загаден воздух

Загаденоста опаѓа, но Скопје останува меѓу најзагадените градови и надвор се дишат отрови

Се намалува загаденоста во Скопје, покажуваат мерните станици поставени на повеќе локации низ градот. Спроед сајтот „Мој воздух“, најголем дел од локациите каде светеше виолетова боја, сега свети портокалова, а на некои места и црвена - што означува пониско ниво на загаденост. Но и покрај ова, Скопје е во првите три градови по загаден воздух, а штетноста по здравје и натаму е присутна.Според мерните станици, највисоки вредности на загаденост има во Карпош 4, Керамидница, Тасино Чешмиче, Кисела Вода кај полициската станица „пролет“, Припор, Сопиште. Со црвена боја, односно пониска загаденост, се обоени мерните станици во Маџари, Ново Лисиче, Дебар маало, Капиштец, Скопје Север, Карпош 4 (втора мерна станица), населбата Даме Груев, Визбегово.Надвор пак, и натаму има ниско спуштена магла, која го отежнува сообраќајот, а утринава, ги парализираше и летовите на скопскиот аеродром.Скопјани сепак силно критикуваат бидејќи и оваа зима дишат отрови.

Скопје | пред 2 дена

Скопје на „високото” второ место како најзагаден град во Европа

Скопјани и денеска дишат отровен воздух. Загаденосто и утрово е многу висока.Според светскиот сервис IqAir Скопје, утрово е на 20 место во светот и на второ во Европа по загаденост.Според податоците, најзагаден воздух дишат жителите на населбата Илинден.Според податоците од мапата на Европската агенција за животна средина , која го следи индексот на квалитет на воздухот во европските земји, Македонија е во најлошата категорија кога станува збор за концентрации на честички PM2.5 и PM10, со екстремно високо загадување на воздухот.Измерените концентрации на PM2.5 во земјата се неколку пати над максималната дозволена граница од 25 микрограми на кубен метар, што претставува сериозен здравствен ризик за населението. Овие честички се меѓу најопасните загадувачи, бидејќи лесно продираат длабоко во белите дробови и крвотокот на луѓето.

Скопје | пред 3 дена

Воведени итни мерки поради екстремно загадување

Министерството за животна средина и просторно планирање воведе низа мерки за скопските населби Центар, Гази Баба, Карпош и Лисиче откако мерните станици регистрирале зголемено загадување на воздухот.„Според податоците од Државниот автоматски мониторинг систем за квалитет на амбиенталниот воздух и добиената временска прогноза од Управата за хидрометеоролошки работи, прагот на алармирање на суспендирани честички со големина до 10 микрометри (надминување на вредноста од 150 милиграми на кубен метар во текот на два последователни денови) е надминат на мерните места во Центар, Гази Баба, Карпош, Лисиче и Ректорат“, соопшти Министерството.Според објавените мерки, им се препорачува на сите работодавци да ги ослободат од работните обврски бремените жени, лицата постари од 60 години и лицата со хронична астма, прележан миокарден инфаркт или мозочен удар, без разлика на возраста.Министерството бара да се засилат вонредните инспекциски надзори на инсталациите со А-Интегрирана еколошка дозвола и на инсталациите со Б-Интегрирана еколошка дозвола и Елаборати, а инсталациите со континуиран мониторинг да овозможат јавен пристап до измерените податоци.„Да се интензивираат вонредните контроли на техничката исправност на возилата, особено оние со дизел горива и нерегистрирани возила и вонредните контроли на градилиштата, а се забранува горење на отворено“, соопшти Министерството за животна средина.Исто така, им се препорачува на сите работодавци да го реорганизираат работното време, а лицата кои работат на отворено да работат од 11 до 17 часот.

Македонија | пред 4 дена

(Фото) Само една мерна станица во Скопје покажува чист воздух

Сите мерни станици во Скопје утрово регистрираат екстремна загаденост на воздухот – состојба што граѓаните ја живеат речиси секоја зима. Највисоките вредности, според апликацијата „Мој воздух“, се измерени во централното градско подрачје, додека единствено релативно чист воздух има на врвот на Водно.Изминативе денови Македонија се наоѓа на врвот од листата на држави со најзагаден воздух во Европа, а во одредени моменти и во светот, според рангирањата на платформата IQAir. Често, Струмица знае да го надмине и Скопје по загаденост.Здравствените експерти препорачуваат граѓаните да го ограничат престојот на отворено, особено во утринските и вечерните часови кога загадувањето е најизразено. Се советува користење јавен превоз наместо лични возила, како и заедничко возење за намалување на емисиите.Во домовите, граѓаните се повикуваат да не користат отпадни материјали за греење, како лакирано или обоено дрво, мебел, стиропор, пластика, гума и други синтетички материјали, чие согорување ослободува исклучително токсични честички. Посебен акцент се става и на правилна употреба и редовно одржување на печките, со користење суво и квалитетно гориво.Во услови на екстремно загадување, се препорачува прозорците и вратите да останат затворени, а при неопходен престој на отворено да се користат заштитни маски од типот FFP2 или N95. Дополнително, се советува избегнување физички активности на отворено.Придржувањето до овие мерки може значително да го намали внесот на штетни честички и да помогне во заштитата на здравјето, особено кај најранливите категории граѓани.

Скопје | пред 4 дена

Скопје се гуши во смог, Струмица уште позагадена

Скопје утрово повторно се соочува со сериозно загадување на воздухот. Според мерењата на домашните мерни станици, а рангирањето на швајцарската апликација „Ај Кју Ер“ (IQAir), индексот на загаденост во главниот град достигна 102, што го става во категоријата „нездрав воздух“.На светската листа на најзагадени градови, Скопје утрово се најде на 26. место. Во регионот, полоша состојба има само Сараево, кое се искачи на првото место на оваа неславна листа.Од градовите во земјава, поизразено загадување од Скопје е измерено само во Струмица, каде индексот на загадување достигна дури 226. Според утринските мерења, во воздухот во Скопје се регистрирани 35,9 микрограми ПМ2,5 честички на метар кубен, како и 2,9 микрограми јаглерод моноксид.Највисоки концентрации на загадувачки честички во главниот град се измерени во реонот кај Млечен ресторан и во населбата Острово, додека зголемени вредности се регистрирани и во Центар и Чаир.Здравствените власти апелираат до граѓаните, особено до ранливите категории – деца, повозрасни лица, хронично болни и бремени жени – поголем дел од денот да го поминуваат во затворени простории, по можност со прочистувачи на воздух, и да избегнуваат подолг престој на отворено.

Македонија | пред 6 дена

Скопје се гуши, попладнево е на 15то место во светот по загаден воздух

Скопје се најде на 15 то место на глобалната листа на најзагадени градови во моментов, покажуваат најновите мерења на платформата за следење на квалитет на воздух.Скопје има индекс на квалитет на воздухот (AQI) од 97, што го вбројува во категоријата „нездрав за чувствителни групи“.На табелата ,,водат” Дака и Дубаи. Скопје е веднаш зад Манама и Лима.Загрижува фактот што зимата и грејната сезона се уште не се во полн ек.

Скопје | пред 1 месец

Штетен е воздухот кој се диши: Скопје на шесто, Македонија на десето место по загаденост - полошо е во Пакистан и Бангладеш

Не е здрав воздухот кој се диши во Скопје, покажува сервисот „IQAir“. Според него, Скопје е шести најзагаден град во светот. Полошо рангирани со позагаден воздух се Ханои во Виетнам, Делхи во Индија, Дака во Бангладеш, Лахор и Карачи во Пакистан.Истовремено, Македонија е на десеттото место по најзагаден воздух во светот. Позагадено е во само во Пакистан, Кина, Таџикистан, Турција, Индија, Уганда, Бангладеш, Конго, Камбоџа.[caption id="attachment_319348" align="alignnone" width="2136"] Screenshot[/caption]Загадениот воздух ни штети на сите, но најранливи се постарите лица, децата, како и лицата со хронични срцеви и белодробни заболувања. Воздухот, како надворешниот, така и оној внатре во нашите домови, може да биде загаден.

Македонија | пред 11 месец

Скопје и на првото место по најзагаден воздух во светот

Скопје успеа да се качи на првото место во светот на листата која ги прикажува градовите со најзагаден воздух во светот, а потоа постепено да падне на 11-то место. Од многу штетен, сега воздухот во главниот град е штетен. Сите овие податоци ги покажува сервисот „IQAir“, која добива податоци од мерни станици низ целиот свет, ги сортира и рангира.Нивото на PM2.5 во 21:58 часот беше 37,7 пати повисоко од годишната дозволена вредност според Светската здравствена организација.Зимскиот период за нашиот главен град, како и за повеќето населени места ширум земјава, неизбежно значи – рекордно загаден воздух. За жал, овој круцијален проблем станува актуелен само во зимскиот период, кога мерните станици регистрираат вредности и 50 пати над дозволените. Загадениот воздух е најопасниот надворешен фактор што придонесува за ризик од болести и прерана смрт.Загадениот воздух ни штети на сите, но најранливи се постарите лица, децата, како и лицата со хронични срцеви и белодробни заболувања. Воздухот, како надворешниот, така и оној внатре во нашите домови, може да биде загаден. Факторите кои го загадуваат воздухот надвор се делат на природни — односно биогени, и човекови — односно антропогени. Загадувачи на воздухот од природно потекло се шумските пожари и прашината од пустините.

Скопје | пред 11 месец

Денеска ќе се протестира во Скопје, целта е чист воздух: Од 3.828 до 5000+ луѓе во Македонија ги губат своите животи

Денеска во 16:00 часот ќе започне најавениот протестен марш за чист воздух. Протестот ќе започне од Министерство за животна средина и просторно планирање, ќе продолжи пред преку Собранието, а маршот ќе заврши пред Владата на Северна Република Македонија.Организаторите „Зелен хуман град“ и „Шанса за Центар“ велат дека го организираат протестот бидејќи секоја година од 3.828 до 5000+ луѓе во Македонија ги губат своите животи како директна последица на изложеноста на штетните честички PM2.5. Ова претставува 17,7% од вкупната смртност во државата. Особено загрижувачки е фактот дека едно од девет починати деца под една година го губи животот поради загадениот воздух, посочуваат од Зелен хуман град.Бараме од надлежните институции, се истакнува во најавата за маршот, итно и системско справување со загадувањето на воздухот преку имплементација на овие ефикасни мерки кои ќе го заштитат здравјето на граѓаните и драстично ќе го намалат аерозагадувањето.Сите предлог мерки неопходни во справувањето со аерозагадувањето се објавени тука: https://mojgrad.mk/blog/protest-za-chist-vozduh/Организаторите ги повикуваат сите граѓани да бидат дел од маршот затоа што, „правото на чист воздух следува! Искористи го протестот за да го изразиш своето барање за чист воздух од институциите“.[caption id="attachment_316537" align="alignnone" width="663"] Screenshot[/caption]

Скопје | пред 1 година

Загадувањето стигнува на голема врата: Македонија меѓу првите 20, Скопје во првите 10, во светот

Македонија на 18-то место, а Скопје на седмо. Вака според глобалните веб-страници за рангирање по квалитет на воздух, котираме ние. Ова значи дека кај нас се дише нечист воздух со ПМ10 честички над дозволените граници.Според страницата „Iqair“ во Скопје се дише воздух кој е штетен за здравјето. Понеквалитетен воздух според оваа страница има во Мумбаи, Каиро, Ташкент, Багдад, Делхи, Лахор.[caption id="attachment_311557" align="alignnone" width="2218"] Screenshot[/caption]

Македонија | пред 1 година

Пак истото ветување за намалување на загадениот воздух: ќе се гасифицирале урбани средини

Заменик-премиерот и министер за животна средина, Изет Меџити, коментираше и за планот за намалување на загадувањето на воздухот преку акционен план на владата.„Имаме акционен план за намалување на загадувањето на воздухот. Еден од проектите е гасификација на урбаните центри, иако неколку пати не успеал, треба да се проба повторно бидејќи има заинтересирани компании кои би го спровеле ова преку јавно-приватно партнерство“, рече Меџити во „Пик Подкаст“.

Македонија | пред 1 година

(Видео) Добро утро Скопје... од Водно

Во градот граѓаните со поплаки дека тешко се диши, но и дека прочистувачите во нивните домови покажуваат загаденост веднаш штом отворат врата или прозор. Од Водно пак, се доловува што се диши во градот. Загденоста и годинава проблем. Поовеќе на темата:

Скопје | пред 2 години

(Видео) Скопје останува во десетте најзагадени градови, според сервисот релевантен за Арсовска

Македонија и денеска е во листата на десетте најзагадени држави, а Скопје во десетте најзагадени градови во светот. Сервисот „waqi.info“ која ги споредува податоците од мерните станици и прави рангирање, а релевантен за градоначалничката Данела Арсовска - покажува дека од десет населени места, пет се во Скопје.Па така, утрово најголема загаденост во Скопје, има во Шуто Оризари, Ѓорче Петров, Чаир, Центар, Илинден. Од останатите градови, на листата се Ресен, Струмица, Тетово, Кичево и Битола.Градските власти и првиот човек Арсовска, немаат презентирано план како ќе се справуваат со енормната загаденост која влијае и врз здравјето на граѓаните. За нив, нема загаденост.„Скопје1“ сними како изгледа градот гледано од највисоката точка - Водно. Со самото качување на таа надморска височина, се осека разликата.

Скопје | пред 2 години