја смета Грција за јадрото на европската цивилизација и дека го немаме ние тоа право, тоа ќе предизвика навистина бурни реакции. Како може да немаме право ако го најдеме на наше тло, ем се викаме така, ем Македонија се вика оваа територија. Александар Македонски е универзална личност, светска. И ние имаме право, не дека потекнуваме од него, тоа е навистина смешно. Јас сум Словен, но културата е наше наследство.Целото интервју можете да го прочитате тука

Македонија | пред 4 години

Ново предупредување од СЗО

Светската здравствена организација предупредува дека пациентите заразени со омикрон може да ги преполнат здравствените установи и да ги блокираат здравствените системи.Се сугерира дека ширењето на новиот сој на коронавирусот може да предизвика преоптоварување на здравствените системи, иако резултатите од стручните студии сугерираат дека клиничката слика на заразените со омикрон е поблага, пишува лондонскиот весник Гардијан.СЗО потврди дека инфекциите со омикрон биле придружени со поблаг облик на болеста, но предупреди дека сепак ќе има голем број хоспитализации, особено кај невакцинираните пациенти, што може да предизвика големи нарушувања во здравствените системи ширум светот и другите критични услуги.Сепак, експертите на СЗО посочуваат и дека во Јужна Африка, земјата каде што на 24 ноември првпат се појави новиот сој на вирусот, е забележано намалување за 29 отсто на стапката на инфекција со омикрон.

пред 4 години

Ковачевски ќе оди по мандатот

Претседателот на државата, Стево Пендаровски денеска ќе му го врачи мандатот за состав на новата влада на лидерот на Социјалдемократскиот сојуз на Македонија (СДСМ), Димитар Ковачевски.Кабинетот на Пендаровски соопшти дека шефот на државата во 13 часот во претседателската „Вила Водно“ ќе му го врачи мандатот на Ковачевски за состав на влада.Одлуката новиот лидер на СДСМ да биде мандатар за состав на влада беше донесена во понеделникот на седницата на Централниот одбор на оваа најголема партија од владејачката коалиција.Ковачевски на чело на Владата ќе го замени поранешниот лидер на СДСМ, Зоран Заев, кој поднесе оставка од премиерската функција и претседател на партијата поради поразот на октомвриските локални избори од опозициската партија ВМРО-ДПМНЕ.Според Уставот, Ковачевски има рок од 20 дена од добивањето на мандатот да ја достави до Собранието програмата за работа и составот на новата влада.Владејачкото мнозинство, составено од СДСМ, албанската Демократска унија за интеграција (ДУИ) и неколку помали партии, има 64 пратеници.Формирањето на новата влада на Ковачевски е најавено за средината на следниот месец, најдоцна до 18 јануари.Ковачевски напомена дека новиот владин состав ќе биде ориентиран кон економијата, заштитата на здравјето, продолжување на евроинтеграцискиот процес и преговорите со соседна Бугарија.

Македонија | пред 4 години

Министре, а маска и дистанца?! Мерките бе министре?!

 

Коментари | пред 4 години

Ковачевски за очекувањата од новата Влада

Претседателот на СДСМ Димитар Ковачевски во гостување во Дневникот на Телевизија Сител истакна дека од новото раководство на партијата очекува ефикасност, одговорност и чесност во работењето.- Тимот е избран врз основа на основите за кои се залагав во програмата и во самото презентирање на мојата кампања, а тоа е дека ќе бидат стручни и ефикасни во извршувањето на своите одговорности. Тоа го побарав од сите пред да бидат практично номинирани. Очекувам со својата одговорност и чесност дека ќе дадат пример во работењето на партијата, но и во институциите во кои ќе бидат. Да бидат првите кои што ќе покажат чесност во работењето, а не само да се зборува за реформи, за спроведувањето на правдата и правото во државата, посочи Ковачевски.Претседателот Ковачевски се осврна и на структурата на Извршниот одбор на СДСМ, оценувајќи дека тоа е тимот кој ќе донесе нови успеси на СДСМ, тим кој посветено ќе работи за интересите на граѓаните- Во структурата на Извршниот одбор се вклучени кадри, лица од сите делови на државата. 50 отсто се застапени жените што значи дека имаме родово балансиран извршен одбор. И се застапени младите со 33 проценти. Значи имаме еден спој на искуство, на знаење на стручност од различни профили на професионалци, и докажани партиски другари. И на млади луѓе кои што ќе дадат дополнителна енергија, порача Ковачевски, додавајќи дека очекува поддршка во работата од сите претходни раководства на партијата.

Македонија | пред 4 години

Рашковски бил награден со автомобил вреден 50 илјади евра, се сомнева Антикорупциска

Државната комисија за спречување на корупцијата ќе поведе иницијатива за утврдување одговорност за Драги Рашковски до Јавното обвинителство за организиран криминал и корупција, за незаконито постапување со цел примање награда – возило.ДКСК има сомневање за сторено кривично дело од страна на Рашковски по член 359, став 1 и 2 од Кривичниот законик, односно примање награда за противзаконито влијание.Според Горан Трпеноски, член на ДКСК, кој денеска го образложи овој случај, екс генералниот секретар во Владата, Драги Рашковски и покрај укажувањата од Министерството за транспорт и врски, очигледно тенденциозно, доставувал информација до Владата за градење од страна на гостиварска фирма објекти што се сопственост на државата, која за десеткратно помала цена продала возило на Игор Христов, а тој потоа го подарил на сопругата на Рашковски.Во анкетниот лист од 05.03.2021 година Драги Рашковски, тогашен секретар за мониторинг и поддршка на институциите при реализација на програмата за работа на Владата, навел дека со договор за подарок неговата сопруга се стекнала со автомобил марка „доџ“, произведен 2005 година во вредност од 300 илјади денари или околу пет илјади евра, без да наведе дополнителни карактеристики за возилото.Од документацијата, како што наведе Трпеноски, произлегуваат сомневања за незаконито постапување на Рашковски, со цел примање награда, во конкретниот случај – возило. Од МВР до Антикорупциска биле доставени два договори и тоа за купопродажба на возилото „доџ“ кабриолет склучен на 09.11.2020 година меѓу гостиварска фирма и Игор Христов и договор за истото патничко возило склучен на 10.02.2021 година меѓу Игор Христов и Вероника Рашковска, сопругата на Драги. Инаку, потсети Трпеноски, Христов е и советник во Владата, како и еден од осомничените во случајот со Рашковски за набавка на софтверите.Трпеноски појасни дека по извршената проверка на пазарот, оваа марка на возило иако е произведена 2005 година чини од околу 50 илјади евра па нагоре, што е, како што рече, десеткратно повисока вредност од наведената цена во договорот.За оние кои се разбираат што е „доџ вајпер“, нагласи тој, новото возило се движи до сто и кусур илјади евра.– Од наведеното произлегува дека блиско лице на Рашковски, добила на подарок од Игор Христов возило што вреди околу 50 илјади евра, кое истото го купил за невообичаено ниска цена од гостиварската фирма, која пак имала поднесено барање за спроведување постапка за склучување пред договор за пренесување на правата за градење објекти што се сопственост на државата, доставено до Владата. Тоа води кон сомневање за преземање дејствија спротивни на закон. По извршената проверка откриено е дека на 17.12.2018 година до Генералниот секретаријат на Влада, гостиварскат фирма доставила барање за спроведување постапака за склучување пред договорот. Во барањето се известува за имот за катастарска Општина Гостивар во вкупна површина од 366 квадратни метри деловен простор, имот сопственост на државата, а со право на користење на УЈП во Гостивар и Централниот регистар – Гостивар, појасни Трпеноски.Рашковски и покрај укажувањата од Министерството за транспорт и врски за неисполнетоста на законските услови, во повеќе наврати, продолжува со дејствијата.И покрај негативното мислење на Министерството за транспорт и врски од страна на Генералниот секретаријат повеќепати во текот на 2019 година на дневен ред на седница на Владата била доставена информација со цел пред договор за пренесување на правата на гредење на гостиварската фирма, по која што, како што рече Трпеноски, се донесени различни заклучоци за овластувања, за потпишување на наведнениот пред договор.Ако има за пет илјади евра да се купи вакво возило, повика Трпеноски, јас би купил такво возило.– Тука има доста работа и за обвинителството, за инспекциските служби, за катастар. Како е направен техничкиот пропуст, зошто од 2011 година, кога е донесено решение за приватизација досега не е извршена корекција, рече меѓу другото Трпеновски.Објектот што се споменува во овој случај во Гостивар, според Трпеноски, најверојатно е влезен и во стечајната маса на пропаѓањето на Евростандард банка и Здружението на оштетени штедачи реагирале за овој случај.

Македонија | пред 4 години

Скопје најавува рекордни субвенции за инвертор клима уреди

Рекордни 24 милиони денари свои средства издвојува Град Скопје од буџетот за 2022-ра година за субвенции за купување инвертер клима уреди. Ова е најголема сума на средства кои биле издвоени во изминатите години.Град Скопје од свои буџетски средства оваа година издвојува рекордни 24 милиони денари за субвенции за купување на инвертер клима уреди, за разлика од претходните две години, кога во буџетот за оваа мерка немаше воопшто средства на Град Скопје, односно парите за субвенции беа обезбедени од Владата.Од својот буџет Скопје последен пат финансии за оваа точка издвоил во 2019-та година кога беа дадени 20 милиони денари.Сумата која беше издвоена во 2018-та година беше уште помала, односно само 10 милиони денари.Во четири години водење на Град Скопје од поранешниот градоначалник Петре Шилегов за субвенции за инвертер клима уреди од пари на Градот издвоени беа вкупно 30 милиони денари, додека сега, само за 2022 година се предвидени 24 милиони денари.

Скопје | пред 4 години

„Бесплатен превоз нема да помогне во решавањето на загадувањето“, Јовановски потенцира дека мерките кои даваат резултат се одбиени

Горјан Јовановски, основач на апликацијата „Мој воздух“ смета дека бесплатен јавен превоз нема да помогне во решавање на проблемот со отровниот смог. Тој поосочи дека Зелен хуман град, има доставено предлози со чија имплементација ќе се намали загадувањето.„Аерозагадувањето е повторно во пол ек, а привремен бесплатен јавен транспорт во денови на екстремна загаденост нема да помогне во неговото решавање. Како активисти кои долги години се борат на темата, ЗЕЛЕН ХУМАН ГРАД има составено предлози кои и лани баравме да станат дел од буџетот на Град Скопје за 2021 година. Иако тогаш беа одбиени, сега повторно како амандмани ги поднесуваме, и се надеваме дека новата структура на советот ќе ја препознае нивната важност. Амандманите се тука: https://mojgrad.mk/sovet/#amandmani Дел од клучните амандмани за намалување на аерозагадувањето се: Хипер-мрежа на сензори за брза детекција на изворите на аерозагадувањето (посебно индустриските), Активирање на зелениот катастар на градот, и следење на секое дрво со негова помош, Поставување на компостари за био-отпад, со кои ќе се намали и до 60% на отпадот во депониите кои горат, Наместо пробивање нови улици, пробивање и закајнување на мрежата на вело-патеки и ленти, Зелени инвестиции, посебно за фотоволтаици на објектите на Градот. Секој што се дрзнува да ја загрози нашата животна средина, треба да се гони со максималната казна на законот!“, посочува Јовановски.

Коментари | пред 4 години