Песков: Изјавите на новиот командант на украинската армија се неприфатливи

Портпаролот на Кремљ, Дмитриј Песков, денеска остро ги осуди изјавите на новиот главнокомандувач на украинската армија, Михаило Драпати, оценувајќи ги како „монструозни“, пренесува руската државна агенција „Спутник“.

— реклама —

Според Песков, изјавите на Драпати покажуваат дека тој е, како што рече, „нацист“ и дека луѓето со такви ставови нема да дозволат претставниците на украинските власти да дојдат до мирно решение на конфликтот.

— реклама —

„Што се однесува до Драпати, неговата изјава е монструозна. Тоа, пред сè, покажува дека е нацист. А потоа покажува дека тој и луѓето слични на него нема да дозволат кој било од режимот во Киев да постигне мирно решение“, изјави Песков.

— реклама —

Тој додаде дека, според него, ваквите изјави ја потврдуваат исправноста на, како што Русија ја нарекува, „специјалната воена операција“ и изрази уверување дека Драпати ќе одговара за своите зборови.

— реклама —

Според „Спутник“, Драпати изјавил дека Русите се „нација која нема право на постоење“, а за жителите на Донбас рекол дека не се свесно население, туку луѓе кои не сакаат да работат и очекуваат сè да добијат бесплатно.