Пет активни пожари во Македонија – гори шума кај Струга, Македонски Брод и Крива Паланка

Центарот за управување со кризи информира дека до 13:00 часот на 9 септември 2026 година се регистрирани вкупно 12 пожари на отворен простор. Од нив, пет се активни, четири се под контрола, а три се изгаснати.

— реклама —

Активни се пожарите во општина Струга, на потегот Буринец–Локов–Селце–Елевци, каде што гори нискостеблеста шума; во општина Македонски Брод, кај Белица, на местото Кајорец кон Брезница, во близина на репетиторот, каде што гори нискостеблеста и мешана шума; како и во општина Чучер-Сандево, во месноста Рамно кај Брест, каде што е зафатена мешана шума.

— реклама —

Активни се и пожарите во општина Крива Паланка, во селото Осиче, на местото Рамни Камен, каде што гори борова шума, како и во општина Гостивар, кај Печково, каде што е зафатена ниска вегетација и нискостеблести растенија.

— реклама —

Под контрола се пожарите кај селото Бенче во општина Македонски Брод, во општина Кичево, кај Тајмиште и месноста Дарда, во селото Копаница во општина Сарај и во општина Ѓорче Петров, кај Грачани и Никиштани.

— реклама —

Во текот на денот се изгаснати три пожари – над Кнежино во општина Кичево, над Стиник во општина Ново Село и во Бардовци, општина Карпош, каде што горело ѓубре.