Полицијата заплени кокаин, амфетамин и марихуана во одделни случаи во повеќе градови

ОВР Прилеп поднесе кривична пријава против Д.К. (40) од Прилеп поради сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.

— реклама —

Според информациите од Министерството за внатрешни работи, полициски службеници го затекнале пријавениот во патничко возило „Пежо“ на улицата „Браќа Миладиновци“ во Прилеп. При преглед на возилото биле пронајдени и одземени кокаин и амфетамин.

— реклама —

По документирањето на случајот, против него е поднесена соодветна кривична пријава.

— реклама —

Во одделен случај, на 31 мај 2026 година во 19:45 часот во селото Долно Палчиште, полициски службеници од СВР Тетово го лишиле од слобода Е.С. (21) од Боговиње.

Како што соопшти МВР, откако ги забележал полициските службеници, тој фрлил кесичка со марихуана, која подоцна била пронајдена и одземена. Лицето е задржано во полициска станица, а по целосното документирање на случајот ќе следува соодветен поднесок.