Папата Лав за време на летот од Рим кон Париз ја истакна важноста на слободата на медиумите, откако беше прашан за одлуката на американскиот претседател Доналд Трамп да им го ограничи пристапот до Белата куќа на новинари од CNN и други медиуми.
Папата, кој е роден во САД, не го спомена директно Трамп, но нагласи дека новинарите мора да имаат можност слободно да ја вршат својата работа.
„Драго ми е што сите сте добредојдени овде. Сметам дека е исклучително важно на сите да им биде овозможено да известуваат, и тоа целосно“, им рече папата на новинарите во авионот.
Во меѓувреме, Белата куќа соопшти дека повторно ќе им ги врати акредитациите на новинарите од CNN, MS Now и Politico. Одлуката уследи откако федерален судија оцени дека забраната веројатно била спротивна на Уставот.
Папата Лав претходно со своите ставови за војната во Иран предизвика критики од американскиот претседател.
