Песков ги демантира тврдењата за тајна кинеска обука на руски војници

Кремљ ги отфрли како „лажни вести“ тврдењата објавени од Ројтерс дека кинеската војска тајно обучувала околу 200 руски војници, од кои дел подоцна биле испратени на фронтот во Украина.

— реклама —

Според Ројтерс, кој се повикува на руско-кинески договор од јули 2025 година, руските војници требало да поминат обука во воени објекти во Пекинг и во градот Нанџинг, додека договорот предвидувал и обука на кинески војници во Русија.

— реклама —

Портпаролот на Кремљ, Дмитриј Песков, реагираше на извештајот со оценка дека западните медиуми објавуваат голем број лажни информации.

„Медиумите во Европа и САД објавуваат многу лажни информации. Тоа е проблем со кој се соочуваме и таквите вести треба да се земаат со резерва“, изјави Песков.

— реклама —

Во меѓувреме, Кина и натаму тврди дека има неутрален став кон војната во Украина и се претставува како можен мировен посредник.

— реклама —

Кинескиот претседател Си Џинпинг и рускиот лидер Владимир Путин неделава во Кина разговараа и за мировните напори поврзани со конфликтот во Украина.