ЗДРАВСТВО

Министерот Демири во одбрана на директорката на Токсикологија

Откако на денешната прес конференција Министерот Демири најави разрешување на директори на клинички беше запрашан дали ќе ја разреши и организациската директорка на Клиниката за Токсикологија, Бесија Иљази, околу која последните месеци се низа скандали.,,Таа не го прекршила законот. Каде беше ДСЗИ кога тие пет месеци не примале плата и да реагираат? Каде е ДСЗИ да достави извештај за случувањата на хируршките сали.”, рече Демири.,,Сте се фатиле околу Бесија. Таа не ги вработиле тие 18 лица, туку се вработени во 2023. Каде бевте вие и останатите директори и министрите да кажувате за квалитет и неквалитет? Зошто дозволувате тие луѓе да се на список на дежурства и смени, а месец дена пред изборите, реагирате зошто се вработени? Имам факти дека медицинскиот директор заедно со другиот колега кои се трудеа да направат мобинг, сум ги разрешил. Бесија кога ќе го прекрши законот, ќе биде разрешена. Таа не го прекршила законот. Каде беше ДСЗИ кога тие пет месеци не примале плата и да реагираат? Каде е ДСЗИ да достави извештај за случувањата на хируршките сали.”, рече Демири.

Македонија | пред 2 години

Треба да лечиме или да баеме?! Матичните доктори добија мејлови со намалување на сумата од капитација за терапија, алармира Дервишова

Претседателката на Здружението на приватни лекари, Лили Чолакова-Дервишова алармира дека за време на викендот кој измина, здравствените власти решиле да ја намалат сумата за капитација во два дела во однос на препишана терапија, која ја земаат матичните доктори. Таа бара итна промена на буџетот.“За викендов матичните доктори добија мејлови со намалување на сумата од капитацијата и за делот на хронична тетапија и во делот за антибиотици и анксиолитици!!! Дали треба не квалитетно да лечиме,дали треба да баеме!!! Под итно да се смени буџетот за лекови за матични доктори!!! Огромен дел од лековите кои ги пропишуваме се по препорака од специјалисти,антибиотици,анксиолитици и се друго.Не смее само нас да ни се крати за работење“, напиша Чолакова-Дервишова па додаде:„Дали знаете колку проблеми има народов??? Ние сме доктори За нас на прво место е здравјето на нашиот народ!!! Дали се слушаме??? Под итно да се донесе промена на буџет на Управен на ФЗОМ,кој ќе важи ретроградно од почеток на годината!!! Со месеци има некоја сува кашлица кај пациентите која трае по три недели и како да ја лекуваме ,со волшебно стапче??? Кили направија луѓето од кашлање!!! Огромен број влезови,нема блокирани болници,еден тон разводи,фамилијарни проблеми,животов не им е розов на луѓево и мора терапија да примаат за да го издржат притисокот на времето и животот!!! Чекаме одговор…“

Македонија | пред 2 години

„Многу сум загрижен за нефунцкионирањето“ - кислородната мрежа на Клинички ќе се проверува дел по дел

Дел по дел треба да се испитува кислородната мрежа во Клиничкиот центар, за да се утврди од каде доаѓа смрдеата која стига до салите за операција. Ова го кажа министерот за здравство, Илир Демири. Тој кажа дека е многу загрижен и бидејќи нема бекап.„Огромна мрежа е, треба да се испита дел по дел. Јас сум многу загрижен за нефункционирањето. Иако тешките случаи ќе се интервенираат, со помош на надворешните компресорски единици ставени во КАРИЛ. Јас не сум министер четири години туку два месеци, го правам максимумот за да го решам проблемот. Ги имам сите ресурси ангажирано, и дадов налог без разлика на цената да се реставрира целата компресорска станица“, рече Демири.Тој кажа дека би ги разрешил сите директори на Клинички центар, а имаше и забелешка на бројот на директори.

Македонија | пред 2 години

Разрешен Шокаровски од директорската фотелја на Кардиохирургија: Пациенти прегледувани без да ги има во систем, лоши меѓучовечки односи меѓу песоналот

Разрешен медицинскиот директор од Клиниката за кардиохирургија, Марјан Шокаровски. Министерот за здравство, Илир Демири, кажа дека преку ред биле пуштани лица во Клиниката, а не биле внесувани во системите. Според него, таму и натаму има нарушени меѓучовечки односи.„170 лица не биле внесени во Мој термин. Денеска одлучив да го суспендирам медицинскиот директор Шукаровски. Крајно нарушените меѓучовечки односи е втората причина за ваквата одлука. Бидејќи сум министер во заминување сакав ова да го одложам, за наредниот министер.. Таму треба директор да биде експерт од надвор“, рече Демири.Д-р Шокаровски е супспецијалист по кардиохирургија, завршена во Универзитетски клинички болнички центар- Загреб, Хрватска со повеќегодишно хируршко и академско искуство во оваа област, раководител е на оперативниот блок, ангажиран е и како асистент на Медицински факултет-Скопје. Тој е дел од тимот на досега извршените трансплантации на срце во нашата држава, вклучен и во иновативните хируршки интервенции на срце со минимален инвазивен пристап. Исто така се едуцирал во повеќе земји, како Германија, Австрија, Англија, Франција, Бугарија, Србија и присустувал на голем број меѓународни конгреси, се наведува во соопштението од Министерството за здравство.Доктор Шокаровски дојде на местото на кардиохирургот Јовев.?si=-HrzpIYbwG1A6xGp

Македонија | пред 2 години

Смрдеата низ станиците за кислород на Клинички присутна: не се знае која е причината, необјасниво е што се случува

Министерот за здравство, Илир Демири, кажа дека 8-9 дена има проблем со кислород станиците во Клиничкиот центар кои се користат при оперирање на пациенти. Не знаат од каде доаѓа проблемот. Присутна е миризба, а за Демири е необјасниво што се случува и која е причината за проблемот. Тој јавил и во Обвинителството да проверат за што станува збор.„Некаде пред 30 години се градени, точно 30 години е компресорската станица. Пред месец дена имаше хаварија во компресорската станица кога се расипа еден од компресорите и доведе до влегување на улје во тие цевки, па тој компресор е изваден од финкција, Клиниката функционираше со два компресори, имаше технички преглед од независни фирми. Хибербарната комора ја извадивме од функција. Побарав од менаџерите да поднесат барање за сервисирање на компресорите“, рече министерот и додаде:„Пред 8-9 дена имаше исти проблем, без да има хаварија во системот, едноставно има лоша миризба во дистрибутивната мрежа на кислород. Ги повикавме независните фирми, спроведоа испитување, а во Северна Македонија нема лиценцирана компанија за лиценцирање за квалитетот на испорачување на гласови. Побаравме странска компанија и испратени се мостри во Германија. Од двете компании не нашле никаков недостаток во квалитетот на гасови, освен што има зголемена влага. Препорачаа промена на филтри во компресорските станици“.Според Димири, ќе се користат надворешни компресори се додека не се најде конкретно решение за постоечките кои ги има Клинички.

Македонија | пред 2 години

ДСЗИ: Договорите на нововработените се само со потпис од Иљази

Државниот санитарен и здравствен инспекторат (ДСЗИ) откри дека договорите за вработување на 18 лица на Клиниката за токсикологија се неважечки, што претставува прекршување на Законот за здравствена заштита. Министерството за здравство ја задржува надлежноста да го реши проблемот и да утврди соодветни активности.„Што се однесува до потпишувањето акти на самата клиника од страна на медицинскиот и организацискиот директор, кои имаат заедничка надлежност, децидно стои во Законот за здравствена заштита дека договори за вработување треба да бидат потпишани од двајцата директори, како и за отказни решенија, јавни набавки. Во овој случај станува збор за договори за вработување кои се потпишани само од организацискиот директор“, вели директорката на ДСЗИ, Рената Младеновска.Таа вели дека извршиле контрола на Клиниката откако на 2 мај издадоа решение во кое се забрани пристап на здравствени работници и работници кои немаат важечки договори за вработување и извршување здравствена дејност.

Македонија | пред 2 години

Разрешен медицинскиот директор на Клиниката за токсикологија, но не и економската директорка Бесија Иљази

Министерот за здравство во заминување, Илир Демири го разреши директорот на Токсикологија, д-р Данил Петровски, но не и економската директорка, Албанката Бесија Иљази која не знае македонски јазик, не е редовна на работа и против која неодамна протестираа лекарите од оваа клиника, меѓу кои и со звање професор и примариус. Демири ја оствари својата закана дадена пред да завршат изборите и Токсикологија ја остава во несредена состојба.Од министерството за здравство само кусо соопштија дека тој е разрешен поради „неправилности во работата“ без да се прецизираат за што точно станува збор, и кои членови од Законот тој ги прекршил.Директорот Петровски потврди дека е информиран од правната служба за неговото разрешување но не сакаше да даде изјава. Вели дека ќе го чека образложението на решението пред да даде било каков коментар. Не ја исклучува можноста да е разрешен бидејќи дежурал на Клиниката во период кога е на одмор а тоа го сторил исклучиво поради недостиг на кадар.Бесија Иљази ја остави Клиниката за токсикологија без биолог и без осигурување (имаше хаварија поради поплава од пукната парно цевка) поради што токсиколошката лабораторија работи незаконски, само со еден лаборант, но тоа не беше причина да биде разрешена. Оваа состојба не е ни констатирана од Државниот здравствен и санитарен инспекторат.

Македонија | пред 2 години

Бројот на заразени од голема кашлица се намалува, минатата недела пријавени 27 нови случаи

Институтот за јавно здеавје во новиот извештај објави дека во текот на изминатата недела во земјава се регистрирани 27 нови случаи на голема кашлица.Ова е намалување од 41,3 проценти во однос на претходната недела. Најголем дел од заразените се во Скопје, а нивната возраст се движи од еден месец до 54 години. Најголемиот број случаи се регистрирани кај деца од 10 до 14 години.Четворица од новопријавените 27 случаи на голема кашлица се хоспитализирани.Заклучно со 25 април, како што стои во извештајот на ИЈЗ, пријавени се вкупно 516 случаи на голема кашлица досега.Од заболените, хоспитализирани се 73 лица, а 59 од нив се на возраст до четири години.„Епидемиската крива укажува дека појавувањето на нови случаи на голема кашлица започнува во првата недела од 2024 година. Согласно податоците од евиденцијата на пријавувањето, за седмодневен период од понеделник-недела, се забележува континуиран пораст на бројот случаи на неделно ниво, до 12. недела. Од 12. недела, со мали варијации, бројот на пријавени случаи се намалува“, се вели во извештајот на ИЈЗ.Во периодот од 18 јануари до 25 април годинава, аплицирани се 42 857 дози вакцини против голема кашлица.Се намалува и бројот на заразени со грип.Од 15 до 21 април 2024 во земјава биле пријавени 120 случаи на групни пријави за заболени од грип/заболувања слични на грип, што е за 17,2% помалку во споредба со претходната недела.Најголем број од заболените се во Гостивар – 55, Неготино – 20 и Скопје – 15.Заклучно со 21 април, во земјава вакцинирани се вкупно 61.826 лица со бесплатна или комерцијална вакцина против грип.

Македонија | пред 2 години

Дон Кихот конечно го напушта оклопот: д-р Беќаровски заминува од Токсикологија

Доктор Нико Беќаровски од Токсикологија во објава на ФБ навести го напушта јавното здравство и дека ќе си замине од Клиниката за токсикологија.„35 години бев најголем борец за здрав јавен здравствен сектор. Дон Кохот, конечно, го напушта оклопот. Време е во некоја од приватните болници да се отвори одделение за детоксикација и клиничка токсикологија. Бројот на консументи на психоактивни супстанции секојдневно расте“, напиша Беќаровски.Ова се случува откако зовре состојбата на климиката и тој вчера на прес-конференција заедно со уште пет доктори од стручниот колегиум на токсикологија јавно ја прозваа економската директорка на Клиниката за токсикологија, Бесија Иљази, дека не дозволува вработување на двајца дипломирани биолози и еден болничар.Тие посочија дека тас саксла да се вработат осумнаесетмина на кои им истекле договорите за дело, меѓу нив и лица без соодветно образование.Беќаровски, откри шокантен податок дека болничар, вршел притисок врз лаборант, урина во која имало наркотици да биде сменета со урина која е чиста, но лаборантот не прифатил.За образованието на Иљази лекарите не знаат ништо, ниту за познавањето јазици – со оглед на тоа што македонскиот не го зборува, а Беќаровски се обидел да комуницира со неа на англиски јазик.Министерот за здравство, Илир Демири, најави разрешување на медицинскиот директор на Клиниката за токсикологија, д-р Данил Петровски, но не и на економската директорка бидејќи немал сознанија за прекршок.Директорката не говори македонски јазик, на работа доаѓа со нејзиниот татко.Деновиве таа излезе и на прес-конференција,но не даде одговор на македонски јазик, по што новинарите си заминаа.Граѓаните се револтирани и велат дека нема да има кој да ги лекува.,,Тешко на народот.Ќе не лечи Баба Рада на ТВ!Сите доктори што вредат заминаа”, реагираат граѓаните на социјалните мрежи.

Македонија | пред 2 години

Министерот за здравство ги обвини специјализантите за политичка мотивираност, а на Онкологија нема лекари и со часови се чека терапија

Денеска 400 приватни специјализанти ангажирани во Клиничкиот центар „Мајка Тереза“ не дојдоа на работните места во клиниките. Ревилторани се од нивниот нерешен статус и од изјавата на министерот за здравство Демири кој го поврза протестот со политиката.,, Ако бевме политички мотивирани до сега ќе бевме вработени, како што се случува деновиве на повеќе клиники каде без задршка во предизборие се примаат секакви кадри, а дури и се назначуваат нови економски директори со кои министерот се фотографира на Фејсбук”, велат специјализантите.,,Срамно е еден доктор да нема здравствено осигурување. Мислам дека нема ниедна политичка партија што треба да не мотивира за ние да си ги бараме основните човекови права кои ни се загарантирани со Устав.Јас лично немам ниедна книшка од политичка партија. Единствената книшка што ја имам дома е крводарителската на која што пишува „нулта позитив“. Штрајкот ќе го продолжиме додека не помине седницата на Влада и додека Министерството за здравство не излезе со официјално известување што е одлучено на таа седница, а после тоа ќе разговараме со колегите и ќе одлучиме што ќе правиме понатаму”, вели Христина Илиоска Чешлароска, приватен специјализант.Граѓани така ја изразија својата поддршка за соецијализантите, се жалат дека на Онкологија нема доволно доктори, глетката е страшна, полни чекални каде со часови се чека да се прими хемотерапија.,, На Онкологија е ужас, луѓето чекаат со часови за да дојдат до хемотерапија, а некои влегуваат преку ред. Дајте нека ги вработат овие луѓе, зошто да стојат тука, зошто да бидат невработени, да не им тече стаж како на сите нормални луѓе? Дајте да се направи барем нешто за овие млади луѓе да ни останат тука. Како да останат? Како и народов да остане тука кога ќе нема доктори, ќе нема ништо? Малку доктори има на Онкологија, но треба нови да се примат. До каде отидовме? Многу е жално ова што се случува во нашата држава. Два милиони народ не можеме да се организираме. Срамота е, 21 век е, светот до вештачка интелигенција дојде, возбуденаби револтирана вели ќерка на онколошка пациентка.

Македонија | пред 2 години

Министерство за здравство: Се осовременува календарот за имунизација со деветвалентна вакцина против ХПВ

Министерот за здравство, д-р Илир Демири, заменик министерката за здравство д-р Маја Манолева, националната координаторка за имунизација, проф. д-р Александра Грозданова, специјалната претставничка на СЗО во земјава, Ане Јохансен, претставничката на УНИЦЕФ во Северна Македонија, Патриција ДиЏовани и претставникот од УНФПА, денеска одржаа заедничка прес-конференција на која информираа за осовременување на календарот за имунизација со деветвалентна вакцина против ХПВ.Демири потенцираше дека покрај преминувањето од четиривалентна на деветвалентна, ХПВ вакцината ќе биде достапна и за момчињата.-Со ова, го следиме примерот на високоразвиените европските здравствени системи и обезбедуваме поголема заштита на младата популација од ХПВ вирусите. Деветвалентната ХПВ вакцина е од светски реномиран производител, МСД од Холандија и ги исполнува највисоките критериуми за квалитет, безбедност и ефикасност - ХПВ вакцината обезбедува долготрајна повеќегодишна заштита. Оваа вакцина штити од инфекции предизвикани од хуман папилома вирус и од развој на преканцерозни лезии, рече Демири.Грозданова истакна дека целта за вакцинирање на момчињата е двојна и дека со тоа се спречува момчињата да бидат трансмитери, односно да ја пренесуваат ХПВ инфекцијата, но и самите да бидат заштитени бидејќи и кај нив се развиваат ХПВ асоцирани болести.-Најчестите ХПВ асоцирани болести кај жените се цервикалниот карцином на грло на матка, кацином на вагина, вулва и анус, додека кај мажите тоа е ларциномот на пенисот, карцином на анусот и кај двата пола забележан е пораст на ортофаријангијалниот карцином. Со вакцинирање на возраст помеѓу 12 и 15 години се постигнува најдобар имунолошки одговор на организмот. Се вакцинираат и девојчиња и момчиња пред да бидат изложени на вирусот, истакна проф. Грозданова.Деветвалентните ХПВ вакцини ќе бидат достапни од следниот месец во сите вакцинални пунктови во државата.-По повод воведувањето на новата вакцина, искрени честитки за напредокот на државата кон остварувањето на долгорочните стратешки цели од „Агендата 2030“. Вклучувањето на момчињата во процесот на вакцинација, нè приближува сите до посакуваното зголемување на опфатноста со ХПВ вакцина во Северна Македонија од околу 90%. Воедно, голема, искрена благодарност и до новинарите, чија улога и помош во обликувањето на јавното мислење високо ја цениме. Ви благодариме што сте наши партнери на патот кон подобро здравје за сите, рече д--р Ане Јохансен, специјална претставничка на Светската здравствена организацијаСе проценува дека ХПВ-вакцината може да спречи 70% од случаите на цервикален карцином, 80% од анален карцином, 60% од вагинален карцином, 40% од вулварен карцином, и покажуваат повеќе од 90% успешност во спречувањето на ХПВ-позитивните орофарингеални карциноми. Во однос на заштитата веќе се достапни податоци за потврдена ефикасност од повеќе од 10 години на оваа деветвалентма вакцина.

Македонија | пред 2 години

Манолева на билатерални средби со министрите за здравство на Словенија и Црна Гора

Заменик министерката за здравство, д-р Маја Манолева оствари билатерални средби со министерката за здравство на Република Словенија, Валентина Преволник Рупељ и д-р Шимон Војислав, министер за здравство на Република Црна Гора, на маргините на десеттиот состанок на високо ниво на Иницијативата за мали земји на СЗО/Европа, кој се одржува во Лимасол, Кипар.На билатералните средби се разговараше за предизвиците со кои се соочуваат земјите во здравствениот сектор, можностите за обезбедување финансиска одржливост на здравствените системи, зајакнување на превенцијата на болести, како и за продолжување на соработката, посебно во делот на едукација и професионализација на сестрите и акушерките.

Македонија | пред 2 години

Манолева: Република Македонија едногласно прифатена како 12-та членка на Иницијативата за мали земји на СЗО/Европа

Заменик министерката за здравство, д-р Маја Манолева денеска се обрати на 10-от Состанок на високо ниво на Иницијативата за мали земји на СЗО/Европа кој се одржува во Лимасол, Кипар.Таа потенцираше дека пристапувањето кон Европската Унија е главен двигател на земјата, која полека, но стабилно прави чекори во усвојувањето на реформите на ЕУ.„Република Северна Македонија е цврста во својата посветеност на заедничките напори на Иницијативата за мали земји при СЗО во европскиот регион. Со здружување на силите со нашите ценети партнери, имаме за цел да ја искористиме споделената експертиза и ресурси за да го зајакнеме нашиот капацитет за промоција на здравјето, превенција на болести и испорака на квалитетна здравствена заштита. Уверена сум дека приклучувањето на Република Северна Македонија во Иницијативата за мали земји на СЗО/Европа не само што ќе ги унапреди напорите за здравствена заштита на нашата нација, туку и ќе поттикне колективен стремеж кон постигнување на универзална здравствена заштита и подобри здравствени резултати за сите“, истакна Манолева.На денешниот состанок со 11 министри на земјите членки на Иницијативата за мали земји на СЗО/Европа, Република Северна Македонија беше едногласно прифатена како 12-та членка на оваа Платформа.

Македонија | пред 2 години

Нема фотографија

Министерството им врати на специјализантите кои ќе протестираат: Секогаш се залагаме за подобрување на условите за работа на сите здравствени работници, вклучително и на приватните специјализанти

Министерството за здравство секогаш ќе се залага за подобрување на условите за работа на сите здравствени работници, вклучително и на приватните специјализанти кои се важни во здравствениот систем.Ве информираме дека по средбата со нив, е изготвен извештај и доставен на Влада, кадешто на некоја од седниците ќе дојде на разгледување со цел да се видат нивните барања и можните решенија во овој предизборен период.Во 2018 година, приватните специјализанти за првпат беа препознаени во јавното здравство и платени за својата работа. Ставот на Министерството е позитивен, со цел да им се излезе во пресрет на приватните специјализанти.Во изминативе години платите на здравствените работници се покачија неколку пати и им се подобрија условите за работа. Со истиот пристап ќе им се помогне и на приватните специјализанти.

Македонија | пред 2 години

Поради дефект на еден од компресорите два дена одложен беше елективниот програм, а не итните случаи, проблемот е саниран

Министерството за здравство информира дека поради дефект на еден од компресорите во тек на два дена беше одложен елективниот програм, а не итните случаи за операција на пациенти. Не е точна информацијата за наводен колапс на Клинички центар.Се работи за дефект на еден од компресорите поради што многу инструменти зависат од притисок кој го генерираат пумпите, затоа во тек на два дена елективниот програм, а не итните случаи беа одложени. Проблемот е саниран, а со кислородот немало никаков дефект. Во вторникот е реализирана средба со директорите на Градската општа болница „8 Септември“, ТОАРИЛУЦ, Клиниката за дигестивна хирургија, КАРИЛ кадешто е постигнато усогласување и во тек е усвојување план како ќе се одвива кохортацијата на пациенти кога ќе почне реновирањето на КАРИЛ.Компресорската станица требала да биде променета уште пред 3 години. Во тек се активности на министерот за здравство за проверка на сите компресорски станици во Клинички центар и брзо ќе се пристапи кон промена на сите компресори кои се дотраени.Апелираме јавноста да се информира исклучиво од Министерството за здравство, а информациите да не се злоупотребуваат од политичките партии со цел собирање на политички поени.

Македонија | пред 2 години

Нема фотографија

Приватните специјализанти најавија штрајк од 15 април

,,И покрај одржаниот протест на приватните специјализанти , на ден 27.03.2024 и остварената средба со Министерот за Здравство д-р Илир Демири, одржана на 02.04.2024 сеуште не се исполнети нашите барања. На средбата со Министерот за Здравство, од негова страна ни беше ветено дека нашите барања ќе бидат изнесени на следната седница на Влада. После остварената средба со Министерот се одржани две седници на Влада и тоа на ден 03.04 и 09.04.2024, на кои според јавно достапните информации на Влада, во ни една од нив не е разговарано за нашите барања.Поради тоа ние, приватните специјализанти сме приморани да го направиме следниот чекор , а тоа е пристапување кон ГЕНЕРАЛЕН ШТРАЈК од 15 Април, кој ќе трае се до исполнување на нашите барања.”, известија приватните специјализанти.

Македонија | пред 2 години

Демири: Го зајакнуваме здравствениот систем, вложуваме во нови лекови, инфраструктура, опрема и се грижиме за медицинскиот персонал

Министерот за здравство д-р Илир Демири истакнува дека откако стапил на функцијата министер за здравство посветено се работи на зајакнување на здравствениот систем.„Република Северна Македонија е прва земја од Западен Балкан што официјално го усвои Националниот акциски план за здравствена безбедност, во соработка со Светската здравствена организација, што е важен чекор напред во зајакнување на нашата посветеност за заштита на здравјето и благосостојбата на нашите граѓани. Фокусирани сме на зајакнување на превенцијата и раното откривање на заболувањата.Минатата година се воведоа шест нови лекови за ретки болести и пациентите со цистична фиброза за првпат примија лек. Инвестираме во нова медицинска опрема, со што двојно е зголемен буџетот за оваа намена, а исто така ги подобруваме и условите во јавно здравствените установи преку реконструкции. Продолжуваме посветено да работиме и во следниот период, со цел унапредување на условите за работа на здравствените работници во јавното здравство, како и во интерес на сите пациенти во државата. Нека ни е честит Светскиот ден на здравјето!“ истакнува Демири.

Македонија | пред 2 години

Манолева: Министерството за здравство посветено работи на реализација на приоритетите во здравството

,,Светскиот ден на здравјето–7 април традиционално претставува можност да зборуваме за предизвиците во здравството, да ги сублимираме реализираните инвестиции во здравствениот систем, како и заеднички да ги разгледаме аспектите на идниот развој на здравството во нашата држава.Во оваа прилика сакам да упатам благодарност до Македонското лекарско друштво за поканата заеднички да го одбележиме Светскиот ден на здравјето.Изминатиот период Министерството за здравство посветено работи на реализација на приоритетите во здравството, нови инвестиции во медицинска опрема, подобрување на инфраструктурните услови во јавните здравствени установи, а паралелно и за зајакнување и доусовршување на кадарот, што претставува еден од столбовите на секој здравствен систем.Со задоволство можам да кажам дека Република Северна Македонија е прва земја од Западен Балкан што официјално го усвои Националниот акциски план за здравствена безбедност, во соработка со СЗО, што е важен чекор напред во зајакнување на нашата посветеност за заштита на здравјето и благосостојбата на нашите граѓани.Во насока на продолжување на успешната соработка со Светската здравствена организација, вчера беше потпишан и двогодишниот договор за соработка меѓу Министерството за здравство и СЗО за 2024 – 2025 година.Посебно сме фокусирани на зајакнување на превенцијата и рано откривање на заболувањата - тука би го споменала успешното спроведување на скрининзите за рано откривање карцином на дојка и на грло на матка. Во рамки на Програмата за рана детекција и скрининг на малигни заболувања од годинава почнуваме и со активности за организирана скрининг колоноскопија, со идентификување на пациентите со просечен ризик за колоректален карцином на возраст од 50 до 75 години.Исто така, организираме бесплатен скрининг за две илјади пациенти во ризик од хронично бубрежно заболување.Како што знаете, актуелен предизвик со кој се соочуваме е зголемување на опфатот со вакцинација и за таа цел заедно со фелата, деновиве потпишавме заедничка Декларација за поддршка на вакцинацијата, со цел зајакнување на институционалната поддршка на процесот на вакцинација и континуирано спроведување заеднички активности за нејзина промоција.Во оваа прилика сакам да истакнам и други новини од областа на здравствената заштита, реализирани во претходниот период – минатата година се воведени шест нови лекови за ретки болести, а годинава се воведуваат уште четири нови лека.Само за споредба, во 2009 година буџетот за ретките болести изнесувал околу 25 милиони денари, а денеска изнесува 950 милиони денари. Ова е показател за посветеното вложување во третманот и лекувањето на ретките болести.Само во сегментот на нова медицинска опрема, изминатиот период е иницирано двојно зголемување на буџетот за набавка на опрема од 2,6 на 5 милиони евра.Во делот на инфраструктурни вложувања, сакам да потсетам дека веќе е потпишан договор за формирање нов Ургентен интернистички центар на Универзитетската клиника за токсикологија.Меѓу позначајните инвестиции изминатата година се и отворањето нов дијагностички центар на Клиниката за пулмологија, реновирана хируршка сала на Универзитетската клиника за ортопедски болести, отворен оддел за онкологија и реновиран одделот за радиологија во тетовската болница, а за потсетување пуштена е во употреба и комплетно нова поликлиника во Сарај.Во делот на дигитализација на здравствените услуги, успешно е имплементирана и се користи мобилната апликација „Мое здравје“, веб платформата „Е-здравство, како и можноста за електронско поднесување барање за електронски извод од матична книга на родените.Како што споменав, ова се само дел од бројните инвестиции кои се реализирани во здравствениот сектор изминатиот период. Продолжуваме посветено да работиме и во следниот период, со цел унапредување на условите за работа на здравствените работници во јавното здравство, како и во интерес на сите пациенти во државата.На крај, уште еднаш сакам да упатам благодарност до Македонското лекарско друштво и канцеларијата на Светската здравствена организација во Скопје, со кои заеднички, традиционално го одбележуваме овој ден.”, изјави заменик министерката за здравство, д-р Маја Манолева.

Македонија | пред 2 години

Во Скопје се стабилизира состојбата со голема кашлица, во другите градови бројот на заболени се зголемува

Комисијата за заштита од заразни болести денеска одлучи да не препорача нови мерки за сузбивање на големата кашлица, остануваат истите препораки кои важат за целата држава.И натаму во градинка можат да престијуваст само деца со примени три дози од ДиTеПер вакцината. Останува и условот ревакцината да биде примена во рок од шест месеци.„Центрите за јавно здравје ја следат епидемиолошката состојба и доколку има значаен пораст, самите центри пријавуваат епидемија за регионот што го контролираат”, велат од Министерство за здравство.Во Скопје, состојбата полека се стабилизира, а бројот на регистирани со пертусис надмина 300. Загрижува податокот што во последните денови најголем број регистрирани се бебиња.Внимателно се следи состојбата со голема кашлица во Куманово, каде има зголемување на пријавени заболени.Центарот за јавно здравје во Куманово прогласи епидемија на пертусис со регистрирани 23 случаи кои се на возраст од 4 месеци до 60 години.Надлежните препорачуваат и апелираат на масовна вакцинација.

Македонија | пред 2 години

Манолева: Кумановската болница се залага за инвестиции во човечки капитал

Заменик министерката за здравство д-р Маја Манолева денеска беше во посета на Општата болница во Куманово кадешто во изминатите неколку години реализирани се бројни активности за унапредување на квалитетот на работа на установата преку инвестирање во трите столбови - инфраструктура, медицинска опремна и кадровски потенцијал.„Со поддршка од Министерството за здравство изграден е и пуштен во употреба нов Хируршки ургентен центар, граѓаните секојдневно добиваат здравствени услуги од областа на хирургија, ортопедија, анестезија и радиодијагностика. Со наша соработка изградена и пуштена во употреба е котлара на гас со што затоплувањето на установата е решено целосно со гас и со тоа е намалено загадувањето“, рече Манолева.Оваа установа, исто така годиниве е зајакната со нов современ рентген апарат, нов современ мамоград, ендоскопски столб, најсовремен 128 слајден компјутерски томограф и ехотомографски апарат.Од сопствени средства на болницата набавена е нова опрема за патолошка лабораторија и целосно е обновена апаратурата на одделот за физикална медицина.Кумановската болница важи за установа која силно се залага за инвестиции во човечкиот капитал. За неколку години реализирани се вработувања на 199 лица, а за седум години упатени се 35 доктори на специјализација во различни области.

Македонија | пред 2 години

Демири: Потпишан двогодишниот договор за соработка со СЗО

Министерството за здравство, д-р Илир Демири, заедно со д-р Ханс Клуге, регионален директор на СЗО за Европа денеска го потпишаа двогодишниот договор за соработка меѓу Министерството за здравство и Светската здравствена организација за периодот 2024 – 2025 година.Министерот Демири потенцираше дека СЗО е постојан партнер на Министерството во заложбите за унапредување на капацитетите на нашиот здравствен систем.Показател за нашата континуирана и успешна соработка се бројните проекти реализирани со поддршка на СЗО во јавните здравствени установи низ државата. Во оваа прилика би сакал да изразам искрена благодарност до регионалниот директор на СЗО, д-р Ханс Клуге, за континуираната поддршка во насока на зајакнување на здравствениот систем во Северна Македонија, како и за постојаната поддршка од канцеларијата на СЗО во Скопје во спроведување бројни активности, рече Демири.Во своето излагање, министерот посочи дека Северна Македонија е земја со аспирации кон Европската унија, и токму затоа се стремиме кон исполнување на сите обврски коишто произлегуваат од процесот на пристап кон ЕУ, како и исполнувањето на глобалните и регионални обврски, посебно на целите за одржлив развој на Обединетите нации, европската програма на СЗО за здравје 2021 – 2025 и патоказот за Западен Балкан.Во своето излагање, регионалниот директор на СЗО за Европа, д-р Ханс Клуге, честитајќи му на министерот за одличната соработка досега, изрази решеност за за продолжување на соработката и во иднина.„Презедовме низа активности за да ги зајакнеме управувачките функции на Министерството за здравство. Многу сум горд на тие активности, бидејќи се од заеднички интерес. Ви се заблагодарувам за поддршката при успешното спроведување на здравствените политики на одржлив начин, Северна Македонија е пример за целиот регион на Западен Балкан.“Министерот Демири истакна: „Во изминатиот месец откако сум назначен на позицијата министер за здравство, еден од моите главни приоритети е токму одржувањето континуитет во спроведувањето на овие активности“.Потпишувајќи го двогодишниот договор за соработка, министерот Демири и регионалниот директор Клуге, се заблагодарија за успешната работа и на колегите од СЗО во Скопје, предводени од д-р Ане Јохансен, специјална претставничка на СЗО за Северна Македонија.

Македонија | пред 2 години

Нема фотографија

Демири и Манолева: Болницата Св.Еразмо во Охрид пример за установа која вложува во нова опрема и зајакнување на кадарот

Министерот за здравство, д-р Илир Демири заедно со заменик министерката, д-р Маја Манолева денеска ја посетија Специјализираната болница за ортопедија и трауматологија „Св.Еразмо“ во Охрид, каде изминатите неколку години се реализирани бројни инвестиции во нова медицинска опрема, инфраструктурни проекти, како и континуирано зајакнување на кадарот.Една од најзначајните инвестиции во нова опрема е апаратот за магнетна резонанца во вредност од 1.2 милион евра, обезбеден со поддршка од Европската унија. Исто така, преку ИПА проектот набавени се повеќе апарати во вредност од 150.000 евра и тоа: апарат за артроскопија, ЕЕГ-ЕМГ апарат, ЕХО апарат стационарен и мобилен, пациент монитори, како и апарати за физикална терапија. Покрај вложувањето во нова опрема во насока на унапредување на квалитетот на здравствената заштита, оваа установа е пример и за континуирано зајакнување на кадарот. Само во изминатите неколку години се реализирани вкупно 73 нови вработувања, потенцираше министерот Демири по средбата со раководството на Специјализираната болница за ортопедија и трауматологија „Св.Еразмо“.Заменик министерката д-р Манолева истакна дека во установата е реализирана и реконструкција на постојниот базен за физикална терапија во вредност од 125.000 евра, како и доопремување со хидрауличен лифт, кади за физикална терапија и апарат за крио терапија во вредност од околу 40.000 евра.Овие проекти се реализирани со поддршка од Центарот за Југозападен плански регион, Швајцарската Амбасада и Министерството за локална самоуправа. Во Специјализираната болница за ортопедија и трауматологија „Св.Еразмо“ во Охрид се вработени вкупно 221 лице, а во моментот девет доктори се на специјализација. Во болницата се реализираат над 1.600 хируршки интервенции и над 65.000 амбулантски прегледи на годишно ниво, рече Манолева.

Македонија | пред 2 години

Нема фотографија

Демири и Манолева: Здравствениот дом Охрид со реновирана Служба за вакцинации и две нови амбулантни возила

Министерот за здравство д-р Илир Демири и заменик министерката д-р Маја Манолева, денеска се во работна посета на Охрид, каде што ги посетуваат Здравствениот Дом во Охрид и Специјализираната болница за ортопедија и трауматологија „Св.Еразмо“–Охрид.Во изминатиот период, Здравствениот дом значително ги унапреди условите со реновирање на просториите во Службата за вакцинации, како и зголемување на нивото на здравствена заштита, рече министерот Демири.Со обнова на опремата за лабораторија и медицинска апаратура се прошири делокругот на анализи кои сега се вршат во зздравствената установа.Како што ме информираше директорката, набавени се две амбулантни возила за Итната медицинска помош од сопствени средства, со што се изврши обнова на возниот парк, поефикасно, побрзо и навремено реализирање на здравствените услуги за пациентите, изјави заменичката Манолева.Со цел подостоинствени услови за пациентите и вработените, потпишан е договор за поправки, санација на објектот „Маларична“ со примена на дограма, фасада, кров и партерно уредување. Исто така, спровена е постапка за санација на објектот амбуланта Белчишта во вредност од 7.665.280.00 денари од сопствени средства.

Македонија | пред 2 години

Демири и Д-р Димитров: Продолжување на работниот однос на докторите кои имаат навршено 64 години - младите лекари учат од експерти со докажано искуство

Министерот за здравство д-р Илир Демири денеска оствари средба со претседателот на Македонското лекарско друштво проф. д-р Горан Димитров на којашто разговараа за продолжување на работниот однос на докторите кои имаат навршено 64 години и кои учествуваат во едукација на младите кадри на сите медицински факултети во земјава.Со оваа иницијатива и прифаќањето на оваа одлука ќе се овозможи континуирана продукција на нови и млади кадри коишто ќе допринесат за зајакнување на здравствениот систем. Младите здравствени работници ќе учат од експерти докажани во својата област по соодветните специјалности со долгогодишно искуство и успех зад себе.

Македонија | пред 2 години

(Видео) Глушец снимен како шета на Клиника: Направете место, доаѓа главниот доктор. Кардиологија ве поздравува

Пациент сними како стаорец шета низ ходниците на Кардиологија. Снимката стана вирална веќе два дена, а под неа има разноразни коментари. Дел се критики затоа што станува збор за здравствена установа, а други се исмејување на состојбите во Македонија.„Направете место, доаѓа главниот доктор. Кардиологија ве поздравува“, пишува во еден од коментарите. Друг пак, додава: „Не го закачајте има повеќе предавања ислушано од партиските вработени“.

Македонија | пред 2 години