ХАНТАВИРУС

СЗО потврди нов случај на хантавирус: Бројот на заразени расте

Потврдени се шест случаи на хантавирус од осум сомнителни случаи пријавени по избувнувањето на заразата на крузерот „MV Hondius“ во Атлантскиот Океан, соопшти Светската здравствена организација.Имено, СЗО во соопштението наведе и дека преостанатите два од осум сомнителни случаи се сметаат за „веројатни“.„До 8 мај вкупно се пријавени осум случаи, вклучувајќи три смртни исходи (стапка на смртност од 38 отсто). Шест случаи се лабораториски потврдени како инфекција со хантавирус, а сите се идентификувани како последица на вирусот Андес, за кој е познато дека се пренесува меѓу луѓето“, се наведува во соопштението на СЗО.СЗО напомнува дека четири пациенти моментално се хоспитализирани. Еден е на интензивна нега во Јоханесбург во Јужноафриканската Република, два се наоѓаат во различни болници во Холандија, а еден во Цирих, во Швајцарија.СЗО појасни дека лицето кое се лекува во болницата во Диселдорф, во Германија, било тестирано негативно и „повеќе не се смета за случај“.Крузерот MV Hondius, кој патувал од Аргентина кон Зелено’ртските Острови, е во центарот на меѓународно внимание откако СЗО објави дека три патници починале и дека се сомнева дека биле заразени со хантавирус.

Свет | пред 2 седмици

По епидемијата на хантавирус, патниците од крузерот во 45-дневна изолација

Крузерот MV „Hondius“, на кој се регистрирани случаи на хантавирус, се движи кон Канарските Острови и се очекува викендов да пристигне во Тенерифе, по што дел од патниците ќе бидат евакуирани.Според планот, 19 британски државјани кои сè уште се наоѓаат на бродот ќе бидат пренесени со чартер-лет организиран од британското Министерство за надворешни работи, доколку не покажуваат симптоми на заразата.Првите случаи на заболување се појавиле во април, при што кај патниците биле забележани треска, гастроинтестинални проблеми и тешки респираторни компликации. Досега се потврдени неколку смртни случаи и повеќе сомнителни и лабораториски потврдени инфекции.Некои патници веќе се евакуирани и се лекуваат во различни европски земји, додека други се во самоизолација. Дел од нив се под медицински надзор по појавата на симптоми по напуштањето на бродот.По пристигнувањето во Тенерифе, патниците ќе бидат дополнително прегледани, а оние без симптоми ќе бидат упатени во понатамошна изолација по враќањето во своите земји. Здравствените власти нагласуваат дека ризикот за пошироката јавност останува низок.

Свет | пред 2 седмици

Европски тип на хантавирус имало во 2015 година во Македонија, но сега нема ризик за македонските граѓани од хантавирусот

Институт за јавно здравје соопшти дека во моментов нема опасност ниту ризик за граѓаните на Северна Македонија поврзан со случаите на хантавирус регистрирани на крузерот во Јужниот Атлантик.Од Институтот информираа дека Секторот за епидемиологија е во постојана комуникација со Светска здравствена организација и Европски центар за превенција и контрола на болести, од каде секојдневно добива информации и насоки поврзани со состојбата.„Нема простор за паника, бидејќи во моментот не постои опасност за македонските граѓани“, посочуваат од ИЈЗ.Институтот наведува дека располага со протоколи, реагенси, опрема, стручен кадар и методологија за дијагностика и евентуална реакција доколку има потреба.Од ИЈЗ информираат и дека според податоците од надлежните институции, на крузерот нема македонски државјани ниту меѓу патниците, ниту меѓу екипажот.Во објаснувањето за болеста, од Институтот посочуваат дека постојат два типа на хантавирус – европско-азиски, кој најчесто предизвикува бубрежни симптоми, и американски тип, кој предизвикува респираторни компликации и е регистриран во актуелниот случај на крузерот.Според ИЈЗ, европскиот тип на хантавирус се дијагностицира во Македонија од 2015 година, при што досега биле регистрирани 32 случаи и три смртни исходи.„Овој тип се пренесува од глодар на човек и нема пренос од човек на човек“, објаснуваат од Институтот.Иако во земјава не е регистриран американскиот тип на вирусот, од ИЈЗ препорачуваат граѓаните да одржуваат високо ниво на хигиена и да избегнуваат консумирање храна што можела да биде контаминирана од глодари.Дополнително, беше упатен апел до општините редовно и соодветно да ја спроведуваат задолжителната дератизација.

Македонија | пред 2 седмици

ИЈЗ: Нема ризик за Македонија од смртоносниот хантавирус

Институт за јавно здравје соопшти дека внимателно ја следи состојбата поврзана со пријавениот кластер на хантавирусна инфекција кај патници и членови на екипажот на крузерот MV Hondius во регионот на Јужниот Атлантски Океан.Според податоците на Светска здравствена организација и Европски центар за превенција и контрола на болести, досега се регистрирани осум потврдени и сомнителни случаи, меѓу кои и три смртни исходи.Од ИЈЗ информираат дека во моментов нема регистрирани случаи, патници или блиски контакти поврзани со Македонија, ниту постојат индикации за ризик по јавното здравје во државата.Според досегашните информации, изложеноста најверојатно е поврзана со престој во области каде има природно присуство на глодари, кои се природни резервоари на хантавирусите.Од Институтот објаснуваат дека хантавирусите се група зоонозни вируси кои најчесто се пренесуваат преку вдишување честички контаминирани со урина, измет или секрети од заразени глодари, како и преку контакт со загадени површини.Во соопштението се наведува дека постојат два главни синдроми поврзани со инфекцијата – хеморагична треска со бубрежен синдром, која е регистрирана и во земјава, и хантавирусен белодробен синдром, кој е почест во Северна и Јужна Америка и има значително повисока смртност.ИЈЗ нагласува дека кај повеќето типови на хантавируси не е докажан пренос меѓу луѓе, освен кај одредени видови во Јужна Америка, каде е регистриран ограничен интерхуман пренос.Од Институтот потсетуваат дека не постои специфична терапија или вакцина за хантавирусна инфекција, а превенцијата главно се базира на избегнување контакт со глодари и нивни излачувања.„Според моменталните проценки на меѓународните здравствени институции, ризикот за пошироката популација останува низок“, наведуваат од ИЈЗ.Од таму додаваат дека продолжуваат да ја следат состојбата и дека јавноста навремено ќе биде информирана за сите нови сознанија и препораки.

Македонија | пред 2 седмици

(Видео) Хаос поради епидемијата на смртоносниот хантавирус на крузер: Заразени патници пристигнуваат во Европа

Епидемијата на хантавирус, која досега однесе три животи на крузерот „Хондиус“, продолжува да се шири, а под надзор на властите сега се и патниците од авионите што биле во контакт со заразените лица.Стјуардеса на холандската авиокомпанија КЛМ од Харлем е хоспитализирана поради можна инфекција со смртоносниот вирус, откако била во контакт со 69-годишна Холанѓанка, која подоцна починала.По избувнувањето на заразата на крузерот, првиот швајцарски државјанин бил тестиран позитивно на вирусот и веднаш изолиран. Повеќе лица од различни делови на светот, исто така, покажале симптоми на хантавирус.Најмалку седум лица од бродот се заразени. Меѓу заболените и евакуираните е и Британецот Мартон Ансти, кој изјавил дека е во карантин и дека лекарите наскоро ќе имаат појасна слика за неговата состојба.Според Асошиејтед прес, аргентинските власти претпоставуваат дека холандска брачна двојка најверојатно се заразила при набљудување птици во Ушуаја. За време на турата, тие наводно посетиле и депонија каде што можеби дошле во контакт со глодари.Состојбата со патниците по напуштањето на бродот останува нејасна. Холандските власти денеска соопштиле дека околу 40 патници се симнале од бродот на островот Света Елена во јужниот Атлантик.Меѓу патниците кои се искрцале имало државјани од Велика Британија, САД, Холандија, Канада, Швајцарија, Турција, Германија, Данска, Нов Зеланд, Сингапур, Шведска и други држави. Една Холанѓанка подоцна починала во болница во Јоханесбург.Се очекува крузерот во сабота да пристигне на Тенерифе, а евакуацијата на преостанатите патници да почне во понеделник.За време на крстарењето, на бродот имало 88 патници и 59 членови на екипажот од 23 држави. Првично ќе бидат прегледани во клиники на Канарските Острови, по што ќе се организира нивното враќање во матичните земји.Светската здравствена организација трага и по патниците од летот „Ерлинк 4З132“, кој на 25 април летал од Света Елена кон Јужна Африка. На тој лет била и Холанѓанката која подоцна починала.Според холандските медиуми, идентификувани се сите патници од летот на КЛМ од Јоханесбург до Амстердам.Властите и Светската здравствена организација сега се обидуваат детално да ги реконструираат контактите на заразените лица, вклучително и контактите на бродот, пред качувањето и за време на евакуациските летови.Научниците сè уште немаат целосно објаснување како се пренесува вирусот од човек на човек, но познато е дека тоа се случува при близок и подолготраен контакт. Студија објавена во списанието Фронтиерс ин Мајкробиолоџи укажува дека вирусот може да се пренесува преку респираторниот тракт или плунка.Шпанското Министерство за внатрешни работи соопшти дека евакуацијата на патниците ќе почне на 11 мај, доколку бродот пристигне според планот.Министерството за одбрана на Шпанија и шпанската војска ќе ја координираат операцијата за транспорт на шпанските патници до болница во Мадрид.Шпанија најави и дека земјите членки на ЕУ ќе бидат повикани да ги репатрираат своите државјани од Канарските Острови.

Свет | пред 2 седмици

Американските здравствени власти активираа центри поради епидемија на хантавирус

Американскиот Центар за контрола и превенција на болести активирал центри за итни операции и ја класифицирал актуелната епидемија на хантавирус како „ниво 3“, што претставува најнизок степен на активација во вонредни ситуации, пренесоа американските медиуми.Според здравствените власти, ваквата класификација е вообичаена во оваа фаза и укажува дека ризикот за пошироката јавност и натаму е низок, но дека надлежните служби активно ја следат состојбата.Активирањето на центрите за итни операции значи дека е формиран специјализиран тим кој го координира одговорот на ситуацијата. Во рамки на тој систем, епидемиолози, научници и лекари можат да бидат прераспределени од своите редовни должности за да учествуваат во справувањето со епидемијата.Здравствените претставници соопштиле дека вкупниот број потврдени случаи поврзани со епидемијата расте. Според весникот Њујорк тајмс, властите ја анализираат состојбата на американските државјани кои биле на бродот за крстарење „Ем-Ви Хондиус“, каде што избувнала епидемијата на хантавирус.Досега е познато дека три лица кои биле на бродот починале од вирусот.Повеќе од 100 патници останале на бродот, а СЗО ја следи нивната здравствена состојба.Здравствени претставници во повеќе американски држави соопштиле дека ги следат патниците кои се вратиле во САД по престојот на бродот каде што имало заразени лица. Според прелиминарните податоци, патниците што се вратиле засега не покажале симптоми на болеста, а живеат во Аризона, Калифорнија, Џорџија, Тексас и Вирџинија.Епидемијата на хантавирус избувнала на почетокот на мај на бродот „Ем-Ви Хондиус“ во Атлантскиот Океан, на кој имало 149 лица. Според последните извештаи, седум туристи заболеле, а тројца починале.Хантавирусот претставува група патогени кои можат да предизвикаат оштетување на белите дробови или бубрезите кај луѓето. Повеќето варијанти на вирусот се пренесуваат преку контакт со глодари или нивен измет.Од СЗО соопштиле дека ситуацијата засега не наликува на почеток на пандемија како Ковид-19.

Свет | пред 2 седмици

Српски вирусолог откри детали за хантавирусот: „Нема простор за паника како во време на коронавирусот“

Српскиот вирусолог Миланко Шеклер изјави дека најголем број инфекции со хантавирус се регистрираат во Југоисточна Азија и оцени дека нема причина за паника и сценарија слични на пандемијата со коронавирусот.Тој посочи дека вирусот првпат бил изолиран за време на Корејската војна и го добил името според корејска река. Според него, најмногу случаи има во Кина, Виетнам, Лаос, Тајланд и Камбоџа.Шеклер објасни дека најчесто заболуваат лица кои престојуваат во природа и доаѓаат во контакт со глодари, како ловци, шумари, дрвосечачи и работници во шумски подрачја.Тој нагласи дека подтипот на вирусот што се појавува во Југоисточна Европа се разликува од северноамериканските и јужноамериканските соеви, бидејќи најчесто ги зафаќа бубрезите, а не белите дробови.„Смртноста е помеѓу еден и 15 проценти, а кај дел од пациентите се јавува акутна бубрежна слабост“, изјави Шеклер, додавајќи дека закрепнувањето најмногу зависи од обновувањето на функцијата на бубрезите.Говорејќи за случајот со крузерот MV Hondius, тој рече дека сè уште не е сигурно дали вирусот се пренел од човек на човек. Според него, можно е патниците поединечно да се заразиле преку контакт со простор загаден од глодари на самиот брод.Шеклер додаде дека досега постојат само ограничени и недоволно потврдени случаи на пренос меѓу луѓе и оцени дека таквиот начин на ширење не е типичен за хантавирусот.Тој смета дека е можно дел од патниците да биле заразени уште пред качувањето на бродот, особено ако престојувале во области каде имало контакт со глодари.Вирусологот истакна дека кај најголем број заразени болеста поминува со симптоми слични на грип, додека потешките форми зависат од возраста, имунитетот, количината на внесен вирус и присуството на други заболувања.Во однос на мерките на бродот, Шеклер оцени дека изолацијата на патниците е наједноставното решение и дека нема индиции за неконтролирано ширење на вирусот меѓу луѓето на крузерот.

Свет | пред 2 седмици

Аргентина во трка со времето поради ,,крузерот на смртта": Бројот на инфекции со хантавирус речиси се дуплира

Аргентинските здравствени власти и експерти се обидуваат да утврдат дали токму земјата е извор на смртоносната епидемија на хантавирус што го зафати холандскиот експедициски брод MV Hondius за време на патување кон Антарктикот.Бродот, кој на 1 април исплови од Ушуаја, се наоѓа на пат кон Канарските Острови по серија здравствени инциденти што предизвикаа меѓународна тревога. Досега се потврдени три смртни случаи, едно лице е во тешка состојба на интензивна нега во Јужна Африка, а најмалку седум до осум патници се заразени.Околу 150 лица на бродот се во фактички карантин, додека дел од патниците се затвориле во своите кабини поради страв од понатамошно ширење на инфекцијата.Аргентина во меѓувреме бележи нагло зголемување на бројот на случаи. Министерството за здравство пријави 101 случај на хантавирус од средината на 2025 година, што претставува речиси двојно зголемување во споредба со истиот период минатата година.Светската здравствена организација World Health Organization ја рангира Аргентина меѓу земјите со највисока зачестеност на оваа ретка, но опасна болест во Латинска Америка.Според медицинските експерти, доминантниот јужноамерикански сој, познат како андски хантавирус, може да предизвика тежок белодробен синдром со висока смртност, а се пренесува преку контакт со заразени глодари и нивните излачувања.Специјалисти предупредуваат дека климатските промени дополнително придонесуваат за ширење на болеста преку зголемување на популацијата на глодари и промени во еколошките услови.Дополнителна загриженост предизвика информацијата дека дел од патниците на бродот претходно биле искрцани на островот Света Елена пред официјалното откривање на епидемијата, што отвора прашања за можно понатамошно ширење на инфекцијата.

Свет | пред 2 седмици

Холандија потврди: патници се искрцале од крузерот со смртоносниот хантавирус

Околу 40 патници од крузерот погоден од епидемија на хантавирус претходно се искрцале на островот Света Елена во јужниот Атлантски Океан, соопштија холандските власти.Холандското Министерство за надворешни работи наведе дека меѓу лицата кои го напуштиле бродот се и сопругата на еден холандски државјанин кој починал за време на патувањето, како и уште две лица кои веќе биле под медицински надзор или хоспитализирани поради сомневање за инфекција.Здравствените и дипломатските служби продолжуваат да ја следат состојбата и да ги координираат понатамошните мерки во врска со патниците и бродот, додека се проценува ризикот од можно понатамошно ширење на инфекцијата.

Свет | пред 2 седмици

Можно присуство на смртоносниот хантавирус и во Европа - патниците од „смртоносниот крузер" во изолација

Британските здравствени власти соопштија дека две лица кои се вратиле во Обединетото Кралство од крузерот „МВ Хондиус“, поврзан со избувнување на хантавирус, се ставени во самоизолација како превентивна мерка.Агенцијата за здравствена безбедност на Велика Британија нагласи дека ниту еден британски државјанин на бродот не пријавил симптоми на хантавирус, но додаде дека нивната здравствена состојба се следи внимателно.Луксузниот брод со околу 150 патници се очекува да пристигне на шпанскиот остров Тенерифе во рок од три дена, соопшти шпанското Министерство за здравство.Во текот на епидемијата на бродот починале три лица – холандски брачен пар и германски државјанин. Кај осум лица постои сомнеж за инфекција, додека кај тројца е потврдена лабораториски.Хантавирусот е ретка, но потенцијално смртоносна вирусна инфекција која најчесто се пренесува од глодари на луѓе, преку контакт со нивните излачувања или телесни течности.

Свет | пред 2 седмици

Светот во страв од смртоносниот хантавирус: Аргентина испитува глодари во Ушуаја

Аргентинското Министерство за здравство соопшти дека во Ушуаја ќе бидат испратени стручни тимови за спроведување истрага и анализа на глодари поради можно присуство на хантавирус, откако беа регистрирани случаи поврзани со крузерот „МВ Хондиус“.Тимовите ќе вршат фаќање и испитување глодари во подрачјата низ кои се движеле патниците, со цел да се утврди дали хантавирусот е присутен во природните резервоари, соопшти ресорното министерство, пренесува „Буенос Аирес тајмс“.Бродот испловил од Ушуаја на 1 април, а подоцна бил закотвен во близина на Зеленортските Острови, откако починале тројца патници за кои постои сомневање дека биле заразени со хантавирус. Истрагата засега не потврдила дека инфекцијата потекнува од Аргентина.Според здравствените податоци, хантавирусот најчесто се пренесува преку контакт со заразени глодари, односно преку нивната урина, измет или плунка. Пренос од човек на човек е редок, но е можен кај одредени соеви на вирусот.Аргентинското Министерство за здравство наведува дека во покраината Огнена Земја, каде што се наоѓа Ушуаја, нема пријавено случаи уште од 1996 година. Стручњаците посочуваат дека во Аргентина секоја година се бележат поединечни случаи, но не и епидемии.Според официјалните податоци, годинава се регистрирани 42 случаи, додека во последните 12 месеци биле евидентирани 101 случај, што е речиси двојно повеќе во споредба со истиот период минатата година. Експертите нагласуваат дека зголемувањето на бројот на случаи не укажува на епидемија, туку на поединечни инфекции што редовно се појавуваат во земјата.Во меѓувреме, здравствените власти во Барилоче потврдија нов случај на болеста кај 45-годишен пациент, кој е хоспитализиран и префрлен на интензивна нега, додека членовите на неговото семејство се ставени во превентивна изолација.Истрагата за потеклото на инфекцијата е во тек, бидејќи пациентот неодамна престојувал во повеќе покраини во северниот дел на Аргентина.

Свет | пред 2 седмици

Два случаи на инфекција со хантавирусот и на Тајван, Тајпеј нареди масовна акција против глодари

Градоначалникот на Тајпеј, главниот град на Тајван, Чанг Ван-ан, изјави дека градската управа спроведува сеопфатен проект за уништување на глодарите на ниво на целиот град, при што ќе се реализира чистење во сите 12 окрузи најмалку еднаш, по пријавени два случаи на инфекција со хантавирус.Повикувајќи се на податоците од Министерството за здравство и социјална заштита, Центрите за контрола и превенција на болести и Министерството за животна средина, Чанг истакнал дека бројот на случаи не покажува зголемување и дека е во рамки на претходните години. Тој додал дека граѓаните не треба да бидат загрижени, бидејќи градските служби активно работат на сузбивање на проблемот.Од почетокот на годината се спроведуваат засилени мерки за контрола на глодарите, при што службите за заштита на животната средина вршат редовни инспекции, дезинфекција и активности за спречување на нивното навлегување во станбени објекти. Целта е да се елиминираат изворите на храна и местата каде што се размножуваат глодарите.Според здравствените власти, во Тајпеј засега нема нови случаи на инфекција, а во тек се и кампањи за подигнување на свеста кај населението за одржување на чиста животна средина и спречување на наезда на глодари.Првиот случај на хантавирус во 2026 година во градот бил регистриран во јануари кај маж во седмата деценија од животот, кој починал по развој на тешки компликации, вклучувајќи сепса и откажување на повеќе органи. Вториот случај е потврден во март во Новиот Тајпеј, по што пациентот бил успешно лекуван и отпуштен од болница.Хантавирусите се група вируси кои најчесто ги инфицираат малите цицачи, но можат да се пренесат и на луѓето, при што во потешки случаи предизвикуваат сериозни оштетувања на белите дробови, срцева слабост и хеморагична треска.Овој вирус привлече внимание и по претходни случаи на смрт на патници на крузерот „MV Hondius“, кој пловел од Аргентина кон Зелено’ртските Острови.

Свет | пред 2 седмици

Шпанија подготвува евакуација на патниците од курзерот со ханта вирус

Холандскиот круизер „МВ Хондиус“, на кој е регистрирано ширење на хантавирус, се очекува да се упати кон Канарските Острови, соопшти шпанското Министерство за здравство, кое подготвува план за евакуација и медицинска грижа за патниците и екипажот. Двајца членови на екипажот, меѓу кои и бродски лекар, имаат потреба од итна медицинска помош и треба да бидат пренесени со медицински авион.Планирана е евакуација и на уште едно лице поврзано со германски државјанин кој починал, додека здравствените власти ги утврдуваат приоритетите за итна интервенција. Бродот претходно бил закотвен кај Зеленортските Острови, каде што не било можно да се спроведе целосна медицинска операција.На бродот се наоѓаат околу 149 лица од 23 земји, кои се под строги превентивни мерки. Тројца патници починале по појавата на вирусот за време на патувањето што започнало од Аргентина пред околу еден месец. Според планот, останатите патници треба да пристигнат на Канарските Острови во наредните три до четири дена, при што сè уште не е утврдена точната локација за пристанување.Операторот на бродот најави дека пристанувањето најверојатно ќе биде на Гран Канарија или Тенерифе, бидејќи тие се најблиските локации со соодветни здравствени капацитети. Според надлежните, по пристигнувањето ќе бидат спроведени детални медицински прегледи, а патниците ќе добијат неопходна нега пред да започнат со враќање во своите земји.Контактот со локалното население ќе биде строго ограничен, а сите активности ќе се одвиваат во посебно организирани услови со цел да се спречи ширење на инфекцијата и да се заштитат здравствените работници. Според најновите податоци, досега се евидентирани седум случаи на хантавирус, од кои два се потврдени, додека останатите се под сомнеж.

Свет | пред 2 седмици

Шпанија бара дополнителни анализи пред да го прими заразениот крузер со хантавирус

Круизерот „MV Hondius“, на кој е регистрирана појава на хантавирус, би можел да го продолжи патувањето кон Канарските Острови, соопшти Светската здравствена организација (СЗО), иако шпанските власти засега не донеле конечна одлука за негово прифаќање.Според претставничката на СЗО, Марија ван Керхове, планот е бродот да пристигне на Канарите, каде што би се спровела целосна истрага и проценка на ризикот за патниците. Таа нагласи дека ризикот за пошироката јавност е низок, бидејќи хантавирусот не се шири лесно како грип или ковид-19.Сепак, шпанското Министерство за здравство соопшти дека одлуката за пристанување нема да биде донесена сè додека не се анализираат епидемиолошките податоци собрани за време на престојот на бродот кај Зеленортските Острови. Дотогаш ќе се разгледуваат сите можни опции за најсоодветно пристаниште.На бродот има околу 150 лица, откако тројца патници – холандска брачна двојка и германски државјанин – починаа, а неколку други се разболеле. Еден британски државјанин е евакуиран и се лекува во Јужна Африка.СЗО информира дека се идентификувани вкупно седум случаи на хантавирус – два потврдени и пет сомнителни. Властите на Зеленортските Острови претходно не дозволија бродот да се закотви од претпазливост.Хантавирусот може да предизвика тешки респираторни заболувања и најчесто се пренесува преку контакт со измет или урина од заразени глодари. Преносот меѓу луѓе е редок, а специфичен лек не постои – третманот се базира на медицинска поддршка.

Свет | пред 2 седмици

Забрането искрцување од крузер поради сомнеж за смртоносен вирус, засега три лица починати

Драмата на крузерот MV Hondius продолжува, откако властите на Зеленортските Острови одбија да дозволат искрцување на патниците поради ризик од ширење на зараза. Бродот со околу 150 лица се наоѓа закотвен во отворени води, додека здравствените власти ја следат ситуацијата.Според Светската здравствена организација, три лица починале, а повеќе патници и членови на екипажот покажале симптоми поврзани со хантавирус. Дел од заразените имаат тешки респираторни компликации, а некои веќе се евакуирани во Јужна Африка, каде што едно лице е во критична состојба.Крузерот, управуван од Oceanwide Expeditions, пловел на релација од Аргентина кон Антарктикот кога била пријавена појавата на вирусот. На бродот има 24 членови на екипажот и 87 патници, а меѓу заболените има и дел од персоналот.Од СЗО посочуваат дека ризикот за пошироката јавност е низок, но истрагата за потеклото на инфекцијата е во тек. Потврден е најмалку еден случај на зараза, додека останатите се третираат како сомнителни.Хантавирусот најчесто се пренесува преку контакт со заразени глодари или нивни излачувања, а во ретки случаи може да се пренесе и меѓу луѓе. Во меѓувреме, здравствените власти работат на организирање медицинска евакуација и дополнителни мерки за заштита на патниците и екипажот.

Свет | пред 2 седмици