ТОП

„Од вакви слепци страда Македонија“, Маневски бара одоговорност од Маричиќ зошто оддал тајна на судот

Поранешниот министер за правда Михајло Маневски смета дека неговиот актуелен наследник Бојан Маричиќ јавно и грубо се меша во работата на судот.„Ќе одговара ли министерот Маричиќ за оддавање на тајна и за незаконито влијание на судот?Министерот Бојан Маричиќ јавно и грубо се меша во работата на судот.Спротивно на Законот за кривичната постапка ги објави имињата на судиите Ѓоко Ристов и Енвер Беџети, кои како членови на Советот на Апелациониот суд Скопје гласале да се прифати гаранцијата на осудениот Сашо Мијалков и да се пушти од притвор.Согласно член 124 од Законот за кривичната постапка, гласањето на судиите во судечкиот совет се врши тајно. Резултатите од гласањето се тајни.Согласно член 96 од ЗКП, за советувањето и глсањето се составува посебен записник. Овој записник се става во затворен плик и може да го отвори само повисокиот суд.Како дозна Маричиќ дека овие судии гласале за одлуката и поименично ги наведе, иако одлуката уште не била напишана?Одлуката на повисокиот суд се доставува до судот што ја донел одлуката и тој ја објавува.Како може овој министер за правда толку грубо да се меша и да се заканува на судот за донесена одлука?Министерот Маричиќ треба да биде земен на кривична одговорност за незаконито влијание во работата на судот и за оддавање на тајноста на гласањето на Советот што одлучувал по предметното барање?И овој ли ќе биде потпретседател на Владата за евроинтеграции?Жалосно.Овој ли ќе се бори за владеење на правото?Од вакви слепци страда Македонија“, стои во објавата.

Коментари | пред 4 години

Функционер од кабинетот на Црвенковски влегува во врвот на СДСМ

Игор Ивановски - Шема ќе биде промовиран како предводник на новиот Совет за креирање и имплементација на политики во СДСМ, дознава Телма.Поранешниот висок функционер на партијата е универзитетски професор на скопскиот Економски факултет со неколку мандати како пратени претходно, а беше и дел од претседателскиот кабинет на Бранко Црвенковски.Ивановски треба да ја добие оваа функција утре на Централниот одбор на СДСМ кој ќе го предводи новиот претседател Димитар Ковачевски.

Македонија | пред 4 години

Омикрон варијантата ќе доведе до крај на пандемијата во рок од шест месеци, вели Пановски

Микробиологот Никола Пановски смета дека по шест месеци ќе имаме сезонска форма на болеста, најчесто со клиничка слика на настинка, по појавата на варијантата Омикрон.„Брзото ширење на Омикрон варијантата ќе доведе до крај на пандемијата во рок од шест месеци. Прашање е каков ќе биде тој крај? Тоа зависи од тоа колку оваа варијанта ќе биде вирулентна“, вели Пановски за ДВ.Тоа што се знае, вели тој, е дека овој сој не дава потешка форма на болеста, но прашање е дали и колку предизвикува полесна форма на болеста и намалена смртност.„Ако се повтори нешто слично како во ЈАР, тогаш ќе имаме крај на пандемијата со многу случаи, но со малку починати. Се разбира ова зависи и од процентот на вакцинација, почитување на мерките, оптoвареноста на болниците и.т.н. По шест месеци ќе имаме сезонска форма на болеста, најчесто со клиничка слика на настинка“, верува Пановски.

Македонија | пред 4 години

Родилката од Тетово која помина низ хорор и едвај останала жива ќе тужи, се собираат донации!

Многумина на Фејсбук, ја споделуваа приказната на храбрата тетовчанка Дона Неделковска, која едвај останала жива по раѓањето на нејзиниот син, поради неодговороста на лекарите. Дона по четири дена болки, спасот го нашла во ГАК во Скопје, откако лекарите во нејзиниот роден град како пто раскажува, ја лечеле со билни чаеви.Иако немилиот настан се случил на 1 јули 2021 година, таа вели дека ова за неа е болна тема и психички не била спремна да говори за истиот.Шест месеци подоцна таа реши да се избори за правд,а но за судскиот процес и вештачење и се потребни парични средства.Дона преку интернетс страницата gofundme  до сега има собрано 600 евра. 

Македонија | пред 4 години

Скопје на ниво со Дубаи и Сиднеј, додека сите ги откажуваат забавите - ние ќе имаме и огномети

Иако се предвидуваше дека оваа година повторно ќе ги има традиционалните големи прослави на Нова Година ширум светот, сепак поради новиот бран на коронавирус, предизвикан од сојот омикрон, плановите пропаднаа. Па така, во повеќето делови од светот, особено во Европа, на големо се откажуваат јавните настапи и се воведуваат ограничувања и рестрикции токму пред празниците.Во Атина, оваа година нема да има огномет над Акропол, откако грчката влада ги забрани сите јавни прослави на Божиќ и Нова година што беа планирани во општините. Сите воведени мерки и рестрикции ќе важат до 3 јануари.Германија ќе ги ограничи собирите од 28 декември и забрани новогодишни прослави, па така нема да има огномет во Берлин, Минхен, Франкфурт и другите градови.Во Единбург, јавниот дочек на Нова година исто така е откажан. Во Ирска рестрикциите ќе стапат на сила после Божиќ.Градоначалникот на Лондон, Садик Кан, го откажа планираниот настан на плоштадот Трафалгар уште на 20 декември, иако беше планирана прослава со најмногу 6.500 луѓе.Париз исто така откажа традиционалниот огномет над авенијата Елисејски полиња, а нема да има ниту настапи на диџеи. Француската влада ги забрани сите јавни собири и забави уште на 17 декември.Бразилснака влада ја откажа новогодишната прослава во Рио де Жанеиро на 18 декември.Празничните настани ќе изостанат и во Рим, додека Венеција исто така ги откажа концертите на отворено и огнометот.Сепак, во Њујорк после една година пауза, повторно ќе се чека Нова година на Тајмс сквер. Градоначалникот на заминување Бил де Блазио не ја откажа прославата, со тоа што наместо 58.000, ќе може да присуствуваат само 15.000 луѓе. Единствен услов за пристство е сертификат за вакцинација и носење маска.Локалните власти во Дубаи најавија дека ќе има пиротехничко шоу над највисоката зграда на светот, „Бурџ калифа“.Сиднеј не ги откажа плановите за пролсавата, но влезот ќе се наплаќа. Иако не е неопходно целосно вакцинирање, сепак е препорачливо.Во Тајпеј е планирано традиционалното одбројување со огномет над кулата „Тајпеј 101“.На Плоштадот Македонија во Скопје ќе има дочек на Новата година со домашни изведувачи и огномет. Прославата ќе биде организирана и регулирана со почитување на сите протоколи за ковид-19.

Скопје | пред 4 години

Цената на тутунот не ги покрива ниту основните животни потреби на тутунарите, вели Трипуновски

Можам да кажам дека денеска на радост од иницијативата на градоначалниците од оние општини каде што имаме производство на тутун и тутунопроизводители се собравме во Могила на еден координативен состанок на кој што се разговараше за актуелната состојба со откупот на тутунот реколта 2021, вели Цветан Трипуновски, претседател на Комисија за земјоделие на ВМРО-ДПМНЕ.„Она што го разменивме како информација од терен преку градоначалниците кои што го добиваат секојдневно тутунарите од нивните општини можеме да кажеме дека оваа година исто така се повторува втора по ред една кражба на македонскиот тутунар затоа што и оваа година со оваа цена која што во моментов се постигнува не може да се задоволат основните животни потреби, затоа што знаеме дека изминатиов период сета онаа неспособност на СДСМ како Влада донесе до инфлација на речиси на сите производи на живеачка.На овој состанок исто така се дискутираше и се донесоа неколку заклучоци кои што градоначалниците во наредниот период ќе ги имплементираат. Јас би ги повторил на кратко, локалните самоуправи ќе се обратат до Државниот земјоделски инспекторат кој што е единствена надлежна институција за следење на откупот на тутун, кој што со своето присуство на откупните пунктови ќе бидат гарант дека нема да се прави манипулација со класирањето на тутунот кој што знаеме дека во минатото постојано се случуваше.Второ градоначалниците ќе одржуваат постојани средби со здруженијата кои што гравитираат на ниво на локалната самоуправа се со цел да бидат благовремено и правилно информирани за текот и за состојбите со откупот на оваа стратешка култура во Република Македонија.И третиот заклучок кој што е еден од најважните заклучоци ќе го реафирмираат барањето преку пратениците на ВМРО-ДПМНЕ, ќе го реафирмираат барањето за измена и за дополна на Законот за тутун и тутунски препарати со кои што ќе се бара забрана на увоз на тутун во Република Македонија се до завршување на откупот од домашното производство. Овдека морам да потенцирам дека ВМРО-ДПМНЕ и пратениците во изминатиов период имаше ваква иницијатива меѓутоа за жал на глувоста на власта и едноставно себичноста, не сакаше воопшто и истиот закон да го стави на Дневен ред. Затоа денеска преку градоначалниците ќе се изврши уште еден дополнителен притисок врз власта за да овој закон се конечно најде на Дневен ред.Знаете дека тутунарите се една од најголемите категории на земјоделци кои што егзистираат во нашата држава кои што покрај силниот економски ефект опфаќа и голема социјална категорија, едноставно ќе можат многу семејства, многу земјоделци да егзистираат и да ја преживеат оваа тешка година која што за жал со погрешните политики на СДСМ ги доведе на питачки стап.Овде неминовно е да се потенцира дека покрај проблемите со откупот на тутун, во моментов имаме уште неколку отворени фронтови на разни категории земјоделци кои мака мачат со преживување на тешкиот и скап живот кој што го донесе СДСМ.Да потсетиме дека во моментов и оризарите во кочанскиот регион имаат проблеми со продажбата и откупот на ланскиот ориз и оризот од оваа година, јаболкарите во ресенскиот регион имаат проблеми со пласманот на јаболката кои што исто така е на многу лошо ниво и практично нема откуп на овој земјоделски производ – едноставно сите овие политики и погрешни стратегии кои што ги имплементира СДСМ наоѓаат на една сериозна забелешка и еден сериозен револт од македонските земјоделци.И она што на крај сакам да го потенцирам е дека навистина градоначалниците кои ваквите иницијативи ги преземаат ќе имаат силен ефект и притисок врз власта институционално да помогне на македонскиот земјоделец.Ова не е за да се прави политика или политиканство, ова е сериозно, овие градоначалници кои ги гласале граѓаните и земјоделците во своите региони да преку својата институција наречена градоначалник и советот во општината во која гравитираат да едноставно упатат една критика, забелешка и насока како да се подобри целата оваа работа.Поентата е да се достигне едно ниво каде што македонскиот земјоделец ќе има достоинствен живот како што едноставно заслужува“, додава тој.

Македонија | пред 4 години

Шилегов за мерка ги сметаше временските прилики, а сега се жали за состојбата на воздухот, вели Арсовска

Во најмал случај срамно е Петре Шилегов, човекот кој четири години не презема ниту една системска мерка за справување со загадениот воздух, проблем кој директно влијае на здравјето на граѓаните, сега преку објави на Фејсбук да се жали за состојбата во која тој го доведе Скопје.Петре Шилегов четири години имаше шанса да стори нешто на ова поле, но наместо решенија Скопје е ден од најзагадените градови во светот. Човекот кој за мерка ги сметаше временските прилики и дали ветерот ќе го исчисти воздухот, не би смеело воопшто да си дозволи да зборува на оваа тема. Градот Скопје конечно презема системски и конкретни мерки за справување со еден од најголемите проблеми на граѓаните, загадениот воздух. За разлика од претходните години кога на ова поле не беше преземено речиси ништо, новата градска администрација овој горлив проблем за скопјани го стави како еден од најголемите приоритети.Токму поради тоа, уште на стартот на мандатот на градоначалничката Данела Арсовска се започна со интензивно чистење на дивите депонии, каде што се согоруваше опасен отпад и шут, кој влијае врз загадувањето на воздухот. За прв пат неселективно се изрекуваат драконски казни за загрозување на животот и здравјето на граѓаните.Во моментов се работи на целисходно системско решение од повеќе комплементарни мерки за обезбедување на повисок квалитет на живот и почист воздух, нешто што во изминатите години не беше случај и тоа резултира на континуирано загаден воздух во Скопје.

Скопје | пред 4 години

(ФОТО) Битолчанец сруши црн рекорд, возел со 4,28 промили алкохол во крвта

Во текот на вчерашната вечер (25/26.12.2021) во периодот од 20.00 до 02.00 часот спроведена е зајакната акциска контрола за санкционирање на возачи кои управуваат возила под дејство на алкохол на територијата на СВР Битола, при што санкционирани се 27 возачи.Според, пропратната илустрација на информацијата од Министерството за внатрешни работи, кај еден од возачите инструментот пoкажал присуство од дури 4,28 промили алкохол во крвта. Тоа за малку е повеќе од досега реекордните 4,26 промили алкохол кои на 10-ти октомври во 22:03 часот му биле измерени во крвта на возач кој бил запрен од сообраќајната полиција во Македонија.Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Македонија | пред 4 години

Светот се затвора поради короната, Македонија се отвори за прослави

Иако сојот Омикрон затвори многу земји во светот во пресрет на Нова година и Божиќните празници, министерот за здравство Венко Филипче вели дека засега нема потреба од порестриктивни мерки во моментов во Македонија.„Сметам дека сите овие мерки кои што се на сила сега кај нас се сосема доволни и не треба да се зголемува степенот на рестрикција во било која смисла, како во однос на тоа што се бара за влез во земјата, така во однос на се што важи за масовните собири, без разлика дали се тоа затворени објекти или некои настани или во угостителските објекти“ вели Филипче.Бројот на регистрирани активни случаи на ковид-19 во земјава вчера падна под 5.000.Во вчерашниот ковид-билтен од направени 4.572 тестирања регистрирани се 266 нови случаи на ковид-19, 717 оздравени пациенти, како и 15 починати лица, од кои седум се пријавени согласно регистарот од Мој термин.Вкупната бројка на активни случаи изнесува 4.719. Најмногу активни случаи 2.375 има Скопје, а најмалку, односно по едно во Пехчево и Дојран.Првиот случај на сојот омикрон во земјава е детектиран завчера кај маж кој допатувал од Велика Британија.

Македонија | пред 4 години

Планираната траса на БРТ може да го загрози водоснабдувањето на градот, вели ВМРО-ДПМНЕ

БРТ превозот не е адекватен за Скопје, а аматеризмот при планирање ќе го загрозеше водоснабдувањето на градот, вели ВМРО-ДПМНЕ.„Планираната траса на БРТ превозот беше аматерски осмислена да се движи над главната водоводна цевка која се наоѓа во зелениот појас помеѓу двете коловозни ленти на булеварот. Водоводната цевка не е заштитена и поставувањето на коловоз над неа без дополнителна заштита за кој во овој случај се потребни дополнителни 20 милиони евра ќе предизвикаше хаварија.Дополнително пред да се постави коловозот за БРТ транспорт мора да се изнајдат решенија за пристап до водоводната цевка без затоа да треба да се ископува целата евентуална траса и затоа Скопје да нема ниту вода, ниту јавен транспорт со часови или денови.Вака осмислениот транспорт беше без конкретен план за голем број на странични проблеми како што е тој со водоснабдувањето.За разлика од со Шилегов. Скопје ќе добие ефикасен јавен транспорт“, се вели во соопштението.

Скопје | пред 4 години

Нема фотографија

Замрзнувањето на цените е популистичка мерка и треба побрзо да се напушти, вели Славески

Професорот на Економскиот факултет и член на ИК на ВМРО-ДПМНЕ, а од неодамна претседател со Советот на Град Скопје Трајко Славески смета дека одлуката на Владата да ги замрзне цените на одредени производи е популистичка мерка, со која нема да се ублажи ударот врз животниот стандард.-Слушнавме и од стопанството, од компаниите дека ова е една популистичка мерка, која нема да повлијае на заштита на животниот стандард. Затоа што кога го пригушувате стандардот, особено кога се работи за отстапување на она што се трошоци за производство или набавка, знаеме ние дека во нашата дневна палета на производи што ги користиме, користиме значителен обем на производи кои што се од увоз, тука ние не можеме да влијаеме. Реперкусиите ќе се или недостаток на некои артикли на пазарот со замрзнати цени, сива економија и слично. Ова е една непазарна мерка која треба што побрзо да се напушти, да се влијае на факторите, кои придонеле до таков дисбаланс, до таква дестабилизација, смета Славески.Во интервју за Радио Слободна Европа тој потсетува на 2007-2008 година кога имавме слична ситуација со цените на енергијата, но не биле преземени вакви мерки.-Нафтата во јули 2008 година достигна цена од 142 долари за барел, сега не е повисока од 75-80 долари беше највисоката и после се симна. Имавме драматичен пораст на цените на житарките на светските пазари. Не замрзнавме цени, тоа е едно добро менаџирање на состојбите, инфлацијата се покажа од времен карактер и цените се смирија за само неколку месеци. Мислам дека лошо се менаџира, вели тој.

Македонија | пред 4 години

И Шилегов „плаче“ за загадениот воздух во Скопје

Доскорешниот градоначалник на Град Скопје Петре Шилегов, на Фејсбук се пожали на загадениот воздух во главниот град, објавувајќи висок резултат на една од мерните апликации по полноќ.Скопје синоќа со индекс на квалитет на воздух 181, беше шести на листата на најзагадени градови  во светот, според сервисот „Iqair“.„Go green …“, напиша Шилегов во описот на фотографијата.

Скопје | пред 4 години

Го истепала сопругот, па завршил во тетовската болница каде починал

Б.В (77) почонал во Клиничката болница во Тетово, откако било констатирана расправија и физичка пресметка со неговата сопруга 76-годишната П.В., информира портпаролот на тетовската полиција.Во петокот попладнето во МВР било пријавено од лекар од Итна медицинска помош,, кој известил за смртен случај во кој мажот починал по ситуација на веројатно семејно насилство.На улицата „Маршал Тито“ во Тетово, Н.В. пријавил дека неговиот татко 77-годишниот Б.В. бил во лоша здравствена состојба по што од лекар од Итна медицинска помош е констатирана смрт, а биле забележани гребаници во пределот на вратот.По наредба на Јавен обвинител телото на починатиот е предадено за обдукција

Македонија | пред 4 години

Села останува лидер на Алијанса за Албанците

Алијанса за Албанците во Скопје го одржа Централното собрание на кое беше презентиран извештајот за локалните избори подготвен од претходно формираната комисија, се презентираа и извештаите од ограноците.На состанокот се потврди и донесената одлука за организирање на вториот Конгрес на партијата, којшто ќе се одржи на 27 март 2022 година. Села најави дека ќе остане лидер на партијата до Конгресот на партијата.За оваа цел се формираше и комисија којашто ќе биде составена од актуелни пратеници, градоначалници, претседатели на Младинскиот форум на Алијанса за Албанците и од Унијата на жени, како и по три члена од овие два партиски органи.Села истакна дека новиот претседател на СДСМ, Димитар Ковачевски ниту Али Ахмети немаат легитимитет за формирње нова Влада.„ Ковачевски не може да има никаков легитимитет, бидејќи токму Зоран Заев победи на изборите со ветувањата и програмите што ги даде. Легитимитет немаат ниту Али Ахмети и ДУИ кои изборите ги добија во 2020 година со едно ветување – ветување за премиер Албанец за четири години“ рече Села.За време на говорот пред делегатите, претседателот Зиадин Села им се заблагодари на структурите и активистите за досегашниот ангажман и повика на понатамошна соработка во зајакнувањето и проширувањето на партијата и со нови кадри коишто се спремни и посветени за внесување промена во албанската политичка сцена во Македонија.

Македонија | пред 4 години

Само управната зграда на Славија со земјиштето вреди над 9 милиони евра, вели ВМРО-ДПМНЕ

Стопирањето на продажбата на Славија е признание за матниот бизнис, ВМРО-ДПМНЕ и јавноста го разоткрија овој криминал, за 200 илјади евра продаваа имот вреден 20 милиони, вели ВМРО-ДПМНЕ.„Власта сакаше за 200.000 евра да ја распродаде Славија која чини над 20 милиони евра, ВМРО-ДПМНЕ и јавноста ја спречија.Само управната зграда на Славија со земјиштето под и околу неа има вредност од над 9 милиони евра, магацините во Кисела Вода имаат вредност од над 4 милиони евра. Бројните деловни простори и магацини од околу 6 милиони евра. И сето ова некој близок до власта требаше да го земе за 200.000 евра.Брзата реакција на ВМРО-ДПМНЕ и гласот на народот го спречи овој грабеж.Власта уплашена дека е фатена во правење на матна бизнис зделка за која мора да има одговорност во паника запре.ВМРО-ДПМНЕ нема да дозволи власта да распродава по багатела, а народот да страда“, се вели во соопштението.

Македонија | пред 4 години

Крајот на април ќе биде крајот на пандемијата, вели Даниловски

Епидемилогот Драган Даниловски вечерва во вестите на ТВ Сител рече дека пандемијата, според него, би завршила на крајот на април.Крајот на пандемијата кај нас ќе настапи со изнемоштеноста. Со резигнација граѓаните прифаќаат да живеат со вирусот. Вирусот не сака да го убие домаќинот, туку тој да го распрснува со заразување на други. Крајот на април ќе биде крајот на пандемијата, а ќе се вакцинираат само ризичните групи, заклучува Даниловски.

пред 4 години

Надвор е ужасно загадено, процентот на честички е енормен

Воздухот вечерва повторно е екстремно загаден. Скопје вечерва е седми најзагаден град во светот. Граѓаните дишат отров.Според страницата Air quality, во Скопје веќе четврти ден воздухот е екстремно загаден, а концентрацијата на ПМ2,5 честичките е 22.6 пати над дозволената граница.Според податоците од мерните станици  на Министерството за животна средина, во Струмица се измерени 530 милиграми ПМ10 честички на еден кубен метар воздух. Но високи концентрации на ПМ10 честички има и во Кавадарци, Тетово, Битола, Велес.

Скопје | пред 4 години

„Лудница“ во радовишки ресторан, скоро десет луѓе се испотепаа, меѓу нив и вработени

На 24.12.2021 во 00.05 часот во СВР Струмица е пријавено дека во угостителски објект во Радовиш е нарушен јавниот ред и мир со физичка пресметка помеѓу В.И. од с.Војславци од една страна и И.И., П.Н. и Ф.К. сите од Радовиш од друга страна при што во обид да ја спречат пресметката вработените во угостителскиот објект Б.Ј. и Н.М. биле физички нападнати од Р.Л., М.Р. и М.К.Се преземаат мерки за расчистување на случајот.

Македонија | пред 4 години

Левица го тужи Мехмети оти се подбивал со македонскиот народ, тој бара покана на албански

Поради статус на социјалната мрежа Фејсбук, партијата Левица на Димитар Апасиев поднесе кривична пријава против писателот и публицист Ким Мехмети.Во поканата од Јавното обвинителство испратена до Мехмети, се вели: „Се повикува Ким Мехмети на 13.01.2022 година вон 10 часот да се јави во просторите на Основното јавно обвинителство Скопје. Лицето се повикува во својство на осомничен за Кривично дело излагање на подбив на македонскиот народ и припадниците на заедниците по член 179, а по кривична пријава поднесена од партијата Левица за текст објавен на Фејсбук профил на 29.07.2021 година“.Мехмети на својот Фејсбук профил реагираше на тужбата од Левица:„Судот и обвинителството се занимаваат со најголемиот криминалец во Македонија Ким Мехмети?!Кој вели дека нема правда во Северна Македонија и дека судските институции не се ефикасни?Откако оваа држава успеа во битката против криминалот и кражбите, започна битката и против нас кои го „навредуваме“ македонскиот народ, заштитен од познатата партија ЛЕВИЦА!Кратко: во оваа Македонија каде пред цел свет се навива „Смрт за Албанците“ и „Само мртов Албанец е добар Албанец“ конечно и јас завршив таму каде што припаѓам - пред обвинителите и судовите на оваа земја.Не знам зошто, но чувствувам чест што ме тужи и ме обвинува ЛЕВИЦА, партија која смрди на антиалбанизам и која предизвикува повраќање секогаш кога ќе го слушнам нејзиното име, а камоли да се занимавам со тоа.Сепак, ги повикувам сите македонски ЛЕВИЦА и ДЕСНИКАТ да се здружат и да поднесат тужби против мене, бидејќи немам време да се занимавам со нив една по една.Во меѓувреме нека знаат: ако се самите внуци на Ленин, а не оваа смешна ЛЕВИЦА што се, никогаш нема да ја реализираат својата цел - да ме замолчат.Калимти: Не знам каде отиде двојазичноста и зошто поканата за појавување во Јавното обвинителство е напишана само на македонски јазик?“, стои во објавата на Фесјбук.

Македонија | пред 4 години

Адвокатите на Мијалков испратија писмо до амбасадорот на Израел

Четворицата адвокати на поранешниот директор на УБК, Сашо Мијалков, преку писмо до амбасадорот на Израел во Македонија побараа од него да ги демантира тврдењата на судиите и обвинителите дека може да избега во Израел поради контактите со израелските разузнавачки служби.Адвокатите Давидовиќ Звонко, Петар Василевски, Љупчо Шврговски и Миле Петровски писмото го упатуваат откако Мијалков доби нов притвор, овој пат за случајот „Плацеви на Водно“, откако претходно му беше прифатена гаранцијата од повеќе од 11 милиони евра.„Ви се обраќаме со ова писмо како бранители на господинот Сашо Мијалков за да Ве информираме за определени работи кои се однесуваат на вашата држава и за кои мислиме дека треба да бидете информирани.На ден 22-12-2021 година на господинот Сашо Мијалков му беше прифатена понудената гаранција од страна на Апелациониот суд Скопје и му се укина мерката притвор која му беше определена во судски предмет кој се води против него. Нема да ве оптеретуваме со политичката позадина која стои зад ваквите судски предмети како средство на власта за пресметка со своите политички противници, но она со што мораме да Ве запознаеме дека името на ашата држава беше употребено при кршењето на основните човекови права на нашиот клиент.Имено, истиот ден кога беше донесено решението на Апелациониот суд , Министерот за прaвда на Република Македонија јавно ги прозва судиите кои ја прифатиле гаранцијата и побара ваквото решение да не се спроведе на ниту еден можен начин кршејќи го уставното начело на поделбата на власт и сериозно ја наруши независноста и самостојноста на судството. Како резултат на таквите повици и критики на Министерот за правда, Основниот кривичен суд во Скопје, кој е понизок суд од Апелациониот суд, а по барање на Основното јавно обвинителство за гонење на организиран криминал и корупција, експресно, само после четири часа, донесе ново решение со кое му определува притвор и покрај веќе постојната одлука на Апелациониот суд со која се прифаќа понудената гаранција и се укинува мерката притвор.Сево ова сигурно не би ве засегало, а и ние не би ви се обратиле да еден дел од решението на Основниот кривичен суд, а истото стои и во барањето за определување на мерка притвор на обвинителството, не стои дека поради контактите на нашиот клиент Сашо Мијалков кој е бивши Директор на Управата за безбедност и контраразузнавање, со разузнавачките служби на Израел постои опасност од негово бегство. Понатаму во решението на Основниот кривичен суд се наведува дека токму ваквите контакти со разузнавачките служби на Вашата држава, Израел, му овозможуваат реално на Мијалков да побегне од државата без патна исправа во секое време инсинуирајќи дека Вашите разузнавачки служби тоа ќе го овозможат и ќе му пружат уточиште.Длабоко почитувајќи ја Вашата држава и гаејќи симпатии и пријателство помеѓу нашите народи кои имаат и заедничка историја Ви се обраќаме со ова писмо пред се да Ве информираме за ваквото тврдење на официјални судски и обвинителски институции со молба да реагирате на ваквото апсурдно тврдење пред се поради вистината, правдата и основните човекови права на нашиот клиент да биде правично суден без измислици, лаги и конструкции кои се вперени и кон институциите на Вашата држава“, пишува во писмото.На крај, одбраната на Мијалков изразува надеж дека дипломатскиот претставник ќе одговори на писмото.

Македонија | пред 4 години

Патниците од авионот нема да одат во карантин, Британецот е во добра состојба, вели Филипче

Венко Филипче, министерот за здравство во вестите на Канал 5 рече дека британскиот патник кај кој е евидентиран првиот случај на сојот Омикрон е со лесна клиничка слика и се лекува во домашни услови.Патниците од авионот нема потреба да се изолираат, во авионот носеле заштитни маски и ги почитувале протоколите.- Според барањето на авиопревозниците, сите носеле Н95 маски, голем дел од населението е вакцинирано, според барањата за влез во земјата. Во таа смисла овој пациент е со многу лесна клиничка слика и се наоѓа во домашни услови.Носителот на новиот сој е во добра здравствена состојба. Нема да има карантин за патниците во авионот, рече Филипче.Министерот смета дека во моментов не постои ризик за влошување на епидемиолошката состојба во земјата.

Македонија | пред 4 години

266 нови случаи на коронавирус

Министерството за здравство информира, согласно податоците од Институтот за јавно здравје дека во последните 24 часа направени се 4.572 тестирања, а регистрирани се 266 нови случаи на КОВИД-19 и тоа: Скопје – 120, Битола – 25, Прилеп – 22, Охрид – 20, Куманово и Кавадарци – 11, Ресен – 8, Струмица – 7, Тетово – 6, Кочани и Струга – по 5, Гевгелија и Валандово – по 4, Велес и Радовиш – по 3, Крива Паланка и Македонски Брод – по 2, Гостивар, Штип, Кичево, Свети Николе, Делчево, Виница, Кратово и Демир Хисар – по 1.Регистрирани сe 717 оздравени пациенти од: Скопје – 330, Битола – 53, Прилеп – 48, Кавадарци – 43, Велес – 40, Делчево – 25, Штип – 21, Кичево – 15, Гевгелија – 14, Крива Паланка – 13, Охрид и Свети Николе – по 12, Куманово – 10, Неготино и Македонска Каменица – по 9, Кочани – 8, Ресен, Тетово, Радовиш и Берово – по 6, Струмица, Валандово, Виница и Крушево – по 5, Струга и Богданци – по 4, Демир Хисар – 2, Македонски Брод – 1.Во текот на изминатите 24 часа регистрирани се 8 починати лица: по 2 починати лица од Струмица (56г и 76г) и Куманово (63г и 75г) и по едно починато лице од Скопје (82г), Прилеп (83г), Битола (47г) и Штип (83г). Од пријавените сите лица се починати во болнички услови.Согласно Регистарот на умрени лица со дијагноза КОВИД-19 од Мој Термин, пријавени се дополнително 7 лица, починати во период од 27.11-24.12.2021 година. Починатите лица се од Гостивар (2), Скопје (1), Охрид (1), Струга (1), Тетово (1) и Кавадарци (1). Починатите лица се на возраст од 57г до 82г. Од пријавените, 5 лица се починати во болнички услови, а 2 лица се починати во домашни услови.Направени се 4.572 тестови преку: ИЈЗ-286, ЦЈЗ Скопје-73, ЦЈЗ Битола-97, ЦЈЗ Прилеп-53, ЦЈЗ Тетово–8, ЦЈЗ Куманово-111, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –2, ГОБ 8-ми Септември-0, Институт за микробиологија–186, Жан Митрев (Филип Втори)-122, Авицена-252, Биотек-212, Систина-74, лабораторија Лаор-315, Синлаб-43, Ремедика-19, Плодност–75, Генеа-11, Никоб лаб-574, ВФВ Медикал-105, Ели Медика-111, Ројал Медика–50, Спектра-ММ-8, Рапид Лаб–12, Жан Митрев Струмица–22, Нова Лаб Дијагностика–0, ЈЗУ и ПЗУ (рапид тест) – вкупно 1.751.Досега во земјата се направени вкупно 1.570.171 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 222.932, бројот на оздравени пациенти е 210.319, на починати е 7.894, а бројот на активни случаи изнесува 4.719.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 97899, Активни 2375Куманово 13095, Активни 107Тетово 11414, Активни 77Прилеп 10716, Активни 338Битола 9160, Активни 344Гостивар 8078, Активни 18Велес 7481, Активни 127Кавадарци 7360, Активни 191Охрид 6754, Активни 233Штип 6725, Активни 80Струмица 6264, Активни 130Кичево 4306, Активни 65Кочани 4094, Активни 47Струга 3926, Активни 22Гевгелија 2901, Активни 81Неготино 2626, Активни 30Свети Николе 2151, Активни 30Крива Паланка 1953, Активни 47Ресен 1850, Активни 85Радовиш 1808, Активни 42Берово 1477, Активни 9Делчево 1463, Активни 31Дебар 1457, Активни 1Виница 1178, Активни 16Пробиштип 1141, Активни 15Валандово 1028, Активни 63Кратово 789, Активни 10Богданци 677, Активни 27Демир Хисар 639, Активни 27Крушево 606, Активни 16Македонски Брод 524, Активни 17Демир Капија 433, Активни 5Македонска Каменица 429, Активни 11Пехчево 357, Активни 1Дојран 173, Активни 1

пред 4 години

ФОТО: Хаос во Аеродром, родители и деца качени на жардењери сред булевар следат културен настан

Хаос пред „Капитол мол“ во Аеродром. Граѓани со деца качени на жардењри следат настан посветен на најмладите. Градоначалникот Тимчо Муцунски посочува дека МВР е виновна, бидејќи според него, полицијата нема слух за аеродромци.„Во претходните неколку денови активно работевме при организација на настанот за најсаканите ,,Најмладите за Аеродром”. Настан кој собра многу дечиња на едно место, одлична забава за аеродромци. И покрај позитивната енергија, честитките, забавата приредена од македонските артисти, повторно проблем со МВР. По повеќе од една недела официјално барање за затворање на булеварот Јане Сандански од пределот од Веро до ДежаВу не најдоа време за соодветен одговор... Во држава каде се блокираат раскрсници за најмали ситници, ние не добивме соодветен одговор и наидовме на разбирање од МВР за хуманитарен концерт. Со овој чин МВР ја загрози безбедноста на жителите на Општина Аеродром и доведе во ризик многу дечиња заради прометниот сообраќај на овој предел. Бараме најитно да престане ваквиот однос од страна на МВР и конечно да се воспостави професионална соработка за доброто на жителите од Општина Аеродром!“, посочи Муцунски.

Скопје | пред 4 години

БРТ е несоодветен за Скопје од просторни причини, вели ВМРО-ДПМНЕ

БРТ на Шилегов ќе го загрозеше водоснабдувањето на Скопје и можеше да предизвика сериозна хаварија, вели ВМРО-ДПМНЕ.„Претходната администрација на Град Скопје и Шилегов не реализира многу проекти а БРТ е несоодветен за Скопје. Системот на БРТ како што Шилегов го проектираше е несоодветен за Скопје од просторни причини.Внатрепартиските пресметки во СДСМ да не се одвиваат на грбот на Данела и скопјани.Според сите анализите изготвени, и изработениот идеен проект се укажува на бројни недостатоци и ризици врз животната средина но и врз квалитетот на живот кој ќе се наруши, ризици кои Градот не смее да ги дозволи во интерес на граѓаните.За БРТ се нотира и дека на дел од маршутата на БРТ се наѓаат и тунели, за кои се стравува дека не би можеле структурно да ги издржат дополнителните градежни дејствија, но и зголемениот сообраќај.БРТ требаше да поминува по централното зеленило во на булеварот Партизански одреди, под кое се наоѓа централната цевка за снабдување со вода на градот, врз која нема извршено никакви зафати за дополнително зајакнување и пристап. Имено доколку истата се зајакнува со дополнителни прегради тоа ќе чини дополнителни 20-тина милиони евра кои не се предвидени во проектот на Шилегов, но и ќе имаше потреба од регулирање на пристап до истата во случај на дефект, што исто така не е регулирано со проектот на Шилегов.При најмал дефект трасата на БРТ ќе треба да биде вон сообраќај. А при поголем дефект може да се доведе нормалното функционирање на Скопје во прашање.Дополнително Шилегов немаше предвидено нов мост над Вардар од Карпош кон Влае, бидејќи постоечкиот нема простор за БРТ системот, тоа се нови потреби за кои не се предвидени пари.Првичниот проект кој според Шилегов и СДСМ треба да чини 70 милиони, може многу лесно да не може да се заврши ниту со двојно повеќе пари, затоа што е правен нестручно и без да се земат во предвид бројни пропратни проблематики.Скопје има потреба од трајни обмислени решенија, а не аматеризам како што правеше СДСМ“, се вели во соопштението.

Скопје | пред 4 години

Дали Забрчанец го раководел Боки 13, а со тоа и 1ТВ, прашува Стоилковски

Вчера Бојан Јовановски, сопственик на медиум, според Зоран Заев провладин медиум, директно го именува Марјан Забрчанец, пет години главниот човек на Заев за владината пропаганда, дека тој ги пишувал текстовите и испраќал содржина за вестите на 1ТВ, телевизија на Бојан Јовановски, со тоа што дневно испраќал, го цитирам писмото на Бојан Јовановски - „по 100 пати ми испраќал текстови и линкови кои мораа да бидат пласирани во етер“, вели Наум Стоилковски од ВМРО-ДПМНЕ.„Бојан Јовановски да потсетам беше сопственик на телевизија на чие што крунисување присуствуваше цела влада, обвинителство, судство, со еден збор - цело СДСМ. И Јовановски вчера директно посочи дека всушност, содржината на вестите во таа телевизија биле пишувани и уредувани од Владата. Уште повеќе, Бојан Јовановски во отвореното писмо до Зоран Заев наведува за, цитирам - „оние што ги плаќате да ви веруваат и да ве бранат“, како и за повторно ќе цитирам - „платена пропаганда од твои новинари кои ги раководи Марјан Забрчанец“.Почитувани,Ова е сериозно обвинување, имајќи предвид за видот, за содржината, за темите и за учесниците во емисиите, но и за уредничкиот состав на таа телевизија, во која што секојдневно гостуваа највисокиот државно политички врв, членови на СДСМ.Почитувани,Лицето Марјан Забрчанец се уште работи во Владата, се уште зема плата од Буџетот кој што го полниме сите ние граѓаните во Македонија и се уште е главен за владината пропаганда. Оттука, Марјан Забрчанец е должен да одговори:Дали Марјан Забрчанец на дневна основа комуницирал со Бојан Јовановски, додека овој беше сопственик на 1ТВ?Дали Марјан Забрчанец му испраќал текстови и линкови по сто пати како што вели Бојан Јовановски тие да бидат објавени како содржини на телевизија?Дали Марјан Забрчанец го раководел Јовановски како што тој сам вели и со тоа ја раководел и 1ТВ?Дали Марјан Забрчанец има листа со новинари коишто ги раководи онака како што пишува Бојан Јовановски?Почитувани,Ова е сериозно обвинување од сопственик на медиум за чија што близина со членови и врвот на СДСМ, членови од државниот, правосудниот и политичкиот врв е неспорна за било кого во државата. Забрчанец, лице од владините служби, е должен да одговори, прво како владин службеник, а потоа и заради кредибилитетот на медиумскиот простор во којшто и денеска свое место имаат новинарите од уредничкиот колегиум на некогашната 1ТВ.Евентуалниот молк на Марјан Забрчанец на овие прашања ќе го отворат и прашањето за политичко судско обвинителскиот притисок врз новинари и медиуми водени од луѓе коишто не се дел од оние, ќе се послужам со зборовите на Бојан Јовановски, цитирам „оние што ги плаќате да ви веруваат и да ве бранат“, како и, повторно цитирам „твои новинари кои што ги раководи Марјан Забрчанец“.Почитувани,Марјан Забрчанец не смее да молчи по ваква прозивка од сопственик на според Зоран Заев провладина телевизија“, додава Стоилковски.

Македонија | пред 4 години