ТОП

Обвинет Нино Васев и доктори за „Онкологија“: 29 пациенти примале несоодветна терапија или не ги добивале сите дози

Поднесени се две обвиненија за случајот „Онкологија“, откри денеска шефот на скопските обвинители, Гаврил Бубевски. Тој рече дека се гонат лицата кои направиле финансиски импликации кои биле направени врз Клиниката за онкологија. Засебно, ќе се гони и начинот на кој се лекувале пациентите.„Се задржавме на злоупотребите кои беа видливи, во делот на финансиските злоупотреби. Но, Обвинителството му даде и друг пристап. Пристап во насока на испитување - колку методите, протоколите и сѐ што е потребно на таквите пациенти сѐ испочитувани, пред сѐ за биолошката терапија“, рече Бубевски.Првиот предмет е за финансиски злоупотреби.„Предметот е поделен на два дела, првото обвинение се однесува на економското работење на клиниката - опфаќа две лица. Првиот медицински директор, вториот економски директор. Тие се гонат за злоупотреба на службената положба, измама и проневера во службата. Делата ги сториле од 2018 до 2022 година. Тие со дејствијата прибавиле значителна имотна корист за друг и нанеле штета на Буџетот. Исто така, двата се обвинети за измама, па во вршење на службена должност, го довеле до заблуда Фондот за здравствено осигурување да изврши незаконита исплата. Набавувале лекови на реверс, без да постои правен основ на тоа. Потоа правеле постапки за јавни набавки, кои биле беспредметни, бидејќи добавувачите ги фактурирале претходно добавените лекови. Со вакви противзаконити дејствија, креирале противправни обврски на Фондот“, рече Ана Гоговска-Јакимовска, обвинителка во случајот „Онкологија“.Тие го обвинуваат ексдиректорот Нино Васев дека прибавил имотна корист од 13 милиони денари со присвојување на дел од лековите.„Откако со свој потпис ќе го потпишел и одобрел лековите, фиктивно ги раздолжувал, не ги аплицирал на пациентите во чие име биле требувани. И така постои разлика помеѓу требована разлика и раздолжена количина на пациенти од 2 милиони денари. Ова е констатирано кај девет пациенти. Медицинскиот директор користејќи ја неусогласеноста на издадените лекови од аптека и примени лекови во организационите едници на клиниката, каде бил одговорен организацискиот директор - присвоил дел од лековите кои Клиниката требало да ги има на залиха. Станува збор за девет лекови - авастин, херцептин ербитукс, фубрестан... Прибавил противправна имотна корист од најмалку 13 милиони денари“, додаде таа.Обвинети се и 4 онколози, а прв обвинет е Нино Васев.„Второто обвинение се однесува на третманот на пациентите. Опфаќа четворица лекари онколози. Прв обвинет е поранешниот директор на Клиниката, се товари дека извршил тешки дела против здравјето на луѓето и несовесно лекување на болни. Другите се товарат за несовесно лекување на болни. Со медицинските вештачења е утврдено дека кај 29 пациенти првообвинетиот применил неподобен начин на лекување, со што, тешко го нарушил здравјето на пациентите. Во дел од случаите му било ова овозможено од вториот обвинет кој му дал факсимил и податоци за влез во системот. Другите двајца лекари се обвинети за несовесно лекување болни, бидејќи врз основа на медицинските истории, се утврдува дека одредувале лекови од новите генерации, во фаза кога било очигледно дека пациентот нема да има корист поради лошиот статус, без да се наведе висината и тежината на пациентот, со отстапување од дозирањето, со што дополнително ја влошиле нивната состојба“, додаде обвинителката Гоговска-Јакимовска.

Македонија | пред 10 месеци

Претреси во домови на полицајци, поради сомнежи за злоупотреби и поткуп

Полицајци биле предмет на претреси во домови и возила. МВР спроведе нова акција во Скопје и Штип. Засега е познато само дека лицата се осомничени за злоупотреба на службената положба и примање поткуп.„На подрачје на Скопје и Штип извршени се претреси на осум локации во домови, возила и во службени простории во Регионалниот центар за гранични работи Север, при што се пронајдени и одземени документација, мобилни телефони, една воздушна пушка без дозвола“, велат од МВР.Тие додаваат дека по завршување на акцијата, јавноста ќе биде соодветно известена.

Македонија | пред 10 месеци

Од филозофирање и гола реторика, народот нема фајдер, рече Мицкоски за потезите на Арсовска па и порача да постапува ако има дивоградби

За потезите на градоначалничката во заминување, Данела Арсовска, премиерот Христијан Мицкоски рече дека ако е точно дека има дивоградби, таа треба да постапува. Според него, од филозофирање - нема фајде.„Па таа има ингеренции, ако навистина мисли дека е така тогаш треба да постапува. Бидејќи од филозофирање и гола реторика, народот нема фајде“, рече Мицкоски.Ова доаѓа откако вчера од изутрина Арсовска одеше низ Чаир за да лоцира дивоградби, па снимаше во живо, за да го нарече градоначалникот на Чаир, Висар Ганиу - принцезата на дивоградбите.

Македонија | пред 10 месеци

(Вознемирувачкo видео) Исповед: Самохрана мајка од Кочани напуштила работа за да се грижи за повредениот син

Предупредување: Во снимката има сегменти од раните на повреденото момчеСилвана Петрова, мајка на повредениот Трајче Петров, за „Support Kocani“ објасни за тешката состојба во која се наоѓа. Таа посочува дека има возрасна мајка со два мозочни удари, мало дете од 10 години и сега треа целосно да се посвети на повреденото дете. Силвана е самохрана мајка.„Јас му облакам чорапи, го мачкам, масирам.. морав работата да ја напуштам за да се посветам на детето. Е сега колку сѐ може за тие некои работи, поврзани со него - јас што имам ќе дадам, ама морам да имам нешто и помош. Од државата треба да имаме ние помош. Ние ништо немаме од државата“, рече Петрова.Таа рече дека кога го пуштиле од болницата во Грција, рекле дека ништо не е готово. Туку дека од тој момент почнува процесот на заздравување.„Многу хигиена, многу средства, пазење од сонце...Они мислат набрзина ќе помине, ама нема..Не може ни да работи моментално.. јас му сечкам јадење, за да тој со левата рака може да пренесе до устата“, додаде Петрова.

Македонија | пред 10 месеци

На Славески му требаат 61 глас за да седне во гувернерската фотелја

Претседателката Гордана Сиљановска Давкова го предложи Трајко Славески за нов гувернер на Народната банка и ја префрли топката во Законодавниот дом.За избор на гувернер потребни се 61 позитивен пратенички глас.Гувернерот кој има седум годишен мандат има право на реизбор. Но, од претседателката Анита Ангеловска-Бежоска не доби шанса за повторен избор.Ниту екс министерот за финансии Зоран Ставревски не го мина филтерот кај претседателката иако таа ги исфали сите тројца претенденти.

Македонија | пред 10 месеци

(Видео) Крмов: Ако ние од Левица дадеме оставки, само ВМРО-ДПМНЕ ќе добие

Борислав Крмов, пратеник од Левица во „Претрес со Ландов“ рече дека Левица не ја злоупотреби болката на родителите на загинатите деца во Пулс во Кочани.„Тоа го велат оние кои не се појавуваат пред нив.Родителите на загинатите деца нѐ повикаа. Да не излезевме ние, немаше да има средба со министерот Тошковски. Разговаравме кој е виновен. Обвинет од актуелната власт е само доскорешниот градоначалник Љупчо Папазов. Истрага има само за поранешни функционери. Тенденциозно е што само Бектеши долго се држеше во притвор”, рече Крмов, кој има забелешка зошто не се опфатени актуелни началници.За прашањето на родителите што работат и барањето да дадат оставки, Крмов рече:„Ние ако дадеме оставки ќе добие само ВМРО- ДПМНЕ. Земаме плата како единствена партија која го претставува народот”.

Македонија | пред 10 месеци

(Видео) Трамп навреди новинар: Ти си гад и срамота

Американскиот претседател Доналд Трамп недозволиво и навредливо реагираше на прашањата од новинарот на „Ен-би-си Њуз“, Питер Александар. Не му се допадна прашањето за луксузниот авион што катарската влада планира да го донира на Трамп.Во бес го нарече новинарот „ужасен новинар“ и „срамота и гад“ затоа што не прашал за она што тој го нарече геноцид врз белите јужноафрикански земјоделци, на кои Трамп им додели статус на бегалец.Трамп му приреди непријатно изненадување на јужноафриканскиот претседател Сирил Рамафоза за време на нивната билатерална средба, кога ги затемни светлата и пушти видео за кое тврди дека докажува „геноцид врз белците“ во Јужна Африка.„Имаме илјадници приказни кои зборуваат за тоа. Имаме документарни филмови, написи во весници. Исклучете ги светлата и пуштете го ова”, рече Трамп.Видеото трае речиси пет минути, а подоцна беше објавено на официјалниот профил на Белата куќа на социјалната мрежа Х, со опис: „Доказ за прогон во Јужна Африка“.Рамафоса на почетокот се насмеа, но набрзо изгледаше видно непријатно додека ја гледаше снимката.Во еден момент тој праша: „Дали ви кажаа каде е снимено?”„Тоа е во Јужна Африка“, рече Трамп.За време на состанокот, Рамафоса го оспори тврдењето на Трамп дека белците во Јужна Африка трпат „геноцид“.

Свет | пред 10 месеци

(Видео) Крмов: Левица нема да го поддржи Славески за гувернер, нема политички сенс

Пратеникот од Левица, Борислав Крмов е гостин вечерва во Претрес со Ландов. За инцидентот во Собрание кога го скрши компјутерот на претседавачката маса рече дека тоа е видено во демократските земји и тоа било оправдано. Штетата уште не ја платиле.„Собранието не треба да биде циркуз, но проблемите доаѓаат од власта. Талат Џафери во корпа ми фрли 4.500 амандмани за новиот Деловник. Ние не пипнавме никого”, рече Крмов, кој не исклучи можност за порадикални мерки бидејќи има право да се брани.„Неколку месеци навреди трпиме од Петар Ристевски од ВМРО-ДПМНЕ. Жена и деца се споменуваат. Го игнориравме досега, но секој има право да си го брани достоинството. Не може ние да се извинуваме кога некој не пцуе”, рече Крмов.За Трајко Славески рече дека Левица нема да го подржи за нов гувернер. Потсети на изјава на Славевски пред неколку години кој за 9.000 минимална плата рекол дека тоа е пазарот.„Нема политички сенс“, смета Крмов.

Македонија | пред 10 месеци

(ВО ЖИВО) Крмов на жешко столче во Претрес: го злоупотребија ли Кочани, бунт за вниамние или борба за систем?

Вечерва во новото издание на подкастот „Претрес со Ландов“ гостува пратеникот од Левица, Борислав Крмов.Во епизодата ќе се отворат прашања кои партијата упорно ги избегнува:– Дали Левица има реален план или само настапи за YouTube кликови?– Дали ја злоупотребија болката на семејства за политичка промоција и ги подгорува тензиите?– Што направија со пратеничките мандати освен кавгите во Собрание?– Кој точно е „виновен“ што никој не сака да соработува со нив?Дали политика  се води со гнев и пароли?Очекувајте одговори на многу прашања.Следете во живо:

Македонија | пред 10 месеци

Претседателката Сиљановска-Давкова го достави предлогот за гувернер на Народната банка

Претседателката Гордана Сиљановска-Давкова до Собранието го достави предлогот проф. д-р Трајко Славески да биде именуван за гувернер на Народната банка.„При донесувањето на одлуката, Претседателката се водеше од стручноста и компетентноста, дигнитетот и интегритетот, како и реалната можност за именување на кандидатот.Би сакале да потенцираме дека изборот беше тежок, со оглед на докажаниот квалитет на сите кандидати“, велат од Кабинетот на Сиљановска.

Македонија | пред 10 месеци

Молитви во тегла за продажба: Измамници профитираат на сметка на жртвите од Кочани

Струмичката епархија на МПЦ-ОА предупредува на измамничка шема во која е злупотребено името на епископ Јаков, а дополнително измамниците ја користат трагедијата на семејствата на загинатите од кочанската дискотека. Од Епархијата алармираат дека станува збор за грозоморна измамничка шема преку која лица под профилот Библиска Македонија продаваа „молитви во тегли“ и книги.Осомничена е фејсбук-групата „Библиска Македонија“.-До нас стигнаа информации од оштетените граѓани, дел од нив роднини и родителите на загинатите деца во пожарот во Кочани, коишто, скршени од болка и барајќи утеха, подлегнале на лагите кои им ги пишувале луѓето кои се кријат зад профилот Библиска Македонија и порачувале од спорните реквизити. Целосно ја имаме во предвид ранливоста на оштетените, кои од небрежност, не сакајќи поверувале на оваа измамничка шема, која е сѐ, само не во духот на православното христијанство, соопштија од Епархијата.-Грозоморна измама, затоа што некои ликови, кои се претставуваа како христијани, се дрзнале преку лаги и измами, не само да прават обид за дискредитација на Преосветениот владика, а со тоа и на МПЦ ОА, туку и да заработуваат користејќи ја болката на оштетените. Грозоморна затоа што на луѓето кои барале утеха им продавале „ветер и магла“ и со тоа стекнувале бесправна материјална корист. Тука нема ништо човечко, а камо ли христијанско.Ниту Митрополитот Струмички г. Наум, ниту неговиот викарен Епископ г. Јаков дале било кому благослов да се продава каква било книга. Луѓето блиски до Црквата и Струмичката Православна Епархија знаат дека сите епархиски изданија, книги, весници, молитвеници итн, верниците и добронамерниците ги добиваат на подарок од владиците, потенцираат од Епархијата.Случајот е пријавен во полиција, информираат од таму.

Македонија | пред 10 месеци

Таравари откако крена раце од Владата, отиде кај Рама за да каже дека тој е најевропскиот премиер

По напуштањето на „Вреди“, а потоа и на Владата, Арбен Таравари отиде во Албанија да муабети со тамошниот премиер Еди Рама. Насмеан позади европско и албанско знаме, без македонското каде ја тера неговата политичка кариера, оцени дека седи со најевропскиот премиер.„Со најевропскиот премиер во моментов“, напиша Таравари.За коментар, беше прашан и премиерот Христијан Мицкоски.„Видете, уште вчера знаевме дека таа средба ќе се случи. Претпоставувам една од темите на која се разговара е случувањта во регионот, некои регионални теми, поблиската соработка меѓу двете земји. Ете така би ги коментирал“, рече Мицкоски. 

Свет | пред 10 месеци

(Видео) Елитна руска единица уништува моќни украински фрлач „Химарс“

Снимка го долови моментот кога украинскиот ракетен фрлач „Химарс“ беше уништен од елитна руска единица беспилотни летала на само 10 км од фронтовската линија минатиот месец, објавува „Телеграф“.На матната снимка, направена во близина на градот Часив Јар, во Донецк, се гледа како американскиот ракетен систем се движи по прашлив пат додека руски дрон му се приближува од воздух.Емитувањето беше прекинато неколку секунди пред ударот, но одделни снимки покажуваат експлозија кратко потоа, потврдувајќи дека еден од највредните ракетни системи во Украина е уништен.Нападот наводно го извршил „Рубикон“, елитна руска единица за борба со беспилотни летала од која украинските војници сè повеќе се плашат.„Рубикон“ беше користен во бруталната руска офанзива за повторно освојување на источниот град Курск претходно оваа година, а сега е пренаменет за лов на највредната опрема на Украина на бојното поле: американски ракетни системи со долг дострел.„Химарс“ (Високомобилен артилериски ракетен систем) е американски повеќецевен ракетен систем кој одигра клучна улога во војната во Украина. Неговата мобилност, прецизност и дострел им овозможија на украинските сили да извршат прецизни напади врз руските логистички центри, командни места и складишта за муниција длабоко зад линиите на фронтот.

Свет | пред 10 месеци

(Вознемиувачка фотографија) Деца свирепо измачувале штрк во Гевгелија

Здружението за заштитна на животните, Анима Мунди денеска обвини за нов насилен случај врз животни, односно свирепо мачење на штрк во Гевгелија. Како што информираат, штркот бил измачуван од страна на група деца. Според сведочења на очевидци, кои велат дека постојат и видео-снимки од безбедносни камери, се потврдува дека се работи за свесен и суров чин на насилство врз диво и кревко младо животно, што завршило со сериозни повреди.-Овој настан не смее да помине незабележано, ниту неказнето. Насилството врз животните мора јасно да се препознае и третира како психопатологија и сериозна социјална девијација. Децата кои извршиле ваков чин се жртви на општествената незаинтересираност и игноранција, но и потенцијален ризик за себеси и околината доколку не бидат веднаш опфатени со психолошка и воспитна интервенција. „Анима Мунди“ со години укажува дека хуманоста, сочувството и грижата кон животните и природата мора да се негуваат од најрана возраст – во образовните институции, во медиумите, но најмногу дома. Само преку едукација, системска промоција на етички вредности и одговорно родителство, можеме да изградиме општество во кое вакви акти на суровост ќе станат незамисливи, велат од здружението и бараат итна реакција од надлежните институции.Според објавите на социјалните мрежи, малолетниците со велосипеди намерно го повредиле штркот.Закони за заштита на животните во земјава има, но не се спроведуваат. Бездомните животни секојдневно се изложени на нехуман третман. Тепање, убивање, труење, малтретирање на уличните животни е секојдневие. Активистите обвинуваат, но, надлежните институции не преземаат ништо.

Македонија | пред 10 месеци

Обвинителката Ленче Ристоска бара извинување од Латас: Мета сум на неосновани напади и клеветнички изјави

Обвинителката Ленче Ристоска, која беше дел од СЈО, сега е обвинителка за врски во Агенцијата на Европската Унија за соработка во кривична правда, а сака да биде судија во Стразбур, бара извинување од новинарот Драган Павловиќ-Латас. Таа на нејзиниот профил на „Фејсбук“ рече дека тој кажал клевети за неа.„Поради мојата апликација, мета сум на неосновани напади и клеветнички изјави. Денес упатив барање за јавно извинување до Драган Павловиќ-Латас, за клевети искажани во емисијата ‘Само вистина’ емитувана на Канал 5 на 16.05.2025 година, во која лажно тврди дека неовластено сум земала износ од 100.000 евра според Агенција за борба против корупција и дека немам ни стаж. Имајќи предвид дека Државната комисија за спречување корупција за мене никогаш немала поведено било каква постапка поврзана со примањата кои ги имам остварувано како обвинител во СЈО, како и дека сум дел од правосудниот систем од 2009 година, барав јавно извинување за ваквите клевети“, напиша обвнителката Ристоска.Таа посочува дека реагира оти постапката е во сензитивна фаза, а нападот ќе и направи штета на интегритетот.„Причината поради која сметам дека е неопходно да реагирам е што постапката за избор на кандидатите е во сензитивна фаза и Владата на Република Северна Македонија се уште се нема произнесено по предлогот на комисијата, па ваквиот интенциозен јавен напад, освен штета по мојот интегритет, може да нанесе директна штета во однос на мојата позиција во понатамошниот тек од постапката. Конечно немам апсолутно никаков проблем со тоа некој да смета дека има други кандидати кои ја заслужуваат позицијата судија во Европскиот суд за човекови права повеќе од мене, но во духот на праксата на Европскиот суд за човекови права неопходно е изјавите и коментарите кои се даваат во јавноста да бидат базирани на точни и проверени информации, со цел поттикнување на објективна и издржана јавна дебата“, додаде Ристоска.На темата за нејзината кандидатура, пишуваше и „Скопје1“. Во наредните денови следуваат анализи и на другите кандидати.

Македонија | пред 10 месеци

Палевски опоменат дека ќе го отстранат од судница оти не го почитува редот, Обвинителството се противи на новите докази доставени од Ѓорчевски

Адвокатите на Велибор Манев и Влатко Кешишев немаат докази кои ги предлагаат во дополнение на доказната постапка.Адвокатот на Боре Видевски, Бојан Манев, предлагжи да биде изведен како доказ обезбедениот видео материјал, со наредба од ОЈО Велес.„ОЈО Велес има издадено наредби за две камери од бензинските станици Лукоил и Макпетрол кои можат да послужат како доказ, издадена од 29.11.2023 година и од 00:00 22.11.2023 до 00:00 23.11.2023 година“ рече бранителот на Видевски.Манев не достави копии од наредбата, па судот ги праша поединечно дали секој од обвинетите и нивните бранители сакаат да ја видат. Никој не побара копија, а Палевски му рече на судијата дека ја знае.„Ве молиме, да провериме дали таков видео запис е обезбеден по наредбата за да може да се произнесеме“, рече обвинителката Ана Стојковиќ Димитриевска.Обвинетиот Љупчо Палевски беше опоменат да го почитува редот во судницата и да не зборува без одобрение од судот, да не го нарушува редот во судницата и да ги почитува укажувањата од судијата му укажа судијата Ивица Стефановски.„Во спротивно, ќе бидете отстранети од судницата, ова е последна опомена“, рече судијата Стефановски.Судот прифати да се изведат видео снимките од бензиската пумпа.„Се прифаќа предлогот на Бојан Манев, да се презентираат видео записите од бензинската пумпа, доколку истиот ги обезбеди овие докази, односно видео записи“, рече судијата.Судот му укажува на бранителот Бојан Манев дека доказот треба да го обезбеди, а судот ќе му овозможи технички услови да го презентира, доколку не го обезбеди нема да биде презентиран како доказ.„Исто така предлагам до судот, како доказ да се изведе видео записот обезбеден со наредба од 04.12.2023 година на Основен суд Велес, која се однесува на обезбедени камери од 22.11.2023 до 24.11.2023. Ова го барам на околноста, дека на споменатата улица се наоѓа точно, на рутата на движење на „реното кангу“. Доколку се движело или одело кон куќата на Велибор Манев, мора да помине низ таа улица, тоа го знам бидејќи потекнува од Велес“ рече Манев.Нови докази до судот достави и Александар Ѓорчевски, татко на убиената Вања, обвинет за помагање.„Во дополнение на доказна постапка се изведуваат: Потврда број од 14.04.2025 година на Здружение Хопс Скопје, со која одбраната докажува дека корисник на телефонскиот број е Дарко Костовски, доктор, психијатар од Градска болница „8-ми Септември“. Фактура број на име Дарко Костовски како сопственик, а со ова одбраната докажува дека Александар Ѓорчевски, во критичниот период од 27.11.2023 до 03.12.2023 има остварено телефонска комуникација и овие докази се во корелација со веќе изведените докази, рече Владимир Туфегџиќ, адвокат на Александар Ѓорчевски.На ова се противеше Обвинителството.„Се противиме на овие докази“, рече обвинителката Жаклина Крстевска Јосифовска за дополнителните докази на Ѓорчевски.

Македонија | пред 10 месеци

Претреси во Скопје за две ликвидации, ги тресат групите „Беланоца-Барон“

Под раководство на предметниот обвинител што постапува во предметот под кодно име „Бункер“, единиците на МВР од рано утринава вршат претреси на пет локации во Скопје.„Акцијата е резултат на обезбедени докази во рамките на истражната постапка што се спроведува против членовите на криминалната група „Беланоца-Барон“. Со повеќе информации обвинителството ќе излезе во текот на денот“, велат од Обвинителството за гонење организиран кримианл и корупција.Неофицијално, се спроведуваат претреси на повеќе локации поврзани со лица осомничени за тешки кривични дела, меѓу кои и убиствата на Амар Исмани и Орхан Бајрами – Оки.

Македонија | пред 10 месеци

Ново рочиште за убиствата на Вања и Панче - ќе се изведуваат нови докази

Во Основниот кривичен суд во Скопје денеска продолжува главната расправа за бруталните убиства на Вања Ѓорчевска (14) од Скопје и Панче Жежовски (74) од Велес, кои беа ликвидирани.На минатото рочиште, дополнителни докази изведуваше Обвинителството помеѓу кои имаше снимки од безбедносните камери кај Велибор Манев кои, според Обвинителството, покажуваат дека обвинетите однапред се подготвувале за убиство, а не само за киднапирање на Вања Ѓорчевска. На снимката што беше прикажана во судот, видлив е моментот кога Манев става лопата во возилото „Рено Кангу“.Во обвинението стои дека Љупчо Палевски, Боре Видевски, Велибор Манев, Влатко Кешишов и Александар Ѓорчевски, се обвинети дека заедно испланирале грабнување на 14-годишната Вања со цел да присилат член на нејзиното потесно семејство да даде парични средства за откуп. Грабнувањето на оштетениот Панче Жежовски во Велес, пак, според обвинението, било со намера да го присилат да им го даде сопственото возило „Цитроен“ за да го користат за грабнување на детето во Скопје.Малолетната Вања и велешанецот Панче, беа пријавени за исчезнати на 27 и 24 ноември, а на 3 декември 2023 година беа пронајдени мртви во близина на Скопје и Велес.

Македонија | пред 10 месеци

Се зголемува процентот на амбасадори од редот на кариерните дипломати - изменет Законот за надворешни работи

„Усвоени измените на Законот за надворешни работи – суштински чекор за професионализација на дипломатијата и подобрување на условите за македонските дипломати во странство“, вели министерот за надворешни работи, Тимчо Муцунски.Тој додава:„Собранието вчера ги усвои измените на Законот за надворешни работи, предложени од Министерството за надворешни работи и надворешна трговија.По повеќе од една деценија се прават суштински измени, со кои се воспоставува јасна законска рамка за реализација на два клучни приоритети:професионализација на дипломатската служба и воспоставување на надлежностите на Министерството во областа на надворешната трговија и инвестициите.Измените предвидуваат зголемување на процентот на амбасадори од редот на кариерните дипломати, продолжување на мандатот на упатените дипломати на четири години (наместо досегашните три), како и уредување на процедурата за именување амбасадори и улогата на Собранието во таа постапка. Дополнително, воведена е можност за назначување специјален државен претставник во странство, доколку постои посебен интерес за државата.Со измените се овозможува Министерството системски да ги преземе обврските поврзани со креирање политики за надворешна трговија и инвестиции – сегмент кој досега не беше институционално прецизиран со ниту еден друг закон.Ова претставува важен чекор кон професионализација на дипломатијата, подобрување на условите за работа на македонските дипломати во странство, како и соодветно позиционирање на Министерството за надворешни работи и надворешна трговија во делот на надворешната трговија и инвестициите.

Македонија | пред 10 месеци

(Фото) Штекли однесен на контроли на Клинички, четири месеци е во притвор, непознато до каде е истрагата

Осомничениот Раде Трајковски-Штекли се пожалил на здравствени проблеми во затворот „Скопје“ во Шутка, поради што денеска бил однесен на контроли во Клиничкиот центар „Мајка Тераза“. На што се пожалил Штекли, не се открива, но познато е дека испитувања му биле правени на Клиниката за неврологија. Неофицијално, тој добил согласност од Кривичен суд за да биде однесен на прегледи. По прегледите, бил вратен во ќелија.Истрагата за него трае веќе четири месеци. „Скопје1“ побара одговори од Обвинителството за гонење организиран криминал и корупција, дали се собрани сите докази и до каде е постапката. Оттаму очекуваме одговор. Освен Штекли, под истрага беа уште 14 лица за кои медимумите пишуваа дека се дел од неговата банда.Кога беа уапсени, беше соопштено дека се правеле претреси на 21 локација во Скопје и Гевгелија. Потоа се најавија вештачења на уреди, за кои не е познато дали се завршени. Одземени беа речиси 10.000 евра, четири возила, 12 мобилни телефони, пиштол, семки и растителна материја со зелена боја за кои има сомнеж дека се наркотични, предмети за производство и пакување на дрога.Штекли и останатите се гонат за неовластено производство и пуштање во промет наркотични дроги.Штекли изминатите години беше мета на два одделни напади врз него, со цел ликвидација. Двата се случија во трговскиот центар „Ист гејт“. Потоа, во неговиот дом беше фрлена експлозивна направа, за која протече и снимка во јавноста. На крајот, заврши како осомничен во случајот кој го води Обвинителството за гонење организиран криминал и корупција.

Македонија | пред 10 месеци

Во четврток во Лондон, Николоски ќе го потпише Договорот за стратешко партнерство: Сметам дека се работи за историски момент

Вицепремиерот и министер за транспорт Александар Николоски на денешната пресконференција објави дека Владата го усвоила Договорот за стратешко партнерство со Обединетото Кралство и најави дека истиот Договор веќе во четврток, делегација предводена од вицепремиерот Николоски ќе биде потпишан во Лондон.Во продолжение интегралното обраќање на вицепремиерот Николоски:“Една од одлуките на седница е Владата на Република Македонија да го прифати Договорот меѓу Владата на Република Македонија и Владата на Обединетето Кралство во врска со партнерство за реализација на инфраструктурни проекти, односно Договорот Влада со Влада.Целта нa Договорот е да воспостави партнерство за поддршка на реализација на инфраструктурни проекти во секторите здравство, транспорт, технологија, енергетика, дигитална трансформација и други критични сектори во Република Македонија.Првичната група на проекти се веќе споменати во јавноста во делот на здрaвството и во делот на транспортот. Исто така многу значајно за мене е да се разменуваат знаења и практики користејќи експертиза од Владата на Обединетото Кралство и од британски деловни субјекти за подршка на реализација на проекти но исто така и на трансформација на јавната администрација и приватниот сектор со експертиза од бизнис заедницата од Обединетото Кралство но и од владините агенции.Ќе се разменуваат знаења во здравството, транспортот, технологијата, енергетиката и клучните критични сектори, а за изградба на капацитетите на Владата на Македонија ќе се користи експертиза од Обединетото Кралство. Оваа соработка ќе биде во согласност со важечкото законодавство, правилата и политиките на секоја од двете земји. Учесниците ќе работат заедно да ги истражат можностите за мобилизирање на средства за финансирање на проекти и што е многу значајно, Владата на Обединетото Кралство го потврдува интересот и капацитетот преку Инструмнтот за финансирање на извозот или УКЕФ, со што става на располагање 5 милијарди фунти или 6 милијарди евра за реализација на проекти во Македонија. Нагласувам ова ќе биде проектно финансирање и финансирање кое ќе оди исклучиво со реализација на проекти. Ова е рамка која не значи дека целосно ќе се искористи но е рамка што е располагање и која што можеме да ја користиме.Она што сум горд е што добивме и официјална покана од Владата на Обединетото Кралство и покана до мене, за да се потпише овој Договор Влада со Влада на 22 мај, тоа е овој четврток и можам да Ве информирам дека Владата ме овласти да го потпишам овој договор. Ќе предводам владина делегација која што покрај мене, ќе бидат и потпретседателот на Владата и министер за животна средина Изет Меџити, понатму министерката за образование Весна Јаневска, директорот на ЈП за Железничка Инфраструктура Синиша Ивановски и останати соработници и мислам дека ќе имаме два плодни дена за соработка. Утре имаме средби со министерот за внатрешни работи на Обединетото Кралство и министерот за одбрана, имаме и средби со претставници од Инструментот за финансирање. Во четврток е главната церемонија, а исто така во четврток ќе имам средба и со директорот на Рајанер од каде што очекувам да произлезат и нови летови кон Скопје.Сметам дека се работи за историски момент, за датум кој ќе остане во аналите на македонската историја, 22 мај ќе биде датум кој долго ќе се споменува во македонската историја затоа што се работи за досега најобемен дооговр кој Македонија го постигнала со било која држава. Тоа не е било која држава, тоа е втората светска сила, држава со која имаме одлична соработка во рамки на НАТО Алијансата, дел е од западната цивилизација, става на располагање најмногу средства и за мене е наважен политичкиот момент бидејќи влегуваме во партнерство со клучен западен сојузник што јасно ја дефинира политиката на Владата, но исто така и позицијата на Македонија како прозападно ориентирана држава и држава која ги почитува евроатланските вредности. Исто ми е драго што Обединетото Кралство објави дека постигнале договор со ЕУ, што значи дека во еден пакет ги имаме трите клучни сојузници на Македонија, тоа е ЕУ, Обединетото Кралство и САД”- истакна вицепремиерот Николоски.

Македонија | пред 10 месеци

„Ова е како да укинувате смртна казна, а викате ај уште овој да го егзекутираме“, рече Сиљановска за односот на ЕУ кон Македонија

Австрија се нуди да биде медијатор меѓу Македонија и Бугарија, додека пак источниот сосед не прифатил измена на условите и уставни измени со одложено дејство. Ова го соопшти претседателката Гордана Сиљановска-Давкова. Таа рече дека ништо не е завршено и дека постојат шанси, со оглед дека членка на ЕУ се нуди за помош.„Во поглед на моите правни аргументи тој рече дека не е фер ова што се случува, но таква е постапката. Нашиот предлог за одложено правно дејство го оцени како извонреден, настапил пред бугарските политичари - но не го прифатиле. Некогаш има патишта за разговор кои можеби, кога ги слушате само зборовите - не можеме да ги одгатнеме. Јас се разбира со помош на Кошта, заедно ќе разговарам со господинот Радев, Австрија се понуди за медијација на разговорите. Не се нудат членки на ЕУ за медијација ако работата е завршена и тоа е така одлучено. Бидејќи тоа не би било европски манир. Јас одговорно тврдам дека да барате од една држава да го смени Уставот е спротивно на европските принципи, бидеќи таму стои дека ќе се почитува националниот и културниот идентитет. И Обвинетото кралство се нуди за разговори“, рече Сиљановска.Таа рече дека никој не се нуди за репреговарање на преговарачката рамка односно протоколите.„Јас воопшто не реков дека преговарачката рамка ја потпишал ексминистерот Бујар Османи. Тоа не е наш акт. Тоа е на Советот. Првиот протокол го потпишал Димитров, вториот тој. Преземени се обврски. Кога читам Закон за надворешни работи, читам дека надворешната политика ја креира Собранието, а втор човек е претседателот. Затоа реков дека таков документ кој создава обврски за нас, не може сам да одлучи некој да го прифати и потпише. Затоа, низ призма на законот треба да се разговара, да се консултира Собранието“, додаде Сиљановска.„Ова изгледа како кога се обидувате да укинете смртна казна, ама викате ај уште овој осуден ќе го егзекутираме. Не може ние да бидеме колатерална штета на одлучување“, додаде Сиљновска и рече: „Ние ќе се обидеме некако да се договориме дека нема да има услови од таа научно-политичка историја“.

Македонија | пред 10 месеци

(Вознемирувачка содржина) „Најтешко закрепнуваат изгорениците на грбот“, велат од „Support Kocani“ кои споделија фотографии

Иницијативата „Support Kocani“, објави нови фотографии од повредени лица од пожарот во дискотеката „Пулс“. На нив се гледаат тешките изгореници, за кои треба долго време за да заздрават, како и постојана медицинска грижа.„Изгорениците на грбот се едни од најтешките за закрепнување“, велат од Support Кочани.Но од овој, има и потешки случаи. Директорката на Клиниката за пластична и реконструктивна хирургија, Јасмина Ѓоргиевска Павловска, рече дека има тројца пациенти со отворени рани, а за некој од нив ќе треба и трансплатација на кожа.„Пациентите беа во многу тешка состојба. Благодарни сме на сите земји кои ги прифатија и ги лекуваа тие пациенти. Но екстензивноста на повредите е голема, се работи за многу длабоки изгореници, со длабоки рани и кај нив ќе треба подолг третман и кај нив и рехабилитациониот период ќе биде малку подолг. равиме сè за да немаат поголеми лузни, плазма богата со тромбоцити, се даваат силиконски лепенки во Кочани кај сите пациенти, се даваат креми со заштитни фактори. Тим од Бугарија дојде во Кочани да направат индивидуални мерки за компресивни ракавици“, рече таа.Од „Support Kocani“ и претходно објавија фотографии.[caption id="attachment_328541" align="alignnone" width="1320"] Screenshot[/caption]

Македонија | пред 10 месеци

Сиљановска донела одлука кој ќе биде предлог за нов гувернер

Претседателката Гордана Сиљановска-Давкова, смета дека веќе знае кој ќе биде предлогот за нов гувернер на Народната банка, но не сака сега да го открие пред новинарите. Таа посочи дека седнала со сите кандидати Анита Ангеловска-Бежоска, Трајко Славески, Зоран Ставрески. А по консултација со експерти - донела одлука.„Не го кажувам името, прво пред новинари. Но веќе мислам дека знам. Она што со право создаде дебати меѓу вас и прашања, беше нешто што мислам дека би требало да се практикува за секоја функција. Да седнете со сите луѓе кои се споменуваат и да разговарате. Да ги прашате секој што мисли за другиот, но и што мисли дека тој може да направи. Уште повеќе би сакала да има повеќе кандидати, но тоа не е секогаш можно“, рече претседателката Сиљановска.Таа рече дека е важно и кој ќе биде заменик-гувернер за НБРМ.„Тие треба да соработуваат, тоа е систем за макро економската стабилност. Да бидам искрена, ако ги оценуваме кандидатите, тие со кои разговарав, низ призма на експертско знаење - немам проблем. Сме имале среќа во оваа држава, одлично сме се однесувале кон оваа функција. Во среда веќе ќе знам (н.з. за тоа кој ќе биде предлог). Јас во меѓувреме консултирав и експерти од областа, луѓе кои се врвни, па дури и кои биле на функцијата“, додаде претседателката.

Македонија | пред 10 месеци

Матурант од Струмица најден мртов, зад склад за дрва на влез од градот

19-годишно момче, матурант во струмичко училиште, вчера бил најден починат позади склад за дрва, на влезот од Струмица.Кај момчето нема знаци на насилство, а телото е дадено на обдукција. Од анализите ќе се знаат причините за смртта.Од МВР посочуваат дека добиле пријава вчера околу 12 часот, дека на необработена нива било пронајдено безживотно тело.„Лекар констатирал смрт, а увид на местото извршиле јавен обвинител од Основното јавно обвинителство Струмица и екипа на СВР Струмица. По наредба на јавен обвинител телото било предадено на обдукција“, велат од СВР Струмица.

Македонија | пред 10 месеци