Пад на цената на нафтата по надежи за мировни разговори

Цената на нафтата бележи благ пад и повторно се спушти под 100 долари за барел, во услови на зголемени очекувања за обновување на мировните преговори меѓу САД и Иран.

— реклама —

Според податоците на меѓународните пазари, барел сурова нафта тип „Брент“ моментално се тргува околу 98,50 долари, откако претходно достигна над 103 долари поради најавите за американска блокада на клучната рута низ Ормушкиот теснец.

— реклама —

— реклама —

Во текот на ноќта цената накратко падна и на 96,60 долари, што аналитичарите го поврзуваат со обновените надежи за дипломатско приближување и можен напредок во преговорите. Дополнителен фактор е и привременото одржување на двонеделното примирје.

— реклама —

И покрај падот, цените на нафтата остануваат значително повисоки во однос на периодот пред ескалацијата на конфликтот, кога барел „Брент“ се движеше околу 72 долари, што и понатаму создава притисок врз трошоците за живот на глобално ниво.