ТОП

Дежурство или survival, со што се соочуваат докторите

Доктор Нико Беќаровски од Клиниката за токсикологија преку Фејсбук статус откри низ што сѐ се соочуваат докторите за време на дежурство и кога се во контакт со проблематични пациенти и нивни роднини.„ДЕЖУРСТВО или SURVIVAL ??На 7 јануари, сега веќе предалечната 1989 година, го имав своето прво дежурство како лекар.Од тој ден па се до вчерашното дежурство, во овие 33 години дежурав преку 1800 пати, т.е. околу 5 цели години од својот живот, удобноста на креветот и мирниот сон, ги заменив со адреналинот и стресот што го носи секое дежурство.Повеќе од 30.000 наши граѓани од целата Република во изминатите години биле прегледани од мене во доцните ноќни саати, кога очните капаци сами и неволно ги покриваат очите, а мозокот се труди и покрај заморот да ја постави точната дијагноза и соодветниот третман.До пред 15-тина години ова саможртвување на “ноќните вампири” со бел мантил колку толку се почитуваше и во ноќните часови се одеше на преглед од крајна нужда и со должен респект кон вработените. Секој звук од сирената на Брза Помош или ѕвонење на влезната врата, беше аларм за целата дежурна екипа дека следува уште една борба за спасување на нечиј живот.За жал секоја година и секој нов ден дежурствата, посебно во ургентните одделенија, се претворија во арена на исфрустрирани насилници, “мангупи” кои сакаат да го “изиграат” мој термин и пациенти чиј главен симптом е “знаеш ли кој сум јас”,”сега ќе свртам кај Министерот” и “од утре леташ од работа”. Пцуењата на сите членови на нашите фамилии, заканите по живот итн. за жал станаа нашето “ноќно освежување”.Трагично и крајно загрижувачки е што 99% од овие “полноќни каубои” се млади лица, родени и едуцирани во македонската демократија.Почитувани мои, еден од основните закони во природата е законот на акција и реакција. Агресијата секогаш создава одбојност, одбојноста недоверба, а ДОВЕРБАТА е основната карика во односот доктор-пациент.Во вакви нездрави односи,”најмудро” е “паметниот да му попушти на будалиот” и токму затоа белите мантили одлетуваат во поцивилизирани средини.Без прецизен закон за правата и должностите на сите субјекти во здравствениот систем и доследно казнување на сите насилници, се повеќе бели мантили ќе ја играат својата лебедова песна во македонскиот јавен здравствен систем“, пишува тој.

Коментари | пред 4 години

Џафери кажа што сработеле пратениците: Не велам дека ова е максималното кое можевме да го направиме

Со 20 незавршени пленарни седници, заврши уште една работна година на Собранието. 111 закони се донесени по брза постапка, а 79 по скратена постапка. Само 21 закон се поднесени од пратениците, а остантите ги поднела Владата. Треба да се разгледаат и 56 точки кои се заглавени по собраниските комисии и да се дискутира за нив на пленарна седница.„Не велам дека ова е максималното кое можевме да го направиме, секогаш можеме повеќе. Нашите деловнички и уставни обврски ќе бидат рамката по која ќе се движиме и натаму“, посочи собранискиот спикер, Талат Џафери.Тој ја честиташе и Новата 2021 година. Џафери посочи дека Собранието работело во вонредни услови поради коронавирусот, пратениците кои биле заболени и отсуствувале, но и поради изборите.

Македонија | пред 4 години

ВМРО-ДПМНЕ бара оставка од директорот Асани

Власта беше фатена жива во криминал во аферата раскрчмување на имотот на АД Славија, вели ВМРО-ДПМНЕ.„Власта се обиде шверцерски неколку дена пред празниците да го продаде имотот на АД Славија по цена од само 200 илјади евра, а реалната вредност е над 20 милиони евра. Ова, власта на Заев сакаше да го изведе во стил својствен за криминалната приватизација од деведесетите, кога се обезвреднуваше имотот на компаниите за да може да биде купен од лица и фирми блиски до СДСМ. Така беше и овој случај. Имотот на АД Славија власта на Заев сакаше да го продаде по вредност 100 пати помала од реалната, за на тој имот потоа фирми блиски до Заев и СДСМ да градат станови.Овој криминал не смее да се случи. Фатон Асани, директорот на Агенцијата за управување со одземен имот (АУОИ), не само што не смее да го продолжи овој криминален процес за раскрчмување на имотот на АД СЛАВИЈА, туку треба да си поднесе оставка после ваков скандал.Одговорност за криминогените активности мора да има и за тие кои го нарачаа раскрчмувањето на имотот на АД Славија, но и на оние кои го спроведуваа“, се вели во соопштението.

Македонија | пред 4 години

Пола деценија владата не направи ништо за да се намали загадувањето, вели ВМРО-ДПМНЕ

Скопје е на листата најзагадени градови во светот затоа што владата не направи ништо половина деценија да го смени тоа, вели ВМРО-ДПМНЕ.„СДСМ 5 години е на власт, и 5 години нема ниту еден проект со кој ќе се намали загадувањето и ќе се подобри квалитетот на воздух во Скопје и во другите градови.СДСМ можеше како централна власт, но не направи ништо за да ја доврши гасификацијата. Каде што застана проектот со владата на ВМРО-ДПМНЕ таму е и сега. Нема никаков напредок.Доколку имаше гас за домаќинствата во Скопје и другите поголеми градови сега ќе зборувавме за намалена загаденост на воздухот.Гасификацијата е еден од главните фактори кои ќе ја намалат загаденоста на воздухот, а влада на СДСМ не е способна да ја спроведе. Затоа потребни се предвремени парламентарни избори и нова влада која ќе посегне кон реализација на проекти како целосна гасификација на земјата.Само со реални мерки може да се подобри квалитетот на воздух, но за тоа се потребни промени“, се вели во соопштението.

пред 4 години

Данела назначи в.д. директор на Водовод и канализација

Златко Перински e нов в.д. директор на ЈП Водовод и канализација Скопје.Перински е магистер по менаџмент за човечки ресурси со менаџерско искуство во приватниот сектор, а има искуство и како дел од раководниот тим на Спортскиот центар Борис Трајковски. Перински има работно искуство во повеќе успешни компании со подружници во 7 европски земји, управувал со застапништва на германска и на грчка компанија.

Скопје | пред 4 години

Кои се новите кадри во СДСМ

Нов генерален секретар е Миле Зеќевиќ, нов организационен секретар е Вангел Андревски, а секретар за меѓународна политика е Бојан Маричиќ. Ова го обзнани Димитар Ковачевски. Сања Лукаревска останува заменик-претседател на СДСМ.Во Извршниот одбор на СДСМ се: Ана Данева-Маркова, Мишко Ралев, Нина Фити-Неделковска, Снежана Захариева, Даниела Колева, Милена Стефановиќ, Костадин Костадинов, Рената Јајовска, Мелиса Ценовска, Петре Шилегов, Дритан Исмаили, Тања Томиќ, Дарко Каевски, Андреј Петров, Ивона Кузмановиќ, Костадин Ацевски, Никола Рилак.Потпретседател останува Фатмир Битиќи, заедно со Бисера Костадиновска Стојчевска, Перо Костадинов и ексградоначалникот на Карпош Стефан Богоев.„Новата Влада ќе стави силен фокус на економијата“, посочи Ковачевски.Тој најави мерки, но и дека СДСМ ќе се менува.„СДСМ ќе се реорганизира“, додаде Ковачевски.Според него, СДСМ мора да биде силна и организирана.„Најавувам дека е формиран Совет за креирање и имплементација на политики. За претседател на советот е Игор Ивановски“, кажа Ковачевски.Ќе се работи и против внатрепартискиот клиентелизам, кажа тој.„Со личен пример да покажеме што значи правна држава“, укажа Ковачевски.Според него, ова се само дел од примерите.„Опозицијата ќе ја омаловажува нашата работа, тоа е единствен нејзин проект. ВМРО-ДПМНЕ за помалку од два месеци каде има власт го покажа нејзиното лице, ги блокираше сите проекти каде нема финаниски интерес“, кажа тој.Тој на прес-конференцијата објаснуваше што е патриотизам. Објасни дека покачување на плати и подобар живот за граѓаните е дел од тоа.„Ќе ја отвориме партијата за сите кои сакаат земјава да ја видат просперитетна, а каде владеењето на партијата ќе е на највисоко ниво. Имаме нов тим, сила и енергија да одговориме на сите предизвици“, кажа Ковачевски.

Македонија | пред 4 години

Ковачевски на пат да биде премиер

„За мене е огромна чест и одговорност што денес од ЦО на СДСМ ја добив довербата да бидам мандатар на идната Влада“, посочи Димитар Ковачевски, новиот претседател на СДСМ.„Тоа е предизвик кој сум подготвен да го прифатам и посветено да работам за да ја оправдам довербата. Продолжуваме со седницата на ЦО за избор на ново раководство, како и нови членови на Централен и Извршен одбор на СДСМ. СДСМ ќе се реорганизира, ќе продолжи да се демократизира и модернизира. Партијата е отворена за вклучување на нови луѓе кои ќе ги одликуваат знаењето, чесноста и посветеноста на социјалдемократските вредности“, напиша Ковачевски.

Македонија | пред 4 години

Не може за секој нов сој да воведуваме нови мерки, вели Филипче

Министерот за здравство Венко Филипче вели дека не може за секој еден сој да се воведуваат дополнителни рестриктивни мерки се додека не се влоши сутацијата.„Ниту поради омикрон сојот, ниту поради било кој друг кој што евентуално би се нашол, треба да се прават некакви дополнителни рестрикции. Сметам дека сите земји во светот треба да научат да живеат со општите превентивни правила и зголемување на степенот на вакцинација и тоа е излезот од оваа криза. Не можеме ние за секој еден сој, без разлика на карактеристиките, се до оној момент додека не ја влошува ситуацијата да воведуваме дополнитлни рестриктивни мерки. Сметам дека тоа што се бара задолжителна вакцинација, понатаму овие мерки за да не се преполнуваат затворените простории, навистина се сосем доволни“, изјави Филипче

Македонија | пред 4 години

Сред Скопје Американци се тепале со прилепчанец

Американци се степале со прилепчанец во центарот на Скопје.Во 02.50 часот по полноќ на подрачјето на Центар, полицајци од СВР Скопје ги привеле Д.Ј.Д.(21), Б.Б.Л.(26), двајцата од САД и Н.Ј.(25) од Прилеп, затоа што го нарушиле јавниот ред и мир со тепачка. Во тепачката како што соопшти полицијата учествувале уште неколку лица. Направени се записници за констатиран прекршок од Законот за прекршоците против јавниот ред и мир.

Скопје | пред 4 години

Град Скопје со мерки поради загадениот воздухот

Согласно Законот за квалитет на амбиентниот воздух и по добиеното известување од страна на Министерството за животна средина и просторно планирање дека квалитетот на воздухот последователно два дена е надминат над законски пропишаниот миниумум, (над 150 μg/m3 среднодневни концентрации на ПМ10) на мерните станици во Центар, Лисиче, Гази Баба и Ректорат, Градот Скопје ги информира граѓаните дека ги прогласува следните мерки од прв степен – предупредувања и препораки за намалување на загадувањето на воздухот и заштита на здравјето на граѓаните:- Бесплатен јавен превоз во автобусите на ЈСП и на приватните превозници- Зајакнат инспекциски надзор на инсталациите под надлежност на Град Скопје- Ограничување на градежни активности на објектите во надлежност на Град Скопје- Интезивна контрола на градилиштата, односно возилата што излегуваат од градилиштата мора да имаат измиени тркала и да се покриени со церади заради контрола на прашината.- Зачестено машинско миење на градските улици и булевари што се во надлежност на Град Скопје и препорака на скопските општини да го направат истото на улиците што се во нивна надлежност.- Зајакната контрола на имателите на одобренија за доставување на стока преку Инспекторатот на Град Скопје. Воедно го повикуваме Министерството за внатрешни работи да спроведе засилени контроли на правните субјекти кои поседуваат одобренија за доставување на стоки издадени од страна на Градот Скопје.- Апел до вработените во Град Скопје, јавните претпријатија и институции на работа да доаѓаат со автобусите на јавниот превоз.- Градоначалниците на општините во градот Скопје да ги интензивираат инспекциските надзори над субјектите кои управуваат со отпадни гуми и отпадни масла.- Министерството за внатрешни работи да спроведе ограничување на обуките на автошколите од 9,30 до 14,30 и по 18,00 часот.- Министерството за животна средина, Државниот инспекторат за животна средина и општините да извршат засилени контроли над инсталациите што се под нивни ингеренции.- Министерството за внатрешни работи да ги зајакне контролите на почитување на забраната за движење на тешки товарни возила чијашто крајна дестинација не е Градот Скопје и кои ќе се упатуваат да ја користат скопската обиколница, во согласност со поставената сообраќајна сигнализација.- Министерството за внатрешни работи да врши зачестени контроли на издувните гасови на возилата кои учествуваат во сообраќајот.- Откажување/одложување на јавни собири, спортски настани и културни настани на отворено.- Препорака градежната механизација да не се става во употреба за време на сообраќајниот метеж.- Да се користи јавниот превоз, возилата да се користат само во непоходни ситуации.- За затоплување на домовите да не се користат отпадни материјали, прегорено машинсо масло, лакирани и обоени отпадоци од дрво, стиропор, ПЕТ амбалажа, гуми и каков било синтетички материјал.- Да се користи суво и чисто дрво без примеси од земја и отпадоци.- Печките на дрво да се користат и одржуваат според упатствата на производителот.- Редовно да се чистат оџаците.Итните мерки и препораки за намалување на загадувањето на воздухот се согласно Краткорочниот акционен план за заштита на амбиентниот воздух во град Скопје кој е донесен од Советот на Град Скопје. Овие мерки ќе бидат во сила се додека не се намали загадувањето под прагот за алармирање, односно под 100 микрограми на кубен метар.Град Скопје ги повикува граѓаните да се придржуваат до дадените мерки и да го сведат своето движење на отворен простор само на неопходни излегувања, малите деца, бремените жени, хроничните болни, постарите луѓе да не излегуваат на улица и да не се проветруваат просториите во кои се престојува. Градот Скопје веќе започна со сет системски и конкретни мерки за справување со загадениот воздух и токму ова е еден од најголемите приоритети на кој ќе работи новата градска администрација. Овие комплементарни мерки за обезбедување повисок квалитет на живот за граѓаните, ќе придонесат за намалување на нивото на загаден воздух во Скопје, а за секоја настаната промена на состојбата јавноста ќе биде редовно известена.

Скопје | пред 4 години

119 новозаразени и тројца починати од коронавирус

Почитувани,Министерството за здравство информира, согласно податоците од Институтот за јавно здравје дека во последните 24 часа:Направени се 2.324 тестирања, а регистрирани се 119 нови случаи на КОВИД-19:Скопје – 87, Битола – 7, Кавадарци – 6, Куманово – 4, Прилеп – 3, Свети Николе и Македонски Брод – по 2, Охрид, Штип , Струмица, Кочани, Струга, Ресен, Демир Хисар и Демир Капија – по 1.Регистрирани сe 257 оздравени пациенти од: Скопје – 117, Битола – 21, Охрид – 19, Прилеп – 17, Куманово – 13, Кавадарци – 11, Валандово – 10, Струмица – 8, Штип – 6, Ресен – 5, Гевгелија, Крива Паланка и Делчево – по 4, Кочани, Виница и Пробиштип – по 3, Македонски Брод, Велес и Кратово – по 2, Струга, Кичево и Неготино – по 1.Во текот на изминатите 24 часа регистрирани се 3 починати лица: по едно починато лице од Скопје (71г), Струмица (82г) и Битола (49г). Од пријавените сите лица се починати во болнички услови.Направени се 2.324 тестови преку: ИЈЗ-43, ЦЈЗ Скопје-27, ЦЈЗ Битола-0, ЦЈЗ Прилеп-46, ЦЈЗ Тетово–0, ЦЈЗ Куманово-4, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–0, Жан Митрев (Филип Втори)-101, Авицена-87, Биотек-109, Систина-89, лабораторија Лаор-0, Синлаб-0, Ремедика-0, Плодност–0, Генеа-0, Никоб лаб-286, ВФВ Медикал-48, Ели Медика-27, Ројал Медика–0, Спектра-ММ-0, Рапид Лаб–0, Жан Митрев Струмица–0, Нова Лаб Дијагностика–0, ЈЗУ и ПЗУ (рапид тест) – вкупно 1.457.Досега во земјата се направени вкупно 1.576.424 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 223.330, бројот на оздравени пациенти е 210.732, на починати е 7.907, а бројот на активни случаи изнесува 4.691.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 98122, Активни 2409Куманово 13107, Активни 105Тетово 11415, Активни 76Прилеп 10742, Активни 334Битола 9181, Активни 326Гостивар 8081, Активни 18Велес 7485, Активни 129Кавадарци 7379, Активни 175Охрид 6773, Активни 232Штип 6740, Активни 83Струмица 6273, Активни 129Кичево 4308, Активни 65Кочани 4096, Активни 43Струга 3928, Активни 23Гевгелија 2911, Активни 81Неготино 2627, Активни 28Свети Николе 2153, Активни 30Крива Паланка 1953, Активни 40Ресен 1860, Активни 89Радовиш 1809, Активни 42Берово 1477, Активни 9Делчево 1463, Активни 27Дебар 1457, Активни 1Виница 1179, Активни 13Пробиштип 1142, Активни 12Валандово 1031, Активни 56Кратово 789, Активни 7Богданци 680, Активни 29Демир Хисар 642, Активни 30Крушево 606, Активни 12Македонски Брод 527, Активни 18Демир Капија 434, Активни 6Македонска Каменица 429, Активни 11Пехчево 357, Активни 1

пред 4 години

Дизелот се намалува, цените на бензините се зголемуваат

Регулаторната комисија за енергетика и водни услуги донесе одлука со која се врши намалување на малопродажните цени на нафтените деривати во просек за 0,14 % во однос на Одлуката од 20.12.2021 година.Малопродажната цена на Еуродизел (Д-Е V) се намалува за 0,50 денари за литар, додека малопродажните цени на бензините Еуросупер БС-95 и Еуросупер БС-98 се зголемуваат за 0,50 денари за литар.Малопродажната цена на Екстра лесното масло за домаќинство (ЕЛ-1) не се менува.Малопродажната цена на Мазутот М-1 НС се намалува за 0,504 денари за килограм и сега ќе изнесува 39,360 денари за килограм.Од 28.12.2021 година од 00:01 часот максималните цени на нафтените деривати ќе изнесуваат:Моторен бензин Еуросупер БС – 95 73,50 денари за литар,Моторен бензин Еуросупер БС – 98 75,50 денари за литар,Дизел гориво Еуродизел БС (Д-Е V) 64,00 денари за литар,Масло за горење Екстра лесно 1 (ЕЛ-1) 64,00 денари за литар,Мазут М-1 НС 39,360 денари за килограм.Во изминатиот седумдневен период референтните цени на светските берзи во просек бележат зголемување кај бензинот за 1,238 %, кај дизелот за 0,08% , кај екстра лесното масло има намалување за 0,112 % и кај мазутот намалувањето е за 1,447 %.Во истиот период курсот на денарот во однос на доларот е понизок за 0,154 % .

Македонија | пред 4 години

Спасовски поднесе оставка од СДСМ

Министерот за внатрешни работи, Оливер Спасовски утринава поднесе оставка од функцијата потпретседател на СДСМ.Пред неколку дена, во дебатниот магазин „Click Plus“ на ТВ21, Спасовски посочи дека не треба да биде дел од новиот тим на СДСМ, односно дека новиот претседател на партијата, Димитар Ковачевски треба да избере нови лица.„На новиот претседател треба да му се даде можноста како што ја превзема одговорноста да биде лидер на партијата, да му се даде полно право во изборот на неговиот тим. Тој избор треба да го направи од нови луѓе, и затоа сметам дека не треба да бидам дел од новиот тим, се со цел да не го обременуваме ниту претседателот ниту новиот тим“, порача Спасовски.Инаку, засега е неизвесно дали Спасовски ќе остане во новата Влада која ќе ја формира Ковачевски.

Македонија | пред 4 години

Кој влегува, а кој излегува од новата Влада и директорските столчиња

Новата влада треба да се формира до средина на јануари, според координаторото на пратеничката група на СДСМ, Јован Митрески. Тој вели дека новата влада ќе остане до крајот на мандатот во 2024 и дека нема да има предвремени избори.На местото на Венко Филипче во Министерството за здравство ќе треба да седна Беким Сали, поранешен кандидат за градоначалник на Чаир и стоматолот. Си оди и Радмила Шекеринска, засега се крие името на новиот министер за одбрана. Повлекување најави и Мила Царовска од Министерството за образование, за кој ќе биде нејзина замена - не се знае.За информатичко општество и администрација ќе биде назначен Адмирим Алити, а министер без ресор задолжен за дијапсората – Џемаил Чупи.Тројца заменици министри доби Алијанса во преговорите со Заев, а тие се за образование- Лулзим Алиу, Даим Лучи за култура и во земјоделие заменик ќе биде Абдулшики Абедини.Владата ја прифатила и оставката на Авни Рустеми, од должноста заменик директор на Агенцијата за млади и спорт, а за вршител на должност е именуван Амир Биљали.Прифатена е и оставката на Бујар Дардишта, од должноста директор на Управата за водење на матични книги, а за вршител на должност е именуван Блерим Абази.За в.д. директор на Државниот завод за индустриска сопственост е именуван Ибуш Јусуфи. Никица Бачовски, пак, е именуван за вршител на должност директор на Агенција за финансиска поддршка во земјоделството и руралниот развој.ВД директорот на Агенцијата за странски инвестиции, Дејан Павлески е разрешен, а на негово место е именуван Беким Емини.Разрешена е и в.д. директорката на Агенцијата за квалитет и акредитација на здравствени установи, Каљтрина Беќири , а на нејзино место е поставена Мерал Исмаили.Разрешен е и директорот на Казнено поправен дом Идризово, Јовица Стојановиќ, а на негово место, за в.д. директор е именуван Реџеп Реџепи.Владата заклучила и да му препорача на Управниот одбор на ЈП Национална Радиодифузија, да го разреши од должноста в.д. заменикот на директорот, Мухамед Цури, а на негово место да биде избран Суат Џемаили.

Македонија | пред 4 години

„Тие бомби беа предмет за уцени и рекети и денеска сѐ“, Хајредини со отворени карти!

Првиот албански министер за финансии на Македонија, Џевдет Хајредини, посочи дека Али Ахмети го има пратено Артан Груби кај Зоран Заев кога била објавена првата бомба за лидерот на ДУИ. Според него, бомбите се предмет на уцени и рекети. Во емисијата „Во центар“ посочи дека тоа се прави до ден денеска.„Кога Заев почна да објавува бомби, кажуваше дека има. Меѓутоа излезе Али Ахмети и рече, ако има за ДУИ нека извади, кој правел нешто, ќе одговора. Тогаш објави една за Ахмети. Кога видел Ахмети дека има, го праќа Груби кај Заев на средба. Му рекол да види дали има нешто. Никој не знае колку бомби се. Тие бомби беа предмет за уцени и рекети и денеска се. Еве што направи Заев. Се вадеше се додека на нему му требаше да ја бие битката со ВМРО. Тука што направија, со консензус ќе забраниме објавување. Венецијанската комисија даде препорака да бидат сите објавени, дури и приватните, ако го допираат јавниот интерес. Оваа работа, додека не почне – овде нема избори, туку купување мнозинства. За Собранието викаат дека е најскап шопинг центар, пишува на Фејсбук“, рече Џевдет Хајредини.Тој додава: „Не е точно дека сите необјавени бомби се предадени на СЈО. Тие бомби не се знае кој, каде и колку има, не се знае ниту колку пари се дадени како рекет. Тоа никој не знае“.„Има еден опис на неговото работно место, три-четири страници. Кој може да се однесува така и да биде толериран? Кој може да пука на плоштадот Скендербег и да не одговара? Кој може да ја отвори предизборната кампања во Чаир со пукање во воздух пред стотина души, а Заев да вика вака не се трпи. Тие заплашуваат, треба разоружување. ДУИ никогаш нема да дозволи ниту бомби да се објават, ниту реформа на изборниот систем“, додаде Хајредини.

Македонија | пред 4 години

Избегната огромна трагедија: Пациент запалил цигара на Клиниката за пулмологија, избегната експлозија

Министерството за здравство информира дека вечерва на Клиниката за пулмологија во Скопје пациент, сместен во соба за кислородна поддршка, ја извадил маската преку која примал кислород и запалил цигара.Поради проток на кислород во собата дошло до пожар и пацинетот се здобил со помали изгореници на лицето и градите. Дежурниот медицински пероснал брзо реагирал, дотокот на кислород навреме бил исклучен со што била спречена експлозија. Од Клиниката случајот e пријавен во полиција, а повредениот пациент кој го предизвикал пожарот нема животозагорзувачки повреди. Во пожарот нема други повредени, а од болничката соба оштетен е мал дел од подот.

Македонија | пред 4 години

Со дојденците новиот сој влегува на голема врата, вели Олумчев

Зимскиот распуст на учениците треба да се продолжи барем за две недели, предлага епидемиологот Сашко Олумчев во изјава за Сител.Во овој период, посочува епидемиологот, кога комуникацијата и контактите помеѓу луѓето се интензивираат, најдобро е децата да бидат дома и на тој начин веројатноста за пренесување на вирусот на поголема група ќе се намали.– Да имаме зимски распуст од еден месец во кој можат да се стабилизираат тие состојби. Ако некој се зарази ќе биде во домашни услови, може да се контролира и така натаму, бидејќи рековме се работи за високо инфективна варијанта. Ако се зарази член на семејството, многу брзо целото семејство ќе се зарази, но ќе бидат под контрола во домашни услови, а вака имате колективи како што се училиштата каде не дека тие деца не знаат, меѓутоа сепак зборуваме за мали деца и за тинејџери кои не можат да се придржуваат кон тие мерки како што треба да биде правилно. Сепак се работи за деца кои едноставно можат да се заштитат до некоја мера, не можат тие постојано да носат маска или да ја менуваат на секои два часа – вели д-р Сашко Олумчев.Тој очекува врзо ширење на варијантата Омикрон со големиот број на нашинци кои за време на викендот се враќаат во земјата.„Сите ќе си дојдат, со самото тоа големи се шансите Омикрон да влезе на голема врата. Не мора ПЦР тестови. Нека бидат брзи антигени тестови. Нека бидат по случаен избор да речеме, не мора секој патник, по случаен избор за да знаеме отприлика што ни се случува. Тие се евтини тестови антигените, а се точни. Точни тестови, евтини, по случаен избор и тоа е некаква мерка – вели д-р Олумчев.

пред 4 години

Ако се запали фасадата, Владата може да изгори за миг

Фасадата на Владата, која чинеше 17,7 милиони евра, е предмет на интерес на истражителите и обвинителите, кои веќе со години го истражуваат проектот „Скопје 2014“, пишува „Фокус“.Станува збор за сомнежи дека материјалот кој требало да биде употребен при изработката на фасадата не е со истиот квалитет како оној што е испорачан и дека ви можел да биде лесно запалив.Во случај на пожар, пламнените јазици за краток период би ја „проголтале“ зградата. Затоа Обвинителството работи на утврдување дали материјалите кои биле наведени во тендерската документација се истите кои се употребени при изградбата.

Македонија | пред 4 години

(ФОТО) И ова го има во Македонија: Со кола влетал во кафеана

Пијан возач влетал во кафеана што се наоѓала на влезот од Македонска Каменица на магистралата А3, објави ТВ24.За телевизијата гостите тврдат дека ова е четврти пат како пијани возачи прават ваква штета.Настанотсе случил рано утринава, а од полицијата потврдиле дека кај патникот е регистрирано недозволена количина алкохол во крвта.Нема повредени, но за возачот ќе следува парична казна и поднесок за причинување материјална штета. Фото: МИА

Македонија | пред 4 години

Само во Македонија: Ученици останаа без тоалети, откако изведувачот го „снема“

Половина од тоалетите што пред неполна година биле реконструирани во штипското основно училиште „Тошо Арсов“ се надвор од функција неколку месеци.Изведувачот наплатил 600.000 денари, но направил грешка при реконструкцијата, а во моментов не му се јавува на надзорникот, објави ТВ24.Во училиштето во просек има околу 400 ученици во смена. Функционални се само четири тоалети на едниот дел од зградата.Сега се бара нов изведувач., а од општината велат ќе се утврдува одговорност. Во Штип до сега имало вакви промашувања во проектите кога требало да се плаќа за грешките на изведувачите, но никој, барем според сознанијата на телевизијата, не поднел одговорност до сега.Фото: screenshot тв24

Македонија | пред 4 години

Обезбедување на скопска дискотека се степалo со гости

На 26.12.2021 во 03,55 часот, било пријавено дека пред дискотека во Градски парк неколку лица кои според пријавеното биле вработени како обезбедување во дискотеката, физички ги нападнале М.С.(21), Д.М.(56) и В.А.(46) сите од Скопје. Се работи на расчистување на настанот.

пред 4 години

10 починати од коронавирус

Министерството за здравство информира, согласно податоците од Институтот за јавно здравје дека во последните 24 часа:Направени се 3.929 тестирања, а регистрирани се 280 новислучаи на КОВИД-19: Скопје – 137, Прилеп – 24, Охрид – 18, Битола и Штип – по 15, Кавадарци – 13, Гевгелија – 10, Ресен – 9, Куманово и Струмица – по 8, Велес – 4, Валандово и Богданци – по 3, Кичево и Демир Хисар – по 2, Тетово, Гостивар, Кочани, Струга, Неготино, Радовиш, Виница, Македонски Брод и Дојран – по 1.Регистрирани сe 156 оздравени пациенти од: Скопје – 70,Кавадарци – 23, Битола – 17, Прилеп – 13, Штип и Гевгелија – по 6, Кочани, Крива Паланка и Крушево – по 3, Неготино и Свети Николе – по 2, Ресен, Богданци, Кичево, Гостивар, Радовиш, Виница, Пробиштип и Кратово – по 1.Во текот на изминатите 24 часа регистрирани се 5 починати лица: по едно починато лице од Скопје (61г), Струмица (75г), Куманово (79г), Охрид (71г) и Крушево (45г). Од пријавените сите лица се починати во болнички услови.Согласно Регистарот на умрени лица со дијагноза КОВИД-19 од Мој Термин, пријавени се дополнително 5 лица, починати во период од 17.11-22.12.2021 година. Починатите лица се од Гостивар (2), Тетово (2) и Кавадарци (1). Починатите лица се на возраст од 62г до 69г. Од пријавените, 2 лица се починати во болнички услови, а 3лица се починати во домашни услови.Направени се 3.929 тестови преку: ИЈЗ-501, ЦЈЗ Скопје-37, ЦЈЗ Битола-92, ЦЈЗ Прилеп-46, ЦЈЗ Тетово–0, ЦЈЗ Куманово-81, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0,ГОБ 8-ми Септември-0, Институт за микробиологија–261,Жан Митрев (Филип Втори)-37, Авицена-96, Биотек-146, Систина-58, лабораторија Лаор-292, Синлаб-20, Ремедика-4, Плодност–69, Генеа-7, Никоб лаб-309, ВФВ Медикал-76, Ели Медика-48, Ројал Медика–62, Спектра-ММ-12, Рапид Лаб–17, Жан Митрев Струмица–26, Нова Лаб Дијагностика–0, ЈЗУ и ПЗУ (рапид тест) – вкупно 1.632.Досега во земјата се направени вкупно 1.574.100 тестирањана Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 223.211,бројот на оздравени пациенти е 210.475, на починати е 7.904, а бројот на активни случаи изнесува 4.832.

пред 4 години

Откако синовите на Бајрам не копаат крипто, дуќанџиите во ГТЦ имаат скоро двојно помали сметки за струја

Последната сметка за струја која сопствениците на дуќани во Градскиот трговски центар во Скопје ја добиле претставува пријатно изненадување за нив затоа што е помала за најмалку 40 отсто. Тие се пријатно изненадени од управата на АД ГТЦ која незаконски им ја препродава струјата, па наеднаш треба да плаќаат помалку, пишува МКД.МКОд 16 ноември во подрумите на ГТЦ не се веќе Елвис и Габриел Бајрам кои најверојатно со години тука „копале“ биткоини користејќи струја која очигледно ја плаќале сите, освен копачите.Во „бизнисот“ со биткоините, освен набавката на голем број на компјутерски машини, т.н. „ригови“ најголемата ставка е дневната потрошувачка на струја. Бајрам, со голема помош на раководството на АД ГТЦ, тоа со години го правел во подрумите на ГТЦ, плаќајки струја колку за осветлување и ништо повеќе, а енормната потрошувачка на струја била најверојатно „солидарно“ делена со сите сопственици на дуќани. Кога тоа се дознало, на 16 ноември полицијата најпрво влегла во подрумите, но очигледно по нечија интервенција, полицајците потоа само го обезбедувале просторот за безбедно изнесување на скапата опрема, по што и официјално било соопштено дека тука нема грабеж на струја.Целиот текст можете да го прочитате тука

Скопје | пред 4 години

Владата откри зошто е откажана продажбата на АД Славија

Ја известуваме јавноста дека наводите изнесени од политичката партија ВМРО-ДПМНЕ дека наводно Агенцијата за управување со одземен имот се откажала од продажбата на акциите на АД Славија, се целосно неточни и манипулативни.Продажбата на АД Славија е привремено запрена поради барање за времена мерка доставено до Судот, кој по службена должност постапил по барањето од страна на Кирил Кочевски, поранешен сопственик на акциите на АД Славија.Вакво барање е доставено и до Централен депозитар за хартии од вредност и до Комисија за хартии од вредност. Против лицето Кирил Кочевски е донесена првичната пресудата за одземање на акциите на АД Славија поради сторено кривично дело. Законско право е на поранешниот сопственик да побара времена мерка од судот.Управниот одбор на Агенцијата врз основа на доставениот предлог за поведување на постапка за времена мерка добиен од Судот и согласно досегашната пракса одлучи времено да ја запре постапката за продажба. Тоа значи дека продажбата не може да се реализира додека трае времената мерка, но не значи дека Агенцијата се откажала од продажбата на акции.

Македонија | пред 4 години

(ФОТО) Хаос: Наумоски го „изрешетаа“ јавно, а тој ги сокри коментарите

Архитектот Никола Лазаревски не го изработил идејното решение за кружната градинка во Волково, како што тврдеше ексградоначалникот на Ѓорче Петров, Александар Наумоски. Тоа го направил тимот на фирмата „Прима инженеринг“. Филип Конески, добитник на годишната награда за архитектура за 2021 година, реагираше и јавно. Конески посочи дека повеќе пати му коментирал на Наумоски дека идејното решение не е на Секторот за урбанизам односно Лазаревски со кое Наумоски се фалеше и себеси, но истите биле избришани.По ова, Наумоски повторно ги избриша коментарите од преписката. Но, го промени и објавениот статус. Па така, од „идејно решение“ напиша дека Лазаревски имал само „првична идеја“.Преписката во целост:

Скопје | пред 4 години