Државниот просветен инспекторат е институцијата надлежна за надзор и контрола над работата на образовните установи, одговорија од Министерството за образование и наука на прашањата на „Скопје1“ поврзани со наводите на д-р Дарко Василевски за постапката за вработување на Медицинскиот факултет во Скопје.
„Скопје1“ побара од Министерството да одговори дали е запознаено со отвореното писмо на Василевски, дали има надлежност да ја испита законитоста на постапката, дали ќе побара документација од Медицинскиот факултет и УКИМ и кој орган може да утврди дали изборот бил направен според однапред утврдени и објективни критериуми.
Од МОН кусо одговорија:
„Државниот просветен инспекторат е надлежен за надзори и контроли над работата на образовните установи. Доколку било кој граѓанин смета дека му е повредено одредено право во областа, може да се поднесе претставка до инспекторатот и соодветно ќе биде постапено“, велат од Министерството за образование и наука.
Прашањата следуваа откако д-р Дарко Василевски јавно изнесе сомнежи за начинот на кој била спроведена селекцијата по јавниот оглас бр. 01/2026 за вработување двајца доктори по медицина на неопределено време во Институтот за медицинска и експериментална физиологија со антропологија при Медицинскиот факултет.
Како што претходно објави „Скопје1“, Василевски тврди дека неговата возраст била споменувана во повеќе постапки за вработување. За интервјуто од 2022 година тој тврди дека, откако најпрво бил пофален за неговата работа, од член на комисијата му било пренесено дека ставот на катедрата е дека е „стар, не му е местото тука и не може академски да напредува“.
За последниот оглас од 2026 година, пак, Василевски тврди дека член на комисијата директно ја споменал неговата година на раѓање со зборовите: „Ти си 80-то годиште“.
Документите што ги достави до „Скопје1“ покажуваат дека Медицинскиот факултет го известил дека за двете работни места се избрани Слободан Доксимовски и Дарко Серафимовски. Во доставеното известување не се наведува образложение за изборот. Василевски потоа побарал број на одлука или решение со правна поука за да може да ги оствари понатамошните законски права.
Василевски најави и штрајк со глад како крајна форма на протест, барајќи, како што вели, еднакви можности, јасни критериуми и транспарентна постапка за избор.
„Скопје1“, покрај до Министерството за образование и наука, испрати прашања и до Ректоратот на Универзитетот „Св. Кирил и Методиј“ и до Министерството за здравство, со кое раководи Сашо Клековски.
Од овие две институции до објавувањето на текстот сè уште нема одговор. Доколку пристигнат, „Скопје1“ ќе ги објави во целост.
Лекар започнува штрајк со глад, обвинува за дискриминација откако трипати бил одбиван на оглас: Солиден специјализант си, но стар си
„Стар си, не ти е местото тука и не можеш академски да напредуваш“ – д-р Дарко Василевски тврди дека ваква порака добил уште во 2022 година, кога конкурирал за работно место на Медицинскиот факултет во Скопје. Четири години подоцна, на нов оглас за истото работно место, вели дека на интервју повторно му била спомената возраста со зборовите: „Ти си 80-то годиште“.Василевски, лекар и приватен специјализант, јавно реагираше на последниот оглас за вработување двајца доктори по медицина на неопределе
Македонија | пред 2 дена
