ТОП

Малолетници со закани принудувале врснички полово да ги задоволуваат, за што поседувале и снимки, мајка пријавила во полиција

Двајца малолетници од Битола со закани принудувале врснички полово да ги задоволуваат, бидејќи поседувале компромитирачки материјал за нив. Ова го пријавила 37-годишна битолчанка во текот на вчерашниот ден во МВР.„37- годишна жена од Битола пријавила дека двајца малолетници од Битола во неколку наврати со закана ги принудувале нејзината ќерка и нејзина другарка полово да ги задоволуваат за што поседувале и видео материјал“, велат кусо од МВР.Во консултација со јавен обвинител се преземаат мерки за расчистување на случајот.

Македонија | пред 11 месец

„Кој е следен“ за обвинувањата од Кулакови: Несреќата на Фросина нѐ собра, ама причината е нефункционалниот систем

Борјан Ефтимов, дел од иницијативата „Кој е следен“, го искоментира статусот на Росица Кулавкова, сестра на загинатата Фросина Кулавкова. Откако Росица, објави дека борбата на иницијативата не е за за вистината и правдата, ги праша: „Која трагедија ќе биде следна на менито на вашите интереси?“. Ефтимов рече дека г„Го имаме видено (статусот), сметаме дека секој граѓанин, колку и да не се согласуваме, има право да го искаже мислењето. Секогаш ќе стоиме на браникот на слободата на говорот. Го прифаќаме тоа дека тие имаат право на свое мислење, ние имаме право на различно мислење. Во однос на обвинувањата дека сакаме да злоупотребиме нечија смрт - точно е дека како иницијатива настанавме по трагичната несреќа на Партизанска, каде загина Фросина Кулакова. Тоа беше поводот што нѐ собра како граѓани, ама причината е нефункционалниот систем кој не гуши и убива. Ќе се бориме за секој еден граѓанин, за самите нас, за идните граѓани, вклучувајќи ги и граѓаните кои не се согласуваат со нас“, рече Ефтимов.Росица Кулакова, сестра на загинатата Фросина Кулакова, смета дека организаторите на „Кој е следен“, ја злоупотребиле нивната доверба, која ја дале како семејство. Посочува дека на собирите имало чесен народ, а дека зборовите ги насочува само кон организаторите.

Македонија | пред 11 месец

(Видео) „Кој е следен“ бараат јавно објавување на документацијата за сите трагедии: Не земаме патни трошоци, а системот не функционира 30 години

На т.н. народно Собрание, иницијативата „Кој е следен?“, бара институциите да ги објават сите документи поврзани со проверките на дискотеката „Пулс“, но и транспарентно да се објави документацијата за „Беса Транс“, „Дурмо турс“, „Онкологија“, „Тетовската модуларна болница“. Ова е прилично ново барање, бидејќи до пред една недела, тие ја бараа документацијата само за дискотеката во која загинаа 59 лица. Според Борјан Ефтимов, дел од иницијативата, системот во Македонија не функционира од самото нејзино постоење. Ефтимов побара морална одговорност и од приватниот сектор, односно коморите и здруженијата на угостители, да ги едуцираат своите членки како да ги заштитат гостите односно потрошувачите.„Во однос на случајот Пулс, нашата инциијатива, разбирливо има дилеми дали институциите, правосудните и државните, ќе ја спроведат правдата на достојно ниво, па затоа бараме транспарентно и целосно да се објави документацијата за работењето на клубот од 2012 годинапа до денес“, рече Борјан Ефтимов, дел од иницијативата.Игор Антов, исто така дел од иницијативата, рече дека бараат улици кои ќе бидат само пешачки зони, но и софтвер каде граѓаните ќе можат во реално време да гледаат кој инспекторат, кој угостител го проверил, а каде проверките затаиле.Во изјавата, Ефтимов рече дека тие не се дел од никакви политички структури, дека се оградуваат од сите. Посочи и дека не земале патни трошоци за да дојдат на народното Собрание и лути им се на пратениците кои не смогнале сили да влезат во Законодавниот дом и да дискутираат за проблемите на граѓаните.

Македонија | пред 11 месец

Пет лица уапсени во Кочани, извршен и претрес

Пет лица, од кои едно од Куманово, а по двајца од Кочани и Виница се уапсени вчера попладнето при рутинска контрола. Полицајците извршиле проверка во автомобилот „мерцедес“ со кој се возеле.„Лицата О.С.(18) од Куманово, М.А.(54) од Кочани, Е.М.(25) од Виница, Џ.А.(34) од Виница и С.М.(38) од Кочани биле затекнати во патничко возило „мерцедес“ со винички регистарски ознаки, сопственост на Џ.А. од Виница, и при преглед кај нив, кај С.М. биле пронајдени и одземени кафеава прашкаста материја и марихуана“, велат од МВР.Подоцна, со судска наредба, бил извршен и претрес во домот на еден од осомничените, при што биле пронајдени и одземени дигитална вага и други предмети за кои постои сомнение дека потекнуваат од кривично дело.Известен бил јавен обвинител и по целосно расчистување и документирање на случајот, ќе биде поднесена соодветна пријава.

Македонија | пред 11 месец

(Видео) На социјалните мрежи се шири застрашувачка снимка од пукнатина во Мјанмар

На социјалните мрежи се појави видео од Бангкок по вчерашниот земјотрес. Немаше возови и имаше многу малку такси возила, па луѓето мораа да пешачат. Погледнете како тоа изгледаше: Предвидливото моделирање на Американскиот геолошки институт проценува дека бројот на загинати во Мјанмар би можел да надмине 10.000 и дека штетата може да го надмине годишното економско производство на земјата.Огромна пукнатина е снимена во регионот Мандалеј по силниот земјотрес. Видеото стана вирално на социјалните мрежи. Повеќе од 1.000 луѓе загинаа во силниот земјотрес со јачина од 7,7 степени според Рихтеровата скала што ги погоди Мјанмар и Тајланд во петокот, а службите за итни случаи ги засилуваат напорите за потрага по преживеани, објави хунтата во саботата нови податоци. Воената хунта во Мјанмар денеска соопшти дека бројот на загинати во земјотресот е 1.002, што е значително поголем од нивните првични извештаи вчера, во кои се зборуваше за 144 загинати.Најмалку девет лица загинаа во соседен Тајланд.

Свет | пред 11 месец

Нема фотографија

Почнува летното сметање на времето, промената има „драматичен ефект“ врз луѓето

Во недела ќе ги поместиме стрелките на часовникот и ќе се свртиме кон летно сметање на времето.Летното сметање ќе почне 02:00 часот по полноќ, кога стрелките на часовникот ќе се поместат еден час понапред и времето ќе се смета како 03:00 часот.И повторно експертите ја доведуваат во прашање таквата пракса укажувајќи на здравствени ризици и економска штета.Веќе некое време критичарите на поместувањето на часовникот два пати годишно се обидуваат да докажат дека таа промена веќе не е корисна. Сега, за да го докажат својот став и се свртеле на науката.На една конференција во Брисел професор по неврохирургија од Оксфорд, Расел Фостер и професор по психологија од Минхенскиот универзитет ги претставиле своите анализи за тоа како поместувањето на часовникот влијае на луѓето, посебно на спиењето.Нивниот заклучок е дека враќањето на часовникот не донесува заштеда на енергија, претставува значаен здравствен ризик и многу ја чини економијата.Научниците настојуваат да докажат дека промената на времето има „драматични ефекти“ на физичката и ментална функција бидејќи прави збрка во биолошкиот часовник.Како што се наведува, на децата и повозрасните им се потребни недели за да се навикнат на таа промена. Истовремено во тоа време се бележи зголемен број на сообраќајни несреќи и компликации после хируршки интервенции.Покрај штетното влијание по здравјето на луѓето, страда и економијата. Експертите сметаат дека промената на времето два пати годишно ја чини ЕУ помеѓу еден и два отсто од БДП, што е воглавно директно поврзано со здравствените проблеми. Тоа значи дека годишно се губат речиси 300 милијарди евра.Австрискиот европратеник Хајнц Бекер вели деа постојат доволно научни податоци дека од Европската комисија се бара „конечно да преземат мерки“ и да се стави точка на праксата со која се прави „само штета“.Бекер ја повикал и европската комесарка Виолета Булц, во чие портфолио е и тоа прашања, да застане на патот и со одбивање да се разгледаат ризиците на промена на времето.Прашањето за поместување на часовникот секогаш предизвикувало поделби па вработените воглавно го поддржуваат бидејќи им овозможува да искористат малку сонце после работа додека земјоделците не се секогаш заговорници на таа пракса.На зимското сметање на времето преминуваме на 30 октомври во три часот наутро, кога времето на часовниците ќе биде вратено еден час назад, на два часот.

Магазин | пред 11 месец

Геолог: Земјотресот во Мјанмар испуштил енергија еднаква на 334 атомски бомби

Земјотресот со јачина од 7,7 степени според Рихтеровата скала што во петокот го погоди Мјанмар испуштил енергија што е еквивалентна на повеќе од 300 експлозии на атомски бомби, изјави геологот Џес Феникс за Си-Ен-Ен. Таа, исто така, предупреди дека последователните потреси би можеле да продолжат со месеци.„Моќта ослободена од ваков земјотрес е околу 334 атомски бомби“, рече Феникс.Таа објасни дека потресите ќе продолжат бидејќи индиската тектонска плоча продолжува да се спушта под евроазиската плоча во областа Мјанмар.Феникс додаде дека размерите на уништувањето дополнително ќе се влошат со граѓанската војна во земјата.„Она што инаку би било тешка ситуација станува речиси невозможно во овие околности“, рече таа.Тајландскиот вицепремиер Анутин Чарнвиракул разговараше со новинарите по посетата на местото на уривање на облакодер во Бангкок.На прес-конференција, тој рече дека властите проценуваат дека околу 50 лица во моментов се водат како исчезнати.„Секогаш има надеж. Работиме неуморно, продолжуваме да работиме дење и ноќе за да се осигураме дека сите се безбедни“, рече Чарнвиеракул.Тој додаде дека понудите за помош пристигнале од соседните земји и од странство.„Имаме доволно луѓе и ресурси, но доколку добиеме дополнителна помош, особено технолошка помош, со задоволство ќе ја прифатиме“, рече тој.На прашањето зошто токму таа зграда се урна, тој рече дека им дал рок од седум дена на истражителите да поднесат извештај.

Свет | пред 11 месец

(Видео) Силно невреме кај Свети Николе – автопатот обеле од паднатиот град

Големо невреме вечерва погоди делови од источна Македонија, а на автопатот меѓу Штип и Свети Николе имаше и силни врнежи од град, кои целосно го обелеа и го оковаа патот во мраз.Во повеќето делови од регионот врнеше пороен дожд, а засега нема информации за евентуални штети на земјоделски површини од градот.

Македонија | пред 11 месец

Во дискотеката загина и ќерката на единствената жена пожарникар во Кочани; Колегите: Дадовме и повеќе од што можевме како помош

Ќерката на единствената жена пожарникар во Кочани, загина во пожарот во дискотеката „Пулс“. Ивона Атова, имаше 21 година, не успеа да се спаси. Таа е нејзина ќерка единец.„Црна се чума зададе - Кочани по 16.03.2025 повеќе не е ист град и нема да биде. Со силен трепет, голем шок и длабока тага конечно собравме малку сили да ви се обратиме. Ова е најтешката и најтажната објава во историјата на ДПД Кочани која ја пишуваме со солзи во очите и грутка во градите. Како и многупати досега, така и на 16.03.2025 година иако опструирани и маргинализирани од повеќе страни во последен период, одново бевме на браникот на Кочани. И покрај се, кога е тешко и покрај сите околности од пиџами и буквално од кревет десетина наши членови со две возила на ДПД Кочани скокна во очи на огинот. Онака во наш стил, волонтерски, со чиста душа и силен адреналин да се помогне каде што може.Дадовме и повеќе од што можевме како помош за ТППЕ, МВР и Брзата помош кои со нивната оскудна опрема и лимитиран капацитет се бореа со МОНСТРУОЗНАТА ТРАГЕДИЈА од светски карактер која не задеси. Сцените кои ги затекнавме вечно ќе бидат врежани, а секој од нас загуби по некој близок, познаник, пријател, другар а нашите членови, сопружниците Тоше и Стојка го загубија најмилото – ќерката единец Ивона. Изразуваме искрено сочувство во ови болни и тешки моменти за сите жртви и оние кои се борат за живот. Вечна им слава!“, напишаа од Доброволното противпожарно друштво во Кочани.

Коментари | пред 11 месец

Само една од 800 згради во Карпош ги исполнуваат условите за безбедност, ноќните клубови не соработуваат, вели Јакимовски

Од досегашната контрола на станбените објекти во општина Карпош утврдено е дека само една од 800 згради во општината ги исполнува сите законски прописи за безбедност, соопшти денеска градоначалникот на општина Карпош, Стевчо Јакимовски.По проверките на станбените објекти, рестораните, кафулиња, диско клубовите, ноќните клубови, одѕивот беше многу голем. До сега се отповикале 330 влезови од згради. Инаку општина Карпош има 820 згради и 1.500 влезови. Значи, до сега одговориле 330 и уште 250 се јавиле на нашите телефони за дополнителни инструкции. Од онаа контрола што е направена од нашите инспекциски служби, само една зграда е исправна, како што викаат по ПС (правила на службата). Тоа е зградата на Адора. Значи има 41 противпожарен апарат. Во 18 станови исто така има ПП апарати. Има повеќе апарати со ЦО2 за гасење на пожар од електрична инсталација. Има уште еден специјален систем за гасење на пожар, панични светла и се што треба по ПС. Значи само една зграда во Карпош е таква каква што треба, како што бара законот. За жал не можеме истото да го кажеме за другите згради.Градоначалникот соопшти дека информациите што ги добиваат службите во општината ги праќаат до Дирекцијата за заштита и спасување, но оттаму нема никаков повратен одговор.Сите овие добиваат инструкции што треба да направат од страна на нашите служби. Нашите служби се јавуваат директно во Дирекцијата за заштита и спасување, праќаат меилови... но ги нема нигде. Дали се отселени на друга планета, или што се случува со нив, за да ние тоа го работиме во координација, за евентуално инструкции да добиеме во оваа работа, но за жал тоа го работиме сами, иако најодговорен за оваа работа е ДЗС, вели Јакимовски.Првиот човек на општината информира и дека се пишани 21 казна на локали кои воопшто не отпочнале постапка за обновување на дозвола, една казна е напишана за не исполнување на еколошките стандарди, а два ноќни клубови одбиваат соработка со инспекторите, при што едниот се заканувал дека тој бил закон.„Што се однесува до почитување на еколошките стандарди, проверени се 110 објекти, од тие 90 се е во ред, на 18 соодветните елаборати им се во постапка на изработка, еден е во тек на реновирање, и на еден му е пишана казна затоа што и претходно бил опоменуван и не постапил согласно напатствијата на инспекторот за екологија. Правните лица секаде имаат ПП апарати, хидранти итн... значи со правните лица имаме најмалку проблем. Што се однесува до кафеаните, кафулињата, ноќните клубови, дискотеките, состојбата е следна: од 115 проверени сите имаат ПП апарати, во 60 летните тераси се во ред, пишана е 21 казна бидејќи воопшто не ја отпочнале постапката за обновување на дозволата и остатокот се во постапка за добивање на согласност во Град Скопје. Овде морам да кажам дека со новиот Закон за локална самоуправа треба да се прекине со тоа двојство. Значи на територија на општина Карпош ако издаваме одобренија за градби, треба да издаваме и одобренија за овие тераси. Зашто ни се летни тераси? Ни се случува двојство. Често пати граѓаните не се согласуваат со дадената дозвола за тоа место, а тоа често пати се прави и без консултација со локалната самоуправа. Морам да кажам дека два ноќни клубови не соработуваат со инспекторите. Тоа се клубовите Пјур и Мош. Не соработуваат. Дури за едниот клуб, колегата има поведено постапка како дивоградба пред неколку месеци и кога го посетил сопственикот го прашал зошто доаѓа? Вика, затоа што законот така бара... Тој му одговорил дека и тој бил закон! Јас одговорно тврдам дека овие сопственици на ноќни клубови се сива еминенција во средините каде што живеат и си дозволуваат малку повеќе од тоа што треба. Значи и покрај тоа што одбиваат соработка, ние ќе ја тераме постапката до крај и како што бара законот односно отстранување на нивните објекти“, велат од Општината.

Скопје | пред 11 месец

„Кој е следен“ до партиите: нема да бидеме платформа за партиско поентирање, овој систем е ваше чедо

Неформалната организација „Кој е следен“ објави статус преку кој се оградува од политичките партии. Тие се обратија до СДСМ, на кои им кажаа дека ја одибваат поддршката. На сите други им порачаа дека системот против кој се борат е нивно чедо.„Ние не бараме поддршка од политичките партии, бараме поддршка за нашите барања од институциите. Затоа што институциите работат за граѓаните, а политичките партии работат за себе. Политички партии кои во овој момент или во минатото активно учествувале во креацијата, развојот и во одржувањето на ваквиот трул систем кој со децении ја крои и пеплосува македонската општествена реалност, не може да бидат наши сојузници. Овој систем е ваше чедо, продукт на вашите пропусти и лаги, на вашите тајни договори и намерни заташкувања. Продукт на вашето селективно изразување поддршка и на вашите постојани грешки. Нашиот одговор е: не, фала. Од вас не сакаме поддршка. Очекуваме оставки, одговорност и систем што функционира. „Кој е следен?“ се роди токму поради Вашата нефункционалност - местото не Ви е до нас! Затоа упатуваме јасна порака до сите политички партии:„Порака до опозициските партии:До СДСМ: Со кој легитимитет денес ја поддржувате борбата за правда, кога токму вашето владеење придонесе овие барања да постојат? Ја одбиваме вашата „поддршка" бидејќи ваквите обиди за приклонување не само што се провидни, туку и навреда за сите оние кои со години се борат против неправдите на овој корумпиран систем, од кој вие самите сте дел и помогнавте да се изгради. Нема потреба да се согласувате со барањата на „Кој е следен“ - тие се токму адресирани и до вас. Воедно, не сакаме поддршка ниту комуникација со ДУИ – партија со клучна улога во креирањето на системот кој наместо да штити, дозволува насилство и неказнивост. ДУИ е симбол на корупцијата, клиентелизмот, политички притисоци и институционалниот распад. Дел од најсериозните системски девијации се токму нивно наследство.Се оградуваме и од јавната поддршка на Левица - доколку сакате да го смените системот, дејствувајте преку механизмите со кои располагате во Собрание, а не со евтин хаштаг популизам.Порака до партиите кои се на власт (ВМРО–ДПМНЕ, ЗНАМ и ВЛЕН):Доколку навистина го разбирате народниот револт како што тврдите, повикајте на обединување, бидејќи тоа ни е денес најпотребно, во тој случај нема да има потреба од манипулации, пропаганда против наши членови и ширење страв и омраза, туку ќе ги искористите механизмите кои ви стојат на располагање и ќе ги остварите нашите барања – неселективно и без компромис за ‘своите’ луѓе.Ја имате сета моќ во ваши раце. Очекуваме одговорност, транспарентност и итни мерки за заштита и безбедност на граѓаните. Вашиот досегашен однос, придружен со вулгарна реторика, укажува на опасно оддалечување од демократски вредности и нe води кон вистински системски промени. Време е за сериозно преиспитување и одлучна промена на правецот во интерес на јавниот добробит и иднината на општеството. „Кој е следен?“ не е простор за политичка рециклирана поддршка, туку граѓански повик за одговорност и вистинска промена. Партиите имаат отворен простор на дејствување и интервенции во системот преку Собранието и нивните вработени во сите институции. Наместо да издаваат соопштенија, нивните пратеници треба да се фокусираат на системски промени и конкретни решенија. Соопштенијата не значат ништо, освен обид да се присвои автентичниот народен револт. Ние бараме правда, отчетност и темелни промени во системот - нешто што ниту една од политичките партии не успеаа да го испорачаат. Наместо поддршка на хартија и празни зборови, очекуваме конкретни дела и одговорност. „Кој е следен“ не е и нема да биде платформа за партиско поентирање. Ова е автентичен граѓански повик за правда и градење на систем кој ќе служи на сите, а не само на партиите, поради тоа што досега си слушаме само партиите, а итно ни е потребен одговор. Системот е следен, но не забораваме кој беше претходен“, напишаа од „Кој е следен?“.

Коментари | пред 11 месец

Таравари за таткото на повредено дете кој продава имот: Лекувањето е бесплатно, нула денари

За таткото кој продаваше имот, а се прошири веста дека тоа го прави за да покрие трошоци за своето дете кое е на лекување во Анкара, беше прашан министерот за здравство, Арбен Таравари. Тој рече дека сите трошоци се покриени од Владата, а парите се префрлени во вторникот и средата. Според него, средства не добиле само тие кои не оставиле сметки.„Уште еднаш ќе повторам, за сите пациенти лекувањето е бесплатно, нула денари. За сите пациенти по двајца членови од семејствата имаат авионска карта, плус е обезбедено и сместувањето на двајца од семејството. За сите. До денеска, од Владата во понеделник или вторник се пуштени парите. Тие сметки што се дадени. Можеби некој не дал сметка за да биде пуштено. Владата, буквално сите трошоци, за сите пациенти, се покриени. Транспорт на пациенти, лекување на пациенти, транспорт на родителите, се е покриено од кај нас. Можеби ако некој не дал податоци и да биде исклучок“, рече Таравари.За ова, зборуваше и кочанчанецот Иван Ивановски во „Претрес“.Вчера, еден родител, чие дете е во Анкара, дојде во Кочани за да остави полномошно да ги продадат сите автомобили, станот во Скопје, сѐ. Државата точно е, ќе покрие сѐ.. Дај Боже да не е точно, ама кај него, вика дека има шанси детето да остане слепо од пожарот бидејќи му е зафатено цело лице и му кажувале дека треба приватен доктор треба да донесе за операција за очите, пошто тоа е специјализирана болница за очи. Ова се неофицијални информации кои мене ми ги пренесоа“, вели Иван Ивановски, дел од иницијативата „SupportKocani“ кои собираат.?t=4295

Македонија | пред 11 месец

Добри вести и за критичните пациенти од повредените во „Пулс“: девет лица се враќаат од странаство, осум се пушаат од скопските болници

Осум повредени од дискотеката „Пулс“ ќе бидат пуштени на домашно лекување, а девет кои се лекуваат во странство се враќаат денеска. На клиниките во Скопје ќе останат 22 пациенти, а во странство остануваат 99 пациенти.„И за критичните пациенти добиваме добри вести, дека иако се во тешка состојба, се во подобрена состојба од вчера. Оптимисти сме дека и тие ќе е подобруваат, иако треба да бидеме внимателни за да нема други евентуални компилации“, рече Таравари и додаде: „За пациентите за кои се загриживме, одредени лабораторски анализи покажаа дека има подобрувања, се уште се критични но подобри во однос на вчера. Подобри, ама во нестабилна и критична состојба“.Утре сигурно се враќаат плус двајца пациенти.

Македонија | пред 11 месец

На две локации, двајца пешаци прегазени во Скопје, со тешки повреди се во болница - возачите уапсени

„Полициски службеници од СВР Скопје го лишија од слобода И.С.(45) од Скопје, затоа што на 27.03.2025 околу 21.50 часот во Скопје, на крстосница од ул.„Адем Демачи“ со ул.„Методија Митевски“, со патничко возило „фиат“ со скопски регистарски таблички удрил во пешакот А.А.(57) од Скопје. Пешакот е пренесен за укажување на лекарска помош во ГОБ „Св. Наум Охридски“, каде му се констатирани тешки телесни повреди. Известен е јавен обвинител, а увид извршила екипа од СВР Скопје И.С. е задржан во полициска станица, а возилото е одземено за понатамошна постапка“, велат од МВР.Регистриран е и втор случај.„Полициски службеници од СВР Скопје го лишија од слобода Б.Х.(52) од Република Турција, со живеалиште во Скопје, затоа што на 27.03.2025 околу 17.30 часот во Скопје, на крстосницата од ул.„Филип Втори Македонски“ со ул.„Мирче Ацев“, со патничко возило „цитроен“ со скопски регистарски таблички удрил во Л.М.(48) од Скопје. Во несреќата со тешки телесни повреди се здобила Л.М., констатирани во ГОБ „Св.Наум Охридски“. Увид на местото на несреќата извршила екипа од СВР Скопје, а по наредба на јавен обвинител возачот е задржан во полициска станица, а возилото е одземено за понатамошна постапка“, велат од МВР.

Скопје | пред 11 месец

Политичарите креираат негативен новоговор и штетни наративи

Доколку еден граѓанин дневно следи што објавуваат политичките актери на партиските интернет-страници и фејсбук-профили, а истото го чита и го гледа на телевизија и на онлајн медиумите, дневно би бил изложен на 33 штетни наративи. Ваквата доминантна токсична реторика не само што остава последици за граѓаните туку го загадува комуникацискиот простор и сериозно атакува на демократските процеси. Ова се посочува во монографијата „Наративна стапица: откривање на штетните наративи кај медиумите и новинарите“ на Институтот за комуникациски студии (ИКС), што беше промовирана вчера на истоимениот научен собир. Монографијата ги содржи наодите од истражувањето „Мерење на штетните наративи – ШТЕТ-НА”, кое се состоеше од деветмесечен мониторинг (септември 2023 − мај 2024 година) врз медиумското појавување на 10 политички партии и нивните лидери кои бројат најмалку двајца пратеници во парламентарниот состав 2020 – 2024 година, известувањето на 11 онлајн-медиуми и 9 национални телевизии, како и фејсбук-комуникацијата на членовите на Владата на РСМ.Поразителните заклучоци од истражувањето покажуваат дека штетните наративи најчесто се користеле за поткопување на довербата во институциите, пристрасно селектирање, напади на личнa основа, поттикнување поделби и популизам. „Важен момент од истражувањето е пресликувањето на таквата политичка комуникација во медиумското известување. Речиси се идентични. Како да нема филтер, како да се заборавени етичките и професионалните стандарди на медиумското известување“, истакна Јорданка Черепналкова Трајкоска од ИКС на научниот собир.Анализата покажа дека за да се дискредитира противникот и да се влијае на избирачкото тело, политичарите смислуваат политички неологизми (нови, изолирани поими, зборови или фрази) и јазични иновации кои создаваат дополнителни значења, го замаглуваат разбирањето и доведуваат до заблуди и конфликтни ситуации. Теа Конеска-Василевска од Институтот за социолошки и политичко-правни истражувања (ИСППИ) сумираше дека штетните неологизми се врзани или за политички актер (политичар или партија), како артаноиден, заевизам, комбото СДС-ДУИ, деспотот од Форино, Жмицко, или за начини и процеси на владеење, како шверцерат, бонбона бизнис, приврзок партија, соросписка итн. Најмногу неологизми употребувала Левица (25), следена од ВМРО-ДПМНЕ (14), Демократско движење (4) и СДСМ (2). Најчестите неологизми што ги користела ВМРО ДПМНЕ се канцер мафија, бизнис пајташ и тендер политиките, од Демократското движење се казино партија и казиноман, од Левица се етнотрибализам и премиер терорист и од СДСМ се МВРО-ВМРО и груевистички. Штетни наративи и неологизми има и на албански јазик. Јордана Шемко од Парламентарниот институт кажа дека најмногу неологизми се упатени кон ДУИ, како казино партија или ДУИ-лотарија.Политичарите користат зборови со силен емоционален набој и преку таквиот јазик се будат силни емоции како страв, надеж и гнев, вели Елеонора Серафимовска од ИСППИ. „На тој начин иинформациите звучат поубедливо, помалку се изложени на заборавање и го супресираат секое ниво на разумност“, рече Серафимовска.Професорката Симона Груевска-Маџоска од Институтот за македонски јазик „Крсте Мисирков“, која исто така е дел од истражувачкиот тим, за политичките актери кажа дека се однесуваат како да се натпреваруваат кој повеќе ќе навреди и кој ќе измисли повеќе негативни кованици. „Ваквите зборови нема никогаш да го поминат филтерот за влез во стандардниот јазик и нема да се најдат во Толковниот речник, но придонесуваат за уназадување на јазикот, наместо за напредок и негов позитивен развој. Мора да се преземе одговорност и од политичарите и од медиумите за тоа кој се обраќа и како се обраќа во јавност“, заклучи Груевска-Маџоска.ИКС го спроведе истражувањето ШТЕТ-НА и ја издаде монографијата во рамките на проектот „Користи факти“, поддржан од Британската амбасада во Скопје.Соопштение на ИКС

Македонија | пред 11 месец

Крива Река е сериозно загадена, има десеткратно повеќе штетни метали, рече градоначалникот на Крива Паланка

Водата во Крива Река е опасност по здравјето на луѓето откако избила хаварија во рудник. Според градоначалникот Сашко Митовски, во неа има десеткратно повеќе присуство на метали. Рече дека ќе поднесат кривична пријава. Според него, Државниот инспекторат нема постапено согласно законите.„Извештајот на акредитирана лабораторија покажа дека водата во Крива Река, еден ден по хаваријата во рудникот Ораница, е сериозно загадена и претставува опасност за животот и здравјето на луѓето. Извештајот покажува дека неверојатно зголемени концентрации на штетни материи, а она што најмногу загрижува е десеткратното присуство на штетни метали, односно, количината на олово присутно во водата“, рече градоначалникот на Крива Паланка, Сашко Митовски.Тој го повика и Обвинителството да постапи, а вината ја лоцираше кај концесионерот на рудникот.„Она што можеби е пострашно е што е загрозена и почвата по текот на овие реки, земјоделските насади кои се наводнуваат од овие речни подрачја“, додаде тој.

Македонија | пред 11 месец

(Видео) Вознемирувачко: Пристигнуваат снимки од разорниот земјотрес во Мјанмар. Се урна облакодер во Бангкок

Земјотрес со јачина од 7,7 степени според Рихтеровата скала го погоди Мјанмар, соопшти Американскиот геолошки институт (USGS). Стотици луѓе во тајландската престолнина Бангкок во паника излегоа од зградите откако почувствуваа дека земјата се тресе, јавува Ројтерс.Според Геолошкиот институт на Соединетите Американски Држави (USGS), епицентарот бил на околу 17,2 километри од градот Мандалеј, кој има околу 1,2 милиони жители. Околу 12 минути по првиот земјотрес, втор силен последователен потрес со јачина од 6,4 ја погоди областа.Пристигнуваат информации за урнати згради во Мјанмар и Бангкок.

Свет | пред 11 месец

Сестрата на Фросина за „Кој е следен“: Важна им е агендата, а жртвата е само инструмент, која трагедија ви е следна на менито?

Росица Кулакова, сестра на загинатата Фросина Кулакова, смета дека организаторите на „Кој е следен“, ја злоупотребиле нивната доверба, која ја дале како семејство. Посочува дека на собирите имало чесен народ, а дека зборовите ги насочува само кон организаторите.Нејзината објава во целост:Зошто бев тивка и зошто повеќе не можам да бидам. Долго време ми требаше да соберам сила и храброст да ја напишам оваа објава. Но како човек што јавно и гласно ја поддржа иницијативата „Кој е следен“, чувствувам морална обврска да објаснам зошто изминатиов прериод бев тивка - затоа што длабоко во себе носам чувство на лична одговорност.Време е јавно да раскажам, хронолошки и без цензура, што точно се случуваше по убиството на мојата сестра, Фросина.🪩 31 Јануари - Денот на погреботНа денот кога ја погребувавме Фросина додека ние бевме избезумени од болка и тага - се одржаа првите протести. Ние, нејзините најблиски, немавме поим што се случува во надворешниот свет. Болката ни ги затвори очите и ушите.Тогаш, од еден искрен, спонтан и народен крик на болка, се појави нешто друго. Некој со болен ум, со туѓа трагедија реши да си прави профит. Така во јавноста се појави иницијативата „Кој е следен“🪩 Чесни исклучоци постојат, но јас зборувам за сенкитеПред да објаснам зошто се чувствуваме злоупотребени како семејство, морам да нагласам дека има чесни луѓе и во оваа иницијатива. Луѓе со добри намери. Ова не е критика до секој што беше дел од „Кој е следен“.Моите зборови се насочени кон организаторите. Не кон тие што ги гледавме со транспаренти, туку кон оние што секогаш се во сенките. Луѓето чии имиња не се појавуваат јавно, ама сите знаеме кои се. Тие што го “водат” протестот, а никогаш не одговараат за своите постапки.🪩 Вторите протести - моментот кога сè стана јасноВеќе на вторите протести се почувствува дека нешто не е во ред. Протестот веќе не беше на народот - имаше јасен организатор, агенда, насока. И да бидам искрена, тогаш сè уште верував. Таа поддршка ми значеше. Мислев дека некој вистински се грижи, дека можеби има надеж. Но денес ми е жал што морам да кажам дека видов и доживеав сосема спротивно.🪩 Манипулацијата почнува и жртвата станува неважнаПрисуствував на еден состанок - последен за мене, зашто немав повеќе сила. Таму, меѓу зборовите и молкот, јасно ми беше ставено до знаење дека Фросина не е важна. Нашата болка не е важна. Важна е агендата, а жртвата е само инструмент. И тука морам да бидам прецизна - тие што тогаш го водеа тој наратив, тие што не гледаа како средство, а не како луѓе, денес стојат во позадина и ја поддржуваат иницијативата „Кој е следен“. Не се тие што се појавуваат напред, туку тие што тивко ги влечат конците. И за да ви доловам за каков тип луѓе станува збор - тоа се истите што во минатото шетаа со транспаренти “Црквата да одјебе”, што палеа канцеларии, што не познаваат граници кога се работи за промовирање на своите цели. Не зборувам за луѓето што искрено протестираат - зборувам за тие што стојат зад сцената. За тие што имаат агенда, а не срце.🪩 8 Март - најболната навредаПротестите за 8ми Март нема ни да ги коментирам. Ако некому му се чини соодветно да маршира со тенџериња и дрвени лажици од место каде што некој трагично загинал, нека му служи на чест. Јас мислам дека тоа беше врв на непочитта.🪩 Од ожалостено семејство - до метаНе можам веќе да молчам. Не можам да гледам како нашата трагедија, а денес и трагедијата на уште многу семејства со слична судбина на нашето - се користи, извртува, злоупотребува. Од едно семејство, денес станавме стотици. И сите сме ранливи. Сите полесни за манипулација.Системот не чини, тоа го знаеме сите. Но луѓето што го креираат тој систем од сенка нема да ни го решат проблемот. Нивната борба не е за нас. Ниту за вистината. Ниту за правдата.❗️ “Кој е следен?” да ве прашаме вас:Кој е следен❓Која мајка❓Кој брат❓Која сестра❓Која трагедија ќе биде следна на менито на вашите интереси?“, напиша Кулакова.

Македонија | пред 11 месец

Тајланд и Мјанмар погодени од разорен земјотрес

Силен земјотрес со јачина од 7,7 степени го погоди Тајланд, вклучително и главниот град Бангкок. Ова го соопшти германскиот центар за географски истражувања Хелмхолц. Американската опсерваторија за земјотреси (УСГС) исто така извести за јачина од 7,7 степени. Според информациите, епицентарот на земјотресот бил на 16 километри северозападно од мјанмарскиот град Сагаинг на длабочина од десет километри. Вториот земјотрес, дванаесет минути подоцна се вели дека бил со јачина од 6,4 степени.Повеќе од 17 милиони луѓе живеат во пошироката област на Бангкок, од нив многу живеат во високи згради. Продавниците во метрополата биле евакуирани, а бројни луѓе во паника ги напуштиле своите домови, останувајќи на улица со минути по земјотресот. Потресот бил толку силен што водата избила од базените, пренесува новинската агенција АП.Според локалната полиција, се урнала висококатница во изградба, сѐ уште не е јасно дали има загинати или повредени. На социјалните мрежи кружи видео на кое се гледа како катната зграда и кранот се уриваат, предизвикувајќи облак од прашина. Луѓето врескале и панично бегале.

Свет | пред 11 месец

Николоски: Со обсмислена стратегија го развиваме охридскиот аеродром, Охрид преку Истанбул од денеска го поврзуваме со цела Европа и светот

Со обсмислена стратегија успеваме охридскиот аеродром да го развиваме. Денеска ја воспоставуваме новата и најважна линија Охрид-Истанбул со која Охрид преку Истанбул ќе го поврземе со цела Европа и светот, истака вицепремиерот и министер за транспорт Александар Николоски на воведувањето на новата авиолинија Охрид-Истанбул.Во прилог интегралната изјава на вицепремиерот Николоски“ Ова е комплетно нова димензија за охридскиот аеродром и целосно нов развој на охридскиот аеродром затоа што најголемата светска авиокомпанија Туркиш ерлајнс воведува директна линија, четири пати неделно со најголеиот аеродром во Европа, аеродромот во Истанбул, што многу ќе значи за бројот на патници и не само за туризмот туку и редовното патување, затоа што аеродрмот во Истанбул е со најмногу конектинг летови во Европа. Веќе познавам луѓе кои имаат купено карти од Торонто за Охрид или од Вашингтон за Охрид затоа што преку Истанбул со конектинг летови ќе можат да додјат во Охрид што драстично ќе го зголеми бројот на патници и тоа ќе помогне да се развива тузимот, бизнисот, комуникациите, што е комплетна нова диманзија за охридскиот аеродром.Ова е резултат на обмислена стратегија, стратегија на субвенционирање што ја водиме откако бевме избрани. Го променивме целосно моделот на субвенционирање, за охридскиот аеродром од претходно 4,5 евра зголемивме на 12 евра по патник. И наместо за заминување, плаќаме за доаѓање затоа што целта е да даѓаат луѓето тука, ги променивме и другите услови и тоа го даваат резултатот. Веќе имаме две нови дестинации до Охрид, тоа е Истанбул и Базел, имаме нови осум дестинации од Скопје. Но од сите 10 дестинации за мене најважна е Истанбул бидејќи отвора нова врата за охридскиот аеродром и за целиот регион. Во преговори сме и тие преговори за брзо време треба да завршат со една голема компанија која што очекувам да донесе две до три нови дестинации и на тој начин да расте бројот на дестинации на охридскиот аеродром.Мене ми е целта во рок од две години да имаме најмалку десет нови дестинации од Охрид, што целосно ќе го трансформирам туризмот во Охрид, бизнисот и комуникациите и тоа што е особено важно, оние чартери кои што почнаа на Флајбирд во следната година наместо еден да се два дневно и да слетуваат во Охрид наместо во Скопје. И пуштањето на автопататот на тие 40 -тина километри од Врбјани до Охрид секако многу ќе значи за охридскиот аеродром”, истакна вицепремиерот и министер за транспорт Александар Николоски.

Македонија | пред 11 месец

„Кој е следен“: Кога тие одат на одмор, ние доаѓаме пред Собрание, барањата не може да чекаат

Иницијативата „Кој е следен“, најави нов собир, овојпат, пред Собранието. Тие рекоа дека темата е „Народно Собрание“.„Кога тие ги пакуваат куферите, ние ја полниме улицата. Кога тие заминуваат на одмор, ние доаѓаме пред Собранието.Не затоа што немаме што да правиме. Туку затоа што имаме што да кажеме. Зошто се собираме пред Собранието? Затоа што не молчиме. Затоа што имаме барања што не може да чекаат. Затоа што демократијата не оди на одмор“, рекоа оттаму и додаваат:„Како ќе изгледа настанот? Настанот ќе биде поделен во 2 дела:1. Презентирање на барањата, во првиот дел ,,Кој е следен?” ќе ги презентира своите барања во целост;2. Микрофонот е отворен за секој граѓанин кој сака да го изнесе своето мислење околу барањата, или да сподели генерален став за моменталната состојба.Граѓаните ќе зборуваат. Ќе критикуваат. Ќе поддржуваат. Ќе го кажат тоа што предолго тлее. Ова е простор за гласот што не сакаат да го слушаат. Ова е твојот простор. Наш простор. Се гледаме пред Собрание. Настанот ќе трае додека има граѓани што сакаат да бидат слушнати. Ако имаш што да кажеш — подготви го дома и кажи го пред сите. Не чекај да те повикаат. Нека ова биде твојот повик!“, објавија од иницијативата.

Македонија | пред 11 месец

Во притвор остануваат 19 осомничени за дискотеката, во домашен притвор одат ексградоначалниците и ексдиректорката на Пазарна инспекција

Кочанскиот суд одлучли само 19 осомничени да останат во притвор, а откако Обвинителството почна да собира докази и да се сомнева дека тие дека со постапување или непостапување придонеле кон пожарот во дискотеката „Пулс“ или пак преку (не)правење надзор не го спречиле клубот да работи. За поранешните градоначалници Ратко Димитриевски и Николчо Илијев, како и поранешна директорка на Државниот пазарен инспекторат Анета Симеска Димоска, мерката притвор е заменета со куќен притвор.„По донесените 24-решенија за определување на мерката притвор, беа поднесени 22 жалби од осомничените. По жалбите постапуваше Совет од тројца судии (од член 25 став 5 од ЗКП) на Основен суд Кочани и одлучи за 19 осомничени жалбата да се одбие и остане определната мерка притвор, додека за 3-тројца осомничени мерката притвор е заменета со куќен притвор, и согласно член 144, чл. 146 став 1 т. 3 од ЗКП е определена и мерка на претпазливост -привремено одземање на патна или друга исправа за преминување државната граница односно забрана за нејзино издавање.Против 2-две од решнијата, со кои е заменета мерката притвор со куќен притвор од страна на Основното јавно обвинителство се поднесени жалби, по кои постапува Апелациониот суд во Штип.Против 1-едно од решенијата на Советот од тројца судии (од член 25 став 5 од ЗКП) на Основен суд Кочани со кое е приначена мерката притвор со куќен притвор, нема изјавено жалба и истото е правосилно“, велат од Судот.Засебно, постапка се води за уште седум полицајци од СВР Штип и ОВР Кочани. Тие се во притвор одреден од Кривичен суд-Скопје.

Македонија | пред 11 месец

(Видео) Родител од Анкара дојде во Кочани да остави полномошно да продава имот, дај Боже да не е точно, вели Ивановски кој зборуваше за донациите за Кочани

Има многу суперхерои кои вечерта кога избил пожарот, биле дома, но станале и излегле да помогнат, а сега доаѓаат да помагаат во „SupportKocani“, вели Иван Ивановски, дел од иницијативата.„Оделе таму за да помагаат. Луѓе со гас маски дошле, влегле внатре свесно во огин за да ги вадат луѓето. Некои од тие што влегле да ги спасуваат другарите се починати. Ќе го споменам Александар кој ми е колега. Тој раскажа како отишле до шанкот да пијат шотови, а шанкот е поблиску до излезот. Кога почнал пожарот излегол. Па се враќале назад да помогнат“, рече Ивановски.Тој посочува дека луѓето во градот, не се истите луѓе. Во „Претрес“ зборуваше за дискотеката, но и за тоа дека никој не ја гледал како изгледа од задниот дел, додека за внатре, посочува дека била посредена од многу други дискотеки. Во делот на безбедноста – не ни претпоставувале дека може е ваква состојбата.„Кочани е како воена зона. Повеќето можеби тоа не го осеќаат. Според сите работи кои ги правиме, не можам да ви опишам колкава е таа катастрофа моментално“, додаде тој.Посочи дека семејствата во очај, продаваат имот за да си ги спасат децата. Вели дека државата им помага за сите трошоци на семејствата, но процедурите за исплата се долги, па оттука, се јавува стравот кај поединци кои имаат повредени лица.„Вчера, еден родител, чие дете е во Анкара, дојде во Кочани за да остави полномошно да ги продадат сите автомобили, станот во Скопје, сѐ. Државата точно е, ќе покрие сѐ.. Дај Боже да не е точно, ама кај него, вика дека има шанси детето да остане слепо од пожарот бидејќи му е зафатено цело лице и му кажувале дека треба приватен доктор треба да донесе за операција за очите, пошто тоа е специјализирана болница за очи. Ова се неофицијални информации кои мене ми ги пренесоа“, вели Иван Ивановски, дел од иницијативата „SupportKocani“ кои собираат.РАЗГОВОРОТ:?t=4324

Македонија | пред 11 месец

Мелемите за изгореници може да не се стерилни, а раните можат се инфицираат во секоја фаза додека зараснат, алармира д-р Павловска од Пластична хирургија

На социјалните медиуми се продаваат мелеми за изгореници, но не знаеме дали се стерилни, а раните мора да се третираат соодветно, посочи Јасмина Ѓоргиевска Павловска директорка и докторка на Клиниката за пластична хирургија. Таа посочи дека треба да се внимава, посочувајќи дека инфекции може да се појават во секоја фаза додека има рани.„За инфекции не може никој да каже, тоа може да го има во секоја фаза додека не зарасне раната. Првиот и вториот пик се релативно стабилни и без големи инфекции. Од втор степен изгорениците, се речиси и целосно зараснати. Времето ќе покаже, ќе видиме. Вчера некој ми рече дека има мелени кои се продаваат на социјалните мрежи - не знаеме од кое потекло се, дали се стерилни или не се стерилни. Затоа праќаме групи од доктори, за да пациентите се третираат со стерилни материјали, во стерилни услови, за инфекциите да ги сведеме на минимум“, рече Јасмина Ѓоргиевска Павловска, директорка и докторка на Клиниката за пластична хирургија.Таа додаде дека во болницата во Кочани има услови за третирање на пациентите, а дека тоа што недостасува од материјали, ќе биде доставено.

Македонија | пред 11 месец

Се враќаат осум пациенти од лекување, девет се пуштени од болниците во Скопје, четирите критични имаат подобрувања, вели Таравари

Од 24 пациенти повредени во дискотеката „Пулс“ во Кочани, девет ќе бидат испишани од болница. Тие се во стабилна и добра состојба.Вчера се вратија пет пациенти од надвор од државата. Еден од Атина и четири од Шпанија. Надвор од државата се лекуваат 108 пациенти. Денеска се најавени да се вратат осум пациенти. Два во Белгија, два во Турција, два во Австраија и два во Хрватска. Од утре, остануваат 101 пациент на лекување.„Имаме најави за повеќе пациенти кои следните денови ќе се враќаат“, рече минситерот за здравство, Арбен Таравари.Тој посочи дека четири пациенти и натаму се во тешка состојба, но подобро, од тоа што биле претходните денови.„Денеска се малку подобри вестите, тие критични се малку подобро од вчера, но се во релативно тешка здравствена состојба“, додаде Таравари.

Македонија | пред 11 месец