ВРЕМЕНСКА ПРОГНОЗА

Нема фотографија

Викендов екстремно топло насекаде низ Македонија: Температури до 43 степени

Екстремно топлиот бран од Африка кој е проследен со екстремно висок Ув индекс во деновите пред нас ќе зема замав, па така секој ден ќе биде се потопло. Температурите речиси насекаде во Македонија ќе се искачат до над 35 степени.Во најтоплите централни и југоисточни предели температуририте особено за време на викендот ќе се искачат дури и до 43 степени. Ништо подобро нема да биде ни денес како и во петок кога во овие краиште температурите повторно ќе се искачат до, па и ќе надминат 40 степени.Во Скопската котлина температурата ќе се искачи до околу 40 степени, но со тоа што повремено таа ќе надминува 40 степени.Спороред моменталните прогностички материјали со кои располагаме, следната седмица ќе биде уште потопло па така температурите тогаш би можело да се искачат и до околу 45 степени.

Македонија | пред 1 година

Во Македонија е во тек најдолгиот и најсилниот топлотен бран ова лето, температури до 45 степени

Во Македонија е во текот најдолгиот и најсилниот топлотен Африкански бран ова лето. До самиот крај од оваа, како и во текот на следната седмица температурите и понатаму ќе ни бидат екстремно високи и во најголем дел од Македонија ќе се искачуваат до, па и над 35 степени. Во најтоплите централни и југоисточни предели температурата локално ќе се искачи до 43 степени оваа седмица, додека во текот на следната седмица во овие предели можни се температури и до 45 степени.Во Скопската котлина очекуваме температури до околу 40 степени, но со тоа што повремено таа е можно и да надминува 40 степени.За време на овој период во најголем дел од Македонија очекуваме и тропски ноќи, односно температурите во текот на ноќните и утринските часови нема да се спуштаат под 20 степени.Времето ќе биде стабилно, суво и сончево со појава на мала до умерена локална облачност. Ќе дува слаб до умерен ветер од северен и од североисточен правец и истиот повремено ќе засилува на интензитет. Само во недела во попладневните и во вечерните часови ќе има услови за изолирана појава на нестабилност, проследена со пороен дожд, грмежи, засилен ветер и услови за појава на краткотрајно невреме.Ув индексот и понатаму ќе има многу висока, до екстремно висока вредост 9, па токму поради ова апелираме граѓаните без потреба да не излегуваат во најтоплиот ден од денот (од 11 до 17 часот), но и да пијат повеќе течности.

Македонија | пред 1 година

Топол бран во Македонија: Температурите ќе се искачат над 40 степени

Територијата на Македонија се до крајот на оваа седмица ќе се наоѓа под влијание на екстремно топла воздушна маса која продира од северните предели на Африка. Токму поради ова температурите насекаде ќе надминуваат 30 степени, додека во најтоплите централни и југоисточни предели, како и во Скопската котлина тие ќе се искачат и до 40 степени.Не се исклучува можноста температурата локално во централните и во југоисточните предели да надмине и 40 степени. Ув индексот ќе има многу висока вредност 9, па поради ова апелираме граѓаните без потреба да не излегуваат во најтоплиот дел од денот, односно од 11 до 17 часот, но и да пијат повеќе течности.Времето и понатаму ќе биде сончево со појава на мала до умерена локална облачност. Сепак оваа седмица атмосферата нема да биде во целост стабилна, па така во попладневните часови ќе има изолирана појава на нестабилност, проследена со пороен дожд, грмежи и засилен ветер, а можна е и појава на краткотрајно невреме.Денес (вторник) нестабилност во попладневните часови ќе има особено во западните предели од државава.

Македонија | пред 1 година

Денес попладне во планинските предели е можна појава на невреме

Алатката за рано предупредување од невреме “НОТАС” за денес попладне предвидува ниво 2 во Македонија, слаб ризик за појава на невреме. Меѓутоа, во планинските региони и тоа особено во западните и во северозападните предели таа проценува и ниво 3, тоа значи засилен ризик од невреме, проследено со пороен дожд, грмежи, силен ветер и можност за појава на град.Според сегашните проценки на оваа алатка, во Скопје и во останатите градови ќе биде релативно мирно. Со исклучок на некои градови кои се во близина на планините каде е можна појава на краткотрајна нестабилност.Од денес ќе имаме екстремно топло време со температури кој насекаде низ Македонија ќе надминуваат 30 степени. Во најтоплите централни и југоисточни предели, како и во Скопската котлина температурата ќе се искачи и до околу 40 степени.

Македонија | пред 1 година

Денес и утре променливо и свежо со повремено засилен ветер, во западните предели и со пороен дожд

Денес и утре (четврток) во Македонија времето ќе биде значително посвежо и тоа поради влијанието на свежата воздушна маса која продира од север. Времето ќе биде променливо облачно со сончеви периоди и со повремено засилен ветер од северен правец. Особено во западните предели ќе има и појава на повремен локален пороен дожд проследен со ретки грмежи.И во Скопскиот регион денес и утре (четврток) времето ќе биде променливо облачно со сончеви периоди и со повремено засилен ветер од северен правец.Што се однесува до температурите, тие наутро ќе се спуштаат во интервалот некаде од 9 до 18 степени. Максималните дневни температури пак ќе се искачуваат во интервалот од 23 до 31 степен, што значи дека ќе бидат потпросечни за почетокот на јули.Во Скопје максималната температура ќе се искачува во интервалот помеѓу 27 и 29 степени. Наутро пак таа ќе се спушта во интервалот помеѓу 13 и 15 степени.

Македонија | пред 1 година

Во текот на денот ново силно невреме ќе ја зафати Македонија

Под влијание на ладен атмосферски фронт од север, кој ќе се судри со топлиот воздух од југ кој се наоѓа над Македонија, во следните часови, како и вечерва во најголем дел од државава времето ќе биде многу нестабилно и со честа појава на пороен дожд, грмежи и засилен ветер.На повеќе места повторно ќе има појава на силно невреме проследено со обилен пороен дожд за кратко време и истиот би можел да предизвика локални поројни поплавувања, силен ветер (над 70 км/час) силни и чести електрични празнења и со појава на град кој би можел да биде и крупен.И во Скопскиот регион во следните часови и вечерва ќе има појава на пороен дожд, грмежи и засилен ветер. Во делови од котлината ќе има и појава на ново посилно невреме, проследено со обилен пороен дожд, силен ветер, силни и чести електрични празнења и со појава на град кој би можел да биде и крупен.Апелираме во случај на појава на силно невреме граѓаните да бидат крајно внимателно, односно во случај на појава на силни и чести електрични празнења да не се претстојува на отворен простор и под осамени дрвја. Исто така во случај на појава на силен ветер и на крупен град автомобилите да се заштитат.Што се однесува до температурите, тие денес ќе се искачуваат во интервалот од 28 до 36 степени, во Скопје до околу 35 степени. Меѓутоа температурите од попладневните и вечерните часови ќе започнат да опаѓаат.

Македонија | пред 1 година

Предупредување: Утре локално, но посилно невреме повторно ќе ја зафати Македонија

Под влијание на ладен атмосферски фронт поврзан со циклонска активност со центар некаде над Италија утре (вторник) 2.7.2024 во попладневните и во вечерните часови повторно атмосферата во Македонија позначително ќе се дестабилизира, а со тоа од север ќе започне да пристигнува значително посвеж воздух.Во ваква ситуација, кога топлиот воздух под чие влијание сме сега ќе се судри со значително посвежиот воздух од север утре попладне и навечер на повеќе места во Македонија ќе дојде до развој на конвективна облачност проследена со пороен дожд, грмежи и засилен ветер. Локално повторно ќе има појава на посилно невреме проследено со обилен пороен дожд за кратко време и истиот би можел да предизвика локални поројни поплавувања, исто така невремето ќе биде проследено и со силен ветер, силни грмежи и електрични празнења и со појава на град кој би можел повторно да биде крупен.И во делови од Скопската котлина утре попладне и навечер можна е појава на невреме, проследено со обилен пороен дожд, силен ветер, силни и чести електрични празнења и со појава на град.Што се однесува до температурите, тие утре во текот на денот ќе се искачуваат во интервалот од 28 до 36 степени, меѓутоа кон крајот на денот и во текот на ноќта кон среда тие ќе бележат тенденција на позначително опаѓање, па така во среда и во четврток ќе биде значително посвежо и променливо со повремен локален пороен дожд, грмежи и повремено умерен до засилен северен ветер.Поради очекуваната нова поголема дестабилизација на времето и очекуваното невреме утре попладне и навечер, апелираме граѓаните да бидат крајно претпазливи, односно во случај на појава на невреме и на електрични празнења да не се претстојува на отворен простор и под осамени дрвја. Исто така во случај на појава на силен ветер и на крупен град автомобилите навремено да се заштитат.

Македонија | пред 1 година

Сончев и топол викенд: Температури до 38 степени

Променливо, но посвежо време ќе имаме и денес. Ќе има и локална појава на повремен пороен дожд и грмежи, но сепак условите за силно невреме за среќа позначително ќе се намалат. Услови за повремен пороен дожд и поретки грмежи ќе има и во Скопје. Што се однесува до температурите тие утре ќе се искачуваат во интервалот од 23 до 30 степени. Во Скопје максималната дневна температура утре ќе се искачи до околу 30 степени.За време на викендот во Македонија ќе имаме краткотрајно стабилизирање на времето, што значи не очекува сончев и топол викенд со максимални дневни температури кој ќе се искачуваат во интервалот од 30 до 38 степени, во Скопје до околу 35 степени.Од почетокот на следната седмица не очекува нова позначителна дестабилизација на времето и ново невреме, како и позначително опаѓање на температурите.

Македонија | пред 1 година

Предупредување: Ново силно невреме од запад и се приближува на Македонија

Од запад кон територијата на Македонија се приближува голем бран на влажна и нестабилна воздушна маса која во следните часови и вечерва во најголем дел од Македонија ќе услови многу нестабилно време со пороен дожд, грмежи и засилен ветер.На повеќе места повторно ќе има појава на силно невреме, проследено со обилен пороен дожд за кратко време кој би можел да предизвика поројни поплавувања, силен ветер, силни грмежи и електрични празнења и со појава на град кој повторно би можел да биде крупен. Поради ваквата состојба, апелираме граѓаните да бидат многу внимателни, односно во случај на појава на силно невреме и на силни електрични празнења да не се претстојува на отворен простор и под осамени дрвја. Исто така во случај на појава на крупен град и на силен ветер автомобилите да се заштитат.И во Скопскиот регион во следните часови и вечерва повторно ќе има појава на повремен пороен дожд, грмежи и засилен ветер. Во делови од котлината има услови и за ново посилно невреме.Што се однесува до температурите тие денес ќе се искачуваат во интервалот од 25 до 33 степени. Во Скопје таа ќе достигне до околу 31 степен.

Македонија | пред 1 година

Од денес па се до петок чести врнежи, грмежи, силен ветер и силно невреме

Почитувани наши, од денес среда 26.6.2024 до петок 28.6.2024 територијата на Македонија позначително ќе подпадне под влијание на циклонската активност која е со центар над Средоземјето. Токму поради ова во поголем дел од Македонија ќе биде многу нестабилно со честа појава на пороен дожд, грмежи и засилен ветер. Локално ќе наврне позначително количество на воден талог, па така можни се и локални поројни поплавувања.Исто така, на повеќе места во Македонија ќе има појава на силно невреме, проследено со обилен пороен дожд, силен ветер, силни грмежи и електрични празнења како и со појава на град кој би можел да биде и крупен. Токму поради ова апелираме на крајна претпазливост, односно во случај на појава на силно невреме и електрични празнења да не се претстојува на отворен простор и под осамени дрвја. Исто така во случај на појава на силен и крупен град автомобилите да се заштитат.И во Скопскиот регион ќе има почеста појава на пороен дожд, грмежи и засилен ветер. Во делови од котлината повторно ќе има услови за појава на посилно невреме.Што се однесува до температурите тие во деновите кои се пред нас ќе бележат тенденција на опаѓање, па така најниски дневни температури очекуваме во петок кога ќе биде и најпријатно со температури од 26 до 34 степени.

Македонија | пред 1 година

Денес попладне опасност од силно невреме: На повеќе места ќе има и појава на пороен дожд, грмежи и засилен ветер

Македонија останува под влијание на циклонска активност која е со центар над Средоземјето. Во вакви околности, во следните часови како и вечерва повторно на повеќе места ќе има развој на нестабилна облачност проследена со пороен дожд, грмежи и засилен ветер.Локално, и тоа особено во западните, централните како и во североисточните и во источните предели од државава процесите ќе бидат интензивни и застапени во форма на посилно невреме проследено со обилен пороен дожд за кратко време, силен ветер, силни и чести електрични празнења како и со појава на град кој би можел да биде и крупен.И во делови од Скопската котлина во следните часови како и вечерва ќе има услови за појава на пороен дожд, грмежи, засилен ветер и услови за појава на невреме.Што се однесува до температурите, тие денес ќе се искачуваат во интервалот од 28 до 36 степени, во Скопје температурата ќе се искачи до околу 34 степени.Во случај на појава на невреме апелираме на поголема внимателност, односно во случај на појава на силни електрични празнења да не се претстојува на отворен простор и под осамени дрвја. Исто така во случај на појава на крупен град автомобилите да се заштитат.

Македонија | пред 1 година

Температурите од денес па се до недела ќе надминуваат 40 степени, но во недела ни се заканува невреме

До недела нашата територија ќе се наоѓа под влијание на веќе споменатиот екстремно топол бран кој продира од северните предели на Африка кон нашата територија, но и на територијата на целиот регион. Температурите насекаде во Македонија од денес, па се до недела ќе надминуваат 30 степени, додека во поголем дел од државава тие ќе се искачат и до околу 35 степени а во најтоплите централни и југоисточни предели, како и во Скопската котлина локално тие ќе надминуваат и 40 степени.Ув индексот ќе има екстремно висока вредност и ќе изнесува коефициент некаде помеѓу 9 и 10, па поради ова апелираме граѓаните без потреба да не излегуваат во најтоплиот дел од денот, односно од 11 до 17 часот, но и да пијат повеќе течности.Меѓутоа, веќе во недела во Македонија и тоа поради влијание на висински циклон кој ќе биде со центар над Средоземјето во попладневните и во вечерните часови атмосферата позначително ќе се дестабилизира, па така на повеќе места ќе има развој на нестабилна облачност проследена со пороен дожд, грмежи и со засилен ветер. Поради големата енергија во атмосферата, и тоа токму поради повеќе дневниот екстремно топол бран од Африка, локално се очекува појава на силно невреме со обилен пороен дожд, силни грмежи и електрични празнења, силен ветер како и со појава на град кој во ваква ситуација големи се условите тој да биде и крупен.Дури постои опасност од појава на Суперќелиски облаци како во Македонија, така и во регионот за време на викендот кој доаѓа. Ваквите Суперќелии би можеле да предизвикаат дури и појава на торнадо или пак да предизвикаат штети во одредени области.

Македонија | пред 1 година

Нов голем облак од прашина и песок од Сахара: Мачно и спарно до крајот на неделата

Од Сахара, преку Италија и централна Европа, од утре во Македонија како и во целиот регион пристигнува голем облак од прашина и песок, па токму поради ова повторно очекуваме многу заматена и нечиста атмосфера, а токму поради ова времето ќе биде многу мачно и спарно, а температурите ќе се чувствуваат како да се многу повисоки од реално измерените.Инаку овој облак од Сахарска прашина и песок ќе се задржи подолго над Македонија, односно до крајот на оваа недела. Сонцето од утре во текот на денот ќе го чувствуваме како да е од под облак и како да има облаци, а ќе се работи токму за веќе најавената пустинска прашина и песок.

Македонија | пред 1 година

Од утре до недела дневните температури над 30, на некои места и до 40 степени

Од утре до недела нашето подрачје ќе биде под влијание на стабилна и многу топла воздушна маса од југ, која ќе предизвика сончево и натпросечно топло време за овој период од годината. Дневните температури насекаде ќе бидат над 30, а наместа ќе достигнуваат 40 степени.Според прогнозираните и пресметаните гранични вредности на екстремни температури од УХМР, на територијата на нашата земја утре ќе биде активно жолто, а во Скопската и Полошката котлина портокалово ниво за опасност од високи температури. Поради натамошен пораст на температурите од четврток насекаде ќе биде активно портокалово ниво.

Македонија | пред 1 година

Времето викендов: Свежо утро во сабота, но ќе биде стабилно и без врнежи

Викендот кој е пред нас ќе го одбележи стабилно, суво и сончево време, особено во недела и со појава на мала до умерена локална облачност. Ќе дува слаб до умерен ветер од северен и од северозападен правец.Сепак утрешното утро ќе биде и значително посвежо со минимални утрински температури кој ќе се спуштаат во интервалот од 7 до 17 степени во најтоплите југоисточни предели од државава. Преку денот температурите ќе бидат високи, но не толку високи како што беа изминатите денови, па така тие преку ден ќе се искачуваат во интервалот од 27 до 36 степени.Во Скопје и околината исто така овој викенд ќе имаме стабилно, суво и претежно сончево време. Ќе дува слаб до умерен ветер од северен и од северозападен правец. Температурата ќе се искачува во интервалот помеѓу 30 и 33 степени.

Македонија | пред 1 година

Претстојната ноќ и утре на повеќе места врнежи, грмежи и засилен ветер

Поради продор на значително ладен атмосферски фронт кој ќе пристигне на многу загреана атмосфера и исполнета со енергија, токму поради повеќе дневниот топлотен бран кој ја зафати нашата територија, од попладнево, а особено во текот на претстојната ноќ и утре, на повеќе места низ Македонија ќе има развој на нестабилна облачност проследена со пороен дожд, грмежи и засилен ветер.Локално процесите ќе бидат интензивни и во форма на невреме, проследено со обилен пороен дожд, силен ветер, силни и чести електрични празнења и со појава на град кој би можел да биде покрупен. И во Скопскиот регион очекуваме нестабилно време со повремен пороен дожд, грмежи и со засилен ветер и тоа во текот на претстојната ноќ и утре. Во делови од котлината ќе има услови за појава на невреме.Апелираме во случај на појава на невреме, граѓаните да бидат крајно внимателни, тоа значи во случај на појава на силни електрични празнења да не се претстојува на отворен простор и под осамени дрвја. Исто така во случај на појава на силен ветер и на крупен град автомобилите да се заштитат.Што се однесува до температурите, тие утре ќе бидат за 8 до 10 степени пониски за разлика од сегашните, па така утре максималните дневни температури на воздухот ќе се искачуваат во интервалот од 23 до 31 степен.

Македонија | пред 1 година

Топол бран во Македонија: Не излегувајте без потреба

Денес во Македонија го очекуваме вториот најтопол ден досега оваа година, што значи дека ќе биде уште потопло дури и од вчерашниот ден. Денес максималните дневни температури во Македонија ќе се искачуваат во интервалот од 32 до 40, 41 степен.Времето ќе биде сончево со мала локална облачност, а ќе дува и топол ветер од југозападен правец кој повремено ќе биде и засилен на интензитет.Во Скопје максималната дневна температура денес ќе се искачи до околу 36, 37 степени.Ув индексот ќе има многу висока, до екстремно висока вредност и ќе има коефициент некаде помеѓу 8 и 9, па токму поради ова апелираме граѓаните без потреба да не излегуваат во најтоплиот дел од денот, односно од 11 до 17 часот, и секако да пијат повеќе течности. Исто така поради мачното и спарно време, температурите ќе ги чувствуваме како да се многу повисоки од реално измерените.

Македонија | пред 1 година

Денес и утре температури до 40, 41 степен

Во Македонија денес и утре го очекуваме максимумот на овој топлотен бран од Африка, па така денешниот и утрешниот ден кај нас ќе бидат најтоплите денови досега оваа година. Температурите насекаде ќе надминуваат 30 степени, тие на повеќе места ќе се искачуваат и до околу 35 степени, додека во најтоплите централни и југоисточни предели температурата локално ќе достигне до околу 40, 41 степен.Времето ќе биде сончево со појава на мала до умерена локална облачност, а ќе дува и топол југозападен ветер кој повремено и локално ќе биде засилен на интензитет. Ув индексот ќе има многу висока, до екстремно висока вредност и ќе има коефициент некаде помеѓу 8 и 9. Токму поради ова апелираме граѓаните без потреба да не излегуваат во најтоплиот период од денот, односно од 11 до 17 часот, исто така да пијат и повеќе течности.Во Скопје за време на овој максимум на топлотниот бран температурата ќе се искачи до околу 35, 36 степени.Да напоменеме дека и понатаму од Сахара кон нашата територија ќе се врши транспорт на прашина и на песок, па така и атмосферата ќе биде заматена, а времето ќе биде многу мачно и спарно, што значи дека температурите ќе се чувствуваат како да се многу повисоки од реално измерените.

Македонија | пред 1 година

Покрај многу високите температури, денес попладне можно е невреме

Покрај многу високите температури на воздухот кои се над просекот за месец јуни, но и покрај Сахарската прашина и песок која предизвикува многу мачно и спарно време, денес попладне и тоа поради влијанието на циклонот кој е западно и северозападно од нас, поточно над северна Италија очекуваме и дестабилизација на атмосферата, особено во делови од Скопската котлина, во централните како и во источните предели од државава, но и локално и во југоисточните предели.Токму во погоре споменатите предели очекуваме локален развој на нестабилна облачност, проследена со пороен дожд, грмежи и со засилен ветер. Поради загреаната атмосфера која е исполнета со енергија поради многу високите температури и топлиот бран од Африка, не се исклучува можноста и за локална појава на невреме, проследено со поројни врнежи од дожд, силни грмежи, силен ветер и со појава на крупен град.Апелираме, во случај на појава на невреме, граѓаните да бидат крајно претпазливи, односно во случај на појава на силни електрични празнења да не се претстојува на отворен простор и под осамени дрвја. Исто така и во случај на појава на силен ветер и на крупен град, автомобилите навремено да се заштитат.Максималните дневни температури денес ќе се искачуваат во интервалот од 30 до 38 степени.

Македонија | пред 1 година

Топол бран во Македонија: Температурите ќе се искачат над 40 степени

Топлиот бран кој ќе започне да добива на интензитет и тоа уште од утре па за време на викендот, во текот на следната седмица ќе стане дури и екстремно топол, што значи дека очекуваме екстремно високи температури на воздухот кој насекаде низ Македонија ќе надминуваат 30 степени, на повеќе места температурите ќе се искачуваат до околу 35 степени, додека во централните и во југоисточните предели температурите локално ќе надминуваат дури и 40 степени.Од овој екстремно топол бран најпогодена ќе биде соседна Грција каде температурите локално ќе надминат дури и 45 степени.За време на овој топол бран времето ќе биде сончево со мала локална облачност и суво насекаде низ Македонија. Повремено ќе засилува ветер од југозападен правец и истиот ќе биде многу топол.

Македонија | пред 1 година

Нема фотографија

Топол бран во Македонија: Очекуваме температури до околу 40 степени

Под влијание на многу топла воздушна маса со петекло од северните предели на Африка, во Македонија од овој петок, па се до следниот вторник ќе имаме особено високи температури на воздухот кој ќе се искачуваат во интервалот од 30 до 38 степени, додека во централните и во југоисточните предели температурите се очекува да се искачат дури до околу 40 степени.Времето ќе биде сончево со мала локална облачност, додека во попладневните часови не се исклучува можноста и тоа особено во планинските предели за појава на нестабилност, проследена со краткотраен пороен дожд, грмежи и засилен ветер.Во Скопје за време на овој топол бран и тоа во периодот од овој петок, па се до следниот вторник температурата ќе се искачи до околу 35 степени.Ув индексот ќе има многу висока вредност овие денови и ќе изнесува коефициент помеѓу 8 и 9.

Македонија | пред 1 година

Ново силно невреме ќе ја зафати Македонија, бидете внимателни

Под влијание на циклонска активност од запад и од северозапад, во следните часови во Македонија времето ќе биде многу нестабилно со честа и локална појава на пороен дожд, грмежи и засилен ветер.Поради големата енергија во атмосферата, токму поради топлиот бран од Африка и поради високите температури на воздухот, локално, особено во централните, источните и во југоисточните предели од државава процесите ќе бидат интензивни и во форма на силно невреме, проследено со обилен пороен дожд, силен ветер, силни и чести електрични празнења и со појава на град кој во ваква ситуација би можел да биде и крупен.И во делови од Скопскиот регион ќе биде нестабилно со пороен дожд, грмежи, засилен ветер и со услови за појава на невреме.Поради опасност од појава на невреме, кое би можело да предизвика и локални поројни поплави, но и штети, апелираме на крајна внимателност, односно во случај на појава на силни електрични празнења да не се претстојува на отворен простор и под осамени дрвја. Исто така во случај на појава на крупен град, автомобилите да се заштитат. Секако во случај на појава на силен ветер, истите да не се оставаат во близина на дрвја.Што се однесува до температурите, тие ќе се искачуваат во интервалот од 27 до 35 степени, во Скопје до околу 31-32 степени.

Македонија | пред 1 година

Ризик од појава на посилно невреме во Македонија: Можна е појава и на крупен град

Пред само неколку денови бевме сведоци на појава на силно невреме во Скопско и Кумановско, а особено во Кумановско крупниот град направи и многу штети, оштетени беа дури и цели автомобили а обилните врнежи предизвикаа и поројни поплавувања.Сега постои ризик од ново такво невреме, и тоа за време на викендот, како и во текот на следната недела кога ќе бидеме под влијание на значително потопла воздушна маса на воздухот и тоа со потекло од Африка. Мора да напоменеме дека оваа топла воздушна маса ќе услови натпросечно високи температури на воздухот кој ќе бидат навистина летни и ќе се искачуваат во интервалот од 27 до 35 степени.За време на овој период во најтоплите централни и југоисточни предели можно е локално температурите да надминат и 35 степени.Од друга страна пак, ќе бидеме под влијание на циклонска активност од запад и северозапад на европа и токму ова ќе одржува нестабилна атмосфера кај нас, па така во попладневните часови ќе има локална појава на пороен дожд, грмежи, засилен ветер и локална појава на посилно невреме кое може да направи нови штети, особено поради појава на силен ветер и крупен град. Не се исклучува можноста и за локални поројни поплавувања.И во Скопскиот регион постои можност за нестабилност во попладневните часови и за локално невреме во следниот период, односно за време на овој топол бран за време на викендот и во текот на следната недела.Апелираме на крајна внимателност во случај на појава на невреме и на силни електрични празнења, односно да не се претстојува на отворен простор и под осамени дрвја.Невреме ќе го зафати и регионот и ќе услови обилни врнежи и локални поплави во следните денови. Поради присуство на ладен воздух во центарот на овој циклон и на висина, во Алпскиот регион ќе има и врнежи од снег на самиот почеток од јуни.

Македонија | пред 1 година

Од овој викенд вистински летни температури и до 35 степени

Периодот на локална попладневна нестабилност, проследена со пороен дожд, грмежи, засилен ветер, како и со услови за локално невреме во Македонија продолжува и во следниот период.Меѓутоа, од викендот, па некаде до средината на следната недела под влијание на изразено југозападно струење на висина, температурите позначително ќе пораснат и тие ќе бидат натпросечно високи и навистина летни и тие ќе се искачуваат во интервалот од 27 до 35 степени. Не се исклучува можноста во овој период тие во најтоплите централни и југоисточни предели локално да надминат и 35 степени.Токму поради изразеното југозападно струење на висина, од викендот и тоа од Сахара кон Македонија ќе се врши транспорт на прашина и на песок, па така и атмосферата нема да биде во целост чиста и ќе биде заматена.Во Скопје исто така од викендот температурата значително ќе се покачи и над 30 степени.

Македонија | пред 1 година

Викендов летни температури, но со можни попладневни врнежи и грмежи

Под влијание на значително потопла воздушна маса која од северните предели на Африка ќе продре до нашиот дел од континентот, за време на викендот температурите кај нас ќе бележат тенденција на голем пораст и тие ќе бидат значително над просекот за самиот почеток на јуни и ќе се искачуваат во интервалот од 27 до 35 степени. Значи ќе бидат навистина летни.Времето ќе биде сончево со слаб, повремено до умерен ветер од јужен правец. Ќе има и појава на мала локална облачност.Сепак атмосферата нема да биде во целост стабилна, и тоа поради влијание на циклонски систем од западна европа, па така во попладневните часови локално ќе има појава на нестабилност, проследена со пороен дожд, грмежи, засилен ветер и услови за изолирана појава на град. Поради загреаната атмосфера која ќе биде исполнета со многу енергија градот би можел да биде и покрупен.И во Скопје и околината за време на викендот температурите значително ќе пораснат и максималната дневна ќе се искачи до околу 31 степен.

Македонија | пред 1 година