Пленковиќ: Долготрајниот конфликт на Блискиот Исток може да има сериозни последици

Хрватската влада на денешната седница донесе одлука за обезбедување организирано враќање на хрватските државјани од подрачјата на Блискиот Исток загрозени од војна. Премиерот Андреј Пленковиќ соопшти дека сите хрватски државјани кои тоа го посакале веќе биле евакуирани од Иран, Израел и Јордан, јавува HRT.

— реклама —

Долготрајниот конфликт на Блискиот Исток може да има сериозни хуманитарни и безбедносни последици, вклучувајќи можност за нови бегалски бранови“, нагласи Пленковиќ.

— реклама —

Како дополнителен проблем, тој посочи можност за затворање на Ормутскиот теснец, една од клучните светски поморски рути за енергенти.

Во случај на долготрајно затворање на Ормутскиот теснец тоа би можело да резултира со нагло зголемување на цените на нафтата и гасот, како и со нови инфлаторни притисоци на глобално ниво“, рече Пленковиќ.

— реклама —

Премиерот нагласи дека Владата е подготвена да одговори на можниот пораст на цените.

Владата ќе знае како да одговори на евентуалниот пораст на цените на енергенсите поради оваа криза. За тоа темелно разговаравме вчера при подготовка на денешната седница. Имаме, за жал, големо искуство од пред неколку години и јасно велам дека сме подготвени да донесуваме акти со кои ќе се ограничат цените на енергенсите ако биде потребно, како и да воведеме други мерки кои веќе помогнаа и кои би помогнале и во иднина на нашите граѓани и на економијата“, рече Пленковиќ.