Министерството за внатрешни работи за „Скопје1“ вели дека интензивно работи на расчистување на случајот со семејното насилство што јавно го објави физиотерапевтката Меланија Цветковска од Куманово, која побара итна помош од институциите, тврдејќи дека со години живее во страв поради однесувањето на нејзиниот татко. Меланија реагираше јавно, бидејќи стравува дека наскоро тој ќе биде пуштен дома.
„Ве информираме дека Секторот за внатрешни работи Куманово е запознаен со случајот и интензивно се работи за расчистување на истиот. По консултација со Основното јавно обвинителство и други надлежни институции ќе бидат преземени конкретни мерки против П.Ц. од Куманово“, соопштија кусо од МВР како одговор на нашите прашања.
Цветковска претходно преку видео-обраќање на социјалните мрежи побара институционална заштита, наведувајќи дека таа, нејзината мајка, баба и братот со церебрална парализа живеат со лице кое, според неа, е зависно од алкохол, има психијатриски дијагнози и со години им се заканува.
„Видеото е снимено вчера и до денес сеуште нема одговор од ниту една институција. После 48h тој ќе биде пуштен дома утре а ние не сме на безбедно. Само сакаме да бидеме слушнати и да помогнеме вакви личности кои не се свесни дека имаат сериозни проблеми, а во исто време сериозно наштетуваат на свои блиски, да бидат сместени во соодветни институции и сите да бидат на безбедно“, напиша Цветковска.
Таа тврдеше дека нејзиниот татко повеќепати бил хоспитализиран во психијатриски установи, но дека семејството повторно останало без институционална заштита, и апелираше да се преземат мерки пред да се случи трагедија.
„Скопје1“ очекува и одговори на прашањата, како постапила полицијата по пријавата, дали случајот бил консултиран со јавен обвинител, зошто лицето не било задржано и колку претходно било пријавувано односно како било постапено.
(Видео) „Секој ден живееме во страв дека ќе нѐ убие“ – девојка јавно побара помош од институциите за алкохолизираниот татко кој им се заканува
Физиотерапевтката Меланија Цветковска од Куманово јавно побара помош од институциите, тврдејќи дека со години живее во страв поради семејно насилство од нејзиниот татко, кој, како што наведува, е постојано под дејство на алкохол и има дијагностицирани ментални растројства.Во видео-обраќање на социјалните мрежи, таа вели дека не бара сожалување, туку итна реакција од надлежните институции.„Денеска се обраќам како жртва на семејно насилство и како некој што бара ужасно многу помош од институциите.
Македонија | пред 5 часа
