Петмина скијачи загинаа во лавини во Австрија

Пет скијачи го загубија животот во лавини што вчера се активираа во Австрија, во поширокиот регион на Салцбург. Најтешкиот инцидент се случил во Гаштајн, каде што во лавина загинале четворица скијачи, а уште две лица се здобиле со тешки повреди.

— реклама —

— реклама —

Во спасувачката акција биле вклучени четири хеликоптери, кои учествувале во пребарувањето и евакуацијата на настраданите, јавува агенцијата Ројтерс.

— реклама —

Претходно во текот на истиот ден, уште еден скијач загинал во лавина во блискиот скијачки центар Бад Хофгаштајн, со што бројот на жртвите се искачи на пет. Надлежните служби предупредуваат на зголемена опасност од лавини поради нестабилните снежни услови во алпските предели.